ekspertë

drilona-hoxha-1280x722.jpg
G. P.15:51 | 02/05/2019

Komisioni Qendror i Zgjedhjeve do të auditojë partitë politike për fondet e përfituara dhe të shpenzuara për zgjedhjet e datës 30 qershor 2019.

Zëdhënësja e këtij institucioni, Drilona Hoxha, u bën thirrje ekspertëve kontabël të licencuar dhe ekspertëve financiarë, që të shprehin interesin e tyre pranë KQZ-së brenda datës 6 Maj. Përzgjedhja e tyre do të bëhet nëpërmjet një shorti.

Ligji “Për partitë politike” e ngarkon Komisionin Qendror të Zgjedhjeve, si organi përgjegjës për monitorimin dhe mbikëqyrjen e financimit të partive, gjatë fushatës zgjedhore./abcnews.al

stoltenberg.jpg
G. P.15:10 | 07/02/2019

Për sa i përket përshpejtimit të procesit të anëtarësimit të Maqedonisë së Veriut në NATO, ekspertët janë të të njëjtit mendim,kur thonë se rol të rëndësishëm ka luajtur ndikimi rus në rajon.

Njohës të rrethanave gjeostrategjike në Maqedoni, duke komentuar nënshkrimin e protokollit për anëtarësim në NATO, thonë se ndikimi rus ka përshpejtuar procesin e aderimit të Maqedonisë në strukturat Veriatlantike.

Ndërkaq, nga Ministria e Mbrojtjes se Maqedonisë shprehen se pavarësisht monitorimit nga Brukseli ky dikaster vite me radhë është duke punuar që të jetë kompatibile NATO-n.

Kryetari i Këshillit Veriatlantik të Maqedonisë Ismet Ramadani, duke folur për ndikimin rus në Maqedoni, shprehet se ky ndikim ka përshpejtuar procedurat për aderimin e Maqedonisë në NATO.

Ismet Ramadani: Jo rastësisht Stoltenbergu ka qenë shumë aktiv sa i përket anëtarësimit të Maqedonisë sepse rusia deshi të shfrytëzojë disa lokacione dhe parti të vogla që të krijonte një çerdhe të veten të ndikimit pro rus këtu në Maqedoni. Diku diku depërtoi ndoshta edhe në një pjesë të VMRO-DPMNE.

Ramadani shprehet se NATO nuk duhet kuptuar vetëm si forcë ushtarake, sepse, sic thotë, aty ka politikë, diplomacy, ekonomi, arsim, ekologji,  që do të thotë se NATO-ja është më shumë se një organizatë ushtarake.

Ismet Ramadani: Standardet për anëtarësim të NATO-s pothuajse janë komplementare përveç asj pjesës ushtarake dhe të standardeve të tjera që i kërkon NATO.

Pavarësisht nënshkrimit të protokollit për anëtarësim, Maqedonia ka ende punë për të bërë dhe do të vazhdojë të jetë nën monitorimin e Brukselit, thotë zv/ministri i Mbrojtjes, Bekim Maksuti.

Bekim Maksuti: Në detaj screen-imi që kemi bërë gjatë periudhës 2017-2018 dhe vazhdimi i reformave që të gjitha institucionet brenda Ministrisë së Mbrojtjes, të gjitha organet të jenë kontamibile me atë të NATO-s.

Maqedonia në vitin 1995 nënshkroi marrëveshjen e “Partneritetit për paqe”. Ushtria është reformuar me zbatimin e 18 planeve vjetore kombëtare për anëtarësim në NATO. Më shumë se 3000 ushtarë që nga viti 2002 marrin pjesë në misionet paqësore dhe profesionalizmi I tyre, thuhet se është një ndër faktorët se përse vendi po bëhet anëtare e Aleancës Veriatlantike./abcnews.al

selami-xhepa.jpg
G. P.18:33 | 20/11/2018

Detyrimet që vijnë nga projektet mes Partneritetit Publik Privat, sipas ekonomistëve duhet të reflektohen në buxhet. Selami Xhepa mendon se në një periudhë afatgjatë ato mund të bëhen pengesë për zhvillimin e vendit.

Me një lojë me hile i ngjason ekonomistëve strategjia e qeverisë për të reduktuar borxhin publik pa njohur në buxhet detyrimet që vijnë nga projektet mes Partneritetit Publik Privat. Selami Xhepa mendon se vakumin që krijon në ekonomi përmbushja e detyrimit për të ulur borxhin nën 60% të Prodhimit të Brendshëm Bruto, qeveria po tenton ta mbushë me kontratat koncesionare.

“Nga një anë duket sikur kemi një përmirësim të borxhit publik, por në fakt në financat publike do të ketë përkeqësim.  2.2 miliardë euro për t’u koncesionuar do të bëjnë barrë për buxhetin.  Jo vetëm që nuk i shërbejnë qëllimi të ligjit për reduktimin e borxhit,  por po krijojmë një problem pa precedent.  Vendet e tjera kanë treguar se shuma është më e madhe nga projektimi, kosto në financat publike do të krijojë ngërç serioz. Çdo borxh i kontraktuar duhet të reflektohet  në shifrën e principalit në momentin e regjistrimit”.

Ndërkohë eksperti i ekonomisë mendon se konsolidimi financiar  duhet të orientohet drejt të ardhurave pasi mbetemi vendi me nivelin më të ulët të mbledhjes së tyre në rajon dhe të mos prekë programet sociale dhe ato të zhvillimit të vendit. Ndërkohë sipas Xhepës, qeveria po ndjek tjetër trajektore.

“Nëse shohim indikatorët thelbësorë janë në renie. Të ardhurat nën 28%  e Prodhimit Brendshëm Kombëtar, shpenzimet publike nga rreth 30% pritet të bien 28% të PPB. Angazhimi i qeverisë në shoqëri do të jetë më i vogël. Investimet në arsim, shëndetësi dhe mbrojtje sociale kanë një rënie në kuptimin nominal, por dhe relativ.”

Xhepa mbështet nxitjen e konsumit përmes politikave të rritjes së pagave dhe në këtë këndvështrim përkrah qëndrimin e qeverisë ndonëse mendon se vjen e sforcuar.

“Ka pesë vite që nuk bëhet. Është pozitive, vjen pak e sforcuar në buxhet, shpresoj mos jetë elektorale”.

Për vitin që vjen qeveria ka parashikuar rritje pensionesh dhe pagash në sistemin shëndetësor dhe atë arsimor./abcnews.al

albano-imeraj.jpg
G. P.11:22 | 18/05/2018

Një i ri u gjet i vdekur në qytetin e Vlorës dhe dyshohet se është vetëvrarë. Por familjarët kanë dyshime se ate e kanë vrarë. Pak kohë më parë viktimës së sotme iu zhduk i vëllai.

Trupi i të riut Albano Imeraj u gjet i pajetë tek Sheshi i Flamurit. Ky është momenti, kur në vendin e ngjarjes mbërrijnë të afërmit e tij. Vëllai i tij dëgjohet të thotë e kanë vrarë, e kanë vrarë.

Fillimisht u dyshua që 26-vjeçari ka vdekur nga mbidoza. Kohë më parë, ai njihej si përdorues droge. Por kur aty shkuan ekspertët e policisë, e gjetën me damarë të prerë. Dyshimet flasin për një vetëvrajse të Albona Imerajt, por megjithatë po bëhen hetimet për të saktësuar shkaqet dhe zbardhjen e ngjarjes.

Për familjen Imeraj, kjo është një tjetër dramë. Më 28 Mars, djali tjetër Ksandro Imeraj u zhduk. Ai ishte nisur drejt Italisë në një Jet Sky, por nuk mbërriti kurrë atje. Mjeti lundrues u gjet në Budva të Malit të Zi, gjysëm i mbytur. Nga ajo kohë nuk ka asnjë të dhënë për të, dhe pse dyshohet që mund të jetë zhdukur në det.

douma-1.jpg
G. P.15:06 | 18/04/2018

Ekspertët e Organizatës për Ndalimin e Armëve Kimike ende nuk kanë hyrë në qytetin Duma të Sirisë, ku dyshohet se është kryer një sulm me armë kimike. Kjo është bërë e ditur nga një ekip sigurie, i OKB-së, i cili inspektoi terrenin.

Ekspertët e Organizatës për Ndalimin e Armëve Kimike, OPCË, nuk kanë hyrë ende në qytetin Douma të Gutës Lindore në Siri, që gjendet në afërsi të Damaskut, i cili është goditur nga një sulm me gaz kimik me 7 prill. Kjo është bërë e ditur nga ambasadori sirian në Kombet e Bashkuara, Bashar Jaafari, duke saktësuar se grupi që hyri të martën në Douma ishin ekspertë të OKB-së për sigurinë, që duhet të verifikojnë nëse kushtet janë të përshtashme për hyrjen e ekipit të OPCW.

Ekipi i sigurisë i pallatit të qelqtë, i cili vëzhgoi për herë të parë zonën, ku dyshohet se është kryer sulm kimik në Siri, është qëlluar me të shtëna me armë zjarri. Kjo është konfirmuar nga shefi i Organizatës për Ndalimin e Armëve Kimike, që citohet nga Sky News. Më herët, televizioni shtetëror sirian kishte njoftuar hyrjen e ekspertëve të OKB-së. Të martën presidenti rus, Vladimir Putin dhe kancelarja gjermane Angela Merkel theksuan rëndësinë e një hetimi të paanshëm për akuzat në fjalë.

Ndërkohë, ushtria e Moskës thotë se ka zbuluar në qytetin Douma një laborator të përdorur nga militantët opozitar të regjimit të Bashar al-Assad, për të prodhuar armë kimike.

“Një laborator kimik dhe një depozitë e substancave kimike janë gjetur gjatë një inspektimi në Douma”, ka thënë për mediat ruse, një zyrtar i Kremlinit me mision në Siri.

Ndër të tjera, Rusia i kërkon vendeve perëndimore që të mos manipulojnë opinionin publik dhe të mos ndërhyrjnë në punën e organizatave ndërkombëtare. Gjithashtu sëfundmi është zbuluar dhe një varr masiv në Douma me 30 viktima. Këto zhvillime vijnë pas sulmit të dyshuar me armë kimike në rajonin e Gutës Lindore ku u vranë rreth 100 persona. Për këtë perëndimi akuzoi regjimin e Assad. Por Siria dhe Rusia pretendojnë se ky ishte një justifikim i SHBA-së, Francës dhe Britanisë për të kryer bombardimet e fundit./abcnews.al

durres-antidroga-1280x685.jpg
ent ela12:45 | 06/03/2018

Në Durrës për dy ditë rresht agjentë të antidrogës amerikane që operojneë për Ballkanin zbarkuan në port. Qëllimi i tyre ishte njohja me informacionet për sasinë rekord të kokainës së kapur në port.

Sasia rekord e kokainës së kapur në Durrës vuri në lëvizje agjentët e DEA-s.  Rruga që është ndjekur për zbulimin dhe më pas sekuestrimin e 613 kg drogë e llojit kokainë. Ky ka qenë qëllimi i zbarkimit të  katër ekspertëve antidrogë amerikane.

Më të ardhur në portin e Durrësit, në vendin ku mbërriti kontenieri i ngarkuar me banane, por që në trupin e të cilit ishte fshehur dhe sasia rekord e kokainës ekspertët kanë kërkuar të njihen me procedurat e ndjekura nga autoritet shqiptare.

Mësohet se katër ekspertët nga Qendra Antidrogë e Ballkanit me rezidencë në Athinë kanë zhvilluar një sërë takimesh me autoritetet e përfshira në operacion.

Burimet thanë se ata kanë nisur punën për verifikimin e ndjekjes së procedurës për kapjen e 613 kg kokainë.

Zyrtare te portit treguan per ABC News, ata kanë kontrolluar procedurat e doganës, skanerit por edhe të policisë së kufirit pikërisht për rastin në fjalë. Pas marrjes së informacionit ata janë larguar. /abcnews.al

vlcsnap-error842-2-1280x720.jpg
G. P.17:13 | 27/02/2018

Martesat nën moshën 18-vjeçare vijojnë të jënë problem në vend. Rreth 68 kërkesa janë paraqitur vetëm në shtatë gjykata për legjitimim të tyre. Specialistët kërkojnë ndryshime ligjore për frenimin e fenomenit.

Shtatzania është argumenti kryesor, por jo i vetmi që prinderit e vajzave minorene paraqesin përpara gjykatësve për të kërkuar leje për t’i martuar.
68 kërkesa janë parqitur në 7 gjykata nga 21 që janë në vend, ndërsa shumë të tjera kryhen formalisht dhe për t’u ligjëruar presin momentin që vajza të mbushë 18 vjeçe.

Shqetësim për specialistët është edhe diferenca në moshë.

Specialistët thonë se për të frenuar fenomenin kërkohen ndryshime ligjore.

18 vjeç është mosha minimale që parashikohet në Kodin e Familjes për lidhje në martesë, ndërkohë që për shkaqe me rëndësi, kjo mund të lejohet edhe në moshë më të vogël. Ligji nuk vendos moshë dysheme dhe këtë ja lë në dorë gjykatës./abcnews.al

inteligjenca-artificiale.jpg
G. P.22:50 | 21/02/2018

Zhvillimi i inteligjencës artificiale në teknologji mund të krijojë forma të reja të krimit kibernetik, përçarje politike dhe madje mund të shtojë edhe sulmet fizike.

Një grup ekspertësh prej 26 personash nga e gjithë bota kanë paralajmëruar se të gjitha këto mund të ndodhin brenda pesë viteve të ardhshme.

Në një raport, akademikë, industria dhe ekspertë të tjerë e përshkruajnë inteligjencën artificiale si “përdorim të dyfishtë të teknologjisë”.

Kjo për shkak se mund të përdoret nga për qëllime ushtarake dhe civile, por është gjithashtu e ngjashme me fuqinë bërthamore, eksplozivët dhe mjetet e hakerimit.

“Ndërkohë që aftësitë e inteligjencës artificiale po bëhen më të fuqishme dhe të përhapura, ne presim që përdorimi në rritje i sistemeve të inteligjencës artificiale të çojë në një rritje të kërcënimeve ekzistuese dhe në krijimin e kërcënimeve të tjera”, thuhej në raport.

Ekspertët argumentojnë se është e nevojshme që të krijohet një kornizë rregullatore që tani, në mënyrë që në të ardhmen mos të ketë keqpërdorim të inteligjencës artificiale./abcnews.al

vlcsnap-error306-1-1280x720.jpg
G. P.13:26 | 31/01/2018

Ka apo nuk ka në marrëveshje për kufirin detar midis Greqisë dhe Shqipërisë?
Pas takimeve që ministrat e Jashtëm të dy shteteve zhvilluan, Greqia e ka përgjigjen e saj, madje edhe me shifra konkrete.

Gazetari: Për kufirin detar?
Nikos Kotzias: “Kemi rënë dakord”.
Gazetari: Kur thoni që keni rënë dakord nënkuptoni që hapësira jonë detare zgjerohet në 12 milje sepse zoti Bushati ka hedhur akuza ndaj paraardhësve të tij?
Nikos Kotzias: “Zonën Ekskluzive Ekonomike mund ta shpallësh, kur tjetri ka pranuar se ke të drejtën e 12 miljeve”.
Gazetari: Domethënë e kanë pranuar këtë?
Nikos Kotzias: “Po. Bëhet fjalë për zonën bregdetare kombëtare”.

Një ditë më pas intervistohet ministri për Europën dhe Punët e Jashtme të Shqipërisë, Ditmir Bushati, nga gazetari Blendi Fevziu në emisionin Opinion në televizionin Klan.
Ndryshe nga homologu grek, ministri Bushati nuk është aq i drejtëpërdrejtë në përgjigje.

Ditmir Bushati: “Në bisedën në princip që kemi rënë dakord me palën greke për këtë çështje, mund t’iu them që rezultati për palënm shqiptare është një rezultat disa herë më i mirë se i 2009-s. Është në respekt të plotë me vendimmarrjen e Gjykatës Kushtetuese dhe me të drejtën ndërkombëtare. marrëveshja që ne synojmë të arrijmë me palën greke sot do të bëhet mbi bazën e parimit të barazlargësisë, por e axhustuar në përputhje me gjeografinë dhe në përputhje me karakteristikat që kanë dy vendet. Unë po ju them dhe njëherë qartë dhe shkoqur. Ne kemi diskutuar në parim mbi linjat e kuqe mes të cilave dhe përtej të cilave ne nuk dalim dot. Do të ulen ekspertët në tavolinë sepse ekspertët nuk janë ulur në tavolinë dhe do të finalizojnë marrëveshjen”.

Asnjë shifër nuk artikulohet nga ministri Bushati, por njëkohësisht as nuk kundërshtohet se një marrëveshje për kufirin detar do të jetë gati në gjatë muajt në vijim. Një gjë është e sigurtë sipas tij, se janë ekspertët ata që do të vendosin për kufijtë.

Ditmir Bushati: “Do të ulen ekspertët në tavolinë sepse ekspertët nuk janë ulur në tavolinë dhe do të finalizojnë marrëveshjen”.

Një tjetër pikë e ndjeshme është çështja çame. Ministri i jashtëm i Greqisë tha se nuk është diskutuar me palën shqiptare.

Gazetari: Çështjen e çamëve e diskutuat?
Nikos Kotzias: “Jo. Pala shqiptare e ngre, pala greke thotë nuk e diskuton dhe mbyllet këtu. Mendoj se pala shqiptare do dëshirojë të bëjë propozime për disa parime të përgjithshme të të drejtave të njeriut”.

Ndërsa, Ministri për Europën dhe Punët e Jashtme shqiptar, Ditmir Bushati, nuk i referohet drejtpërdrejtë takimit të fundit, kur siguron se është diskutuar apo do të vazhdojë të dikutohet me qeverinë greke.

Ditmir Bushati: “Nga 2013-a e deri më sot që flasim, çështja çame ka qenë pjesë e çdo diskutimi të çdo qeveritari të lartë shqiptar me qeverinë greke. Pala grake ka një shqetësim të madh përsa I përket mundësisë që kjo çështje do të pasojë me pretendime territoriale”.

Ndonëse nuk ishte i ftuar në emisionion opinion, kryeministri Edi Rama ka qenë aktiv në rrjetet sociale duke i dhënë përgjigje komentuesëve që ndiqnin intervistën e Ministrit Bushati. Ai ka sqaruar se çështjet e vjetra u hapën jo për të bërë një tjetër marrëveshje të dëmshme për Shqipërinë, po për një marrëveshje të re, që i jep Shqipërisë atë që i takon! As më shumë, as më pak. Sipas kreut të qeverisë në fund, të vërtetën do ta thonë kartat e shkruara e të nënshkruara dhe pastaj deti do të marrë puplat e rëna të kakaritësve shurdhues të katundit politik e mediatik./abcnews.al

femijet.jpg
G. P.21:26 | 30/01/2018

Më shumë se 100 ekspertë të shëndetit të fëmijëve i kanë kërkuar Facebook-ut që të heqë një aplikacion i krijuar posaçërisht për fëmijët nën 13 vjeç.
Në një letër drejtuar themeluesit të Facebook, Marc Zuckerberg, ekspertët e konsiderojnë aplikacionin Messenger Kids si një përpjekje të papërgjegjshme për të inkurajuar fëmijët që të përdorin Facebook-un.

Ata thonë që fëmijët nuk janë gati që të kenë llogari në rrjetet sociale.

Nga ana tjetër, Facebook është shprehur se aplikacioni është krijuar me ekspertë si përgjigje e thirrjeve të prindërve për të kontrolluar sesi fëmijët e përdorin median sociale.
Sipas tyre, Messenger Kids është një version i thjeshtëzuar, i cili kërkon edhe aprovimin e prindërve përpara se fëmijët ta përdorin dhe i gjithë informacioni që gjenerohet nuk përdoret për reklama./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono