elbasan

auto_auto_policia-elbasan-678x45015615545671572027909-1.jpg
So Nila12:21 | 22/01/2020

Policia e Elbasanit ka vënë në pranga një person i cili është kapur duke transportuar shtetas të huaj në mënyrë të paligjshme kundret fitimit.

Uniformat blu bëjnë me dije se B. H., 72 vjeçështë ndaluar në aksin rrugor Gramsh-Cërrik duke transportuar me mjetin e tij, 16 shtetas sirianë e palestinezë, të cilët kishin hyrë ilegalisht në Korçë, nëpërmjet kufirit jeshil nga shtetit grek.

72 vjeçari ndihmonte emigrantët e paligjshëm kundejt fitimit 450 deri në 1000 euro për person.

Njoftimi i policisë:

Goditet një tjetër rast i dhënies ndihmë për kalim të paligjshëm të kufijve, kundrejt fitimit.

Kapet duke transportuar 16 shtetas të huaj, kundrejt fitimit 450 deri në 1000 euro për person, arrestohet në flagrancë transportuesi.

Shërbimet e Komisariatit të Policisë Cërrik, në bashkëpunim me specialistët për Hetimin e Trafiqeve të Paligjshme në Drejtorinë Vendore të Policisë Elbasan, pas informacioneve të marra në rrugë operative për një shtetas që transportonte shtetas  klandestinë nga vendet e treta, me qëllim dhënin ndihmë, kundrejt fitimit, për kalim të paligjshëm të kufirit, organizuan punën duke bërë kapjen dhe arrestimin  në flagrancë  të shtetasit:

B.H., 72 vjeç, banues në Tiranë, pasi në aksin rrugor Gramsh-Cërrik u kap nga shërbimet e Policisë duke transportuar me mjetin e tij, i cili u sekuestrua në cilësinë e provës materiale, 16 shtetas sirianë e palestinezë, të cilët kishin hyrë ilegalisht në Korçë, nëpërmjet kufirit jeshil nga shtetit grek.

Ky shtetas po i transportonte kundrejt fitimit që varionte 450-1000 euro për secilin, për të kaluar kufirin në mënyrë të paligjshme në drejtim të Malit të Zi, me destinacion final një nga vendet e BE-së.

Materiale hetimore i kaluan Prokurorisë pranë Gjykatës së Shkallës së Parë Elbasan, për veprimet e mëtejshme./ abcnews.al

gazment-bardhi-elbasan.jpg
nev ila16:42 | 19/01/2020

Sekretari i Përgjithshëm i Partisë Demokratike ka takuar sot përfaqësitë e PD-së në qarku e Elbasanit.

Bardhi ka publikuar edhe disa foto nga ky takim në profilin e tij në Facebook, krahas të cilave shkruan se ky qark është nën pushtetin e bandave të kryeministrit Edi Rama dhe të Qazim Sejdinit.

Sipas Bardhit, demokratët e këtij qarku janë forcuar dhe PD-ja do të fitojë në këtë qark më shumë se 55% të votave.

“Në qarkun e Elbasanit i gjeta demokratët të angazhuar në të gjitha nivelet e partisë për të bërë për vete sa më shumë qytetarë në Elbasan, Librazhd, Prrenjas, Cërrik, Peqin, Gramsh dhe Belsh. Demokratët e këtij qarku, megjithëse nën presionin e bandave të lidhura me pushtetin e Edi Ramës, Taulant Ballës dhe Qazim Sejdinit, ia kanë dalë të rriten e të forcohen dhe në zgjedhjet më të para të lira e të ndershme, bashkë me aleatët tanë, ne të fitojmë në qark më shumë se 55% të votave. Nënat dhe baballarët e qarkut të Elbasanit e duan ndryshimin që të mos i shohin fëmijët e tyre të ikin si refugjatë, pse bandat e pushtetit nuk i lënë të ngrenë kokën. Të rinjtë e qarkut të Elbasanit e duan ndryshimin që të ndërtojnë një jetë dinjitoze në vendin e tyre, ku vlerësohet aftësia, ndershmëria dhe jo servilizmi e hajdutëria! Nga takimet që pata në Elbasan, Librazhd, Prrenjas, Cërrik, Peqin, Gramsh dhe Belsh jam plot besim që sëbashku do t’ia dalim!”– shkruan Bardhi./abcnews.al

policia-elbasan.jpg
nev ila10:51 | 16/01/2020

Në lidhje me atentatin në Elbasan, burime pranë grupit hetimor pohojnë se ngjarja ka qenë e mirëorgnizuar dhe autori, apo autorët, kanë pasur si qëllim eleminimin e 23 vjeçarit.

Korrespodenti i ABC News në Elbasan raporton për abcnews.al se si pasojë e patrullimit të shpeshtë, që ka bërë policia në qendër të qytetit, atentatori (atentatorët), nuk kanë mundur të dalin nga automjeti për të realizuar eleminimin e Kei Pikut.

Autorët kanë qëlluar drejt 23 vjeçarit, nga brenda automjetit në të cilin ndodheshin.

Pasi ka pikasur se po qëllohej, i riu iu është shmangur plumbave drejt tij, dhe ka shkuar në fund të makinës së parkuar, ku ka rënë në toke. Mësohet se Kei Piku, ka marrë 3 plumba dhe ndodhet jashtë rrezikut për jetën.

Me sa duket patrulla e policisë, është ndodhur shumë pranë vendit të ngjarjes, pasi kanë qenë efektivët që kanë gjetur të riun, dhe e kanë përcjellë më pas, drejt urgjencës së spitalit të Elbasanit.

Sakaq policia është duke ushtruar kontroll në gjithë pikat kyce të qytetit të Elbasanit, ndërkohë ka shoqëruar disa persona, si të dyshuar se kanë dijeni për atentatin ndaj të riut./abcnews.al

kei-piku-policia.jpeg
nev ila08:56 | 16/01/2020

Gjatë natës në Elbasan, ka patur të shtëna me armë zjarri, ku për pasojë ka mbetur i plagosur 23 vjeçari Kei Piu.

Siç raporton gazetari i ABC News Aldo Kozarja, deri më tani forcat policore të komisariatit të Elbasanit kanë shoqëruar disa persona si të dyshuar që mund të kenë dijeni për ngjarjen.

23 vjeçari është qëlluar pasi ka ndaluar me automjetin e tij tip “Land Rover”. Ngjarja ka ndodhur në qendër të Elbasanit. Kanë qenë forcat policore që kanë gjetur 23 vjeçarin të shtrirë  në tokë.

Nga stafi mjekësor konfirmohet se është qëlluar me 3 plumba dhe tashmë 23 vjeçari është jashtë rrezikut për jetën.

Gazetari Aldo Kozarja ka raportuar për abcnews.al se nga mënyra se si është qëlluar 23 vjeçari, policia mendon se ka qenë një atentat i mirëpërgatitur, duke parë dinamikën e ngjarjes.

Ndërkohë forca të shumta policie, kanë ngritur grupe kontrolli, dhe postblloqe në disa pika kryesore të qytetit të Elbasanit.

Por 23 vjeçari nuk është emër i panjohur për policinë e Elbasanit.

Në fakt ai njihet nga ana e policisë, por jo i skeduar për ngjarje të rënda. Kryesisht 23 vjecari ka qenë i përfshirë në ngjarje që kanë patur të bëjnë me lëndë narkotike.

Sakaq policia është fokusuar fillimisht tek kamerat e sigurisë, që ndodhen në zonën ku ka ndodhur ngjarja./abcnews.al

kei-piu-1.jpg
nev ila08:08 | 16/01/2020

Rreth orës 1.20 në bulevardin kryesor të Elbasanit në afërsi të vendit të quajtur “shatërvani” një person ka mbetur i plagosur si pasojë e goditjes me armë zjarri. Korespondenti i Abc News informon se bëhet fjalë për 23-vjeçarin Kei Piu (Piku), i cili ka qenë duke udhëtuar me mjetin e tij tip foristrade AA 767 XO.

Teksa është ndalur në afërsi të një lokali, në qendër të Elbasanit, është qëlluar nga një person. Dyshohet se 23 vjecari ka pasur një debat përpara se të qëllohej. Aktualisht ndodhet në reanimacionin e spitalit të Elbasanit i plagosur rëndë pasi ka marrë tre plumba në trup.

Ndërkohë policia ka dhënë dhe detajet e para të kësaj ngjarje.

Njoftimi i policisë: 

“Rreth orës 01:15, në lagjen “Luigj Gurakuqi”, Elbasan, është qëlluar me armë zjarri në drejtim të shtetasit K. P., 23 vjeç, banues në Elbasan, i cili si pasojë është plagosur dhe ndodhet jashtë rrezikut për jetën.

Grupi hetimor vijon punën për zbardhjen dhe sqarimin e rrethanave të ngjarjes, identifikimin dhe kapjen e autorëve.

Njëkohësisht vijon administrimi i çdo prove sado të vlefshme që çon në zbardhjen e ngjarjes.

Shërbimet e Policisë kanë shoqëruar disa persona për sqarimin e rrethanave të ngjarjes.

Vijon krehja e zonës dhe nga veprimet e para hetimore ka rezultuar se nuk ka pasur shkëmbim me armë zjarri mes palëve“.

/abcnews.al

ngjarja-elbasan.jpg
in a07:46 | 16/01/2020

Elbasan, të shtëna me armë zjarri pas mesnatës në qendër të qytetit, për pasojë ka mbetur i plagosur 23-vjeçari Kei Piu.

Sipas të dhënave të para, 23 vjeçari ishte në lëvizje e sipër me mjetin e tij, tip “Fuoristrade” ndërsa është qëlluar me armë.

23-vjeçari Kei Piu i cili mbeti i plagosur nga të shtënat me armë zjarri ndodhet në sallën e reanimacionit në spitalin e Elbasanit.

Policia ka rrethuar vendin e ngjarjes që pas mesnate dhe ka nsiur hetimet për zbardhjen dhe identifikimin e personave të përfshirë në të./abcnews.al

aksidenti-3.jpg
ger ta11:34 | 15/01/2020

Një aksident ka ndodhur paraditen e sotme në hyrje të qytetit të Elbasanit. Burime për abcneës.al bëjnë me dije se dy automjete një tip “Benz” dhe një “Reno” janë përplasur te rrethrrotullimi i Bradasheshit.

Mësohet se përplasja ka qenë tepër e fortë dhe për pasojë kanë mbetur të plagosur dy ddrejtuesit e mjeteve. Të plagosurit janë dërguar në spital për të arrë ndihmë mjekësore.

Ndërkaë, grupi hetimor don të përcaktojë edhe shkakun e aksidentit./abcnews.al

policia-1-1280x720.jpg
Autor E09:37 | 09/01/2020

Policia ka kapur një 28 vjeçar nga Tirana, i cili dyshohet të jetë personi që kreu grabitjen e një institucioni financiar për kredidhënie pak ditë më parë në kryeqytet.

28 vjeçari është kapur nga kamerat e sigurisë teksa hyn në filialin e kompanisë private dhe i drejton armën punonjëses.

Njoftimi i policisë

“Ky shtetas, në datën 07.01.2020, rreth orës 18:30 ka shkuar në rrugën “Medar Shtylla”, në filialin e një institucioni financiar dhe me anë të ushtrimit të dhunës me një shkop metalik, i ka vjedhur punonjësve të këtij filiali një shumë prej 60000 lekësh të rinj dhe dy aparate celular.

Gjatë kontrollit në banesë, Policia gjeti dhe sekuestroi në cilësinë e provës materiale një biçikletë, me të cilën u largua pasi kreu vjedhjen, si dhe një shumë prej 45000 lekësh të rinj”, njofton policia.

Finalizohet operacioni “Designer”, me metoda proaktive.

Operacioni nga Komisariati i Policisë Nr. 2, në bashkëpunim me Seksionin për Hetimin e Krimit ndaj Pronës dhe Sektorin e Operacioneve Speciale dhe Kërkimit në DVP Tiranë.

Zbardhet vjedhja me dhunë e një sasie parash, në një nga filialet e një institucioni financiar për kredidhënie në shuma të vogla, ndodhur më datë 7 janar 2020.

Vihet në pranga 28-vjeçari.

Sekuestrohen në cilësinë e provës materiale një biçikletë, me të cilën autori u largua nga vendngjarja dhe një sasi prej 45000 lekësh të rinj.

Specialistët për Hetimin e Krimit në Komisariatin e Policisë Nr. 2, në bashkëpunim me Specialistët për Hetimin e Krimit ndaj Pronës në DVP Tiranë, menjëherë pas ngjarjes së ndodhur mbrëmjen e datës 7 janar 2020, ku një person vodhi me dhunë një sasi lekësh, në një zyrë kredidhënieje në shuma të vogla, organizuan punën dhe nën drejtimin e prokurorisë, duke përdorur metodat proaktive, bënë të mundur që brenda një kohe të shkurtër të identifikohej autori i kësaj ngjarjeje.

Në bazë të provave të grumbulluara, u organizua dhe finalizua operacioni i koduar “Designer”, në kuadër të të cilit u bë e mundur kapja dhe arrestimi i shtetasit D. K., 28 vjeç, banues në Tiranë.

Ky shtetas, në datën 07.01.2020, rreth orës 18:30 ka shkuar në rrugën “Medar Shtylla”, në filialin e një institucioni financiar dhe me anë të ushtrimit të dhunës me një shkop metalik, i ka vjedhur punonjësve të këtij filiali një shumë prej 60000 lekësh të rinj dhe dy aparate celular.

Gjatë kontrollit në banesë, Policia gjeti dhe sekuestroi në cilësinë e provës materiale një biçikletë, me të cilën u largua pasi kreu vjedhjen, si dhe një shumë prej 45000 lekësh të rinj.

Materialet i kalojnë Prokurorisë pranë Gjykatës së Shkallës së Parë Tiranë, për veprën penale “Vjedhja me dhunë”.

foto66-1-1.jpg
in a07:48 | 09/01/2020

Digjet për shkaqe ende të panjohura automjeti i oficerit të Krimeve të Rënda në Komisariatin e Elbasanit, Edvin Gjyli.

Ngjarja ndodhi në mesnate, kur automjeti tip Pasat ishte i parkuar në lagjen ’28 Nëntori’.  Edvin Gjyli prej disa muajsh është rikthyer në punë pas një pezullimi me vendim gjykate.

Në fund të korrikut të këtij vitit Gjykata e Apelit Durrës vendosi të rrëzojë masën e pezullimit nga detyra dhe të kthejë në krye të Komisariatit të Cërrikut, Bilal Semanaj dhe vartësin e tij, shefin e krimeve Albion Xhihani.

Këta të fundit, bashkë me dy oficerë policie, Edvin Gjyli dhe  Eduard Hasani  u pezulluan me vendim të gjykatës së Elbasanit, pas dyshimeve se nxorën sekretin, lidhur me një superaksion që u zhvillua nga policia me 1 korrik në aksin rrugor Elbasan-Papërr, gjatë të cilit u zbulua një arsenal armësh të sofistikuara. Por gjykata rrëzoi këtë pretendim duke rikthyer në detyrë të gjithë oficerët./abcnews.al

*Foto nga vendi i ngjarjes

flake.jpg
ger ta13:40 | 04/01/2020

Një pikë e grumbullimit të skrapit është përsfhirë nga flakët mesditën e sotme në Elbasan. Ngjarja ka ndodhur në hyrje të Elbasanit, në Katund të Ri.

Shërbimet zjarrfikëse kanë mbërritur në vendngjarje dhe kanë bërë të mundur shuarjen e flakëve.

Ndëkaq, zjarri ka rënë në momentin kur punëtorët kanë qenë duke prerë hekura. Dyshohet se një sasi vaji aty pranë është bërë shkak i flakëve. Nga zjarri ka vetëm dëme materiale./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono