Emiljano Shullazi

SHULLAZI-1280x720.jpg
gra moz11:19 | 12/06/2018

Në Gjykatën e Krimeve të Rënda ka përfunduar procesi i gjykimit për Emiliano Shullazin dhe 4 të pandehurit e tjerë, Gilmando Dani, Endrit Qyqja, Endri Zela dhe Blerim Shullazi. Më 26 Qershor, prokuroria do të paraqesë konkluzionet përfundimtare dhe do të kërkojë masën e dënimit për ta.

Në seancën e sotme, pala mbrojtëse kërkoi të thirren si dëshmitarë disa punonjës të një banke të nivelit të dytë për të dëshmuar mbi disa çeqe që kanë lëshuar në emër të Gilmando Danit dhe Endri Qyqes. Por kjo kërkesë nuk u pranua nga gjykata.

Mbi Emiliano Shullazin dhe 4 të pandehurit e tjerë rëndojnë tre akuza: “Shtrëngim me anë të kanosjes ose dhunës për dhënien e pasurisë”, “kanosje për shkak të detyrës “ dhe “krijim grupi të strukturuar kriminal”./abcnews.al

emiljano-shullazi-1280x683.jpg
gra moz17:44 | 13/03/2018

Emri i shoferit të biznesmenit Ylvi Beqja, Besnik Musai, dëshmia e të cilit rëndoi pozitën penale të Emiliano Shullazit u kthye në një “mollë sherri” mes palëve në seancën e të martës.

Avokatët u përfshinë në debate të ashpra me prokuroren, se përse dëshmitari Musai, bashkëjetueses së Beqjes, ishte marrë nën mbrojtje policore.

Gjuhës së tensionuar nuk i shpëtoi as i pandehuri Shullazi. Ai kërkoi llogari nëse dëshmitari Musai kishte dhënë deklarime në Prokurori, para se të pyetej në Gjykatë.

Prokurorja në sallën e gjyqit shpjegoi se Musai mbrohej si rreth familjar i Ylvi Beqjes dhe se ai nuk ishte pyetur prej saj në prokurori.

Pas kësaj përgjigje, Shullazi kërkoi rithirrjen në proces të dëshmitarit, për të sqaruar këtë moment.

Gjatë dëshmisë së tij në muajin Shtator 2017, Musai tha se kishte parë Shullazin t’i drejtonte pistoletën biznesmenit Ylvi Beqja./abcnews.al

vlcsnap-error634-1280x720.jpg
gra moz16:21 | 27/02/2018

Pesëshja gjykuese e dosjes në ngarkim të Emiliano Shullazit tek Krimet e Rënda do t’i drejtohet me shkresë zyrtare një banke të nivelit të dytë në Tiranë për t’i vënë në dispozicion 6 çeqe të thyera në sportelet e saj në Dhjetor të vitit 2014.

Çeqet  në fjalë, në shuma deri në 25 mijë euro, janë lëshuar nga biznesmeni Ylvi Beqja dhe janë tërhequr nga shoferi i tij dhe dy prej të pandehurve në proces. Ato u kërkuan për t’u paraqitur si provë në proces nga ana e avokatëve të të pandehurëve. Po ashtu, Gjykata do t’i kërkojë bankës identifikimin e sportelisteve që i kanë bërë këto veprime, për t’i thirrur si dëshmitare në gjyq.

Në seancën e të martës, Gjykata pranoi edhe kërkesën e avokatit të Endrit Zelës për shfaqjen në sallën e gjyqit të pamjeve filmike të marra nga Prokuroria nga kamerat e sigurisë të banesës së biznesmenit Ylvi Beqja. Procesi ndaj Shullazit dhe katër të bashkëpandehurve të akuzuar për “gjobëvënie” ndodhet në fazën e marrjes së provave të mbrojtjes./abcnews.al

vlcsnap-error218.jpg
us er17:21 | 28/12/2017

Në seancën e 25-të gjyqësore të procesit në ngarkim të tij dhe katër të bashkëpandehurve tek Krimet e Rënda, Emiliano Shullazi i është përgjigjur pyetjeve të prokurorëve. Ai mohoi akuzat e ngritura nga prokuroria për të. Shullazi tha se biznesmeni Ylvi Beqja gënjen, pasi nuk është kërcënuar kurrë prej tij.

 

 

Emiliano Shullazi nuk e shfrytëzoi të drejtën që i jep ligji për të mos u marrë në pyetje në sallën e gjyqit. Në seancën e të enjtes tek Kimet e Rënda, i dyshuari i prokurorisë si kreu i një grupi kriminal të angazhuar në “gjobëvënie” dhe “kanosje”, mohoi çdo akuzë të ngritur ndaj tij.

Shullazi rrëfeu se nuk e kishte kërcënuar kurrë biznesmenin Ylvi Beqja. Më herët, dëshmitar i mbrojtur Beqja ke pretenduar se ia ka dhuruar të pandehurit një pjesë të ish-hotel “Vollgës” në kushte presioni. I pandehuri Shullazi theksoi se kishte qenë Beqja ai që i kishte kërkuar ndihmë për të përfituar pronësinë e hotelit, e cila ishte objekt i një procesi gjyqësor. “Më trokiti në derë dhe më kërkoi të ndërmjetësoja, pasi nuk po ia dilte dot me gjykatat”, tha Shullazi. Sipas tij, Beqja i kishte premtuar 1.4 milionë euro për ndihmën. “Kemi nënshkruar dy kontrata, sipas të cilave unë do të përfitoja 20 për qind të pronës, nga të cilat 10 për qind pasi të bëhej regjistrimi i pronës dhe 10 përqind pas shitjes së saj”, vijoi i pandehuri. Më tej, ai tregosiu se për shkak të një vendimi gjyqësor Beqja nuk mund ta tjetërsonte pronën dhe për këtë shkak u dakordësuan në dhurimin e 700 metra katrorëve. Ai mohoi me forcë kërcënimet tek zyra e noteres. “Ylvi Beqja genjën. Jo vetëm që s’e kam kërcënuar, por me ka puthur shtatë herë në faqe”, theksoi Shullazi. Ai rrëferu edhe për një sms që i kishte dërguar gjyqtares së Apelit Tiranë, Fatmira Hajdari, përmes telefonit të Gilmando Danit, pa rrëfyer përmbajtjen.

Qëndrim tërësish mohues Shullazi mbajti edhe në lidhje me kërcënimin e profesorëve Dhori Kule e Mynyr Koni, për të cilët tha se nuk i njihte fare. Në përfundim të gati 120 minutave seanca u ndërpre me kërkesë të avokatëve. Ata rezervuan të drejtën për t’i drejtuar pyetje të pandehurit në seancën e radhës./abcnews.al

vlcsnap-error488.jpg
us er16:40 | 07/11/2017

Merita Qato, drejtoresha juridike e Zyrës Qëndrore të Regjistrimit të Pasurie të Paluajshme ishte dëshmitarja e radhës në procesin gjyqësor ndaj Emiliano Shullazit dhe katër miqve të tij. Qato rrëfeu para gjykatës për një debat të konsumuar në zyrën e ish-kreut të Hipotekave, Iliran Muho, pas regjistrimit të pronësisë së ish-hotel “Vollgës”.

Pas pushimeve të vitit 2014, drejtoresha juridike e Zyrës Qëndrore të Regjistrimit të Paurive të Paluajtshme, Merita Qato, u bë dëshmitare e një debati të ashpër në zyrën e ish-kryeregjistruesit, Ilirjan Muho.
Në thelb të tij ishte regjistrimi si pronë i ish-hotel “Vollgës” në Durrës. Detajet u rrëfyen prej saj në seancën e të martës kundër Emiliano Shullazit dhe katër të bashkëpandehurve të tij tek Krimet e Rënda.
Sipas prokurorisë, pas regjistrimit të një sipërfaqeje të pronës në emër të biznesmenit Ylvi Beqja, ai është kërcënuar nga Shullazi për të përvetësuar 30 për qind të saj.
Nga tavolina e dëshmitares, Qato tha se kishte qenë me pushime kur ZRPP-ja qëndrore kishte dhënë “ok” për regjistrimin e kësaj prone. “Në zyrën e kryeregjistruesit Muho, ku ndodhej edhe regjistruesi i Durrësit ishin paraqitur dy persona, si përfaqësues të palës kundështare që pretendonte pronësinë. Pati debate me tone të ashpra. Me urdhër të kryeregjistruesit u bë një pezullim i regjistrimit me afat 30 ditor, për të verifikuar ligjshmërinë e procedurës”, tha Qato. Në sallën e gjyqit dëshmitarja theksoi se nuk i njihte dy përfaqësuesit e palës së pretenduar si të dëmtuar.
Më tej, gjykata pranoi kërkesën e prokurorisë për kundështrim të pjesshëm të dëshmisë. Gjatë hëtimit, Qato kishte deklaruar para prokurorëve emrin e njërit prej personave dhe faktin se gjatë debatit në zyrën e kryeregjistruesit kishte pasur edhe konfrontim fizik.
Seanca e së martës ishte e 19-a në radhë në këtë proces gjyqësor. I pandehuri Shullazi, i akuzuar për “gjobëvënie” dhe “kanosje” kishte shtuar “radhët” e mbrojtëse, duke marrë edhe një avokat të ri në proces./abcnews

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono