Dy

download.jpg
ad min13:45 | 10/08/2019

Dy gra përfunduan në lumin Vjosë në rrethana të paqarta dhe rrjedhja i mori para. Për pasoje njëra nga gratë është mbytur, kurse gruaja e dytë është plagosur dhe është transportuar për në spitalin Rajonal të Gjirokastrës. Policia po heton për të zbardhur se si ka ndodhur ngjarja. Të dyja gratë ishin banore të Këlcyrës dhe po kalonin lumin pranë fshatit Dragot.

 

vila4.jpg
ad min18:00 | 03/07/2019

Dy shqiptarë janë dënuar nga drejtësia belge pasi akuzohet se kishin ngritur një fabrikë kanabisi në një vilë në qytetin Genval. Gentian L., i datëlindjes 1980, u dënua me 30 muaj burg dhe me një gjobë prej 8,000 euro si dhe iu konfiskua pasuria e tij prej afro 20,000 euro.

Ndërsa Kristjan D., u dënua me dy vite burg si dhe me 8000 euro gjobë. Të dy shqiptarët drejtonin një plantacion kanabisi në një vilë në Genval. Qiraja e vilës, e cila ishte 1,200 euro në muaj  shlyhej një herë një 6 muaj nga Gentian L, raporton dhnet.be. 

Pas bastisjes në banesë policia gjeti 845 bimë kanabis. E ndërsa identiteti i Gentian. L u dha për hetuesit nga pronari i vilës, bashkëpunëtori i tij është identifikuar përmes ADN-së pasi në pronë u gjetnë doreza që ai përdorte për tu kujdesur për bimët.  Kristjan D., rezultonte se ishte dënuar më parë me 3 vjet si dhe ndaj tij ishte dhënë një urdhër dëbimi. Ai ka pretenduar se nuk kishte fare lidhje me drogën e gjetur në banesë, por gjykatësit i kanë hedhur poshtë pretendimet e tij dhe e kanë dënuar./abcnews.al

082147157-8676fbdf-fc44-4dc4-ac54-f498b48d3644.jpg
ad min15:54 | 26/04/2019

Mbrëmjen e së enjtes policia italiane në Pulia ka ndaluar një gomone me 1.5 ton marijuanë në brigjet e Maria di Leuka. Dy skafistët shqiptarë, më pas të arrestuar, hodhën një pjesë të sasisë së drogës në det dhe u përpoqën të largoheshin. Por pas ndalimit nga policia italiane, në gomone u gjetën 71 pako me marijuanë me peshë 1.5 ton, e cila kap vlerën e 15 milion eurove.

Gomonia ishte e gjatë 10 metra dhe ishte modifikuar me dy motorë të fuqishëm. Dy shqiptarët e arrestuar akuzohen për mbajtje dhe trafik ndërkombëtar substancash narkotike./abcnews.al

rexhina-debrova-1280x785.jpg
ad min13:15 | 23/04/2019

Menjëherë pas arrestimit policia ka marrë në pyetje dy mjekët që dyshohen për mjekim të pakujdesshëm. Por që të dy ata kanë mohuar akuzat dhe kanë këmbëngulur që 25-vjeçarja pësoi një patologji të rrallë.  

Kardiologu dhe Reanimatori akuzohen për mjekim të pakujdesshëm dhe dosja e tyre u dërgua në Gjykatën e Elbasanit ku dhe do të caktohet masa e sigurisë.

Në dëshminë e tyre Mehmet Ibaj 54 vjeç dhe Niko Thana 60 vjeç nuk kanë pranuar akuzat ndaj tyre kërkuan lirim të menjëhershëm.

Ata kanë thënë se 25-vjeçarja Rexhina Debrova  gjatë operacionit për lindjen e fëmijës, ndërroi jetë si pasojë e një patologjie që hyn në rastet e rralla të komplikacioneve.

Në të njëjtën linjë me dëshmitë e mjekeve ishte dhe reagimi i Spitalit të Elbasanit menjëherë pas ngjarjes. “Pacientja ka ardhur me urgjencë në spital, me barrë të vonuar 42-javëshe dhe është futur në sallë, ku mjekët asistuan lindjen e fëmijës. Nëna e re dyshohet se pësoi komplikacion postoperator “trombemboli pulmonare” i ashtuquajtur infarkt mushkërie”, thuhet deklaratën zyrtare.

Policia kishte shoqëruar dhe dy infermierë që asistuan në operacionin e Deborvës, por mëngjesin e së martës ato u lënë të lirë. Do jetë ekspertiza shkencore mjeko-ligjore ajo që do të përcaktojë shkaqet e vdekjes dhe nëse kanë pasur apo jo faj mjekët.  Familjaret e të ndjerës reaguan ashpër dhe kanë kërkuar të zbardhin shkaqet e vdekjes të gruas 25 vjeçare. Ata kanë akuzuar mjeket për neglizhencë dhe mungesë profesionalizmi./abcnews.al

kqz.jpg
ad min15:04 | 11/04/2019

Komisioni Qendror i Zgjedhjeve ka shpallur regjistrimin për zgjedhjet e 30 qershorit të Partisë Socialiste dhe tre partive të vogla, përkatësisht Partisë Aleanca për Demokraci dhe Solidaritet e Gaqo Apostolit, asaj Bashkimi Demokrat Shqiptar me në krye z. Ylber Valteri, si dhe partisë ora e Shqipërisë e kryetarit Zef Shtjefni. Por ndërsa asnjë nga partitë e opozitës së bashkuar nuk është regjistruar në zgjedhje, krerët e dy partive të regjistruara në zgjedhje, Ylber Valteri dhe Zef Shtjefni janë aleatë të Partisë Demokratike në zgjedhjet e fundit parlamentare. Te dy figurojnë në listat shumë-emërore të kryetarit Lulzim Basha, i cili pas marrëveshjes së 17 majit  e cila ndaloi koalicionet për zgjedhjet e qershorit 2017, përfshiu në listat e tij krerët e partive aleate. E ndërsa asnjë nga partitë e mëdha në opozitë nuk është regjistruar për zgjedhjet vendore, afati përfundimtar skadon më 21 Prill./abcnews.al

44244066_2033901200235866_33877233152032768_o-1024x683.jpg
ent ela20:15 | 07/04/2019

Dy adoleshentë shqiptarë janë arrestuar në Francë pasi ishin duke udhëtuar në një makinë, e cila rezultonte e vjedhur në  Gard, raportojnë mediat franceze.

Dy të rinj u arrestuan në Jacou nga një patrullë policore. Dy adoleshentët e pashoqëruar, janë lënë në paraburgim. Ata do dalin në Korrik përpara autoriteteve dhe ngaj tyre janë ngritur dy akuza: “drejtim i automjetit pa patentë” si dhe “posedimin i mallrave të vjedhura”.

Përveç kësaj, hetimi vazhdon dhe do të përcaktojë nëse ata mund të jenë përfshihen në vjedhjen të tjera të kryer në Gard. Ndërsa automjeti i është kthyer pronarit./abcnews.al

Kamez-certifikata-933x445.jpg
ent ela22:45 | 05/04/2019

Rektorati i Universitetit Bujqësor të Tiranës dhe një grup studentësh janë ngritur në protestë për të kundërshtuar ndërtimin e dy shkollave të reja nga Bashkia e Tiranës, në një hapësirë pranë universitetit. Protestës i janë bashkuar edhe përfaqësues të opozitës.

Rektori Bahri Musabelliu pretendon se trualli është pronë e universitetit, por nuk ka publikuar asnjë dokument që e vërteton pretendimin e tij.

Por dokumentet e siguruara nga Televizionin Klan tregojnë se është Bashkia e Tiranës ajo që është pronare e kësaj sipërfaqe. Siç shihet në certifikatën e pronësisë, trualli prej 8963 metër katror është i regjistruar në emër të Bashkisë së Tiranës, e cila e ka blerë nga disa pronarë të ligjshëm.

Prona u është kthyer pronarëve përpara vitit 2013 dhe Bashkia ua ka blerë atyre për të ndërtuar një shkollë 9-vjeçare dhe 1 të mesme për komunitetin e Kamzës, me kërkesë të tyre.

Në ditën e këtyre fakteve që hedhin poshtë pretendimet e rektorit Bahri Musabelliu, mbetet e paqartë arsyeja se përse ai e kundërshton planin e Bashkisë së Tiranës për ta vënë këtë sipërfaqe në dispozicion të ndërtimit të dy shkollave në dobi të banorëve të kësaj zone./abcnews.al

mesi.jpg
ent ela23:00 | 30/03/2019

Lionel Mesi ishte sërish vendimtar për Barcelonën, në derbin ndaj Espanjolit në ligën spanjolle. Dy gola të argjentinasit siguruan fitoren në stadiumin “Kamp Nou”

Kur një skuadër nuk luan mirë, dhe fiton, atëherë ajo është shumë e rrezikshme. Vështirë se mund të vinte dita që ta thoje këtë fjalë për Barcelonën, veçse pragmatizmi është filozofia e trajnerit Ernesto Valverde, që ka edhe armën e tij aspak të fshehtë, Lionel Mesin.

Sido që të paraqitet Barça, sado të ketë kritika për uljen e ritmit, dhe pakësimin e spektaklit, vetëm një gjë nuk ndryshon, sasia e golave të numrit 10. Kapiteni zgjidhi një ndeshje të vështirë si kjo ndaj Espanjolit (jo më kot ishte derbi), madje duke tejkaluar dyshimet se mund të mos ishte në gjendje për të luajtur mirë.

Pak ditë më parë, u dëmtua ndërsa luante në kombëtaren e Argjentinës, dhe rreziku ishte i madh. Valverde, gjithsesi, vendosi të guxonte dhe basti doli fitues. Pas një pjese të parë tepër të vakët, u desh klasi i Mesit që të arrihej fitorja.

Një goditje dënimi në stilin “Panenka” dhe përfundimi i një aksioni në kombinim me Malkomin, mjaftuan për të vendosur fatin e sfidës së La Ligës, me shifrat 2-0.

Barcelona ka tani 69 pikë, ndërsa duhen edhe 9 javë deri në fund të kampionatit. Rivalët si Atletiko apo Real janë shumë prapa.

Vetë Mesi vazhdoi një sezon që mund ta quash pa frikë të jashtëzakonshëm. Edhe pse po i afrohet moshës 32-vjeçare, ai nuk po e ngadalëson ritmin.

Deri tani, ka 31 gola në 27 ndeshje në La Liga, dhe 41 rrjeta gjithsej në 38 takime. Kjo do të thotë se tashmë, Leos iu bënë 10 edicione radhazi me të paktën 40 gola, diçka vërtet tepër e rrallë. Me titullin thuajse në xhep, përqëndrimi është tek Liga e Kampionëve./abcnews.al

hec-1280x727.jpg
ent ela17:59 | 30/03/2019

Dy HEC-et e parashikuara për t’u ngritur në lumin Urakë në zonën e Kurbneshit nuk do të ndërtohen. Ministria e Infrastrukturës dhe Energjisë  Belinda Balluku i ka anuluar pasi banorët e zonës u ankuan në platformën e bashkëqeverisjes.

“Qeveria është shumë e ndjeshme ndaj kërkesave të komunitetit dhe duke qenë se kjo zonë është shpallur një zonë e mbrojtur, këtu nuk do të lejohet ndërtimi i këtyre dy HEC-eve. Kjo është një zonë e mbrojtur, kështu që dhe në të ardhmen ju nuk do keni problematika të tjera”.

Proceduara për prishjen e kontratave kanë nisur. Ndërkohë Balluku theksoi se qeveria ka në fokus nxitjen e investimeve por pa rënë ndesh me interesat e qytetarëve.

“Ne e nxisim zhvillimin e ekonomisë, i mbështesim investitorët, por asnjëherë kur këto investime bien në kundërshtim me kërkesat, apo me të mirën e komunitetit”.

Ministrja e Infrastrukture dhe Energjisë iu bëri thirrje banorëve që për shqetësimet që ata kanë t’i drejtohet platformës së bashkëqeverisjes pasi aty mund të gjejnë zgjidhje./abcnews.al

vodoshkurta-1280x640.jpg
ent ela15:02 | 20/03/2019

Ndryshime të reja në qeverinë “Rama” në nivel zëvendësministrash. Janë dy zv. ministret e kabinetit qeveritar të cilat sipas burimeve nuk do të ushtrojnë më detyrat e tyre. Më përkatësisht është zëvendësministrja e Drejtësisë Teuta Voda si dhe ajo e financave dhe ekonomisë Albana Shkurta. Burime bëjnë me dije se ndërsa Vodo është liruar nga detyra, Albana Shkurta ka dhënë dorëheqjen nga posti i zv. ministres së Ekonomisë dhe financave edhe pse motivacioni nuk bëhen ende të ditura./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono