emigracionit

190807155558-mississippi-immigration-raids-exlarge-169.jpg
Sej rie13:00 | 08/08/2019

Disa orë para mbërritje se presidentit Trump ne Teksas, autoritetet ne Misisipi  kryen operacionin më të madh kundër emigrantëve të paligjshëm.

Autoritetet amerikane të emigracionit kanë arrestuar mbi 700 emigrantë pa leje, në një seri operacionesh të zhvilluara në shtetin e Misisipit. Operacionet e koordinuara vunë në shënjestër punëtorët në 7 impiante agrikulture, që dyshohej se nuk ishin të pajisur me dokumentacionin e duhur.

Video dhe foto të publikuara online tregonin agjentë që mbërrinin me autobusë për të marrë në pyetje dhe arrestuar njerëzit. Agjencia për Emigracionin dhe Doganat ka deklaruar se rreth 680 emigrantë të paidentifikuar janë arrestuar.

Presidenti amerikan Donald Trump njoftoi një operacion masiv kundër emigracionit në qershor, duke thënë se miliona të huaj që kishin hyrë ilegalisht në Shtetet e Bashkuara do të depërtoheshin. Operacionet e fundit u kryen disa orë përpara se Trump të mbërrinte në qytetin e El Pasos, me shumicë hispanike, pas masakrës që mori 22 jetë njerëzish.

Rreth 600 oficerë të Agjencisë për Emigracionin dhe Doganat bastisën impiantet e punës të kontrolluara nga 5 kompani të ndryshme në qytetet Bej Springs, Kenton, Kerthejxh, Morton dhe Sebastopol.

Drejtori në detyrë i agjencisë, Methju Albens tha për “Asoshiejtid Pres” se, operacionet mund të jenë më të mëdhatë që zhvillohen ndonjëherë në një shtet të vetëm. Ndërkohë, fëmijët e personave të arrestuar, të cilët kur u kthyen në shtëpi nuk gjetën prindërit e tyre, u morën nga agjentët dhe u mblodhën në një palestër./ABC News Albania 24/7

be-femijet-765x383.jpg
Sej rie12:30 | 12/07/2019

Popullsia e Bashkimit Evropian shënon rritje pavarësisht se numri i vdekjeve në vendet anëtare është më i larët se ai i lindjeve. Fenomeni, sipas ekspertëve, ndodh për shkak të emigracionit

Një popullsi që rritet pavarësisht se numri I vdekjeve është më i lartë se i lindjeve. Një gjë e tillë ndodh në Europë, dhe kjo falë emigracionit. Lajmi bëhet I ditur nga zyra europiane e statistikave, Eurostat, me rastin e ditës botërore të popullsisë, të vendosur nga në vitin 1989 nga këshilli drejtues i programit të zhvillimit të Kombeve të Bashkuara, me objektivin për të shtuar vetëdijen për problematikat që i përkasin popullsisë botërore.

Në atë kohë popullsia e 28 vendeve anëtare të Bashkimit Evropian ishte 474 milion persona. 30 vjet më pas kjo shifër është rritur me 8 për qind, sipas zyrës evropiane të statistikave

Popullsia aktuale e Bashkimit Evropian është më shumë se 513 milion persona, 1.1 milion më shumë në krahasim me 2017-ën. Një rritje që vjen nga emigracioni, duke marrë në konsideratë se në vitin 2018 janë regjistruar më shumë vdekje se sa lindje, një fenomen që përsëritet për të dytin vit radhazi. Në vitin 2017. 2.4 milion persona kanë emigruar nga vende që nuk janë anëtare në BE.

Vendi ku lindjet kanë qenë më shumë se sa vdekjet është Irlanda, ndërkohë që Bullgaria mban rekordin e kundërt. Italia ka numrin më të vogël të lindjeve.

Është regjistruar një rënie demografike në 10 shtete anëtare, në krye të klasifikimit janë Letonia, Bullgaria dhe Kroacia, ndërkohë që rritje demografike është regjistruar në Maltë, Luksemburg dhe Irlandë.

Gjermania dhe Franca në 1 Janar të 2019-ës rezultonin si vendet më të populluara, të ndjekura nga Mbretëria e Bashkuar, Italia dhe Spanja. Popullsia e Gjermanisë është 83 milion banorë dhe përfaqëson 16.2 për qind të popullsisë totale të Bashkimit Evropian, ndërsa 67 milion të Francës përbëjnë 13.1 përqind të popullsisë së BE-së.

Duke përjashtuar vendet anëtare të BE-së që janë më të populluara, Polonia renditet e gjashta, të tjerët regjistrojnë më pak të 4 për qind të popullsisë së Bashkimit Evropian./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono