Edi Rama

edi-rama-parlament-1280x700.jpg
nev ila15:25 | 09/10/2019

Kryeministri i ka kërkuar parlamentit që të miratojë urgjent një ligj  të posaçëm që prokurorët e gjyqtarët që ende nuk kanë kaluar vettingun, të penalizohen nëse ju bien në qafë qytetarëve, ndërsa ata që shkarkohen nga vettingu, të përgjigjen përpara drejtësisë për pasuritë e pa justifikuara.

Pak përpara se të nisej në Serbi për të zbatuar projektin e tij të Shengenit Ballkanik, Edi Rama i la një detyrë urgjente parlamentit.

Kryeministri nuk dha detaje se si e dëshiron këtë ligj dhe cili do të jetë filtri i ri, por qëllimi i tij është të pengonte gjyqtarët e prokurorët që ende nuk kanë kaluar vettingut, të bëjnë padrejtësi. Kategori të cilën Edi Rama e emërtoi KCK, të kapim cfarë të kapim.

Po ashtu, sipas Kryeministrit, ky ligj i posaçëm duhet të detyrojëë ata që shkarkohen nga vettingu të japin llogari për pasuritë e pa justifikuara.

Edi Rama ju shpjegoi deputetëve në parlament, se pse Maqedonia e Veriut është gati ta parakalojë Shqipërinë në hapjen e negociatave.

Edhe në këtë seancë, burimi i sarkazmës kryeministrore, ishin Myslim Murrizi dhe Kujtim Gjuzi.

Në grup, kësaj here u shtua dhe kreu i Ballit Kombëtar, Adriatik Alimadhi./ABC News Albania 24/7

rama-per-prokurorin-1280x709.jpg
nev ila13:01 | 09/10/2019

Kryeministri Edi Rama ka lëshuar sërish akuza të forta në adresë të prokurorit të Durrësit dhe gjykatëses që lanë në burg drejtuesin e hipotekës Liridon Pula, duke i kërkuar Kuvendit, reagim me forcë ndaj këtyre prokurorëve, që i ka etiketuar si pjesë e grupit më të madh kriminal në vend ose “KÇK” (kap ça të kapësh).

“I them parlamentit se ka ardhur koha që të reagojmë me forcë ndaj prokurorëve dhe gjykatësve që nuk e kanë kaluar vetingun e dinë që nuk e kalojnë dhe kanë nxjerrë dhe një togfjalësh mes tyre, KÇK, kap ca të kapësh. Këtë grupim KÇK ky parlament duhet ta shpalli grup në kërkim, jo metaforikisht, e them në mënyrë të drejtpërdrejtë. Ta shpalli në kërkim, me çdo mënyrë, duke ushtruar pushtetin e sovranit këtu të gjithë së bashku, është e kotë ti bëjmë njëri tjetrit predikime dhe e kotë që nga tryezat e opozitës të ngrihemi këtu e të fajësojmë qeverinë, apo nga qeveria të ngrihemi e të justifikojmë. Procesi i vetingut për të përfunduar do kërkojë disa vjet, e ne nuk lejojmë që prokurorë si ai i Durrësit, gjykatës si ajo apo plot të tjerë të bëjnë kërdinë mbi njerëzit, çdo ditë. Policia po ju them e do ju sjell prap, se janë thënë e stërthenë sa herë policia ka dështuar në përballjen me gjykatën për vrasës që pasi kanë dalë kanë rivrarë, për dhunues që pasi kanë dalë kanë ridhunuar, janë qindra. KÇK është grupi më i madh kriminal në Shqipëri, sot me fakte, prokurorë e gjykatës që e dinë se vetingun se kalojnë dot. Si mundet një prokuror të regjistroje tokë të dhuruar në emër të gruas, që paska qenë asistente a avokate e dikujt dhe ky dikushi regjistron tokën 500 metra dhe dhuron 50 mijë metra? E keni parë ndonjëherë që dhuruesi të dhurojë 100 fishin e gjësë që ka? Keni ju ndonjë krushk, ndonjë vjehrrë, ndonjë kunat kaq zemërgjerë sa t’ju dhurojë 100 fishin e asaj që ka?”, tha kryeministri.

KÇK, sipas kryeministrit Rama është grupi me i madh kriminal në vend duke iu referuar disa prej gjyqtarëve dhe prokurorëve./abcnews.al

rama-ne-parlament-1280x711.jpg
nev ila12:48 | 09/10/2019

Kryeministri Edi Rama duke folur sot në Kuvend një ditë pas debatit në Parlamentin holandez për fatin e negociatave me BE të Shqipërisë e Maqedonisë së Veriut, tha se ata që duan të kuptojnë, duhet ta kenë marrë mesazhin se qëndrimi skeptik i disa vendeve mes tyre edhe Holanda nuk ka të bëjë me problemet e brendshme politike që ka vendi ynë, por se disa forca politike në vendet anëtare të BE janë kundër zgjerimit të unionit.

Madje Rama ka akuzuar opozitën jashtëparlamentare të Shqipërisë se bojkotoi parlamentin pikërisht që të mos çelen negociatat:

E keni ndjekur debatin e djeshëm në parlamentin e Holandës, ma ha mendja se ai debat ishte një mundësi për të kuptuar të gjithë ata që duan të kuptojnë, se sa e pavërtetë dhe sa e padrejtë është e tërë propaganda që synon të lidhë luftën e brendshme politike në Shqipëri me qëndrimet e disa vendeve mes të cilave është edhe Holanda.
Në debatin e djeshëm, gjithkush ishte i vëmendshëm, e ka parë se si e gjithë çështja e ecurisë së mëtejshëme e Shqipërisë në procesin e integrimit është trajtuar si një çështje e politikës së brendshme të atij vendi.

Besoj se duke ndjekur debatin në Parlamentin Holandez kushdo do të kuptojë ka kuptuar se fjalimet i janë drejtuar elektoratit të atij vendi e në gjithë qasjen e Parlamentit apo partive të ndryshme është përvijuar i gjithë debati i brendshëm me forcat pro zgjerimit kundër, me zërat që fuqizojnë mesazhin e nevojës për gë vazhduar procesin e zgjerimit dhe zërat që fuqizojnë mesazhin e nevojës për ta ndaluar procesin e zgjerimit.
Besoj ju ka mjaftuar të gjithë atyre, që në mënyrë vulgare e të pabesë, ndaj atyre që i dëgjojnë janë munduar të paraqesin para opinionit publik shqiptar një tablo të pikturuar sipas ngjyrave të tyre politike e jo sipas nevojës për të ndarë së bashku përgjegjësinë për të çuar përpara procesin tonë të integrimit, qëllim i përbashkët se në këtë pikë të gjitha partitë politike janë të bashkuara. S’ka që të predikojë ndonjë plan tjetër, përtej horizontit të BE.

Ata që janë përpjekur të thonë se ndarja në propagandë apo në qëndrime mes Maqedonisë së Veriut dhe Shqipërisë do cojë në një ndarje në gjykimin e përgjithshëm jo vetëm kanë gabuar por kanë dështuar në përgatitjen e një terreni politik këtu në funksion të axhendës së tyre politike.

Ka një ndryshim të madh që ka përcaktuar edhe në një pjesë të mirë dallimin në qëndrime ky është qasja e opozitës në vendin fqinj dhe qasja e opozitës këtu, flas për opozitën që s’është në Parlament e që e braktisi e dogji mandatet e bojkotoi zgjedhjet me një qëllim, për të minuar çeljen e negociatave.

Maqedonia e Veriut nuk është vend pa konflikte, por është një vend që ka frymëzuar edhe qasjen destruktive të opozitës që s’është këtu në parlament e cila në mënyrë naive ka besuar se duke kopjuar opozitën e deridjeshme ne Maqedoni do arrinte të rrëzonte shumicën legjitime në këtë vend. Opozita në Maqedoni as dje, as sot, nuk merr rrugët e Evropës për të bërë të pabërën për vendin e vet, nuk furnizon kanalet e komunikimit me partitë simotra apo individë të caktuar për të ushqyer çdo ditë ata të cilët e kam thënë disa herë, nuk janë kundër Shqipërisë, s’kanë ndonjë gjë specifike me Shqipërinë, por ka një qasje tjetër për arsye legjitime në vendet e tyre.

Keni dëgjuar në ndonjë rezolutë, deklarata, fjalim në parlamente të vendeve që janë më ngurruese ndaj zgjerimit, ndonjë fshat, qytezë, qytet periferik të Maqedonisë së Veriut, si kanë përfunduar nëpër gjermanisht e holandisht, Peqini, Kavaja, Dibra? Keni dëgjuar, nuk a bërë vaki, jo se atje s’ka pas probleme, apo kontestuar zgjedhjet, jo se atje nuk ka pasur deri edhe refuzim për të hyrë në zgjedhje, këta që janë sot në qeveri në Maqedoninë e veriut ishin në opozitë të shtypur, kanë kërcënuar me braktisje nga zgjedhjet, se nuk kishin besim te procesi, por nuk kanë cuar nëpër Evropë historia që jashtë kufijve kanë vetëm një efekt, të furnizimit me pseudoargumente, apo edhe argumente të importuar të qëndrimeve të forcave të caktuara kundër zgjerimit.
Vendimi i KE nuk ka lidhje fare, por fare me çfarë kemi bërë apo nuk kemi bërë ne, fare. Sepse e thashë këtu, unë nuk mendoj që Finlanda që ka presidencën e BE qënka më pak ekzigjente dhe qenka më tolerante ndaj krimit sesa Holanda, nuk bën vaki. Nuk mendoj që Austria qenka më pak e interesuar për të pasur zgjedhje më të mira te ne sesa Gjermania.
Nuk mendoj që Suedia i paska sytë e mbyllur përballë reformës në drejtësi dhe nuk i bën përshtypje se Kushtetuesja nuk është funksionale dhe kjo i bëka përshtypje Gjermanisë, nuk funksionon kështu.

Nuk mendoj që Franca qenka më larg në këndvështrimin e saj ndaj të gjitha çështjeve ndaj të cilave Gjermania është më afër për arsye të standardeve të tjera, absolutisht, jo. Thelbi, që nuk duhet ta mohojnë e jo më ta transformojnë në shashkë për politikë të brendshme, qëndron tek një situatë në BE që nuk ka lidhje fare me ne dhe ku ne përfshihemi me Maqedoninë, Serbinë e Malin e Zi, Kosovën e Bosnjën me vendet brenda Evropës por jo brenda BE, si rrjedhojë e jo burim, pasojë por jo si shkak
nuk jemi ne shkaku që BE nuk është unanim sot, për një qëndrim të thjeshtë të qartë e të prerë për rekomandimin e KE që paguhet nga BE, nuk jemi ne, jemi thjesht dhe vetëm të përfshirë”, tha Rama.

malindi.png
Autor E11:56 | 09/10/2019

Gentian Malindi, i shpallur në kërkim nga policia për transportin e 137 kilogramëve kokainë nga Ekuadori në Shqipëri i ka dërguar nga arratia një letër Gjykatës së Apelit të Tiranës.

Letra, me plot akuza dhe 12 pyetje është përpiluar nga babai i Gentian Malindit, Ilir Malindi, i cili thekson se shpallja në kërkim e të birit është një hakmarrje nga qeveria.

Malindi ka publikuar edhe një komunikim mes tij dhe kryeministrit Rama duke marrë nga ky i fundit përgjigjen që të mos e përdorte më këtë telefon.

SMS e dërguar nga Malindi:
Zoti kryeminister
Krijoni Ministrine per terheqjen e investimeve te huaja.Keshtu eleminoen politikanet shqiptar qe fusin hundet kudo qe kerkohet te investohet.FORUM(Maqedonia e Veriut) kishte nje ministri te tille dhe u befasova qe ata kishin nje ministri te till.Jam i mendimit se shqiptaret e ndertojne vet Shqiperine.Cna duhen politikanet?Per te rrjepur popullin?
Av.Ilir Malindi

Përgjigja e Ramës sipas tij: 
Mos e perdor kete telefon po ta perseris!

Ndërkohë, Malindi ka vijuar në letër me akuza ndaj qeverisë edhe pse letra i dërgohej Gjykatës së Apelit.

“Duke qene se kjo Qeveri dhe ky Shtet tersisht i kalbur dhe qe lufta per te mbajtur me cdo kusht pushtetin e vjedhur te popullit, ne rastin konkret ju duhej nje kurban qe ata nderkomtarisht te dilnin dhe te thonin qe ne po godasim krimin etj. etj. peralla te ketyre kriminelve politike qe e katandisen Shqiperine ne nje sketere ku gati 80% e popullates kerkon te largohet pergjithmon nga Shqiperia”, shkruan ai duke parashtruar edhe 13 pyetje, të cilat lidhen me procesin e nisjes së konteinerit nga Ekuadori e deri tek tërheqja e pakove në portin e Durrësit.

“Qysh ne fillim nepermjet propogandes gebelsiane dhe pa u gjykuar kjo ceshtje u shpall fajtor Gentian Malindi si dhe dy te tjere te cilet sipas ketyre policve kishin pranuar fajin dhe se kishin kerkuar meshire.I gjithe opinioni ne Shqiperi u disinformua dhe se fajtoret priteshin te exzekutoeshin para opinionit publik me pushkatim ashtu sic bente Sadam Hyseni me kundershtaret politik”, vijon letra e Ilir Malindit.

Pyetjet e Ilir Malindit
1.A ka pergjime te me parshme apo informacione ne lidhje me kete “grup te strukturuar teper te rrezikshem kriminal”?

2.A ka bashkpunim dhe ndarje detyrash ne kete te ashuquajturin grup ne lidhje me organizimin,ndarjen e detyrave dhe oren ose daten e aksionit qe do kryej ne syte e policise se shtetit dhe kamerave qe vezhgonin rreptesisht kontenierte per kokainen?

3.Sa eshte sasia e kokaines ardhur ne portin e Durreit dhe vlera e kesaj sasie qe shkon me shume se 10 milion dollar ne Pire?A kane patur mundesi financiare keta persona te kesaj organizate te strukturuar kriminale si dhe lidhjet e tyre me grupet mafioze te Ekuadorit?

4.A ka mundesi qe i dyshuari tjeter shtetasi Alket Muslymaka te mbarte 137 kg kokaine me peshen trupore te tij,mbasi akuzohen publikisht per kete sasi?

5.Kush e hapi kontenierin e cmontoj dhe e montoj si dhe ngarkoi me oriz kokaine per 25 minuta vajtje dhe ardhje deri tek makina e Gentian Malindit?A kishte vegla cmontimi dhe a e dinte sëe cmadhesi ishin bulonat e motorve ftohes se kontenierit.Ku jane te provuara apo dhe kapur ne flagrance me keto vegla qe cmontuan dhe montuan kontenierin ne pjesen frigoriferike?

6.Sa police i ruanin kontenieret 24 ore per 24?

7.A ka rregjistrime te kamerave te cilet survejonin kontenieret qe me pas njeri u hap? Ne se nuk ka,kush ja ndryshoi drejtimin kamerave me rezolucin te larte,policia,SHISH apo i ashuquajturi “Grupi i strukturuar kriminal”?Dua tju theksoj se kontenieret rueshin nga 4 police cdo turn me 5 kamera dhe dy me reze infra te kuqe ne lartesite mbi portin e Durresit.

8.A u kap ne flagrance ndonje nga “grupi teper i rrezikshem i strukturuar” ne vendin e ngjarjes tek kontenieret kur po merte oriz kokainen.Kush e hodhi orizkokainen tek Shkembi i Kavajes,Policia apo i semuri mendor Adrian Bega?

9.I dyshuari qe nuk di se per se behej fjale dhe pse eshte arestuar dhe teper kontraditor Ardian Bega “tregon” i inponuar nga policia me nje avokat kryesisht i cili i sherben Prokurorise se orizinkokainen e hodhen me nje cante por ne procesverbalin e kqyrjes se vendit te ngjarjes nuk rezulton qe kjo cante te jete ne proces verbal.Kush e hodhi dhe e mori canten?Bega genjen apo jep versionin qe deshironte Prokuroria per te ashuquajturi “Grup i strukturuar kriminal”.

10.Me cfare makine u kthye ne shtepi me te tijen apo me tjeter mbasi ne dy deklarime ka dhene versione te ndryshme?

11.GBS ishte ne makinen me targa franceze qe drejtonte Gentian Malindi apo ne ndonje makine tjeter qe ne dyshojme se eshte e policise ne kombinacionet per te shpallur fitoren imagjinare te saj? Prokuroria duhet te sqaroj nese Policia e Shtetit e ka kryer kete aksion qe per ne eshte kriminal,gje qe te gjitha gjasat jane se ajo e ka kryer per tua veshur ketij “Grupi te rrezikshem te strukturuar kriminal”.

12.Nga autoritetet greke eshte lejuar dorzimi i kontrolluar i nje sasie prej 1.148 gr dhe nje sasi tjeter prej 1.120.8 gr kokain ne te dy kontenieret. Pyetja eshte a ka Proces Verbalin origjinal te tre policive,greke,DEA dhe ate shqiptare Prokuroria per bllokimin dhe zvendesimin e kokaines ne Pire te Greqise me oriz etj.

Cfare shkruet aty,u bllokua e gjitha kokaina ne portine Pireut apo Policia shqiptare mashtron duke futur dy proces verbale te falsifikuara konstatimi ne dosjen hetimore sikur nga Greqia ne dy kontenieret eshte futur kjo sasi e mesiperme e kontrolluar prej 2,2688 gramve kokaine.

Ketu eshte thelbi i gjithe hetimit qe ne dyshojme per nje kombinacion kriminal  policesk per te renduar poziten e ketyre shtetasve qe na paskan krijuar nje “grup teper te rrezikshem te strukturuar kriminal”.Informacionet nga vet Policia e shtetit tregojne se nga Greqia nuk eshte futur ne dy konteniert as edhe nje gram kokaine qe erdhi ne portin e Durresit.Kemi te bejme me falsifikim,shperdorim detyre etj te kesaj Policie qe vrapoi pa filluar mire hetimet te shpalli fitoren e tyre kriminale.Proces Verbali i policive ne portin e Pireut duhet te paraqitet ne origjinalin e saj dhe qe ndodhet ne Athine.Ne se eshte e kunderta e asaj qe eshte deklaruar ne Pire menjehere prokuroria duhet te filloj arrestimet e atyre qe organizuan kete falsifikim dhe kombinacion agjenturesk.

13.A eshte kontrolluar gjendja psiqike e Ardian Beges dhe deklarimeve te tij ne interes te Prokurorise te cilat nuk perputhen me provat dhe deklarimet e te tjerve?Bega deklaronte ne masen e sigurimit para gjykates se kerkonte te lirohej mbasi mund ti zinin vendin e punes ne Portin e Durresit.Aty mori vesh se ai rezikonte 20 vjet burg dhe filloi te qante dhe uleriste mbasi ja kishin hedhur.

Zoti Kryetar.
Ne si familje dhe sidomos djali im Gentian Malindi kemi qene per me se 10 vjet ne nje sulm te pa precedent dhe anti kushtetues nga Policia e Shtetit e cila e ka turturuan psikologjikisht,e ka arestuar,gati per cdo muaj i bente kontrolle te befasishme ne anijen e tij ne toke dhe det dhe nuk jepte proces verbale konstatimi.

Edhe GESTAPO e Hitlerit sic flitet ka qene teper e rrepte ne dokumentacionin e kontrolleve.

Ne qershor te 2013 nje bande kriminale e Policise se Shtetit i hidhen ne kuriz Gentian Malindit dhe e arestojne mbasi tek stacioni i autobuzit tek Mali Robit  policia kishte vendosur nje fortigon te mbushur me ashash dhe kishin vene ne pranga nje shofer elbasanlli te cilin nepermjet telefonit e kishte futur ne gracke djali i tezes se tij.Aty Gentian malindi kishte qene me shoket e tij per shetitje.

E akuzuan pa asnje prove sikur ishte pronari i ashashit por qe ne te vertete nuk kishte absolutisht lidhje me kete elbasanlli.Te kater gjykatat deri ne Gjykaten e larte qe vlersuan si te pa ligjeshem arestimin “e ashuquajtur ne” flagrance demaskuan veprimet kiriminale te bandes policore te Durresit.

Kjo Polici shqiptare me veprimet kriminale te saj arriti deri aty dhe ne dyshojme na dogji dy makina tek oborri i shtepise kur djali im Gentian Malindi kishte hedhur ne gjyq kriminelin dhe bashkpuntorin e ngushte te Edi Rames ish minister i brendeshem Saimir Tahirin dhe i kerkonte 5.000.000 lek te reja demshperblim per keto veprime te tij kriminale dhe bandes se tij kriminale sic dhe do te dilte me vone.

Te nesermen e nje nga sencat e gjyqit qe e gjykonte gjyqtari i Gjykates se Tiranes Ibraim Hoxha u dogjen tek obori i shtepise  dy makinat tona dhe besoj se ketu ka dore krimineli Saimir Tahiri,Perlat Cullai drejtor i Policise Durres dhe Ervin Hasrama shef i policise gestapovite te Durresit dhe polici Arber Zemani qe i vrane nje te aferm ne duelet midis bandave kriminale sic reklamoi Policia e Shtetit qe cdo dite maltretonte Gentian Malindin dhe i shkonte me qenin policor per kontroll ne anijen e peshkimit duke tmeruar gjithe peshkataret.Kjo ndothte ne shtatorin e 2015.

Po kjo polici ka mbajtur per me shume se tre vjet dy djemt e mije Gentianin dhe Albanin Malindi i cili ka qene deri kohet e fundit Avokat i Shtetit nepermjet Task Foces se Durresit dhe perfundimisht pushoi ceshjen penale “per pastrim produkti” mbasi keto kerma te Policise se Shtetit nuk kishin asnje prove.Hakmarja e ketij ministri  Saimir Tahiri i drejtuar nga shefi i tij me i larte Edi Rama ariti deri aty sa me arestoi mua avokatin Ilir Malindi  ne lidhje me nje perves qe quhet Sokol Balla i cili nepermjet nje video seksuale bente veprime skandaloze me prostituta por qe mbrohesh nga kryeministri ne 2015.Ky perves thuhet se kishte fotografuar edhe vet kryeministrin Edi Rama dale lakuriq me nje femer franceze nudo ne plazhet e Frances dhe qe perben nje turp kombetar per gjithe shqiptaret me kete fare kryeministri.Po ky kryeminister i dha kohe nje muaj kriminelit Saimir Tahiri te zhdukte te gjitha provat.Kryeministri Edi Rama me ka sulmuar keqas per shkak te kritikave qe une i kam bere per veprimet e tij teper te dyshimta ne exportin e qindra milionave eurove qe une dyshoja per pastrim parash ku une i theksoja qe keto para te investohen ne Shqiperi dhe te hapen vende pune si dhe ne dy raste me ka kercenuar ne telefom apo dhe me mesazh ku njerin e kam ruajtur dhe te cilin e disponoj ne telefonin tim.

Po ju a paraqese gjuhen e ketij shtetasi qe sot eshte kryeminister:

E merkure 9 gusht 2017
Zoti kryeminister
Krijoni Ministrine per terheqjen e investimeve te huaja.Keshtu eleminoen politikanet shqiptar qe fusin hundet kudo qe kerkohet te investohet.FORUM(Maqedonia e Veriut) kishte nje ministri te tille dhe u befasova qe ata kishin nje ministri te till.Jam i mendimit se shqiptaret e ndertojne vet Shqiperine.Cna duhen politikanet?Per te rrjepur popullin?
Av.Ilir Malindi

Pergjigja e Edi Rames.
Mos e perdor kete telefon po ta perseris!

Ne keto kushte hakmarje nga ana e Shtetit duke perdorur kombinacione dhe deklarimet e nje nje njeriu jo normal sic eshte i dyshuari qe nuk ka te beje aspak me kokainen imagjinare Ardian Bega por qe ju inponua nga ana e Prokurorise per Krime te Renda u akuzua i mbrojturi prej meje dhe djali im Gentian Malindi per te cilin u dha masa e sigurimit “arest ne burg”.

Ne keto kushte ju kerkoj ju si Gjykate e Apelit per Krime te Renda te ndryshoni kete mase me “detyrim paraqitje” deri ne perfundim te hetimeve dhe gjykimit. /abcnews.al/

gjuzi-1280x720.jpg
Autor E10:33 | 09/10/2019

Seanca e sotme Plenare ka nisur vrullshëm sot ku deputeti Kujtim Gjuzi ka dalë në foltore duke i kërkuar llogari kreut të Kuvendit Gramoz Ruçi se përse nuk i jepte fjalën.

Madje, Gjuzi kërcënoi se nëse nuk i jepte fjalën në ditët në vijim do të kishte incidente, ndërkohë që këmbënguli qe Ruçi t’i kërkonte falje publike për censurën, sipas tij.

Kujtim Gjuzi – Gramoz Ruci

Diten e sotme ndërsa kryetari i kuvendit Gramoz Rucit filloi seancën plenare, deputeti Kujtim Gjuzi është kujtuar që Ruci seancën e kaluar i ka hyrë në "hak"

Publiée par Abc News Albania sur Mercredi 9 octobre 2019

Shkak për këtë shpërthim të Gjuzit është bërë debati i javës së shkuar me Ramën.

“Në seancën e kaluar nuk më lejuat të replikoj me kryeministrin, ju lutem zbatoni rregulloren mos thoni uluni në vend, pasi do të kemi incidente si ata të opozitës në breg të Lanës. Nuk mund të na trajtosh ne sikur kemi ardhur me zor. Unë kam të drejtë të replikoj me kryeministrin sa herë që herë të më përmend mbiemrin, kërkoj falje të gjithë shqiptarëve” tha ai.

Ndërkohë që kryetari i Kuvendit Gramoz Ruçi u përgjigj duke thënë “Nuk është shkelur rregullorja. Dua t’u kujtoj se radhën e kaluar u kam tërhequr mbi tre herë vërejtje, ju kam paralajmëruar, e vetmja iciativë është që nuk iu kam përjashtuar nga seanca për shkak të ndërhyrjeve që keni bërë. Respektoni rregulloren që të mos përsëritet” tha ai. /abcnews.al/

ramakuvend-1280x720.jpg
Autor E10:31 | 09/10/2019

Kryeministri Rama ka shkuar në këtë moment në Kuvend për të marrë pjesë në punimet e seancës plenare pavarësisht se sot nuk ka ndonjë çështje me rendësi për t’u diskutuar.

Në foton e mësipërme duket momenti kur eskorta e tij hyn në ambientet e jashtme të Parlamentit, ndërkohë që pritet që në orën 16:00 të niset për në Serbi.

Ngjarja më e rendësishme e ditës së sotme është interpelanca e deputetit Myslim Murrizi me ministren e Financave, Anila Denaj, megjithatë duket se Rama do të mbajë fjalim në minutat në vijim. /abcnews.al/

fatos-hakorjaa.jpg
G. P.22:02 | 08/10/2019

Jo vetëm Rama, por të gjitha institucionet kanë një tendencë që të mos e shohin median si bashkëpunëtore. Kështu tha këtë të martë, kryeredaktori i TV Klan, Fatos Hakorja, nga emisionin “Provokacija”.

Përgjatë gjithë karrierës së tij, Hakorja ka vërejtur se puna e Ramës është vështirësuar me gazetarët. Megjithatë në disa raste, mediat i japin hapësirë kryeministrit që të vendoset në sulm.

“Është vështirësuar puna e Ramës me gazetarët. Ka një tendencë të të gjitha institucioneve nisur edhe nga Kryeministri për ta parë median jo si bashkëpunëtore e këtij sistemi ku jetojmë. Përveç si kazan e kanë klasifikuar si të paaftë. Mbase edhe kryeministri ka të drejtë që shpeshherë disa media, ose më saktë disa portale, botojnë informacione të pavërtetuara. Pra ngatërrojnë informacionin me opinionin dhe një opinion botohet si informacion.

Ne mund ta kemi bindjen që qeveria është e korruptuar, por për të publikuar një material të tillë duhet që ta vërtetojnë. Unë nuk e përqafoj këtë qasje të kryeministrit ndaj medias edhe kur media gabon, por edhe këto media i japin zë kryeministrit për të na vënë shpeshherë në sulm”, tha Hakorja, gjatë një bisede që pati me Mustafa Nanon për problematikat e medias në ditët e sotme./abcnews.al

edita-tahirii.jpg
G. P.20:56 | 07/10/2019

Partia Demokratike e Kosovës u dëmtua shumë për shkak se Hashim Thaçi u mor me idenë e ndryshimit të kufijve. Është ky mendimi i politikanes së njohur kosovare Edita Tahiri. Në një lidhje me Skype nga Salzburgu për ABC News, ajo tha se edhe Rama duhet të marrë mesazhin e tij nga zgjedhjet që u zhvilluan në Kosovë.

“Ndryshim i madh ka ndodhur në Kosovë sepse pushtetarët shkuan në opozitë. Dua të theksoj se PDK ka pasur një kohë të gjatë në pushtet dhe është dëmtuar shumë me faktin që Thaçi u mor me çështje të kufijve në dëm të Kosovës. Ky është ndoshta edhe një mesazh për zotin Rama që kur të ndodhin zgjedhje në Shqipëri do të ketë një ndëshkim sepse ishin çështje gjeopolitike dhe ne do duhet t’i mbronim interesat tona dhe jo të hynim në këto lojëra. Edhe vetë Borrel gjatë paraqitje në PE iu drejtua Ballkanit me sens politik”, tha Edita Tahiri.

NDër të tjera, Tahiri u shpreh se negociatat mes Aleksandër Vuçiç dhe Albin Kurtit do të jenë një sfidë interesante. Ish-kryenegocatorja për bisedimet me Serbinë pret që kreu i Lëvizjes Vetëvendosje të sillet sipas detyrimeve që rrjedhin nga Kushtetuta e Republikës së Kosovës./abcnews.al

edi-rama-le-mbledhjen.jpg
Autor E19:54 | 07/10/2019

Drejtuesit socialistë të Qarkut të Shkodrës nuk po bien ende dakord lidhur me zëvendësimin e drejtorëve, të cilët dhanë dorëheqjen me kërkesë të kryeministrit Rama pak kohë më parë.

Të mbledhur nga kryeministri Edi Rama në selinë qendrore të PS, deputetët Musa Ulqini, Arben Pëllumbi, Senida Mesi e Tom Doshi si dhe drejtuesja e Këshillit Bashkiak Shkodër Brisela Kadia diskutuan për një orë për drejtorët e rinj në Shkodër.

Burimet e Abc News bëjnë me dije se deputeti Paulin Stërkaj ka shprehur kundërshti për emrat e propozuar nga Senida Mesi. I gjendur mes këtyre pavendosmërive, Rama është larguar nga mbledhja, duke u kërkuar të pranishmëve, t’i vazhdonin diskutimet mes tyre.

Dorëheqja e drejtorëve të institucioneve në Shkodër erdhi pasi kryeministri Rama ua kërkoi një gjë të tillë, me qëllim riformatimin, pas “djegies” së Valdrin Pjetrit./abcnews.al/

edi-rama-fcb.jpg
nev ila08:20 | 07/10/2019

Ka reaguar përmes një postimi në Twitter kryeministri Edi Rama për zgjedhjet parlamentare në Kosovë.

“Urime Kosovës për zgjedhjet e suksesshme parlamentare! Urime Vetëvendosjes e Albin Kurtit për rezultatin më të mire! Urime LDK e Vjosa Osmanit për rezultatin e dytë më të mire! Urime PDK e Kadri Veselit për pranimin shembullor të rezultatit. Sa më e mbarë dita e re për Kosovën!, është ky mesazhi i kryeministrit Edi Rama./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono