emiliano vila

vlcsnap-error201-1280x720.jpg
ent ela14:55 | 21/02/2018

Emiliano Vila është një histori suksesi tek Skënderbeu. Futbollisti durrsak u largua si i padëshirueshëm nga Partizani, por klubi korçar pati besim dhe ky besim tani po i shpërblehet.

Prej vitesh ishte pjesë e Partizanit dhe dukej i palëvizshëm.

Emiliano Vila, padyshim një nga lojtarët më të talentuar të kampionatit shqiptar, dalë nga dalë doli nga moda tek të kuqtë.

Trajneri Starova dhe, besohet edhe drejtuesit e klubit, vendosën se për durrsakun kishte ardhur koha të largohej.

Si për ironi të fatit, i përjashtuari mori ofertën më të mirë të mundshme dhe u bashkua, as më pak dhe as më shumë por me vetë Skënderbeun, ekipin më të mirë të Shqipërisë.

Jo vetëm kaq, por debutoi me gol në miqësoren e luajtur në Antalia të Turqisë ndaj Aktobes së Kazakistanit.

Forma shumë e mirë vazhdoi dhe trajneri Daja e aktivizoi vazhdimisht, madje si titullar.

Vila ia shpërbleu besimin dhe ishte vendimtar në sfidën e fundit të Superligës, luajtur në fushën e Kamzës.

Dy golat e tij sollën përmbysjen 2-1.

Përse pati dy standarde të kundërt për Vilën?

Përse Partizani e largoi, ndërsa Ilir Daja nuk ngurroi ta merrte?

Burime në klubin kryeqytetas bëjnë me dijë se të kuqtë dyshuan tek profesionalizmi I tij, dhe nuk deshën të mbanin një lojtar me probleme.

Nuk dihen saktë problemet e Vilës, por ato nuk e penguan Skënderbeun që nuk dyshoi aspak tek ai.

Kjo të kujton dy histori të ndryshme nga futbolli ndërkombëtar.

Xhorxh Besti pati probleme, por Mançester Junajtid nuk e ndihmoi, ndërsa të kundërtën bëri Bajerni I Mynihut me Gerd Mylerin.

Falë mbështetjes së klubit, Myleri i madh I kaloi vështirësitë.

Skënderbeu pra u soll si Bajerni dhe padyshim Vila do t’ia shpërblejë.

Këtë për Vilën vjen sfida ndaj ish-ekipit të tij, Partizanit.

“E veçantë ndaj Partizanit. Dua të ndihmoj ekipin dhe të fitoj. Shpresoj të shënoj

Pavarësisht largimit, futbollisti tregohet i kujdesshëm, duke mos shfaqur ndonjë mëri, dhe duke vlerësuar kryeqytetasit.

“Partizani është i fortë, pavarësisht renditjes”.

Janar 2016″. /abcnews.al

vlcsnap-error791-1-1280x720.jpg
ent ela16:14 | 13/01/2018

Skënderbeu ka marrë një tjetër përforcim në skuadër. Emiliano Vila, ish-lojtar i Partizanit, është bashkuar me kryesuesit e Superligës, nga të cilët pritet të largohen dy futbollistë.

Dy vjet më parë i shënoi një gol që desh e mori në qafë.

Emiliano Vila, gjithsesi, sot është veshur me fanelën që mundi në 2016 dhe së cilës deshi t’i merrte titullin kampion, pra atë të Skënderbeut.

Mesfushori sulmues 29-vjeçar, i shpallur i padëshiruar nga Partizani pak ditë më parë, nuk vonoi për të gjetur ekipin e ri të karrierës, madje gjeti më të mirin e mundshëm.

Durrsaku firmosi kontratë 1.5-vjeçare me kryesuesit e Superligës, ndërsa më herët është afruar sulmuesi i ri kavajas, Blerim Krasniqi, por besohet se pritet edhe një sulmues tjetër.

Gjithsesi, nga Skënderbeu mund të ketë edhe largime.

Ata që flitet se janë thuajse gati për të ikur janë Bajram Jashanica dhe Bakari Nimaga.

Destinacioni nuk është I sigurt, pasi përveç ekipeve nga Rusia apo Turqia, mund të ketë edhe nga Belgjika.

Në pikëpyetje është edhe mesfushori Afrim Taku, i cili ndodhet në Shtetet e Bashkuara të Amerikës dhe nuk është kthyer ende.

Përsa I përket përgatitjeve në Antalia, formacioni I trajnerit Ilir Daja I vazhdoi me miqësoren ndaj një emri të madh si Beshiktashi.

Sfida u humb me shifrat 2-3, por korçarët bindën të paktën me lojën sulmuese.

Soue dhe Lilaj shënuan në portën e skuadrës së shquar që ndodhet në vendin e katërt në Superligën turke këtë sezon, ndërsa ka 20 tituj kampion.

Pavarësisht nga pësimi I tre golave, Daja u shpreh i kënaqur pas ndeshjes, për paraqitjen e futbollistëve të tij./abcnews.al

vlcsnap-error858-1280x720.jpg
us er17:48 | 08/01/2018

Ndryshime të rëndësishme në skuadrën e Partizanit, në nisje të përgatitjeve për fazën e dytë të sezonit. Disa lojtarë janë larguar, ndërsa skuadra është zhvendosur për t’u stërvitur në Turqi.

Fillimi i vitit nuk doli aspak i qetë.
Plot tre futbollistë u larguan nga Partizani pa nisur mirë faza përgatitore, një tjetër shenjë se klubi kryeqytetas mbetet në fazë rindërtimi.
Emiliano Vila, shënuesi i golit në Korçë ndaj Skënderbeut në 2016, mbrojtësi Gëzim Krasniqi dhe mbrojtësi tjetër Renato Malota.
Besohet se kanë qenë vetë drejtuesit dhe trajneri Starova që kanë gjykuar se lojtarët në fjalë nuk duhej të vazhdonin të ishin pjesë e grupit dhe në këtë vendim kanë ndikuar edhe forma e tyre sportive, por edhe marrëdhëniet me trajnerin dhe drejtuesit.

Përveç tyre, më herët ishin lënë jashtë liste edhe Adorjan apo Xhixhua.
Gjithsesi, trajneri Starova, bën presion ndaj drejtuesve sepse sipas tij ekipi nuk është i plotë.
Partizani ka udhëtuar, ndërkaq për në Turqi, ku do të zhvillojë një minifazë përgatitore.
Skuadra do të stërvitet për 10 ditë në Antalia dhe aty do të luajë të paktën dy ndeshje miqësore që janë të konfirmuara, ndaj Kasëmpashait të Superligës turke në 12 janar, dhe ekipit kazak Pahtator i Tashkentit në 15.

Partizani është në vendin e pestë në Superligë, 13 pikë prapa Skënderbeut kryesues, por pretendimet janë për kualifikim në Europë dhe për fitoren e Kupës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono