ekspozite

lutja.png
G. P.18:39 | 04/10/2018

Piktori Gazmend Leka  sjell autoportretin intim të artistit përmes  24 pikturave. Ekspozita “ Lutja” është një shtegtim mes jetës dhe vdekjes. Leka gjithnjë e ka konsideruar pikturën si një akt të gjatë lutjeje.

Të shijosh një ekspozitë në galeri është thjeshtë kënaqësi  që ndjen ose jo përballë të bukurës. Tablot mund të jenë një seri portretesh, peisazhesh, kolazhesh të krijuara me gjuhë të drejtpërdrejtë apo përmes metaforave dhe abstraksionit. Piktori i njohur Gazmend Leka, ka preferuar ta çojë spektatorin më tej, drejt vuajtjeve të murgut, që për fe kanë artin.

Lutja e tij nuk është e lehtë, pasi ai pasqyron me gjuhën e pikturës, kontrastin e fortë jetë-vdekje të artistit. Gazi përmes pikturës nxjerr frikën ndaj vdekjes, ku ai e sjell përmes metaforës edhe veten në grykë të varrit edhe pse kur e kujton mbyll syte dhe dridhet frikë.

Kuratori Ermir Hoxha thotë se ekspozita është ndërtuar ashtu siç nis procesi krijues i Gazmend Lekës. Ekspozita  e piktorit Gazmend Leka do të qëndroë e hapur ne galerinë FAB deri në fund të Tetorit.

“Lutja” përmes 24 pikturash në galerinë FAB i dedikohet  një heshtjeje të madhe që është procesi krijues.  Tablotë ku në qendër është vetë uni i artistit përcjellin vegime imagjinare, shpirtërore, e si qendër kanë metaforën e vdekjes së artistit./abcnews.al

mehmet-pashe-deralla.jpg
G. P.16:49 | 24/07/2018

Ekspozita fotografike “Rrugëtimi i kujtesës historike”  sjell portretin e Mehmet Pashë Derallës, krijuesit të ushtrisë shqiptare dhe ministrit të Luftës në Qeverinë e Përkohshme të Vlorës. Dokumentet dhe fotografitë historike dhe familjare të Derallës prezantohen për herë të parë për publikun në kuadër të 175-vjetorit të tij. /abcnews.al

laguna-e-karavastase.jpg
G. P.16:40 | 30/06/2018

Kafshët dhe shpendët të fotografuar në habitatet e tyre, u sollën përmes fotografisë nga persona të profesioneve të ndryshme, por që kanë pasion fotografinë. Qëllimi i kësaj ekspozite në Parkun e Divjakës, ishte promovimi dhe mbrojtja e faunës në trojet shqiptare.

Të  profesioneve të ndryshme e që kanë pasion fotografinë. Kur ajo përcjell një mesazh të rëndësishëm kthehet në mision shpëtimi. Këtë kanë dashur të arrijnë Aurora dhe Liridani nga Kosova. Kafshët dhe shpendët e egër të fotografuar në habitatet e tyre. Nuk ka qenë e lehtë të kapje momentin e duhur, por në fund ia ka vlejtur. 40 fotot më të mira u ekspozuan në Parkun Kombëtar Divjakë-Karavasta, për të promovuar faunën e trojeve shqiptare. Foto të shkrepura në pyjet e Kosovës dhe të Shqipërisë.

Pelikani kaçurrel, simbol i lagunës së Karavastasë, por edhe specia më e rrezikuar për zhdukje është sjellë e fotografuar nga profesor Taulant Bino. Betonizimin e parkut dhe urbanizimin e zonave bregdetare, Bino e sheh si një ngjarje të afërt, ndaj kjo ekspozitë sjell një mesazh të veçantë, ruajtjen e ekosistemit natyror, pa të cilin nuk do të kishte jetë në planetin Tokë.

Parku Kombëtar Divjakë-Karavasta numëron 250 specie të shpendëve dhe është një nga zonat me numrin më të madh të tyre në Shqipëri. Fotografitë në këtë park dolën për herë të parë, kurse javën e ardhshme ato do të ekspozohen në Tiranë dhe në Kosovë./abcnews.al

palestra.jpg
G. P.17:40 | 26/06/2018

Një fotograf holandez ka hulumtuar traumat e pasluftës në Kosovë dhe ka studiuar të gjitha traumat e pasluftës. Vite të shkrepjes së aparatit të tij janë bërë ekspozitë në Beograd pasi autori ka dashur së pari ta tregojë dhimbjen tek publiku për të cilin ka folur dhe më pas në vendlindje.

Willem Poelstra, është fotograf holandez. Pas vdekjes së prindërve e kishte kuptuar se i ati kishte punuar në ndërtimin e trenave që ccuan hebrenjtë ne vdekje. E ëma ishte hebraike. Kutia me dedikim të historisë personale e shtyu të shkonte në Kosovë. Portrete, histori, tragjedi e çifte të ndaluara. Koha e pasluftës lë trauma. Historitë e shqiptarëve dhe serbëve në një ekspozitë në kryeqytetin serb. Diskutimi duket i hershëm dhe i vonuar. Viktima janë njerëzit, askush nuk është fitues.

Willem Poelstra, fotograf: “Në shumë vende në Europë dhe këtu e shikon se si në Maqedoni, si Mali i Zi, Shqipëria është ndryshe dhe në Kosovë e shikon që njerëzit jetojnë përtej kufijëve, ata që mund të quhen një fis sic janë kurdët apo shqiptarët jetojnë në vende të ndryshme. Kjo shkakton përplasje pasi kthehemi në histori dhe kjo në Perëndim është e zgjidhur, por jo në këtë pjesë të botës”.

Evropa e frikësuar ka gjetur strehën tek uniteti. Liria dhe diskutimi janë të rëndësishme për të mbyllur mundësinë e ripërsëritjes.

Willem Poelstra: “Unë vij nga një vend shumë demokratik dhe jemi vendi i dytë në botë për liri të shtypit. Besojmë se mediat të vështrojnë dhe është gjë e mirë për demokracinë. Nuk besoj se një foto shpëtoi Vietnamin pasi jemi në kohën e internetit, por sa më shumë që bëjmë krijojmë debat dhe gjejmë zgjidhje”.

Fotografi ka ende të zhdukur rreth 90 persona të familjes së tij që prej luftës së Dytë Botërore. Poelstra ka kaluar vite, duke bërë hartat e dhimbjeve në historitë e tij të së ardhmes për të shkuarën./abcnews.al

EKSPOZITA-BANKA-1280x720.jpg
ent ela22:00 | 11/06/2018

Ekspozita “Gjergj Kastrioti Skënderbeu në monedhën dhe kartmonedhën shqiptare , e hapur më 17 janar në muzeun e Bankës së Shqipërisë në Tiranë, ka çelur dyert në Kosovë me rastin e 140 vjetorit të Lidhjes së Prizrenit.

Banka e Shqipërisë në bashkëpunim me Bankën Qendrore të Republikës së kosovës organizuan ekspozitën “Gjergj Kastrioti Skënderbeu në monedhën dhe kartëmonedhën Shqiptare”. Data e zgjedhur për çeljen e saj, 10 qershori, përkon me përvjetorin e 140-të të Lidhjes së Prizrenit në ndërtesën e së cilës u organizua edhe ekspozita. Në ceremoni ishin të pranishëm Presidenti i Republikës së Shqpërisë, Ilir Meta, ai i kosovës Ramush Haradinaj dhe personalitete të dy shteteve shqiptare.

Koleksioni i përzgjedhur për këtë ekspozitë të përkohshme, prezanton monedha dhe kartmonedha shqiptare të viteve 1921 – 1996 në të cilat shfaqet heroi kombëtar si dhe simbole të lidhur me të. Ekspozita, e cila do të qëndrojë e hapur deri më 12 qershor, shoqërohet edhe me një kënd informacioni ku vizitorët mund të njohen me funksionet e bankave qendrore dhe tematika të tjera të edukimit financiar. /abcnews.al

PETRIT-YMERI-PER-ILUSTRIMIN-1-1280x720.jpg
ent ela15:08 | 30/03/2018

Pikturat dhe grafikat të cilat janë realizuar nga ilustruesit ndër vite në librat dhe revistat për fëmijë do të bëhen bashkë në një ekspozitë në Muzeun Historik Kombëtar të hënën. Organizatori i këtij projekti Petrit Ymeri thotë se përgjatë javës së ardhshme do të ketë një sërë aktivitetesh ku protagonistë do të jenë nxënësit e liceve artistikë të Shqipërisë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono