Erdogan

idlib-turk-askeri-reuters_16_9_1582841671.jpg
Autor E09:54 | 28/02/2020

Ka qenë një natë e gjatë ajo e mbrëmshmja për Turqinë, ndërsa vendi rrezikon të futet në një luftë në shkallë të gjerë në Siri pas vrasjes së një numri të madh ushtarësh mbrëmjen e djeshme.

Autoritetet turke flasin për 33 ushtarë të vrarë mbrëmë nga një sulm ajror nga aviacioni i ushtrisë së Asadit, ndërsa ka raportime se sulmi u bë nga avionët rusë dhe numri i ushtarëve të vrarë është më i madh se 33.

Ndërkohë, nuk ka asnjë reagim zyrtar të Ministrisë së Mbrojtjes së Turqisë në lidhje me sulmin dhe numrin e saktë të ushtarëve të vrarë. Njoftimet i jep prefekti i një qyteti kufitar me Sirinë, ku edhe u vranë ushtarët, ndërsa ka raportime se gjatë mbrëmjes së djeshme në të gjithë Turqinë ka patur bllokim të futjes në rrjetet sociale.

Autoritetet turke konfirmojnë 33 ushtarë të vrarë, por ka mjaft raportime të tjera, të cilët flasin për 60-70 të tillë duke bërë që të shuhet një brigadë. Megjithatë, kjo nuk është shifër zyrtare.

Presidenti Erdogan mblodhi mbrëmë Këshillin e Sigurisë Kombëtare dhe sipas mediave vendase është folur për mundësinë e shpalljes së luftës ndaj Sirisë.

Mediat turke kanë publikuar pamje të sulmeve hakmarrëse të ushtrisë së Turqisë ndaj bazave dhe ushtrisë së Presidentit Asad në Siri duke njoftuar vrasjen e një numri të madh ushtarësh.

Gjatë mëngjesit të sotëm ka reaguar Rusia, e cila paralajmëroi Turqinë duke theksuar se një operacion në shkallë të gjërë do të kishte pasoja të rënda për Ankaranë.

Turqia vendosi mbrëmë të hapë kufijtë për sirianët që duan të futen në BE me qëllim ushtrimin e presionit ndaj Perëndimit për ta mbështetur në Siri./abcnews.al

5e4e67ff7af50718bc06afd0.jpg
Autor E12:43 | 20/02/2020

Veriu i Sirisë rrezikon të bëhet shkak për një përplasje të gjerë ushtarake mes Turqisë dhe Sirisë.

Forcat turke kanë sulmuar që prje mbrëmjes së djeshme ushtrinë e Presidentit Asad që i janë afruar Idlibit, qytetit të fundit të mbetur në duart e rrebelëve të mbështetur nga Turqia, shkruan abcnews.al.

Një numër i madh raketash dhe predhash të lëshuara nga ushtria turke kanë rënë mbi ushtrinë e Asadit me qëllim parandalimin e avancimit të tyre në afërsi të Idlibit.

Turqia ka ndërhyrë në këtë zonë duke dërguar mijëra ushtarë dhe dhjetra tanke për të penguar rëniën e qytetit në duart e ushtarëve të Asadit, gjë e cila sipas tyre do të shkaktojë masakër në qytet. /abcnews.al

erdogani.jpg
Autor E10:47 | 19/02/2020

Presidenti i Turqisë, Erdogan ka paralajmëruar një operacion në shkallë të gjerë të ushtrisë së Turqisë në veri të Sirisë. Në një fjalim para anëtarëve të partisë AK, Erdogan tha se po mbaron ultimatumi ndaj ushtrisë së Asadit për t’u larguar nga veriu i Sirisë.

Sipas tij, fundi i shkurtit është afati final brenda të cilit ushtria e Asad duhet të largohet nga Idlibi dhe Aleppo, të cilat i mban të rrethuara.

“Një operacion ushtarak në Idlib është shumë i mundshëm tani. Ne nuk mund të presim më. Po bëjmë paralajmërimin tonë final”, tha Erdogan duke shtuar se do të imponojnë një zonë sigurie në këtë rajon me çdo çmim.

Ushtria siriane ka rrethuar Idlibin si zonën e fundit të mbajtuar nga rrebelët.

Ndërkohë, Turqia ka futur tashmë mijëra ushtarë në veri të Sirisë me qëllim parandalimin e fuqizimit të forcave kurde, por edhe të refugjatëve që ikin nga zonat e luftës.

Turqia mbështet gjithashtu një pjesë të mirë të grupeve kundër Asadit në veri të Sirisë. /abcnews.al

w1240-p16x9-macron-erdogan-pressconference-m.jpg
nev ila19:27 | 29/01/2020

Presidenti francez, Emmanuel Macron  së fundmi ka akuzuar homologun e tij turk, Recep Tayyip Erdogan se nuk e ka mbajtur fjalën përsa i përket ndërhyrjesnë konfliktin në Libi.

Gjatë një takimi me kryeministrin grek, Kyriakos Mitsotakis, presidenti francez është shprehur se  ditët e fundit kanë parë anijë turke duke shoqëruar mercenarë sirianë që kanë arritur në tokën e Libisë.

“Është shkelje e pastër e asaj për të cilën është zotuar presidenti Erdogan në konferencën e Berlinit”, ku liderët botërorë kanë premtuar se do të qëndrojnë larg konfliktit. Është dështim i mbajtjes së fjalës”, ka thënë lideri francez.

Ndërkohë qeveria e Libisë, nga prilli i kaluar është njohur nga Kombet e Bashkuara në Tripoli, ka luftuar kundër luftëtarëve të komandantit të pozicionuar në lindje të shtetit, Khalifa Haftar.

Ndonëse qeveria e Fayez al-Sarrajt njihet nga Kombet e Bashkuara, fuqitë botërore janë të ndara rreth asaj se kush duhet ta udhëheqë këtë vend. Kjo qeveri mbështetet nga Katari dhe Turqia, e cila së fundmi ka dërguar trupa në Libi për t’i ndihmuar Sarrajt.

Moska dyshohet se mbështet Haftarin, mirëpo mohon se financon mercenarë rusë në tokën e Libisë./abcnews.al

3abfebe3c82ca721957d031694677e6d.jpg
So Nila15:29 | 18/01/2020

Presidenti turk, Recep Tayyip Erdogan  ka kërkuar ndihmën e Evropës për ti dhënë fund konfliktit ekzistues me Libinë.

Turqia është një nga vendet që i ka ofruar mbështje ushtarake qeverisë libiane, që njihet ndërkombëtarisht. Gjatë qëndrimit të tij në Berlin ku po bëhen përpjekje për stabilitetin e rajonit, Erdogan ka kërkuar mbështjetje për arritjen e një marrëveshje mes Libisë dhe Turqisë.

Në këtë takim pritet që Gjermania dhe Kombet e Bashkuara të kërkojnë nga palët rivale në Libi, që po luftojnë për kontrollin e kryeqytetit, Tripoli, të pajtohen për një marrëveshje armëpushimi, si hap i parë drejt arritjes së një marrëveshjeje të paqes.

Turqia mbështet qeverinë e Fayez al-Serraj në Tripoli dhe thotë se Khalifa Haftar, që udhëheq Ushtrinë Kombëtare Libiane, është person që po kërkon të bëjë puç.

“Duhet pasur parasysh që Evropa është më pak e interesuar që t’i ofrojë mbështetje ushtarake Libisë dhe zgjidhja është që të punojë me Turqinë, që tashmë ka premtuar ndihmë ushtarake. Ne do t’i trajnojmë forcat e sigurisë së Libisë dhe do t’iu ndihmojmë që të luftojnë terrorizmin, trafikimin me qenie njerëzore, ka thënë presidenti turk.

Konflikti në Libi ka nisur që prej rënies nga pushteti të Muammar Gaddafit më 2011./abcnews.al

sukur.jpg
Klejdi Kaimi13:58 | 13/01/2020

Legjenda e futbollit turk, Hakan Sukur, është duke jetuar një jetë të re. Ish-heroi kombëtar tashmë është një armik i presidentit Erdogan dhe është shpallur person ‘non grata’ në Turqi.

Gjithcka filloi në vitin 2011, kur Sukur vendosi ti bashkohej partisë AKP dhe që nga ajo ditë ai pati vetëm probleme me presidentin turk. Tashmë ish-kapiteni i kombëtares ndodhet në Washington, ku ka filluar një punë të re.

Hakan tani ka një punë që askush nuk do ta besojë, pasi ai tashmë punon si drejtues për Uber, pak a shumë si taksist. ”Erdogan mori gjithçka nga unë. Mori të drejtën për të jetuar, punuar dhe shprehur mendimin në vendin tim,” deklaron turku.

Ikona e Turqisë numëron 112 ndeshje me kombëtaren dhe plot 51 gola. Ishte Sukur që e udhëhoqi kombëtaren turke drejt vendit të tretë në Kupën e Botës në vitin 2002, dicka që nuk kishte ndodhur më parë. /abcnews.al

Kur bota ishte akoma në rregull, Hakan Sukur me fanellën e kombëtares turke
afaf.jpg
Autor E09:27 | 13/01/2020

Qeveria gjermane dhe ajo turke janë në bisedime për të hapur tre shkolla private turke në Frankfurt, Koln dhe Berlin.

Ndërkohë ministri i jashtëm thotë se Heiko Maas thotë se ky është një vendim reciprok kundrejt Turqisë.

‘Ne kemi shkolla gjermane në Turqi dhe pikërisht Turqia po kërkon të trajtohet në mënyrë të barabartë në Gjermani’- tha Maas.

Po ashtu politikani Sevim Dagdelen i së Partisë së Majtë thotë se me hapjen e tre shkollave diaspora turke në Gjermani mund të preket nga doktrina e Erdogan dhe shkollat mund të përdoren nga Presidenti turk për të përhapur propagandën e tij edhe në Gjermani.

Kurse Komisionerja gjermane për integrimin sqaron se Annette Ëidmann-Mauz sqaron se ‘ Duhet të jetë e qartë se shkollat në Gjermani duhet të jenë në të njëjtën linjë me vlerat dhe ligjet’.

Rreth 5.6 milion turqë jetojnë në Gjermani ndërsa negociata për shkollat vjen disa ditë pasi organizata më e madhe islamike në Gjermani, Ditib njoftoi se për herë të parë do të trajnohen imamë në Gjermani.

850 xhami dhe 800 mijë myslimanë janë pjesë e Ditib por pikërisht kjo organizatë ka qenë e akuzuar vazhdimisht sidomos në 2016 për spiunim të anëtarëve të diasporës turke në Gjermani sa i përket ‘puçit’ kundër qeverisë së Erdogan.

/local.de

harun.jpg
Autor E16:33 | 10/01/2020

“Aziiil”, “aziiil”. Ky është zëri i thellë që dëgjohet brenda xhamave të makinës Mitsubishi të policisë teksa shoqëron me forcë mësuesin turk Harun Ccelik natën e 1 janarit për në aeroportin e Rinasit për ta dërguar në Turqi pavarësisht kërkesës së tij.

Abc News ka siguruar videon me pamje tronditëse, ku makina e policisë që shoqëron Harun Çelik në aeroport.

Nga brenda saj dëgjohen me zë të lartë thirrjet e Harun Çelik teksa kërkon azil në Shqipëri, gjë e cila nuk ka mjaftuar për të shpëtuar nga hipja me forcë në avionin e “Air Albania”.

Ka dyshime të forta se dëbimi i Harun Çelik është kryer duke shkelur të drejtat themelore të njeriut nga shteti shqiptar.

Deri më tani nuk ka asnjë reagim zyrtar nga policia, ndërsa BIRN shkruajti dje se Harun Çelik ishte dërguar më parë në ambasadën turke para se të nisej për në Turqi.

Në një prononcim për BIRN, kreu i Policisë së Shtetit Ardi Veliu, në reagimin e vetëm të këtij lloji, shpjegoi se Çelik u dërgua në ambasadën turke pasi nevojitej leje kalimi për në Turqi.

Sëfundmi në lidhje me këtë kanë reaguar organizmat ndërkombëtare, ndërsa eurodeputetja Ramona Strugariu është shprehur në një letër për kryeministrin Rama dhe presidentin Meta se respektimi i të drejtave të njëriut përbën kusht për integrimin e vendit në BE.

Mediat turke raportuan se në dëbimin e tij u përfshinë edhe shërbimet sekrete turke, kurse ka dyshime të forta se gjithçka ndodhi pas një marrëveshjeje politike mes qeverisë së Tiranës dhe asaj të Ankarasë. /abcnews.al

erdogan.jpg
Autor E09:46 | 27/12/2019

Qeveria e njohur ndërkombëtarisht e Libisë kërkoi një ditë më parë ndihmë ushtarake nga Turqia në përballjen me forcat e gjeneralit Khalifa Haftar, i cili mbështetet nga Egjipti dhe vendet përreth.

Dhënia e një përgjigjeje pozitive nga ana e Turqisë ka rritur tensionet në rajon pasi kjo do të ndryshonte krejtësisht balancat në Libinë e shkatërruar nga lufta civile që prej rrëzimit të Gadafit.

Më parë Presidenti turk Rexhep Taip Erdogan deklaroi se Turqia do të parashtrojë propozim-ligj për dërgimin e ushtarëve në Libi menjëherë pas vazhdimit të punës së Parlamentit si përgjigje të ftesës të vendit.

Erdogani deklaroi se mandati ushtarak për dërgimin e ushtrisë në Libi do të jetë në rend dite në Parlament më 8 dhe 9 janar.

Ai i kritikoi vendet që e kanë mbështetur liderin ushtarak libian lindor Kalifa Haftar, e jo Fajez al Sarajin.

“Ata e mbështesin luftëtarin, por ne e mbështesim qeverinë legjitime dhe e pranojmë ftesën e tyre të dërgojmë ushtri. Kjo është diçka që na bën të ndryshëm”, tha Erdogani.

Prej disa muajsh forcat e qeverisë së Tripolit janë nën sulmet e ushtrisë së Gjeneralit Haftar, i cili synon marrjen e pushtetit përmes luftës pasi dy grupimet dështuan në gjetjen e një marrëveshjeje për të qeverisur bashkë.

“Ne do ti zhdukim islamistët nga Libia”, tha ai pak ditë më parë teksa Turqia paralajmëroi futjen e forcave ushtarake atje. /abcnews.al

Screenshot_11-2.png
R D21:17 | 08/12/2019

Kryeministri Rama ishte në Stamboll në konferencën e donatorëve, ku kërkoi ndihmë për të rindërtuar Shqipërinë e goditur nga termeti. Edhe pse konferenca u zhvillua paradite, Rama u kujdes që fjala e Presidentit Erdogan të pasqyrohet gjerësisht. Mbrëmjen e sotme, e shpërndau fjalimin e tij në facebook, të titruar në shqip.

“Konferenca Islamike ka 50 anëtarë. Ne po të kapemi dorë për dore, po të bashkojmë fuqitë, nuk ka rëndësi sasia, shumë apo apo pak, ne e ngremë Shqipërinë në këmbë. Kuptohet që dëshirat janë të mira. Por dëshirat po të mbeten vetëm në fjalë fluturojnë… Mjalti po nuk hyri në gojë, nuk ëmbëlsohet goja. Ky mjaltë duhet ngrënë, dhe ta ndajmë me vëllezërit tanë këtë mjaltë. Ne këtë duhet të bëjmë, të ndajmë mjaltin së bashku. Banka Islamike është ajo që do të hedhë hapin më të rëndësishëm. Ne si Turqi po punojmë, por e dimë që nuk është e mjaftueshme. Ne do punojmë, do të vazhdojmë. Zoti Kryeministër i ka dërguar letra dhe kërkesa shumë vendeve të tjera. Shpresojmë të marrin përgjigje pozitive këto kërkesa, sepse ne e kemi ndjerë dhimbjen e këtij tërmeti vite më parë në Turqi”, thotë mes të tjerash Presidenti i Turqisë Erdogan.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono