Erion Veliaj

Veliaj-CSU-1280x718.jpg
nev ila17:55 | 02/10/2019

Tirana është një qytet me zhvillim dhe me të ardhme të mirë. Kështu e vlerësoi kryeqytetin shqiptar kryetari i Grupit Parlamentar të CSU-së në Landtagun e Bavarisë, Thomas Kreuzer.

Kreuzer bashke me  një delegacion parlamentarësh të kësaj force u prit në një takim nga kryetari i Bashkisë së Tiranës, Erion Veliaj.

Temë diskutimi mes tyre ishin marrëdhëniet mes dy vendeve si dhe perspektiva evropiane të Shqipërisë.

Kreuzer falënderoi kryebashkiakun Veliaj për mikpritjen, ndërsa theksoi zhvillimin që ka pësuar Tirana dhe mundësitë që ky qytet ka për një të ardhme më të mirë.

Ndërsa Kryetari i Bashkisë Erion Veliaj i falënderoi për mbështetjen që CSU i ka dhënë Shqipërisë në procesin e integrimit dhe sidomos për vendimin për çeljen e negociatave./ABC News Albania 24/7

 

Veliaj-regjistrohet-per-Maratonen-e-Tiranes-1-1280x853.jpg
ad min15:12 | 01/10/2019

Vijojnë regjistrimet për gjysmë-maratonën e Tiranës. Kryebashkiaku Erion Veliaj është një ndër pjesëmarrësit dhe thotë se këtë vit do të garoje për rindërtimin e shtëpive të dëmtuara nga tërmeti.

Gjysmë-maratona e Tiranës vjen këtë vit në 13 tetor, në edicionin e saj të katërt, me mbi 1 mijë vrapues të regjistruar nga 35 vende të ndryshme të botës.

“Sapo u regjistrova për të vrapuar në maratonën e Tiranës në 13 Tetor. Kam një lajm të mirë për të gjithë ata që, si puna ime, e kanë lënë për minutën e fundit: regjistrimet i kemi shtyrë deri në 6 tetor, ndaj dua t’i ftoj të gjithë ata qytetarë, të apasionuar pas sportit apo atletë, të shfrytëzojnë kohën deri në 6 tetor”.

Gara e tij këtë vit u shpreh kryetari i bashkisë do t’i kushtohet ndërgjegjësimit të qytetarëve për të ndihmuar të prekurit nga tërmeti i muajit të shkuar.

“Unë kam zgjedhur një kauzë, do të vrapoj në maratonë për të ndihmuar rindërtimin e të gjitha shtëpive të prekura nga tërmeti. Nëse dikush, ashtu siç ka mbështetur disa kauza mjedisore apo kauza të tjera sociale, do të mbështesë kauzën për të cilën unë vrapoj, di se ku më gjen në qendër të Tiranës. Keni një mundësi fantastike që nëpërmjet këtij aktiviteti sportiv, edhe shumë kauza të tjera, duke filluar nga rindërtimi i shtëpive tek ato për personat me aftësi të kufizuar apo kauzat mjedisore, të gjejnë sadopak mbështetje”.

Itinerari që do të përshkojnë pjesëmarrësit do të përfshijë pjesët më tërheqëse të kryeqytetit./ABC News Albania 24/7

erion-veliaj-cerdhja-1280x723.jpg
nev ila14:18 | 28/09/2019

Një kopsht dhe çerdhe e re i shtohen zonës së Kombinatit. Gjatë inaugurimit, kryebashkiaku i Tiranes Erion Veliaj garantoi banorët e kësaj zone të prekur nga tërmeti se shtëpitë e pabanueshme do t’u rindërtohen.

Rreth 150 fëmijë në zonën e Kombinatit tashmë do të kenë një çerdhe dhe një kopsht të ri. Kryebashkiaku i Tiranës Erion Veliaj tregoi se ne këtu përveç ofrimit të shërbimit psikosocial do të ketë dhe një mjek që do të monitoroi zhvillimin fizik të fëmijëve, veçanërisht atyre me nevoja të veçanta.

 “Jam shumë i lumtur që logopedistët, psikologët, i gjithë stafi ynë ndihmës, do t’i kushtojë një hapësirë të veçantë fizike, por edhe kohore, të gjithë engjëjve tanë që kanë aftësi ndryshe, të cilët meritojnë të njëjtin shans për sukses, si gjithë fëmijët e tjerë të Tiranës”, tha Veliaj.

Nga Kombinati  kryebashkiaku siguroi banorët e prekur nga pasojat e tërmetit se banesat e tyre të dëmtuara do të rindërtohen, falë edhe bashkëpunimit me komunitetin e biznesit.

 “Doja shumë që të vazhdojmë edhe me adoptimin e disa hapësirave që kemi identifikuar këtu në Kombinat, apo në zonat përreth. Pra, për të gjithë donatorët që duan të adoptojnë një shtëpi në Kombinat, të sigurohemi që, siç kemi bërë shtëpinë e përbashkët, ashtu edhe shtëpitë individuale t’i bëjmë në kohë rekord, para Vitit të Ri, qoftë për banesat më të dëmtuara, qoftë me disbursimin e parave për banesat më pak të dëmtuara”, tha kryebashkiaku.

Pasojat e tërmetit, por edhe të reshjeve të fundit vuri ne dukje kryebashkiaku meritojnë vëmendje dhe reflektim për atë që i kemi bërë natyrës ndërsa u shpreh se është koha për t’i dhënë fund e zaptimit të hapësirave publike apo të institucioneve arsimore./ABC News Albania 24/7

bashkia-tirane-veliaj-1280x853.jpg
nev ila13:21 | 27/09/2019

Në krah të Bashkisë së Tiranës, për të ndihmuar familjet e prekura nga pasojat e tërmetit që preku vendin javën e shkuar kanë dalë edhe përfaqësitë diplomatike të akredituara në vendin tonë. Ndër të parat që po jep ndihmën e saj është Ambasada e Kuvajtit.

Ndihma për familjet e prekura nga tërmeti në Tiranë nuk ka ardhur vetëm nga vendasit, por dhe nga të huajt.

 “Kemi sot tre trailerat e parë; një përgjigje e menjëhershme e Ambasadës së Kuvajtit, popullit kuvajtian, qeverisë kuvajtiane. Na kanë sjellë nevojat bazë të emergjencës si batanije dhe ushqime, teksa jemi duke ndërtuar shtëpitë e dëmtuara“, tha Veliaj.

Bashkë me Ambasadorin e Kuvajtit në Tiranë kryebashkiaku Erion Veliaj u shpërndau pakot banorëve të ndodhur në vështirësi dhe shpjegoi se ndihma e këtij shteti nuk është vetëm kaq.

“Ambasada e Kuvajtit na ka ndihmuar edhe për pjesën pas ndërtimit të shtëpive, pra përveç se do ndërtojmë disa shtëpi bashkë, kemi marrë edhe elektro-shtëpiaket, lavatriçe, frigoriferë, shumë pajisje, që disa prej këtyre familjeve, që janë me ndihmë ekonomike, as nuk i kanë pasur ndonjëherë, me shtëpi të ndërtuara në vitet ‘50-’60 me mjete rrethanore, me gurë, baltë, kashtë e kallamishte”, tha kryebashkiaku.

Menjëherë pas tërmetit, Bashkia e Tiranës nisi punën për rindërtimin e banesave të dëmtuara, ku krahas fondit të saj kontribut të rëndësishëm po jep edhe biznesi./ABC News Albania 24/7

blendi-klosi-1.jpg
ad min11:28 | 27/09/2019

Ministri i Mjedisit dhe Turizmit, Blendi Klosi ka njoftuar heqjen e lejeve mjedisore për 5500 biznese që operojnë në fusha të ndryshme. Ministri Klosi i ka konsideruar si barrë për bizneset këto leje, ndërkohë që një ditë më parë, kryebashkiaku Erion Veliaj kërkoi kalimin e tyre tek pushteti vendor.

“Sa i përket lejeve mjedisore të tipit C besoj e keni të qartë opinionin e Ministrisë së Mjedisit që tashmë kemi paraqitur ndryshimin e vendimmarrjes së menaxhimit të mbetjeve për heqjen përfundimtare të lejeve C.

Kjo leje ka qenë një barrë për disa biznese që shtrihen në vendin tonë. 5500 subjekte kanë qenë të detyruara të gjobiten me lejen C që për logjikën e ministrisë së Mejdisit është një kundërshti me realitetin”, tha Klosi./ABC News Albania 24/7

erion-veliaj-1.jpg
ad min15:42 | 25/09/2019

Familjet që tërmeti i së shtunës iu shkatërroi shtëpitë në Tiranë do të jenë në banesat e reja para vitit të ri. Kryebashkiaku Erion Veliaj e premtoi gjatë një vizite në një prej familjeve në Petrelë. Banesat e dëmtuara nga tërmeti në Tiranë kanë nisur të rindërtohen. Kryetari i Bashkisë Erion Veliaj ishte në njërën prej tyre në zonën e Petrelës.

“S’kemi pritur as tre ditë nga tërmeti, kemi filluar rindërtimin e shtëpive: filluan shtëpitë në Ndroq dhe në Kashar, tani po fillojmë shtëpitë në Petrelë. Mezi pres që edhe në shtëpinë e Xhevdetit të vijnë që sot inxhinierët. Është caktuar kompania që ka marrë përsipër ta rindërtojë, do vijë të bëjë matjet. Ata do të zhvendosin plaçkat e tyre te fëmijët dhe pastaj do fillojmë rindërtimin e shtëpisë”.

Shumica e familjeve premton kryebashkiaku Veliaj do të futen në banesat e re brenda Dhjetorit.

“Shqipëria nuk e ka parë ndonjëherë një solidaritet të tillë. Do fillojmë vetë rindërtimin e shtëpive, sidomos në zonat e fshatit, ku shtëpitë janë monofamiljare dhe një kulm i prishur shkatërron jetën e  një familjeje. Ndërkohë, po vazhdojmë me procesin e adoptimit të shtëpive pothuajse në të gjitha fshatrat e Tiranës. Besoj se shumica e familjeve, përfshirë edhe familjet e Xhevdetit, vitin e ri do ta hamë në shtëpinë e re”.

Ngjarjet e fundit sipas kryetari të bashkisë ishin edhe një test që tregoi se Tirana di të jetë solidare në raste fatkeqësish natyrore./ABC News Albania 24/7

tirane-.jpg
ad min09:10 | 24/09/2019

Prej mesditës të së hënës, Tirana është përfshirë nga moti i keq, me reshje të dendura shiu, stuhi të forta, dhe rrufe. Në një kohë shumë të shkurtër, prej orës 12:00 të 23 Shtatorit dhe deri në orën 6 të mëngjesit të sotëm, nga matjet e kryera rezulton se në kryeqytet ka rënë një sasi e konsiderueshme shiu në një kohë të shkurtër, plot 115 mml.

Kreu i Bashkisë, Erion Veliaj përmes një postimi në Twitter thotë se kjo sasi reshjesh është sa për të gjithë muajt e fundit bashkë në Tiranë, ndërkohë që bën apel për sa më shumë solidaritet.

Era e fortë ka shkaktuar edhe rrëzimin e disa pemëve, por punonjësit e të gjithë ndërmarrjeve të Bashkisë së Tiranës kanë qenë në terren gjatë natës, dhe situata mëngjesin e së martës paraqitet më e normalizuar.

Sakaq, kryebashkiaku Veliaj thotë se po ndërhyhet në të gjitha lagjet e kryeqytetit.

“Shkollat janë hapur, Lana është në shtrat dhe rrugët qytetase janë të kalueshme, po heqim pemët e fundit nga stuhia. Në zonat informale ekipet e emergjencave po pompojnë ujin nga shtëpitë nën nivel të kolektorëve. Çështje kohe sa të mbërrijmë tek secila”, shkruan ai./abcnews.al

erion-veliajjj.jpg
ad min16:19 | 23/09/2019

Kryebashkiaku i Tiranës Erion Veliaj vizitoi një nga familjet e prekura nga tërmeti në Ndroq. Veliaj u shpreh se bashkia disponon dosjet për çdo rast dhe shume shpejt do të nisë të ndërhyrje.

Grupet e punës së emergjencave në Tiranë kanë përgatitur dosje të plotë për çdo banesë të dëmtuar. Kryebashkiaku Erion Veliaj e bëri të ditur ndërsa vizitoi një ndër familjet e prekura nga tërmeti në Ndroq.

“Grupi i emergjencave ka bërë një dosje për secilën shtëpi. Do thjeshtojmë procedurat e lejes, duhet të shfrytëzojmë kohën sa nuk kanë filluar shirat dhe s’ka ardhur i ftohti i dimrit, për t’u siguruar që një kompanie i varim në “qafë” një projekt dhe i themi: ke kaq muaj kohë ta dorëzosh, para Vitit të Ri. Po e bëmë me këtë ritëm, mund të ecim shumë shpejt”, tha Veliaj.

Puna për rikuperimin e dëmeve theksoi kryebashkiaku do të vijojë me mbështetjen dhe të sektorit privat.

“Do kemi brigadat e bashkisë për krahun e punës dhe donatorët për llaç dhe tulla. Inxhinierët, arkitektët dhe konstruktorët i kemi vetë dhe besoj se nëse bëjmë një partneritet publik-privat, siç kemi bërë për çerdhet, kopshtet, shkollat, ecim më shpejt. Një pakicë e njerëzve kanë alergji nga termi publik-privat, por këtu bashkimi sjell fuqinë. Ne mund të kemi 5 ekskavatorë, por bashkë me ta kemi 505; mund të kemi një brigadë me 100 veta, por bashkë me ta kemi 1100 veta”, tha Veliaj.

Në Ndroq, bashkia ka evidentuar rreth 22 shtëpi të dëmtuara dhe 8 me probleme më të moderuara./ABC News Albania 24/7

erion-veliaj-faza-e-pare.jpg
ad min16:21 | 22/09/2019

Kryetari i Bashkisë së Tiranës, Erion Veliaj njoftoi se institucioni i drejtuar prej tij do të akordojë një shumë prej 1 milion dollarësh në funksion të riparimit të gjithë dëmeve dhe problematikave të shkaktuara nga tërmeti. Veliaj theksoi se të gjithë administratorët e Bashkisë do të jenë në terren për të bashkëpunuar dhe për t’iu gjendur në ndihmë çdo qytetari që ka nevojë.

Bashkia e Tiranës do të vendosë në dispozicion një fond prej 1 milion dollarësh për të kaluar fazën e parë të problematikave që shkaktuan lëkundjet e tërmetit. Kreu i Bashkisë së Tiranës tha se vendimi do të merret sot në mbledhjen e Këshillit Bashkiak.

“Brenda ditës akordojmë një fond rreth një milion dollarë për këtë fazë të parë të emergjencave. Do kemi një mbledhje jashtë radhe të Këshillit Bashkiak për të adresuar këtë çështje dhe për të hequr paratë nga diçka tjetër”, tha Veliaj.

Bashkia e Tiranës ka nisur një fushatë për mbledhjen e ndihmave për të gjithë familjet e prekura nga tërmeti. Nën sloganin Tirana solidare, Veliaj kërkoi nga qytetarët që të bashkëpunojnë me administratorët në mënyrë që të marrin ndihmën për të cilën ata kanë nevojë.

Mijëra qytetarë i janë bashkuar nismës së Bashkisë ndërkohë që sipas të dhënave të gjithë institucionet arsimore do të jenë të hapura për ditën e hënë./ABC News Albania 24/7

tirana.jpg
ad min12:45 | 22/09/2019

Kryetari i Bashkisë së Tiranës, Erion Veliaj, i pranishëm në mbledhjen e grupit parlamentar të PS me Kryeministrin Edi Rama, tha se në kryeqytet kishte 42 pallate me çarje fuge që do të analizohen nga inxhinierët nëse ka nevojë për ndërhyrje.

“Kemi pas 42 pallate që kanë pasur këtë çështjen e hapjes së fugës dhe kemi bërë një raportim të detajuar, në mënyrë që inxhinierët më pas të bëjnë një vlerësim nëse ka nevojë për ndërhyrje strukturore, ose jo. Në fshat paraqitet situata pak më e vështirë, kryesisht në Pezë dhe Ndroq. Kemi rreth 70 shtëpi me dëmtime serioze, kryesisht shtëpi të vjetra të ndërtuara me gurë, të cilat duhet t’i konceptojmë nga e para dhe t’i bëjmë nga e para.”

Veliaj tha se sot do të caktohet edhe buxheti për menaxhimin e rasteve të Tiranës dhe fondin e solidaritetit.

“Kemi një mbledhje të Këshillit Bashkiak sot, për të ndryshuar buxhetin, për të përcaktuar një fond për menaxhimin e rasteve të Tiranës dhe sigurisht një fond solidariteti për Durrësin apo kudo tjetër ku të ketë nevojë.”/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono