Edi Rama

edi-rama-von-der-lyen.jpg
ger ta10:57 | 29/01/2020

Situata e post-tërmetit të 26 nëntorit 2019 në Shqipëri dhe përpjekjet e autoriteteve shqiptare për të adresuar problemet e shumta të lëna prej tij, kanë qenë në fokusin e takimit të presidentes së Komisionit Europian, Ursula Von der Leyen  me Kryeministrin Edi Rama në Bruksel.

Zëdhënësit  e Komisionit Europian bënë të ditur për ABCnews, se presidentja Von der Leyen dhe Kryeministri Rama folën lidhur me përgatitjet për konferencën e ardhshme ndërkombëtare të donatorëve, e cila do të zhvillohet në 17 shkurt në Bruksel dhe do organizohet nga Komisioni Evropian. Ata ranë dakord të qëndrojnë në kontakt për të siguruar që konferenca të prodhojë rezultate konkrete në dobi të popullit shqiptar.

Përveç kësaj, presidentija Von der Leyen dhe Kryeministri Rama diskutuan procesin e anêtarësimit të Shqipërisë në Bashkimin Europian. Presidentja Von der Leyen përsëriti bindjen e saj se Bashkimi Europian duhet të mbajë premtimet e saj për Shqipërinë dhe Maqedoninë e Veriut dhe negociatat e anëtarësimit duhet të hapen së shpejti./abcnews.al

83336723_10157381127686523_2501713712847519744_n.jpg
ger ta11:42 | 28/01/2020

Pas Berlinit, kryeministri Edi Rama është nisur drejt Brukselit. Kreu i qeverisë do të zhvilljë takim me Presidenten e Komisionit Europian, Ursula von der Leyen, për Konferencën e Donatorëve, që do të mbahet në 17 shkurt.

Ndërkohë, Rama bën me dije se ditën e nesërme do të takohet me Sekretarin e Përgjithshëm të NATO, Jens Stoltenberg, nën cilësinë e Kryetarit të OSBE.

Për Bruksel, sot me Presidenten e Komisionit Europian, Ursula von der Leyen, për Konferencën e Donatorëve, që do të mbahet në 17 shkurt nën kujdesin e saj dhe nesër në NATO në cilësinë e Kryetarit të OSBE me Sekretarin e Përgjithshëm, Jens Stoltenberg, si edhe me Këshillin e Atlantikut të Veriut”, shkruan Rama në një postim në Facebook.

Ndërkohë, ditën e djeshme Rama ishte në Berlin ku u takua me kancelaren Angela Merkel./abcnews.al

vokshi-1.jpg
So Nila17:29 | 27/01/2020

“Edi Rama nuk e shkarkon kryebashkiakun përdorues të kokainës, sepse ka hallin e tij personal me kokainën”, kështu deklaroi ish deputetja e Partisë Demokratike, Albana Vokshi në një deklaratë për mediat. Ajo tha se Kryeministri ka frikë që të bëjë testin e drogës.

“Ai ka frikë nga testi i drogës. Një kryeministër që merr vendime të rëndësishme nën efektin e drogës është e rrezikshme. Edi Rama duhet të lejojë gjykatën që të bëjë transparencë, bashkë me përgjigjen nesë është apo jo përdoues kokaine, shqiptarët kanë të drejtë të njihen për kontratën 120 miliona euro të cilën Rama refuzon ta bëje publike. Herët a vonë sekreti i Ramës do të zbulohet, PD do ta anulojë këtë koncesion ato që kanë vjedhur me vulën e qeverisë do të dalin para drejtësisë shqiptarëve do ju kthehen paratë e vjedhura”, u shpreh ajo.

Deklarata e plote:

Prej disa ditësh, Kryebashkiaku ilegjitim i Bulqizës, Lefter Alla, është kapur duke konsumuar kokainë. Pamjet janë bërë publike, opinioni është shumë i tronditur, por Lefter Alla vazhdon të qëndrojë në detyrë me mbrojtjen personale të Edi Ramës.

Edi Rama nuk e shkarkon kryebashkiakun përdorues të kokainës, sepse ka hallin e tij personal me kokainën.

Opinioni publik duhet ta dijë se në përballjen që unë kam me të në gjykatë, Edi Rama refuzon të bëjë testin e drogës. Me seancën e sotme numri i refuzimeve nga ana e Edi Ramës për të bërë testin e drogës, shkon në katër.

I kam kërkuar gjykatës ta marrë provën e testit të drogës si pjesë e procesit gjyqësor të hapur prej vetë Edi Ramës ndaj meje, pasi ai u ndie i fyer nga një postim për checkup-in. Ky koncesion korruptiv ka nxjerrë burrat shtatzanë dhe nuk do të ishte asnjë çudi që analizat e checkup-it të Edi Ramës, të dilnin me doza kokaine e t’i jepeshin dikujt tjetër.

Përtej ironisë, refuzimi për të bërë testin e drogës në këtë proces gjyqësor të hapur prej vetë Edi Ramës, nuk është hera e parë e refuzimit të tij.

Opinioni publik nuk ka harruar, kur ai fliste për gjithçka në parlament, por nuk guxonte t’i përgjigjej pyetjes: a ka konsumuar kokainë? Gjithashtu, opinioni publik e mban mend se pika e vetme e rëndësishme me të cilën Edi Rama nuk ka ra dakord gjatë hartimit të ligjit të dekriminalizimit, ishte testi i drogës nga politikanët.

Edi Rama ka frikë nga testi i drogës si djalli nga temjani, prandaj vazhdon ta refuzojë duke përdorur çdo mjet dhe mënyrë. Një kryeministër që merr vendime të rëndësishme nën efektin e drogës është një rrezik i madh për vendin dhe qytetarët e tij, prandaj, Edi Rama duhet të lejojë gjykatën që të bëjë transparencë.

Bashkë me përgjigjen, nëse ai është apo jo konsumues i kokainës, shqiptarët kanë të drejtë të njihen nga gjykata edhe me kontratën koncesionare të checkup-it prej 120 milionë euro, të cilën Edi Rama refuzon ta bëjë publike duke urdhëruar vartësit e tij që ta mbajnë atë sekret në mënyrë skandaloze, si sekret tregtar.

Herët a vonë, sekreti i Edi Ramës do të zbulohet. Partia Demokratike do ta anulojë këtë koncesion.

Ata që kanë vjedhur me vulën e qeverisë së tij do të dalin para drejtësisë dhe shqiptarëve do t’u kthehen paratë e vjedhura./abcnews.al

takimi-1.jpg
in a15:55 | 27/01/2020

Pas Italisë, kryeministri Edi Rama mori edhe nga Gjermania mbështetjen si pjesë e konferencës së donatorëve që do mbahet në Bruksel më 17 shkurt për të ndihmuar financiarisht Shqipërinë në kapërcimin e pasojave të tërmetit shkatërrimtar të 26 nëntorit. Para takimit me Ramën në Berlin, kancelarja ka nënvizuar gadishmërinë e Gjermanisë.

“Jam e kënaqur që Komisioni Evropian ka thirrur një konferencë donatorësh më 17 shkurt për të avancuar rindërtimin. Gjermania do të marrë pjesë në këtë konferencë të donatorëve. Bashkëpunimi në rajon ishte vërtet mbresëlënës. Sidoqoftë, tërmeti ka qenë një goditje e fortë për Shqipërinë”, u shpreh Merkel.

Kryeministri falenderoi interesimin dhe solidaritetin nga të gjitha strukturat ndihmëse nga Gjermania dhe vendet e tjera të rajonit si një lehtësim për popullin shqiptar.

“Shqipëria ka një nevojë të madhe për të gjetur mbështetje nga të gjithë miqtë e partnerët në procesin e vështirë të rindërtimit, i cili bazuar në raportin e dëmeve të hartuar në bashkëpunim me BE, kërkon një shumë që është përtej mundësive tona”, tha Rama.

Shqipëria, ashtu si Maqedonia e Veriut janë në pritje të një vendimi të ri të Këshillit Europian për hapjen e negociatave të antarësimit. Kancelarja Merkel konfirmoi qëndrimin pro të Gjermanisë në takimi e Këshillit në Mars.

“Do doja ta thoja qartë se ka shumë arritje, sidomos për sa i takon reformës në drejtësi. Kjo reformë duhet të vazhdojë në mënyrë që të plotësohet. Reforma në drejtësi është një komponent kyç për të ardhmen e Shqipërisë. Në BE të gjithë duam që të arrijmë një marrëveshje në takimin e ardhshëm të Këshillit Europian për hapjen e negociatave me Shqipërinë dhe Maqedoninë e Veriut. Të dyja vendet kanë shumë arritje. Ne e patëm këtë qëndrim gjatë mbledhjes sonë të fundit. Tani ne do punojmë fort për të arritur rezultatet që duam në muajin Mars. Unë besoj se e ardhmja e vendeve të Ballkanit Perëndimor është në Bashkimin Europian, edhe e Shqipërisë e nuk është vetëm në interesin e këtyre vendeve por edhe në interesin tonë. Sepse kushdo që shikon hartën, kush njeh kontekstin gjeopolitik, e di që është mirë për të gjithë nëse një ditë vendet e Ballkanit Perëndimor të jenë anëtare të BE. Meqenëse edhe Komisioni i ri Europian synon të jetë një komision gjeopolitik, ka më shumë se më pak arsye për ta çuar përpara këtë process me vendosmëri”, tha Merkel.

Kryeministri ka vlerësuar rolin gjithnjë mbështetës të kancelares, por edhe punën e Komisionit të ri Europian.

“Roli i Gjermanisë dhe juaji personal kanë qenë një mbështetje e jashtëzakonshme dhënien e dritës jeshile në përparimin e këtij procesi. Do doja të shprehja edhe një herë vlerësimin tim për mënyrën se si e ka nisur punën Komisioni i ri Europian. Tepër e rëndësishme që edhe ju e nënvizuat këtë. Ne tashmë kemi një dimension më të qartë gjeopolitik në punën e Komisionit. Kjo do na ndihmojë shumë ne dhe të gjithë rajonin

Në njoftimin e kancelarisë gjermane thuhet se tema të takimit Merkel Rama janë marrëdhëniet dy palëshe mes dy vendeve, por edhe presidenca shqiptare e OSBE dhe cështjet rajonale”, tha më tej Rama./abcnews.al

rama-merkel-1-1.jpg
So Nila14:13 | 27/01/2020

Prime Minister Edi Rama is in Berlin where he is holding a meeting with Chancellor Angela Merkel to talk  about the Donor Conference.

Prime Minister Rama has announced this yesterday on his social media.

German Chancellor Angela Merkel said on Monday that she would seek the start of EU negotiations for Albania and Northern Macedonia in March.

“Above all, we want to reach an agreement at the next European Council in March to start the negotiations with Albania, and also with Northern Macedonia”, she told reporters in Berlin at a meeting with Albanian Prime Minister Edi Rama.

“Both countries have achieved a lot,” she said. “Now we will work hard to achieve the desired results on Mars”./ abcnews.al

ilir-meta.jpg
nev ila13:39 | 27/01/2020

Pas përfundimit të fjalës së përbashkët në kancelares Angela Merkel dhe kryeministrit Edi Rama ku Merkel shprehu gatishmërinë e shtetit gjerman për të ndihmuar Shqipërinë si në lidhje me konferencën e donatorëve për procesin e rindërtimit pas tërmetit, ku Merkel konfirmoi pjesëmarrjen e Gjermanisë, edhe në lidhje me nisjen e bisedimeve për procesin e integrimit të Shqipërisë në BE, ka reaguar presidenti Ilir Meta.

Përmes një statusi në rrjetet sociale Meta ka përshëndetur angazhimin e përsëritur të Merkel për çeljen e negociatave, gjithashtu Meta shkruan se, zbatimi i 9 kushteve të Bundestagut Gjerman, janë harta më e sigurt e rrugës evropiane të Shqipërisë.

“Përshëndes angazhimin e përsëritur të Kancelares Angela Merkel për çeljen e negociatave të anëtarësimit ndërmjet Shqipërisë dhe Bashkimit Europian. Zbatimi i 9 kushteve të Bundestagut me rezultate të prekshme dhe të qëndrueshme, janë harta më e sigurt e rrugës europiane të Shqipërisë!”, shkruan Meta./abcnews.al

angela-merkel-berlin.jpg
nev ila13:18 | 27/01/2020

Kryeministri Edi Rama ndodhet në Berlin ku në është takuar me kancelarin gjermane Angela Mercel.

Në këtë takim është diskutuar për konferencën e donatorëve gjithashtu edhe për procesin e integrimit të Shqipërisë në BE.

Në përfundim të bisedës kryeministri shqiptar Edi Rama shprehu mirënjohjen e tij për rolin e rëndësishëm të Gjermanisë si ndaj situatës së vështirë pas tërmetit por edhe për mbështetjen e Merkel në procesin e integrimit të Shqipërisë në BE.

Kryeministri Edi Rama në fjalën e tij tha:

Mirënjohës që  zhvillojmë këtë takim, diskutuam për konferencën e donatorëve dhe nevojën e madhe që Shqipëria ka për të gjetur mbështetjen e partnerëve në procesin e vështirë të rindërtimit. Dëmet e shkaktuar nga tërmeti janë të mëdha fatura e papërballueshme për Shqipërinë.  

Ju falënderoj për interesimin tuaj dhe të ndihmës së parë nga Gjermania, ndihma ka qene lehtësuese për popullin shqiptar.

Më vjen mirë që po diskutojmë edhe për perspektivën e bashkëpunimit të BE ku roli i Gjermanisë ka qenë i jashtëzakonshëm për procesin e integrimit.

Dëshiroj të shpreh të gjithë konsideratën për mënyrën se si ka nisur punën Komisioni i ri Europian, një dimension më i qartë edhe gjeopolitik, do jetë ndihmë e madhe për ne dhe gjithë rajonin”, tha Rama./abcnews.al

merkel-rama-1-1280x691.jpg
nev ila13:11 | 27/01/2020

Kryeministri Edi Rama ndodhet në Berlin ku në është takuar me kancelarin gjermane Angela mergel.

Në këtë takim është diskutuar për konferencën e donatorëve gjithashtu edhe për procesin e integrimit të Shqipërisë në BE.

Në përfundim të bisedës kancelaria gjermane dhe kryeministri shqiptar Edi Rama mbajtën një fjalë përpara mediave.

“Gjermania do të marrë pjesë në këtë konferencën e donatorëve në 17 shkurt ku do të përpiqemi të ndihmojmë sa më shumë Shqipërinë. Ne do të flasim për një seri marrëdhëniesh të mëparshme dhe kursin e reformave të qeverisë. Në lidhje me reformën në drejtësi janë arritur shumë gjëra. Kjo reformë ka rëndësi të madhe për perspektivën e Shqipërisë. Ne duam që këto dy shtete të shkojnë drejt BE-së dhe duam që të arrijmë një marrëveshje në takimin e ardhshëm të Këshillit të BE-së në mars për të filluar çeljen e negociatave me Shqipërinë, si edhe me Maqedoninë e Veriut. Të dy vendet e kanë merituar. Këtë qëndrim e kemi pasur edhe në takimin e kaluar dhe tani do të punojmë me forcë që në mars të arrijmë rezultatin e dëshiruar. Nuk është vetëm në interes të këtyre vendeve por edhe në interesin tonë që këto vende të afrohen me BE-në”, tha kancelarja Merkel./abcnews.al

 

merkel-rama-1280x732.jpg
nev ila11:10 | 27/01/2020

Kryeministri Edi Rama ka mbërritur në zyrën e Kancelares Gjermane, Angela Merkel. Ka qenë vetë Rama që ka publikuar një videon në rrjetet sociale, ku shihet teksa zbret nga makina dhe takon kancelarin Merkel.

Më tej Kancelarja i uron mirëseardhjen, duke i folur anglisht dhe bashkë bëjnë dhe foto. Më herët, përpara kreut të qeverisë, në zyrat e qeverisë gjermane kishte mbërritur delegacioni shqiptar, ku Rama i ka prezantuar një e nga një me Merkel-in.

Rama njoftoi ditën e djeshme se do të ishte në një takim me kancelarin mergel ku do të diskutohet për rindërtimin pas tërmetit të 26 nëntorit në Shqipëri./abcnews.al

edi-rama-avion.jpg
nev ila15:33 | 26/01/2020

Kryeministri Edi Rama ka postuar sot një foto nga brenda avionit me të cilin po udhëton për në Gjermani.

Në një reagim në rrjetet sociale, Rama shkruan se është nisur për në Berlin dhe do takohet me Kancelaren Angela Merkel, për të biseduar me të për Konferencën e Donatorëve.

“Për në Berlin për takimin me Kancelaren Merkel, enkas për Programin e Rindërtimit në vigjilje të Konferencës së Donatorëve, që do të mbahet në Bruksel më 17 shkurt ”, shkruan Rama./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono