Edmond Spaho

edmond-spaho.jpg
ent ela17:00 | 06/09/2018

Partia Demokratike e lexon si refuzim përgjigjen e Ramës ndaj propozimit të Bashës për vetting të politikanëve.

“Refuzimi i Edi Ramës për vettingun me ligj të politikanëve provoi se Rama është peng i krimit!” shkruan në rrjetet sociale kryetari i grupit parlamentar demokrat. Edmond Spaho thotë se Kryeministri po përdor drejtësinë e tij dhe mediat e tij për të mashtruar shqiptarët.

“Edi Rama e refuzon vettingun me ligj të politikanëve, sepse vetë ka lidhje me kokat kryesore të krimit të organizuar”, përfundon qëndrimi i demokratëve përmes Edmond Spahos. /abcnews.al

screenshot-13_1516470796-8585941.jpg
G. P.12:39 | 03/09/2018

Burime nga Konferenca e Kryetarëve bëjnë me dije se opozita po denoncon kriminalitetin dhe vrasjet e fundit. Edmond Spaho: “Qeveria drejtohet nga droga, ndërsa deputetët janë të lidhur me krimin”. Spaho gjithashtu flet për vrasjen në Shkodër dhe sulmin ndaj gazetares Klodiana Lala. Ai kërkon miratimin e dekretit të Presidentit dhe rrëzimin e ligjit për teatrin.
Burimet, gjithashtu shprehen se Shalsi ka kërkuar që të shtyhet shqyrtimi i ligjit për teatrin përtej datës 13 shtator./abcnews.al

E.spaho_-1280x853.jpg
ent ela14:08 | 22/08/2018

Pas lirimit të Edmond Begos nga autoritetet e shtetit grek, akuzat drejtuar mikut të familjes së numrit dy të socialistëve Taulant Balla, demokratët nuk i ndalën, por i ndryshuan në formë dhe përmbajtje. Mbrojtja politike u kthye në favorizim politik dhe këtë kolegu i Ballës në krahun tjetër, Edmond Spaho, thotë se e ilustron me dokumenta zyrtar.

https://youtu.be/OBt8TLQCMYE

“Kompania pa përvojë e mikut trafikant droge të Taulant Ballës përfitoi një tender publik nga Operatori i Sistemit të Transmetimit”, deklaroi Edmond Spaho.

Kjo, theksojnë demokratët, vetëm pak muaj pasi kompania në pronësi të Edmond Begos, “Inerte Express” shtoi në funksionet e saj “ndërtimin e nënstacioneve elektrikë” në dhjetor të 2017, ndërkohë që:

“Dokumentet tregojnë se tenderi i OST-së me vlerë 100 milionë lekë i është dhënë trafikantit të dënuar me 21 vjet burg për drogë, në fillim të verës, në zemër të zonës elektorale të Taulant Ballës, në Librazhd”, u shpreh nënkryetari i PD-së”, u shpreh nënkryetari i Partisë Demokratike.

Një kontroll dokumentacioni në Qendron Kombëtare të Bizneseve, tregon se kompania në pronësi të Mondi Begës, InertExpress në 5 Dhjetor 2017, shtoi në në veprimtarinë e kompanisë ndërtimet për nënstacionet, kabinat e transfomatorëve për shpërndarjen e energjisë në funksionet e saj, 6 muaj përpara se të fitonte tenderin prej 100 milionë lekësh të reja për rikonstruksionin e impiantit të nënstacionit Librazhd.

Për demokratët, ka qënë dora e Taulant ballës ajo që ka lëvizur kartat në mënyrë që OST të shpallë kompaninë InertExpress fituese të tenderit, edhe pse pa eksperiencë në fushën e kërkuar dhe për këtë, thekson Spaho, numri 2 i socialistëve duhet t’u përgjigjet shqiptarëve./abcnews.al

 

edmond-spahoo.jpg
G. P.13:09 | 01/08/2018

Kreu i grupit parlamentar demokrat, Edmond Spaho, nga foltorja e selisë blu ka argumentuar ato që sipas forcës politike ku bën pjesë, janë shkak i rritjes ekonomike, jo për xhepat e shqiptarëve, por për ato të ekzekutivit.

“Statistikat e Edi Ramës se rritja ekonomike është 4.45 përqind janë përpjekje për të mashtruar shqiptarët. Numrat janë të pagabueshëm! 66.4 përqind të rritjes ekonomike e zë energjia elektrike. Thënë ndryshe, rritja ekonomike prej 4.45 përqind ka ardhur për shkak të reshjeve të shiut dhe shitjes së energjisë elektrike”, deklaroi Spaho.

E zhveshur nga zëri i energjisë elektrike, rritja ekonomike, ajo që ndikon në përditshmërinë e qytetarëve, kap vetëm shifrën 2.5%, thekson Spaho, duke listuar edhe arsye të identifikuara edhe në raportin e fundit të Departamentit Amerikan të Shtetit.

“Ekonomia mund të njohë rritje reale vetëm; kur në Shqipëri të vijnë investime serioze të huaja, kur kryeministri të mos i shantazhojë investitorët e huaj që të punojnë me oligarkët e tij; kur kryeministri të mos e japë Shqipërinë me koncesion tek klientët e tij dhe kur kryeministri të mos e shndërrojë Shqipërinë në kampionë të Europës për korrupsion, ku 1 në 3 tendera jepen pa garë. Të gjitha këto, siç vuri në dukje Departamenti Amerikan i Shtetit, po ndodhin në Shqipërinë e drejtuar nga Edi Rama”, tha Spaho.

Zgjidhja ofrohet nga vizioni i demokratëve, thekson Spaho, i cili kthen taksat e ulëta, lufton korrupsionin dhe i jep fund klientelizmit dhe abuzimit me fondet publike./abcnews.al

spaho-123-1280x700.jpg
G. P.12:03 | 19/07/2018

Opozita braktisi punimet e seancës plenare, kur nisën diskutimet për rendin e ditës. Kryetari i grupit parlamentar demokrat, Edmond Spaho, tha se largimi nga seanca ishte në shenjë proteste për mospërsëritjen e votimit të ligjit për teatrin, që sipas opozitës ishte i manipuluar. Mazhoranca e akuzoi për mungesë alternative.

Opozita nuk është tërhequr nga kërkesa e saj. Këmbëngul se projekt ligji për teatrin duhet të rivotohet.

Kryetari i Kuvendit urdhëroi që të mblidhej Këshilli i Emërimeve dhe Procedurave, i cili u mblodh dhe në fakt vërtetoi qëndrimin e opozitës. Në fakt votimi i një deputeti të opozitës ishte kryer pavarësisht pretendimeve të palëve se kush e kishte kryer. Sa kohë që ky votim ka qenë i parregullt duhet të përsëritet. Unë në emër të opozitës kërkoj që  të ripërsëritet ky votim.

Kërkesa e tyre është refuzuar prandaj Partia Demokratike dhe Lëvizja Socialiste për Integrim nuk e sheh me vend qëndrimin në sallën e Kuvendit.

Në shenjë proteste ne do të largohemi nga kjo seancë sepse nuk mund të qëndrojmë në një Kuvend ku vidhet vota edhe pse nuk është e nevojshme që të bëhet”.

Kryetari i grupit parlamentar socialist i sqaron edhe një herë se barra e asaj që ndodhi i bie përsëri opozitës për rrengu që iu bë deputetit Bitri.

Nëse ka një faj për këtë çështje u takon deputetëve të caktuar të opozitës”.

Taulant Balla i kujton opozitës kërkesën e eurolomisionerit Johanes Hann për mosbojkotim.

Kreu i grupit të Partisë Socialiste tha se do të shtyhet dhe votimi i dy ligjeve që duan shumicë të cilësuar votash siç janë Kodi Rrugor dhe ligji i Magjistraturës.Ai ftoi në mënyrë të vecantë LSI-së për të votuar së bashku ligjin.

Kjo është hera e dytë që dështon votimi i Ligjit për magjistratët i cili kërkon 84 vota.

/abcnews.al

spaho-per-teatrin-1280x688.jpg
ent ela11:02 | 09/07/2018

Opozita ka bojkotuar seancën e sotme parlamentare në shenje proteste kundër votimit të ligjit për shembjen e godinës së teatrit Kombëtar. Kryetari i grupit parlamentar demokrat Edmond Spaho në fjalën e tij në Kuvend akuzoi për manipulim të rezultatit të votimit, pasi sipas tij një nga deputetët e opozitës pa qenë në sallë rezulton të ketë votuar pro ligjit. Ai kërkoi anulim të votimit dhe rivotim të ligjit.

Spaho: “Të enjten është kryer votimi për shembjen e Teatrit Kombëtar në një akt të paprecedentë, por më shumë se përmbajtja e ligjit dhe vetë procesi i votimit ka pasur difekte, rezultati është manipuluar. Një nga deputetët e opozitës pa qenë në sallë rezulton të ketë votuar pro ligjit për shembjen e Teatrit. Nuk është hera e parë në këtë kuvend që të ndodhin çudira të tilla. Kërkesa jonë për të anuluar votimin, për ta rivotuar ligjin, është bërë para dy ditësh.

E para gjë që duhet të bënte Kuvendi do të ishte verifikimi i pretendimeve të opozitës dhe sot të kishim  një përgjigje të qartë çfarë ka ndodhur. Në këto kushte ne nuk do të marrim pjesë në seancën e sotme për shkak se gjendje të tilla në Kuvendin e Shqipërisë po bëhen të zakonshme. Opozita jo vetëm po provohet nga e drejta e fjalës, por vullneti i saj po denatyrohet nëpërmjet mekanizmave të tilla që falsifikojnë votimin e  një ligji kaq të rëndësishëm dhe të kontestuar nga një pjesë e madhe e opinionit publik”. /abcnews.al

pd.jpg
G. P.14:32 | 01/06/2018

Në selinë e PD ka shqetësim se kreu Lulzim Basha dhe familja e tij po survejohen në mënyrë të vazhdueshme dhe të paligjshme nga policia. Basha zhvilloi sot një takim me drejtues të strukturave të partisë dhe grupit parlamentar, ndërsa Edmond Spaho në një deklarate pas takimit akuzoi drejtpërdrejtë ministrin e Brendshëm, Fatmir Xhafaj.

Demokratët nuk i bind deklarata e Policisë së Shtetit se kryetari i tyre, Lulzim Basha dhe familja e tij nuk janë survejuar nga struktura të policisë. Madje nga selia blu tregojnë edhe se çfarë fshihet përtej kësaj ndjekje klandestine siç e emërton kryetari i grupit parlamentar demokrat, Edmond Spaho.

Edmond Spaho: “Operacioni klandestin është konceptuar dhe zbatuar nga Fatmir Xhafaj, ish-hetuesi i dhunshëm i komunizmit, me urdhër të Edi Ramës. Ndjekja dhe përgjimi i kryetarit të opozitës bëhet për interesa kriminale”.

Sipa Spahos operacioni i përgjimit ndaj Lulzim Bashës dëshmon se qeveria funksion si një pushtet privat kriminal në mbrojtje të trafikut të drogës dhe krimit të organizuar, ku janë përfshirë drejtuesit më të lartë të qeverisë. Prokuroja e përgjithshme e përkohshme është mburoja e tyre deklaroi kryetari i grupit parlamentar të Partisë Demokratike.

Edmond Spaho: “Këto operacione klandestine kriminale kanë garancinë e mbrojtjes nga prokuria politike e drejtuar nga Arta Marku, përfaqësuesja dhe shërbëtorja politike e dyshes Rama-Xhafaj. Këto veprime kriminale kanë garancinë e mosndëshkimit si rezultat i shkatërrimit të Gjykatës Kushtetuese, paralizimit të plotë të Gjykatës së Lartë dhe kontrollit të plotë mbi sistemin e drejtësisë nga Edi Rama dhe Fatmir Xhafaj”.

Për Partinë Demokratike reforma në drejtësi duhet të kthehet në binarët kushtetues me qëllim çlirimin e drejtësisë nga kapja që i ka bërë sipas saj Edi Rama dhe përmes tij, krimi i organizuar./abcnews.al

MIRELA-EDMOND-SPAHO-1280x720.jpg
ent ela22:52 | 28/05/2018

I ftuar në studion e Mbrëmje në ABC News kreu i grupit parlamentar demokrat Edmond Spaho ka folur sa i takon vendimit për lirimin e Sajmir Tahirit. Ai ka akuzuar kryeministrin Rama se duke mbrojtur Tahirin, Rama mbron veten.

Spaho ka folur edhe për protestën e opozitës dhe vendimin e grupit parlamentar të PD-së për të vijuar aksionin opozitar. /abcnews.al

EDMOND-SPAHO-DENONCIMET-1280x720.jpg
ent ela21:30 | 28/05/2018

Kryetari i grupit parlamentar të PD, Edmond Spaho paralajmëron se opozita do publikojë edhe të tjera të dhëna kompromentuese për ministra të qeverisë, që ilustrojnë akuzat e saj. Spaho tha se në mbledhjen e grupit parlamentar është vendosur që protestat do vazhdojnë e madje edhe të zgjatura në kohë.

Spaho: Do të ketë edhe protesta të mëdha e të zgjatura në kohë, por do të duhet të punojmë fort me opinionin publik për ta ndërgjegjësuar të marrë pjesë në protestë e të rezistojë deri sa qeveria të dorëzohet.

Milori: Keni materiale kompromentuese për qeverinë?

Spaho: Janë shfaqur pafund , vetëm me këto që janë shfaqur çdo lloj qeveri do kishte rënë. Për të tjerat në kohën e vendin e duhur do i bëhen me dije opinionit publik.

Milori: Këto materiale kanë të bëjne më misnitra apo të afërm
Spaho: Ka për të gjithë palët, edhe për kryetarët e bashkive edhe ministrat që negociojnë me kriminelë për shit-blerje vote.

Milori: I keni këto materiale?

Spaho: Besoj se kjo përgjigje që dhashë mjafton. /abcnews.al

edmond-spaho.jpg
ent ela21:24 | 15/05/2018

Për deklaratën e kryeministrit Rama ka reaguar Partia Demokratike përmes kryetarit të grupit parlamentar. Edmond Spaho shkruan në Facebook, se bie dakord me kryeministrin Rama, se nuk jemi të gjithë njësoj. Kreu i deputetëve demokratë vijon duke thënë se Edi Rama eshte arkitekti i bashkeqeverisjes me krimin, ndërsa opozita është ajo që lufton prej 5 vitesh lidhjet e Ramës me krimin e organizuar.

“Edi Rama është ai që emëron Ministrat e Brendshëm me lidhje familjare me trafikun ndërkombëtar të drogës! Ne jemi ata që e zbulojnë këtë të vërtetë!. Ne nuk jemi njësoj! Ne anëtarësuam vendin në NATO dhe hoqëm vizat! Edi Rama, me bashkëqeverisjen me krimin e organizuar, po pengon integrimin europian të vendit”-përfundon postimi i Spahos. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono