Enkelejd Alibeaj

enkelejd-alibeaj.png
G. P.12:24 | 12/10/2018

Një teatër hipokrizie nga qeveria e ka cilësuar deputeti i Partisë Demokratike, Enkelejd Alibeaj, seancën dëgjimore në mbledhjen e këshillit të legjislacionit me përfaqësues të shoqërisë civile. Alibeaj i ka kërkuar Shoqërisë Civile të mos përdoret nga qeveria për qëllime politike. Kjo deklaratë ka shkaktuar debat midis kryetarit të Kuvendit, Gramoz Ruçi dhe deputetit të Partisë Demokratike. Enkelejd Alibeaj vendosi të braktisë mbledhjen e këshillit të legjislacionit duke e quajtur një farsë të radhës.

Në mbledhjen e radhës së Këshillit të Legjislacionit sëbashku me Komisionin e Ligjeve rreth ndryshimeve kushtetuese për mundësimin e vettingut në politikë, propozuesit, opozita, të përfaqësuar nga Enkelejd Alibeaj, përsëritën bindjen se Kuvendi po zhvillon një teatër hipokrizie mbi këtë propozim. Kjo sipas Alibeajt, vetëm për të fituar kohë në shprehjen e refuzimit, që kryeministri Rama e ka deklaruar publikisht vetëm pak ditë pas bërjes publike të amendamenteve. Në shfrytëzim të hapësirës proceduriale dhe mediatike, Alibeaj përsëriti arsyet e këtij propozimi.

“Lidhja e fortë e politikës me krimin, ne 12 orët e fundit 5 qytetarë mungojnë. Ajo çfarë po them nuk është retorikë politike, është arsyeja pse i propozuam. ka një diktature të pastër në mbrojtje të krimin dhe besojmë se buron nga lidhja e tij me politikën”.

Me kërkesën për të mos iu drejtuar të ftuarve me deklarata politike kreu i kuvendit i fiku mikrofonin Enkelejd Alibeajt për të mos ia ndezur më.

“Dy km më tej një gazar dhe një opozitar sot janë marrë nën hetim nga prokuroria, ka rënë i gjithë sistemi i drejtësisë, duke kthyer makthin e para 30 viteve, agjitacion, propagandë, imagjinoni ca i bëjnë publikut këta”.

Pasi përfundoi çka kishte për të deklaruar, përfaqësuesi i opozitës u largua nga salla.

Ruçi: “Do ishte hipokrizi të paragjykonim nëse do e miratojmë brenda javës apo jo”.

Mbledhja vijoi me dëgjesat e organizatave prezente të shoqërisë civile, pa praninë e opozitës, kreut të kuvendit dhe një pjese të deputetëve të mazhorancës. /abcnews.al

 

balla-2-1280x833.jpg
G. P.16:35 | 04/10/2018

Kreu i grupit parlamentar të PS-së, Taulant Balla, ka kallëzuar në prokurori deputetët e PD-së, Edi Paloka dhe Enkelejd Alibeaj. Shkak janë bërë deklaratat e këtyre të fundit të datës 3 Tetor sa i takon çështjes së Xhisiela Malokut. Ky nuk është kallëzimi i vetëm i kreut të deputetëve të PS.

Vetëm javën e kaluar Balla depozitoi një tjetër kallëzim ndaj Lulzim Bashës, Basir Çollakut dhe Emiliano Nuhut. Kallëzimi penal është për veprat penale të “Fyerjes” dhe “Shpërdorimit të detyrës”./abcnews.al

SINKRON-ALIBEAJ-PER-ARTA-MARKUN.mpg_snapshot_00.51-1280x720.jpg
G. P.13:06 | 22/09/2018

Një ditë pasi kallëzuan në prokurorinë e Tiranës drejtuesen e përkohshme të prokurorisë së përgjithshme Arta Marku, Partia Demokratike përsëriti akuzat ndaj saj. Deputeti Enlekejd Alibeaj kërkoi hetim të shpejtë të veprimeve të Markut, sipas tij për të penguar hetimet mbi Tahirin e Shullazin, por edhe pezullimin nga detyra.

Enkelejd Alibeaj, deputet i PD: “Në mënyrë të qëllimshmë edhe aktive, Arta Marku gjatë 9 muajve në krye të prokurorisë i ka shërbyer vetëm një qëllimi: shkatërrimit të ekipit që po heton Samir Tahirin dhe shpërbërjen e ekipit i cili nxorri para drejtësisë Emiljano Shullazin. Në këtë detyre Arta Marku u emërua në mënyrë të paligjshme nga Edi Rama në krye të prokurorisë dhe duke e goditur dhe prokurorët e të dyja dosjeve, e realizoi qëllimin në krye të 9 muajve. Shqprdorimi i detyrës nga Arta Marku kërkon hetim të shpejtë nga prokuroria e Tiranës për të mos e lejuar shkatërrimin e mëtejshëm të çështjëvë “Tahiri”, “Shullazi” apo të ndonjë çështjeje tjetër. PD i bën thirrje prokurorisë të pezullojë nga detyra Arta Markun dhe të nisë hetimin ndaj saj. Po kaq urgjente është dhe nëvoja për të gjetur se cilat janë lidhjet direkte apo indirekte të Arta Markut me Edi Ramën çfarë komunikimesh ka ajo me Ëngjëll Agaçin dhe si kanë ndikuar këto komunikime në shaktërrimin e hetimeve të lartpërmendura. Çfarë i kanë kërkuar kryeprokurores së përkohëshme Fatmir Xhafaj, Ulci Manja dhe Ermonela Felaj apo edhe ndonjë deputet tjetër socialist.”/abcnews.al

ALIBEAJ-SINKRON-ABC-M5-T1.mpg_snapshot_01.02-1280x720.jpg
G. P.12:51 | 15/09/2018

Partia Demokratike vijon denoncimet për lidhjet e qeverisë me kompanitë e bixhozit. Deputeti Enkeljed Alibeaj deklaroi se pas këtyre kompanive qëndron vëllai i ministrit të Brendshëm Fatmir Xhafaj. Agron Xhafaj tha deputeti i selise blu pas ardhjes në pushtet të kryeministrit Rama dhjetëfishoi të ardhurat nga 1 milion euro në 10 milionë euro.

Një ditë pas publikimit të dokumentave zyrtare që tregojnë se dy pronarët e një kompanie që organizon lojra fati, janë ish-të dënuar për narkotrafik dhe anëtar në organizatën kriminale në të cilën bënte pjesë vëllai i Ministrit të Brendshëm, Agron Xhafaj, i dënuar për shkak të këtyre akuzave nga gjykatat italiane.

Demokratët vijuan denoncimin e tyre.

“I fshehur pas identitetit të dy anëtarëve të tjerë të bandës, të dënuar në të njëjtin proces në Itali, Agron Xhafaj, ia ka dalë që, menjëherë pas ardhjes në pushtet të të vëllait  Fatmir Xhafaj, të zgjerojë aktivitetin e kompanisë së basteve me shtimin e 2176 pikave të reja në të gjithë Shqipërinë”. 

Për demokratët është vëllai i ministrit të brendshëm, e për rrjedhojë vetë ky i fundit, përfituesi i rritjes së biznesit të ish antarëve të banës së tij.

“Kompania e basteve, prapa të cilës qëndron vëllai i Ministrit të Brendshëm ka rritur fitimin në mënyrë të frikshme në 4 vitet e pushtetit të Edi Ramës dhe Fatmir Xhafës. 

Siç tregohet në grafik, nga një kompani me të ardhura jodomethënëse për një biznes bastesh, kompania e Agron Xhafajt ka nisur rritjen galopante ditët e para të ardhjes në pushtet të Edi Ramës. 

Nga 1 milionë dollarë ne vitin 2014 të ardhurat e kompanisë së basteve të vëllait të Ministrit të Brendshëm janë dhjetëfishuar në 4 vjet, duke shkuar në 10 milionë dollarë në vitin 2017″. 

Është kjo pasuri që detyron kryeministrin dhe ministrin e brendshëm të refuzojnë vettingun për politikanet, sipas selisë blu duke theksuar se kontrollin që po kalojne gjyqtarët dhe prokurorët, por edhe vartësit e ministrit të brendshëm në policinë e shtetit duhet ta kalojë edhe çdo politikan. /abcnews.al

ENKELED-ALIBEAJ-1280x720.jpg
ent ela09:27 | 14/09/2018

Draft propozimi i PD-së për vetingun e politikanëve, denoncimi i Partisë Demokratike që pritet të bëhet publik ditën e sotme, ku përfshihen në afera korruptive kryeministri dhe ministri Xhafa, aksioni opozitar dhe dëmshpërblimi i të përndjekurve ishin në fokus të bisedës të deputetit demokrat Enkelejd Alibeaj në studion e “Mbrëmje në ABC News”.

Duke folur për vetingun në politikë Alibeaj tha se qytetarët shqiptarë e kanë këtë të drejtë ta kërkojnë këtë filtër paraprak.

“Në 2016 u miratua që vetingut t’i nënshtrohen gjyqtarët dhe prokurorët. Çështë vetingu? I pari është të justfikosh pasurinë. Duhet që në fund të një periudhe të caktuar të kesh aq pasuri sa paga që merr që nëse ke pasuri me shumë se paga ka dicka që nuk shkon dhe kjo pasuri e tepërt e pajustifikuar është në lidhje të paligjshme.

Së dyti lidhja me krimin, një prokuror, minsitër, kryeministër, detyrën parësore kanë të luftojnë krimin dhe shkelësit  e ligjit që nëse gjenden se kanë lidhje me krimin nuk meritojnë të jenë as në qeveris as në drejtësi. Vetingu në politike kërkon deputetë, ministra, kryeministra. Pse nuk e bën ky ligj, jo, sespe duhet që barra e proves është barrë e politikanëve.  Qytetarët shqiptarë e kanë këtë të drejtë t’ia kërkojnë këtë filtër paraprak”./abcnews.al

SINKRON-ALIBEAJ-PER-LIGJIN-E-TE-PERNDJEKURVE.mpg_snapshot_00.40-1280x720.jpg
G. P.14:27 | 08/09/2018

Një tjetër denoncim u bë nga selia blu, këtë herë për projektligjin e qeverisë për ish të përndjekurit politikë. Deputeti Enlekejd Alibeaj renditi problematikat e ligjit, qe sipas tij redukton fondin per ish të përndjekurit, ndërsa rrit shpenzimet për koncesione e shërbime luksi.

Enkelejd Alibeaj, deputet: “Qeveria Rama ka propozuar së fundmi ndryshime në ligjin e të përndjekurve politikë, duke sjellë regres të madh për procesin e dëmshpërblimit financiar të tyre.
Ligji injoron rregullat e trashëgimisë dhe parashikon që pjesën takuese të familjarit që nuk jeton e zhvat Rama, duke e futur në buxhetin e shtetit për ta përdorur për koncesionet korruptive të tij. Ligji deformon mekanizmin e shpërndarjes së dëmshpërblimit, duke hequr dyshemenë dhe duke përcaktuar në vend të tij tavanin e dëmshpërblimit prej 1 milion lekë.
Po ashtu, ligji i hap derën Qeverisë të rishikojë dëmshpërblimet e marra nga të përndjekurit, që do të thotë se edhe ata të përndjekur e familjarë që janë dëmshpërblyer duhet të rrinë me panik se Qeveria mund të vendosë kthimin ose reduktimin e dëmshpërblimit.

Ligji dhe justifikimi për mungesën e parave është një shuplakë e radhës për çdo të përndjekur teksa Rama shpenzon për luks 11.3 miliardë lekë, aq sa është fondi i të përndjekurve politikë.

Vetem 2 agjenci qeveritare – AKU dhe AKT, kanë shpenzuar 188 milionë lekë nga buxheti i shtetit vetëm për 2 limuzina luksoze. Gjatë vitit 2018-të, qeveria Rama ka shpenzuar 25 milionë euro për blerje apo qira makinash për qeveritarët. Ndërkohë që prej vitit 2014 vlera e shpenzimeve të luksit kap shifrën marramendëse të 61.2 milionë eurove”./abcnews.al

ALIBEAJ-1280x720.jpg
ent ela18:46 | 17/08/2018

Përmes një deklaratë për mediat, deputeti i Partisë Demokatike, Enlekejd Alibeaj kërkoi arrestimin e deputetit socialist, Jurgis Çyrbja. Sipas Alibeajt, Çyrbja është përgjuar duke folur me anëtarë të bandës së “Shullazit”.

Nga foltorja e Partisë Demokratike u artikulua të premten një tjetër denoncim kundër qeverisë.

“Përgjimet e bëra publike sot nga media provojnë qartë se deputeti i Edi Ramës, Jurgis Çyrbja, është anëtar i bandës së Emiljano Shullazit, por ndryshe nga ai, nuk është në burg, por anëtar i Parlamentit.

Sipas përgjimeve të publikuara, deputeti Çyrbja ka komunikuar të paktën dy herë në telefon me Gilmano Danin, krahun e djathtë të Emiljano Shullazit për çeshtjen e hotel Vollgës, e cila është rregjistruar në pronësi të Emiljano Shullazit nga Jurgis Çyrbja”.

Alibeaj, nenkryetari i Komisionit të Ligjeve, tha se me Edi Ramën në Qeveri ligji i dekriminalizimit është një copë letër që nuk zbatohet.

“Sot, kamikazet e Edi Ramës në Prokurorinë e Përgjithshme dhe në atë të Krimeve të Rënda duhet t’u thonë shqiptarëve se përse ligji nuk vepron mbi deputetin e Ramës”.

Në emër të Partisë Demokratike, deputeti Alibeaj i kërkoi prokurorisë të dërgojë në Kuvend kërkesë për arrestimin e deputetit Çyrbja. /abcnews.al

IMG_0226-1280x853.jpg
G. P.15:39 | 27/07/2018

Nënkryetari i grupit parlamentar demokrat, Enkelejd Alibeaj, ka përsëritur denoncimin drejtuar vendimeve të Komisionit të Pavarur të Kualifikimit ndaj gjyqtarëve dhe prokurorëve që po kalojnë Vettingun, si të urdhëruar politikisht nga Edi Rama.

Alibeaj, thirrjen për transparencë me qytetarët ia drejton pikërisht shefit të ekzekutivit dhe asaj që quan “qetësi” të tij ndaj futjes në Pallatin e pasturar të Drejtësisë të një gjyqtari të kapur në flagrancë me përgjime në afera korruptive.

Është pikërisht gjyqtari, kandidat për anëtar në Këshillin e Lartë Gjyqësor, ai që ka nxjerrë dy ditë radhazi në foltoren e selisë blu ish-ministrin e Drejtësisë Alibeaj i cili thekson se konfirmimi i Toskës në detyrë,pavarësisht vlerësimit nga institucionet përgjegjëse dhe shërbimet inteligjente si i papështatshëm për detyrën, është tregues i qartë se organet e Vettingut po mbajnë në sistem gjyqtarë të korruptuar sipas urdhërave të Edi Ramës./abcnews.al

byoja.jpg
G. P.14:51 | 26/07/2018

Mbyllja e këtij sesioni parlamentar, ligji i magjistratëve dhe diskutimet e fundit rreth reformës në drejtësi ishin çështjet që u diskutuan në Byro Politike.

Të ftuar: Vasilika Hysi, deputete e PS; Enkelejd Alibeaj, deputet i PD-së; Silva Caka deputete e LSI-së dhe Alfred Peza, analist.

Mes të ftuarve u diskutua rreth zhvillimeve më të fundit të KPK-së. Hysi tha se nuk ka arsye për të akuzuar për dy standarde.

Ndërkohë Alibeaj tha se nuk ka Gjykatë Kushtetuese, Gjykatë të Lartë dhe prokurore të Përkohshme gjë që është problematike./abcnews.al

 

enkelejd-alibeaj-1.jpg
G. P.12:19 | 25/07/2018

Partia Demokratike ka vijuar denoncimin e rasteve të filtruar nga komisioni i Vettingut, që sipas tyre bëhen me dy standarde. Rasti i radhës ishte ai i gjyqtarit të Lartë, Ardian Dvorani, i cili për demokratët, sipas vetë vendimeve të mëparshme të KPK duhet të ishte shkarkuar.

Vendimi i Komisionit të Pavarur të Kualifikimit për konfirmimin e gjyqtarit të gjykatës së Lartë Ardian Dvorani nxorri në deklaratë zv/kryetarin e grupit parlamentar demokrat Enkelejd Alibeaj. Vendimin e paralajmëruar nga forca politike ku bën pjesë e konsideron produkt të standartit të dyfishtë të këtij procesi, që sipas tij ka lënë shumë pikpyetje.

“Ajo çfarë mbetet e pasqaruar nga procedura e verifikimit të vettingut të Ardian Dvoranit është, nëse miku i familjes së Fatmir Xhafajt, ka patur ndonjë kontakt me Agron Xhafajn dhe a i ka shërbyer ndonjëherë vëllait të Ministrit të Brendshëm dhe bandës së tij të trafikut ndërkombëtar të drogës”, deklaroi Alibeaj.

Njëkohësisht Dvorani është i vetmi gjyqtar në Republikën e Shqipërisë, theksoi ish-ministri i Drejtësisë Alibeaj, i cili nuk ka zbatuar vendimin e Gjykatës Kushtetuese të 2016-ës, që vendosi se mandati i tij si gjyqtar i Gjykatës së Lartë kishte përfunduar prej 2 vitesh dhe se qëndrimi i Dvoranit në detyrë, deri më sot, është antikushtetues./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono