emri

arena-kombetare-1280x728.jpg
Vladimir Prenga20:01 | 14/11/2019

FSHF ende nuk ka bërë asgjë zyrtare, por “Arena Kombëtare” tashmë do të ketë një emër të ri dhe kjo vërtetohet nga ajo çka ka ndodhur së fundmi në stadiumin më të madh në vend. “Air Albania Stadium” tashmë është zyrtarisht emri i stadiumit kombëtar.

Arben Dervishi, anëtar i Komitetit Ekzekutiv, të hënën në emisionin “ABC-ja e Mëngjesit” deklaroi se firma do të hidhej pikërisht atë ditë, por FSHF akoma nuk ka dalë me një njoftim. Kompania ajrore e fluturimeve do të paguajë një shifër të konsiderueshme.

Ajo ka fituar tenderin dhe në arkat e Federatës Shqiptare të Futbollit do të shkojnë 650 mijë euro në vit. Një pjesë e konsiderueshme e kësaj shifre shkon për mirëmbajtjen e “Air Albania Stadium”. Në lidhje me emrin ka pasur goxha polemika. Në të shkuarën, sikurse dihet, stadiumi kombëtar mbante emrin e Qemal Stafës. /abcnews.al

p07n4dv8.jpg
ent ela19:27 | 13/09/2019

Autoritetet në Shtetet e Bashkuara do të publikojnë emrin e një tjetër të dyshuari të lidhur me sulmet e 11 shtatorit 2001. Bëhet fjalë për një shtetas saudit që dyshohet se ka luajtur një rol kyç në atentate, por identiteti i të cilit është mbajtur i fshehtë.

Departamenti amerikan i Drejtësisë ka deklaruar se do të zbulojë një emër kyç të lidhur me sulmet e 11 shtatorit, të kërkuar nga familjarët e viktimave që kanë paditur Arabinë Saudite për ngjarjet e vitit 2001. Në një njoftim për shtyp thuhet se informacioni do t’u jepet avokatëve që përfaqësojnë familijarët e viktimave dhe nuk dihet nëse identiteti i personit në fjalë do të bëhet publik. 15 nga 19 miliatëntët e Al Kaedës që organizuan sulmet ishin sauditë. Në vitin 2004, komisioni për ngjarjet e 11 shtatorit i ngritur nga Kongresi amerikan nuk gjeti prova se qeveria saudite kishte financuar Al Kaedën. Por një raport i vitit 2012 i Byrosë Federale të Hetimeve thoshte se agjencia po hetonte dy shtetas sauditë që kishin ndihmuar atentatorët. Njëri prej tyre është Fahad al-Thumairi, ish-zyrtar i konsullatës saudite; ndërsa tjetri Ahmed al-Bajumi, ish-oficer i shërbimeve inteligjente të mbretërisë. Raporti i FBI-së, që u publikua në formë të redaktuar, citonte gjithashtu një person të tretë, emri i të cilit nuk u publikua. Familjet e viktimave që kanë paditur qeverinë saudite kanë kërkuar me insistim publikimin e identitetit të personit në fjalë. Më 11 shtator 2001, atentatorët përplasën avionët e marrë peng ndaj Kullave Binjake në Nju Jork dhe Pentagonit në Uashington. Ndërkohë, një avion tjetër i marrë peng u rrëzua në Pensilvani pas rebelimit të pasagjerëve. /ABC News Albania 24/7

 

auto-omicidio-ugento-653x367.jpg
nev ila21:32 | 27/08/2019

I vdekur nga një armë zjarri në kokë. Ky është i vetmi fakt në lidhje me ngjarjen misterioze që ndodhi në rrugën që lidh Ugento me Casarano në rajonin e Leces, Itali, ku trupi i pajetë i një shqiptari 27-vjeç, Serxhio Veizi, u gjet në bordin e makinës së tij, një Volkswagen Polo gri. Pranë trupit të tij në sediljen e pasagjerit, ishte edhe arma.

A është vetëvrasje apo vrasje? E pamundur të thuhet të paktën për momentin. Hetimet e agjentëve të Komisariatit Taurisano janë ende në zhvillim e sipër, dhe do t’u mbetet atyre që të zbulojnë nëse ishte një gjest ekstrem nga 27-vjeçari apo nëse dikush ka qëlluar mbi të.

Rrethanat e kësaj ngjarje të rëndë janë enigmatike. Nga informacionet e fundit mësohet se është duke u hetuar tek e kaluara e djalit, i cili është i njohur për disa precedentë të lidhur me botën e drogave dhe deri te arma e gjetur në makinë. /abcnews.al

zhvatja-1280x695.jpg
ad min15:45 | 10/08/2019

Gazeta italiane “La Verita’” ka publikuar videon e tretë të aferës “Zhvatja”, që ka tronditur opinionin publik në Maqedoninë e Veriut. Këtë herë, në bisedën mes të dyshuarit Bojan Jovanovski dhe biznesmenit Orçe Kamçev përmendet edhe emri i kryeministrit Zoran Zaev.

Edicioni i internetit i gazetës italiane “La Verita” edhe sot ka publikuar xhirime të bisedave mes të dyshuarve në rastin “Zhvatja”. Në xhirimet e sotme bisedohet për procedurat për lëndën ‘Perandoria” të Prokurorisë Speciale Publike ku është i dyshuar biznesmeni Orce Kamçev.

Në një bisedë kyçet edhe Prokurorja Speciale Katica Janeva, e cila në bisedë e sipër sqaron disa procedura gjyqësore. Bojan Jovanovski dhe biznesmeni Kamçev në një pjesë të xhirimit përmendin edhe Kryeministrin Zaev, kurse Jovanovski paralajmëron se do të takohet me të dhe do të provojë ta imponojë Kamçevin. Por, nuk ka detaje ku dhe kur do të organizohet ky takim.

Kryeministri Zoran Zaev ashpër i ka hedhur poshtë lidhjet me Bojan Jovanovskin, të dyshuarin në aferën “Zhvatja”. Siç thotë, në publikimin më të ri, disa nga të dyshuarit përmendin dhe keqpërdorin emrin e tij. Po thuhen gënjeshtra me qëllim që njëri bashkëbisedues ta përforcojë pozitën e tij të fuqisë dhe autoritetit para bashkëbiseduesit tjetër – thotë Kryeministri duke përgënjeshtruar informacionet përçfarëdo bashkëpunimi apo komunikimi me të dyshuarin Jovanovski. Duket se mediat serbe shfaqin interesim të shtuar për aferën më të re në Maqedoninë e Veriut.

Do të bien shumë politikanë, kam dëshmi për kreun shtetëror. Këtë në polici e ka thënë i dyshuari Bojan Jovanovski – shkruan në edicionin e sotëm gazeta serbe Kurir. Siç transmeton kjo gazetë, Jovanovski ka thënë se nëse i ndodh diçka në burg, ai ka dëshmi të sigurta tek nëna e tij dhe në adresë tjetër, me të cilët, siç thuhet, do të shkaktojë “tërmet politik” në Maqedoninë e Veriut, çka do të shkaktonte rënien e Qeverisë.

“Bombat” e reja vazhdojnë ta tronditin opinionin në Maqedoninë e Veriut, kurse pas publikimeve të mëparshme të bëra nga Ilija Gromovnik nga Rusia dhe El Cheka nga SHBA-të në opinionin e këtushëm imponohet pyetja nëse “bombat” janë rastësi apo gjithçka bëhet për ndonjë qëllim.

Simptomatike – siç thonë mediat e Shkupit është se këto përgjime publikohen në një gazetë italiane, që pretendohet se është e afërt me të djathtën, menjëherë pasi Qeveria e Maqedonisë së Veriut paralajmëroi luftë të hapur me mediat e vendit që shpërndajnë lajme të rrejshme. “Bombat” e fundit që shpërthyen në Maqedoni, disa prej tyre edhe nga Rusia, sipas vlerësimeve të ekspertëve kanë një mesazh të fshehtë dhe mund të interpretohen si përpjekje për t`i bërë obstruksione anëtarësimit të Maqedonisë së Veriut në NATO./ABC News Albania 24/7

mustafa-nano-provokacija.jpg
ad min22:31 | 10/05/2019

Prej dy sezonesh tashmë, Mustafa Nano drejton emisionin “Provokacija” në ABC News.

Por ky emër nuk ka pasur shumë pëlqime nga qytetarë të Kosovës, të cilët e lidhin atë me serbishten. Por puntatën e sotme, teksa të ftuar në studio kishte deputeten kosovare, Duda Balje, ai ka sqaruar nga e ka marrë termin “Provokacija”.

“Mua më qortojnë shumë për këtë emrin “Provokacija”. Më qortojnë shumë, më konsiderojnë si tradhtar. Më thonë pse ke marrë këtë emër. Unë do i them kosovarëve që termin “Provokacija” nuk e kam marrë nga gjuha serbe, e kam marrë nga gjuha boshnjake. Me boshnjakët s’keni gjë”, tha ai.

Ndërkohë, deputetja Duda Balje, e cila përfaqëson në Kosovë komunitetin boshnjak tregoi me shaka se kur miqtë e saj e morën vesh që do shkonte në emisionin “Provokacija” të Mustafa Nanos i kanë thënë që të mos shkonte.

“Me thënë të drejtën, kur kam thënë që do vij sot këtu gjysma e shokëve më kanë thënë ‘mos shko’”, tha me humor deputetja./abcnews.al

macedonia.png
ad min18:49 | 13/02/2019

Në Maqedoninë e Veriut ka nisur procesi për riemërimin e tabelave në institucione dhe pika kufitare. Kryeministri Zaev u shpreh se institucionet shtetërore po përgatiten për implementimin e marrëveshjes me Greqinë. 

Sekretari i përgjithshëm i Kombeve të Bashkuara, Antonio Guterres me një letër të përbashkët nga Shkupi dhe Athina tanimë është informuar se kontesti për emrin  midis dy vendeve është zgjidhur dhe prej mbrëmë edhe zyrtarisht emri i i ri është Republika e Maqedonisë së Veriut. Në vazhdim e sipër është edhe procedura për informimin e vendeve anëtare të  organizatës botërore dhe të organizatave ndërkombëtare për emrin e ri Republika e Maqedonisë së Veriut. Kryeministri Zoran Zaev tha mbrëmë se institucionet shtetërore janë duke u përgatitur për implementimin e Marrëveshjes me Greqinë, e madje edhe në partinë e tij LSDM do të debatohet për ndërrimin eventual të emrit të partisë.

Prej mbrëmë zyrtarisht vendi quhet Republika e Maqedonisë së Veriut. Nga 12 Shkurti ka hyrë në fuqi marrëveshja përfundimtare për zgjidhjen e dallimeve me Greqinë të përshkruara në Rezolutën 817 dhe 845 të vitit 1993 këshillit të Këshillit të Sigurimit të OKB, për ndërprerjen e vlefshmërisë së Marrëveshjes së Përkohshme të vitit 1995 dhe për vendosjen e një partneriteti strategjik:

Mile Boshnjakovski, zëdhënës i qeverisë: “Kjo është publikuar në gazetën zyrtare, e kjo do të thotë se ndryshimet e amendamenteve  kushtetuese tanimë janë në fuqi dhe siç thashë, prej mbrëmë ne jemi, shteti ynë është Republika e Maqedonisë së Veriut”.

Përveç mbishkrimeve të reja  me emrin e ri  të shtetit në vendkalimet kufitare, janë duke u përgatitur edhe institucionet tjera shtetërore për ndryshimin e emrit të vendit dhe  sipas lajmërimeve  Ministria e Brendshme është e gatshme me vula për pasaporta, gjatë udhëtimit për në Greqi për të dëshmuar se janë nga Republika e Maqedonisë së Veriut deri në zëvendësimin me dokumente të reja udhëtimi, për çka afati është pesëvjeçar.

Megjithatë, udhëtimi për në Greqi nuk do të jetë pa etiketa ngjitëse në vetura, por në vend të IRJM-së, ashtu siç deri më tani vendosnin kufitarët grekë, tani kolegët maqedonas në tabelat e regjistrimit do të vënë etiketa me Republika e Maqedonisë së Veriut. Partia në pushtet, sipas kryeministrit Zoran Zaev, është duke menduar madje edhe për ndryshimin e emrit partiak që nuk erdhi në radhë për diskutim gjatë mbledhjes së mbrëmshme të kreut partiak.

Zoran Zaev: “Ka zgjidhje të mira kreative. Askund nuk ka socialdemokraci nga Norvegjia, Sllovenia, Suedia e të ngjashme, ka disa lloje zgjidhjesh, mundet të jemi Lidhje Socialdemokrate, prej nga RMV, mundet të jemi LSD e MV, LSDMV, mundet të mbetemi si jemi nëse duam mos të kemi aktivitete ndërkombëtare të finansuara me paratë e shtetit”.

Ndërkohë në vendkalimin kufitar “Bogorodica” mes Maqedonisë së Veriut dhe Greqisë është ngjitur emri i ri i vendit. Këto aktivitete të ndryshimit të tabelave erdhën pasi mbrëmë arriti nota verbale nga Ministria e Jashtme greke, me ç’ka ka hyrë në fuqi Marrëveshja e Prespës./abcnews.al

download-2-1.jpg
ad min21:35 | 26/01/2019

I riu Armano Elezi 23-vjeç është arrestuar në Shqipëri. Ai u kishte shpëtuar autoriteteve italiane dhe rezultonte i shpallur në kërkim. Shiptari ishte anëtar i një grupi që kishte trafikuar 2 tonë kanabis përmes detit drejt Italisë. Mediat italiane bëjnë të ditur se ai është ndaluar në vendin tonë.

Në 2016 kur u zhvillua operacioni që dërgoi në pranga 5 trafikantë të tjerë shqiptarë, Elezi arriti që të shpëtonte duke u arratisur, por pas tre vitesh u prangos. Tashmë ai pritet që të ekstradohet drejt vendit fqinj për t’u gjykuar për akuzat që janë ngritur kundër tij, ndërsa policia shqiptare deri tani nuk ka dhënë asnjë njoftim./abcnews.al

47113222_303.jpg
ad min08:51 | 17/01/2019

Tsipras e fitoi votëbesimin! Jo grindja për emrin me Maqedoninë, por zgjidhja e konfliktit e detyroi Tsipras të dalë për votëbesim në parlament. Grindja për çështjen e emrit është kthyer në fantazmë të politikës greke.

Grindja ndërkohë anakronike për çështjen e emrit mes Greqisë dhe Maqedonisë është një relike e politikës ballkanike të orientuar nga e shkuara, në periferi të BE-së dhe shpesh ka rezultuar me turbulenca politike në të dyja vendet. Sidomos kur zgjidhja e problemit është mjaft afër, ato bëhen më të qarta. Kjo tregon se sa i vështirë bëhet formësimi i së ardhmes në Europën Juglindore.

Në mesin e vitit 2018, kryeministri grek, Aleksis Tsipras dhe homologu i tij maqedonas, Zoran Zaev negociuan një kompromis, sipas të cilit Maqedonia do të merrte emrin “Maqedonia e Veriut”. Shteti i pavarur maqedonas do të kishte një emër, që sipas mënyrës greke të leximit nuk do të kishte pretendime territoriale kundrejt provincës greke Makedonia dhe trashëgimisë antike. Athina do të hapte kështu rrugën e anëtarësimit të vendit në BE dhe NATO, të dyja perspektiva stabiliteti në rajon.

Shitje e “emrit të shenjtë”

Kompromisi u miratua përfundimisht nga parlamenti maqedonas. Tani topi kalon në parlamentin grek, duhet që ai të ratifikojë marrëveshjen. Menjëherë u dëgjuan këmbanat patriotike në Athinë. Nacionalisti i rreptë dhe ministri i Mbrojtjes, Panos Kamenos dha dorëheqjen të shtunën për gjoja shitjen e “emrit të shenjtë” Makedonia duke hequr dorë edhe nga roli i krijuesit të mazhorancës për qeverinë e Tsipras. Kryeministri me votëbesimin do ta marrë situatën në dorë. Aritmetika e grupimeve parlamentare e bën të mundur një fitore të ngushtë për kryeministrin grek, pasi disa deputetë të ANEL-, partisë së Kamenos do të japin votën për Tsipras, megjithë prishjen e koalicionit.

Tsipras është optimist edhe për votimin në parlament të marrëveshjes me Maqedoninë. Pas kësaj mund të ketë zgjedhje të parakohshme. Për shkak se më së voni deri në tetor do të zhvilloheshin zgjedhjet e radhës, Tsipras mund të qeverisë deri atëherë me aleanca të përkohshme, që i sigurojnë mazhorancën.

Më shqetësuesja në të gjithë këtë histori nuk është mandati i shkurtuar i qeverisjes së Tsiprasit, por ashpërsia, me të cilën një pjesë e madhe e partive greke refuzojnë një zgjidhje të arsyeshme të grindjes së emrit me Maqedoninë. Ai, që sipas sondazheve, mund të jetë kryeministri i ardhshëm grek, Kyriakos Mitsotakis i partisë Nea Demokratia e refuzon këtë marrëveshje dhe kërkon të negociojë nga e para me Shkupin. Ironia e historisë: Babai i tij, ish-kryeministri Konstantinos Mitsotakis u rrëzua nga pushteti në vitin 1993, kur ishte fare pranë një marrëveshjeje për emrin me Greqinë.

Fantazma e politikës së jashtme

Edhe socialdemokratët ngrihen kundër zgjidhjes së problemit. Sikur klasa politike greke do merrte më mirë frymë, nëse do të kapej me mish e me thonj pas “çështjes kombëtare”. Ajo vetëm se tregon më qëndrime të tilla, se në një vend të tronditur nga kriza, mund të bëhet shumë mirë politikë duke përdorur fantazmën e politikës së jashtme. E që të dielën që vjen ata që jetojnë gjithmonë me të djeshmen, parashikojnë të zhvillojnë demonstrata për Maqedoninë – sigurisht për atë greke!/DW

maqedonia-kuvend.jpg
ad min18:46 | 09/01/2019

Parlamenti i Maqedonisë është mbledhur pasditen e së mërkurës për të diskutuar dhe votuar ndryshimet e fundit kushtetuese që rrjedhin nga Marrëveshja e Prespës me Greqinë. Por jashtë selisë së Parlamentit, qytetarë të ndryshëm janë mbledhur për të kundërshtuar amendamentet që i hapin rrugë nisjes së zbatimit të marrëveshjes me Athinën.

Sipas mediave maqedonase, pjesëmarrja në tubimin e organizuar nga lëvizja “Maqedonia Bllokon” është e vakët, por me të është bashkuar edhe partia e opozitës VMRO-DPMNE. Kryetari Kristian Mickovski deklaroi për mediat se marrëveshja e arritur nga kryeministri Zaev me homologun grek Tsipras është e papranueshme.

“Termi “Maqedonia Veriore” i takon Zaevit dhe bashkëpunëtorëve të tij. ndërsa Republika e Maqedonisë është atdheu im dhe i qytetarëve, që u votua në vitin 1991”, deklaroi Mickovski. Ai përsëriti se VMRO-DPMNE nuk do të marrë pjesë në seancën parlamentare, pasi nuk do ta legjitimojë kurrë ndryshimin sipas tij të dhunshëm të Kushtetutës.

“Një ndryshim i dhunshëm, i arritur me pazare, kushtëzime dhe penalizime, që rrjedhimisht do të reflektojnë në ndryshimin e identitetit tonë”, deklaroi Mickovski./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono