emigrante

emigrante-2.jpg
G. P.17:22 | 26/07/2019

Një gjykatës federal amerikan lëshoi një urdhëresë të përkohshme të mërkurën, duke bllokuar një rregullore të administratës Trump të lëshuar 10 ditë më parë. Rregullorja i ndalonte emigrantët të kërkonin azil në SHBA, nëse përpara se të mbërrinin, kishin kaluar nga një vend tjetër dhe nuk kishin kërkuar aty më parë azil.

Në vendimin e tij gjykatësi Jon Tigar i qarkut verior të Kalifornisë tha se me një vendim të Kongresit është mundësuar pengimi i kërkesave për azil për ata aplikantë të cilët kishin një alternativë të sigurt në një vend tjetër. Por Kongresi kërkonte që të ekzistonin garanci të arsyeshme se personi nuk do të pësonte dëmtime apo do të persekutohej në atë vend.

Më herët gjatë ditës, një gjykatës federal në Uashington D.C, Timothy Kelly refuzoi ta bllokonte rregulloren e administratës, duke thënë se grupet që mbrojnë emigrantët, që bënë ankimin, nuk arritën të japin fakte mbi pasojat e menjëhershme negative të këtij vendimi.

Administrata Trump pritet ta apelojë vendimin gjyqësor që bllokon rregulloren./VOA

MALTE-EMIGRANTET-ABC-M1-T1.mpg_snapshot_00.04-1280x649.jpg
G. P.12:29 | 18/07/2019

Në takimin e ministrave të Brendshëm të Bashkimit Europian për çështjet e emigrantëve, Mateo Salvini është përplasur me homologun francez dhe atë gjerman për sa i përket porteve të pritjes. Ministri i Brendshëm italian u shpreh se emigrantët që vijnë nga zonat e luftës janë ndryshe nga ata që vijnë nga Tunizia dhe Shqipëria.

Sërish përplasje mes Italisë dhe dyshes Francë-Gjermani për sa i përket porteve të pritjes së emigrantëve. Në takimin e ministrave të Brendshëm të Bashkimit Europian në Helsinki, Mateo Salvini theksoi dhe njëherë kundërshtimin e tij për principin e portit më  të afërt për pritjen e emigrantëve i mbështetur nga qeveria malteze.

Parisi dhe Berlini këmbëngulin për miratimin e një dokumenti për mbërritjet e emigrantëve të cilët duhet të priten nga vendi më i afërt. Qëndrimi i mbajtur nga Salvini ishte ai për rregulla më të ashpra ndaj organizatave jo qeveritare dhe rritje e numrit të dëbimeve sidomos drejt vendeve që konsiderohen të sigurta. Për këtë arsye ai deklaroi se emigrantët që vijnë nga vende në luftë ndryshojnë nga ata që vijnë nga Tunizia dhe Shqipëria./ABC News Albania 24/7

emigrante-1.jpg
G. P.10:18 | 15/07/2019

Kishte kohё qё Kroacia i mohonte njoftimet pёr kthimin e refugjatёve ilegalё nё vendin fqinj Bosnje-Hercegovinё. Por presidentja kroate pranoi nё njё intervitё televizive, se ka tё ashtuquajtura push-backs.

Kroacia si vend anёtar i BE-sё ka njё qёllim tё rёnёdёsishёm – ajo do tё bёhet pjesё e hapёsirёs Shengen. Por kush e paguan ҁmimin pёr udhёtimin e lirё nga Hamburgu deri nё Dubrovnik? Gjatё 12 muajve tё fundit kjo ёshtё bёrё vazhdimisht e qartё: Ka shumё raportime pёr qendrimin brutal tё policёve kroat tё kufirit ndaj refugjatёve, qё janё pёrpjekur tё kalojnё pёrtej pikёkalimeve kufitare zyrtare. Mbrojtёsit kroatё tё kufijve tё jashtёm tё BE-sё duket se nuk stepen prej mizorisё. Mediet njoftojnё, se refugjatёt ndёr ta edhe fёmijё janё treguar para kamerave me plagё, qё u janё shkaktuar atyre nga policia pёr t’i ndaluar tё kalojnё nё anёn kroate.

Shumica e mediave kroate e kanё injoruar kёtё tragjedi, qё luhet vetёm 150 km larg kryeqytetit Zagreb. Ministria e Brendshme e Kroacisё i ka mohuar njoftimet pёr keqtrajtime tё refugjatёve nё kufirin me Bosnje-Hercegovinёn gjatё tё ashtuquajturave  push-backs, pra dёbimin e atyre qё udhёtojnё ilegalisht.

DW-Interview mit der kroatischen Staatspräsidentin olinda Grabar-Kitarovic (DW)

Mohim nё Zagreb, heshtje nё Bruksel

Amnesty International kritikoi ёshtё heshtjen e Brukselit ndaj kёtyre rasteve. “Shtetet europiane mbyllin sytё kundrejt sulmeve dashakeqe tё policёve kroatё dhe madje i financojnё aksionet e tyre”, shkruan organizata humanitare nё njё deklarim tё saj.
Qёkurse gazetarёt e televizionit SRF nga Zvicra nё maj i kanё filmuar dёbimet ilegale tё refugjatёve nё kufirin kroato-boshnjak, pёr autoritete nё Kroaci ёshtё bёrё e vёshtirё, qё t’i minimizojnё apo t’i heshtin kёto zhvillime.
Edhe presidentja e Kroacisё, Kolinda Grabar-Kitaroviq, nё fillim tё korrikut tha para gazetarёve vendas nё kufirin kroato-boshnjak, se “Nёse dikush kalon nё kёtё territor tё vёshtirё, ёshtё normale qё tё pёrballesh me gёrvishtje, hematoma dhe plagё. Duhet ta mendoni edhe kёtё, nёse herёn tjetёr dёgjoni pёr historitё mbi brutalitetin e policёve tanё. Ata nuk janё brutalё, ju garantoj pёr kёtё.”

Askohe u tha se nuk ka dёbime, push-backs. Presidentja shtoi edhe se nuk kemi tё bёjmё me refugjatё, por me migrantё ekonomikё.
Por vetёm pak ditё mё pas Grabar-Kitaroviq nё intervistё pёr televizionin SRF, nё kuadёr tё vizitёs nё Zvicёr pranoi, se policёt kroatё zbatojnё push-backs.

“Jam interesuar tek ministri i Brendshёm, shefi ipolicisё nё vend, dhe ata mё siguruan, qё nuk ushtrojnё dhunё tё ekzagjeruar. Natyrisht pak dhunё duhet, kur ata zbatojnё push-backs”, tha Kolinda Grabar-Kitaroviq para kamerave. Ajo konfirmoi pikёrisht atё, qё prej muajsh e mohonin politikanёt kroatё.

Jelena Sesar nga Amnesty International e cilёson si “shokuese” deklaratёn e presidentes kroate dhe nё bisedё pёr DW thekson, se: “Sipas sё drejtёs ndёrkombёtare dёbimet kolektive dhe push-backs janё gjithmonё ilegale.”

Eshtё skandaloze se si presidentja kroate pёrpiqet t’i paraqesё push-backs si masa legale dhe justifikon “pak dhunё” pёr zbatimin e tyre. Amnesty International kёrkon, qё Komisioni Europian tё ushtrojё presion ndaj Kroacisё, pёr t’u dhёnё fund kёtyre veprimeve nё kufirin kroato-boshnjak.

Komisioni i BE-sё i pyetur nga DW lidhur me deklarat e presidentes Kitaroviq, u pёrgjigj, se nuk ka koment pёr kёtё. /DW

agjente.jpg
G. P.23:25 | 12/07/2019

Autoritetet në Shtetet e Bashkuara nisin këtë fundjavë operacionet për deportimin e emigrantëve të paligjshëm. Operacionet do të zhvillohen në të paktën 10 qytete dhe pritet të vënë në shënjestër rreth 2 mijë familje.

Autoritetet amerikane do të nisin këtë fundjavë operacionet për arrestimin dhe deportimin e emigrantëve të paligjshëm. Ka qenë vetë presidenti Donald Trump që ka konfirmuar lajmin, duke saktësuar se operacionet do të zhvillohen në 10 qytete.

Përpara tij, lajmin për operacionet e kishte bërë të ditur “Neë York Times”, përmes një artikulli të botuar javën e kaluar. Duke folur për gazetarët nga Shtëpia e Bardhë, presidenti ka deklaruar se nuk e shqetëson fakti që zhvillimi i operacioneve nuk është më sekret.

“Nëse lajmi del, del”, tha Trump. Të paktën 2 mijë familje emigrantësh janë përfshirë në listën e deportimit dhe do të jenë subjekt i arrestimeve, raportojnë mediat amerikane.

“Ne do të fokusohemi tek elementët kriminalë me të gjitha kapacitetet tona”, ka vijuar Trump në komunikimin e tij me mediat.

Ndërkohë, kryebashkiakët e një numri qytetesh ku do të zhvillohen operacionet kanë deklaruar se nuk do të bashkëpunojnë me efektivët e Agjencisë për Emigracionin dhe Doganat, që do të kryejnë dhe arrestimet.

Në përpjekje për të ndalur fluksin e emigracionit nga vendet e Amerikës së Jugut dhe asaj Qendrore, presidenti Trump do të presë të hënën në Shtëpinë e Bardhë homologun guatemalas, Xhimi Morales./ABC News Albania 24/7

Pope_Francis_at_the_general_audience_in_St_Peters_Square_on_March_14_2018_Credit_Daniel_Ibanez_1_CNA.jpeg
ent ela13:10 | 08/07/2019

Gjatë lutjes së tij në Lampeduzë, Papa Francesku e ka përqëndruar vëmendjen e tij tek emigrantët. Ai i cilësoi ata si qënjie njerëzore që janë lënë mënjanë nga shoqëria e globalizuar.

“Lutem për emigrantët, për të fundit që i kërkojnë ndihmë Zotit për t’u çliruar nga të këqijat. Janë të mashtruarit e fundit dhe të braktisurit që vdesin në shkretëtirë.” Kështu u shpreh ndër të tjera Papa Francesku, gjatë vizitës së tij në Lampeduzë, duke shtuar se ata torturohen dhe abuzohen në qendrat për emigrantë.

Gajtë ceremonisë së lutjes për gjashtë vjetorin e Lampeduzës, Papa Francesku përqendroi vëmendjen e tij tek emigrnatët për të cilët Jezusi kërkon përkujdesje dhe dashuri. Më tej ai shtoi se periferitë e qyteteve janë të populluara nga njerëz që diskriminohen, abuzohen dhe shfrytëzohen. Por Papa Francesku theksoi se nuk bëhet fjalë vetëm për emigrantët por kryesisht për qëniet njerëzore që lihen mënjanë nga shoqëria e globalizuar. /ABC News Albania 24/7

Salvini-1280x700.jpg
Sej rie23:15 | 05/07/2019

Kapitenia e anijes me emigrantë që ankoroi pa leje në portin e Lampeduzës ka paditur zëvendës kryeministrin e Italisë, Mateo Salvini. Karola Rakete e akuzon për shpifje numrin 2 të qeverisë italiane, që nga ana e tij tha se nuk e tremb mafia e jo më një vajzë e llastuar gjermane.

Kapitenia gjermane e anijes me emigrantë do të padisë ministrin e Brendshëm italian, Matteo Salvini për shpifje. Lajmin e kanë bërë të ditur ditën e premte avokatët e saj, duke intensifikuar betejën mes punonjëses së bamirësisë dhe liderit të së djathtës ekstreme. Karola Rakete, 31 vjeç, u lirua nga arresti i shtëpisë ditën e martë, pasi një gjyqtare hodhi poshtë akuzat se ajo kishte vënë në rrezik jetët e disa policëve italianë dhe se kishte shkelur urdhërin për të mos ankoruar në portin e Lampeduzës.

Ministri Salvini, njëkohësisht zëvendës kryeministër i Italisë, e ka quajtur kapitenen një “pirate” dhe “shkelëse të ligjit” dhe ka premtuar se do ta dëbojë nga Italia. Por avokati i Rakete, Alesandro Gamberini ka deklaruar se ndaj numrit dy të qeverisë është depozituar tashmë një padi.

Rakete, e cila drejtonte anijen me emigrantë “Sea Watch 3”, është sulmuar ndërkohë në internet dhe rrjete sociale me kërcënime me vdekje dhe përdhunim dhe aktualisht mbahet në një lokalitet të fshehtë. “Padia për shpifje synon të japë një sinjal. Kur njerëzit preken tek kuleta e tyre, atëherë e kuptojnë se nuk mund të shajnë e ofendojnë njerëzit falas”, ka thënë avokati Gamberini lidhur me çështjen.

Nga ana e tij, Salvini ka deklaruar se nuk i trembet padisë. “Ajo shkel ligjet, sulmon policinë italiane dhe më pas më padit mua. Por mua nuk më tremb as mafia e jo më një vajzë e pasur dhe e llastuar gjermane”, ka thënë Salvini./ABC News Albania 24/7

emigrantet-1280x682.jpg
G. P.17:45 | 05/07/2019

Pavarësisht deklaratave të forta të ministrit të Brendshëm italian, një tjetër varkë me 54 emigrantë i është drejtuar Lampeduzës. Salvini tha në mënyrë të prerë se varka në pronësi të një organizate jo fitimprurëse nuk do të lejohet të ankorojë në portin italian.

Një tjetër organizatë jo fitimprurëse sfidon ministrin e Brendshëm Salvini. 54 emigrantë në një varkë me vela i janë drejtuar Lampeduzës, pavarësisht se zv/kryeministri italian deklaroi prerë se varka nuk mund të hyjë në port. Ndërkohë mbrëmjen e të enjtes mbërriti në ishull një varkë me në bord 14 emigrantë që i shtohen 55 të tjerëve të shpëtuar nga ushtarët italianë.

Mjeku në bordin e varkës shprehet se fillimisht emigrantët u gjetën në një gomone në kushte të mira. Problem ishte se ndodheshin në ujërat e Libisë, dhe autoritetet po vinin t’i merrnin. Për këtë arsye organizata i mori në varkën e tyre dhe u drejtuan për në Itali.

Të mërkurën 80 emigrantë u mbytën në det pranë brigjeve të Tunizisë. Vetëm katër prej tyre shpëtuan falë ndërhyrjes së marinarëve tunizianë. Tunizia nuk ka qendra pritjeje për emigrantët. Autoritetet tuniziane dhe disa varka me peshkatarë kontrolluan zonën për të gjetur kufomat por nuk zbuluan gjë./ABC News Albania 24/7

EMIGRANTET-1280x744.jpg
G. P.11:54 | 05/07/2019

Rreth 7 mijë emigrantë, të cilët ndodhen në qendrat e pritjes në Libi shumë shpejt mund të lirohen. Kjo pasi qeveria e vendit deklaroi se nuk mund të garantojë më sigurinë e tyre.

Qeveria e kryeministrit Fajez Al Saraj në Libi ka paralajmëruar se do të lërë të lirë të gjithë emigrantët e qendrave të pritjes pas masakrës së Tagiurës sepse siguria e tyre nuk mund të garantohet. Deklarata u bë nga ministri i Brendshëm Bashaga.

Mbyllja e mundshme e qendrave të pritjes përfshin 7 mijë persona nga të cilët 3 mijë ndodhen në Tripoli. Të dhënat janë konfirmuar nga burime të organizatës ndërkombëtare për emigrim. Ndërkohë dhe ushtria kombëtare e Libisë shprehu gatishmërinë për të marrë pjesë në operacionin e zmbrapsjes së qendrave të pritjes së emigrantëve.

Ndërkohë ministri i Jashtëm italian Moavero është takuar me zv/kryeministrin e Libisë për të analizuar situatën aktuale pas bombardimit tragjik të qendrës së pritjes së emigrantëve që shkaktoi shumë viktima dhe të plagosur.

Ministri italian konfirmoi mbështetjen italiane për veprimet e OKB në Libi, në mënyrë që të arrihet në një situatë të qëndrueshme. Ai i bëri apel Bashkimit Europian që të marrë një qëndrim të përbashkët dhe zyrtar për sa i përket kësaj çështjeje./ABC News Albania 24/7

103376124_mediaitem103376123-933x445.jpg
Sej rie19:00 | 04/07/2019

Rreth 80 emigrantë afrikanë dyshohet të kenë humbur jetën në ujërat e Mesdheut, në përpjekje për të arritur Europën. Mjeti lundrues me të cilin udhëtonin ishte nisur nga Libia dhe u fundos në brigjet e Tunizisë.

Të paktën 80 emigrantë afrikanë druhet të kenë humbur jetën pasi varka me të cilën po udhëtonin u përmbys në brigjet e Tunizisë, në përpjekje për të arritur Europën. Katër persona që arritën të mbijetonin, njëri prej të cilëve ndërroi jetë më vonë në spital, deklaruan për rojet bregdetare se varka ishte fundosur në ujërat që lagin qytetin Zarzis. Ata thanë gjithashtu se, shumica e emigrantëve ishin mbytur.

Ndërkohë, një zyrtar tunizian në dijeni të çështjes tha se emigrantët ishin nisur nga qyteti Zuara, në Libi. Bregu perëndimor i Libisë vazhdon të mbetet pika kyçe për nisjen e emigrantëve që duan të arrijnë kontinentin e vjetër, edhe pse nisjet kanë rënë si pasojë e mbështetjes që vendet evropiane, me në krye Italinë, i kanë dhënë rojës bregdetare libiane për të çmontuar rrjetet e trafikut të qenieve njerëzore.

Megjithatë, situata e fundit në Libi, ku gjenerali Khalifa Aftar po përpiqet të rrëzojë qeverinë e mbështetur nga Perëndimi ka gjasa të shtyjë shumë libianë të lënë vendin e tyre. Të paktën 65 emigrantë që ishin drejtuar për në Evropë nga Libia humbën jetën në muajin maj në rrethana të ngjashme./ABC News Albania 24/7

emigrante.jpg
G. P.13:07 | 02/07/2019

Franca vijon kritikat ndaj Italisë për sa i përket çështjes së emigrantëve, duke e cilësuar qëndrimin e ministrit të brendshëm Salvini, si të papranueshëm. Ndërsa ky i fundit ka reaguar duke i kërkuar Francës që të mos ofendojë, më por të hapë portet e saj për emigrantët.

Italia nuk është një vend i padenjë, por sjellja e zv/kryeministrit Salvini për sa i përket emigrantëve nuk është e pranueshme. Deklarata u bë nga zëdhënësja e qeverisë franceze. Por reagimi i ministrit të Brendshëm italian ka qenë i menjëhershëm: “Qeveria franceze duhet të ndalojë ofendimet dhe të hapë portet e saj, italianët kanë pranuar më shumë se c’duhet. Anijet e reja me emgrantë do të drejtohen për në Marsejë.”

Zëdhënësja e qeverisë franceze shpjegoi se qeveria italiane nuk ishte në lartësinë e duhur për sa i përket temës së emigrantëve. Edhe pse ajo shton se Italia është një vend i madh në Europë me një histori të përbashkët me Francën. Por Salvini, sipas saj, po fryn një temë të dhimbshme dhe komplekse për të cilën BE dhe Franca kanë treguar solidaritet ndaj Italisë.

Për sa i përket arrestimit të kapitenes së anijes “Sea Uatch 3”, Karola Raket, qeveria franceze shprehet se duhet respektuar drejtësia e një vendi sovran dhe Franca nuk ka ndërmend të kërkojë lirimin e saj./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono