emetim

greqia-1.jpg
G. P.13:20 | 17/07/2019

Në përpjekje për t’u rikthyer në tregjet ndërkombëtare, qeveria greke ka nisur emetimin e obligacioneve shtetërore. Në këtë mënyrë ekzekutivi i shtetit helen shpreson që të arkëtojë të ardhura dhe të nxisë zhvillimin e biznesit vendas.

Greqia ka hapur të martën librin e ofertave për emetimin e një obligacioni 7-vjeçar, interesi paraprak i të cilit vlerësohet në 2.1 për qind. Synimi i qeverisë helene është që të arkëtojë të ardhura me vlerë 2,5 miliardë euro.

“Ndërkaq, ministria e financave konsideron si faktor më të rëndësishëm, jo aq shumën apo interesin, se sa kualitetin e investitorëve që do të përgjigjen. Synimi kryesor është që t’u jepet tregjeve një sinjal i qartë për kredibilitetin e obligacioneve shtetërore greke, çka mund të ndikojë pozitivisht në interesat e kreditimit të biznesit vendas”.

Enti për menaxhimin e borxhit publik ka arritur në përfundimin se momenti i tanishëm është më i përshtatshmi për një dalje të vendit në tregjet financiare. Në këtë aspekt ndikojnë kushtet e favorshme ndërkombëtare për shkak të relaksimit të politikës monetare dhe situatës pas zgjedhjeve të 7 Korrikut në Greqi.

Por sipas analistëve, ka shumë gjasa që në muajin Shtator të rikthehet një periudhë pasigurie për shkak të negociatave të Athinës me kreditorët. Gazeta “Financial Times” i referohet një studimi të Bankës Amerikane që konstaton se preferenca e investitorëve për obligacione nga vendet e Eurozonës, si Greqia, Italia dhe Spanja, ndodhet në nivelin më të lartë që prej rënies së krizës 10 vite më parë./ABC News Albania 24/7

volkswagen.jpg
G. P.19:14 | 30/01/2018

Një ditë pas publikimit të lajmit për përdorimin e kafshëve si kavie për të testuar emetimet e motorëve me dizel, “Volkswagen” ka shkarkuar nga detyra kryemenaxherin e grupit. Krerët e prodhuesit të automjeteve kanë deklaruar se hetimi mbi këtë çështje duhet të shkojë deri në fund.

Gjigandi gjerman i automjeteve “Volkswagen” ka shkarkuar nga detyra kryemenaxherin e tij, një ditë pas publikimit të lajmeve për përdornimin e kafshëve si kavie për të testuar tymin e çliruar nga motorët me dizel.

Kompania bën me dije se Thomas Steg, drejtor për marrëdhëniet me jashtë dhe menaxhimin, do të qëndrojë i pezulluar deri në përfundimin e hetimeve. “Aktualisht jemi në proces hetimi dhe presim të dalin përfundimet. Zoti Steg ka deklaruar se do të marrë përsipër të gjitha përgjegjësitë”, ka deklaruar drejtori ekzekutiv i “Volkswagen Group”, Matthias Mueller. Prodhuesi i automjeteve pranoi të hënën se kishte financuar një studim të vitit 2014, i cili parashikonte përdorimin e kafshëve, kryesisht majmunë, për të testuar nivelin e ndotjes. Testet kishin si qëllim të tregonin se motorët me dizel ishin më të pastër se modelet parardhëse, në përpjekje për të ulur jehonën e skandalit të emetimeve, që më vonë do t’i kushtonte kompanisë dhjetëra miliardë euro. Kafshët e përdorura në eksperimente ekspozoheshin për disa orë ndaj tymit, përpara se të bëheshin subjekt i kontrolleve mjekësore.

Reagimet nuk munguan. Qeveria gjermane u doli në krah grupeve për mbrojtjen e kafshëve, duke dënuar praktikat e kompanisë. “Këto teste janë të pajustifikueshme dhe ngrenë pyetje për ata që fshihen pas tyre”, deklaroi kancelarja Angela Merkel. Edhe Hans Dieter Potsch, kryetar i bordit mbikëqyrës të “Volkswagen” tha se do të bëjë gjithçka që kjo çështje të hetohet deri në fund. “Kushdo qoftë përgjegjës për këtë duhet të dalë para drejtësisë”, tha ai./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono