Enkelejd Alibeaj

alibeja-enkelejd.jpg
in a18:47 | 12/02/2020

Mbrëmjen e sotme në studion e “ABC News” ishte i ftuar ish-deputeti i Partisë demokratike, Enkelejd Alibeaj. Gjatë bisedës në studio me gazetarin Endri Xhafo,  Alibeaj u shpreh se politika nuk mund të jetë art i pazarit. Sa i përket ndryshimeve për ligjin në Gjykatën Kushtetuese Alibeaj u tha se mazhoranca po përfiton me ligjet flagrante, ndërsa theksoi se anëtare e Gjykatës Kushtetuese sipas tij mbetet ajo që ka bërë betimin, në këtë rast Marsida Xhaferllari.

Kujtojmë që Marsida Xhaferllari njihet si partnerja e ish-deputetit të PD, Enekelejd Alibeaj.

“Çdo kontekst që ka të bëjë me intstitucione Kushtetuese zgjidhet me Gjykatë Kushtetuese, për aq kohë sa nuk kemi Gjykatë Kushtetuese atëherë mbetet Venecia. Ajo që po bën mazhoranca është përfitimi nga mungesa e Gjykatës Kushtuese, po bën ligje flagrante. Nuk është kjo zgjidhja. Zgjidhja do të ishte të shkojmë në instancat gjyqësore”, tha Alibeaj.

Cila nga dy zonjat mbetet anëtare e Gjykatës Kushtetuese?

Alibeaj: Ajo që ka bërë betimin, çdo zonjë tjetër e cila ka pretendim duhet ta zgjidhë Gjykata Kushtetuese.

Në rast se ngrihet Gjykata Kushtetuese dhe Presidenti nuk e bën betimin e dikujt, çfarë ndodh kur nuk ka dispozitë?

Alibeaj: Demokracinë e ndan vetëm një gjë, shyqyr që ka Gjykatë, ajo jep vendimin. Këta thonë brenda tre ditëve, por pa mbedhur asnjë provë pretendojnë të pezullojnë një vendim. I kanë dhënë Inspektoriatit të Lartë të Drejtësisë detyra të rëndësishme. Ka disa gjyqtarë të cilët e kanë kuptuar që nuk janë në listën e Edi Ramës, problemi nuk qëndron te KÇK, por tek Edi Rama dhe ligjet antikushtetuese që bëjnë. Pse pikërisht tani që u ngrit SPAK, pse janë duke e marrë drejtuesin e SPAK? Synimi i tyre është të asfiksojnë sistemin e drejtësisë duke krijuar një proces shantazhi ndaj bandave.

Më tej ai theksoi se kjo është një lojë e kryeminstrit Rama, loja që ai po bën: “Do të punosh me zgjedhjet apo jo, ndryshe të sekuestroj pasurinë që ke fituar me krimin”, tha Alibeaj.

Çfarë vlerësimi ke për Artur Metanin?

Alibeaj: Një funksionar i lartë shtetëror që pranon të kualifikohet në shkelje ligjore nuk premton asgjë./abcnews.al

alibeaj-abc.jpg
in a18:01 | 12/02/2020

I ftuar në studion e “ABC News”, ish deputeti i Partisë Demokratike, Enkelejd Alibeaj ka folur për propozimet e PD për qeverinë teknike. Ai u shpreh se gara duhet të jetë e ndershme, e barabrtë, me ide dhe programe politike.

Gjithashtu Alibeaj theksoi se mungon vullneti politik, ndërsa u shpreh se PD po krijon disa mekanizma për të kufizuar masën e abuzimit.

“Proceset zgjedhore në Shqipëri kanë treguar se problemet  janë shumë më të thella se sa kaq. Kemi patur një aksion opozitar, nuk ishte e thjeshtë të uleshim në tryezë sikur nuk kishte ndodhur asgjë”, u shpreh Alibeaj.

Propozimet e ardhshme jeni duke i punuar?

Alibeaj: Tashmë janë punuar.

“Vajtja në një proces zgjedhor besoj se do të sjellë rotacion. Kanë pasur joshjen e krimit, frikën nga pushteti dhe kjo tashmë është e provuar edhe zyrtarisht. Është një plagë e madhë e cila nuk mbetet vetëm çështje e jona, por edhe e Shqipërisë”, tha Alibeaj.

Mënjanimi i të gjitha parregullsimeve nuk është detyrimisht votë për ju!

Alibeaj: Jam i bindur që jo të gjithë do të na votojnë ne, por si demokratë edhe socialistë duhet të votojnë të lirë dhe jo nën dhunën e krimit.

Më tej ai theksoi se qëllimi i PD është që propozimet të pranohen nga publiku.

Alibeaj: Ne duam të tregojmë zgjidhje ligjore dhe politike, sfida jonë nuk është i pranon apo jo Damiani me bablokun, por a do ti pranojë publiku. Për këtë arsye është i rëndësishëm roli i Prokurorisë, Policisë, apo mënyrës se si do të monitorohen zgjedhjet. Është një kalendar me 13 pika, ku 9 janë të paraqitura prej nesh. Askush më shumë se sa ne e di se cili është roli i qeverisë dhe strukturave shtetërorë në zgjedhje.

 E pranon që shteti drejtori tatimori, kanë shkelur rregullat edhe në kohën tuaj?

Alibeaj: Ka pasur edhe në kohën tonë shenja të brishta sidomos nga perëndimi i pushtetit tonë shenja të tilla por nuk ka pasur një raport të përmbysusr ku krimi ishte fjala kryesore.

/abcnews.al

ali.jpg
in a13:53 | 03/02/2020

Në një deklaratë nga selia blu, ish deputeti i Partisë Demokratike Enkelejd Alibej hodhi akuza drejt kryeminsitrit Rama, ndërsa nuk ka la pa përmendur deputetin Taulant Balla të cilin e akuzoi për lidhje me Edmond Bekon. Alibej tha se kryeministri Rama po bën thjesht propagandë pasi ai vetë është i kapur nga krimi.

“U bënë biznemenë të fuqishëm duke marrë tenderat e Ramës. Kjo është vetëm propagandë për të mbuluar qeverisjen e tij me krimin, ndryshe Edmond Beko nuk do të kishte marrë leje me tendera 14 milion euro. Rama le ta nisë zbatimin e ligjit me Edmond Bejkon e Taulant Ballës, të cilët bashkë me Erion Veliaj ndyshuan rrjedhën e lumit Lanë për ti hapur rrugë, projektit të korruptuar. Rama po bën vetëm makiazh me ligje fasadë për të fshehur të vertetën”, tha Alibeaj.

enkelejd-1280x647.jpg
Autor E12:03 | 03/02/2020

Ish-deputeti demokrat Enkelejd Alibeaj e cilësoi një shkelje të rëndë të Kushteutës miratimin e paketës së cilësuar si “Anti-KÇK”.

I ftuar në Abc Neës, Alibeja theksoi se demokracinë nga diktatura e dallon fakti se në demokraci ka institucione të pavarura si gjykata dhe prokuroria, kurse në diktatura operojnë organet policore.

Ai theksoi se kjo paketë mund të ketë krijuar një përshtypje të mirë në publik pasi jemi në kushtet kur krimi është përhapur shumë dhe çdo masë do të pritej pozitivisht, por sipas tij, në të vërtetë me këtë paketë cënohet rëndë Reforma në Drejtësi dhe qeveria merr vetë kompetencat e gjykatës dhe prokurorisë.

Ndër të tjera Alibeaj tha:

Nuk gjeta asgjë nga drafti Anti-KCK në luftën që Rama do të bënte ndaj gjyqtarëve dhe prokurorëve. Në asnjë rsht nuk përmendet ndonjë masë ndaj tyre. Kjo zbeh edhe seriozitetin e kësaj nisme.

Deklarohet se qëllimi është luyfta ndaj krimit të organizuar, pra pasurisë së vendosur nga aktiviteti kriminal.

Reforma në Drejtësi i bë për këtë qëllim në fakt. Do kishimj një drejtësi të re që do ti jepte fund pandëshkueshmërisë. Pesë vite reforme, kontribute dhe mbështetje ndërkombëtare. Madje gjatë kësaj operiudhe na kauzuan për sabotim të Reformës në Drejtësi.

Ne thamë që kjo nuk është një lufte ndaj krimit dhe korrupsionit për aq kohë sa kemi një qeveri të ardhur nga krimi dhe korrupsioni, por është një kapje e sistemit nga qeveria.

Ka ndodhur kjo gje: Edhe pse rrafsuan të gjithë Sistemin e Drejtësisë, edhe pse e ngritën sistemin e ri të kapur totalisht nga pushteti. Sërish me këtë anti-KCK e famshme i është marrë kompetenca prokrorisë dhe gjykatave për sekuestirmin e pasuive dhe vendosjes së kufizimeve të lirisë“.

Ish-deputeti demokrat u ndaj edhe tek SPAK duke thënë se nga ky institucion pritej më shumë, por me dosjen 184 tregoi se është i kapur nga politika.

Vetë drejtuesi i SPAK vjen nga një e shkuar që nuk mund të krenohet. Anëtari i SPAK i fotografua me Ulsi Manjen. Kjo tregon se çfarë do të ishte produkti i SPAK-ut. Ndryshe nga të gjitha organet e tjera, anëtarët e SPAK kanë një mbrojtje të madhe. Vështirë ti shkakrosh, kanë mbëshetje të madhe, por kjo po tregon se SPAK nuk është aty ku duhej të ushte. Prisnim të ishte autonom dhe i pavaruar. Testi ishte dosja 184 që e larguan nga vetja“, vijoi Alibeaj, i cili se qeveria duhet të jetë e para që jep shembullin e luftës ndaj krimit, por kjo e tanishmja bën martesa me krimin para çdo viti elektoral.

Alibeaj theksoi gjithashtu se kjo paketë ka futur edhe konceptin e internimit dhe sekuestrimit të pasurisë. /abcnews.al

alibeaj.png
R D21:55 | 27/01/2020

I ftuar në “Mbrëmje në Abc” me Mirela Milorin ishte Enkelejd Alibeaj, anëtar i grupit të punës së opozitës për draftin e reformës zgjedhore. Ai foli për reformën, e cila tashmë ka hyrë në një rrugë të drejtë që Alibeaj beson se do të finalizohet me sukses më 15 Mars. Po kështu ai u pyet për një takim të mundshëm mes Ramës dhe Bashës por e përjashtoi në mënyrë kategorike.

Në tryezën e Këshillit Politik janë gjithsej 13 çështje, ku 9 prej tyre janë propozuar nga opozita. “Janë çështje të sisitemit zgjedhor, votimi i emigrantëve, depotilizimi i administratës, çështje të prezantuara nga ne prej kohësh”, u shpreh ai.

Alibeaj theksoi se ka një parakusht, shumë të rëndësishëm: Ndarja e shtetit nga partitë politike gjatë fushatës elektorale. “Ligji zgjedhor do të përcaktojë ndalimin e tundimit për të përdorur administratën si repart ushtarak elektoral”.

Gjithsesi  e pranon se nuk mjafton vetëm perfeksionimi i bazës ligjore, por duhet edhe vullneti politik për të bërë zgjedhje të mira.

Po kështu Alibeaj, komentoi Damian Gjiknurin në tryezën e reformës, duke thënë se “Damiani nuk është problemi ynë, por i palës tjetër që e ka sjellë. Në thelb duhet të kuptojmë se Damiani është vetë Rama. Kështu ne kemi kapërdirë edhe Damianin për t’ju ofruar shqiptarëve zgjedhje të lira dhe të ndershme. Vota e lirë është e rëndësishme ndaj është edhe kusht i Bundestagut gjerman. Eshtë kusht që reforma të bëhet brenda 15 Marsit dhe të testohet në zgjedhje të parakohshme”, theksoi ai në studion e Abc News.

alibeaj-1280x651.jpg
in a14:25 | 20/01/2020

Ish- deputeti i Partisë Demokratike, Enkelejd Alibeaj, në një deklaratë për mediat hodhi akuza ndaj kryeministrit Rama, i cili u shpreh se pas dënimit të dy bashkëpunëtorëve për financimin e paligjshëm të fotos 80 mijë dollarë me Barack Obamën, Edi Rama duhet të merret si i pandehur.

Deklarata:

Edi Rama po dështon në strategjinë për të akuzuar opozitën për punët e pista që bën vetë.

Dështoi me prokurorinë që e mbajti nën kontroll 2 vjet për një akuzë qesharake dhe të gënjeshtërt për të sulmuar Partinë Demokratike dhe liderin e opozitës.

Dështoi me shqiptarët që e kanë bërë personazh mallkimesh dhe barcaletash, dështoi me mediat ndërkombëtare prestigjioze.

Të gjithë këta, shqiptarët, media dhe prokuroria politike e dinë për fakt të vërtetë, të provuar nga drejtësia amerikane, se fotoja e Edi Ramës me Barack Obamën është kryer përmes një kontributi të paligjshëm prej 80 mijë dollarësh.

Të gjithë e dinë së për atë foto, Edi Rama u paraqit si gruaja e shtetasti amerikan Bilal Shehu, i cili sot është i dënuar nga drejtësia amerikane, bashkë me shtetasin tjetër amerikan Ëilliam Argeros, për përdorimin e fondeve të huaja në zgjedhjet amerikane.

Tre persona janë përgjegjës për foton e Edi Ramës me Barack Obamën, e cila u krye nëpërmjet një kontributi të paligjshëm prej 80 mijë dollarësh:

Bilal Shehu

William Argeros

Edi Rama

Dy prej tyre janë tashmë të dënuar nga drejtësia Amerikane. I treti, Edi Rama, vijon të jetë mbi ligjin.

Sot, ironia për ta paraqitur Edi Ramën si “gruaja e Bilalit”, nuk mjafton.

Ne jemi këtu për të theksuar se pas dënimit të dy bashkëpunëtorëve të tij, Bilali dhe Argeros, i takon Edi Ramës të merret si i pandehur, sepse shuma prej 80 mijë dollarësh, vjen nga një burim i paligjshëm dhe nuk është deklaruar as nga Edi Rama, as nga Partia Socialiste e Shqipërisë.

Qytetarët presin që drejtësia shqiptare të jetë e paanshme.

Për të nxjerrë të vërtetën e financimit të paligjshëm të fotos 80 mijë dollarëshe të Edi Ramës, sot kërkohet standardi i d”rejtësisë amerikane./abcnews.al

alibeaj-pd-bashkiaket-1280x609.jpg
nev ila09:13 | 14/01/2020

I ftuar me Enkel Demin në emisionin ABC-ja e mëngjesit, ishte i ftuar ish-deputeti i Partisë Demokratike dhe juristi Enkelejd Alibeaj, i cili foli në lidhje me verifikimet që PD po bën për të gjithë kryebashkiakët në vend.

Sipas Alibeajt, indiciet se këta persona janë të inkriminuar, vijnë nga publiku, ku më pas kalon në filtra të tjerë verifikimesh.

Po ashtu Alibeaj tha se kryebashkiaku i Mallakastrës, përpara 1 muaji e gjysmë, ka shkuar vetë në Greqi për të tërhequr dosjen penale.

Në lidhje me kryebashkiakun e Vaut të Dejës, Alibeaj tha se ministrja e Drejtësisë Etilda Gjonaj po mban dosjen e tij në sirtar për të vonuar procesin.

Pjesë nga biseda në studio:

Enkelejd Alibeaj: Ne kemi nisur realisht verifikimet për të 60 kryebashkiakët, nga verifikimet e para, rezulton deri më tani të jenë rreth 15 që kemi dyshime të arsyeshme se janë të inkriminuar.

Enkel Demi: Cilët janë?

Enkelejd Alibeaj: Ata që kanë dalë tashmë. Çdo aksion politik i yni është dhe bazohet në verifikime të hollësishme. Por ne këto të dhëna që kemi do të duhet ti analizojmë më hollësisht me legjislacionin vendas. Indiciet shenjat e para vijnë nga publiku. Ne në mënyrë zyrtare e fillojmë verifikimin për të 60 bashkitë, për të gjithë të zgjedhurit. Verifikimet bëhen në mënyrë private, zyrtare por edhe në mënyrë diplomatike, me aq sa kemi mundësi. Pastaj bëhet dhe aksioni ligjor në përfundim. Në rastin e Vaut të Dejës, dokumentacioni i marrë nga ana jonë është autentik, por megjithatë do të duhet të verifikohet në rrugë zyrtare,  i është dërguar Prokurorisë së Përgjithshme. Po çfarë ka ndodhur? Që Prokuroria e Përgjithshme të marrë dokumentacionin në Itali, zyrtarisht dokumentacioni kalon nëpërmjet ministrisë së Drejtësisë shqiptare, dhe asaj italiane. Por çfarë ka bërë Ministrja shqiptare e drejtësisë Etilda Gjonaj? Këto dokumentacione i mban në sirtar prej 1 muaj e gjysmë e deri më tani, kjo përbën shkelje ligjore penale, e them këtë pasi ky proces duhet të kishte përfunduar tashmë.  Në rastin e kryebashkiakut të Mallakastrës, nuk ndodh asnjëherë që të mos dijë gjë. Ai e di, për këtë mund të them se 1 muaj e gjysmë më parë ka shkuar vetë në Greqi, për të tërhequr dosjen penale, por po të flasim me terma ligjor, nëse rezulton se je i dënuar, qoftë edhe në mungesë, dhe nuk është deklaruar në formularin e dekriminalizimit, shkarkohesh nga detyra. Mos dijenia mund të përdoret në një situatë tjetër./abcnews.al

alibej-1280x636.png
in a16:04 | 11/01/2020

I ftuar në studion e “ABC News” ish deputeti i Partisë Demokratike, Enkelejd Alibeaj foli për denoncimin e kryebashkiakëve për dekriminalizimin.

“Si jurist, si qytetar i angazhuar politikisht dokumenti është marrë në rrugë zyrtare në shtetin grek. Duhet të ndihqet një orë e më parë për shkak të procedurave ligjore. Ministria e Drejtësisë shqiptare i ka vendosur stop korrespondencës. Kryeprokurori i ri, duhet ti zhvillojë sa më shpejt procedurat edhe si një premtim që vetë Prokurori i Përgjithshëm dha”, tha Alibeaj.

Më tej Alibeaj theksoi PD do ta ndjekë deri në fund çështjen.

“Të kryejë të gjitha procedurat, por edhe të fillojë procedimin penal për pengesë të drejtësisë, ti japë publikut shqiptar të vërtetën. Jeta publike shoqërore është e degraduar. Do ta ndjekim këmba këmbës këtë proces i cili mban emrin tonë. Për të gjithë ata që mendojnë se mund ti fshihet drejtësisë asgjë nuk mund të mohohet. PD është e gatshme në çdo rast për ta ndjekur. Është një dokument i Mallakstrës ka një datë, presim të dhëna edhe për krybashkiakë të tjerë brenda këtij qarku. Kur të vijë koha do ti publikojmë”, tha Alibeaj.

“Njerëzit me të shkuar kriminale janë shija e vërtetë e kryeministrit. Situta në të cilën ndodhemi tregon një mungesë vullneti për ta perfeksionuar procesin e dekriminalizimit. Sot Policia e Shtetit është shndërruar në një trupë që mbledh kufomat rrugës, krimi nuk ka asnjë lloj frike, sot fatkeqësisht është sypatrembyr. Si ka mundësi ky vend të mbretërohet tashmë prej krimit. Pafuqishmëria në fjalët e kryeministrit është prova më e fortë me këtë dështim spektakolar”, u shpreh Alibeaj.

Ndërkohë ngritja e katër njësive të posaçme në Policinë e Shtetit, sipas tij nuk ka për të funskionuar.

Qeveria është kapur nga krimi, të gjithë në mënyrë kapilare kanë kapur drejtuesit e poliscisë. Një nga problemet kryesore sot është përfaqësimi i shqiptarëve, fomula më e mirë është mazhoritar i pastër. Procesi i votimit jep votë të pastër, e cila më pas është ajo që triumfon. Drafti i plotë i Reformës Zgjedhore ka kohë që është duke u punuar, pothuajse jemi në përfundim të saj, jemi në fazë të avancuar, do të gjenden ato që i kemi thënë”, deklaroi ai.

/abcnews.al

partia-demokratike-1.jpg
ad min18:56 | 23/10/2019

Nesër opozita mbledh grupin e punës për Reformën Zgjedhore. Opozita ka vendosur që grupi i punës për Reformën Zgjedhore të drejtohet në nivel politik nga Sekretari i Përgjithshëm i PD Gazment Bardhi. Nga PD do të jenë pjesë e grupit Oerd Bylykbashi, Ivi Kaso, Enkelejd Alibeaj, Clirim Gjata, Endri Hasa dhe Arben Ristani.

Të gjitha partitë e koalicionit do të kenë përfaqësuesit e tyre në grup pune. LSI ka caktuar 3 përfaqësues të cilët do jenë Ilirjan Muho, Muharrem Çakaj dhe Silva Cakaj; PR dhe PDIU nga 2 përfaqësues; PAA, PDK, LZHK, PBDNJ nga 1 përfaqësues.

Ekspertët zgjedhore të opozitës së bashkuar nuk do të marrin pjesë në mbledhjen e Reformës Zgjedhore që do të zhvillohet në Kuvend.

Mesditën e të mërkurës, Lulzim Basha zhvilloi një takim në selinë blu me aleaten e tij të LSI, Monika Kryemadhi e cila në fund të takimit për ABC News sqaroi se opozita po punon për paraqitjen e drafti të saj për Reformën Zgjedhore.

Një ditë më parë aleatët e opozitës kërkuan që ekspertët zgjedhore të Partisë Demokratike të merrnin pjesë në mbledhjen që do të zhvillohet në Kuvend./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono