Edi Paloka

edi-paloka.png
G. P.12:48 | 26/06/2018

“Taulant Balla, një derrkuc i dhjamur nga paratë e drogës që pastron bashkë me bandën e Elbasanit, sot nuk u zgërdhi”.

Është ky reagimi i kryetarit të grupit parlamentar demokrat Edi Paloka pas deklaratës së numrit dy të Partisë Socialiste. Për Palokën, Taulant Balla nuk tha asgjë. Madje e pyet se pse akuzën për Lulzim Bashën nuk e bën që sot në prokurori, por ka vendosur të presë fundin e javës?

“Për ta kuptuar hallin e madh që ka zënë derrkucin e Toyotës,- shkruan Edi Paloka në statusin e tij në Facebook,- kujtoni se çfarë thoshte për avionët e drogës para tre vjetësh, për Saimir Tahirin, Elvis Rroshin dhe Agron Xhafajn”./abcnews.al

Edi-Paloka.jpg
G. P.13:16 | 24/06/2018

Pas kësaj ceremonie ka reaguar nënkryetari i Partisë Demokratike, Edi Paloka.

“I vetmi çmim që mund të marrin dhe ta meritojnë plotësisht Rama dhe Veliaj, është ai i pafytyresisë dhe hajdutërisë bashkë”, shkruan Edi Paloka në faqen e tij në rrjetin social Facebook.

Duke e ilustruar me një foto të zyrave të Bashkisë, ai shkruan se kryeministri dhe kryebashkiaku dalin e festojnë, vetëm dy ditë, pasi sheshi u kthye në llum dhe ambientet e bashkisë u përmbytën./abcnews.al

edi-paloka-1.jpg
G. P.21:19 | 25/05/2018

Ndërsa PD, përmes nënkryetarit Edi Paloka, iu përgjigj drejtpërdrejtë sfidës së ministrit të Brendshëm, duke i renditur edhe njëherë atij arsyet pse duhet të largohet nga detyra.

Sipas PD, Fatmir Xhafaj duhet të largohet sepse i vëllai i tij sot duhet të ishte i arrestuar dhe nën hetim dhe jo në Itali. PD thotë në deklaratë se Fatmir Xhafaj duhet të ikë, sepse kuksianët që protestuan për mbijetesën e familjeve të tyre nga grabitja e qeverisë i quajti pesona me rrezikshmëri të lartë shoqërore.

Kurse vëllain e tij trafikant ndërkombëtar droge dhe pjesëtar të një organizate kriminale të trafikut të drogës e quajti një të ri që ka bërë gabim. Një tjetër aryse, sipas PD, pse Fatmir Xhafaj duhet të largohet nga detyra është se Shqipëria ka njerëz pa lidhje me krimin, të cilet mund t’i shërbejnë më mirë./abcnews.al

edi-paloka11.jpg
G. P.22:49 | 24/05/2018

Nënkryetari i Partisë Demokratike, Edi Paloka, ishte i ftuar në Mbrëmje në ABC News ku foli rreth protestës së opozitës si dhe çështjes së audiopërgjimit.

Paloka u shpreh shkurt rreth protestës së 26 Majit. Ai tha se do te jetë një nga protestat më të mëdha në histori të Shqipërisë.

Më tej, nënkryetari i parlamentit, foli rreth çështjes së audiopërgjimit, ku tha se prokuroria është nën urdhërat e Edi Ramës dhe se ministri Xhafaj duhet të ishte nënshtruar direkt ligjit antimafia./abcnews.al

edi-paloka22.jpg
G. P.20:32 | 24/05/2018

I ftuar në “Mbrëmje në ABC News” nga Mirela Milori, nënkryetari i Partisë Demokratike, Edi Paloka, nuk ka treguar shumë detaje rreth protestës që pritet të mbajë opozita më 26 Maj.

Sipas Palokës, kjo do të jetë një nga protestat më të mëdha që ka parë Shqipëria.

“Nga gjithë sinjalet që ne kemi do të jetë një nga protestat më të mëdha që ka parë Tirana. Kaq mund të them. Të gjithë po na shprehin gatishmëri, prandaj them me bindje që do të jetë më e madhja që ka parë ndonjëherë Shqipëria. Sepse shqiptarëve u ka ardhur në majë të hundës”, theksoi ai.

I pyetur nëse opozita ka marrë masat për të ndaluar çdo lloj incidenti që mund të ndodhë, Paloka shprehet se qytetarët në protestë do shprehin vetveten dhe opozita do jetë vetëm në mbështetje të tyre.

“Qytetarët do dalin në protestë, do shprehin vetveten. Ne siç kemi qenë do të jemi në mbështetje të tyre në çdo formë. Kaq.”

Ndërkohë, nënkryetari i Kuvendit u shpreh gjithashtu edhe ndaj deklaratave të Ramës, i cili të hënën në “Mbrëmje në ABC News” tha se ka dyshime të arsyeshme se disa zyrtarë të PD-së janë të lidhur me drogën në Durrës.

“Me duket se e dha përgjigjen zoti Berisha mbrëmë këtu në studiot tuaja. Janë thjesht tentativa të dala bojë për të mbuluar skandalet”, tha Paloka. /abcnews.al

edi-paloka-1.jpg
G. P.16:08 | 09/05/2018

Për lirimin e kreut të krimeve të rënda reagoi Partia Demokratike përmes nënkryetarit Edi Paloka. Në një postim në Facebook, Paloka shkruan se çështja u zgjidh pasi prokurori i Krimeve të Rënda që 6 muaj më parë kërkoi arrestimin e Tahirit, sot u shkarkua.

“Gjashtë muaj më parë u sulmuan e kërcënuan nga kazani dhe deputetët e Ramës. I sulmuan si “tropojanë” dhe i kërcënuan publikisht me Vettingun. Sot ka ardhur akti i fundit. Gjithçka e paralajmëruar nga PD po vërtetohet pikë për pikë. Rama kapi prokurorinë pikërisht për të shpëtuar Tahirin dhe kokën e tij. Vettingu nuk po përdoret për të pastruar drejtësinë, por si mjet presioni ndaj prokurorëve dhe gjyqtarëve. Ky ështeë fundi”, përfundon qëndrimin nënkryetari demokrat, Edi Paloka./abcnews.al

edi-paloka-1.jpg
G. P.12:06 | 06/05/2018

Dorëzimi i mandatit të Saimir Tahirit është një lojë e tij dhe e kapos së tij në përpjekje për t’i hedhur hi syve të shqiptarëve dhe për të mashtruar ndërkombëtarët.

Kështu e sheh Partia Demokratike veprimin e ish-ministrit të Brendshëm që dha dorëheqjen nga mandati i deputetit. Duke iu referuar ngjarjes që ndodhi 6 muaj më parë, kur Orest Sota u kap me 900 mijë euro në makinën e tij dhe me 2 patentat e skafeve të Tahirit , nënkryetari demokrat, Edi Paloka, thotë se kaq mjaftoi që Saimir Tahiri të mbyllte gojën.

“Ju kujtoj se menjëherë pas kësaj ngjarje, pas kapjes së Orest Sotës, Tahiri mbylli gojën dhe nuk foli më. Nuk bëri më cubin nëpër ekrane siç kishte bërë deri në atë ditë. Dhe kjo sepse fakti i fundit, kapja e Sotës me 900 mijë euro dhe patentat e Tahirit i vuri vulën gjithçkaje për të gjithë ata që duan të shohin dhe të kuptojnë”.

Pas dorëzimit të mandatit, Tahiri duhet të përfundonte në burg, sipas Palokës. Lirinë e tij ai e lidh me kapjen e drejtëssë nga Edi Rama.

“Projekti ishte i Ramës dhe u zbatua nga Tahiri dhe bandat e rilindjes. Për këtë arsye, sot Tahiri vazhdon të jetë i lirë çuditërisht, ndërkohë që duhet të ishte prapa hekurave sepse ka garancinë e plotë të Prokurorit të Përgjithshëm Edvin Rama”.

Si kryetar i Komisionit Hetimor edhe për çështjen Tahiri, Edi Paloka shpreh garancinë se do të vazhdojnë deri në fund megjithë pengesat që po i krijohen komisionit.

“Ju garantoj se çfarëdo që të bëjë Prokuroria e kapur nga Rama, të hapë apo të mbyllë çështje, ky komision do të vazhdojë të bëjë rolin e tij deri në fund, derisa të vërtetojë atë që përmenda më lart se projekti, strategjia e kanabizimit, trafikimit të drogës, dhe blerjes se zgjedhjeve dhe pushtetit me paratë e drogës nuk ishte thjehstë lojë e Tahirit por ishte një projekt që u ideua nga Edi Rama dhe u zbatua nga Rama dhe Tahiri. Ne do të vazhdojmë deri në fund megjithë pengesat që po i krijohen komisionit derisa ky fakt që sot dihet botërisht të vërtetohet edhe me dokumente”. ​

Edi-Paloka-1.jpg
ent ela19:45 | 26/04/2018

“E vërteta është se pa Saimir Tahirin para drejtësisë, Bashkimi Europian do të jetë një derë e mbyllur për Shqipërinë”. Kështu ka deklaruar nënkryetari i Partisë Demokratike Edi Paloka lidhur me deklaratat e kryeministrit Edi Rama, pas kthimit nga Berlini.

Sipas tij pengesa e Shqipërisë në rrugën e integrimit nuk është opozita, por Edi Rama dhe lidhjet e tij me krimin dhe mbrojtja politike për Saimir Tahirin. ​

Deklarata e plotë e Edi Palokës

Nuk prisnim sot që Edi Rama t’u thoshte të vërtetën shqiptarëve për vizitën e tij në Berlin.

E vërteta është se pa Saimir Tahirin para drejtësisë, Bashkimi Europian do të jetë një derë e mbyllur për Shqipërinë.

Me keqardhje, duhet të pohojmë, se nuk ka vend për optimizëm, përsa kohë Edi Rama nuk ka përmbushur detyrat: të luftojë krimin e organizuar dhe korrupsionin, të shkëpusë lidhjet e politikës me krimin, të lejojë drejtësinë të veprojë me Saimir Tahirin. Këto janë parakushtet që Berlini pret të plotësohen që të hapë dritën jeshile për negociatat e Shqipërisë.

Pengesa për Shqipërinë nuk është opozita, nuk janë miqtë e Shqipërisë në Berlin që kërkojnë standard gjerman për Saimir Tahirin dhe luftën kundër krimit të organizuar. Opozita ka dhënë mbështetje të pakushtëzuar dhe ka lobuar në Berlin e kudo që Shqipërisë t’i hapën negociatat si mjeti më efikas për të shtuar presionin dhe monitorimin ndaj një qeverie që nuk zbaton asnjë standard europian.

Shqiptarët meritojnë ta dinë të vërtetën: pengesa e vetme për Shqipërinë Europiane është Edi Rama, lidhjet e tij me krimin dhe mbrojtja politike për Saimir Tahirin. ​ /abcnews.al

edi-palokaaa.jpg
G. P.10:37 | 24/04/2018

I ftuar në ABC News, nënkryetari i Partisë Demokratike, Edi Paloka, foli rreth disa çështjeve kryesore politike kohët e fundit.

Fillimisht, ai u shpreh rreth rekomandimit për hapjen e negociatave.

Sipas Palokës, opozita ka qenë gjithmonë pro-integrimit të Shqipërisë në Europë dhe si pasojë i ka miratuar gjithmonë ato që janë dashur për integrimin në BE, duke mos u bërë asnjëherë pengesë.

Më tej, Paloka shtoi se progres raporti prekte të gjitha problemet, por në disa raste përpiqet të fshehë disa probleme.

Nënkryetari i Partisë Demokratike foli gjithashtu në ABC News edhe për zhvillimet më të reja në selinë blu./abcnews.al

edi-paloka12.jpg
G. P.20:21 | 23/04/2018

Nënkryetari i Partisë Demokratike, Edi Paloka, i ftuar në Mbrëmje në ABC News është shprehur rreth progres raportit që rekomandoi çeljen e negociatave për Shqipërinë. Sipas Palokës, raporti prek problemet e Shqipërisë, por në disa raste duket sikur i fsheh.

“Progres raporti i prek të gjitha problemet që ka Shqipëria por duket në disa raste sikur ajo i fsheh. Ajo që i thashë Mogherinit është që e mira është mos të fshihen të vërtetat, por të zgjidhen”.

Futja në BE nuk na duhet thjesht për të thënë që jemi në BE, na duhet për të jetuar si europianë dhe kjo nuk bëhet duke fshehur, tha më tej Paloka.

Edi Paloka nënvizoi në studio se thirrja e Edi Ramës opozitës për t’u bashkuar për lobim për çeljen e negociatave nuk është serioze. Ai u shpreh se opozita nuk e ka penguar integrimin e Shqipërisë në Europë.

“Çdo akt që ka lidhje me integrimin, ne e kemi miratuar. Sot çdo gjë në dorë e ka Edi Rama dhe ky thotë që më pengon opozita”, theksoi Paloka./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono