emigrante

d2d6d544-510a-4765-93e5-6d993e70517a.jpg
So Nila10:14 | 17/01/2020

Policia e Vlorës ka ndaluar 38 klandestine kurdë të Iranit dhe Irakut. Ndalimi i tyre është bërë paraditen e kësaj të premteje  në Novolesë të Vlorës.

Informacionet bëjnë me dije se vetë emigrantët tregojnë se kanë ardhur në Shqipëri nga Greqia.  Deri në Kakavijë ata kanë udhëtuar me autobuz, ndërsa më pas kanë vijuar rrugën në kembë.

Ndërkohë policia po u merr deklaratat dhe më pas do të nisen drejt qendrës së azilkërkuesve në Tiranë./abcnews.al

zil.jpg
in a09:36 | 06/01/2020

Për të ulur numrin e refugjatëve dhe migrantëve që kërkojnë azil në Greqi, autoritetet atje kanë nxjerrë një listë me 12 vende, të cilat i konsideron si të sigurta për t’u kthyer.

Në mesin e këtyre vendeve renditet edhe Shqipëria.

Shumica e atyre që kërkojnë azil në Greqi vijnë nga Mesdheu dhe Azia, veçanërisht Afganistani, por edhe Siria, ikin nga lufta civile.

Lista e vendeve të konsideruara të sigurta për migrantët në Greqi, të cilët më pas do të mund të dëboheshin, përbëhet nga:

1- Gana
2- Senegal
3- Togo
4- Gambia
5- Maroku
6- Algjeria
7- Tunizia
8- Shqipëria
9- Gjeorgjia
10- Ukraina
11- India
12-Armenia

Lista është publikuar pas një vendimi të marrë nga ministria e Jashtëm dhe ajo e Mbrojtjes së Qytetarëve, bazuar legjislacionin e ri grek për aplikimin për azil.

 

dd-4.jpg
in a13:55 | 29/12/2019

Festën e ndërrimit të viteve shumë prej shqiptarëve që jetojnë përtej kufijve duket se kanë zgjedhur ta kalojnë në atdhe.

Mbi 250 mijë persona me rreth 70 mijë automjete kanë hyrë në Shqipëri vetëm nga Kakavija dhe Kapshtica javën e fundit.

Me qëllim eleminimin e radhëve Policia Kufitare ka shtuar kapacitetet.

“Fluksi është në rritje, po zbatohen procedura standarde të policisë Kufitare”, u shpreh Vilson Dine.

Ndërsa nga porti i Durrësit javën e fundit kanë hyrë në Shqipëri rreth 21 mijë persona me rreth 4 mijë e 900 autovetuara.

Të dhënat vijnë nga Autoriteti Portual sipas të cilit ditët e fundit numri i udhëtarëve është tre fishuar në krahasim me periudhën para festave.

3-4 tragete nga Bari, Ankona dhe Trieste mbërrijnë çdo ditë në këtë port.

Prej fillimit të muajit dhjetor 52,400 udhëtarë me rreth 16,300 autovetura, kamionë dhe trailerë kanë zgjedhur tragetet për të mbërritur në Shqipëri./abcnews.al

video-4.jpg
in a12:35 | 27/12/2019

Emigrantët që kanë aplikuar për pasaporta për shkak të fluksit po përballen me vonesa në tërheqjen e tyre. Një prej tyre thotë se në sportelet e Librazhdit ka shpenzuar 18 mijë lekë për shërbimin ekspres por afati ka përfunduar dhe pasaportën nuk e ka marrë ende. Ndërsa për të zënë një radhë qytetarët shkojnë pranë sportelit që pa gdhirë.

Ishte e pritshme që gjatë ditëve të fundvitit të shtoheshin radhët në sportelet e aplikimit dhe tërheqjes së pasaportave. Prej fluksit të papërballueshme në Librazhd kanë nisur dhe problematikat në marrjen në kohë të tyre. Një emigrant ankohet se ka paguar një tarifë të kripur që ta merrte sa më shpejt po afati ka përfunduar dhe pasaportën nuk e ka ende në dorë.

“Kemi paguar edhe paratë për pashaporta expres, Kemi paguar faturën prej 18 mijë lëkësh, ose 180 mijë lekë të vjetra dhe asnjë zgjidhje”, shprehen qytetarët.

Qytetarët për të përfituar kohë janë të detyruar që të zënë radhë pa zbardhur dita.

“Kemi zënë radhë që në 5 të mëngjesit”, tregojnë ata.Në këto kushte sipas qytetarëve zyrtarët duhet të kishin menduar që të shtoheshin sportelet pasi jo vetëm po shpenzojnë kohë por në disa raste nuk po mbarojnë as punë./abcnew.al

emigrant.jpg
So Nila09:24 | 27/12/2019

Me shumë se 300 emigrantë janë shpëtuar në brigjet e Spanjës.

Më shumë se gjysma e tyre u gjetën në Kosta Blanca në brigjet juglindore të Spanjës, 10 njerëz u shpëtuan pak para agimit, mes tyre tetë burra, një grua dhe një fëmijë.

Më vonë në mëngjes, shpëtimtarët shpëtuan 16 burra nga një varkë afër Torrevieja, ndërsa 12 burra të tjerë u shpëtuan rreth 45 kilometra (27 milje) në bregdetin nga Benidorm.

Dhe në bregdetin jugor të Spanjës, 17 burra u gjetën në ujërat larg Cabo de Gata afër Almerisë ndërsa një burrë tjetër u gjet duke lundruar në atë që shpëtimtarët e përshkruanin si “një varkë lodër ” në zonën e Motril, ndërsa shoku i tij mendohej se ishte i mbytur.

39 persona të tjerë arritën në breg në Punta Jandia në majën jugperëndimore të Fuerteventura në Ishujt Kanarie, tha zëdhënësi.

Nuk ka informacion se kujt kombësive i përkasin emigrantët e shpëtuar.

Rreth 200 të tjerë u shpëtuan në Ditën e Krishtëlindjes në një numër operacionesh të ndara në brigjet e Spanjës dhe Marokut.

Rreth 120 prej tyre u gjetën në ishujt Zafarin larg Marokut dhe ishullit të vogël të Alboran, tha roja bregdetar i Spanjës.

Disa  të tjerë u gjetën në brigjet juglindore të Spanjës, në afërsi të Gjibraltarit dhe pranë Ishujve Kanarie.

Deri më tani këtë vit, të paktën 1.250 burra, gra dhe fëmijë kanë vdekur në përpjekje për të arritur në Evropë përmes Mesdheut, tha Organizata Ndërkombëtare e KB për Migracionin në një deklaratë të 20 dhjetorit./abcnews.al

ts.jpg
in a12:08 | 24/12/2019

Fluks kalimesh në kufi dhe si të mos mjaftonte kjo autobusët duhet të kalojnë në skaner dhe puna është e organizuar në mënyrë të tillë që orët e pritjes shtohen.

Burime nga kjo pikë kufitare bëjnë me dije se në 48 orë kanë hyrë në vendin tonë 14500 shtetas shqiptarë dhe 2500 të huaj si dhe 5600 automjete, ndërsa kanë lënë vendin tonë 6400 shtetas shqiptarë dhe 1900 te huaj

“Tani është shumë dobët, ka humbur puna e festave”.

Por një pjesë e emigrantëve kthehen në atdhe për festat e fundvitit.

“Vijmë nga Selaniku”, shprehet një tjetër qytetar.

Në 24 orët e fundit kanë dalë nga pika kufitare e kapshticës më shumë se 5 mijë qytetarë, ndërsa kanë hyrë 2 mijë. Pala shqiptare punon me 5 sportele, ndërsa ne anen  greke te kufirit jane ne funksion 4 sportele./abcnews.al

trafikante-630x450.jpg
in a07:02 | 13/12/2019

Operacioni i përbashkët i forcave të sigurisë greke dhe italiane në koordinim me Eurojust, Njësia Europiane e Bashkëpunimit Gjyqësor, ka goditur një rrjet trafikantësh, të cilët transferonin dhjetëra migrantë të Greqisë drejt jugut të Italisë. 99 migrantë klandestinë, 29 persona të përfshirë në këto trafiqe të paligjshme mes Greqisë dhe Italisë u identifikuan dhe u lëshuan 13 mandat arreste”, njofton policia italiane.

“Rrjeti ishte i përbërë nga dy celula, një italiane, e drejtuar nga një italian dhe tjetra greke, e drejtuar nga një kurd sirian”, theksoi policia italiane në një komunikatë.

“Migrantët, të nisur nga vendi i tyre i origjinës, mbërrinin në Turqi dhe prej andej kalonin në Greqi, ku priteshin nga anëtarët e organizatës kriminale dhe strehoheshin në Athinë në pritje për t’u nisur”, sipas të njëjtit burim.

“Kur mbërrinte momenti i nisjes, migrantët transportoheshin kryesisht në ishullin e Korfuzit, ku strehoheshin në struktura turistike anonime para se të ngjiteshin në bordin e varkave që shkonin në Itali, në rajonin e Salentos, në Pulia”, shtoi policia. Celula greke e kësaj organizate merrej kryesisht me paratë që jepnin migrantët para nisjes, 6 000 euro për person./abcnews.al

emigrante-1280x720.jpg
in a15:26 | 04/12/2019

Pavarësisht kërkesave për transferim para fillimit të dimrit, qindra emigrantë janë ende të bllokuara në një grumbull tendash të improvizuara pranë Bihaç në veri perëndim të Bosnje e Hercegovinës, në një kohë që një valë ftohti dhe akulli ka përfshirë rajonin.

Me tendat që përkulen nga pesha e dëborës, emigrantët në kampin e Vucjak pranë qytetit të Bihac kanë ndezur zjarre dhe mbështillen me batanije në përpjekje për të qëndruar të thatë dhe ngrohtë. Brenda tendave ku tymi i zjarreve të ndezura rëndon dhe më shumë ajrin, dëgjohen shumë njerëz që kolliten. Jashtë tendave, pamja është tragjike me disa emigrantë të cilët ecin dhe zbathur në baltë. Disa prej tyre shprehen se në tenda nuk ka as vend për të fjetur. Institucionet ndërkombëtare dhe organizatat humanitare kanë kërkuar në mënyrë të përsëritur që ky kamp refugjatësh të mbyllet. Kjo pasi kampi nuk ka struktura dhe gjendet pranë një vendi që dikur ka shërbyer si pikë grumbullimi për mbeturinat. Ai ndodhet pranë një ish – kampi të minuar në kohën e luftës së Bosnjes në periudhën 1992 – 1995.

Autoritetet e qytetit kanë ndërtuar kampin për të pritur mijëra persona që kanë mbetur të bllokuar në vendin ballkanik, teksa përpiqeshin të arrinin në Europën Perëndimore. Pjesa më e madhe e emigrantëve është grumbulluar në këndin veri – perëndimor të Bosnje e Hercegovinës, pasi ndodhet në kufi me Kroacinë, vend anëtar i Bashkimit Europian. Operatorët humanitarë paralajmërojnë se emigrantët do të jenë në rrezik për jetën nëse vazhdojnë të qëndrojnë në kampin e Vucjak gjatë dimrit. Ministri i Brendshëm boshnjak Dragan Mektiç, deklaroi se struktura e re për emigrantët pranë Sarajevës, nuk do të jetë gati për të paktën 20 ditë. Ai u shpreh se ka pasur përpjekje që të dërgohen emigrantët në dy kampe të tjera, të cilat janë më të mira, por nuk ka pasur vend./abcnews.al

kti.jpg
in a09:10 | 30/11/2019

24 emigrantë që ishin nisur nga Afrika, pas udhëtimit prej 6 ditësh me një barkë të vjetër dhe të dëmtuar arritën në Canary Island të Spanjës. Gjendja e disa personave ishte përkeqësuar për shkak të kushteve të vështira në det të hapur. 12 burra, tetë gra dhe tre fëmijë ishin në gjendje shëndetësore mjaft të rënduar.

Ata u pritën nga turistët e pranishëm në bregdetin e ishullit spanjoll, të cilët iu dhanë ujë dhe ushqim, para se të njoftonin njësitë e shpëtimit për arritjen e tyre.

Njësitë e shpëtimit, i mbështollën ata me batanijet termale, derisa iu dhanë ndihmën e parë, ndërsa fëmijët janë dërguar për tretman mjekësor në spital.

Mësohet se asnjë prej tyre nuk është në gjendje kritike për jetën, ndërsa pritet të dërgohen në qendra për strehim./abcnews.al

ITALI-EMIGRANTET_ABC-M4-T2.mpg_snapshot_00.03-1280x720.jpg
in a18:04 | 24/11/2019

Autoritetet italiane gjetën kufomat e 7 emigrantëve ndërkohë që vazhduan kërkimet për 13 emigrantë të tjerë që besohet se janë zhdukur pasi barka me të cilën udhëtonin, u fundos të shtunën. Mediat italiane raportuan se roja bregdetare ka gjetur kufomat e shtatë emigrantëve pranë ishullit Lampedusa në jug të Siçilisë, transmeton Anadolu Agency (AA).

Ndërkohë roja bregdetare, e ndihmuar nga gomonet e policisë kufitare, ka vazhduar të dielën kërkimet në det edhe për 13 migrantë të tjerë për të cilët besohet të jenë zhdukur pasi barka e tyre është fundosur të shtunën.

Radioja shtetërore RAI dhe agjensia e lajmeve ANSA, që raportojnë nga ishulli italian, thanë se shtatë trupa u transportuan në breg, përfshirë trupi i një gruaje. Autoritetet thanë se 149 migrantë u shpëtuan pasi anija u përmbys. Të mbijetuarit u thanë fillimisht autoriteteve se në bord kanë qenë 169 persona.

Roja bregdetare tha se një qytetar i ka lajmëruar ata të shtunën se një varkë ishte duke u fundosur. Anija është përmbysur pasi nuk ka mundur t’u bëjë ballë valëve të larta deri në tri metra. Emigrantët kanë udhëtuar me një varkë të papërshtatshme, të nisur nga trafikantët e qënieve njerëzore me qendër në Libi. Autoritetet italiane vazhduan kërkimet në brigjet e Lampedusa për 20 të zhdukurit në det, të gjithë klandestinë. Motovedetat e Rojes Bregdetare shpëtuan 149 emigrantë, mes tyre tre fëmijë e 13 gra. Të shpëtuarit dhanë alarmin për 20 personat që rezultojnë të humbur, ndërsa stuhia vështirëson operacionet e kërkim shpëtimit të autoriteteve italiane./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono