edmond islamaj

islamaj.jpeg
nev ila17:50 | 22/05/2019

Komisioni i Posaçëm i Apelimit ka shkarkuar nga detyra të gjyqtarin të Gjykatës së Lartë, Edmond Islamaj, pasi kishte problem me deklarimin e pasurisë. Gjykata e lartë është në kolaps pasi ka mbetur me dy antarë Xhezair Zaganjorin që është i ankimuar nga Komisioneri Publik dhe Ardian Dvoranin.

Edmond Islamaj ishte konfirmuar në detyrë nga Komisioni i Pavarur i Kualifikimit, por kundër këtij vendimi ka dalë Komisioneri Publik pasi kishte dyshime për pasurinë e gjyqtarit. Sipas Kolegjit të Posaçëm të Apelimit, gjyqtari Islamaj ka kryer deklarim të pasaktë, të paplotë dhe te pamjaftueshëm të pasurisë dhe për këto arsye nuk ka besueshmëri.

Në relacionin që Komisioneri Publik i dërgoi KPA-së më 12 korrik të 2018, kur dorëzoi ankimimin për Islamajn, thuhej se hetimi i pasurisë për gjyqtarin Islamaj nuk ishte i plotë.

Në listën e verifikimeve të paplota komisioneri publik përmendte transferta parash brenda e jashtë vendit si dhe dyshimet për një apartament e një dyqan në Vlorë, të cilat nuk janë hetuar plotësisht nëse lidhen apo jo me gjyqtarin Islamaj dhe bashkëjetuesen e tij.

Në seancën e zhvilluar në Komisionin e Pavarur të Kualifikimit kur është konfirmuar në detyrë, Islamaj tha se pasurinë e kishte trashëguar nga gjyshërit e tij.

Gjyqtari i Gjykatës së Lartë Edmond Islamaj ka zhvilluar një betejë të gjatë ligjore në KPA duke sjellë prova dhe dokumente për të faktuar burimin e krijimit të pasurisë.

Gjykata e Lartë, shkalla më e lartë e pushtetit gjyqësor në Republikën e Shqipërisë del kështu jashtë funksionit duke iu bashkuar Gjykatës Kushtetuese. Komisioneri publik ka ankimuar edhe  vendimin e KPK-së për drejtuesin e Gjykatës së Lartë Xhazair Zaganjori./ABC News Albania 24/7

 

kpa.jpg
G. P.15:40 | 16/11/2018

Kolegji i Posaçëm i Apelimit pranoi kërkesën e bërë nga Komisioneri Publik për rihetim të pasurive të gjyqtarit të Gjykatës së Lartë, Edmond Islamaj. Gjyqtari Islamaj u përball me Kolegjin pas ankimimit të Komisionerit Publik kundër vendimit të Shkallës së Parë të Vettingut, që e konfirmoi në detyrë.

Në këtë ankim, Komisioneri Publik pretendonte se hetimi pasuror ndaj gjyqtari Islamaj ishte i paplotë. Sipas Kolegjit, në hetim do të kalojnë faktet juridike në lidhje me përfitimin nga gjyqtari Islamaj i një pasurie kullotë në Karpen të Kavajës, mbi mënyrën e kalimit nga pasuri shtet në privat.

Në “sitë” do të kalojnë edhe tre pasuri të bashkëjetuëses së gjyqtarit, një apartament, një njësi tregtare dhe një garazh. Njëkohësisht Kolegji i Posaçëm i Apelimit do të kryejë verifikime për burimet financiare të babait të bashkëjetueses së gjyqtarit. Seanca e radhës për Islamajn do të mbahet në 11 Dhjetor 2018./abcnews.al

ISLAMAJ-KPA-1280x720.jpg
ent ela11:04 | 12/11/2018

Kolegji i Posaçëm i Apelimit nisi të hënën shqyrtimin e ankimit të bërë nga Komisioneri Publik kundër vendimit të KPK-së për konfirmimin në detyrë të gjyqtarit Edmond Islamaj. Gjyqtari i Gjykatës së Lartë pretendoi se nuk kishte asnjë problem në pasurinë e tij, por Komisionertë thanë se duhet bërë hetim më i thelluar.

Gjashtë muaj pasi kaloi me sukses procesin e vettingut gjyqtari i Gjykatës së Lartë, Edmond Islamaj, doli para një pesësheje të Kolegjit të Posaçëm të Apelimit. Vendimi i Komisionit të Pavarur të Kualifikimit për konfirmimin e tij në detyrë u ankumua nga ana e Komisionerit Publik, institucioni që përfaqëson publikun në procesin e vettingut. Komisioneri Publik i tha Kolegjit se hetimi i bërë nga ana e KPK-së për Islamajn ishte i paplotë, i mangët dhe jo bindës për pasurinë. Sipas Komisionerit, Kolegji i Posaçëm i Apelimit duhet të prishë vendimin e mëparshëm dhe të hetojë të gjitha pikat e errëta për të dalë me tej me një vendim konfirmi.

Një nga hetimet e paplota sipas Komisionerit ishte blerja e një trualli prej 1 mijë metër në bregdetin e Karpenit nga gjyqtari në vlerën e 1 mijë euro, në një kohë që vlera e shitblerjes në zonë shkonte gati në 25-fishin e vlerës së blerë nga Islamaj. Nevojë për hetim më të thelluar u kërkua edhe për disa mosdeklarime në vite të pasurive të paluajtshme të bashkëjetueses së gjyqtarit dhe blerje mbi mundësitë e saj financiare, si dhe mbi blerjen e një automjeti fuoristradë. Komisionerët Publikë thanë se në deklaratën vetting të Islamajt mungonte një vlerë prej 4.4 milionë lekë në 9 milionë lekët e pretenduara si kursime ndër vite të dy partnerëve. Sipas palës ankuese, KPK duhet të hetonte më shumë edhe për 64 udhëtimet e bëra nga Islamaj në vitet 2008-2016 dhe 56 të bashkëjetueses. “Duhet të hetohej adresa e mbërritjes, ditët qëndrimit dhe kostot përkatëse”, tha Komisioneri Balliu.

Nga ana e tij gjyqtari Islamaj tha se KPK kishte kryer një hetim të thelluar, bazuar në të gjitha të dhënat dhe provt e nevojshme. Ai kundërshtoi të gjitha pretendimet e ngritura nga ana e Komisionerit Publik, duke theksuar se të gjitha pasuritë e tij dhe personave të lidhur ishin të ligjshme. Në përfundim, për t’i dhënë kohë Komisionerëve Publikë për tu shprehur në lidhje me disa prova të paraqitura nga gjyqtari Islamaj, Kolegji shtyu seancën për të premten në orën 09:00./abcnews.al

ONM-KUNDER-KPK-APLIKIMET.mpg_snapshot_01.24-1280x720.jpg
G. P.14:12 | 17/08/2018

Procesi i Vettingut për gjyqtarët dhe prokurorët e Republikës së Shqipërisë, një nga arteriet kryesore të zemrës së reformës në drejtësi të 2016-s kanë krijuar debat përtej partive politike në vend. Në një bilanc të deritanishëm, bie në sy se 25% e vendimeve të dhëna nga Komisioni i Pavarur i Kualifikimit, me rekomandim të vëzhguesve ndërkombëtarë, janë apeluar nga komisioneri Publik.

25% e vendimeve, ose ndryshe 1/4 e gjyqtarëve dhe prokurorëve të konfirmuar nga Komisioni i Pavarur i Kualifikimit janë ankimuar në Kolegjin e Apelimit me rekomandim të ndërkombëtarëve. Është ky bilanci i deritanishëm i vendimeve të organeve të Vettingut për procesin më të diskutueshëm dhe rëndësishëm derimë tani të reformës në drejtësi të 2016-s.

– Bashkim Dedja , kryetar i Gjykatës Kushtetuese;

– Xhezair Zaganjori, kryetar i Gjykatës së Lartë;

– Gentian Osmani, prokuror i Krimeve të Rënda, kandidat për KLP;

– Gentjan Medja, gjyqtar i Gjykatës Administrative Tirane, kandidat për KED;

– Edmond Islamaj, gjyqtar i Gjykatës së Lartë;

– Artur Malaj, gjyqtar i Apelit Administrativ Tiranë;

– Alma Brati, gjyqtare në Rrethin Gjyqësor Tiranë;

Emrat që shihni në këtë tabelë, mes të cilëve edhe krerët e dy gjykatave më të rëndësishme të vendit, sot të dyja jo-funksionale, i janë referuar shkallës së dytë të gjykatave të Vettingut për apelim të vendimit të dhënë nga KPK, e cila i ka rikonfirmuar në detyrë, bazuar në një vlerësim, dukshëm jo të mjaftueshëm për Operacionin Ndërkombëtar të Monitorimit.

Ky i fundi, i quajtur ndryshe si “vëshguesit ndërkombëtarë” , bazuar në nenin 65 të ligjit për rivlerësimin kalimtar ka të drejtë të paraqesë rekomandim me shkrim për Komisionerin publik për të paraqitur ankim. I tillë ka qënë rasti për 7 nga 27 të konfirmuarit në detyrë nga KPK.
Me një kulmim të seancave të organizuara në shkallën e parë të Vettingut në muajin Korrik, ky numër rrezikon të rritet, duke ngritur dyshime lidhur me procesin dhe mënyrën e vlerësimit nga trupat e Vettingut të subjekteve të rivlerësimit.

Një tjetër rast i bujshëm kur përfaqësuesi i Operacionit Ndërkombëtar të Monitorimit është shprehur në linjë të kundërt me vlerësimin e KPK ka qenë edhe rasti i kryeprokurores së Përkohshme Arta Marku, mungesa së cilës në sallë solli zhgënjimin e trupës gjykuese si dhe vëzhguesve ndërkombëtar, të cilët ngritën pikpyetje për komponentin e tretë të Vettingut, aftësinë profesionale të zonjës Marku. Kjo e fundit u konfirmua nga KPK dhe duket se ndërkombëtarët këtë herë i kanë kursyer kryeprokurores së përkohshme një rekomandim për apelim./abcnews.al

ISLAMAJ-KOMISIONERI-1280x720.jpg
ent ela16:55 | 12/07/2018

Komisioneri Publik ka ankimuar vendimin e Komisionit të Pavarur të Kualifikimit që konfirmoi në detyrë gjyqtarin e Gjykatës së Lartë, Edmond Islamaj. Sipas Komisionerit Publik, institucionit që përfaqëson publikun në procesin e vettingut, në rastin e Islamajt hetimi i KPK nuk është i plotë. “Faktet dhe provat e administruara në përfundim të këtij hetimi administrativ janë të pamjaftueshme për të mbështetur vendimin e Komisionit të Pavarur të Kualifikimit për konfirmimin në detyrë të subjektit të rilerësimit, Edmond Islamaj”, thuhet në ankimin e Komisionerit Publik. Përmes ankimit, Komisioneri Publik i kërkon Kolegjit të Posaçëm të Apelimit të riparojë mangësitë e KPK-së. Edmond Islamaj u konfirmua në detyrë në 7 qershor 2018. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono