Edmond Spaho

IMG_8870-1280x853.jpg
G. P.16:21 | 06/04/2019

Partia Demokratike ka akuzuar kryeministrin Edi Rama si i përfshirë drejtpërdrejt me bashkëpunëtorë të tij të afërt politikë, në atë që e quan fabrikimin shtetëror të dëshmitarit të rremë kundër opozitës në çështjen “Babalja”.

Deklarata është bërë nga nënkryetari i PD-së Edmond Spaho, që deklaroi se edhe prokuroria është pjesë e skemës së manipulimit shtetëror.

“Gjatë gjithë kësaj jave qytetarët shqiptarë dhe opinioni ndërkombëtar kanë parë dhe dëgjuar përgjimet zyrtare nga Prokuroria, që provojnë skandalin mafioz të fabrikimit shtetëror të një dëshmitari të rremë kundër opozitës dhe medias në çështjen “Xhafaj”.

Qytetarët kanë dëgjuar sesi drejtuesit më të lartë të Policisë së Shtetit kanë paguar para në dorë aktorit të qeverisë, Fredi Alizoti, i dënuar më parë për trafik droge, në mënyrë që të gënjente se ishte ai dhe jo Agron Xhafaj që koordinonte trafikun e drogës nga Vlora.

Përgjimet zyrtare të Prokurorisë tregojnë se ky skenar kriminal është vënë në zbatim nga një bashkëpunim mes drejtuesve më të lartë të Policisë së Shtetit, kupolës politike të Rilindjes dhe qeverisë, me përfshirje direkte të Prokurorisë dhe Shërbimit Informativ Shtetëror.

Një javë pas publikimit të këtij skandali mafioz çdo shqiptar e ka kuptuar se i përfshirë drejtpërdrejt është vetë Edi Rama dhe bashkëpunëtorët e tij më të afërt politikë.  Kapitullimi i shtetit të së drejtës dhe kapja e çdo pushteti në Shqipëri nga Edi Rama me krimin e organizuar, është kërcënimi më i madh për sigurinë dhe të drejtat e çdo qytetari shqiptar.

Ndaj, kauza jetike për të rikthyer sundimin e ligjit dhe për të çliruar qeverisjen nga krimi, ka bashkuar shumicën e shqiptarëve rreth opozitës në betejën për liri, siguri dhe mirëqenie për të gjithë.

Largimi i qeverisë së krimit do të jetë fitorja e parë e kësaj beteje”, tha Spaho./abcnews.al

spaho.jpg
G. P.21:04 | 21/03/2019

Opozita do të vazhdojë të protestojë sa herë të ketë seancë plenare. Ishte kjo deklarata e ish-kryetarit të grupit parlamentar të PD-së, Edmond Spaho, i cili gjatë emisionit “Mbrëmje ABC” me Mirela Milorin tha se po diskutohet një datë tjetër ku do të protestohet përpara Kuvendit.

“Çdo të enjte do të ketë protestë kur mblidhet parlamenti. Do të ketë edhe një protestë të radhës përballë Kryeministrisë që mund të jetë 6 ose 13 Prill. Shumë shpejt do e vendosim. Po konsultohemi me të gjithë aktorët”, tha Spaho.

Të shtunën e 23 Marsit, Partia Socialiste pritet të zhvillojë Kongresin e saj, por është lajmëruar që mund të ketë edhe një miting nga ana e simpatizantëve të saj. I pyetur nëse Partia Demokratike do të zhvillojë një anti-miting të shtunën, Spaho tha se nuk ka dijeni nëse do të ketë ndonjë aktivitet nga selia blu, por nuk e përjashtoi dhe mundësinë e një proteste.

Përsa i përket frikës për një konflikt civil, Spaho tha se kokëfortësia dhe mungesa e tolerancës mund të çojnë në një përplasje.

“Nga sa jam në dijeni nuk di të ketë aktivitet tonin të shtunën, por nuk e përjashtoj të zhvillojmë një protestë, pasi jemi në një cikël protestash. Nuk e shikoj si anti miting, por si përpjekje për të përçuar edhe njëherë më shumë mesazhin tonë te kjo mazhorancë. Është e mira që mazhoranca ta shikojë me kthjelltësi rrugën ku po e fut vendin. Të shikojë defektet dhe problemet që ka pasur në qeverisje dhe të përpiqet të marrë disa përgjegjësi dhe ti vërë në rrugën e zgjidhjes. Këto problematika nuk janë krijuar për faj të opozitës. Nuk dua ti referohem një rasti konkret si ky i ditës që po flisni ju, po kokëfortësia, mungesa e tolerancës mund të çojë në përplasje civile. Këtë nuk e them unë për herë të parë. Shikohet si një opsion që do jetë produkt i intoleranës, i kokëfortësisë, i të vazhduarit në atë rrugë që ka nisur në 2013-n. Ndryshe pse do kishim ardhur këtë? Dhe për këtë nuk mund të akuzohet opozita. Është produkt i sjelljes së mazhorancës. Opozita nuk qeveris”, tha Spaho.

Gjithashtu, Spaho u shpreh se do ishte kundër hyrjes së PD-së në zgjedhjet lokale të Qershori.

“Vendimi nuk është marrë, por nëse do më pyesnit mua e shikoj pakuptim pjesëmarrjen në zgjedhje lokale sa kohë luftojmë për zgjedhje të përgjithshme”, tha Spaho./abcnews.al

mond-spaho.jpg
G. P.18:01 | 28/02/2019

Pas dy protestave të opozitës dhe djegies së mandateve nga ana e tyre kohët e fundit qarkullon frika e një destabiliteti, i cili do të kishte pasoja të forta.

I ftuar në ABC News, nënkryetari i Partisë Demokratike, Edmond Spaho, tha se nëse qeveria do vazhdojë në rrugën e konfrontimit edhe zemërimi i qytetarëve do përshkallëzohet dhe nuk dihet se çfarë do ishte përfundimi i gjithë kësaj.

Juli Xhokaxhi: Zoti Spaho meqenëse thatë që qytetarët janë të vendosur, do vazhdojë përshkallëzimi, nuk ka rrugë tjetër, një nga frikërat e mëdha që po qarkullon ditët e fundit, por që besoj se është edhe pjesa e ndërkombëtarëve është përplasja shumë më e fortë nga ajo që kemi parë deri më tani. Nuk dua të përmend termin konflikt civil apo konflikt social, por një debastilitet me pasoja të forta, do ishit në gjendje ta menaxhonit që të mos arrihet deri këtu?

Edmond Spaho: Ne nuk menaxhojmë zemërimin e qytetarëve. Kjo pyetje i duhet drejtuar qeverisë, pasi ajo është përgjegjësja për të mbajtur rendin dhe rregullin. Nëse qeveria do vazhdojë në rrugën e konfrontimit, zemërimi i qytetarëve do përshkallëzohet dhe pastaj nuk dihet ku do shkojmë. Qeveria duhet të mbahet përgjegjëse për këtë dhe kur them qeveria kam parasysh Edi Ramën. Sepse Edi Rama është strumbullari i të gjitha gjërave në këtë vend përgjegjësi nr 1 që kemi arritur në këtë pikë. Nëse ka vendosur t’i shpallë luftë qytetarëve me anët të gazit kimik edhe ata do ti gjejnë mënyra që t’i përgjigjen.

Përsa i përket deklaratave të delegacionit të eurodeputetëve të PE-së në Tiranë këtë të enjte, Spaho deklaroi në ABC News se ““Personalisht nuk kam pasur asnjë pritshmëri që do rreshtoheshin në krah demokracisë. Nuk po them në krah të opozitës, por po them në krah të demokracisë . Së pari nuk kanë ardhur për këtë qëllim, por për të parë “progresin” që ka bërë vendi për hapjen e negociatave në Qershor të 2019-s. Dhe së dyti janë të panjohur me realitetin në Shqipëri. Nuk është e mundur ta njohësh në një apo dy ditë”./abcnews.al

spaho.jpg
G. P.17:33 | 28/02/2019

Edmond Spaho nuk priste që eurodeputetët e delegacionit të PE-së të rreshtoheshin krah demokracisë. Sipas nënkryetarit të PD-së, ata janë të panjohur me realitetin në Shqipëri. Në studion e ABC News përballë gazetares Juli Xhokaxhi, ai theksoi se në këtë fazë të zhvillimeve politike presioni është hedhur gjithmonë mbi opozitën.

“Personalisht nuk kam pasur asnjë pritshmëri që do rreshtoheshin në krah demokracisë. Nuk po them në krah të opozitës, por po them në krah të demokracicsë . Së pari nuk kanë ardhur për këtë qëllim, por për të parë “progresin” që ka bërë vendi për hapjen e negociatave në Qershor të 2019-s. Dhe së dyti janë të panjohur me realitetin në Shqipëri. Nuk është e mundur ta njohësh në një apo dy ditë. Në këtë fazë të zhvillimeve politike në Shqipëri gjithmonë presioni është hedhur mbi opozitën për hir të stabilitetit. Sakrifikohet demokraia për hir të gjoja stabilitetit se duke shkatërruar demokracinë shkohet drejt destabilitetit. Këto vendet e këtij rajoni dhe veçanërisht Shqipëria e ka treguar qartazi se sa herë përqendrohesh në stabilitet rrënohet demokracia dhe shkohet drejt  destabilitetit”, tha Spaho.

Për sa i përket deklaratës së eurodeputetit Kalem se zgjedhjet e 2017-s janë të ligjshme, Spaho vendosi të mos i komentonte ato pasi sipas tij faktet janë të qarta që zgjedhjet janë vjedhur.

“Nuk dua të komentoj pozicionin e tyre sa kohë që faktet janë të qarta që zgjedhjet janë vjedhur. Këtë nuk e thotë opozita shqiptare, këtë e thotë shërbimi sekret gjermane. Kemi dosjen 339. Ka dy vjet që kjo dosje fle, e cila ka 400 disqe me përgjime. Është i përfshirë kryetari i Bashkisë së Durrësit, është i përfshirë, ish-ministri i Infrastrukturës, kryetari i Bashkisë së Elbasanit”, tha Spaho./abcnews.al

edmond-spaho.jpg
G. P.14:16 | 06/02/2019

Socialistët në konferencën e kryetarëve të grupeve parlamentare mbledhur gjatë mesditës kanë refuzuar ringritjen e komisionit hetimor për ish-ministrin e Brendshëm, Saimir Tahiri, duke kërkuar më tepër kohë për t’u njohur me kërkesën e bërë nga demokratët.

Kryetari i grupit parlamentar të Partisë Demokratike, Edmond Spaho, thotë se kjo është një zvarritje e qëllimshme me urdhër të kryeministrit Edi Rama.

“Në përpjekje për ta zvarritur sërish të drejtën kushtetuese të opozitës për të kontrolluar qeverisjen, që në këtë rast ëhstë bashkëqeverisje me bandat, Partia Pocialiste kërkoi kohë për t’u njohur me kërkesën tonë për komision hetimor. Pasi e bllokuan për gati një vit hetimin nga parlamenti të veprimeve të Saimir Sahirit dhe Edi Ramës për trafikun e drogës, duke mos na vënë në dispozicion asnjë dokument, kërkuan që të njihen me ndryshimet që ne kemi paraqitur në kërkesën për komision hetimor, megjithëse kërkesa është depozituar që në datën 1 Shkurt 2019. 

Ndryshimet tona nuk janë thelbësore. Ato kanë të bëjnë:

– Me kohën e hetimit, që nga 6 muaj, bëhet 3 muaj

– Me numrin e deputetëve që nga 9, bëhet 11

– Me ngushtimin e kohës për të cilën do të hetohet, nga e papërcaktuar, në 2014-2018.

Skema për të zvarritur hetimin parlamentar për Saimir Tahirin dhe lidhjet e tij me trafikun e drogës është e njëjta që po ndiqet edhe në prokurori. Përtej shoë-t që ndiqni në ekrane për afate të reja hetimi apo ankesa fallso kundër prokurorisë, gjithçka është skemë.

Partia Demokratike e ka paralajmëruar se Donika Prela, që duhet të ishte nën hetim për pastrim parash dhe favorizim të bandave, po bëhet gati të lirojë Tahirin nga akuza e drogës dhe, në rastin më të keq, do t’i ngarkojnë një akuzë banale, si shpërdorimi i detyrës.

Edi Rama ka vendosur çdo institucion në shërbim të Tahirit, për të mbrojtur veten e tij nga drejtësia”, tha Spaho./abcnews.al

OK-SINKRONE-ULSI-SPAHO-BERISHA.mpg_snapshot_00.28-1280x720.jpg
G. P.15:44 | 21/12/2018

Gjatë diskutimeve në sallën e parlamentit deputetët Edmond Spaho dhe Ulsi Manja kanë debatuar mes njëri-tjetrit duke hedhur akuza të ndërsjellta. Pjesë e këtij debati ku në thelb ishin zgjedhjet vendore të Dibrës, të manipuluara sipas opozitës, u bë edhe ish kryeministri Berisha.

Edmond Spaho: “Ne nuk jemi naivë që të besojmë se Edi Rama që ka molepsur kaq shumë politikën ka vullnetin ta pastrojë atë. Nëse këto ndryshime do të miratoheshin pyetjet vijuese do të ishin: Po Ulsi ku do të shkojë nëse do të dalin interceptimet që ka bërë me banditë në Dibër në zgjedhjet e vitit 2016. ”
Ulsi Manja: “Ju ndoshta më keni parë në zgjedhje sepse unë nuk kam qenë në ato zgjedhje, por më vjen mirë që unë ju dal shpesh edhe në ëndërr. Por zoti Spaho dhe Zoti Alibeaj të jeni të sigurtë që ur të hapet Dibra dhe çdo fenomen tjetër ku del emri i Ulsi Manjësmua do të më keni në dispozicion të drejtësisë. Por me një ndryshim, ndoshta nuk do të jem në këtë sallë, sepse unë nuk e kam ndarë mendjen me dalë në pension deputet. Por për ty zoti Spaho jam i sigurt që do të jesh përsëri në rresht të parë edhe kur zoti Basha ta lerë politikën, sepse njerëz si ti që i bëjnë fresk liderit të rradhës asnjëherë nuk kanë për ta humbur vendin e parë në këtë sallë.”

Edmond Spaho: “Unë jam jetëgjatë në politikë sepse as vjedh e as mbaj lidhje familjare me kriminelë e banditë, sikurse i mban ti Ulsi. Kam mbajtur pothuajse të gjitha postet në administratë, në qeveri, në Kuvend. Po të kesh qoftë edhe një fakt me abuzime me pushtetin urdhëro bujrum. Unë thash interceptime nuk thash prezencë fizike. Po më shpjegove ti Ulsi si i trefishove votat pasi tu këput zinxhiri i brekëveunë i tërheq.”

Sali Berisha: “Ulsi fjalimin ta ka përgatitur Ymer Lala. Ulsi pse ta ka përgatitur fjalimin Ymeri? Sepse ai të kapi nga zverku dhe të nxorri jashtë nga gara elektorale e PS në Dibër. Edhe ato interceptime që mund të jenë për ty janë interceptime të skllavit sepse jo të gjithë ju jeni shtylla krimi. Disa jeni bosë të krimit, të tjerë jeni skllavë të krimit.”

Edmond Spaho: “Në fakt kur kryetari i grupit më të madh të opozitës katandiset dhe përdor fjalët brekë dhe ushkur, ky është fundi i opozitës së vendit. Zoti Berisha, unë mund të të ngjaj me këdo, por ta kam thënë dhe do të ta them prap se në xhaketën e Ulsi Manjës nuk ka patur as nuk do të ketë njolla gjaku shqiptarësh të këtij vendi.”/abcnews.al

spaho1-1280x720.jpg
ent ela19:34 | 18/12/2018

“Nuk habitem që në 21 janar të votojmë një qeveri tjetër jo të Edi Ramës”. Kështu u shpreh në studion e Mbrëmje në ABC News kreu i grupit parlamentar demokrat Edmond Spaho. I pyetur për zhvillimet në vend, protestën e studentëve, situatën politike brenda PD-së dhe nëse parashikohen zgjedhje të parakohshme, Spaho tha se çdo gjë është e mundur duke parë situatën ku ndodhemi.

“Çdo gjë është e mundur situata është shumë inkadeshente. Në varësi të situatës ditët e ardhme do planifikojmë edhe hapat tanë. Nuk habitem që në 21 janar të votojmë një qeveri tjetër jo të Edi Ramës. Të gjitha opsionet janë të mundshme, sa ndryshimet mund të jenë shumë të shpejta. Në protestën para parlamentit të enjten pjesëmarrja do jetë e madhe dhe ne do u bëjmë thirrje qytetarëve të mbështesin studentët, se kauza e tyre është e madhe se po lëvizin një komb të tërë për të kërkuar ndryshimin”.

Sipas Spahos trendi i protestave mund të kulmojë me rrëzimin e Ramës për t’i hapur rrugë reformave të tjera.

“Zgjedhje të lira e të ndershme me Ramën kryeministër nuk ka, ky është objektivi madhor, por cilido është zgjedhja e PS kë do vërë në krye të PS. Rama lidhi politikën me krimin, shkatërroi zgjedhjet me paratë e drogës, kanabisit dhe format e tjera negative që na tregojnë në Ballkan si vendi që nuk bëjnë dot zgjedhje. Ne do bëjmë gjithçka është e mundur së bashku me grupet e interesit. Trendi i protestave mund të kulmojë me rrëzimin e Ramës. Nëse Rama do largohet do t’i hapen rrugë reformave të tjera”.

Duke folur për protestën e studentëve demokrati tha se ajo është e drejtë e tyre legjitime, sepse ligji për arsimin vetëm e përkeqësoi atë në vend që ta përmirësonte.

“Është e drejtë legjitime e tyre, ne e kemi thënë që atë vit që ky ligj do e përkeqësojë arsimin shqiptar, ne kishim të drejtë. Efektet e ligjit po japin në mënyrë të plotë atë që ne parashikuam. Tarifat janë rritur. Nuk ka pasur ndryshime të kushteve. Ligji ka favorizuar dukshëm arsimin privat”.

Në këndvështrimin e tij Spaho e sheh të mundshëm tarifën prej 5% të GPD për arsimin.

“Ne kur ishim në qeveri kishim prioritet investimet në infrastrukturë, nëse Kryeministri e ka prioritet arsimin i ka të gjitha mundësitë. Ne kemi marrë borxh dyfishin e borxhit gjatë kohës që qeveriste PD. Shteti të finnacojë për arsimin publik. 5% është objektiv i arritshëm”.

Sa u takon akuzave të kryeministrit për protestën e studentëve, Spaho shprehet se akuzat e Ramës janë mjet për të shpëtuar nga situata e vështirë ku ndodhet.

“Në asnjë rast ne nuk kemi pasur prezencë aty, nuk jemi përpjekur për t’i rreshtuar si kontigjentë për qëllime politke. Akuzat e Ramës janë mjet për të shpëtuar nga situata e vështirë ku ndodhet. Rama po e menaxhon në mënyrën më të keqë te mundshme. Përderisa pranon që studentët kanë të drejtë, atëherë plotësoji kushtet”.

Gjatë fjalës së tij në studion e  ABC Neës Spaho sqaroi edhe njëherë dy çështjet që e kthimit të opozitës në Kuvend, që janë protesta e studentëve dhe reforma zgjedhore, dhe jo djegia e mandateve.

“Ne kthehemi në Kuvend për shpresën e studentëve, për rikthmin e buxheteve. Janë të gjitha mundësitë që të gjitha kërkesat e studentëve të plotësohen. Edhe javën e kaluar ne ishim në Kuvend me numër të reduktuar deputetësh në mbështetje të amendamenteve për këtë çështje, plotësimin e kërkesave të studentëve. Çështja e dytë që na detyron të kthehemi është vetingu në politkë, ashtu si e kemi deklaruar edhe në shtator.

Nëse do vendosim të djegim mandate do e bëjmë me një deklaratë, me një vendim për një qëllim politik”. /abcnews.al

 

edmond-spaho-1280x720.jpg
ent ela20:25 | 19/11/2018

Propozimi i PD për vetingun në politikë ishte në fokus të bisedës në studion e Mbrëmje në ABC News, pas takimit të nënkryetarit i Partisë Demokratike Edmond Spaho me anëtarët e komisionit të Venecias. Sipas tij biseda me ta u përqëndrua në nevojën e vetingut në politikë dhe lidhjet e krimit me politikën si edhe mekanizmin si mund të funksionojë.

“Biseda u përqëndrua në nevojën e vetingut në politike dhe lidhjet e krimit me politikën si edhe mekanizmin si mendojmë ne se mund të funksionojë. Në thelb shpjeguam qëndrimin e opozitës për këtë çështje, sugjeruan që sikurse veprohet për gjyqtarët e policët, të aplikohet i njëjti standard dhe theksuamm që çdo refomë që ndërmerret në Shqipëri pa u ndarë politika nga krimi nuk funksionon. Ata nuk shprehen pasi qëllimi i vizitës është të takojnë palët, të marrin të gjitha sqarimet dhe më në fund do shprehin opinionet e tyre”.

I pyetur nëse Komisioni i Venecias i jep të drejtë propozimit të mazhorancës, Spaho shprehet se nuk ka arsye pse mos e pranojë vetingun e politikanëve.

“E kam të vështirë ta mendoj një rats të tillë sepse së pari Komisioni i Venecias është shprehur pro vetingut të prokurorëve dhe gjykatësve dhe nuk ka asnjë dallim. Nuk ka arsye pse mos e pranojë vetingun e politikanëve për më tepër që këto janë fenomene shqiptare të përkohshme, janë struktura të përkohshme jo të përhershme”.

Spaho theksoi se Komisioni i venecias do të sjellë draft-raportin paraprak brenda dy javëve dhe më pas do shqytrtohet në mbledhjen e Komisionit të Venecias nga mesi i dhjetorit, ndërkohë që raporti përfundimtar del nga 20 dhjetori.

Gjashtë anëtarë të Komisionit të Venecias kanë mbërritur sot në Tiranë, për t’u njohur me propozimet e opozitës për Vettingun në Politikë.

Kreu i grupit demokrat ka folur gjithashtu edhe për zgjedhjet në parti dhe për përgatitjet për zgjedhjet vendore. /abcnews.al

IMG_0001-1280x853.jpg
ent ela16:12 | 05/11/2018

Partia Demokratike kërkon arrestimin e kryetarit të Bashkisë Durrës Vangjush Dako. Nënkryetari Edmond Spaho nëpërmjet një deklarate për shtyp tha se çdo ditë në liri, kryebashkiaku Dako përbën rrezik për shkatërrimin e provave që vërtetojnë sipas demokratëve, blerjen e votave me mbështetjen e bandave kriminale.

Edmond Spaho, Nënkryetar i Partisë Demokratike
Ka të paktën dy javë që shqiptarët kanë parë provat e vërtetësisë së denoncimit të Partisë Demokratike se Vangjush Dako ka bashkëpunuar me bandat e Durrësit duke i përdorur ato për të  blerë vota për pushtetin e tij dhe të Edi Ramës.

Përgjimet e dosjes 339 kanë faktuar se Vangjush Dako është në komunikim të vazhdueshëm me bandat para, gjatë dhe pas zgjedhjeve, duke shkëmbyer me pasuri dhe pushtet votat e blear për tepsinë e Edi Ramës.

Faktet e krimit elektoral të Vangjush Dakos janë të qarta dhe për këtë krim ai duhet të jetë në burg!

Deri tani janë publikuar vetëm 3 përgjime, që janë maja e ajsbergut e provave se Vangjush Dako e qeveris Durrësin me bandat më të rrezikshme, njësoj si Edi Rama qeveris vendin me krimin e organizuar.

Përgjimet zyrtare të prokurorisë nga dosja 339 nxjerrin në pah marrëdhënien e ngushtë të Vangjush Dakos me bandën e Avdylajve, trafikantë ndërkombëtarë droge nga Amerika latine në Euopë, të cilët i ka përdorur në fushatë për të blerë zgjedhjet. Përgjimet faktojnë gatishmërinë dhe garancinë e Vangjush Dakos për t’i mbaruar punë bandës.

Vangjush Dako duhet të arrestohet pa vonesë.

Çdo ditë në liri ai shkatërron prova dhe manipulon dëshmitarët, i ndihmuar plotësisht nga kryeministri i vendit Edi Rama.

Mosarrestimi i Dakos është dëshmia më e qartë e kapjes së shtetit nga krimi i organizuar me mbështetje të organizatës kriminale të Rilindjes të drejtuar nga Edi Rama.

Mosarrestimi i Dakos është prova e shkatërrimit total të prokurorisë së krimeve të Rënda.

Mosarrestimi i Dakos hedh në erë alibitë qesharake për suksesin e reformës në drejtësi.

Ndodhemi para një momenti dramatik për fatin e drejtësisë dhe të vendit.

Nuk mund të ketë as drejtësi as paqe sociale, kur arrestohen dhe mbahen në burg ata që protestojnë për bukën e gojës dhe bredhin të lirë politikanë kriminelë si Vangjush Dako, vetëm pse gëzojnë mbështetjen e kreut të qeverisë.

Në Shqipëri nuk ka për të patur as drejtësi, as luftë kundër krimit dhe asnjë zhvillim normal pa u ndëshkuar krimi elektoral që mban në pushtet qeverinë ilegjitime të Edi Ramës! /abcnews.al

 

balla-2.png
G. P.11:26 | 31/10/2018

Presidenti Ilir Meta nisi sot konsultime me palët politike për caktimin e datës se zgjedhjeve vendore që mbahen vitin e ardhshëm. Drejtues  të tre partive kryesore Taulant Balla, Edmond Spaho dhe Luan Rama, kanë zhvilluar takime të veçanta me kreun e shtetit në presidencë.

Është koha për të vendosur datën e zgjedhjeve të qeverisjes vendore. Kjo është arsyeja që kryetari i grupit parlamentar socialist po i drejtohet institucionit të presidencës. Është i pari në listën e të thirrurve për konsultime nga Presidenti i Republikës. 30 minuta më pas, Taulant Balla informon se një prej dy të dielave të fundit të muajit Qershor 2019 parashikon Kodi Zgjedhor për zgjedhjet lokale.

“Janë cituar dy të dielat e fundit të Qershorit si dy datat e mundshme të zhvillimit të zgjedhjeve vendore. Ka pasur në fakt nga operatorët turistikë një kërkesë për një datë më herët se fundi i Qershorit, por sigurisht që kjo është një çështje që i takon edhe dakordësisë mes të gjithëve. Megjithatë presidenti do të bëjë këtë proces konsultash. Ne nuk propozojmë datë sepse datën e përcakton Presidenti dhe Kodi Zgjedhor”, tha Balla.

Pas takimit me Presidentin e Republikës të kryetarit të grupit të deutetëve socialistë ishte e radha e Edmond Spahos që ndryshe nga kolegu i tij hyri me makinë. E po kështu doli duke mos dhënë asnjë deklaratë për mediat mbi propozimin në emër të grupit parlamentar demokrat.

Ndryshe bëri partia tjetër në opozitë. Zëvendëskryetari i LSI-së, Luan Rama, qëndroi më gjatë pasi siç tha në dalje kishin shqetësime jo me vendosjen e datës, por me standardet e zhvillimit të zgjedhjeve.

“Një pushtet që buron nga veprimtaria kriminale dhe lobimi kriminal natyrisht nuk mund të bëjë tjetër veçse t’i kthejë reston grupimeve kriminale. Ky është shqetësimi i madh dhe për sa kohë nuk ka vëmendje, vlerësim dhe angazhim të qeverisë për të pastruar ajo e para veten dhe zgjedhjet nga krimet pastaj çdo gjë tjetër është formale”, tha Rama.

Pas konsultimeve me partitë politike, Presidentit të Republikës i duhet të dekretojë datën e zgjedhjeve jo më vonë se 9 muaj pasi i mbaron mandati të zgjedhurve të njësive të qeverisjes vendore./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono