ekspertet

kushtetuta-1280x679.jpg
ent ela18:17 | 09/04/2019

Në përvjetorin e 11-të të themelimit të Kushtetutës së Kosovës, njohës të çështjeve kushtetuese kërkojnë që të bëhen ndryshime. Madje disa prej tyre shprehin keqardhje se gjatë kësaj kohe kjo kushtetutë është shkelur disa herë.

Në shënimin e 11 vjetorit të themelimit të Kushtetutës së Kosovës, njohës të çështjeve kushtetuese thonë se ajo duhet të pësojë ndryshime. Profesori Riza Smaka, i cili ishte edhe anëtar i komisionit për hartimin e kësaj kushtetute, thotë se në të ka mangësi dhe kufizime.

Ai shpreh keqardhje që kjo Kushtetutë për 11 vjet u shkel shumë herë. Por për ministrin e Drejtësisë Abelard Tahiri procesi i ndryshimeve kushtetuese nuk është i lehtë për tu arritur.

Ambasadori i SHBA-së në Kosovë, Philip Kosnett, në Ditën e Kushtetutës ka uruar ata që punojnë për të zhvilluar Kosovën si vend të lirë e demokratik për të gjithë qytetarët.

Për nder të kësaj dite mbrëmë ministria e Drejtësisë ka organizuar pritje solemne. Krerët e shtetit kanë premtuar se do ta respektojnë në përpikëri Kushtetutën e vendit. 11 vjet më parë, dy muaj pas shpalljes së Pavarësisë së Kosovës, është ratifikuar Kushtetuta e Kosovës në Kuvend, e cila hyri në fuqi më 15 qershor të vitit 2008./abcnews.al

byro-politike-1.jpg
ent ela21:27 | 11/03/2019

Në emisionin “Byro Politike” një panel ekspertësh diskutuan për temën “Ekonomia, mungesa e arsyes së stabilitetit”. Të pranishmit në studio, Selami Xhepa, Adrian Civici, Arben Malaj dhe Fatos Çoçoli dhanë mendimet e tyre për situatën e mungesës së stabiliteti në ekonominë e vendit tonë.

Selami Xhepa : Ne kemi fituar betejën me të shkuarën tonë, po nuk kemi fituar betejën me standardet, progresin dhe modernitetin atje ku duhet të jemi. Kur shikojmë se ku ka shkuar bota ne vijojmë të jemi një vend realisht me të njëjtën problematikë relative sikurse e kemi pasur edhe më parë. Ne edhe sot pas 30 vitesh tranzicion jemi gati me 1/3 e të ardhurave të vendeve të BE. Problemi i dytë themelor mendoj se është se ne vazhdojmë akoma ta matim progresin tonë të shoqërisë me një metër të vjetër.

Adrian Civici: Si zhvillohet një vend dhe cilët janë faktorët. Efektivesh dallohen në mënyrë të përgjithshme tre preje tyre. Sasia e kapiteleve që investohen, sasia e burimeve njerëzore apo dhe burimeve natyrore që ka një vend për të përdorur në zhvillimin e tij ekonomik dhe struktura e ekonomisë, cilësia e politikave dhe zgjedhjeve që ne bëjmë ku përfshihen një mori problemesh që ne akoma nuk i kemi zgjidhur, që nga pronat qëndrueshmëria fiskale dhe shumë gjera të tjera.

Fatos Çoçoli: Askush nuk flet se ne kemi një rregullore që është Enti Rregullator i Energjisë që kompania shtetërore dhe ka një vit të mirë dhe nuk parashikon politikën e tarifave. Ka dy tre vite që ka qenë mirë. Po të shikon ata tarifat dhe njerëzit do të ishin të kënaqur.

Këta njerëz jo vetëm po plaken por po braktiset vendi. Po na ikin njerëzit më të aftë për punë. E vetmja mënyrë një qeveri e jona nëse do donte të ishte e përgjigje të investonte aty ku ka përfitime. Pse paratë nuk shkojnë aty ku mund të investohen mirë, tek ai bujku dhe ata para të kthehen për një kohë të shkurtër. Jo po ai nuk ma kthen, rrisko, investo dhe provo.

Arben Malaj: Nëse shoku Fatos më lejon e kam pas edhe koleg në shkollë.

Fatos Çoçoli: Jemi miq nuk jemi vetëm shokë, vazhdo…

Arben Malaj: Nëse politika që ne përmendim të bankës qendrore dhe flas si profesor dhe jo si anëtar i bordit, kështu ndodh edhe në botë mund të shprehesh edhe duke qenë anëtar i bordit për gjërat e bankës.

Fatos Çoçoli: Fol për bankën qendrore pavarësish çfarë pozicioni je…

Arben Malaj: Prit një minutë një minutë … se në qoftë ato që ju përmendi dhe ato që lexojmë çdo ditë se janë hapur shumë diskutime për produktivitetin e bankës qendrore dhe nëse ato mbeten brenda sektorit financiar dhe shërbejnë për shëndoshjen e sektorit financiar por nuk shkojnë si instrumente të monetare në atë të ekonomisë ka diçka që nuk shkon.

Fatos Çoçoli: Ta ka çuar mor vëlla, ta ka çuar afër zeros interesin e përqindjes së parasë.

 Arben Malaj: Tani unë votoj … nëse ke ardhur për të bërë zhurmë unë nuk e di që je zhurmues. Ti nuk mund të më tregosh mua normat e interesit kur unë votoj atje.

Fatos Çoçoli: : Do bëjmë debat kështu folëm që në fillim. 

 Arben Malaj: Por që të bëjmë debat ka një shprehje në demokraci që hapësira për të lëvizur gishtin tënd varet nga afërsia me hundën time. Pra t’i nuk mund të vazhdosh e të flasësh…

Fatos Çoçoli:  Jemi nja 5-6 metra larg.

 Arben Malaj: Kështuqë ta kuptosh.

Fatos Çoçoli: E kuptoj shumë mirë

 Arben Malaj: Mirë më fal dhe mbaje mend mundohu të lexosh pak më shumë dhe të abdetohesh. Se nëse efekti i një politike monetare nuk shkon në ekonominë reale diçka është problem në tërësi. Nëse sot bankat nuk kanë dhënë kredi ka qenë për shkak se kreditë e këqija kanë qenë në nivelin më lart sesa i gjeta në ’97.

Fatos Çoçoli:  25% tani e ke 12.4 % tani të është ulur urdhëro.

 Arben Malaj: Po a e di t’i strukturën e uljes apo jo?

Fatos Çoçoli: Tu fshinë kreditë e këqija…

Arben Malaj: Çfarë do të thotë fshirje kredie?

Fatos Çoçoli:  Do të thotë që është lehtësuar bilanci i një banke tregtare. Se bërë pyetje dhe me lejo të përgjigjem, ose vazhdo me monologun tënd si të duash.

Arben Malaj: Çfarë është fshirë?

Fatos Çoçoli:  Fshirja e kredive të këqija i jep mundësinë bankës që të mos bllokojë kapitelet dhe duke i pasur brenda bilancit të saj i ngrinte sepse për çdo kredi duhet të ishte ngrirë një pjesë e kapitalit të saj.

 Arben Malaj: E para është së duhet të dish që fakti që bankat tregtare nuk japin kredi do të thonë se ulja e kredive nuk ka ardhur nga arkëtimi i kredive të këqija. Pra nuk funksionon që me mbledhjen e kredive të këqija të detyrohen dhe t’i fshijmë./abcnews.al

NEW-YORK-FALIMENTIMI-ABC-M4-T1.mpg_snapshot_00.00-1280x720.jpg
ent ela15:37 | 11/03/2019

Sipas ekspertëve, Nju Jork po shkon në mënyrë të pashmangshme drejt falimentimit dhe kjo është një çështje kohe. Borxhi i qytetit sipas Nju Jork Tajms, llogaritet rreth 80 mijë dollarë për çdo familje.

Nju Jork po i afrohet në mënyrë të rrezikshme tragjedisë financiare. Për herë të parë në 40 vjet hija e falimentimit është sërish e pranishme. Ekspertët amerikanë japin alarmin, duke shpjeguar se largimi i sipërmarrjeve dhe individëve për shkak të taksave shumë të larta, por dhe niveli i lartë i shpenzimeve publike, po përkeqëson situatën e llogarive bankare shumë shpejt. Borxhi i qytetit, sipas raportimeve të Nju Jork Tajms peshon 81 mijë dollarë për çdo familje, dhe kësaj shume i shtohen dhe shpenzimet e mëdha me kryebashkiakun Bill De Blasio, i cili propozoi një shtesë prej 3 miliardë dollarë në projektligjin e ri të buxhetit.

Ekspertët theksojnë se Nju Jork është në një situatë financiare shumë të vështirë dhe një ngadalësim i lehtë mund të përkeqësojë ndjeshëm gjendjen.

Ndërsa ekonomistët janë të bindur se Nju Jork do të falimentojë dhe kjo është thjesht një çështje kohe. /abcnews.al

turiste-1280x742.jpg
ent ela16:00 | 26/02/2019

Duket se protestat dhe kriza politike në vend, sipas operatorëve turistikë kanë ndikim të drejtpërdrejtë në frenimin e turistëve të huaj për të vizituar Shqipërinë. Gjithashtu edhe mbajtja e zgjedhjeve në qershor, dëmton turizmin vit pas viti.

Edhe pse na ndajnë disa javë nga hapja e sezonit turistik, shoqata e turoperatorëve turistikë ka ngritur një sërë problematikash. Sipas shoqatës përveç problematikave të zakonshme, këtë vit kriza politike është një problem i shtuar i cili ndikon në ardhjen e turistëve.

Kreu i shoqatës së turoperatorë, Kliton Gërxhani, thekson se mund të kemi një frenim të turistëve për shkak të krizës politike dhe protestave të fundit. Po ashtu edhe Arben Malaj i ftuar në Byro Politike në ABC News deklaroi se dëmet në ekonomi janë të mëdha

Një problem tjetër shqetësues sipas ekspertëve, që ka një impakt negativ në turizëm janë edhe zgjedhjet të cilat zhvillohen në qershor

Edhe sipas një raporti të fundit të INSTAT bëhet e ditur se hyrjet e shtetasve të huaj në janar 2019 kanë pësuar një rënie me 5.2% në krahasim me janarin e 2018, ku shkak kanë qenë edhe protestat./abcnews.al

zussi-1280x720.jpg
ent ela15:21 | 23/02/2019

Edhe pse deri më tani është folur për eliminimin e barrierave tregtare mes Shqipërisë dhe Kosovës, ekspertët tregojnë se kjo ka mbetur vetë në kuadrin e deklarateve politike. Niveli i shkëmbimeve tregtare mes dy vendeve, veçanërisht eksportet mbeten në nivele tepër të vakëta.

Kur Kosova i vendosi taksën 100 për qind produkteve serbe, në Shqipëri u mendua për “lulëzim” shkëmbimesh tregtare mes Shqipërisë dhe Kosovës. Sipas Presidentit të Qendrës Shqiptare të Eksporteve, Alban Zusi kjo gjë nuk ka ndodhur mes dy vendeve. Sipas Zusit eksportet kanë qenë të vakëta.

Alban Zusi, president i Qendrës Shqiptare të Eksporteve: “Kishte pritshmëri të lartë që të rriteshin me vendosjen e taksës për mallrat serbe në Kosovë. Pat një ndikim në momentin e parë në industrinë e  miellit, u rritën shkëmbimet nga ky sektor nga Shqipëria drejt Kosovës dhe më pas kjo ngeli e vakët veçanërisht në nivelin e bizneseve të vogla e të mesme”.

Për të pasur rritje të shkëmbimeve tregtare, Zusi thekson se duhet të hiqen barrierat tregtare mes Shqipërisë dhe Kosovës.

Alban Zusi, president i Qendrës Shqiptare të Eksporteve: “Kjo taksë do ketë impakt të pandjeshëm përsa kohë ne kemi barrierë kufitare ndërmjet dy vendeve, e cila është tarfifa e shërbimeve private, për të kaluar nga një anë e kufirit në tjetrën, jo tarifa fiksale dhe doganore, dhe koha e këtij shërbimi janë barrierat kryesore që çfarëdo të ndodhë  nuk ka për të lejuar që të kemi rrijte të shkëmbimve tregtare”.

Prej dy vitesh INSTAT raporton ulje të eksporteve, fenomen ky i vënë re edhe në raportin e muajit janar 2019. Të dhënat e INSTAT tregojnë se uljen më të madhe e kane pasur eksportet me vendet  si Kosova, Italia dhe Spanja.

/abcnews.al

juli-xhokaxhi.jpg
ent ela21:21 | 11/02/2019

Vendimi i marrë nga Gjykata e Apelit e Krimeve të Rënda, e cila pranoi gjykim të shkurkuar për Dritan Dajtin, ka përplasur mendimet e ekspertëve në studion e emisionit “Byro Politike”. Dajtit i janë hequr 4 dënime të përjetshme, duke e dënuar me 25 vite, vendim i marrë më 8 Shkurt. Problemi sipas ekspertëve është tek mosfunksionimi i Gjykatës Kushtetuese, pasi në saj të vetingut janë shkarkuar shumë gjyqtarë dhe anëtarë të saj.

Çlirim Gjata: Kismet kur të bëhet Gjykata e Lartë. Pse erdhi në fund të fundit kjo çështje deri këtu. Rreforma në Drejtësi dhe vetingu e lanë vendin pa Gjykatë të Lartë. Duhej filluar vetingu nga shkalla më e ulët. Po të fillonte nga poshtë do të kishte një rritje të përgjegjësisë edhe lart sepse do u vinte radha. Në këtë situatë pa një dërhyrje të fuqiahmë, nuk ban vaki. Këtu çdo gjë ka të bëjë me prapavijë politike. Janë të famshmet telefonata nga burgu të atij me persona të lartë që e kanë takuar në burg.

Ferdinand Doja: Unë nuk mund ta shoh dot nga pikëpamja politike. Faktikisht vendimi lë për të dëshiruar në këtë aspekt, sepse gjyqtarët kanë abuzuar sepse në donin e jepnin dhe nëse nuk donin nuk e jepnin. Ky është një vendim i kufizuar psepse çështja është lënë plotësisht në dorë të gjyqtarit. Sot gjyqtari nuk e arsyenton se pse nuk e jep një vendim. Ai ka detyrimin gjithmonë të arsyetojë.

Saimir Vishaj: Në gusht të 2017 në ligj thuhet se të gjitha veprat që kanë burgim të përjetshëm nuk kanë të drejtë të kërkojnë gjykim të shkurtuar.  Roli subjektiv për të dhënë këtë vendim është në dorë të gjyqtarëve që herë ë japin e herë nuk e japin.

Ferdinand Doja: Në fakt vetingu ku abuzar me sitemin gjyqësor sepse jemi i vetmi shtet në botë që nuk ka Gjykatë Kushtetuese. Ne jemi pa kupolën e drejtësisë. Ne nuk dimë se ku jemi dhe çfarë do bëjmë. Jo për rastin konkret por për çafarëdolloj rasti.

Mentor Kikia: Për mua ky nuk është një vendim i papritur. Ishte një çështje e pastër nga ana e provave. Nuk bënte pjesë tek çështjet misterioze sepse nuk ishte e sigurt autorësia. Shteti është bërë qesharak. Në një raport thuhej se nuk po përfundonte një çështje për 4 policë të vrarë. Kjo histori duhet bërë pjesë e korrikula shkollore për të kuptuar se çfarë nuk ka funksionuar në këtë sistem./abcnews.al

BYRO-DT-6-00001.mpg_snapshot_18.17-1280x568.jpg
ent ela22:21 | 06/02/2019

Lisen Bashkurti dhe Ilir Kalemaj, në emisionin “Byro Politike”  kanë folur rreth intervistës së fundoit që ka dhënë presidenti i Kosovës Hashim Thaçi. Kreu i shtetit kosovar është shprehur se ka marrë garanci nga Serbia dhe Rusia që do të njihet Kosova si shtetet nga ana e tyre nëse arrihet marrëveshja me Beogradin.

Lisen Bashkurti: Presidenti i Kosovës më krijon shije jo pozitive se si është inicjuar ideja e tij dhe mënyra si po mundohet ta imponojë pa transparencë. Tendenca për të spekuluar mbi të ashtëquajturën marrëveshje të tij konfidenciale. Ai flet se ka bisedime konfidenciale si me  Shtëpinë e Bardhë ashtu edhe me Kremlinin.  Deklaratat janë shumë spekulime. Kremlini gjithmonë ka qenë enigmatin dhe i mbyllur. SHBA  ka një politikë ndryshe. Trump është shumë i hapur dhe transparent. Ai nuk ka politika konspiravtive. Ai po performon ato që u ka premtuar amerikaneve. Këto janë deklarata fluide dhe të papërgjegjshme. Ku e merr ai sigurinë tek Rusia dhe Serbia?! Kemi dëgjuar ndonjë sinjal që Serbia po ndryshon Kushtetutën. Kjo është mediokritet dhe deklaratë e papjekur.

Ilir Kalemaj: Ka disa konstante politika të jashteme. Putin është munduar të ridimensionojë Perandorinë ruse. Rusia nuk mund të konkurojë në mënyrë të barabartë. Vuçiç ka qenë herë Kryeministër dhe herë President që synon të hapë kutinë e Pandorës duke bllokuar njohjen e Kosovës në faktorin ndërkombëtar.  Ai ka përçarë lidershipin politik shqiptar. Ai po përdor shantazhin mbi lidershipin kosovar për të arritur një merrëveshje. Serbia ka hapur kutinë e Pandorës që i jep asaj avantazhe. Ajo që zoti Thaçi ka thënë që pas takimit mes Trump dhe Putin është korrigjimi i  kufijve. Kjo nuk është thjesht një çështje demarkracioni. Këtu bëhet fjalë për një shkëmbim territori që do t’i kushtojë Kosovës, që i bie 1/5 e territorit. Kjo do të ishte fatale nëse do të ndodhte./abcnews.al

SPIUNET-RUSE.mpg_snapshot_00.01-1280x658.jpg
G. P.22:32 | 09/10/2018

Teksa bota po tallet me spiunët rusë që dështuan në misionet e tyre në Europë e Britani, ekspertë të shërbimeve të inteligjencës paralajmërojnë Perëndimin të mos festojë para kohe. Sipas ekspertëve, në këtë periudhë marrëdhëniesh të tensionuara, shërbimet sekrete ruse janë shumë më aktive se ato perëndimore.

Mbarë bota po tallet me spiunët rusë pas dështimit të misioneve të tyre në Angli dhe Holandë, por duke parë rolin e ushtrisë ruse në politikën e jashtme të Kremlinit, ka pak shanse që Moska të ndërpresë operacionet e fshehta për shkak të turpit. Shërbimi sekret ushtarak GRU fajësohet nga vendet e Perëndimit për një seri sulmesh të dështuara këtë vit, përfshirë atë për helmimin e ish-agjentit Sergei Skripal në Sallisbëri dhe përpjekjen për të vjedhur të dhëna nga Agjencia për Ndalimin e Armëve Kimike në Hagë. Edhe mohimi i vazhdueshëm i përgjegjësisë nga Moska ka shkaktuar iliaritet në Perëndim, ku disa media e kanë cilësuar GRU-në si një bandë amatorësh. Por ekspertë të shërbimeve inteligjente dhe njohës të politikave të Kremlinit deklarojnë se Perëndimi duhet të qëndrojë vigjilent.

“Është e lehtë të qeshësh me disa agjentë të papërgatitur të GRU-së, por bëjmë mirë të mos i nënvlerësojmë as ata as armët kimike që ata përdorin në rrugët tona”, ka deklaruar ministri britanik për Sigurinë, Ben Uollas. Ekspertët vlerësojnë se shërbimi sekret ushtarak rus ka intensifikuar aktivitetet e tij, përfshirë këtu operacionet që kryhen në të zezë, për shkak të rritjes së tensioneve me Perëndimin dhe sanksioneve të vendosura nga ky i fundit ndaj Rusisë. “Rusia po vepron me rregullat e luftës, që do të thotë se GRU-ja është zgidhur nga zinxhirët”, thotë Mark Galeoti, ekspert pranë Universitetit Europian në Firence. Sipas tij, teksa klima e marrëdhënieve Perëndim-Lindje po përkeqësohet, shërbimet inteligjente ruse po tregohen shumë më aktive. “Nëse Perëndimi shpreson se turpërimi publik do të nxisë presidentin Vladimir Putin t’i vërë fre aktiviteteve të GRU-së, atëherë do të zhgënjehet”, ka shtuar Galeoti./abcnews.al

GettyImages-665194182-1160x752.jpg
ent ela22:29 | 30/08/2018

Pavarësisht se doli nga skema e borxhit, ekspertët ndërkombëtarë deklarojnë se Greqia është ende larg rimëkëmbjes ekonomike. Ata i sugjerojnë shtetit helen që të vijojë rrugën e reformave fiskale, si e vetmja mënyrë për të rigjetur prosperitetin e dikurshëm.

Greqia ka përpara një rrugë të gjatë për të arritur rimëkëmbjen nga rrënimi që i shkaktoi kriza ekonomike, pavarësisht daljes nga programi i ndihmës ekonomike. Jens Vajdman, drejtues i bankës gjermane Bundesbank, ka deklaruar se vendi ballkanas ka bërë progres, por ka shtuar se Athina duhet të qëndrojë në kursin e reformave. “Fundi i programit të ndihmave nuk do të thotë se vendi ka kaluar vijën e finisht, por se është vendosur një gur kilometrik në rrugën e gjatë të rimëkëmbjes”, ka thënë Vajdman gjatë një eventi në Athinë. I pranishëm, kryeministri grek Aleksis Tsipras ka deklaruar se qeveria e tij tashmë ka hapësirë për të lehtësuar skemën e taksave.

Por Vajdman ka insistuar se vendi duhet të vijojë kursimet në buxhet, reformimin e institucioneve dhe reduktimin e mëtejshëm të kredive të pashlyera ndaj bankave. “Rruga drejt prosperitetit për Greqinë shtrihet në strategjinë fiskale që ajo do të ndjekë në vitet e ardhshme”, ka vijuar Vajdman. Ai ka nënvizuar se në situatën aktuale, shteti helen po menaxhon një buxhet të strukturuar, që do të thotë se tkurrja e masave fiskale nuk duhet të shkojë më tej. Më 20 gusht Greqia doli nga programi më i madh i ndihmës ekonomike në historinë e saj, por grekët ndihen ende të raskapitur nga 9 vjet shkurtime shpenzimesh dhe humbje vendesh pune./abcnews.al

ura-4.jpg
ent ela21:17 | 16/08/2018

Teksa pritet që zbardhja e shkaqeve të rrëzimit të urës Morandi të kërkojë një kohë relativisht të gjatë, disa ekspertë janë munduar t’i japin përgjigje pyetjeve të shumta. Mes motiveve të renditura prej tyre figurojnë faktorët ambjentalë, vjetërsia, trafiku i rënduar dhe rënia e investimeve për mirëmbajtjen.

Në Itali, por jo vetëm vijojnë debatet mbi shembjen e urës Morandi. Kur kanë kaluar dy ditë nga tragjedia, motivet e rrëzimit të pjesës kryesore të saj janë ende të paqarta dhe zbardhja e tyre do të kërkojë pa dyshim kohë. Por disa ekspertë janë përpjekur të japin përgjigje. I kontaktuar nga BBC, Sterxhos Mitulis, profesor i specializuar për ndërtimin e urave në Universitetin Sërrej të Anglisë, ka deklaruar se faktorët ambjentalë mund të kenë ndikuar në dobësimin e parakohshëm të strukturës, që ishte llogaritur të mbante deri në 100 vjet. “Një faktor mund të jetë afërsia me detin, një tjetër fakti se ura ndodhej në një zonë të industrializuar dhe ndotja mund të ketë përshpejtuar degradimin e saj”, ka thënë Mitulis. Mitulis sheh me shqetësim disa pjesë të urës që janë ende në këmbë. Sipas tij, ndryshku mund të shihet qartë në majë të tendinave, ose krahëve që nga maja e urës mbajnë peshën e rrugës që vjen poshtë. “Duket qartë se pjesët e saj janë përkeqësuar. Rrënimi i njërës prej tyre është njësoj si t’i presësh dikujt njërën këmbë dhe t’i kërkosh të qëndrojë pa lëvizur me këmbën tjetër”, vijon Mitulis. Profesori vlerëson gjithashtu se është e papranueshme që struktura të ketë vetëm 4 tendina, ndërkohë që urat e ndërtuara në ditët e sotme kanë 10 herë më shumë. Ai thekson se, krahët e urës Morandi janë ndërtuar me çimento dhe çelik, që si pasojë e ndryshkut është i prirur të dobësohet me kalimin e kohës. Një tjetër faktor i rëndësishëm është edhe ai i mirëmbajtjes. “Një urë e madhe si ajo kërkon inspektim dhe mirëmbajtje sistematike nën mbikëqyrjen e inxhinierëve të kualifikuar”, thotë Ian Firth, ish-president i Institutit britanik të Inxhinierisë Strukturore. Sipas Firth, në historikun e urave të shembura mirëmbajtja ka qenë një faktor kyç, që shpesh herë ka rezultuar e keqplanifikuar ose e keqimplementuar. “Gjithashtu, ura ka pasur një seri problemesh gjatë ekzistencës së saj, ndaj struktura mund të ketë patur nevojë për një nivel më të lartë mirëmbajtjeje se normalja”, thotë nga ana tjetër Ian Firth. Një tjetër faktor mund të jetë edhe trafiku i rënduar, nisur nga fakti se në urën Morandi kanë kaluar çdo vit rreth 25 milionë automjete, shumë më tepër nga ç’mund të jetë parashikuar 5 dekada më parë. Por gjithashtu, ura mund të ketë degraduar nga rënia e investimeve në infrastrukturë, nisur nga fakti se buxheti i Italisë në këtë fushë është shumë më i ulët krahasuar me ata të ekonomive të vendeve të tjera perëndimore. Qeveria italiane ka urdhëruar një hetim, por ekspertët paralajmërojnë se është ende herët për t’u fokusuar tek shkaqet. Ata të gjithë bien dakord në një pikë, se vetëm një hetim i specializuar do të mund të përcaktojë motivet reale të shembjes së urës 50-vjeçare. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono