ekspertet

teremti-demte-1-1280x853.jpg
in a15:58 | 03/12/2019

Ekspertet sizmikë  Vilson  Bare dhe Vilson Silo në një intervistë për “ABC News” thonë se nuk ka vend për panik dhe se lëkundjet pas tërmetit do të vazhdojnë. Specialistët theksojnë faktin se qytetarët duhet t’i kthehen normalitetit. Ndërkohë që  sipas tyre,  fenomeni që u vu re në ndërtesat shumëkatëshe ishte se mungonin brezat antisizmik.

Rreziku pas tërmetit të  26 nëntorit sipas specilistëve ka kaluar tashmë nuk  ka vend më për panik.  Sipas ekspertëve të sizmiologjisë lëkundjet pas tërmetit do të vazhdojnë edhe për disa kohë.

Ky tërmet  sipas specialistëve nxorri në pah  ndërtime  shumëkatëshe në truall të palejueshëm dhe jashtë standardeve sizmike.

Për Vilson Silo nga kjo situatë duhet të dalin shumë mësime ku të ketë edhe ndëshkim ligjor nëse nuk zbatohen kriteret në ndërtime. Specialistët i bëjnë thirrje qytetarëve që t’i kthehen normalitetit./abcnews.al

banrr.jpg
nev ila16:25 | 02/12/2019

Grupet e ekspertëve të huaj, ata zviceranë dhe francezë, në bashkëpunim me kolegët shqiptarë, kanë inspektuar disa nga pallatet e dëmtuara nga tërmeti në Durrës. Ata u shpjeguan banorëve se nëse pallati apo ndërtesa ka një shenjë të kuqe do të thotë që konsiderohen të pabanueshëm.

Nëse pallati juaj ka një kryq të kuq, ai rezulton i pabanueshëm.

Një pallat shumëkatësh  në lagjen 17 në Durrës iu nënshtrua inspektimit nga ekspertë të huaj dhe shqiptarë.

Me pas specialistët u shpjeguan banorëve të pallatit për gjendjen e tij:

Ne pamë që nuk ka dëmtime shumë të mëdha, dhe ne jemi të besueshëm. Ka tre shtylla ku ka nevojë për hulumtime të thella. Këto 3 shtylla ne i kemi markuar me ngjyrë të kuqe dhe nuk ka arsye që ndërtesa të shkatërrohet”.

Banoret kërkojnë të dinë se me çfarë është bërë vlerësimi.

“Për shkallën e parë, është parë me çekiç. Shkallën e dytë, për sa i përket këtyre 3 shtyllave që janë shënuar me të kuqe, kanë nevojë për hulumtime dhe studime specifike që do të duhet të ndodhin më mbrapa. Objekti është i pabanueshëm dhe akt ekspertiza është kjo: asnjë banor nuk do të hyjë brenda, pasi në shkallët e katit të parë ka patur carje sepse skema statike e zgjedhur për shkallët nuk ka qenë e përshtatshme. Kjo skemë statike ka bërë që shkallët të thyhen por nuk përbën rrezim për qëndrueshmërinë e objektit. Ne nuk e dimë se sa mban objekti, këtë hiqeni nga mendja. Asnjë nga ju nuk do hyjë  në banesë. Policia do të marri masat”

Në një  moment të dytë ai sqaron se tre kolonat  me shenjë të kuqe duhet të studiohen hollësisht.

“Ne jemi të interesuar të gjejmë nëse ka dëme sidomos nëse ka dëme në strukturë. Nga aq sa kemi parë deri tani, dëmtime në strukturën kryesore janë të paktën 3 pika që ne i kemi shënuar dhe kanë nevojë për më shumë hetime por në pjesën tjetër të ndërtesëës nuk ka dëmtime të tilla në strukturën kryesore. Ne po shkëmbejmë informacione me kolegët tanë nga Franca dhe ata shqiptarë. Pra jemi 3 palë që vlerësojmë situatën. Për momentin kjo anë e ndërtesës është e pabanueshme. Ne kemi mbajtur shënim cdo informacion dhe vëzhgim të cilat i janë dorëzuar kolegëve tanë shqiptarë dhe që rrjedhimisht do të duhet të jenë në duart e autoriteteve shqiptare. Policia ka rrethuar këtë vend pasi për momentin ndërtesa është e pabanueshme por nuk ka rrezik shembjeje. Kjo është një ndërtesë që në këto raste ne e kategorizojmë me shenjë të verdhë, që nënkupton se kjo ndërtesë është e pabanueshme që duhen hetime dhe vëzhgime të mëtejshme por njëkohësisht nuk ka rrezik që struktura të shembet”

Në një intervistë për ABC News, eksperti zvicerian Moser Ronny shpjegon detajet që duhet të kenë parasysh banorët për pallatin:

“Ne jemi të interesuar të gjejmë sidomos nëse ka dëme në strukturë. Nga aq sa kemi parë deri tani, konstatojmë se ka dëmtime në strukturën kryesore, janë të paktën tre pika që ne i kemi shënuar dhe që kanë nevojë për më shumë hetime. Por në pjesën tjetër të ndërtesës nuk ka dëmtime të tilla në strukturën kryesore. Ne po shkëmbejmë informacione  me kolegët tanë nga Franca dhe ata shqiptarë, pra jemi tre palë që vlerësojmë situatën. Për momentin kjo anë e ndërtesës është e pabanueshme. Ne kemi mbajtur shënim çdo informacion dhe vëzhgim, të cilat i janë dorëzuar kolegëve tanë shqiptarë dhe që rrjedhimisht do jenë në duart e autoriteteve shqiptare. Policia ka rrethuar këtë vend pasi për momentin ndërtesa është e pabanueshme, por nuk ka rrezik që ndërtesa të shembet. Kjo është një ndërtesë të cilën në këto raste ne e karakterizojmë si një “ndërtesë të verdhë”. Kjo nënkupton që kjo ndërtesë është e pabanueshme, që duhen njëkohësisht hetime dhe vëzhgime të mëtejshme, por njëkohësisht nuk ka rrezik që struktura të shembet”.

11 grupe  në terren po inspektojnë ndërtesat e dëmtuara  nga tërmeti. Ato përbëhen nga 70 inxhinierë, 50 të huaj nga 6 vende të Bashkimit Europian  dhe 20 shqiptarë./abcnews.al

 

peter-glerum-1280x853.jpeg
nev ila10:15 | 02/12/2019

Drejtuesi i ekipit të Mbrojtjes Civile në Bashkimin Evropian, Peter Glerum, deklaroi se ekipet ndërkombëtare do të vazhdojnë të qëndrojnë në Shqipëri, deri në vlerësimin e plotë të dëmeve të shkaktuara nga tërmeti katastrofik i 26 nëntori.

Në një konferencë për media me ambasadorin e BE, Luigi Soreca, numri një i emergjencave në BE deklaroi se ekspertët ndërkombëtar kanë ardhur që të martën dhe nuk do të largohen, deri kur të sigurohen që njerëzit në nevojë do të marrin ndihmë.

“Ne do jemi këtu deri në vlerësimin e plotë të dëmeve dhe deri në momentin kur ndihma ndërkombëtare të shkojë në destinacion dhe do sigurohemi se çdo njeri që është në nevojë do ta marrë atë. Për momentin kemi krijuar një bashkëpunim të shkëlqyer me qeverinë shqiptare”, tha Glerum.

Më tej, drejtuesi i emergjencave deklaroi se situata në Shqipëri pas tërmetit ishte kaotike, por sipas tij, po bëhet një strukturim i mirë për koordinimin e të gjithë aktiviteteve për rimëkëmbjen e kësaj situate.

“Jam këtu me një ekip ekspertësh të BE dhe Kombeve të Bashkuara, duke kombinuar përpjekjet tona në një reagim ndërkombëtar për të siguruar një reagim të koordinuar. Ne filluam operacionin e kërkim-shpëtimit, ekipe nga vendet e BE dhe jashtë saj erdhën në Shqipëri për të kërkuar njerëzit nën rrënoja. Kjo etapë ka përfunduar me disa operacione të suksesshme shpëtimi, por me keqardhje u shënuan edhe viktima. Kjo është një pjesë e rëndësishme. Ishte një situatë kaotike në fillim, por tani një strukturë e themeluar mirë, me ministrin Çuçi, për të koordinuar të gjithë aktivitetet dhe ne e mbështesim atë. E mbështesim në vlerësimin e dëmeve, pra ne vlerësojmë të gjithë ndërtesat për sigurinë për të siguruar të gjithë shqiptarët të dinë nëse mund të kthehen në shtëpitë e tyre ose nëse ato duhen riparuar apo shkatërruar plotësisht. Dje patëm 38 inxhinierë në terren, sot do të kemi 50 dhe operacioni do të vazhdojë edhe ditët në vijim. Do të jetë një kombinim mes shqiptarëve dhe inxhinierëve ndërkombëtarë për të siguruar standardet ndërkombëtare. Ky proces po ecën mirë. Gjithashtu, po mendojmë edhe për njerëzit që duhen strehuar përkohësisht, për njerëzit që kanë humbur gjithçka për momentin po vijon një vlerësim i nevojave për t’u siguruar se cilët janë ata persona që kanë nevojë për ndihmë. Ndërkohë, ne sigurohemi se këto ekipe janë dërguar në vend. Ekipet ndërkombëtare janë dërguar për të ofruar ndihmë”, deklaroi ai./abcnews.al

byro-politike-juristet-1280x613.jpg
nev ila22:50 | 13/11/2019

Në studion e “Byro Politike”, mbrëmjen e sotme, me gazetaren Juli Xhokaxhi, kanë qenë të ftuar ekspertë të jurisprudencës shqiptare.

Në një diskutim, për ngërçin e krijuar për zgjedhjen e anëtarëve të Gjykatës Kushtetuese, i krijuar mes institucionit të Presidentit, Parlamentit dhe KED, ata thanë se ky proces i përzgjedhjes së tyre duhet të vazhdojë.

Më tej ata u shprehën se, ndryshimi i Kushtetutës është i domosdoshëm, për të evituar përsëritje të konfliktit mes institucioneve.

Por si do të zgjidhet ngërçi i Gjykatës Kushtetuese? Ja si përgjigjen ata:

Prof. Shefqet Muçi: Procedura po vazhdon dhe është normale, pra duhet të ecë.  Konflikti aktual i palëve është për kapriço. Nëse do ketë mirëkuptim mes tyre do të ketë zgjidhje.

Shkëlqim Hajdari, ish-prokuror: Faktorët politikë të koordinuar me faktorët e përgjegjshëm ndërkombëtarë në Shqipëri, ti krijojnë kushtet dhe ti kërkojnë llogari rritjes së ritmit të dy komisioneve, të nivelit të parë dhe të apelimit të vettingut. Këto njerëz që punojnë në vetting, nuk mund të funksionojnë si shtet ishullor. Komisionet e vettingut mund të shkarkojnë njerëz, por jo të bëjnë nga 1 gjyq në jave, por duhet të shtojnë punën e tyre e të përshpejtojnë ritmet. Atyre duhet t’u rritet puna për kalimin sa më shumë në vetting, të prokurorëve dhe gjyqtarëve, në mënyrë që të zhbllokohet sistemi.  Gjithashtu organet më të larta në Shqipëri duhet që në mënyrë urgjente të ndryshojnë kushtetutën për të zhbllokuar Gjykatën Kushtetuese.

Jordan Daci, avokat: Lëvizja e Kuvendit për të emëruar 2 kandidatë në vend të 1, dhe për tu shprehur për zonjën Vorpsi, ishte lëvizje e pastër politike, për ti marrë Presidentit të Republikës kompetencën, dhe për të vënë një anëtar të vetin, gjithashtu për të mos emëruar zonjën Xhaferllari. Kjo është një lëvizje e dukshme politike. E vetmja zgjidhje për këtë situatë, është ndryshimi i Kushtetutës, i cili do ti hapte rrugë një gjykate pa këto probleme themelore.

Ledjon Braho, Avokat: Nuk mund të presim ndryshimet kushtetuese në një kuvend të tillë, që të reformojmë Gjykatën Kushtetuese, jemi në një rreth vicioz. Në këtë situatë nuk mundet që të presim ndryshimet kushtetuese. Duke qenë në këto kushte, duhet të vazhdojë emërimi i anëtarëve të Gjykatës Kushtetuese./abcnews.al

KRONIKE-ZGJEDHORJA.mpg_snapshot_00.01-1280x720.jpg
ent ela18:44 | 05/11/2019

Komisioni i Reformës Zgjedhore thirri sot për të dëgjuar shoqërinë civile, por mbledhja u kthye në sherre e debate personale mes opozitës së re dhe mazhorancës. Të gjithë pranojnë se puna e deritanishme për reformën, mund të hidhet poshtë, nëse në një moment palët bien dakord për të ndryshuar sistemin zgjedhor.

Ishte parashikuar si një seancë dëgjimore me ekspertë zgjedhorë dhe shoqërinë civile mbi reformën elektorale në vend, por nisi ndryshe.

Damian Gjiknuri ju tha të ftuarve se kjo mbledhje nuk do të diskutonte për ndryshimin e sistemit zgjedhor, por opozita parlamentare, nuk ka shqetësim tjetër.

Nëse sistemi ndryshon, tani ose vitin tjetër, atëherë puna e bërë deri tani nga komisioni parlamentar shkon dëm.

Deputetët, të ngacmuar nga shoqëria civile për shpenzimet e tyre ne fushatë, u hodhën në kundërsulm.

Ekpsertët e atashuar pranë komisionit zgjedhor janë duke punuar një dokument për depolitizimin e administratës zgjedhore, dokument të cilin duan ta përfundojnë brenda këtij muaji.  /abcnews.al

makinat-1280x720.jpg
ent ela15:34 | 28/10/2019

Rritja e numrit të aksidenteve rrugore ka si shkaktar kryesor drejtimin e gabuar të mjetit nga shoferet dhe këmbësorët që nuk tregohen të kujdesshëm. Gjatë 9 muajve humbën jetën 157 persona sipas të dhënave zyrtare të policisë. Por  ky numër mund të jete edhe më i lartë, pasi në komunikatën e brendshme nuk regjistrohen të gjitha rastet e aksidenteve fatale.

Një ndër shkaktarët kryesorë të aksidenteve fatalë, sipas shefit të Sektorit për sigurinë Rrugore në Policinë e Shtetit, Skënder Ismaili janë vetë drejtuesit e automjeteve. Ismaili theksoi gjatë emisionit “ABC-ja e Mëngjesit” se këmbësorët duhet të tregohen më të vëmendshëm kur kalojnë nga njëra anë e rrugës në tjetër.

Për të ulur numrin e aksidenteve me vdekje, ekspertët e sigurisë rrugore propozojnë rritjen e gjobës për drejtuesit e automjeteve që qarkullojnë me shpejtësi të lartë dhe që janë gjendje të dehur.

Në 9 muaj kanë humbur jetën 157 persona nga aksidentet rrugore.

Raporti që u fsheh, siguruar ekskluzivisht nga Abc News

Por shifrat vjetore do të ishin edhe më ta larta nëse në komunikatat e policisë do të pasqyroheshin të gjitha rastet e aksidenteve fatale. ABC Neës ka mundur të sigurojë një nga disa rast e komunikatës së brendshme policore që mban datën 15 janar 2019.

Altjon Agalliu ka humbur jetën por, i ndjeri u raportua si i plagosur. Ngjarja ka ndodhur rrethrrotullimin e Saukut. Agalliu u gjet nga familjarët e tij pas aksidentit disa metra larg mjetit dhe humbi jetën rrugës për në spital.

Gazetar i ABC News: Andi Qosja

 

KRONIKE-EKSPERTET-PER-ZGJEDHJET.mpg_snapshot_00.14-1280x720.jpg
ent ela15:59 | 07/10/2019

Edhe ekspertët zgjedhorë në Shqipëri bien dakord se Kosova i kryen zgjedhjet më me cilësi e shpejtësi në Shqipëri. Anëtarët e KQZ-së sonë veçojnë se shpejtësia e rezultatit ndikohet nga fakti se numërimi bëhet aty ku votohet, ndërsa të gjithë bien dakord se besimi i palëve politike tek administrata zgjedhore në Kosovë është më e lartë se në Shqipëri. Ndjekim qëndrimet e Klement Zgurit, Bledar Skënderit dhe Kristaq Kumes.

Kosova i nxorri rezultatet paraprake të votimeve të së djelës brenda pak orësh, duke sfiduar Shqipërinë në shpejtësinë e këtij procesi.

Anëtari i KQZ-së, Bledar Skënderi tregon për ABC News se pse Shqipëria e hoqi këtë formë numërimi që në vitin 2005. SINK BLEDI

Ish kryetari i KQZ-së, Kristaq Kume,  vecon se edhe kur Shqipëria i numëronte kutitë aty ku votohej, prapë nuk kishte paqe.

Kryetari i KQZ-së, Klement Zguri pranon realitetin.

Për Bledar Skënderin politikanët kosovarë dallojnë nga ata shqiptarë dhe në një pikë tjetër.

Mungesa e frikës nga ligji është problem i Shqipërisë edhe për Kristaq Kumen.

Ky është një rast për të drejtuar sytë nga Komisioni i Reformës Zgjedhore.

Bledar Skënderi nuk mendon që reforma do të ndryshojë formulën e numërimit.

Për Kristaq Kumen, edhe një element tjetër e nxjerr Kosovën shumë përpara nesh.

Në Kosovë, brenda 10 vjetëve shtet, morën pjesë në votim përmes postës, edhe emigrantët, çështje të cilën Shqipëria nuk po e zgjidh edhe kur ka kaluar 100 vjet shtet. /ABC News Albania 24/7

EKSPERTET-PER-SIGURIMIN-E-NDERTIMEVE.mpg_snapshot_00.34-1280x720.jpg
ent ela15:43 | 05/10/2019

Vendimi i qeverisë që detyron ndërtuesit të garantojnë kontratë sigurimi 10-vjeçare, sipas ekspertëve është i vonuar dhe nuk duhet të sillet në vëmendje vetëm në raste fatkeqësish. Ekspertët shprehen se pavarësisht se mbulimi i sigurimit do të kryhet nga ndërtuesi, në fund të fundit kostoja do të rëndoje xhepat e blerësit.

U desh rasti i tërmetit të rënë para pak javësh që qeveria të merrte vendimin që detyron ndërtuesit të lidhin një kontratë sigurimi 10-vjeçar me blerësit. Megjithatë ekspertët e polices së sigurimit tregojnë se çfarë mbulon ky sigurim, i cili nuk përfshin fatkeqësitë natyrore si zjarret dhe termetet

Ekspertët e ekonomisë shprehen se kjo kontratë sigurimi edhe pse ligji e parashikon që do paguhet nga ndërtuesi, në fund të fundit barra e kostos bie tek blerësi apo konsumatori

Por sa është kostoja e sigurimit të një banesë rreth 100m katrorë për 1 vit?

Në vendin tonë sigurimi i ndërtesave zbatohet kryesisht në rastet e vendosjes së tyre si kolateral për kredi nga bankat ose në rastet e bizneseve të rrezikuara nga përmbytjet apo fatkeqësitë e tjera natyrore, por që nuk ka të bëje me vendimin e ri të Këshillit të Ministrave. /ABc News Albania 24/7

 

Barrikada-mbi-Ure-009-1.jpg
ent ela19:20 | 17/06/2019

Kanë kaluar 5 vjet nga heqja e barrikadës në urën e Ibrit në Mitrovicë. Megjithatë ekspertët vlerësojnë se heqja e barrikadës është vetëm fizike, pasi barrierat për bashkimin e Mitrovicës ekzistojnë ende.

Në mëngjesin e 17 qershorit 2014 u largua barrikada mbi lumin Ibër, e cila që nga viti 2011 ishte simbol i ndarjes fizike së veriut të Kosovës.

Barrikada ishte hequr nga të njëjtit  që e patën vendosur të ashtuquajturit “rojat e urës”.

Por heqja e saj tash pas 5 vjetësh kosniderohet vetëm fizike.

Iniciativa e Bashkimit Evropian për të financuar një projekt për relativizimin e kësaj ure konsiderohet e dështuar.

Por a ka pasur vullnet politik që pas heqjes së barrikadës të punohet në Bashkimin e pjesës veriore të Kosovës me atë jugore?

Haxholli kërkon që kjo çështje të jetë pjesë e bisedimeve në Bruksel.

Pas përfundimit të luftës çështja e veriut të Kosovës konsiderohet si një nga çështjet kryesore të pazgjidhura. Kryetarët e katër komunave të veriut për çdo veprim të tyre pyesin Beogradin, ndërsa anashkalojnë institucionet e Kosovës. /ABC News Albania 24/7

byro-1280x720.jpg
ad min23:15 | 22/05/2019

Në aktivitetin organizuar rreth sigurisë në Ballkan dhe rolit të aktorëve të jashtëm në kohën e tranzicionit euroatlantik, presidenti Meta mesazhet e forta ja drejtoi kujtdo që reformën në drejtësi të votuar tre vjet më parë e quan “sukses për tu marrë shembull.”

“Nëse do ishte me të vërtetë një sukses Shqipëria asnjë minutë nuk do ishte pa gjykatë Kushtetuese. Reforma nuk bëhet me retorikë, bëhet me standarde. Nëse reforma bëhet me emra atëherë asnjëherë nuk ka një reformë të qëndrueshme, por forma të reja për kapjen e institucionit”, tha Presidenti.

Këto deklarata të bërë nga Meta janë komentuar një panel ekspertësh në emisionin “Byro Politike”. Të ftuarit, juristi Sokol Azizaj, ish-ministri i Drejtësisë Shefqet Muçi, juristi Çlirim Gjata dhe juristi Jordan Daci, janë shprehur se Meta ka të drejtë të bëjë deklarata të forta publike.

Sokol Azizaj: “Duhet thënë me pak fjalë dhe kam përshtypjen që deklarimet e Presidentit të Republikës duhen parë në dy dimensione: Dimensioni i parë është se për shkak të detyrimit kushtetues Presidenti mund të bëjë në deklaratë të karakterit publik edhe brenda institucioneve publike si Parlamentit. Kuvendi për të thënë të vërtetën sot ka mare pamje  njëngjyrëshe. Dhe çdo lloj deklarate e Presidenti në një Kuvend i cili është njëngjyrësh nuk do të kishte marrë përmasa dhe sensibilitetin e asaj çka ne konstatojmë dhe diskutojmë sot. Dhe momenti i dytë është se Presidenti të gjithë deklaratën e tij i ka si pjesë të gjithë aktivitetit prej tre vjetësh, ose asaj çka ai ka grumbulluar dhe akumuluar në raport me atë se çka qëndron pas reformës në drejtësi. Me atë çka në mënyrë të përhershme politikanët, pse jo edhe Kryeministri kanë motivuar atë që thotë reforma në drejtësi. Nëse ju i referoheni kujtesë historike të këtyre tre viteve, që nga momenti i konceptimit të reformës një nga moment që është thënë dukshëm por pa e përmendur ka qenë që Meta është thelbi i gjithë akumulimit të perceptimit negativ për drejtësinë. Kjo do të thotë se nëse drejtësia do të këtë  një pasojë pozitive është figura e Metës. Normalisht kjo ka sjellë sensibilitetin e duhur tek ai që sot për shkak të marrëveshjes ka ardhur si President i Republikës. Në këto kushte unë mendoj se nuk janë fare të rastësishme deklarimet e tij”.

Shefqet Muçi: “Këto mangësitë e reformës në drejtësi sidomos në drejtin të vonesë nuk është se i konstatoi Presidenti i Republikës tani. Ato janë ngritur nga specialistët, janë ngritur nga opinioni i juristëve janë ngritur edhe në media. Tani  duket se u fry situata dhe shpërtheu edhe kreu i shtetit. Mua më duket se pavarësit nga tonet mënyra e parashtrimit të problemit, ai në thelb ka të drejtë. Reforma në drejtësi pavarësisht nga propaganda që bëhet ende është larg, nuk po bëhet. Po flitet për Gjykatën Kushtetuese se do ta bëjmë pas një muaji, pas dy muajsh, pas tre muajsh. Nuk ngrihet Gjykata Kushtetuese, të mos gënjejnë vetën. Nuk formohet Gjykata Kushtetuese pa u formuar Gjykata e Lartë. Gjykatë Kushtetues është bërë pazar, janë tre të tutë, tre të mitë e tre të Jordanit. Do të thotë që tre i ka Presidenti, tre i ka Kuvendi dhe tre i ka Gjykata e Lartë. Tani që të ngrihet Gjykata Kushtetuese duhet të zgjidhet Gjykata e Lartë. Ju nuk keni Gjykatë të Lartë.  Edhe tre veta që ishin, iku edhe  një sot dhe kanë ngelur vetëm dy”.

Çlirim Gjata: “Unë e kam thënë edhe në krye të herës së Meta po mban qëndrim Presidencial. Po mban atë qëndrim që duhet të mbajë  një President me aq pak mundësi sa ka, me aq sa i jep hapësirë kjo Kushtetutë që kanë ardhur duke e zvogëluar dhe kushtëzuar. Dhe jo vetëm me Kushtetutë por kanë nxjerrë ligje që nëpërmjet grremçave ligjore ai ekzekutojë ato kompetenca që ka. . Kur them që mbajti qëndrim presidencial, nuk është çështja e parë. Ai ka mbajtur qëndrim tek çështja e Teatrit. Janë 200 milionë euro në tavolinë dhe presin të ekzekutohen dhe pastrohen tek toka e teatrit. Dy herë e ktheu ligjin e teatrit. Ka mbajtur të njëjtin qëndrim dekretimit të ministrave, ku një ushtarak pa hequr gradat në kundërshtim e Kushtetutën zoti Rama e propozonte për ministër, ky nuk e pranoi. E dyta morën një djalë të vogël i cili sapo kishte marrë atë dekoratën miku i vogël i librit dhe e bënë ministër. Zoti Meta ka mbajtur qëndrimin e vërtetë presidencialit e quaj unë që duhet të mbajë një President.  Jo vetëm që vuri gushtin në plagë dhe nuk po përsëris se është e shkruar, Meta shtroi zgjidhje dhe i kërkoi Brukselit që të sjellë komision monitorimi”.

Jordan Daci: “Unë e shikoj ndryshe situatën. Në radhë të parë Presidenti i Republikës është kreu i shtetit dhe ka të drejtë të ngrejë shqetësime qoftë edhe të atij karakteri aq më pak që  është edhe kreu i politikës së jashtme. Tek e fundit raporte tona me BE përveçse raporte partneriteti janë edhe raporte diplomatike të politikës së jashtme që e ka për detyrë ta udhëheqë. Normalisht që shqetësimi mund të lexohet në këndvështrime të ndryshme dhe unë nuk e shoh aspak me çështjen e të përfolurit të vetë Presidentit.  Ai po sillet si President në raport me pozitën. Por unë kam një mendim krejt ndryshe, për një arsyen se unë e shikoj shkakun numër një të gjithë dështimit gjithë klasën politike papërjashtim sot. Klasa politike është ajo që e ka çuar Shqipërinë në këtë situatë. Jo po mos t’i ndajmë blu dhe të kuq kur është fjalë për reformën në drejtësi. E para klasa politike është në konflikt të pastër interesi në raport me reformën në drejtësi, e gjithë klasa. Sepse nga të dy palët pa përjashtim ka kandidatë të mjaftueshëm për burg, që madje duhet të ishin në burg. Mendoj që një nga problemet kryesore të luftës ndaj reformës në drejtësi është edhe frika se do përfundojnë në burg një pjesë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono