erion brace

kuvendi-1.jpg
G. P.17:47 | 03/12/2018

Ndryshime janë parashikuar edhe në ligjin për tatimin mbi vlerën e shtuar i miratuar në parlament ditën e enjte. Qeveria ka parashikuar heqjen nga TVSH-ja të imputeve bujqësore, por duke ulur në 6% vlerën e parashikuar për rimbursim të fermerëve që sot kap shifrën 20%.

Ligji për tatimin mbi vlerën e shtuar pas debatesh në komisionin e ekonomisë, parashikon disa ndryshime, të parashtruara në seancën plenare nga relatori Ervin Bushati.

“Përsa i përket furnizimit dhe shitjes së librave, TVSH nga 20 përqind shkon në 6 përqind. Autobusët që janë me furnizim elektrik TVSH shkon në 6 përqind nga data 31 Dhjetor deri në vitin 2021 dhe nga data 1 Janar në vitin 2022 shkon në 10 përqind. Pra për tre vjet do të jetë në 6 përqind. Furnizimi i makinave bujqësore, gjitrhashtu TVSH bëhet zero. Ka qenë për ato që importoheshin, por edhe për ato që sot tregtohen brenda tregut. Furnizimi i shërbimeve veterinare përjashtohet gjithashtu nga TVSH dhe bëhet dhe kjo zero”, tha Bushati.

Për të balancuar heqjen e TVSH-së nga imputet bujqësore.

“Ndërkohë norma  kompensimit për prodhuesit bujqësore nga 20 përqind shkon në 6 përqind”, u shpreh Bushati.

Për kreun e komisionit të ekonomisë Erjon Braçe, ligji duhet ndryshuar edhe më. Jo vetëm TVSH për librin të jetë e reduktuar në masën 6% pore dhe mallrat e destinuara për tu përdorur për realizimin e prodhimit të tij, dhe njëkohësisht është ligji ai i cili duhet të parashikojë listën e imputeve bujqësore të cilat me miratimin e tij përjashtohen nga TVSH-ja.

“Mund të ndodhë që të mos përfshihet gjithë gama e imputeve bujqësore që duhet të çlirohen nga TVSH”, tha Braçe.

Por propozimet e kreut të komisionit të ekonomisë u rrëzua dhe ligji u miratua sipas përcaktimeve të bëra nga komisioni i ekonomisë sëbashku me ministrin e Financave, Arben Ahmetaj./abcnews.al

INVESTIMET-NE-SHENDETESI-DHE-ARSIM.mpg_snapshot_01.25-1280x720.jpg
G. P.16:28 | 23/11/2018

Investimet në shëndetësi dhe arsim ishin temë e diskutimit mes ministrave të fushës dhe deputetëve në komisionin parlamentar të ekonomisë dhe financave. Ndonëse në mbledhje ishte e pranishme ministrja Lindita Nikolla përgjigjen studentëve dhe pedagogëve ia dha kryetari i komisionit Erion Braçe.

Studentëve dhe pedagogëve që protestuan para kryeministrisë për ulje të tarifave të studimit dhe rritje të buxhetit për arsimin përgjigjen ia dha kryetari i Komsionit Parlamentar të Ekonomisë dhe Financave, Erion Braçe.

Erion Braçe, kryetari i Komisionit Parlamentar të Ekonomisë: “Më bën shumë përshtypje buxheti i shtetit, është 1.6 miliardë lektë, 120 milionë dollarë. Për të gjithë ata që janë në këtë arsim, pedagogë, ndihmës pedagogë, por mbi të gjitha për ata që dalin në rrugë se e gjitha kjo është 25 milionë dollarë më shumë se i gjithë buxheti i Ministrisë së Bujqësisë.”

Protestuesve Braçe iu sugjeroi të ndryshojnë sheshin e protestës.

“Unë e kuptoj që protesta merr më shumë zë politikisht këtu përpara këtij sheshi ku jemi ne, por kam përshtypjen se efektivisht këto protesta duhet të jenë atje ku janë të destinuara këto para. Kërkoni llogari deri në qindarkën e fundit, ku shkojnë 81 milionë dollarë që janë para që dalin nga buxheti i shtetit. 126 milionë dollarë që bëhen bashkë me tarifat e tyre.”

Ndërsa ministrja e Arsimit e thirrur në Komisionin Parlamentar për të detajuar buxhetin e parashikuar për vitin që vjen zgjodhi ti përgjigjej opozitës, ndonëse deputetët e saj nuk ishin të pranishëm në mbledhje. Lindita Nikolla u ndal tek mbyllja e klasave kolektive.

Lindita Nikolla, ministre e Arsimit: “Janë mbyllur në të gjithë vendin rreth 325 klasa kolektive. Ne realizuam premtimin që anjë mësues nuk do të dilte jashtë sistemit për shkak të mbylljes së klasave kolektive dhe orientimit të nxënësve me trensport falas drejt shkollave ku qendërzoheshin. Pra janë 800 milionë lekë që do të mundësojnë transportin e 35 mijë nxënësve dhe 12 mijë mësuesve.”

Ndërsa më herët ministrja e Shëndetësisë Ogerta Manastiliu, iu tregoi deputetëve se për ti ndryshuar pamjen spitaleve dhe qendrave shëndetësore vitin që vjen do të investohen 3.1 miliardë lekë.

Ogerta Manastirliu, ministre e Shëndetësisë dhe Mbrojtjes Sociale: “Me buxhetin e vitit 2019 ne përfundojmë ndërtimin e spitalit kirurgjikal të QSUT, me një vlerë prej 8.5 euro, gjithashtu vijon investimi për spitalin e ri të sëmundjeve të brendshme. 100 qendra të reja shëndetësore për vitin 2019 të cilat do të financohen nga ky buxhet, patjetër që do të përmirësojnë shërbimet për qytetarët edhe në ato zona ku shërbimi shëndetësor apo qendrat shëndetësore janë jo në gjendje të mirë infrastrukturore.”

Buxheti i vitit që vjen, sipas ministres së Shëndetësisë, mbulon më shumë se 85 % të nevojave që ka vendi nga rreth 40 % që financoheshin me para publike për shëndetësinë 5 vjet më parë./abcnews.al

kuvendii.png
G. P.12:42 | 11/10/2018

Federata Shqiptare e Futbollit është kthyer në mollën e sherrit në parlamentin e zbrazur nga opozita. Interpelanca e kërkuar nga kreu i komisionit të ekonomisë Erjon Braçe me ministrin e Financave dhe Ekonomisë, Arben Ahmetaj, lidhur me detyrimet fiskale të kësaj organizate, solli ngritje tonesh në sallën e seancave plenare.

Në mungesë të opozitës parlamentare dhe pasi i kanë zgjidhur hallet e qeverisjes së vendit, mazhoranca nisi t’i kërkojë hesap vetvetes për organizatën jofitimprurëse, Federatën Shqiptare të Futbollit. Duke e krahasuar me yjet botërore të këtij sporti, Erjon Braçe zhvilloi interpelancën, që e kishte me merak prej javësh, me ministrin e Financave dhe Ekonomisë, Arben Ahmetaj.

“Presidenti i Bajernit të Mynihut është dënuar me 3.5 viute burg për evazion fiskal. Ronaldo sapo është dënuar me 2 vite burg dhe me detyrimin për të paguar 18.8 milionë euro. Hoze Murinjo është dënuar me një vit burg dhe me detyrimin për të paguar 1.75 milionë paund. FSHF është një nga institucionet më të rëndësishme në këtë vend që duhet të ishte institucioni që reflektonte jo vetëm ligjshmërinë fiskale, por edhe modelet të qënësishme të paketave fiskale në këtë vend”, tha Braçe.

Por tifozit të thekur  të Partizanit, ministri Ahmetaj i qau hallin e rivalëve.

“Këtu ka një problematikë serioze me klubet dhe që ka nevojë për formalizim të mëtejshëm. De Souza Martins paska marrë 22 mijë lekë të reja në muaj”, u shpreh Ahmetaj.

Kjo e bëri Braçen të ndihet i akuzuar, padrejtësisht.

“Në asnjë rast nuk ka ndodhur që të mos kem vlerësuar përpjekjen e qeverisë kryeministrit Rama në luftë kundër evazionit fiskal dhe rritjen e të ardhurave në buxhetin e shtetit, por pse ne duhet të pranojmë alibinë e njënjeriu që nuk heq dorë nga një karrige atje pikërisht për shkak të këtyre përfitimeve që administrohen vit për vit në Federatën Shqiptare të Futbollit”, tha Braçe.

Pathosi i kreut të komisionit të ekonomisë solli emocione në sallë…lot…dhe entuziazmin e ish irvalit të Armando Dukës… Ahmetaj, i cili ia kuptoi hallin kolegut u shpreh i lumtur për mundësinë e sqarimit.

“Të harxhosh kaq shumë kohë për FSHF dhe për sportin është gjëja e duhur. FSHF ka në lista pagesa 2015, 55 të punësuar. Tatimi mbi të ardhurat nga punësimi ka paguar 38 milionë lekë. Totali i pagesave 2014-2018 në buxhet është 283 miloionë e 853 mijë lekë”, tha Ahmetaj.

Por kjo ju duk ironi Braçes, i cili iu kthye populizmit për strehë.

“Do harxhoj kohë sepse zyrtarë të hetimit të Fierit kanë shkuar në një lokal në fshatin Çermë. E kanë gjetur lokalin bosh dhe e kanë gjobitur me 500 mijë lekë për mosprerje të kuponit tatimor. Ndërkohë unë i kërkova pronarit të lokalit që t’i binte kasës në atë moment që ata ishin atje. I ra kasës dhe çfarë del nga kasa, kuponi. Kur kjo ndodh me një fakir në mes të Çermës pse s’u dashka të ndodhë me një në krye të FSHF”, tha Braçe.

Në fund, Gramoz Ruçi ftoi deputetët socialist në sallë ta praktikojnë më shpesh këtë të drejtë të tyre parlamentare, për të qarë hallet, ato të qytetarëve, sigurisht./abcnews.al

erion-brace.jpg
G. P.15:10 | 03/05/2018

Deputetët e mazhorancës, tashmë ish-kolegë të ish-ministrit të brendshëm Saimir Tahiri pas dorëheqjes së këtij të fundit nga posti i deputetit të pyetur nga ABC Neës e kanë komentuar zgjedhjen e tij si një vendim personal. Disa prej tyre e shohin këtë dorëheqje si besim të ish-deputetit Tahiri ndaj drejtësisë dhe shenjë se ai nuk dëshiron të bëhet pengesë për të por edhe për rrugën e vendit drejt BE-së.

“Po pres të dorëhiqet Lulzim Basha, Sali Berisha dhe e gjithë banda, që me thënë të drejtën kanë kryer krime të përbindshme në këtë vend”, tha Erion Braçe.

“Dorëheqja është akt individual”, u shpreh Ulsi Manja./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono