emigrantet

emigrantet-greqi-1280x654.jpg
nev ila14:41 | 23/11/2019

Kryeministri i Greqisë Mitsotakis publikoi një sërë masash të reja për të bllokuar hyrjen e emigrantëve në vend. Gjatë fjalës në parlament, kreu i ekzekutivit theksoi se Greqia nuk është një vend i hapur për të gjithë.

Një njësi e vetme vëzhgimi i kufijve për të gjithë Greqinë dhe një ushtri prej 1200 rojesh më shumë në krahasim me ata që janë aktualisht në gjendje gadishmërie. Kjo për t’I bërë ballë një vale të re emigrantësh.

Qeveria greke e drejtuar nga Demokracia e Re, konfirmoi masat e reja për tu përballur me flukset e emigrantëve që mbërrijnë në brigjet greke.

Kryeministri grek Mitsotakis deklaroi në parlament se forcat e patrullimit të ujërave greke do të përforcohen nga mbërritja e 10 motoskafëve të rinj.

Kryeministri shtoi se në Greqi do të jenë të mirëpritur ata që do të kenë të drejtë të qëndrojnë. Por dera do u mbyllet përfundimisht trafikantëve të paligjshëm të qënieve njerëzore dhe atyre që shkelin në territorin grek dhe pse nuk kanë të drejtë për azil.

Kështu pas humbjes së korrikut të kaluar të qeverisë së drejtuar nga Aleksis Tsipras, Greqia e cila në periudhën 2015-2016, ka qenë porta hyrëse për në Bashkimin Europian e më shumë se 1 milion personave që arratiseshin nga lindja e mesme dhe Azia, tashmë do të anulojë politikat e pritjes së emigrantëve.

Në periudhën e fundit ardhja e emigrantëve dhe refugjatëve nga Turqia janë shtuar sërish dhe më shumë se 37 mijë persona aktualisht jetojnë në qendrat e pritjes në ishujt të cilët po përpiqen të menaxhojnë situatën shumë larg kapaciteteve të tyre. Micotaqis theksoi se Greqia nuk është një vend i hapur për këdo.

Por nuk do të ketë vetëm përforcim të kontrollit të kufijve, qeveria greke deklaroi se do të transferojë 20 mijë azilkërkues nga kampet e refugjatëve, si ai në Moria, në qytete të tjera Brenda këtij viti, duke synuar që të ketë struktura të reja në korrik të 2020-ës.

Mjekët pa kufij u treguan kritikë ndaj këtyre qendrave të reja duke shpjeguar se këto struktura ngjasojnë shumë me burgjet dhe janë shumë lart respektimit të të drejtave të njeriut.

Por kryeministri grek këmbëngul se pak nga pak pamjet e turpshme që vijnë nga Moria, do të zhduken dhe do të zëvendësohen nga ndërtesa të afta për të funksionuar si duhet.

Teksa Mitsotakis fliste në Athinë, rojet bregdetare greke deklaruan se kishin shpëtuar 400 emigrantë 24 orët e fundit në ishujt e Lesbos dhe Kios. Shpëtimi u shoqërua dhe nga arrestimi i tre personave të dyshuar si trafikantë të qënieve njerëzore.

Ndërkohë dy tragetë me në bord 96 refugjatë nga ishujt e Kios, Zeri dhe Kos mbërritën në portin e Pireut mëngjesin e të premtes në linjë me lehtësimin e qendrave të pritjes në ishuj. Ashtu si dhe upremtua nga qeveria greke.

Dhe pse itenererari ballkanik i ndjekur nga emigrantët që përpiqen të arrijnë në pjesën e pasur të Europë, është mbyllur gjithnjë e më shumë nga 2016, me mijëra persona përpiqen ende të kalojnë nëpër këtë rrugë.

Zakonisht emigrantët paguajnë shuma të mëdha parash tek bandat e trafikantëve që të kalojnë në mënyrë të paligjshme kufijtë e mbyllur./abcnews.al

 

greqi.jpg
in a18:15 | 22/11/2019

Greqia do të rrisë operacionet e patrullimit në det, kështu ka deklaruar qeveria greke.

Në një njoftim për mediat, Greqia shprehet e vendosur për të rritur numrin e rojeve bregdetare dhe për të “mbyllur dyert” për emigrantët që nuk kanë të drejtë të qëndrojnë.

“Do t’ua mbyllim përgjithmonë derën trafikantëve të paligjshëm dhe atyrë që duan të hyjnë edhe pse nuk kanë të drejtë azili”, tha kryeministri Kyriakos Mitsotakis.

Ndërkohë Mitsotakis bën me dije se ka miratuar punësimin e 400 rojeve në kufirin tokësor të Greqisë me Turqinë dhe të 800 rojeve të tjera në ishuj.

Qeveria konservatore greke i bëri publike planet për mbylljen e kampeve të mbipopulluara të refugjatëve në ishuj dhe për zëvendësimin e tyre me qendra më të kufizuara të strehimit. “Të mirëseardhur në Greqi janë vetëm ata që ne i zgjedhim. Ata që nuk janë të mirëseardhur do të kthehen”, tha Mitsotakis./abcnews.al

policia-kroate-1280x623.jpg
nev ila12:06 | 18/11/2019

Policia kufitare në Kroaci ka qëlluar me armë zjarri ndaj një grupi emigrantësh, të cilët po përpiqeshin të kalonin kufirin për në Slloveni. Një emigrant ka mbetur i plagosur dhe ndodhet në gjendje kritike për jetën.

Kërkesa e fundit për t’u ndalur u shoqërua dhe me të shtëna armësh. Një grup emigrantësh po përpiqej të kalonte kufirin mes Kroacisë dhe Sllovenisë, në rrugën e tyre për në Europë, por policia kufitare kroate ka qëlluar me armë zjarri ndaj tyre, duke plagosur nëj person i cili tashmë është në gjendje kritike për jetën.

Ministri i brendshëm kroat, Davor Bozinovic komentoi ngjarjen duke deklaruar se grupi po përpiqej të kalonte në Slloveni por nuk dha një informacion për numrin e saktë të emigrantëve apo për origjinën e ture.

Ajo që dihet është se kjo është një nga pikat më të shkelura për emigrantët të cilët vijnë nga vendet e lindjes së mesme dhe Azisë qendrore, në përpjekje për të shkuar në qytetet më të pasura të Bashkimit Europian.

Ata mundohen të kalojnë një kujfi shumë të ndjeshëm për shtetin kroat, ende jo i përfshirë në zonën shengen të bashkimit europian. Këtu emigrantët përpiqen të arrijnë vendet kufitare europiane dhe përballen me policinë kufitare.

Minsitri i brendshëm kroat premtoi se autoritetet po hetonin për ngjarjen.

Një mjek i spitalit ku është operuar emigranti i plagosur u shpreh për agjencinë e lajmeve Reuters se ai ishte qëlluar mes kraharorit dhe stomakut, dhe pavarësisht ndërhyrjes është ende në rrezik për jetën./abcnews.al

greket.jpg
ent ela13:57 | 12/11/2019

Situata e emigrantëve në Greqi po tensionon gjithnjë e më shumë sidomos banorët në vendet ku dhe ndodhen kampet e refugjatëve.

Pas protestave të shumta dhe të ndryshme, një grup anti emigrant kanë zgjedhur një mënyrë provokuese për të shprehur pakënaqësinë e tyre.

Ata kanë vendosur zgara shumë pranë kampit të refugjatëve në Diavata, duke pjekur mish derri dhe duke konsumuar pije alkoolike. /abcnews.al

m.jpg
in a15:18 | 06/11/2019

Franca ka njoftuar se për emigrantët do të merret një nismë e re politike. Për herë të parë emingrantët e huaj njoftohen që të aplikojnë në vendet bosh si sektorë ndërtimi, hoteleria, informatika dhe inxhinieria. Por njëkohësisht qeveria pritet të ashpërsojë masat për azilkërkuesit dhe aksesin e tyre në shendetësi.

Franca synon që nga viti i ardhshëm të vendosë kuota për emigrantët që kërkojnë të punojnë në vend.

Me këtë plan qeveria synon të identifikojë sektorët ekonomikë në të cilën mungojnë kandidatët e kualifikuar, njëkohësisht të krijojë edhe procedura lehtësuese për profesionistët. Ndërkaq pritet të ashpërsohen politikat për azilantët dhe ata që shfrytëzojnë sistemin shëndetësor gjatë qëndrimit të shkurtër në vend.

“Duam që në Francë të marrim forca pune vetëm atje ku nevojitet. Kjo është qasje e re që zbatohet edhe në Kanada dhe Australi,” tha Ministrja e Punës, Myriel Peniko.

Disa nga sektorët me staf të pamjaftueshëm janë ndërtimi, hoteleria dhe restorantet, ku pagesa për qytetarët vendës konsiderohet e ulët, por edhe fusha si tregtia, informatika dhe inxhinieria.

Me udhëzim të presidentit Emanuel Makro, qeveria planifikon që azilkërkuesve t’u kufizohet deri në tre muaj aksesi spitalor që ofrohet falas pas aplikimit.

Nisma synon të shmangë rritjen e popullaritetit të ekstremistëve të Marin lë Pen, e cila e kundërshton numrin e pandalshëm të azilkërkuesve në vend, që një vit më parë u rrit me 122 mijë apo 22 për qind.

Vitin e kaluar, në Francë u lëshuan rreth 33 mijë viza pune./abcnews.al

franca-emigrantet-1280x641.jpg
nev ila13:30 | 05/11/2019

Qeveria franceze do të bëjë publike të mërkurën rregulla të reja për të lehtësuar emigracionin ekonomik. Sektorëve në vështirësi për të gjetur punëtorë do u lejohet të punësojnë të huaj.

Mediat franceze raportuan lajmin duke cituar burime të qeverisë. Një dekret do të vendosë cdo vit, numrin e personave që mund të hyjnë në Francë për të punuar në sektorë që duan punëtorë, pa qenë e nevojshme që punëdhënësi të dëshmojë se nuk mund të gjejë të punësuar francezë./abcnews.al

kokegjarper-1280x678.jpg
Autor E11:04 | 25/10/2019

Policia anglezë ka nisur hetimet për rrugën që ndoqën 39 emigrantët kinezë që u gjetën të vdekur në kamion pak ditë më parë.

Dyshimet e para janë për një grup të madh të trafikimit të qënieve njerëzore i themeluar në fillim të viteve ’90 në rajonin Fuxhian të Kinës.

Bëhet fjalë për “kokë gjarpërinjtë” të njohur botërisht për trafikimin e njerëzve nga Kina në Perëndim dhe vende të tjera si Australia apo Amerika.

Kreu më i famshëm i grupit ka qenë Motra Ping, e cila në vitet 1980 u merrte nga 17 mijë dollarë për kokë kinezëve emigrantë për t’i sjellë në SHBA; nga 35 mijë dollarë në vitet 90, dhe sot mendohet se ky çmim është rritur edhe më shumë, edhe deri në 70 mijë dollarë.

Motra Ping u arrestua në Hong Kong në vitin 2000, u ekstradua në SHBA në vitin 2003, dhe vdiq në burg nga kanceri në vitin 2014, por shumë kinezë në SHBA e përcollën me nderime, pasi u dha mundësinë të krijonin një jetë të re në Amerikë.

Por Motra Ping nuk e bënte nga zemra e bardhë. Për t’i detyruar që të paguanin tarifën, pasi vinin në SHBA, ajo përdorte gangsterët e Fuxhianit për t’i rrahur e për t’i trembur me dhunë. Metoda më e shpeshtë ishte t’u merrnin peng një anëtar të familjes derisa të tjerët të jepnin paratë.

Edhe pas vdekjes së saj, mafia Fuxhianeze ka vazhduar të kryejë rrëmbime nga më të ndryshmet, duke u bërë gjithnjë e më e rrezikshme, gjithnjë e më e dhunshme. Gjatë viteve 2000-2010 ka pasur disa arrestime në Britaninë e Madhe dhe në SHBA.

Ata i sillnin emigrantët nga Kina në vendet perëndimore me mënyra nga më të ndryshmet, edhe kamionë si rasti i Anglisë, por shpesh përfundonin të marrë peng.

donal-trump-wall.jpg
nev ila12:03 | 24/10/2019

Një mur i ri anti-emigrant në Kolorado. Vetëm se Kolorado nuk kufizohet me Meksikën por me shtetin tjetër amerikan të Nju Meksikos. Kaq ka mjaftuar dhe gafa e rradhës e presidentit amerikan Tramp ka bërë xhiron e rrjeteve sociale, ku nuk kanë munguar ironitë.

Gafa e rradhës e presidentit amerikan Donald Tramp, ka bërë sërish xhiron e rrjeteve sociale.

Kreu i Shtëpisë së Bardhë, gjatë një takimi elektoral në Pitsburg u shpreh se administrata e tij po ndërton një mur anti emigrant dhe në Kolorado. Menjëherë kanë shpërthyer ironitë në rrjetet sociale, meqënëse shteti në fjalë nuk kufizohet me Meksikën por me shtetin amerikan të Nju Meksiko.

Guvernatori i Kolorados ishte ndër të parët që reagoi duke thënë se ishte një gjë e mirë që shteti ofronte azil të plotë dhe falas të gjithë fëmijëve të tij, në mënyrë që të mund të mësojnë gjërat bazë të gjeografisë./abcnews.al

EMIGRANTET-NE-DEVOLL--1280x720.jpg
ent ela13:37 | 15/10/2019

Policia kufitare dhe misioni Frontex ndalojnë 22 klandestinë nga vendet e Lindjes. Grupi i refugjatëve , midis të cilëve edhe 10 fëmijë janë të kombësisë kurde, afgane dhe siriane.

Sipas Policisë Kufitare refugjatët janë ndaluar në thellësi të tokës shqiptare dhe në afërsi të Trestenikut dhe Vërnikut në Devoll.

Pas intervistave, familjarët u dërguan në qendrën e pritjes në Babrru të Tiranës, kurse pjesa tjetër është kthyer mbrapsht në Greqi.

Çdo ditë policia kufitare ndalon mbi 20 klandestinë që hyjnë ilegalisht nga Greqia dhe kanë synim vendet e BE. /abcnews.al

105313310-fc3bbcd3-5ed9-495f-9694-73a4e2272d14-1280x904.jpg
ent ela14:32 | 03/10/2019

“Pas rastit të Sea Watch 3 mora vëmendjen nga institucionet. Por ku ishit kur kërkuam ndihmë?”. Kështu u shpreh Carola Rackete, komandantja e Sea Watch në një audiencë me Parlamentin Evropian. “E vetmja përgjigje që kisha atëherë ishte nga Tripoli, ku nuk mund të shkoja. Në Evropë, në djepin e të drejtave, asnjë qeveri nuk donte 53 emigrantë. Ishte një turp,” shtoi ajo.

“Më vjen keq për këtë përvjetor në të cilin kujtohet humbja e mbi 300 jetëve në Mesdheun qendror, sepse Bashkimi Evropian gjithnjë e më shumë përdor transferimin e ndihmave me delegacione në vendet në luftë si Libia, duke shkelur ligjet ndërkombëtare”. Me këto fjalë vijoi  komandantja e Sea Watch 3 Carola Rackete në seancën dëgjimore në Parlamentin Evropian.

“Unë nuk kam vepruar për provokim, por nga nevoja” – Vendimi im për të hyrë në port me Seawatch 3 “pas 17 ditësh në det pa marrë përgjigje nuk ishte një provokim siç e kanë thënë shumë. Por një nevojë”. Rackete në audicionin Eurocamera tregon rastin italian.

“Mendova se nuk ishte më e sigurt të qëndroja në det dhe kisha frikë se çfarë mund të ndodhte,” shtoi ajo. “Rasti ynë si ai i OJQ-ve të tjera nënvizon nevojën për të adresuar situatën e shpëtimeve në det në nivelin evropian, i cili nuk mund të lihet në bisedime ad hoc”. Dhe gjithashtu “një mekanizëm i zhvendosjes së përkohshme, i përqendruar në riatdhesimet sesa në pritjen nuk është një zgjidhje realiste”. “Reforma në rregulloren e Dublinit është shumë e vonuar, por zgjidhja është krijimi i kanaleve ligjore për në Evropë,” tha ajo.

“Ligji në Itali shkel të drejtat ndërkombëtare” – “Kërkimi dhe shpëtimi në det janë operacione që bien hyjnë në ligjin ndërkombëtar, nuk e di sesi Italia arriti të miratojë një ligj që nuk respekton të drejtat  ndërkombëtar”. Ky është sulmi i Carola Rackete ndaj ligjit italian i cili imponon sekuestrimin e anijeve dhe gjobave ndaj komandantëve. “Ndërsa flas, unë i nënshtrohem dy hetimeve penale në Itali për shpëtimin e jetës në det. Unë nuk shqetësohem sepse veprimet e mia janë të justifikuara me ligj dhe moral, dhe si mbrojtëse e të drejtave të njeriut. Ajo që më shqetëson mua është që nga atëherë Seawatch 3 është nën sekuestro në port “dhe nuk mund të shpëtojë jetë. “A nuk është shtrembërim i drejtësisë për të ndëshkuar civilët që shpëtojnë jetën në det në mbrojtje të sundimit të ligjit dhe mbrojtjen e një praktike të paligjshme të shtetit?”.

Në fund të fjalimit të saj para Parlamentit Evropian, komandantja e Sea Watch Carola Rackete u përshëndet nga një duartrokitje e gjatë, ndërsa shumë eurodeputetë i shprehën mirënjohje për fjalët e saj.

Salvini: “Duartrokitjet për Rackete janë fyese për Italinë” – “Unë kurrë nuk do të ëndërroja të duartrokisja një komandant, i cili pasi kishte pritur me dashje 15 ditë në Lampedusa, për të shkarkuar emigrantët në Itali me çdo kusht, madje ka goditur një varkë patrullimi të Guardia di Finanza, duke vënë në rrezik jetën e grave dhe burrave me uniformë. Më vjen keq, ndjej zemërim dhe turp për ata që duartrokitën Carola Rackete në Bruksel “.

Kështu e komenton Matteo Salvini reagimin e disa europarlamentarëve të Komisionit për liri civile, drejtësi dhe çështje të brendshme në PE. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono