e ardhmja

1000x563_cmsv2_3566d356-4760-51dd-9aa7-dc2637c2d62f-4159666.jpg
ent ela11:30 | 16/09/2019

E ardhmja e Sirisë do të jetë tema kryesore e samitit mes Rusisë, Iranit dhe Turqisë. Krijimi i një komiteti kushtetues, menaxhimi i refugjatëve dhe krijimi i një zone sigurie në Siri do të jenë ne fokus te diskutimeve.

Liderët e Turqisë, Rusisë dhe Iranit do të takohen në Ankara për të vendosur se cfarë do të ndodhë me të ardhmen e Sirisë. Samiti organizohet pas bombardimeve të reja ajrore të forcave qeveritare siriane në zonën e Idlib, bastioni i fundit i rebelëve në vend.

Rohani, Erdogan e Putin do të ulen sërish në tryezën e bisedimeve pas shtatë muajsh që nga takimi në Sochi. Krijimi I një komiteti kushtetues, menaxhimi I refugjatëve dhe krijimi i një zone sigurie në Siri do të jenë temat kryesore të samitit.

Këtë të dielë presidenti sirian Bashar al Assad u informua për axhendën e mbledhjes nga i dërguari special për Sirinë i Kremlinit.

Presidenti sirian konfirmoi se do të ketë amnisti të re për të gjithë ata që janë larguar nga rradhët e ushtrisë. Ndërkohë janë me qindra mijëra sirianët që jaanë larguar nga vendi për të shmangur regjistrimin në ushtri. Por ky vendim nuk do të aplikohet për sirianët që janë bërë pjesë e grupeve të rebelëve. /ABC News Albania 24/7

Lionel-Messi-664349.jpg
G. P.13:11 | 12/09/2019

Lionel Messi hodhi dyshime të mëdha për të ardhmen e tij, dhe shprehu dyshime për dëshirën e klubit për të marrë Nejmarin. Argjentinasi deklaroi se dëshiron të fitojë trofe.

Kontrata e tij krijoi habi dhe polemika. Lionel Messi mund të largohet sipas dëshirës nga Barcelona, për shkak të klauzolës së veçantë në akord, dhe ylli argjentinas dha një sinjal të qartë se kjo mund të ndodhë. Kapiteni u shpreh hapur në një intervistë për gazetën katalanase “Sport”.

“Barcelona është shtëpia ime, – pohoi ai, – këtu kam luajtur gjatë gjithë karrierës sime, dhe nuk kam dashur kurrë, e nuk dua që të largohem. Gjithsesi, unë dua që të fitoj trofe në karrierë”.

Tridhjetedyvjeçari ka kaluar gjithë jetën e tij sportive në “Camp Nou”, që nga viti 2005 e deri më sot, pasi kaloi në ekipet zinxhir të klubit. Pasi arriti triumfe të mëdhenj individualë dhe kolektivë me Barçën, ai po mbetet gjithnjë e më i pakënaqur kohët e fundit.

Shqetësimi më i madh i argjentinasit është se nuk po e fiton Championsin që nga viti 2015, kur luante në sulm me Nejmarin e Suarezin, në treshen e famshme MSN. Për këtë arsye, ai kërkoi nga klubi që të kthente në skuadër Nejmarin, diçka që nuk u arrit të bëhej.

“Nuk e di, sinqerisht, nuk e di nëse klubi bëri gjithçka që ai të vinte, – pohoi Mesi, – Nuk kam informacion sesi shkuan bisedimet. Unë fola me Nejmarin dhe ai më tha se donte me patjetër që të kthehej tek ne. Doja që ai të vinte, ndonëse ka njerëz nuk e donin. E kuptoj edhe se nuk është e lehtë të bisedohet me Paris SG”.

Ekziston mundësia që Neymar të merret në janar ose verën e ardhshme, por problemi kryesor tani është e ardhmja e Messit. Kontrata e tij përfundon në 2021, dhe nuk dihet nëse ai do të rinovojë dhe se çfarë do të bëjë në 2020./ABC News Albania 24/7

NEJMAR-KTHEHET-ME-GOL-1280x720.jpg
ent ela18:45 | 01/08/2019

E ardhmja e Nejmarit do të vendoset deri në 10 gusht. Ky është afati i vendosur nga Paris Sen Zhermen për Barcelonën, që është e interesuar për blerjen e yllit brazilian.

Është pjesë e skuadrës, por duket jo edhe për shumë. Të gjitha palët e kanë kuptuar se nuk mund të ketë të ardhme, në projektin e përbashkët Paris SG-Nejmar.

Braziliani mësohet se ka deklaruar troç që nuk ka ndërmend të luajë asnjë ndeshje tjetër për parizienët, dhe për momentin, vazhdon stërvitjen në mënyrë individuale.

Që prej kthimit nga Brazili, diçka që e bëri me vonesë, 27-vjeçari nuk ka qenë pjesë e skuadrës, që vazhdon stërvitjet dhe ndeshjet përgatitore të verës.

Mesa duket, ndarja është e pashmangshme.

PSG-ja, ndërkaq, ka marrë vendimin si klub dhe ka vendosur një afat, deri në 10 gusht e ardhmja e Nejmarit duhet të jetë zgjidhur, ndryshe ekziston mundësia që ai të mbetet në klub, por i përjashtuar nga skuadra.

Kjo është një thirrje në radhë të parë për Barcelonën, por ndoshta edhe për Realin e Madridit, si klube të interesuar për sulmuesin.

Katalanasit kanë ofruar 100 milionë euro, si dhe kartonët e Filip Kutinjos dhe Usman Dembelesë.

Kjo nuk u pëlqen shumë drejtuesve parizienë, të cilët duan që gjithë transferimi të kryhet kundrejt pagesës financiare, dhe jo me lojtarë si plotësim.

Vetë klubi francez mësohet se e ka ulur pretendimin për kartonin e Nejmarit, nga 300 në 200 milionë euro, gjest tepër I rëndësishëm që tregon se braziliani është në rrugën e largimit. /ABC News Albania 24/7

fifa-legt-zaakwaarnemer-raiola-wereldwijde-schorsing-van-drie-maanden-op-1280x720.jpg
nev ila23:55 | 08/07/2019

Qartësohet e ardhmja e mbrojtësit holandez Matias De Ligt. Menaxheri i futbollistit, Mino Rajola zbulon se De Ligt shumë shpejt do të vishet bardh e zi.

Matias De Ligt është i destinuar për t’u veshur kuq e zi sipas fjalëve të fundit që ka deklaruar agjenti i futbollistit Mino Rajola.  Sipas tij, skuadra italiane ka akord me 19 vjeçarin për të kaluar në Torino këtë merkato verore por janë të pakuptueshme refuzimet e skuadrës së Ajaksit që gjithsesi shumë shpejt do të pranojë ofertën e bardh e zinjve,

“Bardhezinjtë kanë rënë dakord me Matthijs e tani presim vetëm përgjigjen e Ajaxit. Në rastin tonë, është jashtë çdo diskutimi që çështja të zgjidhet me gjyq. Lojtari pret që Juventusi dhe Ajaxi të tregojnë vullnet për të gjetur gjuhën e përbashkët sa më shpejt të jetë e mundur”, zbulon Mino Rajola.

Javën e kaluar skuadra e Juventusit ofroi 55 mln euro plus 10 mln euro bonuse për qendërmbrojtësin holandez, një ofertë që u refuzua nga skuadra kampione e holandez të cilët kërkojnë plot 75 mln euro. Gjithsesi kjo nuk pritet të jetë një problem serioz pasi Juventus ka akordin me lojtarin i cili do të përfitojë në Torino plot 12 mln euro në sezon duke e shndërruar në futbollistin e dytë më të paguar në skuadër.

Mediat në Spanjë raportojnë se Barcelona ka pranuar të paguajë klauzolën e lojtarit dhe përmbush kërkesat e Ajaksit por dëshira e De Ligt është të nis një aventurë të re me zonjën e vjetër.

Javën e kaluar futbollisti ka pasur një komunikim me trajnerin e Juventusit, Mauricio Sari ku është njohur me filozofinë e lojës së bardh e zinjve në sezonin e ardhshëm si dhe metodat e stërvitjes./ABC News Albania 24/7

C5EEA3BD-B7EB-4286-BE0B-838740EC3A04_cx0_cy2_cw0_w1023_r1_s.jpg
ent ela22:15 | 06/07/2019

Ivanka Trump, vajza dhe këshilltarja e Presidentit, është bërë objekt kritikash, pas përfshirjes së saj të spikatur në vizitën që Presidenti Donald Trump zhvilloi javën e kaluar në Azi. Shumë ngrenë pikëpyetje rreth kompetencës së saj për të qenë në ngjarje të tilla të nivelit të lartë, duke e akuzuar administratën se po dëmton interesat e vendit nëpërmjet nepotizmit. Siç njofton korrespondentja e Zërit të Amerikës, Patsy Widakuswara, po diskutohet gjithashtu nëse Presidenti po e përgatit atë për një rol edhe më të madh në të ardhmen.

Fillimisht u shfaq në shoqërinë e udhëheqësve botërorë dhe në vazhdim vizitoi zonën e çmilitarizuar mes Koresë së Jugut dhe asaj të Veriut….madje edhe duke lënë në hije kryediplomatin e vendit, gjatë vizitës së Presidentit në Azi.

Ivanka Trump duket se po shfaqet kudo së fundmi.

“Ka qenë një mëngjes produktiv”, shprehet ajo në një mesazh filmik.

Presidentin Trump e akuzuan se po e drejton vendin si një biznes familjar, kur emëroi vajzën e tij Ivankën, si dhe bashkëshortin e saj Jared Kushner, si këshilltarë të tij në vitin 2017, duke sfiduar kështu edhe ligjin kundër nepotizmit.

Ligji i viti 1967 u miratua kryesisht për shkak të emërimit nga Presidenti John F. Kennedy të vëllait të tij Robert, në postin e Prokurorit të Përgjithshëm.

Në vitin 2017, një jurist i Departamentit të Drejtësisë publikoi një opinion ku thuhej se Presidenti ka autoritetet të veçantë punësimi në Shtëpinë e Bardhë dhe se përjashtohet nga ligji kundër nepotizmit.

“Ivanka dhe Jared punojnë shumë dhe sakrifikojnë shumë për këtë gjë”, tha Presidenti Trump.

Ivanka Trump nuk merr rrogë për punën që bën, por kritikët sërish thonë se ky është një problem.

“Ajo qartazi po ndëshkohet për nepotizmin, por nuk e shqetëson kjo gjë. A po përfaqëson ajo interesat më të mira të Shteteve të Bashkuara, apo interesat më të mira të biznesit familjar, korporatës Trump, apo veten e saj?”, thotë Shannon Bow O’Brien, e Universitetit të Teksasit në Austin.

Ivanka Trump ka promovuar projekte si Iniciativa Globale për Zhvillimin dhe Përparimin e Grave.

“Kur fuqizohen gratë, krijohen mundësi të reja për familjet e tyre, për komunitetet dhe për të gjithë begatinë e vendit”, u shpreh në Afrikë zonja Trump.

Disa e mirëpresin ndikimin e saj tek Presidenti për këto lloj çështjesh.

“Kam përshtypjen që ideja duhet shitur. Nëse do të jetë projekti i Ivankës, ajo ka një influencë domethënëse. Pra, kam shpresën se ajo do të jetë në gjendje të ndikojë për diçka më të qëndrueshme”, thotë Judd Devermont, i Qendrës për Studime Strategjike dhe Ndërkombëtare.

Zgjerimi i kompetencave të saj për çështje të politikës së brendshme, përfshirë përpjekjet për të krijuar vende pune dhe për të luftuar trafikimin e qenieve njerëzore, po krijon spekullime për atë çfarë do të vijojë.

“Njerëzit po vrasin mendjen nëse ndoshta kjo është një shenjë se Ivanka mund të jetë një udhëheqëse politike në të ardhmen dhe se Presidenti Trump po e përgatit për këtë gjë. Është e dukshme kjo prirje”, thotë Zack Cooper, i Institutit Amerikan të Sipërmarrjeve.

Presidenti Trump e akuzoi ish-rivalen Hillary Clinton se ndërtoi një dinasti politike. Ekspertët thonë se amerikanët mund të pranojnë një familje në qeveri, por nëse ata janë të kualifikuar.

“Nuk mendoj se Amerika është shumë tolerante me dinastitë që vazhdojnë të ekzistojnë vetëm për shkak të mbiemrit të tyre”, thotë zonja O’Brien.

Pyetjes së Zërit të Amerikës drejtuar Presidentit Trump nëse po e përgatit vajzën e tij për poste publike, ai iu përgjigj negativisht. /VOA

edi-ramaaa-1.jpg
Sej rie10:45 | 31/05/2019

Në një intervistë për francezen “Liberation”, Kryeministri i Shqipërisë Edi Rama është shprehur besimplotë se e ardhmja ka rezervuar diçka të mirë për shqiptarët. Dhe pse i pyetur për krimin, korrupsionin dhe skandalet e qeverisë, ai nuk ka qenë i qartë.

“Unë besoj se e ardhmja ka rezervuar diçka të mirë për ne”. Kështu titullohet intervista që Kryeministri shqiptar i ka dhënë të përditshmes franceze të qendrës së majtë “Liberation”. Dy gazetarët Arnod Volerin, i dërguar special në Tiranë dhe Louiz Seiler, korrespondent këtu, kanë bërë me Kryeministrin një intervistë të gjatë në zyrën e tij, lidhur me mundësinë e integrimit të Shqipërisë dhe Ballkanit në Evropë dhe pritshmërinë që vendi ka për 18 Qershorin, mbledhjen e liderëve të BE që do të vendosë për hapjen e negociatave.

I pyetur nëse pa një parlament funksional dhe zgjedhje lokale, a ka demokraci në vend, Rama është përgjigjur se kjo është hapësira e zgjedhjes së lirë. Sipas tij nuk është demokraci nëse opozita vihet me shpatulla pas muri, nëse ka pengesa kushtetuese ose ligjore. Tani, nëse opozita vendos të kryejë vetëvrasje politike, kjo nuk është shprehja e një demokracie të shëndetshme, por është pjesë e një procesi, shton Rama.

Më tej gazetarët i kanë kujtuar kreut të ekzekutivit se opozita flet për zgjedhje të manipuluara, për korrupsion për të shpjeguar zgjedhjet e saj.

Kryeministri Rama ka kërkuar Prova duke thënë se: “Nëse jeni në opozitë, keni të drejtë të mendoni dhe të thoni se fundi i botës po vjen për shkak të qeverisë. Por ju nuk keni të drejtë për të djegur qytetin. Nëse ju jeni zgjedhur nga populli për të përfaqësuar njerëzit, por në minorancë, ju nuk keni të drejtë të vishni një jelek të verdhë dhe të thoni “Unë do ta thyej qytetin sepse ne duhet ta bëjmë atë, atë dhe atë ” Jo! Ka korrupsion? Kjo është pikëpamja e tyre”.

Por gazetarët kanë këmbëngulur se janë disa raportet që gjithashtu nënvizojnë ekzistencën e këtij korrupsioni …

OJQ-të, si Transparency International, Fondi Monetar Ndërkombëtar (FMN), të cilët theksuan mungesën e transparencës në partneritetet publike-private.

“Mirë dhe pastaj?” – reagon Rama.

Ekziston edhe rasti i dy ish ministrave të brendshëm të cilët kishin për të dhënë dorëheqjen pas akuzave për korrupsion dhe lidhje me krimin e organizuar …

Rama përgjigjet se nëse flitet për raportet, gjithmonë duhet të shtrihen në perspektivë. “Të shihet ku ishim dhe ku jemi. Qeverisja nuk është një shëtitje në Champs-Elysees. Është ngritje lart, zbritje poshtë, lart, poshtë … Ekziston një burim që ka besueshmëri të padiskutueshme: Komisioni Evropian. Raportet e tyre janë të qarta. Ne jemi në një shesh ndërtimi, si ajo e reformës së drejtësisë, e cila është vërtet masive.”/ABC News Albania 24/7

40986030_1725549204224372_8181492131387408384_n.jpg
ent ela23:45 | 06/09/2018

Përkufizimi i bukurisë ndryshon kohë pas kohe. Disa herë teksa shoqëria zhvillohet, kjo gjë kalon nëpër cikle të ndryshme, siç bëhet edhe ndryshimi i stinëve. Jo shumë kohë më parë, kinezët e shihnin industrinë e modës si diçka që vinte nga perëndimi. Në druajtje për të mos gabuar ata hodhën sytë nga Europa dhe Amerika që të qëndronin në trend për standartet e vëna. Si rezultat, moda në Kinë ishte e zbardhët dhe e turbullt.

Por tashmë me zhvillimin e teknologjisë bota nuk ka më barriera. Moda mund të vëzhgohet dhe shijohet në çdo lloj prizmi, me stile të ndryshme rreth botës të cilat bashkëpunojnë duke dhënë dhe marrë nga njëri-tjetri. Në ditët e sotme në Pekin vihen re kudo çanta Hermes apo Chanel teksa gjtihashtu në duar mbajën edhe tespihe të ritualeve budiste. Bashkëshkrirja është e ardhmja e modës.

Shembuj të tillë gjejmë kudo nëpër kultura nga më të ndryshmet. Evolucioni mendor dhe teknologjik është thelbësor për këto ndryshime të këndvështrimeve. Kombet  në brezet aktuale nuk janë më të izoluar nga informacionet dhe idetë e jashtme. Po përdoret teknologjia në fotografi dhe kjo, sipas artistëve, është e ardhmja e artit vizual. Nëse teknologjia i ndihmon artbërësit që të prezantojnë veprat e tyre në një mënyrë të re dhe më të dobishme, atëhere pse të mos e adaptojmë? Nuk është më e nevojshme që një artist të jetojë në të shkuarën. Në fund të fundit, jetojmë në botë ku inteligjenca artificiale është kaq e avancuar sa mund të krijojë art falas nga komandat dhe të dhënat njerëzore.

Si pjellë e mendësisë së njerëzve ne i japim këtij fenomeni një gjuhë dhe aftësi për të bërë gjëra të caktuara, ashtu siç bëjmë edhe me fëmijët tanë. Por edhe krijesat kompjuterike si edhe fëmijët tanë, pas rritjes së mjaftueshme fillojnë të zhvillojnë gjuhën dhe aftësitë sipas ideve të tyre.

Pra, marrëdhënia ndërmjet teknologjisë dhe estetikës është simbiozike si shkenca me filozofinë, në një botë ideale ata ecin krah më krah. Duke arritur në një balancë të tillë, artistit i bëhet e mundur që të perfeksionojë  mjeshtërinë e kombinimit të artit dhe aftësive në procesin krijues.

Gjuha vizuale nuk ka nevojë për përkthim. Ne kemi lindur me paaftësinë për të folur, por ne mundemi që menjëhërë të shohim qiellin blu, lulet e kuqe dhe emocionet humane. Çfarë ne arrijmë të shikojmë na bën që të përjetojmë kënaqësi, shqetësim, frikë apo siguri. Për këtë arsye, artistët gjithmonë e më shumë predikojnë se me globalizimin që po na pushton e ardhmja duhet që të bëhet akoma më shumë vizuale.

E thënë kjo, nuk mund të parashikojmë se si do të jetë e ardhmja e formës së artit vizual. Akush nuk mundet. Bota ndryshon kaq shpejt dhe mundësitë që na paraqet e ardhmja do të tejkalojnë të gjitha aspektet të cilat lakmohen sot.

Por ajo ç’ka duhet që të gjithë të shpresojmë është se njerëzit duhet të fillojnë që të komunikojnë më shumë me zemrat e tyre. Të fokusohemi më shumë në përmbajtje dhe jo në formë dhe të mbajmë jetën të lidhur ngushtë më harmoninë me natyrën. Të synojmë të mbajmë një balancë në shumllojshmëri, si një simfoni. /abcnews.al

vlcsnap-error180-1280x720.jpg
ent ela15:41 | 20/01/2018

Ka shkaktuar jo pak tensione vrasja e liderit te serbëvenë Mitrovicën e Veriut Oliver Ivanoviç. Vrasja e tij e konsideruar si një akt terrorist nga Beogradi ndodhi në momentin që pritej të niste sërish dialogu mes Kosovës dhe Serbisë i ndërprerë prej nëj viti e që tashmë është bllokuar sërish, por pasojat e vrasjes të atij që njihej si “njeriu i urës” duket se nuk do të ndalojnë këtu./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono