ernest gjoka

gjokaaa.jpg
G. P.20:40 | 20/08/2019

Ish-trajneri i Kukësit Ernest Gjoka, në studion e emisionit “Pressing” zbuloi faktin që mes tij dhe presidentit Gjici gjithçka ishte mbyllur pa nisur ndeshja e kthimit me Debrecenin. Pas kaq kohësh në heshtje, Gjoka shprehet në lidhje me këtë shkarkim.

Ish-trajneri i Kukësit, Ernest Gjoka, sqaron për herë të pare arsyet e largimit nga verilindorët, pas eliminimit nga Debreceni në Kupat e Europës. Në studion e emisionit “Pressing” këtë të hënë vetë Gjoka zbuloi se që para ndeshjes së kthimit ndaj hungarezëve, ishte pothuajse i shkarkuar, prej pikëpamjeve të ndryshme që kishte me drejtuesit për mënyrën si do luhej ky takim.

“Thjesht qe për ndeshjen e kthimit, qenë dy pikëpamje të ndryshme si ta përgatisnim ndeshjen, një e jona si staf dhe një e presidentit. Nuk u gjet akordi dhe që gjatë zhvillimit të pjesës së dytë unë e kisha mbyllur historinë e Kukësit, thjesht po mbyllja ndeshjen”, tha Gjoka.

Trajneri që me Kukësin ka marrë një titull kampion, një kupë dhe një Superkupë kishte kohë që mbante heshtjen e tij në lidhje me këtë largim, sërish pas një eliminimi në kupat e Europës. Ndërkaq, Gjoka shtoi se largimi i Shametit, Cuculit dhe Valdet Ramës nga kukësi do të ndikojnë shumë në ecurinë e kësaj skuadre, pasi bënin shumë punë dhe mungesat e tyre do të ndihet shumë shpejt./ABC News Albania 24/7

gerti-carcani.jpg
G. P.15:43 | 20/08/2019

Në këtë puntatë të emisionit “Pressing” u diskutua rreth futbollit shqiptar dhe merkatos. Ndeshja e parë e këtij sezoni ishte ajo për Superkupën mes Partizanit dhe Kukësit. Një ndeshje e cila dhuroi spektakël dhe shumë gola, çka rezervon surpriza për sezonin e ri.

Të premten ngrihet sipari i kampionatit të 81 shqiptar. Por jo vetëm kaq, të ftuarit diskutuan edhe rreth merkatos së klubeve. Të ftuarit në studio ishin: Ernest gjoka, trajner; Eno Skarço, gazetar, Eno Bitri, futbollist dhe Andi Matraxhiu, menaxher futbollistësh./abcnews.al

ANALIZA-E-SUPERLIGES-FLET-ERNEST-GJOKA.mpg_snapshot_00.30-1280x720.jpg
G. P.11:01 | 19/07/2019

Skuadra e Kukësit ka shkarkuar teknikun Ernest Gjoka pas dështimit në Europa League. Klubi zbulon se trajneri i ardhshëm do të zyrtarizohet shumë shpejt.

Ernest Gjoka nuk është më trajner i Kukësit. Klubi verilindor ka njoftuar se ka shkarkuar teknikun pas rezultateve zhgënjyese në Europë ku nuk ia dolën të kalonin pengesën e Debrecen.

“Trajneri Ernest Gjoka nuk do të jetë më në krye të skuadrës së Kukësit. Vendimi është marrë pas rezultateve zhgënjyese të ndeshjeve kualifikuese të Europa League. Klubi ynë trajnerit Gjoka i ka dhënë gjithë mbështetjen e mundshme, sidomos pas rikthimit të tij në krye të pankinës së skuadrës nënkampione të Shqipërisë. FK Kukësi falenderon trajnerin Gjoka për punën e bërë në krye të ekipit. Shumë shpejt, klubi do të njoftojë për emrin e trajnerit të ri, i cili objektiv kryesor do të ketë fitimin e titullit Kampion, Kupës së Shqipërisë si dhe përfaqësim sa më dinjitoz në Kupat e Europës”, është njoftimi i skuadrës së Kukësit.

Një vendim i tillë pritej nga presidenti Safet Gjici, i cili paralajmëroi shkarkime nëse skuadra do të dështonte në Europë./ABC News Albania 24/7

PARTIZANI-AVENTURA-VAZHDON-ABC-M4-T1.mpg_snapshot_00.02-1280x720.jpg
G. P.17:30 | 18/07/2019

Trajneri i Kukësit Ernest Gjoka largon presionin nga skuadra dhe kërkon vetëm një fitore morali. Në kampin tjetër tekniku i Debrecen, Andres Herceg, kërkon kujdes nga lojtarët e tij pavarësisht fitores 3-0 të ndeshjes së parë.

Skuadra e Kukësit do të luajë të enjten ndeshjen e kthimit të Europa Leauge ndaj Debrecen. Një detyrë mjaft e vështirë për verilindorët që duhet të përmbysin disavantazhin e tre golave të ndeshjes së parë. Trajneri i Kukësit, Ernest Gjoka thekson se skuadra duhet minimalisht të arrije një fitore morali.

Trajneri i skuadrës së Debrecen, Andres Herceg, vlerëson Kukësin dhe mendon se në Elbasan do të jetë një ndeshje e vështirë.

“Parashikoj një ndeshje të vështirë përballe Kukësit. Duhet të fokusohemi maksimalisht në këtë ndeshje pasi kundërshtari ka elemente të mirë që mund të na krijojnë probleme. Kukësi ka një mbrojtje dhe një sulm të mirë dhe duhet të jemi të kujdesshëm”.

Ndeshja mes Kukësit dhe Debrecen do të zhvillohet këtë të enjte në orën 20:00./ABC News Albania 24/7

ANALIZA-E-SUPERLIGES-FLET-ERNEST-GJOKA.mpg_snapshot_00.30-1280x720.jpg
Sej rie23:30 | 17/07/2019

Trajneri i Kukësit Ernest Gjoka largon presionin nga skuadra dhe kërkon vetëm një fitore morali. Në kampin tjetër tekniku i Debrecen, Andres Herceg kërkon kujdes nga lojtarët e tij pavarësisht fitores 3-0 të ndeshjes së parë.

Skuadra e Kukësit do të luajë të enjten ndeshjen  e kthimit te Evropa Leauge ndaj Debrecen. Një detyrë mjaft e vështirë për verilindorët që duhet të përmbysin disavantazhin e tre golave të ndeshjes së parë. Trajneri i Kukësit, Ernest Gjoka thekson se skuadra duhet minimalisht të arrijë një fitore morali.

Trajneri i skuadrës së Debrecen, Andres Herceg vlerëson Kukësin dhe mendon se në Elbasan do të jetë një ndeshje e vështirë.

“Parashikoj një ndeshje të vështirë përballë Kukësit. Duhet të fokusohemi maksimalisht në këtë ndeshje pasi kundërshtari ka elementë të mirë që mund të na krijojnë probleme. Kukësi ka një mbrojtje dhe një sulm të mirë dhe duhet të jemi të kujdesshëm”.

Ndeshja mes Kukësit dhe Debrecen do te zhvillohet këtë të enjte në orën 20:00./ABC News Albania 24/7

partizani-3-1280x721.jpg
G. P.11:42 | 17/07/2019

Në rast se nuk ia del në Champions, Partizani do ndeshet me një skuadër nga Moldavia në Ligën e Europës. Përballë të kuqve mund të jetë Sherifi i Tiraspolit.

Nuk e mendon eiminimin, por nëse ndodh, tashmë e njeh kundërshtarin. Partizani do të ketë një rival nga Moldavia në raundin e dytë të Ligës së Europës, ku do të kalojë nëse mundet nga Karabaku.

Kështu parashikon rregullorja e UEFA-s për kupat kontinentale dhe Sherifi i Tiraspolit zbriti nga Championsi në Europa Ligë, pasi dështoi ndaj skuadrës gjeorgjiane Saburtalo.

Moldavët fituan 3-1 në Gjeorgji, por as kjo nuk mjaftoi sepse ishin mundur 0-3 në fushën e tyre. Ata patën shpresa të forta sepse arritën në epërsinë 3-0 në vetëm 11 minuta lojë, diçka që nuk dihet nëse ka rënë në sy të BetRadarit, dhe nëse ka pasur lëvizje jonormale të koeficientëve.

Për Sherifin, golin e parë e shënoi ish-lojtari i Skënderbeut, Liridon Latifi, ndërsa më pas pati një autogol dhe rrjetë të shënuar nga Robert Tambe. Saburtalo arriti kualifikimin e çmuar falë golit të ish-sulmuesit të Kamzës, Ognjen Roloviç.

Dy vjet më parë, Sherifi i Tiraspolit u ndesh me Kukësin dhe u kualifikua, po në Champions. Ajo fitoi 1-0 në fushën e tij në Moldavi, ndërsa në “Elbasan Arena” triumfoi 2-1 skuadra e drejtuar nga Ernest Gjoka, e cila nuk pati fat duke humbur penallti, e duke goditur shtyllën./ABC News Albania 24/7

kukesi3-1280x960.jpg
nev ila19:04 | 10/04/2019

Kukësi mbajti gjallë shpresat për titull kampion me një sukses të rëndësishëm në fushën e Laçit. Një gol i madh i Limajt vendosi sfidën vetëm 3 minuta para fundit.

Fitorja në këtë stadium është një nga gjërat më të vështira në Superligë, sot për sot. Aq më shumë për Kukësin, që vazhdimisht ka dështuar në përballjet në fushën e kurbinasve, veçse këtë herë ndodhi ndryshe.

Ernest Gjoka debutoi me fitore, arritur vetëm tre minuta para fundit, duke e mbajtur ende me shpresë skuadrën verilindore për titullin kampion në Shqipëri. U desh gjithsesi një gol nga ata që quhen evropianë, shënuar nga ana e Limajt, për të thyer rezistencën e Laçit dhe të portierit Selmani.

Aksioni i kuksianëve ishte një model, diçka që është edhe meritë e Gjokës, por edhe e njerëzve që kanë punuar përpara tij me ekipin, sidomos e ish-trajnerit Armando Cungu. Të dyja skuadrat patën pretendime ndaj arbitrit, por u duk se fati i duelit nuk u vendos nga asgjë tjetër përveçse nga ajo që u dha në fushë.

Kukësi e meritoi pasi luajti më mirë, sidomos në pjesën e dytë, duke krijuar epërsi e duke pasur më shumë mundësi sesa vendasit. Nëse Gjoka e nisi me fitore, kjo ishte humbja e parë e Sulejman Starovës si trajner i Laçit, pas disa rezultatesh pozitive, kulmuar me fitoren 5-0 ndaj Teutës pak ditë më parë.

Me këtë fitore, Kukësi ka 49 pikë, në vendin e dytë në renditjen e Superligës, ndërsa Laçi ka 40 pikë./abcnews.al

ANALIZA-E-SUPERLIGES-FLET-ERNEST-GJOKA.mpg_snapshot_00.30-1280x720.jpg
G. P.10:30 | 07/04/2019

Ernest Gjoka rikthehet në stolin e Kukësit pas më shumë se një viti e gjysmë. Trajneri tiranas fitoi titullin me kuksianët në 2017, por u shkarkua pas një humbjeje të pafat në Champions.

Kanë kaluar më pak se dy vjet nga ky çast i lumtur. Ernest Gjoka, në stolin e Kukësit, u shpall kampion i Shqipërisë vetëm tre vjet pas fitores së Kupës me Flamurtarin. Trajneri tiranas pritej të vazhdonte një cikël jo edhe aq të shkurtër, veçse gjithçka u ndërpre në mes nga një humbje e pafat në Champions.

Presidenti Gjici e shkarkoi pas ndeshjes ndoshta më të mirë të Kukësit vitet e fundit, fitores 2-1 ndaj Sherifit të Tiraspolit të Moldavisë. Nuk luajti rol fakti që u humb penallti vendimtare dhe u godit shtylla.

Që nga vera e 2018-s, kuksianët provuan disa trajnerë, si Milinkoviçin, Pakultin e Cungun, e së fundmi, Ramadan Ndreun, të shkarkuar për shkak të inaktivitetit në humbjen  ndaj Kastriotit.

Tani, erdhi sërish radha e Ernest Gjokës. Klubi njoftoi zyrtarisht se ai do të kthehet në stol dhe do të nisë punën me skuadrën, duke pasur objektiv ndjekjen e titullit për sa kohë lejon matematika, si dhe fitoren e Kupës së Shqipërisë.

Nuk dihet nëse Gjoka e pranoi me dëshirë emërimin, apo thjesht veproi ashtu sepse një trajner gjithnjë dëshiron të punojë e të jetë në treg. E sigurt është që, nëse rezultatet sërish nuk do të jenë të mira, as ai nuk do ta ketë postin të sigurt./abcnews.al

gjoka.jpg
G. P.13:33 | 04/04/2019

Shteti duhet të ketë ndëshkime të forta ligjore për dhunën në futboll, edhe kur ajo kryhet nga njerëz të tribunës VIP. Ky është mendimi i specialistit të njohur, Ernest Gjoka, që flet edhe për kërcënimet ndaj trajnerëve në Shkodër

Nga Tirana, në Laç apo Shkodër, ky vështirë të cilësohet sport.

Veçanërisht e rëndë ngjarja mes presidentëve të Laçit e Tiranës, në vazhdim të skandalit në “Selman Stërmasi”, dhe trajneri i njohur, Ernest Gjoka, mendon se gjithçka është në dorë të shtetit.

“Kur dikush që ka një status në tribunën VIP ngrihet, bërtet, shan, provokon, atëherë çfarë do të bëjnë njerëzit? Ne duhet të kemi një ligj. Ligji duhet të jetë si për tribunën VIP, sipër njeëzit, si për ndokënd, si për trajnerin apo lojtarin sepse ne që e ndiejmë dhe e kemi në kurriz këtë lloj presioni nuk e keni idenë se sa të vështirë e kemi të punojmë”, tha Gjoka.

Gjoka ishte vjet trajner i Vllaznisë dhe u kërcënua, ndërsa tashmë lajmet janë që është kërcënuar edhe trajneri aktual, Agim Canaj.

“Me një dashuri shumë të madhe sepse shkova në një qytet që ka prodhuar gjithmonë jo vetëm futboll, por edhe në art. Pata problem deri në rrezik të jetës sime për arsye sepse u mundova të jem profesionit dhe për arsye sepse ata njerëz që nuk e meritojnë të jenë pjesë e ekipit të mos jenë nëpër këmbë dhe të na pengojnë punët. Qytetin e ka kap pjesa e keqe. Ai qytet duhet të luftojë shumë me pjesën e keqe. Nuk është e kollajtë. Kam qenë prezent në disa raste sëbashku me kryetaren e bashkisë, ku presionin që kisha unë e kishte dhe ajo”, tha Gjoka.

Tekniku që fitoi Kupën e Shqipërisë me Flamurtarin në 2014, analizon çerekfinalet e luajtura në mesjavë.

“Kam parë dy fytyra të Partizanit. Një fytyrë ndryshe në kampionat dhe një fytyrë ndryshe në ndeshjet e Kupës. Një Partizan që në Kupë është një ekip jo me atë agresivitetin e kampionatit, një ekip që e merr ndeshjen lehtë. Laçi bëri mirë, por Tirana arriti t’ia merrte në momentet e fundit. Kryendeshja ishte mes Kukësit dhe Teutës. Aty pashë një Kukës me një dëshirë për të kaluar dhe pashë një Teutë edhe pse është ekip me shumë cilësi nuk arriti të bënte asgjë”, tha Gjoka./abcnews.al

PRESING-DT-4.mpg_snapshot_04.18-1280x720.jpg
ent ela11:05 | 05/03/2019

Rikthimi i dhunës në stadiume gjatë ndeshjeve të futbollit u diskutua në emisionin Pressing të kësaj të hëne me të ftuarit Ernest Gjoka, Gent Mezani dhe gazetarët sportivë Bledar Kuka dhe Blerim Jaha. Të ftuarit ndanë mendimin se policia duhet të jetë e pranishme në stadium, sikurse kërkoi më herët edhe sekretari i FSHF Ilir Shulku. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono