elva margariti

elva-margariti-1280x726.jpg
nev ila16:10 | 19/06/2019

Ministrja e Kulturës Elva Margariti deklaroi se prioritet  kryesor ne institucionet e artit është Galeria Kombëtare, e  cila pritet të marr buxhetin  më të madh për rehabilitimin  tërësor të saj.  Deklaratën ministrja e bëri  në ambientet e galerisë gjatë nënshkrimit të marrëveshjes së bashkëpunimit institucional mes Galerisë Kombëtare të Arteve dhe Universitetit të Arteve.

Projekti për rehabilitimin e Galerisë kombëtare është prioriteti kryesor i ministrisë së kulturës. Ministrja Elva  Margriti, thotë se projekti është gati dhe pritet të aprovohet, pasi parashikon një buxhet të madh.

Ende institucioni ku ruhet trashëgimia e pasur e artit pamor me mbi 5 mijë vepra arti mban emrin Galeria Kombëtare, dhe jo muzeu i artit siç është përcaktuar me ligjin e ri të trashëgimisë, arsyet i shpjegon drejtori Erzen Shkololli.

Për herë të parë firmoset një marrëveshje mes universitetit të arteve dhe galerisë kombëtare. Për dekanin Kastriot Caushi ky është një hap pozitiv.

Marrëveshja e ndërmjetësuar nga Ministria e Kulturës synon krijimin e një bashkëpunimi institucional mes Galerisë Kombëtare të Arteve dhe departamenteve të ndryshme të Universitetit të Arteve. Galeria angazhohet të ofrojë praktika për studentët, ti përfshijë në programe dhe projekte të ndryshme artistike./ABC News Albania 24/7

Elva-Margariti-1280x742.jpg
Sej rie16:23 | 30/04/2019

Pas katër muajsh në krye të detyrës, ministrja e Kulturës, Elva Margariti mori pjesë  për herë të parë në në një dëgjesë në Komisionin e Medies, gjatë të cilit u diskutua ligji i ri për Trashëgiminë Kulturore dhe zbatimi i tij në qytetin e Gjirokastrës.  Margariti  renditi disa nga investimet që janë kryer në këtë qytet, pjesë e trashëgimisë botërore, nën mbrojtjen e UNESCO-s, me pas  ajo , ndali edhe tek puna e inxhinierëve edhe 16 mjeshtërve të kalldrëmit, që po vazhdon për projektin “Rehabilitimi i infrastrukturës dhe restaurimi i kalldrëmeve në Pazarin Gjirokastër”. Margariti  pranoi se: se këto punime kane ngjallur  debate, por  sipas  ministres  e cila i ka ndjekur nga afër edhe  punimet ,Nuk ka asnjë aspekt teknik për t’u shqetësuar, për mbivendosjen e kalldrëmeve apo të kanalizimeve./ABC News Albania 24/7

eduart-makri.jpg
G. P.15:41 | 18/04/2019

Qendra Kombëtare e Kinematografisë tashmë do të drejtohet nga regjisori Eduart Makri. Kontributi i tij njihet në kinemanë shqiptare, por edhe në teatër. Prej vitit 2000, ai ka jetuar dhe punuar në Kanada.

Eduart Makri ishte në gare me Yllka Gjolleshën, producenten Elkjana Gjipali dhe kineastin Ilir Butka.

Ministrja e Kulturës, Elva Margariti i propozoi  kryeminisrit Edi Rama ish-drejtorin Ilir Butka dhe Eduart Makrin për Qendrën Kombëtare të Kinematografisë dhe shefi i qeverisë miratoi emrin e Makrit./abcnews.al

kanina-e-vlores.jpg
G. P.15:50 | 07/04/2019

Në Kaninë, e cila është listuar në 100 fshatrat turistike, priten të bëhen investime të ndryshme. Ministrja e Kulturës tha se pavarësisht se këtij fshati i është kushtuar vëmendje edhe më parë, ai mbetet ende i pashfrytëzuar.

Me Kaninën nuk mburren vetëm vlonjatët. Ministrat e Kulturës, njëri pas tjetrit e kanë parë si destinacion nga ku mund të thonë se resurse të tilla janë hapësira magjepsëse për turistë.

E listuar ne 100 fshatrat turistike,  Ministrja e Kulturës Elva Margariti mendon se pavarësisht nga çfarë është bërë në të kaluarën, Kanina është e pashfrytëzuar.

“Ne shohim një potencial të madh. Të pashfrytëzuar ende për gjithë atraksionin e madh që ka jo vetëm për vlerat dhe kulturën, por edhe për vlerat e turizmit”, tha ajo.

Gjashtë kilometra larg nga Vlora, në këtë kodër 380 metra mbi nivelin e detit ndodhet kalaja e Kaninës. Një kilometër mur rrethues dhe sipërfaqe prej 3.5 hektarësh, ajo i ka dhënë histori zonës.

Ngritur aty nga shekulli i IV në të gjithë sistemin fortifikues dallohen disa faza ndërtimi që shtrihen në dy periudha, në periudhën antike si dhe në atë të periudhës mesjetare, përkatësisht bizantine, veneciane dhe turke.

Vetë fshati Kaninë prej gërmimeve arkeologjike daton si vendbanim ne gjysmën e parë të mijëvjeçarit të fundit p.e.s. Një fshat me një histori të gjatë synohet të kthehet në një nga atraksionet e rëndësishme turistike, historike dhe kulturore, jo vetëm për jugun./abcnews.al

lagja-kala.jpg
G. P.17:31 | 24/03/2019

Elbasani është një qytet me vlera të mëdha historike. Megjithatë me kalimin e viteve pikat më të rëndësishme të këtij qyteti janë lënë pas dore. E tillë është dhe lagja Kala.

Shtëpitë e vjetra karakteristike mezi qëndrojnë në këmbë. Rrugica të ngushta të gurta vazhdojnë të mbeten arteriet nga ku mund të lëvizet brenda lagjes ku lindi qyteti i sotëm i Elbasanit. Nga më të lashtët në Shqipëri, e gjithë historia e lulëzimit dhe e rënies së tij ka pasur lidhje me vijën Egnatia.

Por zanafilla e qytetit është më e hershme. Qyteti figuron si një vendbanim ilir. Megjithatë si datë e themelimit konsiderohet guri i varrit të legjionarit romak Mark Zabidi. Qyteti u quajt prej romakëve: Skamp. Në kohën bizantine u njoh me emrin: Valm.

Kurse në periudhën osmane u quajt prej osmanëve fillimisht Ijl-basan dhe më vonë i dhanë trajtën Elbasan, kurse prej të krishterëve vendas, u përdor termi grek Neokastër. Kulmin e lulëzimit qyteti (Kalaja) duket se e arriti në shekullin e XVII-të me krijimin, organizimin dhe funksionimin e 60 llojeve të zejeve në 45 Esnafe.

I kësaj kohe është “Kodiku i Esnafëve të Tabakëve”. Në mesin e shekullit të XVII, Elbasani kishte 2000 shtëpi, 900 dyqane dhe punoheshin me cilësi të lartë lëkura, leshi, mëndafshi, metalet e sidomos argjendi.

Por vitet shkuan. Për fat të keq tradita nuk u ruajt. Lagja u dëmtua shumë në diktaturë dhe në tre dekadat e fundit. Sot aty gjen një amalgamë objektesh që po e prishin të shkuarën e saj.

Shtëpi të mbajtura keq, të palyera, të pameremetuara, rrugica kaotike, krahas tyre gjen edhe vila të reja, një kontrast që ia ka humbur bukurinë lagjes. Adi Shuteriqi është banor i kësaj lagjeje. Ai ka emigruar në Amerikë. Tregon se ai bashkë me të tjerë kanë bërë mjaft përpjekje.

Adi Shuteriqi: Kjo është lagje muze. Kategori e parë shtëpitë, asnjëri nuk vë dorë. Shtëpitë po bien, çatitë po bien, kalldrëmet janë të mbaruara. Na leverdis muzeu, të dimë nga kemi prejardhjen. Të tjerat pastaj vijnë dalëngadalë. Restaurojmë këto që kemi që edhe turizmi të rritet, edhe të ardhurat të rriten.

Lagja “Kala” në Elbasan nuk është vetëm qendër historike dhe kulturore, por edhe një shembull i shkëlqyer i harmonisë fetare me objektet e kultit pranë e pranë që i përkasin besimeve të ndryshme fetare. Ajo është vendbanimi i fiseve me emër si Krisoforidhit, Todrit, Papajanëve, Gjonëve, Paparistove, Papamihalëve, Shuteriqëve, Delianëve.

Aty kanë lindur 6 nga 10 akademikët më të mëdhenj të kombit shqiptar. Është lënë në harresë e kjo është e pafalshme. Por megjithatë duket se diçka po lëviz. Këto ditë, lagja “Kala” në këtë qytet u vizitua nga Ministrja e Kulturës, Elva Margariti.

Që në hyrje të portës pati një surprizë. Aty ishte arkeologu i njohur Neritan Ceka, i cili ishte gjithashtu duke realizuar një intervistë për këtë lagje. Pati një bashkëbisedim të shkurtër, ku Ceka i kërkoi ministres më shumë vëmendje për këtë lagje që konsiderohet si thesar i kulturës shqiptare.

Elva Margariti, ministre e Kulturës: Elbasani ka shumë për të treguar jo vetëm tek Kalaja. Ka shumë histori, rruga Egnatia është një nga to. Shtrirja e Kalasë është shumë e madhe dhe ndërhyrja në të do kërkonte shumë kohë. Pikë së pari ajo që duhet të fokusohemi sot është cili është modeli, cili është plani për ta zhvilluar?

Qazim Sejdini, kryetar i bashkisë Elbasan: E meriton Kalaja jo vetëm për sot, por edhe për kontributin e përhershëm që ka dhënë. Sigurisht që kërkohet ndërhyrje, kërkohet bashkëpunim me qytetarët. Kanë filluar ta ndiejnë dhe të kenë iniciativa të veçanta.

Kështu ka ardhur koha që të ndërhyhet njëherë e mirë në një nga lagjet me histori dhe kulturë të rrallë në Shqipëri para se ato të rrënohen plotësisht. Investimet, jo vetëm që do ndikojnë në ekonominë dhe mirëqenien direkt të banorëve, por edhe në thithjen dhe zhvillimin e turizmit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono