edicioni veror

midhja.jpg
G. P.19:46 | 20/08/2019

Liqeni i Butrintit përveç bukurisë ka edhe shumë vlera të tjera. Ajo mbart një mbretëreshë. Bëhet fjalë për midhjen, e cila i jep vlerën kryesore këtij liqeni.

Për të folur më shumë rreth saj, sëbashku me ekipin e Edicionit Veror ishte Hysen Mane. Ai është themeluesi i “The Mussel House”. Mane tregoi se përveç midhjes në liqen gjen edhe shumë lloje të tjera peshqish.

Mane na rrëfeu se ka arritur të kultivojë në një vit rreth 600 tonë midhje. Sipas tij në liqeni janë kushtet ideale që të merren edhe dy prodhime në vit të midhjes pasi aty zhvillohet shumë shpejt.

“Në familjen time midhjen e ke të pranishme mëngjes drekë darkë. Pse? Sepse një pjesëtar i familjes sonë ka qenë biolog në ndërmarrjen e midhjes dhe ai kishte proces të punës, që në mëngjes deri sa flije gjumë midhja ishte e pranishme për të, por dashje pa dashje u bë dhe për ne. Pas disa kohësh ai pjesëtari jonë i familjes ndërroi jetë dhe ishin vitet e tranzicionit dhe nuk iu realizuan ëndrrat që kishte vetë. Mua më lindi dëshira dhe detyrimi që ta vazhdoja”, tha Mane.

Më tej, Mane shpjegoi se si zhvillohet midhja dhe vlerat e saj ushqyese.

Midhja jonë ka një karakteristike që 25% të peshës me gjithë guackë e përbën tuli i saj, mishi. Në vendet e tjera s’e kanë. Domethënë në 4 kg guackë 1 kilogram del tul midhje. Duhet të jetë e freskët. Midhja reziston deri në 5-6 ditë se i mbyllin kapakët dhe ato janë hermetike dhe mban ushqimin brenda. Deri në 5-6 ditë në temperaturën  8-9 gradë midhjen e ke të freskët dhe me garanci të plotë. Po kaluan këto ditë, ose po u trajtua në ambiente me temperatura të larta ajo prishet. Sa e mirë është midhja aq edhe e dëmshme është. Helmuese nëse prishet. Dimri për midhjet është gjëja më e favorshme sepse temperaturat janë të ulëta dhe ajo është një gjë e mirë për midhjen. Ushqimi që merr vetë ajo është në parametra më të mirë dhe ka zhvillim më të shpejtë. Si kohën më të mirë ka Prill, Maj, Qershor, janë kushtet ideale të saj. Vlerat ushqyese e kanë bërë midhjen mbretëreshën e liqenit. Publicitetin e parë dhe më të famshëm të midhjes e ka bërë filmi “Dy herë mat” që është luajtur posaçërisht në këtë liqen dhe me protagonist midhjen dhe duke e quajtur një mbretëreshë, i ngeli mbretëreshë. Realisht e meriton të jetë një mbretëreshë”, tha Mane./abcnews.al

strakosha-1280x720.jpg
G. P.19:51 | 19/08/2019

Bledi Strakosha u bë pjesë e Edicionit Veror këtë të hënë. Moderatori i cili drejtonte emisionin “Blue” në vitet 2000 rrëfeu marrëdhënien e tij me prindërit.

Bledi Strakosha tregoi se ata nuk e kanë urdhëruar asnjëherë, por vetëm e kanë këshilluar. Edhe pse e kemi parë gjithmonë në media, ai rrëfeu se ka mbaruar politeknikumin.

“Ata më kanë këshilluar, ose më kanë sugjeruar, por nuk më kanë urdhëruar ndonjëherë. Babi nuk ka dashur që të isha në media sepse babi i ka rënë violinçelit gjithë jetën në orkestrën simfonike të RTSH-së dhe e dinte që prapaskenat e artit janë pak të çuditshme. Motrën time që donte të bëhej këngëtare, nuk e la.

Unë kam qenë në gjimnazin “Qemal Stafa” dhe në atë moment në Tetor filloj një angazhim shumë të ngjeshur në radio dhe e pata të pamundur që të isha mirë me mësime siç prindërit pretendonin nga unë. Unë e kam lënë gjimnazin dhe iu përkushtova punës dhe vazhdova pastaj politeknikumin. Praktikisht jam elektricist. Nuk marr vesh fare nga këto.

Babi më thoshte që “shumë mirë bëre që shkove në politeknikum që të marrësh një profesion”. Unë i thosha “o babi nuk do të bëhem elektricist se nuk është muhabet ky”. Gjithsesi e ke një profesion tha”, u shpreh moderatori./abcnews.al

kampi-i-jales.jpg
G. P.19:25 | 18/08/2019

Prej kohësh kampet janë kthyer në një trend. Ekipi i Edicionit Veror, u zhvendos këtë të diel në Jalë, aty ku është ndërtuar një kamp i madh me 800 çadra. Pushuesit janë shprehur shumë të kënaqur me kushtet.

“Faleminderit shumë për mikpritjen që po e bëni si vend. Për mua është hera parë që kam ardhur këtu. Është shumë mirë. Një organizim shumë i mirë rinor dhe kemi pas nevojë të rinjtë me pas një gjë të tillë që të argëtoheshim”, tha Qëndrimi, një pushues nga Kosova.

Punonjësit e Jalë kamping shprehen se aty është shfrytëzuar në maksimum natyra.

“Kemi ofruar një vend i cili shërbehet për njerëzit që të vijnë këtu, të pushojnë dhe të heqin mendjen nga çdo lloj stresi, ankthi, të qetësohen dhe të kthehen në punë me bateri të mbushura. Janë pushime që mbase njerëzit në Shqipëri nuk janë të mësuar, por sidomos të huajt vijnë këtu dhe ngelen me gojë hapur”.

Çdo fundjavë aty shkojnë më shumë se 400-500 veta. Për momentin janë 800 çadra që janë të disponueshme. Jala është një vend që preferohet shumë, sidomos nga kosovarët të cilët shkojnë çdo fundjavë dhe janë shumë të ambientuar me idenë e kampingut.

Jala kamping e nis punën që në fillim të Korrikut. Por fluksi më i madh i njerëzve është nga mesi i Korrikut deri nga mesi i Gushtit. Ndërsa për sa i përket çmimit, ai është vetëm simbolik.

“Çmimi këtu është krej simbolik. Është vetëm 1000 lekë për person çdo natë, por brenda në çmim nuk është vetëm fjetja, është edhe mëngjesi edhe darka”./abcnews.al

idro-seferi-1280x720.jpg
G. P.20:19 | 17/08/2019

Jemi mësuar ta shohim të raportojë nga Beogradi, por kësaj here është në Dhërmi. Bëhet fjalë për një ndër korrespondentët më të njohur shqiptar, Idro Seferin, i cili zhvilloi një intervistë për Edicionin Veror nga Drymades Inn, aty ku po kalon pushimet.

Idro tregoi se në Beograd tashmë kanë ngelur shumë pak shqiptarë. Sipas tij fakti që në Serbi ka një gazetar shqiptar tregon zhvillim.

“Në Beograd tani kanë ngelur pak shqiptarë. Dikur kanë pas jetuar mijëra shqiptarë., Tani mund të jenë rreth 2 mijë shqiptarë. Ka nga Shqipëria pak, që kanë ardhur nga vitet e fundit. Ka më së shumti nga Maqedonia dhe nga Kosova, nga koha e ish-Jugosllavisë. Në fillim ka qenë e çuditshme, sepse është edhe kjo që thamë tani. Kur nuk punon aty, natyrisht edhe njerëzit që i merr, i merr për herë të parë si gazetar shqiptar. I ka marrë dikush në telefon dhe pas kalimit të viteve tani krijohet një farë besimi sepse e dinë që ne ekzistojmë dhe citohemi në mediat jo vetëm në Serbi. Na citojnë sepse krijojmë lajme dhe në Shqipëri dhe në Kosovë. Tani rajoni është ndryshe nga koha kur kam shkuar unë sepse Shqipëri ka qenë shumë e veçuar nga ngjarjet rajonale, para 10 vitesh sesa tani dhe është pjesë e proceseve. Ke Vuçic, por ke edhe ramin ke edhe Thaçin”, tha Idro Seferi.

Idro u shpreh se në Serbi ka një turizëm tjetër lloj.

“Beogradi është 2 milionë banorë. Ka kala, vende të ndryshme dhe vijnë për turizëm më shumë të huaj, sepse ka shumë muzikë. Është i njohur për festat në Danub dhe në Savë. Aty zakonisht janë anije të mëdha që janë si disko. Shfrytëzohet shumë”, u shpreh gazetari.

Dikur njiheshin vetëm pak, por tani sipas Idro Seferit politikanët shqiptarë janë shumë të njohur edhe në Serbi.

“Tani nga çorapet e Kryeministrit Rama dhe çfarë do që ndodh qarkullojnë dhe në Shqipëri dhe atje. Është bërë më shumë edhe njerëzit duan ngjarje të ndryshme politike që më shumë raportohet për menunë e kuzhinës që do hanë dy presidentët sepse janë lodhur pak nga politika mendoj unë”, tha korrespondenti i ABC News në Beograd.

Po në politikë a do ta shohim ndonjëherë Idro Seferin?

“Jo, besoj kur të mërzitem shumë. S’e di. Dikur politika në Ballkan ka qenë politikë e ideve, dëshirave filozofike, kurse tani është Ballkani të integrohet me botën dhe po bëhemi vetëm pjesë komerciale siç është e gjithë bota partitë politike”, u shpreh ai./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono