ekonomiku

MASAT-E-SIGURISE-TEK-EKONOMIKIU.mpg_snapshot_00.32-1280x720.jpg
ent ela16:29 | 08/11/2019

Pas konfliktit të ndodhur pak ditë më parë, drejtuesit e Fakultetit Ekonomik në Tiranë kanë shtuar masat e sigurisë për hyrjen e studentëve në auditore.

Pas konfliktit, shtohen masat e sigurisë për studentët në Fakultetin e Ekonomisë në Tiranë.  Studentët që janë transferuar  në ambientet e përkohshme tek ish-mensa e Qytetit Studenti dhe auditorët e godinës “Liria” do futen në mësim vetëm me Kartën e Studentit. Administratori i Fakultetit Ekonomik, Ermal Haxhiaj shpjegon vendimin e marrë për rritjen e masave të sigurisë.

Së shpejti në këtë fakultet parashikohet të implementohet edhe sistemi i check-init për rreth 5 mijë student.

Pasditen e së hënës në ambientet e Fakultetit Ekonomik u konfliktuan një grup studentësh me dy të rinj nga jashtë. Por, edhe pse policia i ka identifikuar autorët e konfliktit, nuk ka bërë ende arrestimin e tyre. /abcnews.al

 

 

KULE-PER-SHERRIN-TE-EKONOMIKU.mpg_snapshot_00.27-1280x720.jpg
ent ela15:07 | 05/11/2019

Një grup studentësh të Ekonomikut në Tiranë janë konfliktuar me dy të rinj nga jashtë fakultetit. Dekani Dhori Kule thotë se ngjarja nuk ka ndodhur brenda ambienteve të fakultetit dhe se për këtë duhej të përgjigjej Policia e Shtetit që ruan edhe zonën e Qytetit Studenti.

Një grup studentësh janë konfliktuar me dy të rinj pasditen e së hënës në ambientet e Fakultetit Ekonomik në Tiranë. Si pasojë e konfliktit, një student ka përfunduar në Spitalin e Traumës. Dekani i Fakultetit, Dhori Kule thotë se konflikti ka ndodhur jashtë godinës ku zhvillohej mësimi.

Dekani shprehet se në ambientet e Fakultetit ka roje sigurie private, hapësirën e jashtme ku ndodhi edhe konflikti e kontrollon Policia e Shtetit që siguron rendin në Qytetin Studenti.

Partia Demokratike e ka konderuar ngjarjen në Fakultetin Ekonomik si dhunim të institucioneve të arsimit të lartë. Ish-deputeti Luciano Boçi thotë se hyrja në auditore në mes të procesit mësimor e personave të paidentifikuar është një ngjarje e rëndë.

Për pedagogun e Fakultetit Ekonomik, kjo ngjarje është e paprecedentë dhe tregon se strukturat e shtetit nuk funksionojnë siç duhet.

Duke marr shkas nga sherre të tilla në ambientet e universitetit, studentët shprehen se shpesh ndihen të pambrojtur. /abcnews.al

universiteti.jpg
ad min15:09 | 27/08/2019

Katër nga gjashtë fakultete të Universitetit të Tiranës i kanë dhënë fund ankthit të të rinjve. Ekonomiku, drejtësia, shkencat sociale dhe gjuhët e huaja kanë publikuar fituesit e këtij viti akademik.

Të pakënaqurit kanë të drejtën e ankimimit deri në fund të Gushtit ndërsa raundi i parë i regjistrimeve nis më 2 Shtator. Ajo që bie në sy dhe këtë vit është mesatarja e lartë e kandidatëve për studentë që kanë zgjedhur ekonominë dhe drejtësinë.

Këtë vit për herë të parë në ekonomi një cikël leksionesh do të zhvillohet në gjuhën angleze. Ndërsa tek drejtësia nis aplikimi i sistemit pesëvjeçar. Përgjysmimi i tarifës së shkollimit sipas dekanëve këtë vit mbetet në dore të qeverisë.

Nëse në ekonomi dhe drejtësi kandidatët për studentë i afrohen 10, tek gjuhët e huaja dhe shkencat sociale ata janë me mesatare mbi 7.5./ABC News Albania 24/7

MBULIM-NGUJIMI-I-STUDENTEVE-TE-EKONOMIKU.mpg_snapshot_00.05-1280x720.jpg
ent ela15:21 | 11/01/2019

Një grup studentësh të Fakultetit të Ekonomisë në Tiranë vijojnë të qëndrojnë të ngujuar brenda mjediseve të fakultetit që nga dita e djeshme. Ata pretendojnë se janë dhunuar nga forcat e policisë që shkuan për t’i nxjerrë jashtë, por janë të vendosur të mos dalin deri në plotësimin e kërkesave të tyre. 

Një grup studentësh te Fakulteti i Ekonomisë në Universitetin e Tiranës, vijojnë të qëndrojne brenda mjediseve të ndërtesës që nga mbrëmja e së enjtes. Të premten në mëngjes grupi i studentëve është përplasur me forcat e policisë teksa kanë tentuar të bllokojnë hyrjen e godinës me karrige, por s’janë lejuar.

Studentët kanë akuzuar administratorin e Fakultetit të Ekonomisë se ka sjellë forcat e policisë në ambientet e fakultetit për të ndërprerë protestën e tyre, por administratori e mohoi një gjë të tillë.

Studentët e fakultetit të Ekonomisë pretendojnë se janë dhunuar nga policia në ambientetet e fakultetit.

“Nuk besoj se një mbledhje në Rektorat është më e rëndësishme se jeta e një studenti. Le ta përcaktojë ai rëndësinë e aktit përndryshe le të mbajë përgjegjësi”, u shpreh një student.

“Turp t’iu vijë si do u vinte nëse fëmija i tyre do ishte këtu”, tha një studente.

“Ka qenë kërcënimi i parë që në mëngjes kur u munduam që të hyjmë në fakultetin tonë. Askush nuk na ndalon dot të hyjmë në fakultet bashkë me një kompani sigurimi”, tha një tjetër.

“Jo vetëm që ka pasur presion, por ka pasur dhunë të pastër psikologjike dhe fizike”, u shpreh një student.

Në ambientet e Fakultetit të Ekonomisë mbërriti edhe deputeti demokrat Luciano Boçi për të kërkuar largimin e policëve, por studentët nuk e mirëpriten dhe kërkuan largimin e tij.

Protestës së studentëve të Ekonomisë iu bashkua edhe një grup studentësh nga Universiteti i Mjekësisë. Studentët këmbëngulin se do të vijojnë ngujimin deri në realizimin e kërkesave të tyre.

“Ne nuk jemi huliganë që ta kanalizojmë protestën në dhunë, prandaj zgjodhëm këtë mënyrë për t’i treguar të gjithëve që ne jemi të vendosur për protestë dhe do qëndrojmë këtu derisa kushtet tona të plotësohen”, tha studentja.

“Personalisht jam i vendosur që të rri këtu jo në orët në vazhdim, por deri në plotësimin e 8 kërkesave”, u shpreh një tjetër./abcnews.al

studente-te-ekonomikut.jpg
ad min19:45 | 17/12/2018

E kërkonin që prej të shtunës, por e hëna ishte dita e përballjes. Në mjediset e qendrës “Liria” në qytetin Studenti, studentët e Fakultetit Ekonomik i paraqitën ankesat e tyre dekanit të këtij fakulteti, Dhori Kule.

Studentët i kërkojnë dekanit Kule transparencën financiare, për të cilën, ai është shprehur i gatshëm të publikohet që nesër. Ndërsa studentët e ekselencës ankohen se nuk marrin bursat.

“Në qoftë se pyesim kolegët tanë në universitetin e Durrësit studentët ekselentë me mesatare 9 deri në 10 marrin bursë vit për vit, ndërkohë që në fakultetin tonë kriteri është që studenti të ketë notën 10 maksimale dhe nuk pranohet as me një 9 as me dy 9 as me tre 9”, tha një studente.

“Nuk mund të bëjë një fakultet ndryshe nga fakultetet e tjera sepse rregulli është i miratuar nga bordi në përputhje me ligjin”, u shpreh Kule.

Disa nga studentët kërkuan dorëheqjen e dekanit Dhori Kule, si përgjegjes të keqmenaxhimit dhe abuzimit, sipas tyre, në këtë fakultet. Studentët kërkojnë gjithashtu që dekani të shprehet nëse i mbështet apo jo kërkesat e paraqitura prej tyre në protestë. Por Kule është shprehur se dekanati mbështet vetem kërkesat që ka në dorë për të plotësuar, jo të gjitha.

“Për problemin e tarifave që kërkohet të përgjysmohet, nuk janë kompetencë as e dekanit, as e rektorit”, tha Kule.

Takimi i dekanit Kule me studentët vjen pak ditë pas kritikave të Kryeministrit Edi Rama për rektorët dhe dekanët e Universiteteve, në një takim me ta. Kreu i qeverisë paralajmëroi edhe rishikimin e autonomisë së universiteteve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono