erion brace

erion-brace-1-1280x720.jpg
nev ila13:10 | 20/10/2019

Nën moton e kryeministrit Rama se “dielli do të lindte sërish pas 18 Tetorit”, zv/kryeministri Erion Braçe përmes një postimi në rrjetet sociale është entuziast për shegën e Lushnjes, që eksportohet jashtë vendit, dhe se e ka madhësinë sa një shalqi.

“Dielli lind prapë dhe …. bën këtë SHEEEEGEEEE!
Nuk është shalqi, është rekordi i ri në plantacionin e shegës në Karavasta/Divjakë të Agro Iliria: 1 KILOGRAME E 243 GRAME! Viti i parë dhe shihni cfarë prodhimi; 50 tonë deri tani dhe vazhdon! Në Itali e Angli po shkon. Ndërkohë nuk do të jetë veç shegë, por shumë shpejt edhe lëng shege! Kush e do punën e gjen, madje bën super prodhim me të!“, shkruan Braçe./abcnews.al

 

dadee.jpg
G. P.21:48 | 09/10/2019

KÇK (Kap ça të kapësh). Kështu iu drejtua kryeministri Edi Rama, prokurorëve dhe gjyqtarëve që e dinë se nuk e kalojnë Vettingun. Gjatë fjalës së tij në parlament këtë të mërkurë, ai tha se “Këtë grupim KÇK, ky parlament duhet ta shpalli grup në kërkim, jo metaforikisht, e them në mënyrë të drejtpërdrejtë. Ta shpallim në kërkim, me çdo mënyrë, duke ushtruar pushtetin e sovranit këtu të gjithë së bashku, është e kotë ti bëjmë njëri tjetrit predikime dhe e kotë që nga tryezat e opozitës të ngrihemi këtu e të fajësojmë qeverinë, apo nga qeveria të ngrihemi e të justifikojmë”.

Por nga studio e ABC News, ish-ministrja e Jashtme, Arta Dade, deklaroi se togfjalëshi që kryeministri përdori në Kuvend ka ekzistuar historikisht në vendin tonë. Madje sipas saj, kjo vjen nga përvojat personale dhe individuale.

Sipas saj, është shqetësuese nëse dënohen gjyqtarë dhe prokurorë me ligj parlamenti sepse nuk kemi mendësinë e qartë se si funksionon ndarja e pushteteve dhe si duhen dënuar ata që kanë bërë krime.

“Nuk besoj se ekzekutivi si pushtet më vete nga pushteti gjyqësor mund të ketë këto kompetenca. Për atë kap ça të kjapësh kjo ka qenë historikisht në Shqipëri. Nga fundi, qeveritë kalonin akte normative, kalonin ligje me një sy mbullur. Njërin nuk e kam votuar fare në 2017-n. Po të jetë kjo “Kap ça të kapësh” kjo është edhe nga përvojat personale dhe individuale, por edhe të gjitha qeverive që kanë kaluar. Kështu që nuk e di se për çfarë e ka pasur fjalën për këtë”, tha Dade.

Por edhe prezenca e zv/Kryeministrit Erion Braçe në seancën gjyqësore ndaj një zyrtari të Kadastrës nuk i ka pëlqyer ish-ministres. Sipas saj ka institucione të tjera që duhet të dënojnë prokurorin që dyshohet se po kryen krim.

“Nuk më la një shije të mirë që zv/kryeministri shkon në një proces gjyqësor sepse po të jetë për punonjësit e shtetit janë dënuar me qindra. Nëse kanë shkelur ligjin patjetër që duhen dënuar. Nëse vijmë tek prokurori dhe e besoj kryeministrin që duhet t’i ketë këto, por cili është mekanizmi ligjor dhe në varësinë e kujt është ky prokuror.

Rastin e Tahirit, nuk pamë njeri që shkonte atje dhe ta mbronte, sepse ai ishte një person që e drejtonte administratën. Mund të jenë dënuar dhe me të pa të drejtë. Cilat janë shkallët ligjore të atakimit të një vendimi të padrejtë të shkallës së parë të gjyqësorit? Është shkalla e parë, shkalla e dytë, shkalla e tretë. Nuk është zgjidhje, është populizëm është si në kohën e komunizmit kur bëjmë një show të madh. Po ata që nuk i njeh zv/kryeministri dhe kryeministri kush i mbron”, tha Dade./abcnews.al

LAJME-20-00001.mpg_snapshot_03.18-1280x720.jpg
ent ela21:22 | 12/09/2019

Zëvendëskryeministri Erjon Braçe i ftuar në studion e  Mbrëmjë në ABC News të Mirela Milorit ka folur për situatën politike në vend, seancën dëgjimore me presidentin Ilir Meta, shqetësimin e opozitës së re parlamentare dhe luftën kundër informalitetit.

I pyetur nëse ishte në dijeni qeveria që mund të digjej parlamenti gjatë protestës së opozitës në 8 qershor, Braçe deklaroi se nuk ka akses në informacione të klasifikuara.

Milori: Ka patur dijeni qeveria juaj që ekziston një informacion që mund të digjej parlamenti gjatë protestës?

Braçe: Nuk kam akses në informacione të klasifikuara dhe as jam interesuar ndonjëhërë për të pasur akses. Nuk ka lidhje kjo situatë me atë lloj dekreti. Pse merreni me një gjë që ka qenë evidente. Ju e keni transmetuar live tentativën për të djegur kryeministrinë, parlamentin, shkollat.

Sipas tij deklarata e presidentit Ilir Meta në seancën dëgjimore në komisionin hetimor parlamentar të ngritur për shkarkimin e tij, nuk ka të bëjë me zhdekretimin e datës së zgjedhjeve, pasi Shqipëria është republikë parlamentare dhe Kuvendi është sovrani.

“Nuk më intereson se çfarë ka thënë Presidenti, më intereson Kushtetuta e Republikës së Shqipërisë. Kushtetuta është shumë e ftohtë në këtë aspekt, në asnjë nen të kushtetutës Presidentit nuk i jepet e drejta të zhdekterojë. Për këtë është ngritur komisioni hetimor. Në rastet kur ka turbulenca të rendit publik, Kushtetuta orienton Presidentin t’i drejtohet Kuvendit dhe është kuvendi sovrani në këtë vend, se Shqipëria është republikë parlamentare dhe jo presidenciale. Kush refuzon të njohë pushtetin parlamentit është jashtë kornizës kushtetuese të Shqipërisë. Vendos parlamenti e askërkush tjetër”.

Shqetësimit të opozitës së parlamentare për një pakt të mundshëm Rama- Basha, zëvendëskryeministri i përgjigjet se ka vend për panik, pasi është ajo që vendos me votë në sallën e parlamentit.

“Secili prej tyre ka të drejtën e vetos dhe votës. Ka shumicë të cilësuar dhe secili prej tyre është faktor në sallën e parlamentit dhe nuk ka vend për panik dhe përdorje se janë ata njerëzit që vendosin me votë në sallë. Gjithçka e shoh si një shqetësim që mund të tejkalohet se kanë të drejtën e votës, që nuk e ka opozita televizive”. /abcnews.al

Capture-2.jpg
ent ela20:25 | 12/09/2019

 “Sistem gjurmimi për çdo pikë karburanti që hyn në Shqipëri, për të mbrojtur qytetarët dhe brenda 6 muajve të kemi kontroll të plotë të gjitha pikat e karburanteve në cilësi dhe sasi”. Kështu deklaroi zëvendëskryeministri Erjon Braçe ka deklaruar në studion e Mbrëmje në ABC Neës të Mirela Milorit.

Sipas tij në tregun e karburanteve ka më shumë veprimtari kriminale.

“Jemi marrë me tregun e karburanteve që është shumë i madh dhe formalizimi duhet të ishte A-ja. Në atë treg ka veprimtari kriminale. Hetimi i krimit ekonomik dhe prokuroria do i shkojnë deri në fund.

Jemi duke punuar për sistem gjurmimi për çdo pikë karburanti që hyn në Shqipëri, për të mbrojtur qytetarët, atë të mishelimit të karburanteve në sasi dhe djegie që brenda 6 muajve të kemi kontroll të plotë në cilësi dhe sasi. Cilësia mizerabël e disa segmenteve të tregut apo njësia e shitur në disa segmente do të thotë çmim i rritur përtej asaj që është në tabelë”.

I pyetur nëse është telefonuar nga njerëz të fuqishëm gjatë aksionit të informalitetit, Braçe thotë se e vetmja gjë që kërkon është ligjërimi i transaksioneve.

Milori: Ju ka rënë telefoni nga njerëz të fuqishëm?

Braçe: Zero, fare. Unë e kam përsëritur që nuk kërkojmë asgjë vetëm të ligjërojnë çdo transaksion që kryejnë. Nuk duam as rryfshet, apo të paguajnë punonjës tatimi, doganier apo inspektor. /abcnews.al

erion-brace.jpg
nev ila14:18 | 31/08/2019

Pas vendimit të Gjykatës për të akuzuarit për falsifikim të biletave në urbanët në Tiranë ka reaguar zv.kryeministri Erion Brace, sipas të cilit, vendimi vjen nga drejtësia e vjetër.

“Pronarët e administratorët në shtëpi, kurse punëtorët e tyre në burg”, shkruan zv.kryeministri, i cili nënvizon se çdo inspektor i tatimeve, i policisë së shtetit a prokuror që u mor me hetimin e kësaj cështjeje, ndihet i tradhëtuar nga një pjesë e shtetit ku shërben“.

Duke i falenderuar për punën, Brace u kërkon të bëjnë durim, sepse në vetting ka radhë e radha po vjen shpejt, më shpejt seç këta, thotë ai, kanë parashikuar në planin e tyre të biznesit.

“Drejtësia e re ka punë me çdo shkelës ligji, vijon zv.kryeministri, “pavarësisht pushtetit politik e ekonomik, miqve në politikë dhe biznes, parave dhe pronave që kanë, por edhe me çdo gjyqtar që mu si këta shkel ligjin, duke e bërë atë gunga-gunga për punëtorët dhe magnet parash a sfungjer, për pronarët e paligjshëm”.

Zv.Kryeminitri  kujton edhe të paligjshmëve në ekonomi që të mos zhyten në krim, se do u kushtojë shumë më shtrenjtë, por të zgjedhin rrugën e drejtë, pagimin e taksave e tatimeve, që kushton më lire./ABC News Albania 24/7

erion-brace-1.jpg
G. P.12:04 | 20/06/2019

Zv/kryeministri Erion Braçe deklaroi këtë të enjte se mnë asnjë prej përgjimeve të publikuara nga Bild, asnjë nga përfaqësuesit e PS-së nuk komunikon për çështje parash. Ai theksoi se prokuroria duhet të çojë deri në fund hetimet.

“Në asnjë prej përgjimeve të publikuara qoftë për rastin e Durrësit, qoftë për rastin djeshëm në gojën e Vangjush Dakos, cilido përfaqësuesi tjetër politik të lartë apo të ulët të PS në atë episod, edhe në episodin e djeshëm, përfshi ministrin Gjiknuri nuk flitet në asnjë germë për ofrim të parave. Qoftë ministri Gjiknuri, qoftë kryetari i Bashkisë së Durrësit, Vangjush Dako nuk është gjetur nga këto përgjime që ju thoni që të ketë komunikuar për çështje parash. Prokuroria duhet të bëjë veprimet e saj. Të hetojë nga i pari deri tek i fundit, deri tek ata që thoni ju, të provojë që ato para janë paguar, kanë blerë vota dhe që ato para kanë ndikuar në rezultatin e zgjedhjeve dhe gjithsecili të mbajë përgjegjësi. Në rast se identifikohen raste të tilla, pra të blerjes së votave për të ndikuar në rezultat, krimi është krim individual, kështu thotë Kodi Penal”, tha Braçe gjatë një prononcimi për mediat jashtë ambienteve të Kuvendit.

Përplasjet në KZAZ-të e bashkive të djathta, zv/kryeministri i cilësoi si sulme. Ai tha se nuk janë dëmtuar mjete thelbësore, por vetëm materiale zgjedhore që janë të rekuperueshme.

“Nuk ka përplasje ka sulme mbi institucionet zgjedhore, ka sulm mbi institucionet publike, ka sulm mbi Policinë e Shtetit e cila është në krye të detyrës për të mbrojtur rendin publik dhe qetësinë publike dh enë fund për të mbrojtur institucionet publike. Nuk ka qenë policia e shtetit ajo që ka sulmuar, por kanë qenë grupe kriminele të nëpunësve të bashkive dhe të policive bashkiake të cilët kanë përdorur mjete të dhunshme, për të penguar procesin elektoral në këtë vend. Si në rastin e përgjimeve, si në rastin e këtij elementi tjetër. Nga ajo që kam marrë informacione janë djegur materiale zgjedhore, por janë djegur materiale zgjedhore që janë të rikuperueshme lehtësisht. Fletë votimi, lista zgjedhësish, bojë nuk janë cenuar. Do të thotë që gjithë këta që kanë sulmuar me synimin e qartë për të penguar procesin zgjedhor do të trajtohen sipas Kodit Penal dhe do të marrin atë që u takon”, tha ai.

Për sa i përket përgjimeve ku shfaqet ish-ministri Damian Gjiknuri, Braçe tha se nuk janë normale, por solli në vëmendje edhe rastin e ish-ministrit të Brendshëm, Flamur Noka.

“Nuk është normale. Ju duket normale që ish-ministri i Brendshëm të mbledhë një makinë me djem problematikë dhe të shkojë të kapë me dorë dhe dhunojë. Ju thashë që nuk është normale. Nëse provohet të hetohet deri në fund. Për juve është normale që ish-ministri i Brendshëm të mbledhë djem problematik dhe të shkojë të masakrojë? Ata djem problematik të këtij ministrit Gjiknuri kanë kryer ndonjë akt të tillë në Dibër? Sepse këta djemtë problematikë të këtij ish-ministrit që përmenda unë janë përmendur në komunikata policie që kanë shkelur ligjin, kanë dhunuar persona dhe për ta ka kallëzim penal që nuk janë marrë në konsideratë”, tha zv/kryeministri./abcnews.al

erion-brace.jpg
nev ila21:36 | 13/06/2019

Në Mbrëmje ABC me gazetaren Mirela Milori, mbrëmjen e sotme ka qenë i ftuar zv/kryeministri Erion Braçe. I pyetur nga gazetarja Mirela Milori se a po shkojnë drejt një regjimi për shkak të qeverisjes në shumicën e institucioneve qendrore dhe vendore, Braçe tha se:

Ne jemi në qeveri pa aleatë sepse kështu vendosën shqiptarët në 2017. për sa kohë njerëzit votuan që ne të qeverisim të vetëm, padiskutim që ne nuk i themi njerëzve JO. Ne njerëzve do u themi PO. Ne nuk kemi kërkuar të fitojmë 61 bashki, ne thamë që po shkojmë në një palë zgjedhje me kundërshtarë ata që kemi, madje të ashpër dhe të përgatitur. Gjatë gjithë kësaj kohe zoti Basha fushatë ka bërë por në momentin që vendosin të tërhiqen nga gara zgjedhore, kjo nuk është më përgjegjësia jonë, përgjegjësi e jona është standardi i zgjedhjeve”, tha Braçe./abcnews.al

brace-1.jpg
nev ila21:27 | 13/06/2019

Në Mbrëmje ABC me gazetaren Mirela Milori, mbrëmjen e sotme ka qenë i ftuar zv/kryeministri Erion Braçe. Zv/kryeministri foli për vendimin e prokurorisë për thirrjen e kreut të PD Lulzim Basha si i pandehur. Gjithashtu Braçe komentoi mocionin për shkarkimin e Presidentit Meta pas zhdekretimit të datës së zgjedhjeve vendore ku më tej theksoi se për zgjedhjet vendore nuk ka asnjë rrezik për përplasje civile dhe se do të garantohen zgjedhje me standarde sipas rekomandimeve të OSBE-ODHIR. I pyetur nga gazetarja Mirela Milori se si e komentonte vendimin e prokurorisë për të thirrur si të pandehur kreun e PD Lulzim Basha, Brace tha se:

“Unë mendoj që veprimet dhe vendimet e prokurorizë mos të jetë pjesë e komenteve të politikës. Do të preferoja të mos komentoj këtë cështje. Në momentin që merresh i pandehur nga prokuroria ka çështje që çohet në gjykim, deri në një vendim i formës së prerë je i pandehur. Përpara një jave Z. Basha mendonte se Prokuroria ishte në rregull në raport me ligjin. Në harkun kohor të një jave, 2 qëndrime të ndryshme nga Basha, smë duken në rregull. Hetimi duhet të ecë sipas ligjit për këdo qoftë edhe për kryetarin e bashkisë së Durrësit dhe gjithë të tjerëve. Është i vetmi njeri politik që ka akuza penale në kurriz dhe refuzon të gjykohet madje mundohet të pengojë organet e drejtësisë. Është i vetmi në shqipëri që po hetohet në 3 shtete. Institucionet kushtetuese ose janë të drejta dhe veprojnë në përputhje me ligjin ose nuk janë të tilla. Nuk mund të jenë 1 javë të drejta dhe në përputhje me ligjin dhe pas një jave të jenë politike. Situata politike që po kalon vendi nuk ka asnjë lidhje me hetimet e prokurorisë. Prokuroria duhet të mësohet që të jetë jashtë çdo lloj ndikimi politik dhe prokuroria duhet të bëjë detyrën e saj në përputhje me ligjin”, tha Brace./abcnews.al

arben-ahmetaj1.jpg
G. P.20:22 | 29/05/2019

Deputeti, Arben Ahmetaj, ka deklaruar se Partia Socialiste mezi po pret zgjedhjet e 30 qershorit, duke shuar kështu çdo zë që flet për ngritje tonesh brenda partisë mes tij dhe Taulant Ballës.

Ahmetaj theksoi se ai dhe Balla kanë debate çdo ditë për shkak të punës, por nuk mund të zihen për shkak të miqësisë personale dhe vjetërsisë që kanë në parti.

“Unë të zihem me Ballën është e pamundur edhe për arsyet e miqësisë personale që kemi, por edhe për arsye të vjetërsisë në institucione që kemi është e pamundur. Debate pune me Taulantin çdo ditë bëjmë. Por në historinë e PS-së, unë dhe Taulanti kemi shumë vite aty siç ka Erion Braçe, siç ka Damiani, siç ka Ditmir, siç ka Niko, siç ka Pandi, siç ka Gramozi dhe debatet midis nesh kanë qenë të shumta për çështje, debate për ligje, debate për fiskun. I bie që me Braçen mos të flas fare se kemi bërë debate pafund për fiskun. I bie që me Damianin mos të flas fare se kemi bërë debate për energjinë pafund. Situata brenda PS-së mezi presim zgjedhjet e 30 Qershorit”, tha ish-ministri.

Por për sa i përket zgjedhjeve të 30 Qershorit, Ahmetaj u shpreh se PS po bën fushatë modeste. Ai sqaroi në rubrikën “Mbrëmje ABC” nga Mirela Milori, arsyet se pse mazhoranca po e bën diçka të tillë.

“Po bëjmë fushatë modeste, për respekt të qytetarëve që nuk do kenë mundësi të votojnë për shkak se opozita nuk do i lerë në respekt të tyre. Po bëjmë një fushatë modeste në respekt të situatës për të mos provokuar askënd, por themi që ne po bëjmë një grass-rout. Po bëjmë një fushatë si milingonat, aty tek fijet e barit, në respekt të qetësisë së vendit, por edhe se nuk kemi kundërshtar. Qëllimi jonë është i trefishtë. E para dhe mbi të gjitha janë standardet”, tha ish-ministri Ahmetaj./abcnews.al

Brace-mirela.jpg
nev ila20:39 | 24/05/2019

I ftuar ditën e sotme në Mbrëmje ABC, Zv/kryeministri Erion Braçe përballë gazetares Mirela Milori ka dhënë opinionin e tij për situatën politike në vend si dhe çfarë hapash do ndërmarrë qeveria në lidhje me zgjedhjet e 30 qershorit. Braçe theksoi se në dialogun që i ofrohet ish-opozitës dy gjëra janë të panegociueshme, zgjedhjet në 30 qershor dhe mandatin që ja u ka dhënë populli. Braçe gjithashtu tha se në zgjedhjet e 30 qershorit do të zbatohet ligji për të gjithë ata tentojnë të cenojnë procesin përfshirë edhe ata që i organizojnë trazirat.

Mirela  Milori: Çdo 20 vjet do të kemi këtë situatë përplasjesh?

Erion Braçe: Zoti Berisha është faktori kyç që ka marrë rininë tonë dhe po merr të fëmijëve tanë. Ne po rrimë këtu ndërsa ai ishte me snajperë ku vrau 4 njerëz.

Mirela Milori: Në 30 qershor çfarë do ndodhë?

Erion Braçe: Do zhvillohen zgjedhjet.

Mirela Milori: Pala tjetër thonë se jo.

Erion Braçe: Qytetarët e republikës tonë duan të shkojnë të votojnë.

Mirela Milori: Si do e zgjidhni?

Erion Braçe: Do zbatojmë ligjin nga a te zh

Mirela Milori: Do prishin zgjedhjet, si do veproni do burgosni 10 mijë vetë?

Erion Braçe: Janë ca njerëz dhe jo 10 mijë vetë. Keni parë ndonjë ish-deputet nga ata të hedhin molotov? Do shkojnë në burg përfshirë organizatorët.

Mirela Milori: Gjeni hapësira dialogu në këtë situatë?

Erion Braçe: Në letër të bardhë të shkruajnë si i duan zgjedhjet, ta shkruajnë si ta duan dhe ne jemi dakord. 2 gjëra nuk negociojmë, mandatin nga populli dhe zgjedhjet ne 30 qershor,ta shkruajnë të zezën mbi të bardhë dhe ne jemi dakord.

Mirela Milori: Në këtë situatë, ka përplasje civile thotë pala tjetër?

Erion Braçe: Nuk ka përplasje, ka vetëm ca njerëz që nuk duan veten e tyre.

Mirela Milori: Nëse këto zgjedhje do zhvillohen do jenë monopartike,

Erion Braçe: Kush tha se janë monopartiake, kjo është çështje e qytetarëve. Na votojnë kundra apo na votojnë pro është çështje e tyre.

Mirela Milori: Vendi është pa gjykatë kushtetuese?

Erion Braçe: Do donit një gjykatë kushtetuese tërësisht të korruptuar, sigurisht që do të hiqen dhe do të vendosen figura të pastra. Gjykatësit personal të njërit apo të tjetrit nuk mund të jenë në atë detyrë.

Mirela Milori: Ka akuza se kjo reformë nuk po jep drejtësi direkt te qytetari, psh gjykata e lartë nuk  mund të funksionojë.

Erion Braçe: Gjykata e lartë ishte certifikuar si gjykatë e korruptuar patjetër do iknin. Ne s’kemi asnjë lloj interesi përveç interesit të një sistemi të pastër të drejtësisë.

Mirela Milori: Përse Z. Meta goditi reformën në drejtësi?

Erion Braçe: Pyesni Z. Meta, nuk kam një opinion për këtë.

Mirela Milori: Dy deputetët gjermanë thonë se këshillohet shtyrja e datës së zgjedhjeve, nëse do ketë një presion ndërkombëtar do të rishikoni mundësinë e shtyrjes?

Erion Braçe: Ka patur deklarate edhe më parë të CDU/CSU se qeveria është legjitime etj. Unë kam qëndrim të qartë në lidhje me këtë, në cilësinë time të një socialisti, 2 gjëra nuk negociohen, mandati dhe data e zgjedhjeve.

Mirela Milori: Reforma në administratën publike, vazhdon?

Erion Braçe: Kush më njeh e di se unë nuk heq dorë, sot kam qenë në Fier për këtë gjë. Janë shtuar forcat që kontrollojnë mbarëvajtjen e shërbimeve të qytetarëve. I komunikoj administratës se gjatë zgjedhjeve orari është 8 me 4, ata duhen të jenë në shërbim të qytetarëve, ata duhet të jenë në punë, kush do ti shërbejë partisë do ikë nga puna.

Mirela Milori: Sa e lehtë është në këtë vend të jesh në përditshmëri me administratën?

Erion Braçe: E vështirë është, sepse ka ende zyrtarë që nuk kanë objektiva, nuk kanë një përshkrim të punës dhe nuk meritojnë të jenë në administratë. Do të ketë regjistër elektronik të shtetit me të dhëna personale të punonjësve, ku do kenë dosjen personale me çdo të dhënë. Po reformojmë gjithë shërbimin dhe po largojmë të gjithë ata që kanë vlerësimin me 2-sh.

Mirela Milori: Si është situata në PS, qe s’janë më në PS, si Dade.

Erion Braçe: Ky është vend i lirë PS është parti e lirë, janë opinionet e tyre dhe janë të lirë të thonë atë që mendojnë. Situata është e tillë që janë ndezur të gjithë motorët e PS për tu marrë me zgjedhjet e 30 qershorit.

Mirela Milori: Cili është mendimi juaj, do ndryshuar sistemi zgjedhor?

Erion Braçe: E kam thënë që në 2009 se jam për sistem mazhoritar të pastër./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono