ekstradimi

EKSTRADOHET-SELIM-STRUGA-ABC-1280x720.jpg
ent ela13:17 | 31/12/2018

Interpol Tirana në bashkëpunim me autoritetet amerikane ka ekstraduar një person të kërkuar nga autoritetet shqiptare për një vrasje të kryer 28 vite më parë. Selim Struga, 54 vjeç i lindur në Tiranë, u ekstradua nga Detroit pasi 6 vjet më parë gjykata e rrethit gjyqësor tiranë la në fuqi vendimin e gjykatës së apelit tiranë e cila e dënoi me 15 vjet burg për “vrasje me dashje”. Në 1989-ën Selim Struga ka vrarë me armë të ftohtë një shtetas në zonën e quajtur “Varri i Bamit”, ngjarje pas së cilës autori është larguar nga Shqipëria nëpërmjet kufirit me ish-Jugosllavinë. Struga ishte në gjendje arresti në Shtetet e Bashkuara prej vitit 2011, nga ku pritej edhe ekstradimi i finalizuar në 30 dhjetor të këtij viti. /abcnews.al

rinas-polici-ekstradim-642x330-1.jpg
ent ela14:28 | 15/12/2018

Një 43-vjeçar shqiptar është ekstraduar nga Greqia drejt vendit tonë, pasi ishte shpallur në kërkim ndërkombëtar.

Bardhok Frroku është dënuar me 16 vite burgim për vrasje me paramendim dhe armëmbajtje pa leje nga Gjykata e Pukës.

Si rezultat i bashkëpunimit të Interpol Tirana me Interpol Athinën, u bë i mundur  arrestimi dhe ekstradimi i tij nga Greqia drejt vendit tonë. /abcnews.al

GRUEVSKI-MAQEDONI-1280x720.jpg
ent ela11:01 | 15/11/2018

Pavarësisht vendimit të qeverisë së Hungarisë për dhënien e azilit politik për ish kryeministrin e Maqedonisë Nikola Gruevski, Shkupi do të vazhdojë përpjekjet për ekstradimin e tij. Ndërkohë dhe opozita në Hungari kërkon arrestimin e tij.

Maqedonia do të kërkojë ekstradimin e ish-kryeministrit Gruevski, ndërsa vazhdojnë procedurat për ekstradimin e Gruevskit pas largimit të tij në Hungari.

Ministria e Drejtësisë në Maqedoni, me anë të një deklarate për mediat konfirmoi se deri janë marrë masat e duhura për përgatitjen e dokumentacionit të plotë me të cilin do të kërkohet ekstradimi i tij.

Kryeministri maqedonas Zoran Zaev u shpreh optimist duke thënë se priste bashkëpunim të plotë nga shteti hungarez.

Ndërkohë partitë opozitare hungareze i kanë bërë thirrje qeverisë hungareze të arrestojë dhe të ekstradojë ish-kryeministrin maqedonas Nikola Gruevski sa më shpejt.

Partia nacionaliste hungareze “Jobbik” si dhe partitë e majta “Dialogu” dhe koalicionet Demokratike, këmbëngulën në faktin se Gruevskit duhet ti refuzohet azili dhe duhet të ekstradohet në Maqedoni. Zëdhënësi i “Jobbik” Adam Mirkocki, e cilësoi rastin si një skandal të paprecedentë, duke theksuar se Gruevski është kriminel në kërkim nga një vend ku nuk ka luftë, dhe se ai nuk është i përndjekur mbi baza fetare apo politike. Richard Barabash, zëdhënës i “Dialogut”, theksoi se vendi i Gruevskit është në qeli. /abcnews.al

pranga.jpg
ent ela09:07 | 23/10/2018

Një 54 vjeçar i shpallur në kërkim ndërkombëtar është arrestuar në Kavajë. Ai është Liman Beu, i cili do të ekstradohet drejt Italisë.

Gjykata e Breshias Itali ka lëshuar ndaj tij urdhër arresti ndërkombëtar për veprat penale “Vjedhje me armë”, “Pjesëmarrje në organizatë kriminale” dhe “Shfrytëzim prostitucioni”, të parashikuara nga nenet 600, 648, 628, 629, 582, 585 dhe 576  të Kodit Penal Italian dhe të Ligjit Italian nr.75 datë 20.02.1958.

Veprimet e mëtejshme do të kryhen nga Zyra e Interpolit në Tiranë.

Njoftimi i Policisë Kavajë

Arrestohet përkohësisht një shtetas i shpallur në kërkim ndërkombëtar me qëllim ekstradimi drejt Italisë.

Specialistët e Hetimit të Krimeve pranë Komisariatit të Policisë Kavajë, bën arrestimin provizor të shtetasit :

– Liman Beu, 54 vjeç, banues në Kavajë.

Beu është person i shpallur në kërkim ndërkombëtar, pasi Gjykata e Breshias Itali ka lëshuar ndaj tij urdhër arresti ndërkombëtar për veprat penale “Vjedhje me armë”, “Pjesëmarrje në organizatë kriminale” dhe “Shfrytëzim prostitucioni”, të parashikuara nga nenet 600, 648, 628, 629, 582, 585 dhe 576  të Kodit Penal Italian dhe të Ligjit Italian nr.75 datë 20.02.1958.

Veprimet e mëtejshme do të kryhen nga Zyra e Interpolit në Tiranë. /abcnews.al

policia-e-durresit.jpg
ent ela16:48 | 28/09/2018

Një person i shpallur në kërkim ndërkombëtar me qëllim ekstradimi drejt Italisë u kap nga policia e Durrësit. Ai është Erman Daci 46 vjeç nga Tirana, i denuar nga Gjykata e Napolit në Itali me 10 vite e 11 muaj burg. Mbi Dacin rëndojnë akuzat , “Shfrytëzim prostitucioni “,  ” Rrëmbim personi” dhe  ” Marrëdhënie seksuale me dhunë”.

Materialet i kaluan Prokurorisë së Rrethit Gjyqësor Durrës për veprime të mëtejshme. /abcnews.al

Policia-e-Tiranes-1280x662.jpg
ent ela09:32 | 23/06/2018

Specialistët për Hetimin e Trafikut të Paligjshëm, arrestuan me qëllim ekstradimi drejt Italisë, 47 vjeçarin e shpallur në kërkim ndërkombëtar. Marko Hidri, banues në Tiranë ishte shpallur në kërkim ndërkombëtar nga drejtësia italiane për veprën penale “Organizatë kriminale me qëllim shfrytëzimin e prostitucionit”.

47-vjeçari është dënuar nga Gjykata e Italisë me 4 vjet e 6 muaj burg për veprën penale “Organizatë kriminale me qëllim shfrytëzimin e prostitucionit.

Zyra e Interpol Tirana po kryen veprimet e mëtejshme për ekstradimin e këtij shtetasi drejt Italisë. /abcnews.al

PROKURORIA-PER-ARBER-CEKAJN-1280x720.jpg
ent ela20:37 | 14/05/2018

Ministrinë e Drejtësisë nisi pasditen e së hënës drejt Gjermanisë dosjen për ekstradimin e Arbër Çekajt, i akuzuari kryesor për narkotrafikimin e 613 kilogrameve kokaine. Dosja kishte mbërritur të premten e kaluar pranë Ministrisë së Drejtësisë, pasi u përpilua nga Prokuroria e Krimeve të Renda. Pjese e dosjes ka qene edhe masa e sigurisë për Çekajn si edhe disa materiale të tjera hetimore. Arbër Çekaj, pronar i “Arbri Garden” u arrestua rreth 10 dite më parë në Dysedorf të Gjermanisë, pas një operacioni të përbashkët mes policisë gjermane dhe asaj shqiptare. Çekaj pritet të ekstradohet në Shqipëri, ku do të përballet me akuzat trafik ndërkombëtar lendësh narkotike. Ndërkohë, Gjykata e Krimeve të Rënda ka caktuar ndaj Arbër Çekajt masën e sigurisë arrest me burg në mungesë.

613 kg kokainë u kapën në fund të muajit shkurt të fshehura në një konteinier me dysheme të dyfishtë.  Droga u konstatua fillimisht në një ngarkesë me banane dhe u ndoq derisa u mor në dorëzim nga përfaqësuesit e kompanisë së Arbër Çekajt.

Të arrestuar për këtë dosje janë dhe dy punonjës të kompanisë “Arbri Garden” Donaldo Lushaj e Armando Pezaku. /abcnews.al

FRAN-DASHI-1280x720.jpg
ent ela12:18 | 09/05/2018

Pa kaluar 24 orë nga ekstradimi i tij në Shqipëri, Izet Haxhia ka zhvilluar takimin e parë me avokatin e tij, Fran Dashi. Avokati tha se Haxhia ishte i lumtur për kthimin në vend dhe konfirmoi se brenda pak ditësh do të depozitojë kërkesën ligjore për rihapjen e dosjes “Hajdari”.

Pasi kaloi një natë në një qeli burgu në Shqipëri, Izet Haxhia zhvilloi takimin e parë me avokatin Fran Dashi. Në përfundim të takimit 40 minutësh, avokati përcolli për mediat përjetimin e klientit të tij pas ekstradimit.

“Ai është shumë i lumturuar që pas 20 vitesh rikthehete në atdheun e tij. Është shëndoshë dhe mirë, me memorie shumë të pastër. Ju siguroj që shëndeti i tij është i plotë”.

Avokati tregoi se pikësymini i Izet Haxhisë është rihapja e dosjes “Hajdari”. Dashi shprehu besimin e tij dhe argumentin, ku do bazohet kërkesa.

“Është gjëja më elementare. Jemi drejt përfundimit. Do t;i japim dorën e fundit, do ta depozitojmë në gjykatë. Shtetasi Izet Haxhia është gjykuar në të gjithë shkallët e gjykimit në mungesë dhe kjo do të thotë se kur një shtetas gjykohet në mungesë vetëkuptohet se çështja do rihapet”.

Avokati tha se klienti i tij nuk ka asnjë frikë për jetën.

“Si të gjithë të burgosurit e tjerë nuk ka rrezik për jetën sepse këtu jemi në vendin tonë, në Shqipëri”.

Izet Haxhia mbërriti në Rinas në orën 20:08 të së martës, pas një qëndrimi gati 11-vjeçar në Turqi, në pritje të ekstradimit.

Ish-truproja e presidentit Sali Berisha në vitet 1992-1997 u arrestua në territorin turk në vitin 2006, për shkak të një dënimi me çerek shekulli burg dhënë në mungesë për të në vitin 2002 nga Gjykata e Tiranës si pjesëmarrjes në ekzekutimin e Azem Hajdarit.

Izet Haxhia nuk ka pranuar asnjëherë përfshirjen në ngjarjen e vitit 1998. Në ditët në vijim, ai pritet të paraqitet në Gjykatën e Tiranës për konfirmimin e gjeneraliteteve dhe komunikimin e dënimit me 25 vite burg./abcnews.al

 

 

arbii.png
ent ela17:01 | 05/05/2018

Biznesmeni Arbër Çekaj, i arrestuar në Gjermani pas dyshimit të përfshirjes së tij në trafikimin e 613 kg kokaine kolumbiane, pritet të vijë brenda muajit në Shqipëri. Por nuk përjashtohet mundësia e zgjatjes së këtij afati, në rast se pala gjermane kërkon materiale shtesë.

Arbër Çekaj, administratori i “Arbri Garden”, i arrestuar të premten në Gjermani në zbatim të një urdhër-arresti të lëshuar nga Krimet e Rënda pritet të mbërrijë brenda muajit maj në Shqipëri. Biznesmeni i dyshuar si porositës i 613 kilogramëve kokainë të mbërritur në portin e Durrësit në dyshemenë e një kontenieri bananesh të ardhur nga Kolumbia qëndronte në arrati prej dy muajsh.

Këto ditë ai pritet dalë para një gjykate gjermane për caktimin e një mase sigurie shtërnguese me qëllim ekstradimin e tij në vendin tonë.

Më tej, pas administrimit të urdhrit të kërkimit ndërkombëtar, i cili përmban vendimin e Gjykatës për Krimet e Rënda për masën e sigurisë dhe dokumentacion shoqërues do të jetë po një gjykatë e gjermane ajo që do të vendosë mbi lejimin e përcjelljes së tij në Shqipëri. Një burim pranë Krimeve të Rënda sqaroi për “ABC Neës” se këto procedura, mund të kërkojnë një afat kohor prej gati një muaji. Por, sipas burimit, nuk përjashtohet mundësia që ky afat të zgjatët, nëse kërkohen materiale shtesë nga autoritetet gjermane,

Administrator i kompanisë “Arbri Garden”, u arrestua në një provincë të Dyseldorfit. Ai mbante identitetin e ndryshuar Arbër Jansen duke marrë mbiemrin e bashkëshortes së tij me origjinë daneze.

Për llogari të kokainës së bllokuar në magazinat e “Arbi Garden” në Maminas në 28 shkurt çështje Prokuroria për Krimet e Rënda po heton në masën e sigurisë “arrest në burg”  menaxherin Donaldo Lushaj dhe shoferi e firmës që transportoi ngarkesën, Armando Pezaku.

Sipas prokurorisë, sasia e kokainës së bllokuar kishte një vlerë prej gati 180 milionë euro. /abcnews.al

EKSDRADIM-ALFRED-RASA-1280x720.jpg
ent ela14:00 | 25/03/2018

Gjykata e Tiranës ka lejuar ekstradimin në Itali të 22 vjeçarit Alfred Rrasa, i dyshuar për vrasjen e një shqiptari dhe plagosjen e një tjetri në korrik 2017 në vendin fqinj. Motiv i ngjarjes dyshohet të ketë qenë konflikti për një femër.  “ABC News” ka siguruar një kopje të vendimit, ku zbardhet dinamika e krimit si dhe telefonata e fundit e viktimës.

Gjykata e Tiranës i ka dhënë përgjigje pozitive autoriteteve italiane të drejtësisë për të ekstraduar në këtë vend një 22 vjeçar nga Shkodra. Alfred Rrasa do të vendoset në dispozicion të palës italiane, pasi dyshohet të jetë një nga autorët vrasjes së një shqiptari dhe plagosjes së një tjetri në Cuneo, Itali. Rrasa u arrestua në janar 2018 në aeroportin e Rinasit, në zbatim të një urdhër-arresti ndërkombëtar të lëshuar ndaj tij nga Gjykata e Cuneso për akuzën e “vrasjes”, “vrasjes së mbetur në tentative” dhe “armëmbajtje pa leje”.

“ABC News” ka siguruar një kopje të vendimit që lejon ekstradimin e 22 vjeçarit, ku zbadhet dinamika e krimit, referuar akteve hetimore të përcjella nga pala italiane. Sipas hetuese të vendit fqinj, në orën 04:15 të 26 korrikut 2017, në vendin e quajtur Cavallermagiore brenda një automjeti tip “BMW X3” është gjetur i vrarë me armë zjarri shtetasi Andrea Lucaj. Viktima ishte në vendin e drejtuesit të mjetit, ndërsa në vendin e pasagjerit ishte Florian Kroni, i plagosur.

Nga marrja në pyetje e tij, si edhe analizimi i pamjeve filmike të kamerave të sigurisë pranë vendit të ngjarjes ka rezultuar se atentati është kryer  nga të paktën 3 autorë. Njëri prej tyre ka shërbyer i karrem. Pasi automjeti ka qëndruar pranë tij, dy persona të tjerë kanë hapur dyer e pasme të makinës dhe kanë filluar që qëllojnë me armë zjarri.

Hetimi ka zbuluar se viktima Lucaj dhe i arrestuari Rrasa kishin njohje me njëri-tjetrin.  Ditën e ngjarjes ata ishin konfliktuar, pas pretendimeve se Rrasa kishte folur keq për një vajzë. Takimi mes tyre ishte paraprirë nga një telefonatë e tensionuar mes të dyve, që sipas një dëshmitari ishte mbyllur me fjalët “do shihemi për t’u sqaruar”.

Alfred Rrasa rezulton të jetë dënuar dy herë me burg nga Gjykata e Shkodrës në vitin 2015 për akuzën e “moskallëzimit të krimit” dhe “drejtimit të parregullt të mjetit”, dënime që i ka vuajtur. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono