elbasan

policia-naten-800x450-1-696x392.jpg
nev ila23:23 | 13/11/2019

Policia e Elbasanit ka arrestuar ditën e mërkurë Xhiliano Xhoxhin, i cili ishte shpallur në kërkim nga drejtësia italiane e cila e kishte dënuar me 10 vite burg si pjesë e një organizate kriminale që merrej me trafikun e lëndëve të forta narkotike.

Grupi ku bënte pjesë Xhoxhi ra në pranga më 23 maj 2006, vetëm pak ditë pas arrestimit të 40 personave në Itali, në kuadër të operacionit të koduar ”Poter-al”.

Nga hetimet rezultoi se kokaina merrej kryesisht në Holandë dhe më pas në rrugë tokësore dërgohej në Francë dhe Itali. Ndërsa heroina merrej kryesisht në Turqi dhe nëpërmjet Shqipërisë dërgohej në Itali. Të pandehurit përdornin korrierë të huaj për trafikun e heroinës dhe kokainës në pesë shtete duke përdorur korrierë të huaj.

Gjykata e Krimeve të Rënda më 22 korrik 2009, dënoi me 63 vjet burg 6 të pandehurit e grupit kriminal “Poter-Al”. Ilir Koçiaj, i njohur si kreu i këtij grupi, u dënua me 16 vjet burg. Sakaq Xhiliano Xhoxhi është dënuar me 10 vjet burg dhe po aq kanë marrë 3 të pandehurit e tjerë, Vangjel Kondili, Ervin Tavanxhi dhe Kozma Laçka.

Ndërsa për të fundit të grupit Robert Peçi, Gjykata e Krimeve të Rënda dha vendimin me 7 vjet burg.

Organizata kriminale në fjalë drejtohej nga Ilir Koçiaj, ndërsa krahu i tij i djathtë ishte Xhiliano Xhoxhi. Të dy këta persona kanë mundur që të ngrenë një rrjet të tërë të trafikut të narkotikëve në të paktën 6 shtete të ndryshme të botës.

Me rekrutimin e anëtarëve të organizatës janë marrë pikërisht dy krerët e saj, Koçiaj dhe Xhoxhi. Nga hetimi është zbuluar se në disa raste anëtarët e organizatës nuk njiheshin fare me njëri- tjetrin. Njohja e tyre e përbashkët ishte kreu Ilir Koçiaj.

Kryesisht aktiviteti i organizatës është zhvilluar në Itali. Kokaina merrej në Holandë dhe më pas shpërndahej në Itali, Francë si dhe Gjermani. Në një rast është tentuar trafikimi edhe në Greqi. Heroina vinte nga Turqia dhe përfundonte në Itali.

Prokuroria shqiptare ka mundur që t’i sekuestrojë kësaj organizate 73 mijë euro, 29 mijë dollarë amerikanë si dhe 1 milion lekë të reja. Janë sekuestruar edhe 4 automjete luksoze tip “Mercedes Benz” prodhime të viteve të fundit./abcnews.al

BASHA-ME-TE-RINJTE-ELBASAN-ABCM5T2.mpg_snapshot_00.12-1280x720.jpg
ent ela20:38 | 04/11/2019

Çdo student me të ardhura të ulëta do të përfitojë 100 përqind bursë. Kush ka të ardhura mbi 640 mijë lek në muaj, do të ketë bursë 50 përqind. Kështu u premtoi Kryetari i Partisë Demokatike Lulzim Basha të rinjve të Elbasanit. Nga ky qytet kryedemokrati nisi dhe rrugëtimin e tij nëpër Shqipëri për të zhvilluar takime grupe të ndryshme interesi.

Atë që e emërton dështimin kryesor të qeverisë Rama, premton se do ta rendisë në zotimin i tij numër një.

Dështimi nr. 1 i kësaj qeverie është dështimi me rininë. Zotimi im nr 1 dhe i PD është kthimi i shpresës.

Elbasani është ndalesa e parë e rrugëtimit që ka nisur kryedemokrati Lulzim Basha për Shqipërinë.

Në një përballje me të rinjtë ai renditi disa vendime konkrete që tha se do ti realizojë kur të jetë në krye të qeverisë.

Çdo student me të ardhura të ulëta do të përfitojë 100 përqind bursë. Kush ka të ardhura mbi 640 mijë lek në muaj, bursë 50 përqind.

Duke investuar te rinia frenohet edhe emigracioni-nënvizoi Lulzim Basha sipa të cilit 559 milionë euro është humbja potencialisht e mundshme që vjen nga ky fenomen i largimit të  shqiptarëve.

Por midis të rinjve kishte edhe nga ata që ishin më të interesuar për projektet për vendbanimet e tyre.

Kryedemokrati Basha tha gjithashtu se pas dëgjesave me të rinjtë që do të vazhdojë për dy javët në vazhdim, do të ndërtohet një platformë plotë me zgjidhje konkrete. /abcnews.al

 

 

 

KRONIKE-SUEL-CELA-_ABC-M5-T2.mpg_snapshot_01.03-1280x720.jpg
nev ila15:49 | 04/11/2019

Sulel Cela i shpëton akuzës për “vrasje të mbetur në tentativë” pasi Prokuroria e Krimeve të Rënda ka vendosur që të klasifikoj akuzën dhe kërkoi dënimin e tij me 7 vite burg. Çela do të gjykohet për kundërshtim të forcave të policisë dhe goditje për shkak të detyrës, lidhur me incidentin e ndodhur në shtator të vitit 2017 në Elbasan.

Prokuroria e Krimeve të rënda zbut akuzën për Suel Çela, Enea Bekteshin dhe Klemend Xhaferrin. Organi i akuzës e klasifikoi akuzës nga “vrasje ndaj punonjësit të policisë mbetur në tentativë”, në “kundërshtim të forcave të policisë dhe goditje për shkak të detyrës”, dhe kërkoi për Suel Çelën dënimin e tij me 7 vite burg.

Prokuroria për Enea Bekteshin dhe Kelmend Xhaferrin kërkoi dënimin me 6 vite burgim. Bekteshi tashmë akuzohet për “kundërshtim të forcave të policisë”, “goditje për shkak të detyrës” dhe “prodhim narkotikësh”.

Ndërsa, Xhaferri akuzohet për armëmbajtje pa leje, largim nga vendi i qëndrimit. Gjatë relatimit të pretencës Prokurori Behar Dibra theksoi faktin se akuza u ndryshua pasi nuk u faktua përtej çdo dyshimi të arsyeshme që 3 të pandehuri kishim planifikuar sulmin ndaj policëve.

Prokuroi Dibra u shpreh se Audi është drejtuar nga Suel Çela dhe pasagjer ka qenë Enea Bekteshi. Në makinën Audi është gjetur një puro e fikur e cila është dërguar në laborator për të marre, ADN dhe ka rezultuar se është e njëjtë me atë të Çelës.

Prokurori renditi dëshmi, pamje filmike dhe rezultatet të ekspertimeve për materialet biologjike të gjetura në makinë si prova kundër të pandehurve. Përplasjen ndodhi në Tregun Agro-Ushqimor në 18 shtator të 2017-së në Elbasan.

Asokohe policia e Elbasanit kishte informacion për një grup të rrezikshëm që po lëvizte në qytet prandaj organizoi kontrolle. Përpara tregut agro ushqimore ata arrestuan Klemend Xhaferrin pasi nuk i ishte bindur urdhrit të punonjësit të policisë.

Në kohën kur polica po largohej, një Audi i blinduar përplaset me, makinën ku ishte zëvendës Drejtori Gjergji Oshafi duke venë në rrezik jetën e disa punonjësve të policisë.

Në dosje theksohet se Audin e blinduar e drejtonte Suel Çela i cili më pas u fut brenda tregut Agro-Ushqimor dhe dyshohet se u largua nga atje nëpërmjet tuneleve të nëndheshme që gjenden Brenda tregut ne pronësi të Petrit Çela, babit të Suelit./abcnews.al

Basha30qershor-847x477.jpg
nev ila12:52 | 04/11/2019

Kreu i PD, Lulzim Basha ka një ftesë për të rinjtë. Basha ka njoftuar se do të jetë sot pasdite në Elbasan, në kaudër të turit që është ndërmarrë, “Rrugëtimin për Shqipërinë “.

Ndërkaq, përmes një postimi në faqen e tij zyrtare në Facebook, Basha fton të rinjtë që ti bashkohen këtij takimi.

“Sot fillojmë “Rrugëtimin për Shqipërinë”. Ftoj çdo të ri dhe të re të më bashkohet sot në Elbasan në orën 17:00”, shkruan kreu i PD./abcnews.a

 

lokal-1280x948.jpg
Autor E10:05 | 31/10/2019

Policia e Elbasanit arrestoi shtatë persona gjatë ditës së djeshme për një zërë akuzash që nisin nga armëmbajtja pa leje deri tek drejtimi i motorit pa patentë.

Mes të arrestuarëve është edhe një 77 vjeçar, të cilit iu kap një pistoletë pa leje.

Gjithashtu policia arrestoi një tjetër person në Elbasan, i cili i ishte “qepur pas” një 30 vjeçareje, të cilës i kishte thyer edhe xhamat e lokalit.

Njoftimi i plotë i policisë

Nga vjedhje, tek përndjekje, kanosje e posedim droge, Policia e Elbasanit vë në pranga gjatë 24 orëve të fundit 7 persona, për vepra të ndryshme penale. Nga specialistët për Hetimin e Krimit në Komisariatin e Policisë Librazhd, u arrestua në flagrancë, për veprën penale “Mbajta pa leje e armëve”, shtetasi:

R. V., 77 vjeç, banues në fshatin Stravaj, Prrenjas, pasi gjatë kontrollit të ushtruar nga shërbimet e Policisë në banesën e tij, u gjetën dhe sekuestruan në cilësinë e provës materiale një armë zjarri tip pistoletë dhe 7 fishekë.

Nga specialistët për Hetimin e Krimit në Komisariatin e Policisë Elbasan, u arrestuan në flagracë shtetasit:

S. B., 25 vjeç dhe F. Q. 21 vjeç, të dy banues në fshatin Mjekës, Elbasan. Arrestimi i tyre u bë pasi në një magazinë u kapën duke vjedhur pjesë metalike të një makinerie, të cilat u sekuestruan së bashku me mjetin tip Seat, me të cilin do të bënin transportimin e tyre.

Xh. Gj., 39 vjeç, banues në Elbasan. Arrestimi i tij u bë pasi në mënyrë të vazhdueshme ka përdjekur e kanosur me fjalë, si dhe i ka thyer xhamat e lokalit një vajze 30-vjeçare.

Nga specialistët e Qarkullimit Rrugor në DVP Elbasan, u arrestuan në flagrancë:

N. B., 61 vjeç, banues në fshatin Dëshiran, Belsh dhe I. K., 28 vjeç, banues në Librazhd. Arrestimi i tyre u bë pasi janë kapur nga shërbimet e Policisë duke drejtuar motoçikletat pa Leje Drejtimi.

Nga specialistët për Hetimin e Narkotikëve dhe Trafiqeve në DVP Elbasan, u arrestua në flagrancë shtetasi:

A. B., 24 vjeç, banues në Librazhd, pasi gjatë kontrollit fizik të ushtruar nga shërbimet e Policisë, iu gjetën dhe sekuestruan 2 doza lëndë narkotike, e dyshuar e llojit Cannabis Sativa.

Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.

ZBULIM-LASHTESI-ELBASAN_aBC-M2-T1.mpg_snapshot_00.02-1280x720.jpg
ent ela14:45 | 28/10/2019

Një vendbanim i lashtë ilir i shtohet hartës së zbulimeve arkeologjike në vend. Ai ndodhet në Petresh të Elbasanit, aty ku të parët kanë mbërritur kërkuesit e thesareve. Gazetari Fatos Salliu ka përgatitur një material për këtë vendbanim.

Këtu duken muret rrethuese me gurë  të mëdhenj.  Një vendbanim i fortifikuar mirë. Qeramikë, mbetje arkeologjike dhe objekte që dëshmojnë se dikur aty ka pasur jetë.

Para shtetit dhe arkeologëve kanë rendur piratët. Përreth  gropa të hapura nga thesarkërkuesit.

Banorët në Petresh të Elbasanit mbajnë mend mirë dhe një kishë të hershme.

Kasem Kasa një i moshuar 85 vjeç thotë se rrënojat e saj kanë ezkistuar deri vonë.

Përreth kishës qendrore ka patur kisha të tjera.

Vetë qyteti e ka zanafillën në shekullin e II-të para Krishtit me vendbanimet e hershme ilire  gjendur aty ku është Elbasani i sotëm.

Tani hartës arkeologjike do ti shtohet edhe ky vendbanim i lashtë në Petresh.

Të tjera zbulime janë bërë në Tumat e Pazhokut në Cërrik. Në Shalës, Lleshan dhe Funar.

Me ndërtimin e rrugës Egnatia dhe kalasë së qytetit, Elbasani mori zhvillim të ri. Në shekullin e II-të  Elbasani njihet me emrin “SKAMPA” e më vonë me emrin  “SKAMPINI” .

Duke qenë i vendosur në kryqëzimin e rrugëve Veri – Jug dhe Lindje – Perëndim, ai ka shërbyer si pikë e rëndësishme kalimi dhe si stacion i rëndësishëm, duke u përmendur si qëndër urbane, ushtarake e peshkopale.

Gazetar i ABC News, Elbasan: Fatos Salliu

aksident-me-motorr-640x374-e1539881950468.jpg
ent ela13:00 | 27/10/2019

dy persona kanë mbetur të plagosur si pasojë e një aksidenti në rrugën rurale Elbasan- Shushicë. Aksidenti ka ndodhur në fshatin Byshek, kur drejtuesi D.P., 21 vjeç, duke drejtuar motoçikletën është përplasur me mjetin tip “Benz”, me drejtues shtetasin Xh.C., 53 vjeç. Si pasojë e aksidentit është dëmtuar drejtuesi i mjetit dhe pasagjeri i motoçikletës dhe ndodhen nën kujdesin e mjekëve.

Të dy të plagosurit janë banues në fshatin Shushicë, Elbasan. /abcnews.al

 

 

KONTROLLE-ELBASAN.mpg_snapshot_00.01-1280x720.jpg
ent ela20:30 | 25/10/2019

Forcat RENEA, të mbështetura edhe nga efektivë të  Drejtorisë së Policisë në Elbasan, janë duke zhvilluar një operacion të gjërë në këtë qytet.

Sipas të dhënave, në orët e para të mbrëmjes efektivë të shumtë kanë zbarkuar nëpër rrugë, lagje, lokale dhe biznese dhe janë duke ushtruar kontrolle.

Gjithashtu kontrolle po ushtrohen edhe në automjete të personave të dyshimtë.

Burime policore bëjnë me dije se mes të tjerash policia ka ushtruar kontrolle në disa biznese mes të cilave edhe një “Security” private dhe një tjetër biznes i cili ka qenë i mbyllur dhe është dashur ndërhyrja e zjarrfikseve.

Burime policore bënë me dije se objekt i aksionit kanë qenë elementë kriminalë dhe persona të dyshuar të përfshira në veprimtari kriminale.

Deri më tani janë shoqëruar disa persona. Por ende nuk bëhet e ditur se për çfarë akuzohen ata.

Në këtë aksion janë përfshirë 10 automjete policie dhe rreth 60 efektivë.

Kujtojmë këtu se Elbasani për shkak të ngjarjeve kriminale, është një nga qytetet më të trazuara në Shqipëri. /abcnews.al

ALUIZNI-elbasan.jpg
nev ila11:45 | 23/10/2019

Specialistët për Hetimin e Krimit Ekonomik e Financiar në Drejtorinë Vendore të Policisë Elbasan, proceduan penalisht në gjendje të lirë shtetasit:

M. T., 46 vjeç, banues në Elbasan, me detyrë regjistrues pranë Aluiznit, Elbasan, për veprën penale “Shpërdorimi i detyrës”.

B. Gj., 53 vjeç, banues në Elbasan, për veprën penale “Falsifikimi i dokumenteve”.

Procedimi i tyre filloi pasi dyshohet se shtetasi B. GJ. ka paraqitur dokumentacionin e falsifikuar për legalizimin e banesës së tij, ndërsa shtetasi M.T. ka legalizuar këtë banesë në kundërshtim me ligjin.

Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono