Erl Murati

mirela-milori-erl-murati-1-1280x718.jpg
nev ila21:22 | 30/09/2019

Mbrëmjen e sotme në studio me gazetaren Mirela  Milori ka qenë i ftuar gazetari dhe analisti Erl Murati.

Murati ka shprehur opinionin  e tij në lidhje me procesin e hapjes së negociatave të Shqipërisë me Bashkimin Evropian, ku sipas tij plotësimi i 9 kushteve të vendosura nga gjermania është thelbësor për këtë proces.

I pyetur nga gazetarja Mirela Milori se si e sheh 3-shen politike Rama-Basha-Meta, nëse janë të besueshëm, në lidhje me tryezën për dialog në zgjidhjen e krizës politike në vend, Murati tha se puna e tyre matet me rezultate dhe se Shqipëria padiskutim meriton një klasë më të mirë politike.

Murati gjithashtu tha se zgjedhje të parakohshme në vend nuk do të ketë për sa kohë nuk e dikton faktori ndërkombëtar.

Mirela Milori: Nëse do të hapen negociatat a do të ndryshojë gjë në jetën e qytetarëve, çfarë i sjell qytetarit?

Erl Murati: Nëse KE vendos hapjen e negociatave pa kushte nuk mund të presim që të nesërmen të hamë me lugë të florinjtë. Do të duhet kohë për këtë. Faktori ndërkombëtar i ka lënë gjykatës kushtetuese vendimin nëse zgjedhjet e 30 qershorit ishin legjitime ose jo. Nëse KE do ta vendosë këtë atëherë monitorimi ndaj Shqipërisë do të jetë i rëndësishëm. Gjithsesi realizimi i kushteve të vendosura nga faktori ndërkombëtar do të sjellë ndryshim në jetën e qytetarëve. Gjysmë “po” e Gjermanisë është lajm i mirë por fatkeqësisht sinjalet që vijnë nga Franca e Holanda janë negative. Procesi i integrimit të Shqipërisë ka nisur shumë vite më përpara dhe ne ende nuk kemi një zyrtar të arrestuar, ndërsa Maqedonia arrestoi prokuroren e posaçme, procedoi kryeministrin. Pra Maqedonia është më konkrete në plotësimin e kushteve.

Mirela Milori: Sa të besueshëm janë Basha- Rama- Meta, në tryezën e tyre për dialog?

Erl Murati: Puna e tyre matet me rezultate, padiskutim Shqipëria meriton një klasë më të mirë politike gjithsesi këta janë politikanë të votuar nga shqiptarët. Pra nëse ne kemi këta politikanë që na drejtojnë, janë votuar nga ne.

Mirela Milori: A janë të njëjtët? Sa besueshmëri do ketë kjo tryezë marrëveshjeje?

Erl Murati: Kryeministri Rama po punon shumë mirë derisa shqiptarët i dhanë votat për të qeverisur vetëm. Padiskutim “barra” apo “medalja” e turpit dhe e fajit bie mbi këtë klasë politike. Në stadin ku ne jemi, që Shqipëria është vend i varfër, ku shqiptarët dynden për të ikur, atëherë padiskutim mund të themi që këta janë personat që mbajnë barrën më të madhe të problemeve shqiptare. Ne vitet e fundit shohim që çdo lajm të madh që kemi, dosjet e tyre na i sjellin ndërkombëtarët, pra nuk kemi ndonjë operacion të organizuar nga policia shqiptare apo nga autoritetet vendase.

Mirela Milori: Basha ka bërë një mbledhje dje dhe ka mobilizuar strukturën për zgjedhje të parakohshme? A mendoni se vërtet do ketë zgjedhje?

Erl Murati: Unë mendoj që nuk mund të ketë zgjedhje të jashtëzakonshme pa i diktuar ndërkombëtarët. Nuk mund të ndodhë nëse ata nuk e lejojnë, nuk e urdhërojnë dhe hë për hë lëvizjet e zotit Basha janë një ushqim me luge bosh për militantët e PD. Ishte një premtim i parealizuar i zotit Basha për zgjedhje të parakohshme pra e pati të pamundur. “De fakto” opozita ka hequr dorë nga protestat. Ne nuk mund ta përjashtojmë mundësinë për zgjedhje të parakohshme deri më 2021 por rol kyç luan faktori ndërkombëtar. Kjo e protestave është një lojë politike dhe mendoj që bëhet pas çdo zgjedhje lokale apo të përgjithshme.

Mirela Milori: Situatën e presidentit Meta si e shihni?

Erl Murati: Raporti i Komisionit të Venecias mendoj është i qartë, presidenti nuk ka bërë shkelje të renda të kushtetutës që të çojë në shkarkimin e tij. Iniciativa e PS mendoj se është një lloj presioni ndaj presidentit, nuk shoh ndonjë arsye pse duhet të japë dorëheqjen Meta./abcnews.al

LAJME-21-_-I-FTUAR.mpg_snapshot_09.16-1280x720.jpg
ent ela22:52 | 16/03/2019

Gazetari Erl Murati ka shprehur optimizmin e tij se me afrimin zgjedhjeve të 30 qershorit palët do të ulen në tryezë dhe për këtë thekson ai do të investohet edhe faktori ndërkombëtar, se nuk mund të lejojë zgjedhje vetëm nga njëri krah. Në studion e Mbrëmje në ABC Neës, Murati tha se ky i fundit deri tani nuk ka bërë asnjë përpjekje për dialog.

“Të dy palët janë larg-njëra tjetrës, por me afrimin e 30 qershorit edhe faktori ndërkombëtar do të investohet për të ulur palët se deri tani nuk ka përpjekje për të ulur palët në dialog. Besoj që të dy palët do ulen në tryezë e dinë ata se ç’kërkojnë dhe sa lëshojnë. Besoj që faktori ndërkombëtar do ta ketë të vështirë të lejojë zgjedhje vetëm me një krah”.

Duke komentuar prtestëne  sotme të opozitës, Murati theksoi se faktori kryesor që do të përcaktojë rrjedhën e opozitës është populli.

“Nëse opozita do jetë e aftë ta marrë popullin pas vetes dhe shqiptarët derdhen në rrugë dhe faktori ndërkombëtar nuk mund të rreshtohet me një Kryeministër që nuk e do populli, dhe këtë synon Basha e Kryemadhi që të thonë se ne kemi gjysmën e popullit dhe jo për interesa partiake. Faktori kryesor që do përcaktojë rrjedhën e opozitës është popullt, nëse në muajt në vazhdim do mbeten në shesh vetëm militantët, nëse populli do derdhet në shesh atëherë edhe faktori ndërkombëtar do shohë valorizimin e aksionit të opozitës, por do ulet për të thirrur të dy palët”. /abcnews.al

erl-murati.jpg
G. P.18:03 | 05/03/2019

Për gazetarin Erl Murati vendi ndodhet në një krizë politike e cila do të zgjasë. I ftuar në emisionin “Mbrëmje Ide” nga Mirela Milori, ai tha se në fund gjithçka do të përfundojë me një pazar mes liderëve politikë.

“Unë mendoj që në fund do përfundojë me një pazar, siç ka treguar politika moderne e 27 viteve pluralizëm. Në fund të fundit do jetë një lloj krokodili si ai takim i 18 Majit. Them pazar se unë shoh precedentin. Ne nuk e dimë se çfarë është folur dhe vendosur në marrëveshjen e 17 Majit. Ka mjaft pika të errëta. Besoj që kjo krizë do jetë e zgjatur”, tha Murati.

Murati komentoi edhe qëndrimin e Presidentit Meta. Sipas tij Meta ka mbajtur qëndrim korrekt, por nuk mund të shërbejë si negociator mes palëve. I vetmi që mund të ulë palët në tavolinë sipas Muratit është faktori ndërkombëtar.

“Ka një përpjekje të PS për ta kompleksuar Metën, për t’i thënë që je produkt i mazhorancave të kaluara dhe nuk duhet të flasësh. Zoti Meta në këtë rast ka mbajtur qëndrim korrekt. Nuk është se ia ka lënë topin njërës apo tjetrës palë. Nuk do ishte anormale edhe nëse do ishte më kritik ndaj qeverisë, por është kujdesur që të jetë deri diku i baraslarguar nga dy palët. Unë nuk besoj që Meta mund të shërbejë si negociator për të ulur palët. Palët i shoh aq të larguar, saqë vetëm ndërkombëtarët do ishin një faktor i besueshëm, që palët të ulen në tavolinë”, tha Murati.

Sipas gazetarit djegia e mandateve është akt i fortë ligjor. Megjithatë sipas tij këtë vit nuk do të ketë zgjedhje të parakohshme.

“Djegia e mandateve ishte akt i fortë, megjithatë nga pikëpamja ligjore nuk e cenon vazhdimësinë e parlamentit. Mospjesëmarrja në zgjedhje do shënonte një përshkallëzim të situatës. Do ta konsideroja gjest më të rëndë. Skenari është që PS do shkojë në zgjedhje pa opozitën dhe ndoshta vitin e ardhshëm mund të kemi zgjedhje të parakohshme. Këtë vit nuk shoh zgjedhje të parakohshme parlamentare”, tha Murati./abcnews.al

BYRO-POLITIKE-16-MAJ-1280x720.jpg
ent ela12:07 | 17/05/2018

Qëndrimi i kryeministrit Rama për ministrin e Brendshëm Fatmir Xhafaj, si edhe vendimi i Ministrit për të mos dhënë dorëheqjen përballë akuzave dhe denoncimeve të Partisëe Demokratike, në lidhje me përfshirjen e Agron Xhafajt në trafik droge, ishin në foku të bisedës në Byro Politike.

Të ftuar ishin:

1 Mimoza Koçiu, autore e Politika në ABC News

2 Fatos Hakorja, kryeredaktor i Tv Klan

3 Afred Peza gazetar

4 Erl Murati kryeredaktor i Gazeta Shqiptare

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono