Edi Paloka

edi-palokaaa.jpg
gra moz10:37 | 24/04/2018

I ftuar në ABC News, nënkryetari i Partisë Demokratike, Edi Paloka, foli rreth disa çështjeve kryesore politike kohët e fundit.

Fillimisht, ai u shpreh rreth rekomandimit për hapjen e negociatave.

Sipas Palokës, opozita ka qenë gjithmonë pro-integrimit të Shqipërisë në Europë dhe si pasojë i ka miratuar gjithmonë ato që janë dashur për integrimin në BE, duke mos u bërë asnjëherë pengesë.

Më tej, Paloka shtoi se progres raporti prekte të gjitha problemet, por në disa raste përpiqet të fshehë disa probleme.

Nënkryetari i Partisë Demokratike foli gjithashtu në ABC News edhe për zhvillimet më të reja në selinë blu./abcnews.al

edi-paloka12.jpg
gra moz20:21 | 23/04/2018

Nënkryetari i Partisë Demokratike, Edi Paloka, i ftuar në Mbrëmje në ABC News është shprehur rreth progres raportit që rekomandoi çeljen e negociatave për Shqipërinë. Sipas Palokës, raporti prek problemet e Shqipërisë, por në disa raste duket sikur i fsheh.

“Progres raporti i prek të gjitha problemet që ka Shqipëria por duket në disa raste sikur ajo i fsheh. Ajo që i thashë Mogherinit është që e mira është mos të fshihen të vërtetat, por të zgjidhen”.

Futja në BE nuk na duhet thjesht për të thënë që jemi në BE, na duhet për të jetuar si europianë dhe kjo nuk bëhet duke fshehur, tha më tej Paloka.

Edi Paloka nënvizoi në studio se thirrja e Edi Ramës opozitës për t’u bashkuar për lobim për çeljen e negociatave nuk është serioze. Ai u shpreh se opozita nuk e ka penguar integrimin e Shqipërisë në Europë.

“Çdo akt që ka lidhje me integrimin, ne e kemi miratuar. Sot çdo gjë në dorë e ka Edi Rama dhe ky thotë që më pengon opozita”, theksoi Paloka./abcnews.al

paloka.jpg
gra moz14:02 | 18/04/2018

Pas përfundimit të konferencës së përbashët me Kryeministrin Rama, shefja e diplomacisë europiane Federica Mogherini priti në takim përfaqësues të opozitës. Në prononcimin e tij për shtyp, pas këtij takimi, nënkryetari demokrat Edi Paloka kërkoi që në të ardhmen Komisioni Europian të jetë më vëzhguese dhe transparent ndaj zhvillimeve politike në Shqipëri.

“Për ne si opozitë hapja e negociatave është jo vetëm  një prioritet për shqiptarëve sepse realizon një dëshirë të shqiptarëve, por e shohim si një mënyrë që KE të rrisë monitorimin ndaj politikës shqiptare”, theksoi Paloka.

/abcnews.al

Edi-Paloka.jpg
gra moz15:47 | 16/04/2018

Me kryetarin e Partisë Demokratike në një vizitë në Berlin, grupi parlamentar u mblodh në seli nën drejtimin e nënkryetarit Edi Paloka. Në përfundim të mbledhjes, në ndërkohë gjatë së të cilës, ministri i Brendshëm, Fatmir Xhafaj, diskutonte më një forum qytetarësh në Elbasan mbi sigurinë publike, Edi Paloka komentin e dha nga foltorja e selisë.

Edi Paloka: “Është gjë e mirë që 5 vjet më vonë, qeveria vendosi të skedojë grupet dhe do i godasin por është film i parë, kur u premtua se brenda 300 ditëve do shtypej krimi. Por ajo që ndodhi ishte kanabisimi dhe minsitri në krye të trafikurt të drogës”.

Nënkryetari demokrat i Kuvendit i referohet regjistrimit të ish-ministrit të Brendshëm, Saimir Tahiri, në radhën e folësve të enjten e 12 Prillit ndërsa atij aktual i drejton pyetje.

Janë këta emrat të cilët duhet të jenë pas hekurave sipas demokratëve, por edhe këta kriminelë, nëse do të rrëmbeheshin nga shtëpitë e tyre në 3 të mëngjesit si Policia e Shtetit ndaloi kuksianët sot të burgosur si protestues, çdo gjykatë e çdo vendi demokratik do i linte të lirë duke akuzuar policinë se u ka shkelur të drejtat e njeriut.

Edi Paloka: “Sot kemi disa prova që tregojnë qartazi se kuksianët janë rrëmbyer nga shtëpitë e tyre në kundërshtim me ligjin dhe të drejtat e njeriut në mes të natës, në mënyrën më shtazore që mund të bëhet, në mënyrën që asnjë shtet kriminal dhe diktatorial nuk mund ta bëjë. Por nuk u mjaftuan me kaq, pas këtij akti, Prokuroria e cila po ashtu është në duart e Edi Ramës, guxoi dhe falsifikoi orën në të cilën qytetarët e kukësit u rrëmbyen”.

Mesazhin që diskutoi në mbledhjen e grupit parlamentar se Rama nuk duhet të lihet i qetë në asnjë moment, duke mohuar edhe zhvillimin normal të komisioneve dhe seancave parlamentare deri në lirimin e kuksianëve, Edi Paloka e theksoi edhe për mediat.

Edi Paloka: “Nuk do të ketë qetësi për edi ramën derisa qytetari i fundit i Kukësit të mbahet në mënyrë të padrejtë në burg. Dhe qëndrimet tona do jenë të lidhura me drejtësinë e qytetarëve të Kukësit”.

Situata në vend është e vështirë, pasi po tentohet instalimi i diktaturës, mësohet të ketë thënë gjatë mbledhjes me dyer të mbyllura ish-kryeministri Sali Berisha dhe kjo sipas tij, kërkon vetëm përballje./abcnews.al

flamur-noka.jpg
gra moz16:06 | 12/04/2018

Byroja e Kuvendit do të mblidhet në orën 18:00 për shqyrtuar kërkesën e Partisë Socialiste. Ajo kërkon dënimin e deputetëve të opozitës Edi Paloka, Flamur Noka, Ervin Salianji, Klevis Balliu, Endrit Brahimllari dhe Kejdi Mehmetaj.

Pritet që në këtë mbledhje të shqyrtohet edhe sjellja e ministrit të Jashtëm, Ditmir Bushati, i cili reagoi duke lagur me ujë deputetët e opozitës.

Ministri Bushati e bëri publike një kërkesë të tillë përmes një postimi në Facebook, ku bën autokritikë duke kërkuar ndjesë për gjestin dhe njëherazi akuzon opozitën se kërkon të bllokojë integrimin e t’i shpëtojë reformës në drejtësi./abcnews.al

PALOKA-AKUZA-SHISH-1280x720.jpg
ent ela16:33 | 06/04/2018

Shërbimi Informativ Shtetëror sipas Partisë Demokratike po pengon punën e komisionit hetimor për çështjen “Tahiri”.  Nënkryetari i selisë blu Edi Paloka akuzoi kryetarin e komanduar te SHISH Helidon Bendo se ka ndikuar që anëtarët e komisionit hetimor “Tahiri” të mos pajisen me çertifikatë sigurie.

Partia Demokratike akuzoi kreun e komanduar të Shërbimit Informativ Shtetëror, Helidon Bendo se po pengon qëllimisht punën e Komisionit hetimor për çështjen “Tahiri”.

Nënkryetari i selisë blu deklaroi se Bendo ka ndikuar që anëtarët e komisionit të mos paijsen me çertifikatë sigurie.

“Shprehet personi që ka kthyer përgjigje që nuk mund të jepet çertifikata e nivelit tepër sekret në një kohë kaq të shkurtër. Në fakt ne nuk kemi kërkuar këtë çertifikatë, kemi kërkuar një çertifikatë që është dhënë gjithnjë, çertifikata e përkoheshme për rastet kur është kërkuar dhe është për këtë raste që jepet me urgjencë. Rezulton që për herë të parë kreu në detyrë i SHISH ka ndërhyrë direkt vetë për të kthyer këtë përgjigje.”

Sipas Palokës, edhe ndryshimet në kupolën drejtuese të këtij shërbimi kanë këtë qëllim.

Janë ndërruar të gjithë drejtuesit e kupolës së mëparshme dhe që jo rastësisht janë ata drejtues të SHISH që kanë hartuar të gjithë raportet që lidheshin me trafikun e drogës në Shqipëri dhe kryesisht me emrat e drejtuesve të policisë të implikuar në këtë trafik droge, duket se arrijmë në konkluzionin se Rama ia arriti ta marrë SHISH në duart e tij.”

Komisioni hetimor për çështjen “Tahiri” do të kontrollojë veprimet dhe mosveprimet e organeve shtetërore në parandalimin dhe goditjen e fenomenit të kultivimit dhe trafikut të lëndëve narkotike, përfshirë çështjen për të cilën prokuroria po heton ish-Ministrin e Brendshëm./abcnews.al

 

paloka-1280x720.jpg
ent ela10:40 | 20/03/2018

Nisja e punës së komisionit hetimor të çështjes Tahiri ishte në fokus të bisedës së kreut të këtij komisioni Edi Paloka në studion e “Mbrëmje në ABC News”.

Paloka nuk dha shumë detaje për planin e hetimit, por tha se do të hetohen të gjithë ata që penguan vënien para drejtësisë të Sajmir Tahirit.

Deputeti demokrat foli edhe për zërat kundër në Partinë Demokratike dhe autorizimin që Presidenti Meta i dha ministrit Bushati për plotfuqishmërinë në bisedime me Greqinë. /abcnews.al

 

komisioni-tahiri-1280x649.jpg
gra moz11:56 | 19/03/2018

Sot u zhvillua mbledhja e parë e Komisionit Hetimor “Tahiri”, i kërkuar nga opozita dhe i miratuar nga Parlamenti 2 javë më parë. Komisioni përbëhet nga 12 anëtarë, 6 deputetë të opozitës dhe 6 deputetë të PS. Ndërkaq, sekretare e komisionit hetimor u caktua deputetja Klotilda Ferhati.

Kreu i komisionit, Edi Paloka, kërkoi diskutimin e një rregulloreje të re për funskionimin e tij, pasi rregullorja e përgjithshme për komisionet hetimore, sipas Palokës, është shabllone.

Paloka kërkoi gjithashtu që anëtarët e komisionit të pajisen me certifikatën e sigurisë, pasi gjatë hetimeve nga ana e komisionit do të ketë dhe dosje sekrete.

Deputetet e opozitës dhe të mazhorancës debatuan edhe mbi ditën e mbajtjes së mbledhjes së radhës së komisionit, ku do të vendoset rregullorja e tij. Në fund me dakordësinë e gjithë anetareve, u vendos që komisioni hetimor të mblidhet sërish pas një jave, të hënën në 26 Mars.

Ky Komision Hetimor do kontrollojë ligjshmërinë e veprimeve administrative të Kuvendit e qeverisë, në kultivimin dhe trafikun e lëndëve narkotike, përfshirë çështjen, për të cilën akuzohet ish-ministri i Brendshëm, Saimir Tahiri, me fokus ndërhyrjen e këtyre pushteteve në hetime dhe efektet që kanë ardhur prej saj./abcnews.al

lulzim-basha-1280x625.jpg
gra moz16:39 | 05/03/2018

Deputetët e Partisë Demorkatike kanë komentuar lëvizjen për ringritjen e PD, të riaktivizuar përmes një turi takimesh me qytetarët në juglindje të vendit, të lajmëruar në rrjetin social Facebook nga ish-deputeti demokrat, Astrit Patozi. Nga të panevojshme, tek shumë të domosdoshme i konsiderojnë deputetët lëvizjet politike.

Edi Paloka: “Ka gjëra më të rëndësishme sot për të zgjidhur”.

Fatmir Mediu: “Padyshim që Basha në pozicionin e tij si drejtues i PD-së duhet të gjejë patjetër rrugët që të gjithë të bëhen pjesë e lëvizjes së djathtë. Çdo ndarje e së djathtës në segmente mendoj që do të kishte probleme që nuk i përkasin qëllimit që ajo ka”.

Flamur Noka: “Ka pa PD-ja lëvizje shumë. Lëvizin por prapë kthehen në PD, kështu që mos u merrni me lëvizje”.

Grida Duma: “Unë nuk kam asnjë dijeni për këtë”.

Dashamir Shehi: “Deri tani unë gjykoj që jemi në propozime politike edhe unë çdo ngjarje që lëviz brenda së djathtës i shikoj si pozitive”.

Tritan Shehu: “Gjithkush duhet të mendojë për t’u bashkuar, për të qenë së bashku dhe jo për t’u ndarë. Ndarjet edhe në eksperiencat e viteve të kaluara treguan që nuk patën sukses”.

Lulzim Basha: “Do kemi kohë, do kemi kohë”./abcnews.sal


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono