Ervin Salianji

ervin-salianji.jpg
G. P.15:44 | 03/06/2019

Ish-deputeti i Partisë Demokratike Ervin Salianji ka vizituar sot familjet e prekura nga tërmeti në Korçë. Nga çadrat, Salianji ka deklaruar se prej tre ditësh, familjet po jetojnë në kushte të vështira dhe qeveria duhet të shpallë gjendjen e jashtëzakonshme.

“Paguajnë taksa gjatë gjithë kohës shtetit dhe kërkojnë që shteti sot të shpallë gjendjen e jashtëzakonshme dhe t’u rindërtojë shtëpitë, e t’i dëmshpërblejë që të bëjnë shtëpitë ose këtu në Floq ose poshtë nëse është zonë me rrezikshmëri të lartë.

Ne kërkojmë shpalljen e gjendjes së jashtëzakonshme. Qeveria është me njerëzit vetëm kur kanë nevojë, jo kur ka vota. Kjo është një tallje. Të ngresh këtu kasollet e bagëtive i keni më mirë. Si mund të jetohet këtu. Kjo është një qeveri që nuk i interesojnë njerëzit. Ja ku i ka futu”, tha Salianji./ABC News Albania 24/7

ervin-saliani.jpg
G. P.12:01 | 12/05/2019

Në një prononcim për kamerën e ABC News, Ervin Salianji deklaroi se që nga mbrëmja e së shtunës e deri më tani janë arrestuar dhe shoqëruar rreth 100 persona. Mes tyre sipas, Salianjit kishte edhe të mitur. Ish-deputeti i PD-së foli nga protesta para Drejtorisë së Policisë së Tiranës që po zhvillohet në këto momente,

“Deri tani nëpërmjet mbrojtësve ligjorë që kemi dërguar gjatë natës së djeshme dhe mëngjesit kanë qenë rreth 100 persona të shoqëruar apo të arrestuar. Janë liruar mbi 30 në dijeninë time për shkak të mos pasjes së asnjë lloj prove, përfshirë edhe të mitur, të cilët janë shoqëruar padrejtësisht nga Policia e shtetit. Për të gjithë të arrestuarit dhe shoqëruarit që do kërkohet masa e arrestit në gjykatë nuk ka asnjë provë. Pra është shteti i parë në botë që të arreston dhe pastaj kërkon prova. Për këtë arsye ne jemi sot në mbështetje të tyre dhe kërkojmë lirimin e tyre pasi nuk ka asnjë vepër penale që të kenë kryer”, tha Salianji.

Ndër të tjera, Salianji theksoi se akti i arrestimit të sekretarit organizativ të PD-së, Sahit Dollapi ka qenë jo i ligjshëm dhe i paarsyeshëm. Ai i bëri thirrje prokurorisë që të hetojnë rastet e dhunës ndaj protestuesve. Gjithashtu ish-deputeti deklaroi se për shkak të menaxhimit të mirë të protestës nga ana e opozitës bëri që dje të mos kishte një përplasje përtej limiteve.

“Policia nuk ka si të ketë justifikim në një situatë ku duket qartazi dhuna ndaj një përfaqësuesi politik të PD-së, i identifikuar si i tillë sepse u prezantua si përfaqësues politik, për më tepër dhuna ndaj çdo qytetari në çdo rast ku ka kapërcim të situatës, policia është më e përmbajtur, më e trajnuar, është në shërbim të Kushtetutës dhe ligjit. Vetë lirimi i tij tregon që akti ka qenë jo proporcional, ka qenë kafshëror, përtej limiteve ligjore dhe kushtetuese dhe përtej limiteve të arsyes. I bëj thirrje prokurorisë që të mos marrë urdhra të drejtpërdrejtë nga kryeministri në zyrën e tij, por të nisë procedimin penal dhe të kërkojë arrestin e personave që ishin në krye të detyrës që shpërdoruan detyrën dhe duke e çuar dhunën në dimensione të tjera. Fati, menaxhimi nga ana jonë bëri që dje të kishte një përplasje që të ishte në limite dhe jo përtej limite”, tha Salianji./abcnews.al

Babale-1280x700.jpg
Sej rie18:30 | 17/04/2019

Gjykata e Krimeve të Rënda pushoi hetimet për procedimin e regjistruar pa emër për trafik narkotikësh, pas publikimit te audio-përgjimit të “Babales”.

Gjykata e Krimeve të Rënda ka vendosur që të pushojë hetimet për dosjen e cila ishte e regjistruar pa emër, pas publikimit nga Partia Demokratike të audio-përgjimit të ashtuquajtur të “Babales”. Procedimi penal mbi te cilin nisen hetimet, ishte regjistruar për trafik të lëndëve narkotike.

Prokuroria e Krimeve të Rënda e përfaqësuar nga Përparim Kulluri e nisi hetimin për trafikim të lëndëve narkotike por pa i vendosur një emër konkret dosjes.

Pas disa muajsh hetime Krimet e Rënda e ndanë dosjen “Balale”në dy pjesë ku trafikimi i drogës do hetohej nga Krimet e Rënda dhe “kallëzimi i rrem” do hetohej nga Prokuroria e Tiranës. Më herët Prokurori Kulluri i kishte pezulluar hetimet dhe e kishte kthyer dosjen për rihetim në polici, por duke qenë se polica nuk mundi të siguronte asnjë të dhënë të re shtese për këtë procedim penal, prokurori kërkoi që të pushohen hetimet.

Nga ana tjetër Gjykata e Tiranës ka dërguar për gjykim për kallëzim të rreme 4 të pandehur , ish-deputeti i PD-së Ervin Salianji, gazetari Jetmir Olldashi, Albert Veliu i njohur ndryshe si “Dëshmitari X” dhe Fredi Alizotin,  person i cili dyshohet se ka imituar zërin e Agron Xhafajt në audio-përgjimin e publikuar nga Partia Demokratike./abcnews.al

IMG_9655-1280x853.jpg
G. P.14:33 | 17/04/2019

Ish-deputeti i Partisë Demokratike Ervin Salianji përmes një deklarate për media ka akuzuar kryeministrin Rama se po nxin faqen e Shqipërisë duke u treguar gangster me qytetarët, por shërbëtor ndaj kriminelëve me të cilët erdhi në pushtet. Rezultat të kësaj sheh vendimin e parlamentit holandez.

“Grupet mafioze italiane, shqiptarët dhe bandat motorike të jashtëligjshme janë lojtarët kryesorë të krimit në Kontinent. Aktualisht krimi i organizuar përbën rrezikun më të lartë për sigurinë e brendshme të BE” – deklaroi dje Europol, duke e veçuar krimin e organizuar dhe mafien shqiptare si rrezik.

Prej këtij treguesi të lartë të nivelit të kriminalitetit me mbështetje shtetërore në Shqipëri, Parlamenti Holandez votoi propozimin për rikthimin e vizave.

Për shkak të projektit politik të Edi Ramës qytetarëve shqiptarë po ju rrezikohet lëvizja e lirë, për shkak të bashkëpunimit me krimin shqipëria ka 6 vite që nuk avancon por bën hapa pas në rrugën drejt BE.

Politika e Ramës është kërbaç për qytetarët dhe lëpirje për krimin. Shifrat e tmerrshme të nxjerra nga gjykatat tregojnë se shteti i Ramës dënon brenda dy vitesh 2156 familjarë për pamundësinë e pagesës së energjisë elektrike, 8 prej të cilëve në moshë të mitur, mijëra të tjerë për suvatime oborresh apo ndërtime stallash dhe nuk ka asnjë grup të strukturuar kriminal të dënuar”, tha Salianji./abcnews.al

ervin-salianji-1280x753.jpg
nev ila18:03 | 12/04/2019

Gjykata e Tiranës kalon për gjykim dosjen “Babalja” me të pandehur ish-deputetin, Ervin Salianji, Fredi Alizoti, Albert Veliu dhe Jetmir Olldashi për akuzën e “kallezimit të rremë”. Ish-deputeti i PD-së jashtë gjykatës është shprehur se së shpejti do të ketë surpriza në lidhje me këtë dosje. Fredi Alizoti ka kërkuar gjykim të shkurtuar, ndërsa të pandehurit e tjerë pushimin e gjykimit.

Pas një seance maratonë, Gjykata e Tiranës ka vendosur që të pranojë kërkesën e organit të akuzës duke e dërguar për gjykim dosjen “Babalja”. Të pandehur në këtë proces do të jenë ish-deputeti demokrat, Ervin Salianji, Fredi Alizoti, Albert Veliu dhe Jetmir Olldashi për akuzën e “kallëzimit të rremë”. Ish-deputeti Salianji pasi ka dalë nga salla e gjyqit premtoi se do të ketë ‘surpriza’ të tjera për sa i përket çështjes së “Babales”.

Jashtë Gjykatës ku u zhvillua seanca paraprake ndaj tij për “kallëzim të rremë”, ish-deputeti tha se është një proces i montuar dhe se në seancë avokatët e ish-ministrit të Brendshëm Fatmir Xhafaj ishin bashkë me prokurorin.

Gjatë zhvillimit të seancës Fredi Alizoti që dyshohet se është personi që ka imituar zërin e Agron Xhafajt në audiopërgjimin e publikuar, ka bërë kërkesën për gjykim të shkurtuar, ndërsa ish-deputeti demokrat dhe gazetari Jetmir Olldashi kanë kërkuar pushim të çështjes. Nga ana tjetër prokurorët kanë kërkuar që dosja të kalojë për gjykim, pasi në bazë të aktit të ekspertimit të kryer ka rezultuar se audio përgjimi i publikuar nga partia demokratike nuk është origjinal.

Në kërkesën për gjykim, Prokuroria ka paraqitur të gjitha bisedat telefonike gjithashtu edhe rezultatet e kampionit të zërit të Agron Xhafajt. Në audio-përgjimet e publikuara nga Alber Veliu, i cili është arratisur dhe i kërkon azil politik flitej se vëllai i ish-ministrit të Brendshëm Fatmir Xhafaj merrej me trafikim të lëndëve narkotike nga Vlora në Itali. Agron Xhafaj ndodhet ne Itali dhe po hetohet për trafikim te lëndëve narkotike./abcnews.al

salianji-dhe-feviu.jpg
G. P.09:48 | 02/04/2019

Ish-deputeti i PD-së, Ervin Salianji, ka publikuar mbrëmë në emisionin “Opinion” në TV Klan të tjera përgjime bisedash, pjesë e dosjes së prokurorisë për çështjen e njohur si “Babalja”.

Është fjala për biseda telefonike mes Fredi Alizotit, i arrestuar në Tetor të vitit të kaluar, i dyshuar si personi që aktroi zërin e Agron Xhafajt dhe ish-drejtorit të Policisë së Qarkut Fier, Albert Nushi.

Në përgjime dëgjohet Alizoti të thotë se kërkon të takojë shefin e madh dhe se nuk ka kthim pas nga ajo që ka vendosur.

Po ashtu në një tjetër bisedë telefonike të përgjuar, ish-drejtori i Policisë së Fierit, Nushi, i kërkon Fredi Alizotit të shkojë të takojë prokurorin e çështjes “Babale”. Por sipas ish-deputetit Salianji, për këtë takim mes Alizotit dhe prokurorit nuk ka asnjë procesverbal në organin e akuzës.

Gjithashtu në përgjime është dhe një bisedë e Fredi Alizotit që shantazhon një punonjës të një kompanie private, duke u paraqitur si mik i Aldo Bares. Ish-deputeti demokrat tha në “Opinion” se prokuroria, ndonëse ka në dorë këtë përgjim që implikon Alizotin si gjobëvënës, nuk ka nisur asnjë procedim ndaj tij./abcnews.al

Ervin-Salianji-1280x717.jpeg
G. P.15:48 | 30/03/2019

Në një konference për shtyp, ish-deputeti Ervin Salianji, ka deklaruar se Departamenti i Shtetit Amerikan e konsideron Shqipërinë si burim në rritje për kokainën e heroine. Sipas tij, kryeministri Edi Rama kërkon t’i bëjë shqiptarët për budallenj dhe se Shqipëria është bërë baza e organizatave të krimit të organizuar me të gjithë botën.

“Realiteti që Edi Rama kërkon ta shesë si normalitet nuk mund të mbulohet me propagandën e neveritshme qësynon të bëjë shqiptarët për budallenj. Fjalia e parë e raportit të Departamentit të Shtetit se “Shqipëria është burim në rritje për kokainën dhe heroinën”, është përfshirë për herë të parë këtë vit në raport.

Bashkëpunimi dhe mbrojtja nga qeveria, i ka dhënë mundësi krimit të organizuar dhe grupeve të strukturuara kriminale që të forcohen, duke kthyer Shqipërinë në bazë operacionale për organizatat e krimit të organizuar që veprojnë në Shtetet e Bashkuara, Evropë, Lindjen e Mesme dhe Amerikën Latine”, tha Salianji.  /abcnews.al

ervin-1280x725.jpg
ent ela16:09 | 06/03/2019

Prokuroria e Tiranës ka marrë si të pandehur ish-deputetin e Partisë Demokratike, Ervin Salianjin për dosjen “Babale”. Salianji akuzohet për kallëzim të rremë, ndërsa ditën e premte do të paraqitet në Prokurori për t’u njohur zyrtarisht me akuzën që është ngritur kundër tij.

Përmes një audio-përgjimi të publikuar në një nga mediat online në Shqipëri, dhe që më tej u kthye edhe në akuzën e opozitës ndaj qeverisë, u pretendua se Agron Xhafaj, vëllai i ish-ministrit të Brendshëm, Fatmir Xhafaj, fliste me Albert Veliun, i njohur si “Babale” për pazare droge. Por zëri i audios rezultoi të mos ishte i Agron Xhafës, por i Fredi Alizotit, thuhet në deklaratën e Prokurorisë. Tashmë mësohet se dosja “Babale” ka shkuar në Gjykatën e Tiranës.

ervin-salianji.jpg
G. P.21:36 | 04/03/2019

“Edi Rama dosja 339 është makthi yt. Ti e di se çfarë përmban, uroj ta dish se çfarë përmban dosja 184, drejtësisë do t’i zgjidhen duart, politikanët para drejtësisë dhe shqiptarët do kenë zgjedhje të lira e të ndershme”.

Ishte kjo deklarata e kreut të Partisë Demokratike, Lulzim Basha, i cili këtë të hënë tha se ka një dosje tjetër e cila përmban informacione për zgjedhjet në Dibër. Ndërkohë Ish-deputeti i PD-së, i ftuar në emisionin “Byro Politike” në ABC News u pyet se çfarë përmbante kjo dosje.

Ai nuk dha shumë detaje, por u shpreh se është një tjetër dosje me përgjime, e cila komprometon politikën dhe qeverinë.

Juli Xhokaxhi: Çfarë është Dosja 184?

Ervin Salianji: Padiskutim një dosje tjetër ku faktohet qartazi shit-blerja e votës. Do të kemi kohë dhe do ta diskutojmë.

Juli Xhokaxhi: Dosje me çfarë? Me përgjime?

Ervin Salianji: Pa diskutim!

Juli Xhokaxhi: Na jep disa detaje?

Ervin Salianji: Do vijë momenti. Sot po diskutojmë për protestën e nesërme në orën 9 e 30 para Kuvendit.

Juli Xhokaxhi: 184-a çfarë përmban?

Ervin Salianji: Dosje e cila kompromenton rëndë politikën dhe qeverinë.

Juli Xhokaxhi: Përgjime?

Ervin Salianji: Pa diskutim!

/abcnews.al

salianji-dhe-maliqi.jpg
G. P.20:53 | 04/03/2019

Opozita vendosi të djegë mandatet, por disa prej kandidatëve pritës në listat zgjedhore e kanë pranuar atë. Ish-deputetët e opozitës, Ervin Salianji dhe Kejdi Mehmeti të ftuar në emisionin “Byro Politike” nuk kanë pranuar që të jenë në të njëjtën studio me Lefter Maliqin, kandidat i cili ka pranuar mandatin në qarkun e Beratit. Ervin Salianji tha se nuk do të ketë qasje tjetër ndaj mandateve të grabitura të opozitës.

“Nuk asnjë dilemë, nuk mund të dhe nuk do të ketë asnjë qëndrim të opozitari për çdo lloj mandati të grabitur të demokratëve apo LSI-së. Vendimmarrjen dhe votat, përfaqësimin e bëjnë forumet e partisë politike dhe nuk mund të jetë e pranueshme që mandatet e transferuara në favor të Edi Ramës të bëhen legjitime në diskurin publik. Në hapësirën tuaj mund të ftoni kë të doni, pavarësisht qëndrimit. Nëse do kishit deputetë të PS-së, Po, por kurrsesi, dhe këtë e kam me Lefter Maliqin i cili ka dalur hapur për vota për PS-në dhe nuk mund të dalë sot me një mandat të PD-së”, tha Salianji.

Ndërkohë nga ana tjetër, Maliqi theksoi se mandati i tij nuk është i grabitur. Sipas tij, Basha ndryshe nga herët e tjera mbajti fjalën, ku në 2015-n i kishte premtuar kandidimin për kryetar bashkie.

“Do ishte kënaqësi të isha në atë përballje. E dëgjova. Të paktën për personin tim mandati nuk është i grabitur. Ka qenë i pritur dhe shumë i dëshiruar. Salianji e di mirë kontributin tim në qarkun e Beratit. Moralisht ndihem krenar për ata banorë që i përfaqësoj sado sa të zgjasë kjo iniciativë ligjore dhe kushtetuese. Këto ditë kam qenë jo në dilemë, por thjesht kam parë reagimet dhe kam pritur këtë mandat përveç banorëve ma ka dhuruar dhe Basha. Përveç se ka stilin e tij të gënjeshtrës këtë herë mbajti fjalën. Të paktën me mua. Premtimi i tij ishte që në 2015 do isha kryetar bashkie. Mua më vjen shumë keq që PD është katandisur në farë feje. Do përfaqësoj demokratë dhe socialistë”, tha Maliqi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono