Edi Rama

edi-rama-negociatat-1280x722.jpg
nev ila23:41 | 18/10/2019

Ska vënë gjumë në sy  por as puna ditë –natë nuk ia ndryshoi mendjen Francës Holandës e Danimarkës që ti celnin Shqipërisë negociatat. Nuk ndihet fajtor kryeministri Edi Rama që nuk arriti ti bindë pasi sipas tij përballë tyre dështoi edhe vetë Kancelarja Merkel.

Shqetësimet e shprehura nga presidenti francez për rritjen e numrit të azilkërkuesëve janë vetëm bishta për kryeministrin Rama. Po shqiptarët të mos shqetësohen se një ditë do të votojnë për parlamentin evropian, këtë e di me siguri kreu i qeverisë kohën se kur e mat me flokët e mjekrën e tij.

Mos celja e negociatave nuk ndikon sipas tij as në ekonominë shqiptare vetëm që në shtet bërje do ti mungojë monitorimi dhe eksperienca evropiane. Hapi i rradhës është vazhdimi i reformave, asaj në drejtësi dhe në sistemin zgjedhor. Opozitën e këshillon të bashkëpunojë në këtë të fundit tjetër kusht nuk i pranon.

Projektin për shengenin ballkanik do ta vazhdojë, jo si kundërpërgjigje për Bashkimin Evropian por për të krijuar mundësi bashkëpunimi midis fqinjëve dhe këtë do tia kërkojë drejtëpërdrejtë edhe kryeministrit të ri të Kosovës.

Shqipërisë iu refuzua celja e negociatave me Bashkimin Evropian,një fakt që e pranoi edhe kryeministri Edi Rama, megjithatë për të mosshkurajuar shqiptarët u kujtoi se ëndrra drejt Evropës nuk është shuar./abcnews.al

edi-rama-fcb-1280x693.jpg
nev ila23:26 | 18/10/2019

Në lidhje me reagimin e DASH për zhgënjimin e kësaj të fundit, në lidhje me hapjen e negociatave me Shqipërinë dhe Maqedoninë nga Këshilli Evropian, ka reaguar Kryeministri Rama, ku përmes një postimi në rrjetet sociale, falënderon Departamentin e Shtetit për këtë reagim.

“Faleminderit”, shkruan Rama ndërsa ka postuar të plotë reagimin nga DASH.

“THANK YOU🇺🇸🤝🇦🇱

Departamenti Amerikan i Shtetit mbi “Konkluzionet e Këshillit Europian për Zgjerimin” deklaron:

Shtetet e Bashkuara mbështesin përkushtimin e Maqedonisë së Veriut dhe Shqipërisë ndaj integrimit transatlantik dhe aspiratat e tyre për anëtarësim në Bashkimin Europian.

Jemi të zhgënjyer që Këshilli Europian nuk njohu përpjekjet shumë të forta për reforma të secilit vend me anë të një vendimi për të hapur negociatat për anëtarësim në këtë kohë. Një vendim pozitiv do të kishte riafirmuar besueshmërinë e rrugës së tyre për në BE dhe do t’i ishte kundërvënë vendosmërisht aktorëve të huaj dashakeqës, të cilët kërkojnë të minojnë vlerat perëndimore dhe komunitetin euro-atlantik.

Ne njohim faktin që Këshilli Europian nuk i tha “jo” as Shqipërisë dhe as Maqedonisë së Veriut, dhe as nuk përcaktoi kushte të reja për hapjen e negociatave për anëtarësim. Shpresojmë që Këshilli Europian do të arrijë konsensus për një vendim pozitiv për të dy vendet kohë përpara Samitit BE-Ballkani Perëndimor verën tjetër.

Shtetet e Bashkuara do të mbeten partner strategjik i Maqedonisë së Veriut dhe Shqipërisë teksa vazhdojnë punën për të forcuar sundimin e ligjit, për të çuar përpara përpjekjet anti-korrupsion, për të zhvilluar ekonomitë e tyre dhe për të luftuar krimin e organizuar. I nxisim të dy vendet të mbeten të palëkundur në ndërtimin e shoqërive transparente, të bazuara në rregulla dhe demokratike që iu përgjigjen nevojave të qytetarëve. Shtetet e Bashkuara do të vazhdojnë të punojmë me partnerët europianë për të çuar përpara synimet e përbashkëta të stabilitetit dhe sigurisë në Ballkanin Perëndimor“./abcnews.al

edi-rama-gent-sejko-1280x688.jpg
nev ila17:36 | 18/10/2019

Gjatë konferencës së sotme kryeministri Rama tha se, vendimi i mos hapjes së negociatave nuk ka të bëjë me detyrat e shtëpisë, pasi sipas kryeministrit ato janë bërë të gjitha. Rama tha se vendimi i mbrëmshëm ka të bëjë me një përplasje mes “të mëdhenjve” (shtetet anëtare të BE), të cilët kanë përplasje interesash.

Kjo që ka ndodhur është si rezultat e mosarritjes së konsensusit mes vetë atyre. Është e tepërt kur i shtohen bishta kësaj që është thelbësore. Në këtë situatë cilido qoftë dhe të priste mbrëmë konsensus nuk do ta kishte marrë dot pasi tema ishte zhvendosur gjetkë. Kemi marrë një refuzim për çeljen e negociatave. Rruga jonë është e njëjtë asnjë ndryshim. Ne do të vazhdojmë ti bëjmë për vendin tonë. Nëse kemi bërë një reformë në drejtësi që vazhdon dhe disa prej vendeve në Bashkimin Europian nuk i kanë bërë as kur kanë qenë anëtarë të BE. Ashtu sikundër do të vazhdojmë të përmirësojmë me plotësimin e parakushteve të vendosura në votën po të Bundestagut dhe natyrisht në pritje të plotësimit të gjykatë kushtetuese. Do të vazhdojë më pas me pjesën tjetër lidhur me funksionimin më të mirë të shtetit dhe institucioneve jo sepse e ka vendosur gjermania, do ti bëjmë këto dhe të gjithë të tjerat pa ndryshuar asgjë. Kjo është një përplasje mes të mëdhenjve që është një qasje interesash. Por askush nuk e përjashton perspektivën e integrimit tonë si rajon në BE. Në fund të fundit procesi i integrimit është një proces i transformimit të brendshëm. Ata të cilët janë jashtë nesh dhe përfaqësojnë BE e thonë pa ekuivok që përgjegjësia është e brendshme e bashkimit evropian dhe është e papranueshme që këtu shtrohet diskutimi se Jo-ja e djeshme vjen si arsye e mospërmbushjes së kushteve nga ana jonë“, tha kryeministri./abcnews.al

edi-rama-1234-1280x572.jpg
nev ila17:18 | 18/10/2019

Kryeministri Edi Rama në konferencën e sotme, e nis fjalën e tij me reagimin lidhur me vogëlushin, për të cilën gjatë gjithë ditës së sotme, mediat i kanë bërë jehonë. Alvin Berisha, që emisioni “Le Iene” bëri publik mbrëmjen e djeshme, prej kohësh ka mbetur në një nga kampet në Siri, pasi nëna e tij ishte zhvendosur atje si pjesë e organizates terroriste ISIS ku ka mbetur e vrare.

“Jemi këtu në përfundim të gjithë kësaj odiseje për të ndarë të gjithë sëbashku lidhur me mos konsolidimin për të cilin jemi përpjekur të gjithë. Por përpara se të hyj në temën e Këshillit Evropian dëshiroj të ndaj me të gjithë, lidhur me një shqetësim që e kam marrë nga qytetarët, mbi një emision të mbrëmshëm të RAI-t.

Për fat të keq ai emision drithërues ka lënë të kuptohet se çështja e djalit të mitur është thjesht një çështje e ambasadorit dhe kjo është e pavërtetë. Prej disa kohësh kam nxjerrë një urdhër, është material i klasifikuar që s’mund ta ndajmë me publikun.

Në bashkëpunim me partnerët amerikanë ne kemi zhvilluar një proces të tërë identifikimi, disponojmë të dhëna mbi identitetin e shumë personave.

Tërheqja e tyre nga ato kampe nuk bëhet me ambasada dhe ambasadorë, aksesi është tejet i komplikuar dhe kërkon një komunikim me partnerët, kemi punuar intensiuvisht, kemi plan të tërë për të rakorduar me partnerët tanë kryesorë, ka një sërë grupesh të përfshira në këtë proces, dua t’ju them që po të ishte një çështje ambasadash dhe ambasadorësh, do të ishin tërhequr individët atje sidomos gratë dhe fëmijët, por nuk është kaq e thjeshtë“./abcnews.al

 

 

IMG_0792-1280x853.jpg
G. P.15:23 | 18/10/2019

Partia Demokratike akuzon kryeministrin Rama se me vendimin për të emëruar me forcë në krye të Akademisë së Shkencave, Skënder Gjinushin uzurpoi edhe institucionin kryesor të shkencës në Shqipëri. Ish-deputeti Luçiano Boçi e cilësoi regres shkencor, moral dhe politik rikthimin e Gjinushit në Akademi.

Deklarata e plotë:

Edi Rama vazhdon të uzurpojë e të pushtojë institucionet e pavarura kushtetuese me kamikazët e tij politikë, duke ricikluar figura si Skënder Gjoinushi, që i shërbyen regjimin komunist edhe gjatë rënies së tij.

Pasi i imponoi Akademisë së Shkencave një ligj krejtësisht sovjetik dhe antikushtetues, ai sot vuri në krye Akademisë ministrin e fundit të diktaturës komuniste, duke shkelur plotësisht Kushtetutën dhe Ligjin për Akademinë e Shkencave.

Emërimi me dhunë i Skënder Gjinushit është realizuar sot nën presion politik. Ai është një regres shkencor, moral dhe politik, një uzurpim në grup i një posti publik.

Skënder Gjinushi është rrëzuar me dekret nga Presidenti i Republikës, por Edi Rama, në vend që të ikë bashkë me të, për dështimin e tij personal me negociatat, kthen Akademinë e Shkencave në një organizatë tjetër politike.

Në krye të Akademisë së Shkencave nuk mund të emërohet një person me angazhim të qartë politik, një person pa asnjë kontribut shkencor, një person i cili, përveç mendësisë komuniste, nënshtrimit ndaj Edi Ramës dhe Tom Doshit, nuk nuk mund prodhojë  asgjë shkencore e bashkëkohore.

Kryesia e Akademisë ka bashkëpunuar dhe pranuar të përdoret për të kryer këtë emërim tërësisht antiligjor, duke marrë mbi vete të gjitha përgjegjësite ligjore dhe morale përpara opinionit shoqëror dhe kombit.

Për të zbatuar porosinë politike të Edi Ramës, kryesia emëroi Gjinushin duke i dhënë fuqi prapavepruese ligjit të ri të Akademisë së Shkencave për një proces të përfunduar me ligjin e vjetër.

Emërimi i paligjshëm i Skënder Gjinushit në krye të Akademisë së Shkencave shkallmon shtetin ligjor pikërisht atje ku duhej të ishte shtëpia e së drejtës, shtëpia e dijes dhe e elitës së kombit.

Partia Demokratike kundërshton me forcë këtë uzurpim të Akademisë së Shkencave nga Edi Rama dhe Skënder Gjinushi, si dhe dënojmë çdo ndërhyrje politike në Akademi.

Emërimin e turpshëm dhe të paligjshëm të ushtarit të Edi Ramës dhe Tom Doshit në Akademinë e Shkencave, ne do ta ankimojmë në Gjykatën Kushtetuese, sapo kjo gjykatë të jetë funksionale. /abcnews.al

gent-ibrahimi.jpg
G. P.11:26 | 18/10/2019

Disa ditë më parë, në fjalën e tij në seancën plenare, kryeministri Edi Rama filloi të fliste me tone të ashpra ndaj prokurorëve që e dinë që nuk kalojnë Vettingun. Kreu i qeverisë iu drejtua atyre me një togfjalësh “Kap çfarë të kapësh” (KÇK).

Kjo deklaratë solli edhe reagimin e gjyqtarëve dhe prokurorëve. Mirëpo këtë të premte, gjatë seancës dëgjimore në Komisionin E ligjeve ndaj kreut të Këshilli të Lartë të Prokurorisë, Gent Ibrahimi, ky i fundit ka theksuar se deklaratat e kryeministrit janë politike. Megjithatë ai u shpreh se KLP nuk heton raste.

“Deklaratat e kryeministrit janë politike, nuk mjaftojnë për ne. Nuk është se i neglizhojmë, por nuk jemi ne që hetojmë. Ne vetëm mund të gjykojmë rastet. Nuk mund ta paragjykojmë një proces gjyqësor”, tha Ibrahiami.

Ndër të tjera, kreu i KLP-së tha se procesi i Vettingut mund të zgjasë të paktën edhe 3 vite. Për ngritjen e institucioneve të reja, Ibrahimi u shpreh se po pritet që të emërohen prokurorë të tjerë, pasi 8 të cilët tashmë janë pjesë e SPAK, do e kishin të pamundur për të hetuar volumin e dosjeve që janë në tavolinë, çka sipas tij do të sillte një mbingarkesë në punën e tyre.

“Tani që flasim kemi 8 prokurorë që mund ti emërojmë të cilët kanë kaluar Vettingun nga 15 kandidatë. Dhe në momentin që i emërojmë SPAK fillon punën. Por, nëse i emërojmë këta 8 prokurorë në SPAK, atëherë i bie që çdo prokuror do të ketë mbingarkesa shumë të madhe”, u shpreh Ibrahimi.

Duke mos dhënë një afat të caktuar, Ibrahimi u shpreh se shumë shpejtë do të jetë në funksion SPAK, ndërsa krijimi i BKH, do të marrë kohë më të gjatë.

“Shumë shpejt do të kolaudojmë në krijimin e SPAK. Procesi i krijimit të Byrosë Kombëtare të Hetimit do të jetë i gjatë”,  deklaroi Ibrahimi.

/abcnews.al

bylykbashi-oerd-1280x606.jpg
nev ila20:49 | 17/10/2019

“Edi Rama ka shkatërruar shpresat e mëdha të shqiptarëve”, kështu ka deklaruar mbrëmjen e sotme ish-deputeti i partisë demokratike Oerd Bylykbashi.

Bylykbashi ka qenë i ftuar mbrëmjen e sotme, në Mbrëmje ABC me gazetaren Mirela Milori, ku tha se opozita është e vendosur në objektivin e saj për largimin e Edi Ramës pasi, sipas Bylykbashit, është arsyeja që negociatat do të shtyhen se vendi është i zhytur në korrupsion. Gjithashtu Bylykbashi theksoi se kriza politike në vend, do të vazhdojë të thellohet, për sa kohë qëndron Edi Rama në krye të shtetit, gjë e cila do të reflektohet në ekonomi dhe shoqëri.

Pjesë nga biseda në studio:  

Mirela Milori: Sa ndikon euroskepticizmi në vendimmarrje për negociatat?

Oerd Bylykbashi: Sigurisht që secili vend bën lojën e tij, Holanda e ka me Shqipërinë, e cila thotë se, duhet shtet i së drejtës, dhe shtet i së drejtës do të thotë institucione të drejtësisë.  Lufta kundër korrupsionit, dhe lufta kundër krimit të organizuar, janë këto dy kolona që Holanda nënvizon për Shqipërinë. Gjykatë apo institucione të drejtësisë aktualisht nuk ka.

Mirela Milori: Opozita a ka përgjegjësi për këtë situatë?

Oerd Bylykbashi: Duhet të bëjmë më shumë për të larguar Edi Ramën. Detyra jonë është që të denoncojmë situatën ku janë shqiptarët. Shteti është i shpartalluar i tëri, dhe kërkojnë që të marrë përgjegjësi opozita?! Prokurorja e përgjithshme e përkohshme, u vendos për dy muaj,  ka kaluar dy vjet në detyrë, dhe nuk ka proceduar askënd. Këshilli i Lartë Gjyqësor dhe Këshilli i Lartë i Prokurorisë nuk bëhen dot gjykatë.

Mirela Milori: “Panorama” sipas jush, është se negociatat po na shtyhen se Edi Rama nuk ka punuar si duhet, si e shihni perspektivën në këtë vend?

Oerd Bylykbashi: Kriza vazhdon të thellohet. Kriza politike ka të bëjë dhe me ndërveprimin e opinionit publik, dhe kjo do të reflektojë në ekonomi dhe në shoqëri siç mund të jetë largimi i shqiptarëve nga vendi. Reforma zgjedhore është një instrument që mund të zgjidhë diçka në këtë histori. Kjo krizë zgjidhet vetëm me zgjedhje të parakohshme. Detyra e opozitës është që të bëj çdo gjë për të larguar Edi Ramën. Zgjedhjet e parakohshme janë e vetmja zgjidhje për krizën e thellë në vend./abcnews.al

rudina-hajdari123.jpg
G. P.13:00 | 17/10/2019

Kryetarja e grupit parlamentar demokrat, Rudina Hajdari ka kritikuar kryeministrin Rama se ju shmanget përgjegjësive për dështimin me negociatat, ndërsa ju kërkon shqiptarëve që të jenë të fortë këto dy ditë.

“Ju e dini shumë mirë që Edi Rama është kampion mbi shmangien e përgjegjësisë për dështimin që ka pësuar vendi sot. Duket qartë që ne kemi dështuar t’u japim shqiptarëve atë që meritojnë, duket qartë që kemi dështuar tu japim shqiptarëve shpresë për të rinjtë. Iu inkurajoj që ditët në vijim të jemi të qartë se çfarë do të ndodhë me hapjen e negociatave. Kjo është një javë përcaktuese për realitetin tonë”, tha Hajdari./abcnews.al

edi-rama-video-1280x722.jpg
G. P.13:19 | 16/10/2019

Kryeministri Edi Rama nuk është as optimist dhe as realist për vendimin që do të merret për hapjen e negociatave të Premten.  Megjithatë ai konstaton se po bëhet maksimumi që të merret Po-ja e merituar.

“Me realizëm po gjykoj se po bëhet maksimumi për të marrë Po-në e merituar. Më e mbështetur se sot Shqipëria nuk ka qenë asnjëherë në këtë proces. Edhe Franca e njeh progresin e bërë, e cila kërkon sot shumë më tepër nga BE se sa nga Maqedonia e Veriut dhe Shqipëria.  Tani po nisem në Bruksel sëbashku me kryeministrin Zaev për të takuar kryeministrat e qeverive socialiste dhe progresiste të BE-së në një format të krijuar enkas nga Partisë Socialiste Europiane për të pasur sa më shumë aleatë në tryezën e mbrëmjes së pasnesërme”, thotë Rama në një videomesazh në Facebook.  /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono