emri i maqedonise

kammenos_arthroo-933x445.jpg
ent ela09:22 | 03/07/2018

Ministri grek i Mbrojtjes dhe aleati kryesor në Qeveri i Kryeministrit Tsipras, Panos Kamenos kërcënon me zgjedhje të parakohshme në lidhje me marrëveshjen për emrin e Maqedonisë. Në një konferencë të jashtëzakonshme për shtyp nga zyrat e partisë së tij, Kamenos u shpreh se nuk duhet të përjashtohet populli grek nga kjo vendimmarrje. Dhe për këtë ka dy mënyra, shtoi Kamenos.

Ato janë me zgjedhje ose me referendum. Kamenos thotë se marrëveshja me Maqedoninë për emrin nuk ka asnjë vlerë nëse nuk ratifikohet nga Parlamenti grek. Në këtë pikë, ministri grek i Mbrojtjes theksoi se kjo marrëveshje duhet votuar nga të gjithë 140 deputetët. Në të kundërt, do të duhet të pyetet populli, duke shkuar në zgjedhje të parakohshme ose nëpërmjet referendumit. Panos Kamenos sjell në vëmendje edhe mosdekretimin e marrëveshjes nga Presidenti i Maqedonisë, i cili refuzoi ta firmoste.

Ministri Kamenos foli edhe për marrëveshjen që pritet të arrihet mes Shqipërisë dhe Greqisë.

“Shqipëria po fillon të kuptojë se është në të mirë të saj që të ketë marrëdhënie të mira me Greqinë. Epiri i Veriut është rajoni ku grekët kanë ekzistuar dhe do të ekzistojnë. Çfarë thuhet në lidhje me pretendimet pronësore nuk është e lidhur me çamët. Çamët janë kriminelë lufte që bashkëpunuan me nazistët dhe me kriminelët e luftës ne nuk negociojmë“, u shpreh Panos Kamenos. /tvklan

edi-rama1-1280x853.jpg
ent ela20:56 | 12/06/2018

Pas njoftimit të arritjes së marrëveshjes për çështjen e emrit mes Greqisë dhe asaj që tashmë do të quhet Republika e Maqedonisë së Veriut, ka reaguar edhe Tirana zyrtare. Kreu i Shtetit Ilir Meta nëpërmjet një mesazhi në Tuiter shprehet shumë i gëzuar për marrëveshjen historike mbi emrin e Maqedonisë! “Vjen në momentin e shumëpritur si një perspektivë më e qartë euroatlantike për rajonin tonë. Vlerësim për kurajën e përgjegjësinë e lidershipit politik të greqise dhe Maqedonise që kontribuan për këtë arritje të rëndësishme.”

Më herët reagoi edhe kryeministri Edi Rama. Ky i fundit nëpërmjet një statusi në rrjetin social Tuiter ka vleresuar se: “Dy liderë progresivë te vendeve fqinj bene histori dhe i treguan Bashkimit Europian dhe botës sesi vizioni dhe vullneti e tejkaluan të shkuarën dhe gjetën vend për të ardhmen.” Në mesazhin e tij kreu i qeverisë nderon vullnetin e kryeministrit grek Aleksis Cipras dhe atij të Maqedonisë së Veriut, Zoran Zaev për ta bërë që tani Ballkanin një vend më të mirë falë tyre. /abcnews.al

kotzias-dimitrov.jpg
ent ela12:07 | 05/06/2018

Ministri i Jashtëm i Greqisë, Nikos Kotzias, thotë se ka ardhur koha që Shkupi të marrë një vendim përfundimtar sa i përket çështjes së emrit. Ndërsa kryeministri maqedonas thotë se zgjidhja do të vijë shumë shpejt.

Kryediplomati grek, Nikos Kotzias, mendon se është koha për të marrë një vendim përfundimtar, për çështjen e emrit të Maqedonisë. Ai ka thënë se me ministrin e Jashtëm, Nikolla Dimitrov, kanë pasur takime në Nju Jork dhe Bruksel, ndërsa tashmë ka ardhur koha për të thënë “po” ose “jo”. Kotzias mendon se qeveria në Shkup po përballet me disa presione dhe probleme.

“Në Shkup nuk po pranohet emri Maqedonia e Vardarit, pasi mendohet, se bëhet fjalë për erën e fashizmit dhe okupimit”, është shprehur ministri i Jashtëm në intervistën për televizionit shtetëror grek ERT.

Ai nuk ka pranuar të konfirmojë, nëse për palën greke është i pranueshëm propozimi: Maqedonia Veriore. Kurse nga ana tjetër, kryeministri maqedonas Zoran Zaev është pyetur nëse është çështje ditësh zgjidhja e problemit të emrit. Ai nuk ka dashur të japë përgjigje për këtë, por ka deklaruar se kjo është çështje e ndjeshme prandaj pret mirëkuptim nga qytetarët.

“Nuk dua të komentoj shumë, por besoj se për disa ditë do të kemi zgjidhje të suksesshme të këtij procesi”, u shpreh shefi i qeverisë.

Ndërkohë, Zaev nuk ka treguar kohën e saktë se kur do të realizohet telefonata e shumëpritur me kryeministrin grek Aleksis Tsipras. Në atë bisedë do të vendoset për emrin e ri zyrtar të Maqedonisë. Aktualisht përflitet për propozimin “Maqedonia e Veriut”.

Ndërsa më herët, Athina refuzoi emrin “Republika e Maqedonisë së Ilindenit”. Mediat e Shkupit raportojnë se për këtë çështje ka ndërhyrë edhe administrata e Shteteve të Bashkuara. Uashingtoni bën thirrje që brenda 9 Qershorit, Zaev të japë një përgjigje.  /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono