endri cekici

cekici-demtim.jpg
Vladimir Prenga09:13 | 04/12/2019

Endri Çekiçi është dëmtuar në ndeshjen e fundit që Olimpija Ljubjana fitoi në transfertë ndaj Bravo. Mesfushori me tipare sulmuesi i klubit slloven luajti rreth 20 minuta dhe më pas u zëvendësua, pasi nuk mund të luante.

Klubi slloven ka bërë me dije se Çekiçi nuk do të luajë në ndeshjen e fundit me Domzale, duke mbyllur vitin jashtë fushës së blertë. Ende nuk jepen detaje mbi dëmtimin që pogradecari ka pësuar. Me shumë mundësi do të jetë gati për pjesën e dytë të sezonit, në muajin shkurt.

Çekiçi është një nga lojtarët më të rëndësishëm të Olimpija Ljubjana, teksa vijon edhe sivjet të shënojë rregullisht. Mesfushori 23-vjeçar ka gjetur 7 herë rrugën e rrjetës, po aq sa shoku i tij i skuadrës, Menalo. Më shumë (16 gola) ka realizuar vetëm sulmuesi kryesor i sllovenëve, Vukusic. /abcnews.al

mavraj.png
Vladimir Prenga15:42 | 01/12/2019

Mërgim Mavraj nuk ia ka dalë të ndihmojë skuadrën e tij, Greuther Furth, në ndeshjen kundër Heidenheim. Ekipi i mbrojtësit të kombëtares shqiptare është mundur nga një gol i pësuar në një goditjeje këndi.

Mavraj ishte aty pranë, por e kishte të pamundur ta ndalte lojtarin kundërshtar, Kleindienst, i cili me kokë e dërgoi topin në rrjetë.  Greuther Furth e kishin mundësinë të shënonin të parët, por Wittek nga pika e bardhë e penalltisë goditi shtyllën.

ENDRI ÇEKIÇI – Mesfushori me tipare sulmuese ishte titullar si zakonisht me Olimpija Ljubjana. Skuadra e tij mposhti ekipin e Bravo, me rezultatin 1-2, dhe u shpall kampione dimri. Çekiçi fatkeqësisht e mbylli ndeshjen para kohë. Në minutën e 21-të ai u zëvendësua, pasi u dëmtua dhe nuk mund të vazhdonte lojën. /abcnews.al

mix-legjionar.jpg
Vladimir Prenga09:37 | 24/11/2019

Odise Roshi ishte ai që e nisi mbarë, teksa me fanellën e Akhmat Grozny arriti të shënojë një gol të rëndësishëm dhe të godiste shtyllën tranversale. Anësori i kombëtares shqiptare e nisi titullar me skuadrën çecene dhe në fund normalisht ka qenë i lumtur. Fieraku numëron tre gola në kampionat këtë sezon.

Një tjetër lojtar që ka shënuar një ditë më parë ishte mesfushori Kristi Qose. Korçari, i cili për gati një muaj nuk mundi të luante për Ruzomberok, edhe dje nuk ishte titullar.  Ai u fut në fushë në minutën e 58-të dhe për katër minuta ia doli të hapte takimin kundër Senica (rezultati u bë 1-2 me golin e lojtarit të kombëtares), që në fund përfundoi me rezultatin 2-2.

Një përgjigje e Qoses, pas kritikave që mori për paraqitjen e tij në ndeshjen kundër Francës. Trajneri Edoardo Reja e përzgjodhi titullar mesfushorin nga “Gjelave”. Sigurisht ritmi i tij nuk ka qenë i duhuri, duke qenë si vinte pas një dëmtimi.

Priložnost za Olimpijo

?❌ Olimpija je bila zelo blizu tretjemu zadetku v Celju. Endri Čekiči je zadel vratnico, nato je Ante Vukušić izgubil dvoboj z Matjažem Rozmanom. Prva liga Telekom Slovenije #plts #CELOLI

Publiée par Sportal Goool sur Samedi 23 novembre 2019

Endri Çekiçi, autor i shtatë golave me Olimpija Ljubjana në Slloveni, dje festoi 23 vjetorin e lindjes. Skuadra e tij fitoi në transfertë kundër Celje. Mesfushori i avancuar tentoi shumë ta gjente rrugën e rrjetës, por u ndal nga shtylla. Do ishte një dhuratë e bukur për ditëlindje, por nuk ishte e shkruar. Çekiçi mund të tentojë të gjejë golin në ndeshjen e radhës.

Florian Kamberi ishte një tjetër lojtar i kombëtares, në fakt ende nuk ka debutuar, që shënoi gol ditën e djeshme. Sulmuesi i Hibernian shënoi golin që përmbysi rezultatin kundër Motherwell. Për të ishte goli i dytë sezonal dhe për nga realizimi është mjaft i bukur. /abcnews.al

Cekici.png
Vladimir Prenga19:18 | 20/11/2019

Endri Çekiçi po spikat në Slloveni me NK Olimpija Ljubljana, ku u transferua janarin e shkuar. Pogradecari po shënon gola të rëndësishëm për klubin slloven dhe në merkaton e ardhshme edhe mund të ketë ndonjë transferim tijin.

Deri më tani ai ka shënuar 7 gola në kampionat dhe disa prej tyre nga distanca. Klubi slloven së fundmi ka postuar pesë prej tyre, të konsideruar si më të bukurit. Olimpija Ljubjana nuk dëshiron vetëm që tifozët t’i shijojnë golat, por edhe të zgjedhin më të bukurin. /abcnews.al

Cekici.png
Vladimir Prenga17:12 | 11/11/2019

20 gola të shënuar në Slloveni në fundjavë, dy prej golave mbajnë emrin e Endri Çekiçit. Mesfushori me tipare sulmuesi, i përfshirë në listën e pritjes së kombëtares shqiptare, golin e parë e realizoi me një goditje dënimi.

Olimpija Ljubjana mposhti 2-0 Tabor Sezana dhe pogradecari ishte protagonist edhe me një penallti të humbur. Në Slloveni ndërkohë kanë përzgjedhur edh tre golat më të bukur të javës dhe në podium është edhe i Çekiçit.

Goli më i bukur është ai i shënuar nga lojtari i Celje, Zan Benedicic, me një predhë të lëshuar nga rreth 35 metra. I dyti ishte i mesfushorit shqiptar, ndërsa vendin e tretë e ka zënë Luke Bobicanca. Ky i fundit shënoi direkt nga këndi. /abcnews.al

Cekici.jpg
Vladimir Prenga21:21 | 22/10/2019

Endri Çekiçi mund të transferohet në një ligë më të fortë sesa ajo e Sllovenisë. Futbollisti shqiptar pëlqehet në Spanjë dhe Poloni, ndërsa po shkëlqen për Olimpijan e Ljubljanës.

E ka gjetur veten plotësisht këtu, por shpejt mund të largohet. Kështu e ka futbolli, me lojtarët gjithnjë në kërkim të më të mirët dhe Endri Çekiçi pritet që të zhvendoset nga Sllovenia për në një ligë më të fortë europiane.

Mesfushori sulmues, i cili ka shënuar gola e ka shërbyer asiste këtë sezon për Olimpijan e Ljubljanës, ka zgjuar interesimin e klubeve në Spanjë dhe në Poloni. Kontaktet janë vendosur dhe mund të ketë një transferim që në janar të vitit të ardhshëm, ndonëse nuk bëhen të ditur emrat e klubeve që duan shërbimet e shqiptarit.

Çekiçi është aktualisht një nga lojtarët më të mirë të Ligës së Parë të Sllovenisë. Edhe pse jo në rol ofensiv, ai është shënuesi i dytë më i mirë i Olimpijas me 5 gola, i lënë pas vetëm nga sulmuesi kryesor, Ante Vukushiç, që ka 11 rrjeta.

Së fundi, ai shënoi nga goditja e dënimit në fitoren 6-0 ndaj Rudarit arritur në kryeqytetin Ljubljanë. Olimpija kryeson kampionatin me 30 pikë pas 14 ndeshjeve të luajtura, duke lënë 5 pikë pas kampionen Maribor.

Sa për Çekiçin, përveç transferimit në Spanjë apo Poloni, ai do të dëshironte të bëhej pjesë e kombëtares shqiptare, ndërsa për momentin është në listën e pritjes së trajnerit Edi Reja. /ABC NEWS 24/7

Cekici.jpg
Vladimir Prenga18:40 | 19/10/2019

Endri Çekiçi shënoi një tjetër gol në Slloveni. Pogradecari realizoi në fitoren që Olimpija Ljubjana arriti në shtëpi me skuadrën e Rudar. Gjashtë gola të realizuar dhe ishte futbollisti shqiptar ai që tundi rrjetën për herë të fundit.

Një minutë para përfundimit të kohës së rregullt ai mori përsipër ekzekutimin e një goditjeje dënimi, në një distancë të konsiderueshme. Mesfushori me tipare sulmuese mori vrull dhe e dërgoi topin drejt e në rrjetë. Një gol mjaft i bukur i Çekiçit, i pesti në kampionat për këtë sezon. /abcnews.com

Cekici.jpg
Vladimir Prenga15:29 | 12/10/2019

Endri Çekiçi po kalon një formë shumë të mirë me Olimpija Ljubjana. Mesfushori me tipare sulmuese ka shënuar sot golin e radhës me ekipin slloven dhe e ka bërë diçka të tillë ndaj një ekipi të Serie A.

Pogradecari i ka shënuar skuadrës së Bologna një minutë para përfundimit të ndeshjes, duke bërë që kjo sfidë miqësore të përfundonte në barazim 2-2. Çekiçi, i cili ka pasur disa shqetësime të vogla fizike së fundmi, u aktivizua në minutën e 76-të të ndeshjes.

Në kampionatin slloven ai luan rregullisht, teksa është aktivizuar në 10 ndeshje si titullar. Këtë sezon ai ka shënuar katër gola në kampionat. Olimpija Ljubjana e transferoi Çekicin janarin e shkuar dhe ai shpërtheu menjëherë, duke shënuar 6 gola në 9 takime në kampionat.

BOLOGNA-OLIMPIJA LJUBLJANA 2-2
Shënues:  Palacio 5′, Poli 80′ /  Lupeta 68′, Ccekicci 89′

BOLOGNA: Da Costa (55′ Sarr); Mbaye (72′ Lunghi), Corbo (56′ Dijks), Denswil (69′ Bani), Paz (81′ Visconti); Dzemaili (72′ Rocchi), Schouten (56′ Sansone), Soriano (64′ Mazza); Orsolini (30′ Juwara), Santander (85′ Koutsoupias), Palacio (46′ Poli). All.: Mihajlovic.

OLIMPIJA LJUBLJANA: Orbanic; Boakye, Bagnack, Samardzic (46′ Gorenc), Jurcevic (56′ Andrejasic); Knezevic (46′ Putincanin), Tomic, Menalo (76′ Kregar); Savic (76′ Ccekicci); Lupeta, Vukusic (44′ Kidric). All.: Hadzic.

/abcnews.al

reja.jpg
Vladimir Prenga08:23 | 03/10/2019

Shqipëria do të luajë më 11 tetor dhe 14 tetor kundër Turqisë dhe Moldavisë, ndërkohë që trajneri Edoardo Reja pritet të dalë shumë shpejt në konferencë për shtyp dhe të publikojë listën e lojtarëve për këto dy takime.

Pritet që të ketë risi. Në numrin e sotshëm të “Panorama Sport” raportohet se nuk do të ketë një ftesë për kapitenin e kombëtares, mbrojtësin Mërgim Mavraj. Futbollisti i Greuther Further u la në stol në sfidën me Islandën dhe tashmë nuk do të jetë as i grumbulluar.

Reja po planifikon të afrojë disa të rinj dhe njëri prej tyre është sulmuesi shtatlartë i Chelsea, Armando Broja. Italiani gjithashtu ka parë nga afër Endri Çekiçin. Pogradecari po paraqitet mirë në Slloveni dhe tanimë do të ketë një ftesë për të.

Hysen Memolla do të rikthehet në kombëtare. Mbrojtësi kavajas po luan si titullar në Finlandë me KPV, madje ka shënuar edhe dy gola. Risia tjetër do të jetë Taulant Seferi, sulmuesi i Xamax. Sikurse kuptohet, Reja po planifikon të sjellë gjak të ri në kombëtare. /abcnews.al

SPORT-MOMENTI-I-ENDRI-CEKICIT-M1T1.mpg_snapshot_00.11-1280x720.jpg
ent ela13:10 | 21/08/2019

Endri Çekiçi mund të quhet lojtari më i mirë shqiptar në Europë, në këtë fillim edicioni. Ai ka shënuar 3 gola dhe synon titullin kampion në Slloveni.

Sezonin e kaluar e mbylli në mënyrën më të mirë. Gjashtë gola në më pak se 5 muaj ishin karta e identitetit të Endri Çekiçit në skuadrën e tij të re në Slloveni, dhe kjo nuk ndryshoi as këtë edicion të ri.

Lojtari ofensiv shqiptar, në moshën 22-vjeçare, po tregon se ka arritur pjekurinë dhe përshtatjen e duhur tek Olimpija e Ljubljanës, duke qenë tepër i rëndësishëm që në muajin e parë.

Pogradecari ka realizuar dy herë në gjashtë ndeshje të Ligës së Parë të Sllovenisë, edhe pse nuk është një sulmues tipik, por luan pas sulmuesve kryesorë.

Ai po ndihmon Olimpijan që të rivalizojë për titullin kampion, me ekipin që ndodhet në vendin e dytë me 13 pikë, vetëm 1 pikë më pak se Aluminij.

Jo vetëm kaq, por kryeqytetasit kanë shënuar më shumë se çdo rival deri tani, plot 13 herë.

Çekiçi ishte një nga lojtarët vendimtarë të Olimpijas edhe në Ligën e Europës, në kualifikimin ndaj Rigës në turin e parë eleminator.

Pas humbjes në Slloveni, u arrit fitorja vendimtare në Letoni, me shifrat 2-0, ku golin e parë e shënoi pikërisht shqiptari.

Çekiçi shpreson që kjo formë ta ndihmojë për të tërhequr vëmendjen e trajnerit Reja, dhe të grumbullohet në kombëtare. /ABC News Albania 24 /7 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono