Edi Rama

edi-rama-5.jpg
G. P.22:27 | 25/06/2019

Kryeministri Rama zhvilloi takimin përmbyllës të fushatës zgjedhore në Kukës. Ai premtoi se me Safet Gjicin në krye të bashkisë do realizohen projekte madhore, aeroporti i Kukësit dhe përfundimi i Rrugës së Kombit.

Kryeministri Edi Rama mbërriti me helikopter në aeroportin e Kukësit ku e prisnin mbështetës socialistë për të prezantuar kandidatin për kryetar bashkie, Safet Gjicin. U premtoi kuksianëve se aeroporti do përfundojë shumë shpejt dhe çmimet e ofruara do jenë të ulëta.

“Ka këtu vajza dhe djem që kanë lindur me këtë premtim dhe janë bërë thuajse 30 vjet. Sot nuk është më një premtim, është një angazhim që po mbahet dhe shumë shpejt të gjithë ata që nga Kukësi janë larhuar në emigracion sidomos në Britaninë e Madhe do të kenë mundësi të vijnë dhe të kthehen këtu direkt nga Londra në këtë aeroport, i cili do të jetë një aeroport jo thjesht i Kukësit, por i gjithë zonës verilindore duke përfshirë edhe pjesën matanë kufirit. Tani Shqipëria ka nevojë për një aeroport çmimesh të ulëta. Ky do të jetë aeroporti i Kukësit”, tha ai.

Një tjetër premtim u bëri për përfundimin e Rrugës së Kombit.

“Njësoj janë sot si rrugët e lëna rrugëve. Ne Rrugën e Kombit do ta mbarojmë. Se çdo bëhet me rrugët e tyre me atë do të merren demokratët pas 30 Qershorit”, tha Rama.

Kryeministri përsëriti se në 30 Qershor, populli duhet t’i verë më në fund kufirin, kësaj politike që djeg mandatin që i ka dhënë populli.

“Këtu është çështja që populli duhet t’i vërë përfundimisht kufirin kësaj lloj politike që e bëri Shqipërinë copë. Kësaj lloj mënyre të ulët që ti i jep votën ai shkon në parlament dhe ai djeg mandatin që i ke dhënë ti, ti ia ke dhënë mandatin që ai të rrijë aty, të flasë për ty, jo të vijë në parlament me vezë. Nuk ia ke dhënë mandatin që ai të vijë të ngrejë një pulari që të gjuajë me vezë në parlament. Thotë po iki se do bëhem popull. Në fakt nuk bëhet popull por futen atje mes turmës dhe gjejnë më budallenjtë ose ata që janë më të sinqertë dhe i hedhin me kokë t’i bien murit të ligjit. Ata shkojnë nëpër burgje, këta shkojnë flejnë në shtëpi”, tha Rama.

Madje thotë se ai nuk ikën me protesta.

“Për të ik unë? Nuk iki unë. Se kur iki unë e vendosni ju që jeni këtu, e vendos shumica dhe e vendos edhe unë. Jo ata. Kurrë”!/abcnews.al

edi-rama-peter-Tiede.jpeg
nev ila19:15 | 25/06/2019

Gazetari gjerman i gazetës Bild, Peter Tiede thotë se kryeministri Edi Rama ka kontraktuar një nga avokatët më të shtrenjtë në Gjermani.

Në fakt avokati i zgjedhur nga kryeministri, Matthias Prinz, për ta përfaqësuar në betejën ligjore kundër gazetarit, Peter Tiede, në një intervistë në vitin 2016 për të përditshmen welt.de, ka konfirmuar se pagesa për 1 orë pune, në studion e tij ligjore, kushton 750 euro/ora,  (kliko këtu për artikullin) një shifër goxha e majme për xhepat e shqiptarëve.

Matthias Prinz është një nga avokatët më me prestigj, bashkë me studion e tij ligjore në Hamburg të Gjermanisë.

Edhe vetë Tiede i është kundërpërgjigjur kryeministrit Rama në lidhje me padinë e ngritur. Me një status në rrjetet sociale, Tiede shkruan se:

Oh, zoti Rama … Çmenduri: Kryeministri i Shqipërisë Rama dëshiron të më padisë mua. Ai tashmë ka të paktën një avokat – në fund të fundit, një nga ato më të shtrenjtët në Gjermani … por ai nuk ka më shumë …”.

Kryeministri Rama ditën e sotme njoftoi se i ka dhënë prokurën avokatit gjerman Matthias Prinz, për nisjen e procesit gjyqësor mbi publikimet e BILD.

Ajo që nuk dihet ende është se, cili është objekti i padisë që ka inicuar kryeministri Rama kundër Peter Tiede gazetarit të BILD, i cili publikoi audio-përgjime nga dosjet “339” dhe “184”, të cilat janë ende nën hetim.

Mbetet për tu parë, nëse kjo është një betejë mes qeverisë shqiptare dhe gazetarit gjerman, apo një betejë personale e kryeministrit Rama kundër Peter Tiede./abcnews.al

policia-kukes-1280x722.jpg
nev ila18:09 | 25/06/2019

Kryeministri Edi Rama ndodhet sot në Kukës, ku do të mbajë fushatë elektorale në bashkitë e këtij qarku.

Ndërsa Rama është nisur drejt Kukësit, ka ndodhur një përleshje mes protestuesve dhe policisë. Forcat e policisë kanë ngritur kordon policor për të ndaluar simpatizantët e PD.

Protestuesit në përleshje e sipër me simpatizantët e Partisë Demokratike kanë thyer kordonin policor. Ata kanë thirrur në kor “Rama ik”.

Protestuesit kanë carë kordonin e parë të policisë dhe kanë marshuar drejt aeroportit./abcnews.al

edi-rama-4.jpg
G. P.18:00 | 25/06/2019

Sipas kryeministrit Rama, vendimet tashmë i merr populli duke qenë se marrëveshja e 2017-s nuk vlejti për opozitën. Gjatë një takimi elektoral në Tropojë, kreu i qeverisë theksoi se nuk ka pse i lutet më Bashës për një marrëveshje.

“Ça do bëjmë ne, sa herë që afrohen zgjedhjet do të marrim me të mirë këta? Boll iu luta unë Zhulietës dy vjet më parë. Nuk kam asnjë arsye t’i lutem më dhe mbi të gjitha përderisa ajo marrëveshje nuk vlejti për t’i sjellë në vete këta tani ka ardhur koha që ta marrë populli në dorë këtë punë dhe në datë 30 Qershor populli thotë kush do të paraqitet përpara nesh për të marrë gjykimin tonë mirë se të vijë. Kush nuk do rruga e mbarë dhe rrugëve le të ngelin sepse nuk ka asnjë problem.  Ju jap fjalën që nuk do ndodhë asgjë në zgjedhje. Mund të ketë fenomene sporadike në zgjedhje këtu e aty, se tani budallenj që shkojnë bëjnë burg për Lulin dhe fallxhore, ça të them unë”, u shpreh Rama.

Ndërkohë më tej, Rama paralajmëroi se të gjithë ata që do të shkelin ligjin do të përballen me drejtësinë.

“Çdo ditë shkojnë nëpër burgje dhe këta shkojnë në shtëpi. Ishte njëri nga këta që i kishte çu me djeg shkollën në Shkodër, dhe kur shkoi atje tha “unë vajta ti qetësoj”. Ky i mori i çoi atje, i la në burg dhe u qetësua në shtëpi vetë. Këta janë këta. Megjithatë kush do të shkojë pas tyre ta dijë që do ketë vetëm përballje me ligjin”, tha kreu i qeverisë.  /abcnews.al

edi-rama-3.jpg
G. P.17:42 | 25/06/2019

Kryeministri Edi Rama u ndal të fliste për deklaratat e Presidentit Ilir Meta gjatë takimit elektoral në Tropojë. Kreu i qeverisë u shpreh se Meta i ka zënë vendin Nard Ndokës me fjalinë që shprehu gjatë një konference për mediat këtë të martë.

Sipas kryetarit të PD-së, Meta ka marrë përsipër të hedhë molotov institucionalë, dekretesh dhe fjalësh nga zyra ndaj parlamentit, gjykatave madje edhe partnerëve ndërkombëtarë.

“Më mirë të merren me ne sesa të mos na kishin në hesap fare. Si për shembull imagjinoni të jesh Fatmir Mediu. E kuptoni të jesh Fatmir Mediu ça sikleti është se s’të llogarit njeri fare. Ti del flet dhe të gjithë thonë, akoma, ça bën ky. Nardi tani është një nivel më lart se vendin që kishte ia ka zënë Ilir Meta. Realisht sot Ilir Meta ia zuri vendin Nard Ndokës. Me fjalinë “shantazhin ndaj gjykatësve e pashë në fotografi”. Ku e more vesh i tha ai gazetari që u shantazhuan gjyqtarët. E pashë në fotografi tha. Nard Ndoka këtë nivel nuk e kishte kap.

Ilir Meta ka marrë përsipër pjesën e dhunës institucionale. Ka marrë përsipër molotovët institucionalë, ka marrë përsipër t’i gjuajë me molotov dekretesh zgjedhjeve, ka marrë përsipër t’i gjuajë me molotov fjalësh nga zyra parlamentit, gjykatave, Amerikës, Europës. Tha “unë nuk kam anuluar zgjedhjet në Amerikë që të pyesim Amerikën. As zgjedhjet në Itali që të pyesim Italinë”. Domethënë sa të kem Lulin dhe Monikën nuk pyes për Italinë dhe Amerikën. Haxhi Qamili kur mori kot atëherë i çuan fjalë ata dhe i thanës “sikur po e tepro, kujdes se po preken interesat e Francës”. “Sa të kem Kavajën dhe Shijakun s’pyes as për Francë as për Angli unë”, tha. Ça t’i bësh. Është ky vend që e rrotullon dhe prapë e nxjerr ndonjë Haxhi Qamil. Tani nuk është një janë disa”, tha Rama.

Sipas kreut të qeverisë, opozita ka frikë nga hapja e negociatave me Bashkimin Europian.

“Ju i shihni që kanë një hall të madh, i shihni që bërtasin shumë se me thënë të drejtën kur bërtet Saliu edhe dëgjohet se bërtet shumë, por kur bërtet Luli vallaj është për t’i than ça të gjeti mos ke nevojë të shkosh… E vërteta është bërtasin nga frika. Kanë një frikë shumë të madhe dhe është reale kjo. Kanë një frikë të madhe se mos hapen negociatat me BE-në pasi me hapjen e negociatave fillon një kapitull i ri marrëdhëniesh me BE-në”, tha Rama./abcnews.al

edi-rama-peter-Tiede.jpeg
nev ila16:09 | 25/06/2019

 

Edi Rama nuk është tërhequr nga padia për gazetën gjermane Bild pas publikimit të mbi 20 përgjimeve nga dosja 339 dhe 184, ku zyrtarë të lartë socialistë dëgjoheshin në biseda kompromentuese gjatë zgjedhjeve në Durrës dhe Dibër.

Kryeministri Rama ka njoftuar se ka autorizuar një avokat gjerman, për një padi pas publikimeve të përgjimeve nga Bild. Rama nuk sqaron nëse padia do të ngrihet ndaj gazetës gjermane, apo ndaj gazetarit Petter Tiede.

”Sapo i kam dhënë prokurën avokatit gjerman Matthias Prinz, për nisjen e procesit gjyqësor mbi publikimet e BILD! Gjykatat gjermane le ta vendosin kush ka të drejtë, e kush ka faj në këtë mes. E bëj sepse shqiptarët meritojnë ta dinë të vërtetën, nga drejtësia e atij vendi pa hije”, shkruan Rama.

Në përgjimet e nxjerra nga Bild rezultoi dhe kryeministri Rama i cili fliste më një funksionar socialist në Dibër, Arben Keshi, për arritje objektivash elektorale.

Por nuk ka vonuar përgjigja e gazetarit gjerman. Peter Tide ka komentuar tek statusi i kryeministrit duke e pyetur: E për cfarë më akuzoni mua? Për publikimin e audiopërgjimeve reale?

Përgjigjen gazetari e mbyll duke bërë tag gazetën ku punon, tabloidin Bild./abcnews.al

edi-rama-30.jpg
G. P.22:00 | 24/06/2019

Shtyrja e zgjedhjeve të 30 Qershorit do të ishte shkatërruese për vendin, deklaroi kryeministri Rama gjatë takimit të zhvilluar me simpatizantët e tij në Durrës. Rama teksa përgëzoi punën e kryebashkiakut Vangjush Dako, nuk la jashtë vëmendjes pa thumbuar punën e bashkive që drejtohen nga opozita.

Ndalesa e radhës e kryeministrit Rama ishte takimi me socialistët e Durrësit, ku nuk munguan as superlativat për punën e kryebashkiakut Vangjush Dako

“Vangjushi ka fituar kur në pushtet ishte Saliu, me të gjithë skuadrën më të mirë që ka pasur PD në historinë e saj dhe me të gjithë mekanizmat e pushtetit, që ju e dini shumë mirë si përdoreshin në kohën e Saliut dhe me të gjitha format e mbrapshta, për të cilat si për çdo gjë tjetër nga të akuzuar, ata janë kthyer në akuzues. Durrësi do ta kujtojë me gjithmonë e më shumë respekt, me gjithmonë e më shumë admirim periudhën kur Vangjush Dako drejtoi bashkinë”, tha ai.

 

Teksa përgëzoi punën e Bashkive të majta, nuk la pa thumbuar ato të Bashkive të drejtuara nga opozita.

“Më kanë përshtypje një fakt në se shkon në bashkitë që drejtohen nga socialistët janë të pastra, d.m.th. pastrohet, ka pastërti. Ndërmarrjet e pastrimit, qofshin private, qofshin bashkiake sipas rastit pastrojnë qytetin.  Nëse shkon në bashkitë që drejtohen nga demokratët të bën përshtypje se janë pis, nuk pastrohen.

Është e pabesueshme se çfarë pisllëku ka Shkodra, se sa e papastër është, për të mos hyrë tek të tjerat. Ama ky është vendi për të thënë që, në këto zgjedhje, ne kemi humbur një shans, një mundësi, një rast për të pasur një garë, ku  do të ishte për ne kënaqësi e madhe sfida reale e zgjedhjeve me kundërshtarët tanë përballë”, tha Rama.

Në takimin me durrsakët Rama nuk la pa përmendur sërish vendimin e Metës për anulimin e zgjedhjeve të 30 Qershorit dhe protestat e opozitës.

“Ata e dinë shumë mirë që me ne nuk fitojnë dot, se e kanë thënë sa të jetë Edi Rama aty ne nuk fitojmë dot. Nuk është se ne po i marrim të gjitha. Këta na i lanë në dorë. Tani si të themi ne meqë ju na i latë në dorë ne po ikim fare? Kjo është arseja pse dhunës në rrugë i shkon paralel dhuna që ushtrohet nga zyra e Presidentit të Republikës. Andej ata sulmojnë, këtej del Ilir Meta thotë anuloj zgjedhjet se do bëhet nami. Po kush do e bëjë namin? Nuk i njeh ti ata që do e bëjnë namin? ”

Sipas kryeministrit më 30 qershor do të fitojë populli dhe jo tekat e opozitës.

“Dil atje në fushë dhe na mund me votë por nuk mund të thuash, ose ikni ju, ose kjo punë nuk do bëhet se po nuk ikët ju unë nuk bëhem ai që dua. Por jo, nuk bëhesh, kaq.

Kam një përshtypje, nuk e di por do ta shikojmë, që zgjedhjet do bëhen në datë 30 qershor, kjo nuk diskutohet por kam një përshtypje që të dyja palët do fitojnë. Kemi për ta parë, ne do fitojmë sepse zgjedhjet do bëhen, pra popullin dhe Shqipërinë peng kush nuk ka për t’i marrë dot por jam i bindur që priteni, zëreni se po e shoh tani para syve, do dali Lulit, do thotë fitore. Do dali do thotë fitore, do t’i numërojë të gjithë ata që janë ashtë shtetit, të gjithë ata që do shkojnë në plazh atë ditë, të gjithë ata që mund të mos vijnë të votojnë se do thonë këtu nuk ka kundërshtar, është e fituar. Dhe gjithë demokratët që do donin të vinin por thonë nuk po shkojmë se po na shohin, e do thotë këta janë të mitë, fitore”. /ABC News Albania 24/7

basha-deklarate-1-1280x717.jpg
nev ila21:28 | 24/06/2019

Kryetari i Partisë Demokratike Lulzim Basha deklaroi se vendimi i Kolegjit zgjedhor dihej prej ditësh, si një makinacion i kryeministrit për t’i dhënë legjitimitet 30 qershorit. Përkundër deklaratave të shefit të mazhorancës, Basha përsërit se nuk do ketë zgjedhje më 30 qershor, e as luftë mes shqiptarëve.

Thotë se vendimi i kolegjit zgjedhor dihej prej ditësh, si një makinacion i kryeministrit në funksion të asaj që e quan farsë zgjedhore, pasi vetëm gjykata kushtetuese sipas tij mund të shprehet për dekretin e presidentit të republikës.

“Vendimi i sotëm kishte disa ditë që dihej si fakt i kryer në rrethet politike dhe mediatike të Tiranës. Është e gjitha një histori makinacioni, e përgatitur në çdo detaj nga Edi Rama. Me një skenar të trashë, u sajua një kërkesë fals, nga një parti fals, në bazë të së cilës kolegji zgjedhor shpalli një vendim të parapërgatitur nga Edi Rama, për ta shitur edhe jashtë vetë objektit të vendimit. Lehtësia me të cilën ndodhi e gjitha kjo, përpara syve dhe vëmendjes së të gjithë shqiptarëve, tregon jo vetëm kontrollin e plotë që Edi Rama gëzon mbi drejtësinë, dhe mbi çdo institucion të vendit por edhe shpërfilljen totale që ai ka ndaj ligjit, institucioneve dhe demokracisë”.

Vendimi i kolegjit sipas kryetarit të opozitës provoi edhe njëherë se vendimi për të mos hyrë në zgjedhje farsë ishte i duhuri. Basha përsëriti dy kushtet e opozitës pa të cilat tha se opozita nuk do i kthehet asnjë procesi politik: Daljen para drejtësisë të atyre që kanë vjedhur zgjedhjet dhe largimin e Ramës  nga kryeministër. Vazhdon të insistojë se zgjedhje nuk do ketë më 30 qershor.

“Sa i përket 30 qershorit, plani i Edi Ramës për destabilizm dhe luftë mes shqiptarëve, do të dështojë. Shqiptarët janë bërë bashkë si kurrë më parë në mbrojtje të demokracisë për të mos lejuar farsën elektorale dhe krimin kushtetues të regjimit autokratiko-kriminal. 30 qershori është dita kur nis fundi i regjimit të Edi Ramës”.

E mbylli me ftesën për shqiptarët që të jenë të bashkuar në këtë betejë për të ardhmen e fëmijëve e të gjithë shqiptarëve, për Shqipërinë si gjithë Evropa./ABC News Albania 24/7

 

09-Abc-News-HD_2019_0624_1945_59-1280x741.jpg
G. P.20:22 | 24/06/2019

Në mitingun përmbyllës në Durrës, kryeministri Edi Rama u ndal të flasë për punët Vangjush Dako ka bërë për këtë bashki. Ai kujtoi se kreu aktual i Bashkisë së Durrësit arriti të fitonte në kohën kur PD ishte në pushtet edhe pse kishte skuadrën më të mirë në histori. Rama theksoi se në Durrës do të mbeten veprat dhe punët që Vangjush Dako la pas.

“I mësuar prej jo pak kohësh një mbështetje që një dekadë më parë do të ishte një ëndërr e bukur, por e parealizueshme në dukje dhe që sot është një realitet në radhë të parë falë Vangjush Dakos. Vangjushi e nisi rrugëtimin për të drejtuar Bashkinë e Durrësit duke fituar me një grusht votash dhe më pas falë provave të prekshme që iu dha qytetarëve duke fituar në mënyrë bindëse dhe më pas akoma duke fituar në mënyrë triumfuese. Ajo që sot duhet thënë shumë qartë që ta dëgjojnë që të gjithë është se kush përpiqet sepse normalisht nuk ka asnjë rrugë tjetër përveçse të shtojë baltën mbi Vangjushin dhe Bashkinë e Durrësit, nuk do që qytetarët të kujtojnë diçka, në Durrës Vangjushi ka fituar kur në pushtet ishte Saliu me të gjithë skuadrën më të mirë që ka pasur PD në historinë e saj dhe me të gjithë mekanizmat e pushtetit që ju e dini shumë mirë si përdoreshin në kohën e Saliut dhe pa diskutim me të gjitha format e mbrapshta për të cilat si për çdo gjë tjetër, nga të akuzuar ata janë kthyer në akuzues.

Tani a ka njeri normal, a ka njeri që arsyeton që e njeh sadopak historinë dhe politikën e këtij vendi që mund të mendojë se njeriu dhe partia këtu në Durrës që mundën Saliun me të gjithë skuadrën e vet me të ndjerin Sokol Olldashi, i cili ka qenë përfaqësuesi politik këtu, kur ata ishin në pushtet u dashka të blejë vota për të mundur Lulin me Gridën dhe me Salianjin. Domethënë e thënë ndryshe këtu në Durrës. Të kesh mundur Sokol Olldashin, një nga figurat më të spikatura, një orator dhe një njeri i njohur për forcën e larmishme në fushatë elektorale kur partia e tyre ka qenë në pushtet dhe të akuzohesh se ke blerë vota për të mundur Oerd Bylykbashin. Ajo që mbetet në gjithë këtë rrugëtim përballë lumit të baltës është puna, ajo që mbetet janë veprat dhe pa asnjë dyshim Durrësi do ta kujtojë me gjithmonë e më shumë respekt, me gjithmonë e më shumë admirim periudhën kur Vangjush Dako drejtoi bashkinë falë gjurmëve që janë kudo në këtë qytet duke filluar nga ky shesh”, tha Rama.

Kandidatja e Partisë Socialiste për zgjedhjet lokale në Bashkinë e Durrësit është Valbona Sako. /abcnews.al

edi-rama-ne-durres.jpg
G. P.19:37 | 24/06/2019

Me pankarta në duar dhe thirrjet “Rama ik”, mbështetësit e opozitës u mblodhën para sheshit ku zhvilloi takimin përmbyllës të fushatës në Durrës kryeministri Edi Rama.

Protestuesit, ku mes tyre ndodheshin edhe ish-deputetët Oerd Bylykbashi e Fatbardha Kadiu, krerët e degës lokale te PD-se, kreu i PAA-së, Agron Duka, u mbajtën të bllokuar nga efektivë të policisë, 100 metra larg vendit ku po mbahej mitingu i PS.

Protestuesit tentuan vazhdimisht të çanin kordonin policor, por pa mundur të depërtojnë mes tyre.

/ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono