DW

gjermania-negociata.jpg
G. P.19:04 | 18/09/2019

Gjermania pritet të pranojë që Maqedonia e Veriut të hapë negociatat që në Janar, ndërsa Shqipëria t’i hapë ato pasi të plotësojë 9 kushte. Deutsche Welle raporton kushtet e shkruara nga grupi parlamentar i mazhorancës gjermane.

Bundestagu gjerman do të votojë të enjten e  ardhshme nëse do të hapen ose bisedimet për anëtarësim me Shqipërinë. Sipas DW, për Shqipërinë pritet të vendosen kushte, ndërsa Maqedonia e Veriut mund t’i fillojë negociatat qysh në janar.

Një dokument final është duke u përfunduar, por grupimi i mazhorancës (CDU/CSIU) si edhe Partia Socialdemokrate, ka parashikuar që Shqipërisë negociatat t’i hapen vetëm kur të plotësohen disa kushte.

Sipas burimeve të DW në qarqet e grupit parlamentar CDU/CSU, kushtet prekin rreth 9 fusha:

– funksionimi i Gjykatës së Lartë dhe Gjykatës Kushtetuese

– miratimi i reformës zgjedhore;

– implementimi i reformës zgjedhore;

– ndjekja penale e gjykatësve dhe e prokurorëve që nuk e kanë kaluar provimin e Vettingut;

– ndjekja penale e akuzave për shitblerjen e votave;

– vënia në punë e prokurorisë speciale për luftimin e korrupsionit, SPAK,

– rezultate në luftimin e korrupsionit dhe krimit të organizuar, përfshirë edhe kapja dhe ndjekja penale e personave kyç të krimit, të të ashtuquajturve “peshq të mëdhenj”;

– përparime në reformën e administratës publike;

– sqarimi përfundimtar me vendim të Gjykatës Kushtetuese i ligjshmërisë së zgjedhjeve lokale të 30 Qershorit 2019.

Edhe nëse Gjermania thotë “po”, vendimmarrja ngelet në portën e Francës. Presidenti Emmanuel Macron, deri tani është shprehur kundër zgjerimit para konsolidimit të BE-së./ABC News Albania 24/7

48022930_303.jpg
G. P.10:00 | 28/08/2019

Në Rumani dështoi koalicioni qeverisës i socialdemokratëvde (PSD) dhe liberalëve të majtë ALDE. PSD-ja postkomuniste sërish po humbet peshën politike si parti, mendon Robert Schwartz.

Një Déja-vu à la rumune: Pak para zgjedhjeve presidenciale sërish shpërbëhet një koalicion qeverisës gjithësesi i brishtë. Tradhëti, humbje besimi, sharje dhe akuza reciproke dhe një mocion votëbesimi: Kështu bëhet politika në Rumani e jo vetëm kësaj here.

Socialdemokratët të mbetur në dorën e kryeministres Viorica Dancila nuk duan më të kapen pas pushtetit me një qeveri të pakicës, partia pseudio-liberale ALDE po farkëton aleanca me të larguarit prej radhëve të PSD-së të ish-kryeministrit Victor Ponta, konservatorët nacional-liberalë (PNL) në opozitë po zgjohen, por megjithatë nuk kanë guxim që të marrin qeverinë. Vendi pavarësisht rritjes ekonomike është keqmenaxhuar, rritja e motivuar politikisht e pagave dhe pensioneve nuk është e mbuluar financiarisht, projektet e shpallura me të madhe para tre vjetësh në sistemin e shëndetësisë dhe në infrastrukturën e dobët ende nuk janë vënë në jetë.  Kush merr përsipër tani drejtimin e qeverisë, ka një pikënisje të vështirë.

Schwartz Robert Kommentarbild AppRobert Schwartz

Pa reputacion ndërkombëtar – e madje të pavlerësuar edhe prej vet socialistëve europianë

PSD, që ende po qeveris, ndodhet përballë një pirgu problemesh. Që prej fitores bindëse të tyre në fund të vitit 2016 socialdemokratët sipas anketimeve kanë humbur gati gjysmën e votave, dhe janë distancuar prej tre kryeministrave dhe gati 100 ministrave. Udhëheqësi i tyre i madh “Maximo Líder” Liviu Dragnea ndodhet në burg për korrupsion dhe shpërdorim detyre, kryetarja komisare e partisë Dancila, është një kukull e Dragneas, përmes karuzelit të posteve ajo përpiqet të shpëtojë pozicionin e vet dhe po e çon partinë e qeverinë në një udhë pa krye. Në opinionin ndërkombëtar PSD nuk gëzon reputacion për shkak të sulmeve të vazhdueshme të saj  ndaj shtetit ligjor dhe drejtësisë – madje atë nuk e vlerësojnë as brenda radhëve të partive socialiste europiane.

Dancilas i është hapur oreksi dhe pa marrë parasysh humbjet ajo do të vazhdojë edhe më tej. Qëllimi i saj është posti presidencial. Kjo është arsyeja kryesore për krizën e re qeveritare. Kryetari i ALDE-s dhe njëkohësisht president i senatit Calin Popescu-Tariceanu kishte llogaritur shanse të mira që të paraqitej si kandidati kryesor i koalicionit qeveritar. Por kryeministrja, një ekzekutuese e zellshme e idolit të saj Dragnea dhe e panjohur deri më sot, e pengoi atë. Ajo synon vet të kandidojë për presidente në shtator duke e inskenuar synimin e saj me pompozitet të madh. Që si rrjedhojë qeveria mund të dështonte, këtë ajo e ka marrë fort mirë parasysh.

Sondazhet negative për Dancilan

Dancila prej kohësh e konsideron veten si nëna e kombit, që është e predestinuar për detyra të mëdha. Por ajo harron, që aktualisht sondazhet për të janë katastrofike: Me 7,5 përqind ajo nuk kalon dot as në shortlist të kandidatëve. Mbajtësi aktualisht i postit të presidentit Klaus Iohannis, që do të rikandidojë dhe mbështetet nga PNL, sipas sondazheve kryeson i vetëm me 40 përqind.

S’ka dyshim, që PSD prej disa kohësh është në rënie të vazhdueshme. Me këtë dështim tani partia shumë shpejt mund të humbasë tërësisht peshën politike./DW

 

fakte-groenlanda.jpg
G. P.22:45 | 25/08/2019

Groenlanda ndodhet pothuajse nё Polin e Veriut dhe Donald Trump do ta blejё ishullin arktik. Kjo tashmё dihet. Por a e dini, se amerikanёt kanё dashur ta blejnё edhe mё parё Groenlandёn? E qё atje dikur ka pasur pyje?

Sado absurde tingёllon, qё Donald Trump do ta blejё Groenlandёn, nё fakt kjo ide nuk ёshtё edhe fort e gabuar. Edhe njё herё tjetёr njё president i SHBA-sё ka dashur ta blejё Groenlandёn: Harry Truman, pas Luftёs sё Dytё Botёrore, pёr 100.000 Dollarё. Edhe atёherё qeveria daneze pati refuzuar.

Por pёrse Groenlanda, ishulli mё i madh i botёs – gjashtё herё mё i madh se Gjermania – i pёrket njё vendi tё vogёl siҁ ёshtё Danimarka? Gjeografikisht ishulli ndodhet qartazi nё Amerikёn e Veriut, skaji mё veri-perёndimor i Groenlandёs ndodhet fare pranё brigjeve tё Kanadasё.

Danimarka nё tё kundёrt ndodhet mё shumё se 3000 km larg Groenlandёs dhe midis tyre ndodhen Islanda dhe njё pjesё e Norvegjisё.

E gjitha ka nisur me vikingёt dhe me gjuetinё e balenave. Vikingёt nё shekullin e 18 dhe 19 mёsynin nga Norvegjia nё masё drejt Holandёs, Gjermanisё dhe Danimarkёs. Ata ndёrtonin vendbanime dhe baza mbrojtёse. Ka pasur mjaft konflikte, por mё nё fund danezёt fituan dhe pёrfundimisht Groenlanda e akullt mё 1933 i kaloi Danimarkёs.

Groenlanda ka qenё dikur e gjelbёr

Groenlanda quhet vendi i gjelbёr. Sepse edhe nёse sot as qё mund tё pёrfytyrohet – pasi 85 pёrqind e ishullit ndodhet nёn njё shtresё akulli – dikur nё Groenlandё ka qenё shumё mё ngrohtё. Studiuesit kanё gjetur gjurmё tё ADN-sё sё pemёve, tё fluturave dhe tё tjera insekteve. Para 450.000 deri nё 900.000 vjetёsh Groenlanda ka qenё e mbuluar prej pyjeve tё dendur.

Shtresa e akullit, qё ka ende njё trashёsi prej rreth 3800 metra, po pakёsohet sepse akullnajat shkrijnё. Pёrveҁ kёsaj bien gjithnjё e mё shumё shira, e kjo e intensifikon shkrirjen e akullnajave. Studiuesit kanё llogaritur qё niveli i detit nё mbarё botёn do tё rritej mё shumё se shtatё metra, nё rast se do tё shkrihej i gjithё akulli i Groenlandёs.

Infografik Karte USA-Grönland-Dänemank EN

Pak njerёz, aspak rrugё

Sot nё Groenlandё janё vetёm brezat bregdetar pa akull tё banueshme. Kryesisht nё brigjet perёndimore klima fale rrymёs sё Golfstrimit ёshtё mё e pёrshtatshme pёr jetesё. Kёtu ndodhen edhe shumica e fshatrave si dhe kryeqyteti Nuuk. Ai ka 18.000 banorё dhe ёshtё qyteti mё i madh i Groenandёs. Gjithsej nё ishull jetojnё 56.000 banorё dhe dendёsia e popullsisё ёshtё mё e ulёta nё botё. Vetёm nё Artik jetojnё mё pak njerёz se nё Groenlandё.

Nё mbarё ishullin mungojnё rrugёt e hekurudhat, qё mund tё lidhin qytetet dhe fshatrat. Rrugё ka midis qyteteve, por ato pёrfundojnё nё periferi tё qytetit. Pёr tё shkuar nga njё qytet nё tjetrin banorёt e Groenlandёs pёrdorin avionё, anije, helikopterё, gomone ose slita me qen.

Me ndryshimin e klimёs edhe nё Groenlandё mund tё ndryshojё diҁka. Mё pak akull nё kёtё ishull nёnkupton edhe mё shumё hapёsirё jetese pёr njerёzit. Shkrirja e akujve ҁliron lёndё tё para tё rёndёsishme, tё cilat janё tё mbrojtura: Ndёr tё tjera naftё, minerale tё rralla, gaz natyror dhe uran.

Sё shpejti do tё nisё gjuetia pёr elementё tё tillё. E presidenti i SHBA-sё si biznesmen ka njё nuhatje tё fortё pёr tё tilla gjёra./DW

phone-1280x721.jpg
G. P.10:22 | 07/06/2019

Operacioni me 38 masa të ndërmarra, sipas Entit Federal të Kriminalistikës (BKA) u krye njëkohësisht në 13 lande federale dhe ishte pjesë e një dite aksioni. Në mbarë federatën ka pasur kontrolloe dhe marrje në pyetje të të dyshuarve. Autoriteti i akuzon të dyshuarit për postime në internet që përmbajnë thirrjen publike për akte penale, ofendim personash apo fyerje me motive antisemitiste.

Aksioni mbarëfederal kundër postimeve per nxitje të urrejtjes është iniciuar para tre vjetësh nga BKA. Në vitin 2017, sipas të dhënave të BKA janë regjistruar 2270 raste të kriminalitetit të urrejtjes dhe në vitin 2018 vetëm 1472 raste. Tre ndër katër postime i përkasin spektrit të ekstremit të djathtë.

Më parë i ngarkuari i Qeverisë federale për antisemitizmin, Felix Klein, duke iu referuar vrasjes së politikanit kristiandemokrat në Kasel, Walter Lübcke, bëri thirrje për rregulla më të rrepta të BE-së në rrjet kundër mesazheve të urrejtjes. Një nismë përkatëse të kryeministrit të Hesenit, Volker Bouffier “e përshëndes dhe e mbështes shumë”, i tha Klein agjencisë së lajmeve DPA. Vrasja e politikanit kristiandemokrat shkaktoi një valë komentesh dashakeqëse në rrjetet sociale, shkas për këtë mund të ketë qenë angazhimi i tij për refugjatët në vitin 2015. “Këto reagime në rrjet janë pëçmuese ndaj njeriut dhe nxiten prej instinkteve primitive”, i tha Bouffier revistës “Der Spiegel”. “Ne duhet të kudjesemi, që këto komente të shuhen sa më shpejt.”

Reagim në nivel europian

Bouffier e sheh në këtë drejtim përgjegjësinë tek platformat që shpërndajnë informacionin. Klein thekson: “Ka ardhur koha, që edhe në nivel europian të mos tolerohet urrejtja dhe të kujdesemi që në internet dhe në rrjetet sociale të aplikohen të njëjtat vlera si në jetën reale.”

Komisioni i BE më 2016 ra dakord me katër sipërmarjet e mëdha online – Facebook, Microsoft, YouTube dhe Twitter – për një kod vullnetar të sjelljes. Ndërkohë këtë dokument e kanë nënshkruar edhe rrjete të tjera si Snapchat. Kuota e komenteve të urretjjes të postuara dhe të shuara në fund të vitit 2018, sipas Komisionit të BE-së, ka qenë rreth 72%. Një zëdhënëse e Facebook lidhur me kritikat ka thënë, se “komentet që e vlerësojnë këtë akt dhune, nuk kanë vend në Facebook. Nëse ne jemi të vëmendshëm ndaj të tilla përmbajtjeve i shuajmë ato.”

Reagimi i presidentit Steinmeier

Edhe presidenti Frank-Walter Steinmeier i dënoi ashpër reagimet në rrjetet sociale ndaj vrasjes brutale të politikanit Lübcke. Presidenti përdori fjalë të qarta, duke i quajtur reagimet me nxitje të urrejtjes si cinike, pa shije, të pështira dhe perverse.” Steinmeier kërkoi, që të rritet ndjenja e përgjegjësisë tek platformat që përhapin të tilla mesazhe urrejtje.

Lübcke u gjet i vrarë natën e së dielës (02.06) në tarracën e shtëpisë së tij në Wolfhagen-Istha. Sfondi i vrasjes deri tani është i paqartë. Si president i qeverisë së landit, Lübcke në vitin 2015 ka qenë përgjegjës për ndërtimin e strehimoreve të refugjatëve në qarkun e tij./DW

ndryshime.jpg
G. P.08:23 | 03/06/2019

A do të ketë zgjedhje të reja në Gjermani, pas dorëheqjes së kryetares së SPD, Andrea Nahles? Partitë duhet të kenë kujdes nga veprimet e nxitura, mendon Ines Pohl.

Rezultatet e zgjedhjeve për Parlamentin Evropin kanë shkaktuar termet politik në Gjermani. Pasojat po shihet tani. Kryetarja e SPD Andrea Nahles ka paralajmëruar dorëheqjen nga të gjitha postet në parti dhe Bundestag. Kjo është edhe një dëshmi tjetër për gjendjen në partitë popullore, SPD dhe CDU. Të dy partitë e mëdha, të cilat kanë dhënë kancelarët, që prej krijimit të Gjermanisë Federale. Të dy partive u mungon qendrueshmëria e domosdoshme dhe përgjegjësia udhëheqëse – programore dhe personale.

Paraqitja e dobtë e shefes së re të CDU

Së pari CDU: Prej largimit të Angela Merkelit nga posti i kryetares së partisë, krahët e ndryshëm brenda partisë nuk po mund të futen nën kontroll. Shefja e re e partisë, Annegret Kramp-Karrenbauer ka pasur një paraqitje shumë të dobët. Zhvendosja e saj nga krahu i djathtë politik në fushatën për zgjedhjet për PE nuk ka dhënë rezultatet e pritura. Përkundrazi. Edhe më shumë e ka dëmtuar partinë kritika e saj ndaj një personi në Youtube, i cili ka kritikuar punën e CDU. Ajo duket si një person i moshuar politik, e shpenzuar dhe jo e gatshme për të ardhmen.

SPD po kërkon vendin e vet

Për partinë SPD situata është shumë më e komplikuar. Prej gjashtë vitesh kjo parti në koalicionin qeveritar nuk ka arritur të profilizohet kundrejt kancelares Merkel. Pavarësisht reformave me rrogën minimale apo kujdesin për fëmijë, në fund kancelarja Merkel ishte ajo që mori lëvdatat. CDU ka marrë ndërkohë shumë tema klasike të SPD, ndërsa socialdemokratët nuk kanë gjetur përgjigje për këtë gjendje, pavarësisht udhëheqësve të rinj në krye të partisë.

Tani shefja e SPD do të largohet nga postet. SPD ka ardhur në një krizë aq të thellë sa që zgjidhja e vetme për të mund të duket dalja nga koalicioni i madh. Pavarësisht sa kushton kjo.

Pa nxitime

Dhe kjo është e rrezikshme, sepse kjo do të thotë se zgjedhjet duhet të mbahen këtë vit. SPD dhe CDU/CSU nuk kanë aktualisht udhëheqësit e duhur për zgjedhje. Asnjë prej këtyre partive nuk ka ndonjë program zgjedhor, nuk ka përgjigje për shqetësimet e qytetareve dhe qytetarëve. Ruajtja e mjedisit është vetëm një prej këtyre temave.

Gjermania ende është një vend i qndrueshëm demokratik. Zgjedhjet e reja mund të rrezikojnë rritjen e populistëve të djathtë, por forcat demokratike ende janë në epërsi shumë të madhe, që është lajmi i mirë në këto kohëra të turbullta.

Gjermania dhe bota

Kur shikojmë rëndësinë e Gjermanisë sot në botë, atëherë luftërat e brendshme politike apo lojërat e renditjes nuk duhet të jenë vendimtare për zgjedhje të reja. SPD dhe CDU nuk duhet të nxitohen, por duhet të nxjerrin vendime të drejta. Gjermania mund të jetë e dobishme për partnerët dhe veten vetëm kur është stabile dhe e llogaritshme dhe jo kur mendohet vetëm për pushtetin sot./DW

turqi-1280x586.jpg
ent ela14:10 | 24/05/2019

Në një analizë të saj Deutsche Welle shkruan se Shtetet e Bashkuara të Amerikës kanë paralajmëruar sanksione ndaj Turqisë nëse Ankaraja vendos të blejës sistemin rus të raketave

Turqia kërkon të mbrojë hapësirën e vet ajrore me një sistem rus raketash. Uashingtoni kërkon që si vend partner i NATO-s, Turqia të blejë sistemin amerikan të mbrojtjes, Patriot. Në një analizë të saj Deutsche Welle shkruan se qeveria amerikane i ka dhënë ultimatum qeverisë turke. Televizioni amerikan CNBC raportoi se Ankaraja ka dy javë kohë për të hequr dorë nga blerja e raketave ajrore ruse, përndryshe do të vendosen sanksione. Uashingtoni kërcënon po ashtu që t’ i refuzojë Turqisë furnizimin e avionëve luftarakë F 35.

Qeveria amerikane prej muajsh ushtron presion mbi Turqinë. Presidenti amerikan Donald Trump ka kritikuar blerjen e sistemit rus S- 400 të mbrojtjes ajrore. Ministri i Jashtëm amerikan Mike Pompeo ka kërcënuar madje me sanksione. Por Ankaraja nuk ka ndryshuar mendim. Ministri turk i Mbrojtjes, Hulusi Akar njoftoi këtë javë se ushtarët turq ndodhen tashmë në Rusi për të mësuar për përdorimin e S- 400. Në qershor ose në korrik sistemi do i dorëzohet Turqisë dhe në vjeshtë do të instalohet.

Qëndrimi konfrontues i administratës së Trumpit ka arsye ekonomike dhe ushtarake. Ankarasë i kërkohet që të prishë pazarin, sepse Uashingtoni do që Turqia të blejë patjetër sistemin amerikan të mbrojtjes nga ajri, Patriot. Përveç kësaj, në SHBA dhe vende të tjera të NATO-s mendohet edhe për çështjet e sigurisë. Sepse teknika ushtarake ruse nuk është e përshtatshme për sistemet e NATO-s. Përveç kësaj ekziston droja se nëpërmjet radarëve të S-400, Moska mund të marrë informacione të fshehta për avionët luftarakë F-35. Në fund të fundit ushtria turke do e kombinojë sistemin rus të mbrojtjes nga ajri me avionët luftarakë amerikanë. Po ashtu është rritur shqetësimi se bashkëpunimi me Moskën mund të nxisë shkëputjen e Ankarasë nga partnerët perëndimorë, me të cilët ndodhet në Aleancë. Ekspertët vërejnë se Turqia është duke u kthyer më shumë nga shtetet lindore si Irani, Kina dhe Rusia, jo vetëm në fushën ushtarake.

Asgjë nuk tregon se qeveria e Erdoganit ka ndër mend të tërhiqet. Sipas ministrit turk të Mbrojtjes, bisedimet me SHBA për blerjen e sistemit amerikan Patriot vazhdojnë, madje Uashingtoni ka bërë edhe një ofertë më pak të kushtueshme. Por presidenti turk Erdogan vazhdon të thotë se është i vendosur që të bëjë blerjen nga rusët. Ditën e martë Akar tha se SHBA është duke përgatitur sanksionet. Një nga arsyet pse turqit mbajnë qëndrim të palëkundur është se me çmimin 2,5 miliardë dollarë për dy bateri, sistemi rus i mbrojtjes nga ajri është shumë më i lirë se sa ai amerikan. Megjithatë S- 400 është jashtëzakonisht modern dhe eficient, ka rreze veprimi 400 km dhe mund të qëllojë objektiva deri në 60 km lartësi. /ABC News Albania 24/7

politikane.jpg
G. P.09:51 | 28/04/2019

Populistët e kanë me shumë dëshirë të na kthejnë pas në të shkuarën. Plagë të vjetra e largojnë vëmendjen nga problemet reale të aktualitetit – por kjo është e rrezikshme paralajmëron antropologu bullgar Ivaylo Ditchev.

Politika po fillon të duket si një inskenim historik. Nuk bëj fjalë për ceremoni përkujtimore, vendosje kurorash dhe rivarrosje. Luftëtarët e rinj të kulturës shkojnë më tej, ata turren në luftëra serioze në linjat e frontit të së shkuarës. Në inskenimin e një beteje, të rriturit vishen me kostumet e kohës dhe luftojnë njëri-tjetrin me shpata jo të mprehta apo heshta plastike. Ka nga ata që duan të vërtetojnë hipoteza historike, për disa të tjerë kjo është vetëm një ritual për të nderuar të rënët, kurse një pjesë kalon vetëm kohën. Nëse në aktivitete përkujtimore të së shkuarës kujtohen tragjedi të së shkuarës që kanë hyrë thellë në kujtesën kolektive, në inskenimet historike sundon më shumë dëshira për ta ndryshuar historinë, duke u përpjekur të rikuperosh padrejtësitë e së shkuarës.

Për shembull bullgarët kanë një ritual – inskenimin e kryengritjes së prillit 1876 kundër sundimit osman. Këtu bëhet fjalë që kësaj përpjekjeje për çlirim t’i jepet një dimension heroik, një rëndësi e veçantë historike, megjithëse ajo u shtyp përgjakshëm. Në parkun e kohës së lirë „Vija e Stalinit” në Bjellorusi lojëra luftarake rikujtojnë një projekt mbrojtjeje të kohës sovjetike, që në vërtetë ishte një dështim i plotë.

Luftëra simbolike për figurat historike

Sidomos populistët janë të përmalluar për të shkuarën. Le të marrim për shembull neonazistët grekë të Agimit të Artë. Çdo vit ata inskenojnë një shou nacionaliste pa shije në monumentin që përkujton betejën e Termopileve mes grekëve dhe persëve. Mesazhi është i qartë: Ata premtojnë që deri në vdekje të luftojnë kundër „invazionit” të supozuar të migrantëve, por edhe kundër çfarëdolloj përzierjeje të „perandorisë” europiane në çështjet e atdheut liridashës.

Të hapësh plagë të vjetra është një strategji e preferuar për të tërhequr vëmendjen nga problemet e së tashmes. Si në rastin e luftërave të vërteta, konfliktet simbolike forcojnë legjitimitetin politik të kundërshtarit, prandaj ata nuk janë edhe aq kundër të bashkëpunojnë në këtë nivel. „Çështja maqedonase” për shembull, që dikur shkaktoi luftërat tragjike ballkanike, rigjallërohet në rajon përmes luftërave simbolike për figura si Aleksandri i Madh apo Samuili (një nga carët e fundit të perandorisë bullgare) si edhe për emrin apo gjuhën e vendit. Në mënyrë të çuditshme edhe lufta kundër sundimit të osmanëve po bëhet gjithnjë e më intensive, megjithëse ajo që në fillim të shekullit të 20-të mori fund në të gjithë rajonin e Ballkanit. Edhe lufta kundër sundimit komunist tani më mbrapa po bëhet më e fortë.

Loja me emrin “histori” do duhet të fillojë nga zeroja

Kjo nuk është karakteristikë vetëm e juglindjes së Europës. Vota britanike për Brexit u ndikua në një masë të madhe nga kujtimi për „perandorinë” –„Empire”, ku nuk perëndon asnjëherë dielli. Donald Trump premtoi të bëjë Amerikën sërish „great”, gjë që me gjasë mundet të implikojë edhe sundimin e njeriut të bardhë. Nga ana tjetër shumë njerëz në ish-kolonitë përjetojnë padrejtësitë që iu bënë paraardhësve të tyre, të përforcuara nga filmat dhe ritualet përkujtimore. Ky „material bruto” u instrumentalizua nga Al-Kaida dhe i ashtuquajturi „Shteti Islamik”.

Nostalgjia për të shkuarën është ndjenjë e melankolisë. Nobelisti turk i letërsisë, Orhan Pamuk përdor fjalën e papërkthyeshme „Hüzün” – me konotacion të përafërt me trishtimin, brengën, por edhe largimin nga zoti, kur ai flet për lavdinë e shuar të Perandorisë Osmane. Por populistët kanë një mënyrë tjetër të trajtimit të së shkuarës: Ata inskenojnë energjikisht, sikur do mund të fshihen me dorë magjike të gjitha zhvillimet e mëvonshme fatkeqe dhe loja me emrin „histori” mund të fillojë nga zeroja.

Ideja e së ardhmes bie

A beson vërtet dikush seriozisht që vende me madhësi mesatare si Mbretëria e Bashkuar apo Turqia mund të bëhen sërish perandori të mëdha? Apo që në botën tonë të globalizuar mund të kesh ende shtete kombëtare me një popullsi homogjene? Një shpjegim për politikën e inskenimit historik është shpërbërja e identiteteve. Qytetari dhe konsumenti kërkon të ketë të drejtën për një identitet jashtë punës, automjetit apo smartphone-it. Pse duhet që ai apo ajo të jetojë me dhimbjen e betejës së humbur dikur, me poshtërimin e të parëve dhe humbjen e territoreve? Historianët thonë, këtë rrjedhë morën ngjarjet, po pse duhet të dëgjohen këta „burokratë”?

Parë me vëmendje në fakt është ideja e së ardhmes ajo që ka rënë. Ne jetojmë me gjithnjë e më shumë imazhe të katastrofave, të një apokalipsi të klimës, të terrorizmit, të goditjes nga asteroidët apo epidemi virusesh. Ndërkohë jemi të bindur, se fëmijët tanë nuk do ta kenë më mirë se ne. Në rastin më të mirë shpresojmë që ata të marrin të paktën atë që kemi ne. A mund të habitesh pra se politikanët i kthejnë kurrizin të ardhmes dhe angazhohen më shumë në një betejë për çlirimin nga e shkuara plot shtypje?/DW

47263646_303.jpg
ent ela16:59 | 28/01/2019

Me rastin e hapjes së ekspozitës personale në Berlin, Deutsche Welle ka intervistuar kryeministrin e Shqipërisë Edi Rama, i cili duke iu përgjigjur pyetjeve mes politikës dhe artit premton: “Nuk do plakem keq”

Edi Rama hapi në Berlin ekspozitën e tij të dytë personale brenda një kohe të shkurtër në Gjermani. Gjatë vizitës së tij private, Rama nuk pati asnjë takim me përfaqësues zyrtarë. Në këtë mënyrë nis intervista për Deutsche Welle e kreut të ekzekutivit Edi Rama.

I pyetur nga gazetari nëse fakti që shpesh herë pikturon mbi dokumente zyrtare, ka lidhje me përzierjen e artit dhe pikturës, Rama përgjigjet thjesht: se politika këtu nuk ka asnjë lidhje:

“Unë thjesht gjatë kohës së punës vizatoj, vizatoj gjatë takimeve, vizatoj gjatë telefonatave, gjatë momenteve të pauzave dhe është një proces krejt i natyrshëm, ku dora ndjek njërin sy dhe njëri sy ndjek dorën, ndërkohë që vëmendja është e gjitha e përqendruar tek diskutimet, tek puna, tek vendimet për t’u marrë, tek çështjet për t’u adresuar”.

Për sa i përket politikës së jashtme nëse aktualisht vendi i ka marrëdhëniet më të mira me Berlinin apo Uashingtonit, Rama u shpreh se Shtetet e Bashkuara të Amerikës kanë qenë të angazhuara dhe mbështetëse të Kosovës qysh në ditën një dhe pa Shtetet e Bashkuara të Amerikës Kosova nuk do të ishte çliruar dot nga kthetrat e Beogradit dhe nuk do të ishte dot shteti i pavarur që është sot. K

ështu që Shtetet e Bashkuara të Amerikës kanë qenë qysh në ditën një mbështetëse të palëkundura të zhvillimit të demokracisë në Shqipëri dhe qysh në ditën një Shqipëria ka qenë qartësisht e shprehur për partneritetin strategjik me Shtetet e Bashkuara të Amerikës, pavarësisht se kush ka qenë në qeveri, e majta dhe e djathta.

Sërish duke folur për Kosovën Rama theksoi se dialogu me Serbinë është i domosdoshëm dhe duhet të përfundojë me një marrëveshje historike mes dy vendeve. Por Rama nuk ka pranuar të përgjigjet për sa i pëket paralajmërimit për protesta nga opozita shqiptare, duke thënë se nuk flet për politikën e brendshme kur është jashtë vendit

Dhe pse nuk ka dhënë detaje se ku e sheh veten në tardhmen, Rama përfundoi intervistën duke thënë se nuk do të plakek keq, si ata që nuk larghen dot nga politika kur mund të bëjnë dicka shumë më fisnike në moshën e tyre…

Ekspozita e titulluar “Uorks” qëndron e hapur deri në datën 9 Mars. /abcnews.al

pe.jpg
G. P.10:30 | 21/11/2018

Evropa ka frikë nga fuqia ekonomike e Gjermanisë, jo nga fuqia e saj ushtarake, thotë historiani Andreas Rödder, në intervistën e javës për DW. Njëkohësisht nga Gjermania kërkohet të marrë rol udhëheqës – Dilemë e madhe.

“Unë kam më pak frikë nga pushteti gjerman, sesa nga mungesa e aktivitetit gjerman”, deklaroi në vitin 2011 ministri i atëhershëm i Jashtëm i Polonisë Radoslav Sikorski, në një fjalim të mbajtur në Berlin. Një fjali e tillë, siç thotë në një intervistë për DW historiani Andreas Rödder, ka qenë e pamundur të dëgjohet para viteve 1990 – e më së paku nga Polonia.

Ndërkohë në Varshavë po dëgjohen tone krejtësisht të tjera. Atje qeveria partia nacional-konservatore PiS, kryetari i të cilës është Jaroslav Kaczynski, i cili asokohe donta ta nxirrte Sikorskin para gjykatave për shkak të kësaj deklarate. Raportet mes këtyre dy vendeve edhe sot komentohen me tone te ndryshme. “Nga Gjermania ka sot pritje të tjera – t’a udhëheqë Evropën”, thotë historiani Rödder. “Por njëkohësisht Gjermania po konfrontohet me dilema, për zgjuarjen e frikës së vjetër, se Gjermania do të ushtrojë superfuqinë e saj në Evropë.”

Ndaj Gjermania dhe politikanët e saj janë në dilemë. Në njërën anë Gjermania duhet të jetë e kujdesshme. E në anën tjetër Gjermania duhet të vendosë për gjërat e domosdoshme, të cilat e bëjnë Evropën të aftë të konkurrojë në skenën botërore politike.” Kur ke parasysh historinë dhe sfondin e zhvillimeve, kjo është një detyrë shumë e vështirë.

Diktati gjerman dhe çështja e refugjatëve

Një zgjidhje e thjeshtë nuk ekziston. Gjermania duhet ta kuptojë seriozisht këtë detyrë në rrafshin e institucioneve të BE, por edhe në nivelin nacional. Gjermania duhet të tregojë vetëbesim, por pa dëmtuar interesat e të tjerëve”, thotë Rödder. “Gjermania ka bërë një gabim të rëndë në kohën e krizës së refugjatëve”, thotë Rödder, duke iu referuar vendimeve të Këshillit të Ministrave nga shtatori i vitit 2015. Asokohe disa vende udhëheqëse kanë vendosur, megjithë kundërshtimet e disa vendeve të tjera, që ato të marrin kontigjente të caktuara të refugjatëve. “Kjo është kuptuar si një diktat gjerman.”

Gjermania dhe trashëgimia kulturore

Në këtë kontekst është manifestuar edhe një veçori e historisë gjermane, e cila shprehet edhe në një studim të bërë së fundi. Evropianët janë pyetur në këtë studim nëse kulturën e tyre e çmojnë më shumë se kulturat e vendeve tjera fqinje, 46% e gjermanëve kanë votuar “Po”. Ndërkohë që kjo përqindje tek francezët ishte vetëm 23 %.

Rödder mendon se kjo ka lidhje edhe me trashëgiminë që nga koha e luftërave të Napoleonit. “Kur shoqëritë evropiane në fillim të shekullit 19 filluan të kuptojnë veten si shtete, francezët kaherë e kanë pasur shtetin e tyre.” Ndërsa gjermanët kanë jetuar pas Perandorisë së shenjtë romake me 1806 në të ashtuquajturin “mozaik”, me Prusinë dhe Austrinë si fuqi hegjemoniste si dhe shumë principata dhe qytete të lira.

Gjermania asokohe nuk ekzistonte, ndaj gjermanët filluan të kuptohen si një lloj kombi kulturor. “Kjo lloj vetkuptueshmërie ka pasur gjithmonë një pasojë – perceptimin e vetvetes si një komb me vlerë më të lartë kulturore dhe morale.” Këtë mund ta gjejmë edhe sot: “Të shikojmë vetëm kulturën e mirëseardhjes në vjeshtën e vitit 2015, kur mendohej se jemi në anën e duhur nëse ndihmojmë.”

Kriza e Euros, kancdelarja dhe Hitleri

Gjermania ishte në një pozitë edhe më të vështirë në kohën e borxheve dhe krizës ekonomike 2010 –  2015. “Në Evropë asokohe gjejmë dy histori krejtësisht të ndryshme”, pohon Rödder. Njëra ku thuhet se është reaguar tepër vonë dhe tjetra ku thuhet se Gjermania vullnetarisht ka pranuar të garantojë për borxhet e një vendi tejtër.

Gjermania në njërën anë u detyrua të luajë rol vendimtar. E kur vërtet e mori këtë rol dhe u krijuan ombrellat dhe planet e shpëtimit financiar, shumë vende anëtare të Eurozonës mendonin se kjo nuk është në rregull. Pjesë e këtyre planeve ishin edhe ato për kursime masive, që nga disa vende u kuptua si diktat i Gjermanisë. Demonstruesit në Greqi e krahasonin Angela Merkelin madje me Hitlerin.

“Veçoria e stereotipeve është se ato mund të riaktivizohen gjithmonë”, thotë Rödder. Gati çdo vend në Evropë ka ndonjë histori lufte me Gjermaninë. Ndërsa në rastin e Greqisë kjo ka të bëjë me kohën e pushtimit në Luftën e Dytë Botërore.

Frika nga fuqia ekonomike e Gjermanisë

“Frika në Francë, e cila është partnerja më e rëndësishme, rezulton që nga lufta e viteve 1870/71 dhe përvojat traumatike të Francës.” Por kjo ka të bëjë edhe me dy luftërat botërore. Ndonëse Franca ishte në anën e fituesve, ishte e qartë se këtë fitore nuk do të mund ta arrinte pa ndihmën e vendeve të tjera.

Këto shqetësime nuk kuptohen më si kërcënime, thotë Rödder. Por shqetësimi ka të bëjë me fuqinë ekonomike të Gjermanisë. “François Mitterand fliste në vitet 80-të për bombën atomike gjermane, duke menduar për Markën gjermane dhe Bankën Federale të Gjermanisë.”

“Në kohën kur ekonomia është më e fuqishme se fuqia ushtarake, Gjermania konsiderohet më e fuqishmja”, thotë Rödder. “Ndaj Gjermania me këtë fuqi duhet të jetë konstruktive dhe operative në Evropë.”

Trashëgimia e Merkelit dhe përfytyrimi i Gjermanisë

Pikërisht këto dy kriza e kanë shënuar fuqinë e trashëgimisë së Angela Merkelit në rrafshin evropian. Por kjo ka shkaktuar reagime të ndryshme tek fqinjtë evropianë. “Në njërën anë mendohet se ajo ka evituar shkatërrimin e institucioneve evropiane”, thotë Rödder. “E në anën tjetër kjo ka shkaktuar përçarje në Evropë, në veçanti në kohën e krizës së refugjatëve.” Madje edhe në Britani të Madhe thuhet shpesh se politika e Merkelit ndaj refugjatëve ka bërë që sot të kemi votën për Brexit./DW

libri.jpg
G. P.10:10 | 10/10/2018

Librat ndikojnё fuqishёm nё formimin e opinionit publik – pavarёsisht tё gjitha medieve digjitale. Panairi i Librit nё Frankfurt pёr kёtё arsye sivjet ka vendosur nё fokus tё drejtat e njeriut.

Viti 2018 ёshtё njё vit i rёndёsishёm pёr degёn gjermane tё librit, tha Heinrich Riethmüller, kryetar i Shoqatёs sё Bursёs tё Tregtimit tё Librit nё Gjermani. Sipas tij aktualisht mbizotёron atmosferё inkurajuese. Ndonёse libraritё tradicionale kanё mё pak klientё, njё studim i detajuar i fundit tregon, se vazhdon tё jetё e pashuar dёshira pёr librin.

Nё kёrkim tё lexuesve

Dega e librit nё tё gjitha fushat punon, qё “libri sёrish t’u sillet nё dorё lexueseve dhe lexuesve, tё ofrohen mё shumё pika kontakti dhe orientimi”. Evente dhe aksese tё reja: punohet nё tё gjithё degёn e librit intensivisht pёr tё gjetur rrugё tё reja nё mёnyrё qё lexuesit e larguar tё rikthehen tek libri dhe tё mbahen lexuesit besnikё.

Librat ende vazhdojnё tё jenё njё media qendrore pёr formimin e opinionit, tha  Riethmüller. Dega e librit ёshtё dega mё e sipkatur dhe mё e madhe e kreativitetit – pёrsa i pёrket xhiros sё tё ardhurave madje ёshtё mё e madhe se filmi, muzika dhe dega e lojёrave tё marra sё bashku.

Tё drejtat e njeriut dhe liria e mendimit janё temat qendrore tё panairit sivjet. “Panairi i Librit ёshtё vendi i lirisё, ku bashkohen njerёzit nga e gjithё bota, pёr tё ngritur zёrin e tyre: njё vend i respektit reciprok”, tha shefi i panairit Juergen Boos.

70 vjetori i Kartёs sё  OKB-sё pёr tё Drejtat e Njeriut dhe Panairi i Librit nё Frankfurt, qё po ashtu ka sivjet jubileun e 70 vjetorit do ta vlerёsojё me njё fushatё enkas kёtё temё. Panari hap siparin tё mёrkurёn për vizitorët (10.10) dhe do tё vazhdojё deri tё dielёn (14.10). Vendi partner sivjet ёshtё Gjeorgjia, e cila bёn reklamё nё panair me shtёpitё botuese, autorёt dhe me lexime nё panair. 7500 ekspozues nga 110 vende tё botёs janё tё pranishёm nё panair, deklaroi drejtori i panairit Juergen Boos./DW


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono