Edi Paloka

Edi-Paloka-1280x853.jpeg
G. P.13:54 | 15/01/2019

Nuk ka vonuar qëndrimi i selisë blu për Klement Balilin. Përmes nënkryetarit Edi Paloka, Partia Demokratike thotë se  bëhet fjalë për vetëdorëzim, e jo arrestim të Klement Balilit, si një skemë e kontrolluar dhe e menaxhuar në pakt me kryeministrin Edi Rama.

 

“Shoqërimi i Klement Balilit në qeli nuk është një hap i madh kundër krimit, por dorëzim i kontrolluar dhe i menaxhuar iEskobarit të Ballkanit në pakt me Edi Ramën. Me vetëdorëzimin e Klement Balilit, pas kapjes së plotë të drejtësisë, Edi Rama po zbaton të njëjtën skemë të sofistikuar si me Saimir Tahirin: dorëzim i kontrolluar, hetim sipërfaqësor, çlirim nga akuzat e rënda për trafik droge. 

Gjatë gjithë kësaj kohe, KlementBalili, ka patur mbështetjen e qeverisë së Edi Ramës. Ka jetuar në Sarandë dhe zonat përreth saj nën mbrojtjen e Edi Ramës. Megjithëse në kërkim ndërkombëtar, kompania e tij ka marrë,deri pak muaj më parë, 77 tendera nga qeveria e Edi Ramës, shumicëne tyre pa garë. Pasuria e tij, përfshirë edhe resortin luksoz në Sarandë, është ruajtur e paprekur nga qeveria e Edi Ramës. Të gjithë në Sarandë e dinë se konfiskimi i resortit luksoz është vetëm fasadë dhe se Klement Balili e menaxhon në të vërtetë resortin, me të cilin mban peng Edi Ramën”, tha Plaloka.

Balili u vetëdorëzua rreth orës 08:45 të mëngjesit të së hënës në zonën mes Delvinës dhe Finiqit. Burime bëjnë të ditura se ai u mor në pyetje në Komisariatin nr. 6 në Tiranë dhe më pas u dërgua në Drejtorinë e Policisë së Tiranës./abcnews.al

SINKRON-PALOKA-PER-LLESHIN.mpg_snapshot_00.14-1280x720.jpg
G. P.12:48 | 06/11/2018

Për opozitën, Sandër Lleshi do të jetë një tjetër ministër i Brendshëm shërbëtori i Ramës. Sipas nenkryetarit të Partisë Demokratike Edi Paloka, zëvendës ministri i Brendshëm duhet ta nisë punën me arrestimin e Vangjush Dakos, të cilin nr dy i PD-së e cilësoi si simboli i mazhorancës së blerjes së votave së bashku me krimin.

Me seancën plenare të së martës Parlamenti i hapi rrugën drejtimit të Ministrisë së Brendshme nga një tjetër ushtar i kryeministrit Edi Rama. Kështu e gjykon gjysma tjetër që e ka braktisur sallën e vendim marrjeve. Nënkryetari i partisë demokratike tregon edhe të ardhmen  e Sandër Lleshit në detyrën e re.

“Fundi i të cilit do të jetë i njëjtë- shërbëtor i një kryeministri peng të krimit të organizuar. Sandër Lleshi nuk ka për ta luftuar dot krimin, sepse pushteti politik i shefit të tij varet nga blerja e votës nëpërmjet bandave dhe krimit të organizuar”.

Duke iu rikthyer denoncimit për ish kryebashkiakun e Durrësit, Edi Paloka I vë shenjën e barazimit zëvendës ministrit të ri me ministrin e dorëhequr.

“Sandër Lleshi nuk do ta luftojë krimin që ble vota për të, sepse Edi Rama e ka emëruar atje për të mbrojtur nga arrestimi i menjëhershëm Vangjush Dakon, simbolin e blerjes së pushtetit politik të Edi Ramës nëpërmjet krimit të organizuar”.

Demokratët thonë se ka një mundësi që t’i besojnë gjeneralit Lleshi.

“Sandër Lleshi e ka shumë të thjeshtë të provojë që sot se nuk është një kukull: ai nuk duhet të pengojë arrestimin e Vangjush Dakos”.

Nëse nuk e bën këtë, edhe gjeneral Sandër Lleshi do të konsiderohet nga Partia Demokratike si bashkëpunëtor të krimit elektoral që qeverinë Rama në pushtet../abcnews.al

IMG_8971-1280x853.jpg
G. P.15:33 | 29/10/2018

Për demokratët, është e gjitha pjesë e një skenari me qëllim final mbylljen e çështjes ndaj ish-ministrit Saimir Tahiri. “Provën e re” depozituar në Prokurorinë e Krimeve të Rënda, selia blu e sheh të paralajmëruar nga shefi i ekzekutivit Edi Rama.

“E ashtuquajtura provë e re që paraqiti sot si lajm Saimir Tahiri është fakti se në Itali ai nuk është nën hetim. Kjo është alibia që Edi Rama i dha Saimir Tahirit dhe pas së cilës fshihet presioni që po i bëhët prokurorisë për të mbyllur çështjen. Është fakt se Saimir Tahiri po hetohet nga Prokuroria shqiptare për krime të kryera në territorin shqiptar. Është fakt së shteti Italian nuk mund të hetojë një shtetas shqiptar që kryen krim në territorin shqiptar”.

Për demokratët fakt është gjithashtu se habilajt në 4 vjet që Tahiri drejtoi ministrinë e Rendit organizuan trafik ndërkombëtar droge me makinën e titullarit të ministrisë së Brendshme dhe se pavarësisht denoncimeve të vazhdueshme të Partisë Demokratike Tahiri dhe Rama mohuan të vërtetën dhe sulmuan denoncuesit duke marrë në mbrojtje trafikantët e drogës./abcnews.al

edi-paloka.jpg
G. P.16:30 | 26/10/2018

Nënkryetari i Partisë Demokratike, Edi Paloka, përmes një postimi në rrjetin social Facebook ka akuzuar kryebashkiakun e Durrësit, Vangjush Dako, se jo vetëm punon për kriminelët, por është i nënshtruar prej tyre.

E di gjithë Durrësi – shkruan Paloka – se e kanë rrahur e poshtërurar si kanë mundur, i kanë kërcënuar familjarët kur jua ka vonuar plotësimin e premtimeve që ka bërë për zgjedhje dhe edhe pse i mohoi të gjitha, për numrin dy të demokratëve, Dako nuk do të mund ta fshehë të vërtetën për shumë gjatë.

Gjithçka është aty, shkruan ai, pronat publike, tenderat, lejet dhe të gjitha favoret që u ka bërë bandave kriminale, duke ftuar Vangjush Dakon të vijojë të bëjë të fortin për aq sa dhe shqiptarët të durojnë./abcnews.al

edi-paloka.jpg
G. P.14:07 | 08/10/2018

Pas akuzave ndaj opozitës për tritolin e hedhur ndah banesës së gjyshit të Xhisielës, ka reaguar nënkryetari i Partisë Demokratike, Edi Paloka.

Me ironi, deputeti demokrat shkruan se akuzat e mazhorancës tejkalojnë fantazinë dhe janë të paimagjinueshme.

Duke bërë një paralelizëm me bombën në ambasadën jugosllave në vitin 1951, Paloka shkruan se “Rama i kalon vërtetë me distancë, paraardhesit e tij në të keqe”.

/abcnews.al

balla-2-1280x833.jpg
G. P.16:35 | 04/10/2018

Kreu i grupit parlamentar të PS-së, Taulant Balla, ka kallëzuar në prokurori deputetët e PD-së, Edi Paloka dhe Enkelejd Alibeaj. Shkak janë bërë deklaratat e këtyre të fundit të datës 3 Tetor sa i takon çështjes së Xhisiela Malokut. Ky nuk është kallëzimi i vetëm i kreut të deputetëve të PS.

Vetëm javën e kaluar Balla depozitoi një tjetër kallëzim ndaj Lulzim Bashës, Basir Çollakut dhe Emiliano Nuhut. Kallëzimi penal është për veprat penale të “Fyerjes” dhe “Shpërdorimit të detyrës”./abcnews.al

edi-paloka.jpg
G. P.14:38 | 27/09/2018

Partia Demokratike ka denoncuar heshtjen e kryeministrit pas akuzave të një dite më parë në nënkomisarit të policisë Emiljano Nuhu, ndaj eksponentëve të lartë socialistë. Nënkryetari i PD, Edi Paloka tha se ai dënoncim, por edhe kërcënimi i gazetarëve që publikuan rastin, dëshmojnë gjunjëzimin e shtetit para krimit.

“Është kriminale sesi drejtuesit  e Policisë së Shtetit, nën urdhrat politikë të Fatmir Xhafës dhe Taulant Ballës, nuk kanë vepruar për të mbrojtur as vajzën nën kërcënimin e banditëve me pushtet, as për të mbrojtur nënkomisar Emiljano Nuhu.  Edi Rama nga dje, po zbaton të njëjtin skenar mafioz për të mbyllur skandalet që ekspozojnë lidhjet e tij dhe bashkëpunëtorëve të tij më të ngushtë me krimin. Sa herë ata kapen në flagrancë në bashkëpunim me krimin, Edi Rama vërsul taulantët e tij të lidhur me krimin e organizuar : 
· për të sulmuar denoncuesin e krimit
· për të prishur provat
· për të intimiduar dëshmitarët
· për të kërcënuar gazetarët,  
siç ka ndodhur me kërcënimin mafioz të gazetarëve të televizionit Shijak TV. “Do t’ju vrasim, do t’ju fshijmë”, është mesazhi i banditëve të pushtetit për gazetarët e pablerë nga qeveria e Edi Ramës. Sot shteti dhe ligji janë në gjunjë përballë kriminelëvë të lidhur me Edi Ramën. Kur shtetin e ka kapur krimi, qytetarëve ju mbetet vetëm dhuna për të mbrojtur jetën dhe fëmijët e tyre. Largimi i kësaj qeverie është rruga e vetme për Çdo shqiptar që do siguri për vete dhe familjen e vet”, tha Paloka./abcnews.al

taulant-balla.jpg
G. P.19:31 | 21/08/2018

Nënkryetari i Partisë Demokratike, Edi Paloka, përmes një deklarate për shtyp tha se tre ditë pas arrestimit,  numri 2 i Partisë Socialiste, Taulant Balla, pranoi miqësinë familjare me Edmond Begon, por nuk shpjegoi çfarë e lidh me anëtarin e bandës së Lushnjës, trafikantin ndërkombëtar të drogës të dënuar me 21 vjet burgim dhe që mban 5 emra. Sipas Palokës në çdo vend normal do të pasonte me dorëheqjen nga çdo funksion politik.

“Taulant Balla u detyrua të pranojë atë që e dinë të gjithë: se ai ka miqësi familjare me ish anëtarin e bandës më të pamëshirshme në Shqipëri, që është i dënuar në Itali me 21 vjet burg si trafikant i rrezikshëm droge dhe është shndërruar nga Rilindja në një biznesmen të fuqishëm ndërtimi. Taulant Balla gënjeu publikisht, kur tha se miqësia me Edmond Begon nuk i ka dhënë trafikantit të drogës mburojë politike, por nuk i dha përgjigje pyetjes: Pse aksioni qeveritar “Forca e Ligjit”, i cili verifikon ligjshmërinë e pasurisë së trafikantëve të drogës, nuk ka vepruar ndaj mikut të tij Mondi Bego. Në çdo vend normal, një rrëfim i tillë për miqësi familjare me botën e krimit do të pasonte me dorëheqjen nga çdo funksion politik. Në Shqipëri, ky standard funksionon me shkarkim nga detyra për gjyqtarët, prokurorët dhe policët. Por nuk funksionon për Edi Ramën, Fatmir Xhafën dhe Taulant Ballën”, tha Paloka.

Sipas Palokës, prokuroria duhet të sqarojë, nëse e ka shkelur apo jo ligjin duke informuar zyrtarisht Taulant Ballën për gjendjen hetimore të Jurgis Çyrbjes, anëtarit deputet të bandës së Emiljano Shullazit.

“Përsa i përket shpjegimit për Jurgis Çyrbjen, anëtarin e bandës tjetër, asaj të Emiljano Shullazit, i mjeri Taulant Balla gënjeu trashë. Prokuroria nuk mund të japë zyrtarisht, siç tha Balla, asnjë informacion për persona nën hetim. Heshtja e prokurorisë, siç ka vepruar gjithë këto ditë, veçse konfirmon faktin se ajo nuk i shërben të vërtetës, por pushtetit të Edi Ramës dhe krimit të organizuar të lidhur me të”, deklaroi ai.

Sipas Palokës, numri dy i Partisë Socialiste nuk duhet të sfidojë Partinë Demokratike, por duhet të sfidojë prokurorinë dhe policinë, duke iu kërkuar zbatimin e “Forcës së Ligjit” për të hetuar se kush e ka ndihmuar një trafikant të rrezikshëm droge, ish-anëtarin e bandës së Aldo Bares, të pajiset me leje, licensa dhe të fitojë miliona euro punë publike./abcnews.al

SINKRON-PALOKA.mpg_snapshot_01.04-1280x720.jpg
G. P.14:05 | 19/08/2018

Vijojnë denoncimet nga selia blu ndaj mazhorancës. Këtë të dielë ishte nënkryetari i PD-së, Edi Paloka. Ai tha se anëtari i bandës së Aldo Bares, që u arrestua një ditë më parë në Greqi, shëtiste lirshëm në Shqipëri, edhe pse ishte në kërkim nga Italia për trafik ndërkombëtar droge. Paloka i kërkoi prokurorisë të nisë hetimet për arsyet se pse Edmond Bego u arrestua në Greqi, ku kishte shkuar për pushime, por nuk prekej në Shqipëri.

“Nëse Edmond Bego nuk do ishte nisur me pushime në Greqi, sot shqiptarët nuk do të dinin se një kriminel i rrezikshëm, ka vazhduar të pasurohet lirisht duke u lidhur direkt me disa nga njerëzit më të pushtetshëm në vend, edhe pse ishte i dënuar për trafik ndërkombëtar droge në Itali”.

Deklarata vjen nga selia blu, pasi policia greke arrestoi në pikën kufitare të Igumenicës, Edmond Begon.

“Anëtarin e bandës së Aldo Bares, i dënuar në Itali me 21 vjet burg për trafik ndërkombëtar droge, biznesmenin e lidhur ngushtë me pushtetin e Edi Ramës”.

Për numrin dy të demokratëve Edi Paloka, shqiptarët kanë të drejtë të pyesin organet kompetente por edhe shefin e ekzekutivit..

“Si është e mundur që një trafikant i dënuar droge, jo vetëm nuk arrestohet, por bën i qetë biznes në Shqipëri? A është Taulant Balla politikani që e ka marrë në mbrojtje trafikantin e drogës dhe bën biznes me të?”

Për këto edhe më shumë Partia Demokratike do t’i japë shqiptarëve në ditët në vijim informacionet që disponon mbi arsyet përse sipas tyre ligji nuk ka vepruar për Edmond Begon. Për ta, heshtja e organit të akuzës do të ishte një tjetër e dhënë që edhe ky organ tashmë është në mbështetje të krimit të organizuar dhe jo në luftë me të. /abcnews.al

edi-paloka.png
G. P.12:48 | 26/06/2018

“Taulant Balla, një derrkuc i dhjamur nga paratë e drogës që pastron bashkë me bandën e Elbasanit, sot nuk u zgërdhi”.

Është ky reagimi i kryetarit të grupit parlamentar demokrat Edi Paloka pas deklaratës së numrit dy të Partisë Socialiste. Për Palokën, Taulant Balla nuk tha asgjë. Madje e pyet se pse akuzën për Lulzim Bashën nuk e bën që sot në prokurori, por ka vendosur të presë fundin e javës?

“Për ta kuptuar hallin e madh që ka zënë derrkucin e Toyotës,- shkruan Edi Paloka në statusin e tij në Facebook,- kujtoni se çfarë thoshte për avionët e drogës para tre vjetësh, për Saimir Tahirin, Elvis Rroshin dhe Agron Xhafajn”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono