Erion Veliaj
Të dhënat e Cristian Sirghi

ritaaa.jpg
So Nila12:30 | 17/01/2020

Tërmeti i 26 nëntorit në Shqipëri la shumë të vdekur, qindra të plagosur e mijëra të pastrehë.

Këngëtarja e njohur shqiptare Rita Ora kishte vendosur që familjes Sala t’ia ndërtonte shtëpinë.

Tani shtëpia është ndërtuar, dhe 6 anëtarët e familjës Sala u futën në shtëpinë e re.

Erion Veliaj përmes një postimi e dha lajmin e mirë, ku edhe e falënderoi Ritën për kontributin e saj.

 

E kjo e fundit, ia ri-postoi postimin e Veliajt, ku ai tha “Premtim i dhënë, premtim i mbajtur!”.

“Shtëpia që e kam ndërtuar me ekipin tim, më në fund erdhi në jetë!! Faleminderit të gjithëve që ndihmuan ta bëjmë këtë realitet! #kosovoambassador”, ka shkruar Rita.

 

Rita në vitin 2015 është shpallur ambasadore nderi në Kosovë për shkak të punës së saj me UNICEF, nga ish-presidentja e Kosovës Atifete Jahjaga./abcnews.al

veliaj-1.jpg
ger ta16:13 | 08/01/2020

Dy shkolla te reja, nje nente vjecare e integruar me kopesht dhe nje gjimnaz kane nisur te ndertohen ne zonen e “Don Boskos” ne Tirane. Kryebashkiaku Erion Veliaj inpektoi punimet qe po kryhen.

 “Jam shumë entuziast që kemi filluar dy fronte të jashtëzakonshme pune: një front është ai për shkollën e mesme ‘Kristo Frashëri’ dhe fronti tjetër ai për shkollën 9-vjeçare ‘Vaçe Zela’. Janë dy fronte pune që do të prodhojnë dy shkolla me oborr të përbashkët dhe mjedise ndoshta më cilësoret për arsimim në qytetin e Tiranës. I ka hije Tiranës që për 100 vjetorin e saj si Kryeqytet të ketë këto dy godina, të cilat po ndërtohen në një zonë që deri dje konsiderohej fundi i botës, kurse sot është shumë afër me qendrën e Tiranës

Shkollat parashikohet te jene gati vitin e ardhshem dhe ne to pritet te marrin mesime rreth 1500 nxenes.

“Më vjen mirë për 1500 fëmijë që do të frekuentojnë këto mjedise mësimore sepse do të ndjekin kopshtin aty që në moshën 5 vjeçare, deri sa të mbarojnë gjimnazin, e do të arsimohen në një nga ambientet më cilësore e të sigurta të Tiranës. Ne po përgatisim pjesën e infrastrukturës, ndërkohë që bashkë me Ministrinë e Arsimit do të bëjmë përgatitjet për stafin mësimor, që semestrin e dytë të vitit tjetër apo ndoshta për një pjesë edhe më herët, të kemi mundësi të bëjmë një transferim nga shkollat që janë të mbingarkuara” 

Nderkohe Bashkia e Tiranës ben te ditur Veliaj do ti ofroje mundësi familjeve të reja të marrin shtëpi në zona me akses nëpër shkolla, kopshte apo çerdhe. Muajin e ardhshem bashkë me Entin Kombëtar të Banesave do të hapë thirrjen për 1000 kredi të buta./abcnews.al

edi-rama-farke.jpg
ger ta17:48 | 07/01/2020

Kryeministri vizitoi një familje në Farkë, e cila po jeton në kontenier, pasi shtëpia ju dëmtua nga tërmeti. Rama mes batutash me banorët dhe ironive me kryebashkiakun Veliaj, garantoi familjen se në fund të marsit do të fillojë ndërtimi i shtëpive të reja.

Vizita e kryeministrit nuk është një ngjarje për tu neglizhuar për kryebashkiakun Veliaj.

Ai dhe stafi i bashkisë mbërrijnë kohë përpara Ramës dhe sigurohen që gjithçka të shkojë mirë.

Ardhja e kryeministrit dhe shtërngimi i duarve me familjen Shkalla në Farkë, u shoqërua me breshëri shkrepjesh fotografike.

Kryefamiljari e ka ndërtuar vetë këtë banesë, pa themele.

Jetesa në kontenierë nuk i ka bërë të harrojnë zakonet.

Por kryeministri kujdeset që gotën e parë t’ia shërbejë kryetarit të bashkisë.

Por gotat nuk mjaftonin për të gjithë, ndaj ishte rasti që Veliaj të sakrifikohej.

Dikush i erdhi në ndihmë kryebashkiakut, duke i mbushur gotën me një lëng tjetër.

Pas shijimit të lëngut të karrotës të përzjerë me batutat kryeministrore, Veliaj ka një kërkesë të fundit….

 

aleanca-mbrojtja-teatri-1280x605.jpg
nev ila11:56 | 31/12/2019

Aleanca për Mbrojtjen e Teatrit i ka kërkuar Bashkisë së Tiranës të bëjë transparencë me procedurat e tenderit për ndërtimin e Teatrit të ri. Aleanca për Mbrojtjen e Teatrit Kombëtar dyshon se Bashkia e Tiranës ka shpallur kompaninë që do të ndërtojë teatrin e ri, por nuk bën transparencë për çështjen.

Ditën e djeshme Aleanca për mbrojtjen e teatrit është paraqitur në zyrat ë Bashkisë së Tiranës për të kërkuar informacion për këtë cështje por nuk kanë marrë një përgjigje në lidhje me kërkesën e tyrë.

Ndërkohë ditën e sotme ata kanë paraqitur përpara prokurorisë së posaçme kundër korrupsionit dhe krimit të organizuar SPAK një kallzim penal ndaj kryetarit të bashkisë së Tiranës Erion Veliaj.

Aleanca për mbrojtjen e teatrit ka akuzuar kryebashkiakun e Tiranës së ka shpërdoruar detyrën duke mbajtur të fshehtë procedurat e tenderit për ndërtimin e godinës së re.

Kallëzimi penal në SPAK nga Aleanca për Mbrojtjen e Teatrit është paraqitur ditën e sotme rreth orës 11 pranë kësaj strukture.

ABC News ka siguruar kallëzimin penal që ka dorëzuar Aleanca për Mbrojtjen e Teatrit pranë SPAK. /abcnews.al

vidoe.jpg
in a17:56 | 30/12/2019

Të gjitha ata që do të duan të udhëtojnë drejt jugut të vendit, prej datës 3 janar 2020 do të kenë një tjetër pikënisje të udhëtimit të tyre, nga “Shqiponja” tek Kthesa e Kamzës.

Bashkia e Tiranës e mori vendimin pasi në janar pritet të rinisin punimet për nënkalimin e rrethrrotullimit të sheshit “Shqiponja”.

Deri më tani terminali pranë rrethrrotullimit të Shqiponjës shërbente si terminali i transportit ndërqytetas të zonës së jugut, por në janar 2020 do të spostohet. Punimet për terminalin e ri të jugut duket se po ecin me ritme të shpejta siç shihet dhe nga pamjet e fiksuara nga kamera e “ABC News”.

Shkakun e zhvendosjes së këtij terminali pranë zonës së njohur si Kthesa e Kamzës e shpjegoi kryebashkiaku i Tiranës, Erion Veliaj para pak ditësh.

“Pas festave të gjithë autobuzët ndërqytetas që qëndrojnë te terminali te ish – dogana do të kalojnë rrugën në anën tjetër dhe terminali do të zhvendoset te kthesa e Kamzës”, tha Veliaj.

Pas pezullimit të punimeve për Unazën e Madhe të kryeqytetit, në janar pritet që këto punime të rinisin për nënkalimin pranë sheshit “Shqiponja” dhe terminali aktual i jugut të shërbejë si kantier ndërtimi./abcnews.al

veliaj-1.jpg
in a20:01 | 16/12/2019

Një nga problemet e hasura nga inxhinierët në terren pas tërmetit të 26 nëntorit, ishte pikërisht vendosja e depozitave të ujit mbi tarracat e pallateve, duke rrezikuar jetën e qytetarëve. Ne kryeqytet bashkia vendosi t’i japë fund kësaj gjetjeje të pas viteve 90 për të furnizuar familjet me ujë.

Të gjithë depozitat e ujit do të hiqen nga tarracat e pallateve në Tiranë. Ky  vendim është marrë nga Këshilli Bashkiak gjatë mbledhjes së radhës. Bashkia e Tiranës do të udhëzojë që depozitat e përbashkëta të ujit të vendosën në ambientet me pronësi të përbashkët në katet e para.

“Mbi tarracat e pallateve ka një peshë të jashtëzakonshme që është në mënyrë konstante rrezik për jetën e qytetarëve. Kjo histori ka vazhduar për shumë gjatë në qytetin tonë; ne nuk duam të jemi ata që nuk mësojmë nga historia, por që mësojmë prej saj. Ndaj, lipset të bëjmë disa gjëra me këtë vendim të KB: Së pari, marrim vendim për të hequr të gjitha depozitat e ujit nga tarracat, jo për t’i lënë pa alternativë, por që në bashkëpunim me administratorët e pallateve të kenë mundësi që, si pallatet e reja, në hapësirën e përbashkët, në katin e parë ose në një nga vendet e parkimit, të instalojnë një depozitë të përbashkët për të gjithë banorët; pra, jo secili të vetën”, tha Veliaj.

Depozitat mbi pallat do te lejohen vetëm në raste të caktuara.

“Ne do të lejojmë depozita në tarracë vetëm nëse inxhinierët konstruktorë të licencuar i japin aprovim administratorit të pallatit se tarraca e tyre është mjaftueshëm e fortë për të mbajtur atë peshë. Improvizime të tjera nuk do kemi. Kjo është arsyeja pse do i kërkojmë çdo asambleje të pallatit që me administratorin e tyre të bëjë këtë verifikim; do i japim leje të përshpejtuar kujtdo që do të bëjë depozitë të përbashkët të pallatit në katin përdhes, në lulishten apo brezin që ka pallati rreth e qark, por kurrsesi nuk do vazhdojmë me këto rreziqe”, theksoi Veliaj.

Këshilli Bashkiak i Tiranës miratoi listën e radhës për bonusin e qirasë për 606 familje të tjera, shtëpitë e të cilave janë bërë të pabanueshme nga tërmeti i 26 nëntorit. Një vendim tjetër ishte edhe kompensimi i pagesës së qerase për studentët qe jetonin në godinat që do shemben pranë Universitetit Bujqësor të Tiranës./abcnews.al

veliaj.jpg
in a18:35 | 16/12/2019

Në mbledhjen e sotme Këshilli Bashkiak i Tiranës miratoi heqjen e të gjithë depozitave të ujit nga tarracat. Bashkia e Tiranës do të udhëzojë që depozitat e përbashkëta të ujit të vendosën në ambientet e bashkëpronësisë në katet e para, duke i hequr nga tarracat.

Kryetari i Bashkisë së Tiranës, Erion Veliaj në mbledhjen e Këshillit Bashkiak u ndal te inagurimi i linjës së re të impianitit të filtrimit.

Gjithashtu Veliaj theksoi se nesër do të nisë operacioni “Kutia” me dhurata për fëmijët e prekur nga tërmeti.

“Në fund të vitit do të jemi për të inauguruar linjën e re që vjen nga Bovilla te impianti i filtrimit por edhe dyfishimin e impiantit të filtrimit. Çështja e depozitave është mirë të miratohet. Depozitat nën tokë i kanë pallatet e reja dhe mund ti bëjnë nën tokë edhe pallatet e vjetra. Mund ti mbajnë në tarracë vetëm administratorët që do të na sjellin me provë dhe firmë të një inxhinieri që do të jetë dakord me administratorët e pallatit përpara se ne të lejojmë depozita mbi tarraca. Na ndihmoni që t’ju ndihmojmë sepse nuk mund të flasim dot me çdo banor”, deklaroi Veliaj.

Ndër të tjera Veliaj tha se janë inspektuar 1900 pallate nga Bashkia Tiranë dhe 3200 shtëpi nga zonat rurale.

Gjithashtu ai bëri të ditur se pjesë e listës së familjeve dhe personave që do të trajtohen me bonus qiraje janë edhe ata që kanë qenë të strehuar në 10 godinat e Universitetit Bujqësor të Kamzës.

“Kemi futur në trajtim edhe studentët e UB edhe pse nuk janë rezident. Fakti që janë konviktorë do të thotë s’janë banorë në Tiranë, ua them pse? Së pari për njerzillëk se përsa kohë që nëqoftëse në mënyrë të përkohshme janë në Tiranë dje i kapi fatkeqësia në Tiranë do të thotë që është primare dhe për ta rikthimi në normalitet. Pra nëse e bëmë këtë për çerdhet, kopshtet, shkollat do ta bëjmë këtë edhe për studentët. Kështu që në dallim nga QS dhe mjekësia ku ne kishim godina me hapësirë dhe ku të mjekësisë i transferuam tek inxhinieria. Në UB të 10-të godinat u rrafshuan, kështu që për këtë arsye kemi rekomanduar 2 masa, së pari kthimi mbrapsht sapo të kthehen në 6 janar sepse mbaron universiteti dhe shkolla këtë javë të marrin mbrapsht të gjithë pagesën e tyre mujore, ndërsa i rimbursojmë dhe me një shtesë tjetër për përballimin e qirasë”, tha Veliaj. /abcnews.al

 

vaqarr.jpg
in a16:53 | 16/12/2019

Kryeministri Edi Rama së bashku me kreun e Bashkisë së Tiranës, Erion Veliaj ka shkuar sot në Vaqarr aty ku do të ndërtohet lagjia e re, pas shembjes së godinave nga tërmeti.

Gjatë vizitës Rama është takuar dhe me banorët, të cilëve u ka shpejguar të gjithë procedurën se si do të vijojnë punimet dhe shtoi se do të bëhet një lagje komunitet, ku shtëpitë dhe shërbimet do të jenë afër.

Rama ne Vaqarr: Po merren te gjitha masat, do te kthehet ne nje lagje model

Kryeministri Rama theksoi se po merren të gjitha masat që të gjitha shtëpitë e rrënuara dhe që nuk rindërtohen, të bëhen të reja.

“Për të gjithë bëhet më mirë. Në këtë rast është tokë shtet që ne do ta vëmë në dispozicion të banorëve. Per fëmijët bëhet mirë sepse kanë afër shkollën, çerdhen, kopshtin. Për më të moshuarit është shumë mirë sepse kanë afër qendrën shëndetësore. Në këtë mënyrë, fitojmë një lloj cilësie dhe shtëpitë do jenë shumë më të mira se ato që ishin. Po duhet edhe pak punë nga ana juaj për t’jua shpjeguar, se ndryshe është një mundësi e madhe e humbur dhe një mbetje në vend numëro. Nga kjo duhet të dalim te gjithë më mirë, familje, komuniteti”, tha Rama. /abcnews.al

MURI-1280x720.jpg
Autor E13:50 | 02/12/2019

Kreu i qeverisë Edi Rama e ka transmetuar live në ERTV momentin e transferimit të familjes Lala në banesën e tyre të re në Tiranë duke i shkëputur nga Durrësi. gjatë këtij momenti, Rama ka sulmuar edhe Veliajn duke i thënë që të çohet në orën 04:30 të mëngjesit që të lyejë shkallët.

Këtë ai ia kërkoi Veliajt personalisht duke thënë se ai ngrihet në 05:30, kurse Veliaij duhet të zgjohej në 04:30 dhe të lyente shkallët. E gjithë nisi pasi Rama pa disa të gërvishtura nëpër mure teksa po ngjiteshin nëpër shkallë.

Diskutimi mes tyre:

Rama: O Erion pse nuk i lyni këto mure? Ky është pallati që administroni ju? Muhabet kot.

Veliaj: Kryeministri është perfeksionist sheh edhe defektet e vogla por…

Rama: Ore do lyeni shkallën ju pa lëre ca është kryeministri.

Veliaj: Ajo nuk diskutohet.

Rama: Ato zhgaravina nuk duhet të jenë nesër. Mos na trego se çfarë duhet të bëjmë ne, çfarë duhet të bësh ti. Bojën nesër në mëngjes, të vish këtu. Unë dal në 5:30 nga shtëpia për të shkuar në punë, ti duhet të dalësh nesër në 4-:30 të lyesh shkallën. /abcnews.al

p06gn6v3.jpg
in a09:55 | 29/11/2019

Këngëtarja Rita Ora ka treguar me anë të një postimi në instagram se çfarë dhe si do ta ndihmoj Shqipërinë pas tragjedisë që ndodhi më 26 nëntor

26 nëntori është ditëlindja e këngëtarës dhe ajo pavarësisht kësaj kishte disa postime për Shqipërinë.

Tani në këtë postim Rita ka shkruar se ajo do të koordinohet me kryetarin e bashkisë së Tiranës Erion Veliaj për ndihmat.

Ajo e ka cilësuar Erionin si një lider të vërtetë dhe thotë se lidershipi i tij është shembull.

“Unë sugjeroj që kushdo që mundet, ju lutemi të gjeni një familje ose ndonjë shoqatë bamirëse apo ndonjë mënyrë që të ndihmoni për rindërtimin e shtëpive të viktimave nga ky shkatërrim. Familja e parë që unë kam zgjedhur për t’i ndihmuar është familja Sala dhe ne do të të përcjellin gjendjen e saj dhe shumë familjëve të tjera të cilat kanë nëvojë për ndihmë”, ka shkruar Rita duke postuar edhe një link ku mund të jepen donacione për Shqipërinë./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono