Eduard Halimi

eduard-halimi.jpg
G. P.16:21 | 09/02/2018

Deputeti demokrat, Eduard Halimi, ka dhënë dorëheqjen nga posti i deputetit të parlamentit shqiptar. Lajmin e konfirmoi përmes një postimi në rrjetin social Facebook, ku deklaroi angazhimin e tij të mëtejshëm në një projekt të së drejtës ndërkombëtare private në një rrjet në Ballkan.
Vendin e tij në Parlament për demokratët e merr emri i radhës në listën shumëemërore të Beratit.
Astrit Veliaj do të zëvendësojë deputetin e tërhequr në Kuvend pasi të bëj betimin në parlament.
Halimi në postimin e tij falenderoi ish-kryeministrin Berisha për mundësinë që i dha, Lulzim Bashën për besimin në detyrat politike prej 2013-s dhe gjithë kolegët, votuesit, mbështetësit si dhe mediat./abcnews.al

vlcsnap-error284-1280x720.jpg
us er16:22 | 07/12/2017

Si edhe njoftoi thuajse një muaj më pare, Kuvendi i Shqipërisë ka hedhur shortin për anëtarët e Këshillit të Emërimeve në Drejtësi.

Kjo përzgjedhje kandidatësh është bërë në një atmosferë kontradiktash e cila ka nisur me refuzimin e Presidentit Ilir Meta për të përmbushur parashikimin kushtetues të hedhjes së shortit brenda datës 5 dhjetor. Ky refuzim erdhi për arsye të pretenduara edhe nga kreu i grupit parlamentar demokrat Edmond Spaho i cili argumentoi përmes një letre depozituar në Kuvend, si antikushtetuese në këtë proces.
Argumentin e artikuloi Eduard Halimi gjatë diskutimit që parapriu procesin.

“ Veprimet e kryetarit të kuvendit antikushtetuese. Po ndryshohen rregulla per arsye politike. Këshili i përkohshëm është zgjedhur një vit. Neni 179 është përdorur një vit më parë, ai edhe specifikon në pikën 11 të saj se këta të zgjedhur”.

Halimi vijoi linjën llogjike duke argumentuar se ky short po bazohet mbi një dispozitë kalimtare e cila e ka humbur fuqinë e saj, pasi ky Këshill, bazuar në këtë dispozitë kalimtare u zgjodh në Janar të këtij viti. Madje ky Këshilli i përkohshëm i Emërimeve në Drejtësi i zgjedhur në Janar me po këtë dispozitë kalimtare, nuk u mblodh asnjëherë të vetme, theksoi Halimi.
E nëse i referohemi dispozitës kalimtare kushtetuese që rregullon këshillin e përkohshëm të emërimeve në drejtësi, neni 179 pika 11 shkruan se..

“Nëse Presidenti i republikës nuk i përzgjedh anëtarët brenda pesë ditëve nga hyrja në fuqi e këtij ligji, Kreu i Kuvendit zgjedh me short Brenda 10 ditëve nga hyrja në fuqi e këtij ligji”.

…njëkohësisht ligji përcakton se…

“Të zgjedhurit qëndrojnë në detyrë deri në datën 31 dhejtor të vitit kur hyn në fuqi ky ligj. Anëtarët i nënshtrohen menjëherë procesit të rivlerësimit kalimtar sipas nenit 179/b”.

Por kjo sekuencë kushtetuese që përcakton vitin kur ligji hyn në fuqi si rastin që zgjidh, nuk e shqetëson Ulsi Manjën, ndaj sytë i mban nga kjo dispozitë tranzitore kushtetuese, për të legjitimuar shortin për Këshillin e Emërimeve në Drejtësi.

Këshilli i Emërimeve në Drejtësi është organ i krijuar nga ndryshimet kushtetuese të korrikut 2016 dhe është përgjegjës për verifikimin e ksuhteve ligjore dhe profesionale e morale të kandidatëve për Inspektor të Lartë të Drejtësisë si dhe atyre për Gjykatën Kushtetuese./abcnews.al

 

 

 

demokratet-kuvend.jpg
us er16:42 | 19/10/2017

Pak pas thirrjes publike të kryetarit Basha, anëtarët e PD-së në Këshillin e Rregullores, Mandateve dhe Imunitetit, u paraqitën pranë Kryesisë së Kuvendit, ndonëse nuk ishte njoftuar asnjë mbledhje e organit ku bëjnë pjesë. Në emër të tyre, Eduard Halimi, kërkoi nisjen menjëherë të mbleshjes së Këshillit në lidhje me kërkesën e Prokurorisë për heqjen e imunitetit dhe arrestimin e Saimir Tahirit.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono