Erion Veliaj

veliaj-2.jpg
nev ila13:29 | 18/07/2019

25 mijë banorët pranë ish-Kombinatit “Misto Mame” ne Tirane kane  kanë një lagje te transformuar.

Bashkia ka rehabilituar te gjithe zonen qe kufizohet nga rruga  “Konferenca e Pezës” – “3 Dëshmorët” dhe “Ali Jegeni”.

Kryebashkiaku Erion Veliaj shkoi per te inspektuar punimet nderkohe beri te ditur investimet e reja.

“Po përgatisim kopshtin dhe çerdhen e re në Kombinat, pastaj do të fillojmë shkollën e re tek zona e ‘Astirit’. Nuk ka asnjë dyshim që do të bëhet autostrada e ‘Astirit’ dhe nuk ka asnjë dyshim që ajo autostradë do t’i nxjerrë të gjithë fitues. Disa do t’i nxjerrë fitues, duke u shpronësuar dhe duke i marrë paratë ‘kesh’ në dorë, disa do t’i nxjerrë fitues, duke qenë në kufi të asaj prone do të ketë zhvillime dhe secili do të marrë përqindjen e tij të zhvillimit”, tha Veliaj.

Kryebashkiaku u shpreh se kjo është fuqia e votës dhe e zgjedhjeve. Ai theksoi se  pavarësisht se një minorancë u përpoq t’i impononte qytetit hallet e veta, ajo që njerëzit duan realisht janë rrugë, kopshte e shkolla të reja.

“Për të gjithë ata që ngritën një gurgule gjatë fushatës, ka apo s’ka zgjedhje, do të ketë bojkot, do të bëhet kataklizmoja, në fund të ditës treguam që këto zgjedhje për këto punë janë: janë për të bërë kopshtet, çerdhet, shkollat, janë për të mbjellë pemë, për të shtruar trotuare, për të rregulluar këto avlli me mure dekorative. Kush mendoi të ngatërronte revolucionet imagjinare me punën konkrete të halleve të njerëzve dhe kush u mundua t’i impononte qytetit hallet e veta, sikur të ishin hallet e secilit, e kish gabim. Na rezulton se hallet e njerëzve janë këto: rruga ku do ecim, shkolla ku do të çojmë fëmijët, pema që do iu bëjë hije, një kënd lodrash ku do të luajnë të vegjlit”, tha ai.

Veliaj shtoi se puna do të vijojë gjatë gjithë verës, në mënyrë që qytetarët, kur të kthehen nga pushimet, të gjejnë një infrastrukturë më të mirë. “Ka fushatë, s’ka fushatë, mbaruam zgjedhjet në datën 30 qershor, dhe nga 1 korriku e deri më sot do vazhdojmë kështu përditë, edhe gjatë pushimeve të verës, për të rikuperuar kohën e shirave, por sigurisht për të shfrytëzuar faktin që banorët janë me pushime”, deklaroi ai.

Ai theksoi se 99% e njerëzve janë mirëkuptues e duan drejtësi e shtet funksional.

Duan rend, duan që Tirana të eci përpara. Ka gjithmonë një përqindje të vogël që, për ideal të partisë, janë kail të bllokojnë gjithçka. Mos ma prek Liqenin, mos ma prek Teatrin, mos ma prek Pazarin, mos m’i prek lodrat, mos ma prek Sheshin, mos ma prek Bulevardin: eksperienca na ka treguar që ata që prekin, që vënë dorë dhe që rregullojnë gjëra, janë ata që i sjellin të mira qytetit. Ndak, ne do të vazhdojmë përpara, do respektojmë çdo minorancë, ama në fund fare vendimet do t’i marrim për shumicën që na ka votuar dhe që do që Tirana të ecë përpara”, tha Veliaj./ABC News Albania 24/7

veliaj-1280x714.jpg
nev ila14:26 | 17/07/2019

Piramida sipas kryebashkiakut të Tiranës do të jetë “çerdhja” që do të fuqizojë të rinjtë të cilët duan të ecin përpara në fushën e teknologjisë së informacionit. Erion Veliaj premtoi angazhimin e bashkisë në këtë fushë gjatë një takimi me një grup të rinjsh që u renditën mes fituesve në Olimpiadën e Robotikës në Meksikë.

Një grup të rinjsh shqiptarë, të moshës 14-18 vjeç, u vlerësuan me çmimin e dytë në Olimpiadën e Robotikës në Meksikë.

Ata u pritën në një takim nga kryebashkiaku i Tiranës Erion Veliaj i cili shprehu mbështetjen që bashkia do t’u japë të rinjve që duan të çojnë përpara idetë e tyre në fushën e teknologjisë.

“Mezi pres që së bashku të punojmë si partnerë në Piramidën e Tiranës dhe në gjithë hapësirat fantastike që duam të krijojmë për mijëra djem e vajza, ku të kenë mundësi të marrin kurse, të kenë një mentor që mund t’i aftësojë për dijet teknologjike dhe mbi të gjitha, për të pasur edhe vizitorë specialë si roboti Peper, i cili jo vetëm të vizitojë Tiranën, por të kemi mundësi të prodhojmë prototipe të Peperit edhe në Tiranë, në mënyrë që të sigurohemi se qyteti ynë të jetë qyteti më i përparuar në Ballkan për teknologjinë e informacionit”, tha Veliaj.

Në garën Olimpike 2018 që u zhvillua në Meksikë, skuadra shqiptare u rendit mes fituesve për për dokumentimin inxhinierik./ABC News Albania 24/7

Veliaj-gjate-inspektimit-te-punimeve-per-rikonstrksionin-e-shkolles-Jeronim-De-Rada-3-1280x854.jpg
G. P.13:58 | 16/07/2019

Shumë shpejt në Tiranë nxënësit nuk do të mësojnë me dy turne. Premtimi vjen nga kryebashkiaku Erion Veliaj pasi inspektoi punimet për rikonstruksionin e shkollës “Jeronim De Rada”.

Pas 54 vitesh shkolla nëntëvjeçare “Jeronim De Rada” në Tiranë do t’i nënshtrohet rikonstruksionit të plotë. Bashkia ka nisur punën me mbështetjen financiare të Katarit.

“Jam jashtëzakonisht i lumtur që bashkë me mikun tim, ambasadorin e Katarit, jemi në fillimin e punimeve për shkollën “Jeronim De Rada”, një shkollë që do duket totalisht e re, jo vetëm sepse do të rikonstruktohet nga e para, por sepse do t’i shtohet një palestër, do t’i shtohen disa klasa për të shmangur përfundimisht mësimin me dy turne. Një bekim i madh, edhe një arritje e madhe për Njësinë 9, por sigurisht për zonën e rrugës “Fortuzi’”.

Paralelisht me rikonstruksionin e shkollave ekzistuese, Bashkia e Tiranës në disa prej njësive po vijon punën edhe me ndërtimin e shkollave të reja.

“Bashkia po bën edhe 17 shkolla të reja me forcat e saj, ndërkohë për shkollat ekzistuese kemi zgjedhur partneritete me miqtë e Shqipërisë, siç është Ambasada e Katarit, për t’u siguruar që edhe nevojat në shkollat ekzistuese të plotësohen. Kështu, do të kemi një komunitet që e shikon si shkollën si qendër komunitare, jo thjesht si një vend parkimi, 6 orë, për fëmijët. Kemi një plan zyrtar për t’i përfunduar punimet deri në shtatorin tjetër. Megjithatë, sot morëm një premtim që do të sforcohemi pak, ndoshta dhe me dy-tre turne, për t’u siguruar që ndoshta që në semestrin tjetër të kemi gati shkollën e re “Jeronim De Rada’”.

Në shkollën “Jeronim De Rada” në Tiranë mësojnë 1100 nxënës. Që nga ndërtimi në vitin 1965 në këtë shkollë asnjëherë nuk është ndërhyrë plotësisht./ABC News Albania 24/7

veliaj-suedezi-1280x715.jpg
nev ila15:20 | 09/07/2019

Bashkia e Tiranës dhe ajo e Lundit në Suedi do të kurozërojnë si projekt të parë të bashkëpunimit mes tyre, atë për Piramidën. Gjatë takimit që kryebashkiaku Erion Veliaj pati me homologun suedez, u diskutua për disa projekte në fushën e teknologjisë.

Tirana dhe Lundi në Suedi bashkëpunim për teknologjinë e inovacionit.

Tirana dhe Bashkia e Lundit në Suedi do të bashkëpunojnë në fushën e teknologjisë së inovacionit. Kryebashkiaku Erion Veliaj, gjatë një takimit që zhvilloi me homologun suedez, Philip Sandberg, tha se një nga bashkëpunimet më të afërta mes Tiranës dhe Lundit do të jetë projekti i Piramidës, e cila do të kthehet në qendër inovacioni.

 “Qyteti i Lundit është shembull në Evropë për mënyrën se si funksionon nga ana e urbanistikës, por edhe për gjithë inovacionin e inkurajuar vitet e fundit. Është një nga qytetet më progresive sot në Evropë. Për ata që s’e dinë, Lundi është qyteti ku është shpikur bluetooth-i, qyteti që ka shpikur ‘face recognition’, pra shumë prej kërkimeve shkencore të teknologjisë janë bërë në Lund. Ndaj besoj se një ide konkrete ku mund të punojmë me kryetarin e bashkisë është projekti ynë i Piramidës”, tha Veliaj.

Kryebashkiaku i Lundit në Suedi, Philip Sandberg u shpreh i impresionuar për  transformimin e thellë që ka pësuar Tirana vitet e fundit.

“Kur isha në Tiranë për herë të fundit kishte shumë trafik, sheshi ishte një rreth rrotullim i madh. Tani shoh që plani për qytetin është i bazuar më së shumti te njerëzit, te pemët, te rrugët periferike, ashtu si në Suedi. Edhe ne atje kemi punuar shumë fort për të bërë një planifikim për qytetin që fokusohet te njerëzit, jo te makinat. Jam shumë i impresionuar nga kjo punë, shpresoj që të vazhdojë dhe ta bëjë një qytet miqësor për vizitorët dhe të huajt që vizitojnë Tiranën”, tha Philip Sandberg kryebashkiaku i Lundit në Suedi.

Në shenjë miqësie dhe bashkëpunimi mes dy qyteteve, kreu i Bashkisë së Tiranës, Veliaj i dhuroi Kullën e Sahatit kryebashkiakut të Lundit, Philip Sandberg, ndërsa dy kryebashkiakët mbollën edhe një pemë në Parkun Evropa./ABC News Albania 24/7

veliaj-ali-dem-1280x714.jpg
nev ila14:05 | 07/07/2019

Kryeqyteti do të ketë brenda 4 vitesh edhe 50 parqe të reja publike. Lajmin e bëri të ditur kryetari i Bashkisë së Tiranës Erion Veliaj, i cili foli edhe për dhënien e bursave për nxënësit ekselentë të klasave të gjashta.

Kryetari i Bashkisë së Tiranës edhe për 4 vjet të tjera Erion Veliaj, është zotuar për ndërtimin e 50 parqeve të reja publike në kryeqytet, me qëllim që banorët e Tiranës e kryesisht fëmijët dhe mosha e tretë të kenë më shumë hapësirë ku të kalojnë kohën e lirë. Veliaj foli për këtë projekt, pas përfundimit të parkut të ri në zonën e Alidemit.

Para banorëve të zonës së Ali Demit, Veliaj foli edhe për pajisjen me bursa për nxënësit ekselentë të klasave të gjashta në Tiranë.

“Për të gjithë ata që do shkojnë në klasën e 6, bashkia jep edhe një bursë. Por, duhet të dalësh me 10, që pastaj t’ju japim disa fonde me të cilat mund të blini më shumë lodra, ose mund të qerasni shokët, ose mund të ndihmoni gjyshin dhe gjyshen. Kështu që, mos harroni të dilni me 10. Kush është i mirë i bën të gjitha, edhe pushimet, edhe librat, edhe shkollën”, tha Veliaj.

Gjatë fjalës së tij, kryebashkiaku i Tiranës premtoi se do të ketë investime në çdo cep të Tiranës, por theksoi se ato duhet të mirëmbahen nga qytetarët./ABC News Albania 24/7

 

 

 

 

Veliaj-gjate-inspektimit-te-kendit-te-lojerave-tek-Eshref-Frasheri-ne-Njesine-9-1-1280x854.jpeg
G. P.13:55 | 05/07/2019

50 kënde të tjera lojërash do t’i shtohen Tiranës katër vitet në vijim. Kryebashkiaku i Tiranës ErionVeliaj e bëri të ditur nga zona e “Don Boskos” ku ka nisur puna për ndërtimin e këndit të radhës rekrativ.

Fëmijët që banojnë në zonën e “Don Boskos” në Tiranë shumë shpejt do të kenë një hapësirë për lojëra dhe argëtim. Bashkia ka nisur punën për ndërtimin e një kendi rekreativ. Ndërsa kryebashkiaku Erion Veliaj premtoi se kryeqytetit do t’i shtohen edhe 50 kënde të tjera lojërash.

“Fill pas zgjedhjeve vijojmë me një nga projektet që e kam shumë më afër zemrës sime, por besoj edhe për prindërit e Tiranës, këndet e lodrave. Nëse bëmë diçka mirë në mandatin e parë, ishte fakti që çdo muaj bëmë nga një kënd të ri lodrash. Besoj se do të vazhdojmë me të njëjtin ritëm, çdo muaj me nga një kënd të ri lodrash edhe në mandatin e dytë. Pra, në qoftë se kemi bërë 46-47, të bëjmë edhe 50 të tjera, prandaj besoj se deri në fund të këtij mandati të kemi 100 kënde lodrash, në 100 pika të ndryshme të Tiranës”, tha Veliaj.

Investimi më i mirë për të ardhmen e qytetit tha Veliaj është puna që bëhet me fëmijët, për t’i nxitur ata të merren me aktivitete fizike. Këndi i lojërave në rrugën “Eshref Frashëri” në njësinë numër 9, ka një sipërfaqe rreth 700 m2, dhe veç moduleve të lodrave për fëmijë do të ofrojë një hapësirë të gjelbër me ambiente çlodhje për çdo moshe./ABC News Albania 24/7

bulevardi-i-ri-1280x720.jpg
nev ila14:35 | 03/07/2019

Përfundon  segmenti i fundit i bulevardit te ri në Tiranë. Sipas kryebashiakut Erion Veliaj është projekti më jetik i realizuar në kryeqytet gjatë mandatin e tij të parë në krye të bashkisë.

Tashme dhe segmenti i trete i bulevardit te ri ne Tirane është gati. Sheshit fundor qe do te ngjasoje me ate “Nene Tereza” i eshte hapur rruga e realizimit.

Kryebashkiaku Erion Veliaj përfundimin e punimeve e inspektoi bashkë me përfaqësuesin e Fondit të Abu-Dhabit dhe Ambasadorin e Emirateve të Bashkuara Arabe.

 “Jam shumë i kënaqur që pas zgjedhjeve i rikthehemi punës normale, iu rikthehemi kantiereve të qytetit tonë, i rikthehemi Tiranës e cila vitin tjetër përgatitet të mbushë 100 vjeç. Këtu jemi në hapësirën që do identifikojë 100 vitet e ardhshme të Tiranës. Nëse bulevardi i vjetër ishte i këtij 100 vjetori të parë, Bulevard i Ri besoj i ka shtruar të gjithë infrastrukturën për Tiranën e 100 viteve më pas, në atë që duam ta quajmë zonën Fin – Tech, pra e financave dhe e teknologjisë për qytetin”, tha Veliaj.

Katër vitet e shkuara  u shpreh Veliaj u rikuperua puna e pa bërë nga administrata e mëparshme ndërsa katër vitet e ardhshme, zhvillimi i Tiranës do të përqendrohet përtej unazës së saj.

 “Projekti ‘lloci’, e thonë tironsit, për nja 4 vite. Çfarë ndodhi, ndodhi, por u munduam të rikuperonim shumë shpejt kohën që humbëm në ato 4 vite. Më vjen mirë që tani jemi gati vetëm për sheshin monumental, që duam të bëjmë në fund të Bulevardit dhe mezi pres të shqyrtojmë 10-15 aplikimet e para që na kanë ardhur për zhvillime.  Ajo që parashikoj në 4 vitet e mandatit të dytë është shumica e zhvillimit që Tirana do të shohë do të jetë jashtë Unazës origjinale të saj, kryesisht në zonën e Bulevardit të Ri. Shpresoj shumë që këtu do të rritet standardi, jo vetëm i cilësisë, por edhe i jetës komunitare”, tha ai.

Ambasadori i Emirateve të Bashkuara Arabe vlerësoi edhe cilësinë e punimeve të kryera ndërsa drejtori  i Financave të Fondit për Zhvillim i Abu-Dhabit premtoi bashkëpunim për të tjera projekte./ABC News Albania 24/7

 

veliaj-13-1280x960.jpg
G. P.22:07 | 27/06/2019

Në sheshin Europa të kryeqytetit, Erion Veliaj mbyll fushatën e tij si kandidat për një mandat të dytë në Bashkinë e Tiranës. Të gjitha dyshimet se në 30 Qershor shqiptarët nuk mund të votonin kanë rënë sipas Veliajt.

“Deri sot mund të kishte njerëz që mund të kishin dyshime, mund të kishte njerëz që kishin hamendësime, mund të kishte njerëz që kishin një ndrojë, por e tha KQZ, e tha Gjykata, e tha edhe Amerika: Në datën 30 Qershor Tirana dhe e gjithë Shqipëria do të shkojë të votojë për punën dhe jo për dhunën, do të shkojë të votojë për ndërtimin dhe jo për shkatërrimin, do të shkojë të votojë për dashurinë dhe jo për zjarrin, do të shkojë të votojë për ta çuar Tiranën dhe Shqipërinë lart dhe jo ta ulim poshtë dhe ta rrënojmë atë”, tha Veliaj.

Pjesë e këtyre votimeve të bëhen edhe simpatizantët e opozitës është thirrja e Erion Veliajt duke ia argumentuar edhe pse duhet të zgjedhin familjen socialiste.

“Nëse nuk kemi qenë pjesë e familjes tonë, por për herë të parë sot jeni bashkuar, mund të keni qenë me PD, me LSI, me PDIU, por sot është mitingu i juaj i parë në familjen tonë, ne ju themi mirëserdhët, kjo është edhe familja juaj. Një familje që nuk i le punët në gjysmë, një familje që nuk ju tradhton, një familje patriote që do Shqipërinë mbi çdo interes tjetër. Kjo është familja jonë dhe jeni të mirëpritur”, tha Veliaj.

Vitin që vjen Tirana mbush 100 vjet si kryeqyteti i gjithë shqiptarëve, me shumë sfida e peripeci-nënvizoi kandidati i mazhorancës për bashkinë më të madhe në vend.

“Është rrëzuar, por është ngritur prapë sepse Tirana nuk e ul asnjëherë kokën. 6 muajt e fundit e kemi parë Tiranën, të ndotur, të dhunuar, të vandalizuar dhe e kemi duruar, por në 30 qershor nuk e pranojmë më dhunën, zjarrin sepse Tirana është e jona dhe e fëmijëve tanë. Kjo është Tirana jonë, e njerëzve perëndimor”, u shpreh ai.

Thotë se e ndjen se ka ende për t’i dhënë këtij qyteti dhe prej datës 1 Korrik projekte të reja do të nisin të zbatohen për ta bërë më të mirë jetesën në banorëve të Tiranës premton Erion Veliaj.

“Për mua dhe për skuadrën time, ka qenë një privilegj, ka qenë një mision dhe ka qenë një bekim i jashtëzakonshëm t’iu shërbeja në këto 4 vite si shërbëtor i Tiranës dhe i tironsve. Por mezi pres nëse më jepni besimin mua dhe skuadrës ne të fillojmë 4 vite të tjera”, tha Veliaj./ABC News Albania 24/7

erion-veliaj-juli-xhokaxhi.jpg
G. P.22:50 | 26/06/2019

Sipas kryetarit të Bashkisë së Tiranës, Erion Veliaj, e vetmja negociatë me Bashën është që të rrijë urtë dhe të mos krijojë probleme datën e zgjedhjeve. Gjatë emisionit “Byro Politike” të Juli Xhokaxhi, qytetari i parë i Tiranës tha se këto negociata kreu i PD-së i ka me partnerët ndërkombëtarë.  Sipas tij, sa herë që opozita merr mesazhe nga partnerët, bën protesta paqeësore. Ndër të tjera, ai theksoi se liderët e opozitës kanë frikë nga ndërkombëtarët.

Juli Xhokaxhi: A ka negociata të fshehta mes zotit Rama dhe zotit Basha? Ua bëj këtë pyetje sepse qarkullojnë një sërë skenarësh. Është logjike të qarkullojnë një sërë skenarësh në këtë situatë.

Erion Veliaj: Ajo që di është se ka negociata me Bashën që të rrijë urtë dhe që të mos bëjë zarare në datën 30.

Juli Xhokaxhi: Prej kujt?

Erion Veliaj: Prej ndërkombëtarëve. Domethënë ata merakun kanë me ia heq vizën se Shqipëria ia ka heq vizën. Halli i tyre është që meqë ia kanë hequr vizën numrave dy mos t’ia heqin edhe numrave një. Në këtë fazë vetëm ndërkombëtarët i mbajnë të lidhur. Në Shqipëri ia kanë hequr vizën dhe për sa kohë nuk hyjnë në zgjedhje domethënë që s’kanë më vota. Kështu që ata thotë tani ‘humbëm shqiptarët, mos të humbim ndërkombëtarët’. I ka humbur kohorta ose ai brezi i dytë, mos ta humbin edhe këta që janë në brez të parë. Po të shikosh kur marrin këto mesazhe bëjnë protesta paqësore. Tek këto protesta marrin fëmijët e tyre. Tek protestat e dhunshme marrin kalamajtë e shqiptarëve. Me kapuç në kokë, me barut në xhep, me molotov në dorë.

Ti e kupton që kur kanë marrë mesazhin dhe do jenë paqësore janë me kalamajtë e tyre. Kalamajtë e shqiptarëve i kanë fishek për të dhunshmet.  Fakti që ka pasur fuqi lobimi ndërkombëtar gjykoj se do të ketë fuqi dhe për t’i ndaluar në datë 30, jo se PD dhe LSI janë idealistë, por se i tuten një klasifikimi si organizatë e dhunshme politike, që do i vinte në kategorinë e dytë poshtë organizatave terroriste dhe pastaj nuk do merreshin më me diplomatë, por me FBI-në, CIA-n dhe organizata të tjera. Kështu që frika e ruan vreshtin dhe ky vresht do ruhet nga frika që ata kanë për ndërkombëtarët see respekt për popullin… vetëm fakti që i përdorin njerëzit si mish për top dhe pasi djegin shkolla thonë ‘unë vajta t’i hiqja nga aty, ata e dogjën vetë shkollën. Zonja Eni po më kap polici prej dore’. Patjetër që të kap polici prej dore se dogje një shkollë./abcnews.al

erion-veliaj-10.jpg
G. P.22:28 | 26/06/2019

Pas zgjedhjeve do të lindin forca të reja politike sipas kryetarit të Bashkisë, Erion Veliaj. Gjatë një bisede me gazetaren Juli xhokaxhi, teksa ishte i ftuar në studion e emisionit “Byro Politike”, ai theksoi se nëse një parti politike largohet, atëherë vendin e saj do ta zënë parti të tjera.

 “Ajo që do ndodhë në 1 Korrik do lindin forca të reja se ndoshta Shqipëria që ka forca politike pengmarrëse nuk mund të vazhdojnë më kështu, ndoshta ka ardhur koha që ca parti të shpërbëhen. Ca parti që janë si koorporata politike, si biznese politike dhe që s’kanë asnjë ideologji ndoshta do shpërbëhen. Di të them nëse ky ujë nuk prodhohet nesër në këtë banak s’do ngelet pa ujë do vijë një ujë tjetër. S’e nuk ngelet tregu bosh. Është e njëjta gjë në politikë. Për një parti që zhduket dhe lë vendin bosh do vijnë parti të tjera. Unë të garantoj në qytetit e Tiranës do kemi disa parti politike të përfaqësuara në Këshillin Bashkiak. Ato pesë parti që unë parashikoj do kapin mandate në Këshillin Bashkiak do i kthejnë ata kandidatë në zëdhënësa që do mbledhin suport nga këto partitë e tjera që nuk morën pjesë në zgjedhje”, tha Veliaj.

Ndër të tjera, Veliaj nënvizoi se pret që Rama t’i kërkojë sërish Bashës të ulen në dialog.

“Ajo që pres në 1 Korrik është që padyshim që i njëjti Edi Ramën që filloi me shtatë letra nuk do habitem fare të fillojë me 7 apo 70 të tjera për t’i than “hajde, ulu, çfarë do për të ardhmen. Të garantoj me çfarë shoh unë sondazhet PD dhe në 1 Korrik t’i bësh zgjedhjet nuk është gati”, tha Veliaj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono