durresi

DURES-1-1280x718.jpg
Sej rie14:15 | 11/08/2019

Nga mëngjesi deri në mbrëmje, i gjithë qyteti është në kaos. Ardhja e emigrantëve si dhe turistëve për pushimet verore ka rënduar trafikun. Lëvizja në Durrës apo edhe në zonat turistike është një sfidë më vetë.

Qëndrimi për një kohë të gjatë në trafik është i përditshëm. Jo vetëm gjatë ditës, por edhe në mbrëmje, kohë në të cilën gjendja rëndohet edhe më shumë. Kjo mbetet e lodhshme për përdoruesit e rrugës.

“Përpara të së mbërrijnë në destinacion, pjesën më të madhe të kohës së tyre drejtuesit e automjeteve e kalojnë në trafik. Përvese rrugëve të ngushta, situata rëndohet edhe nga mosrespektimi i rregullave të kodit rrugor. Ndalesat dopio-fil apo edhe parkimet në zonat e ndaluara krijojnë vështirësi në lëvizje”.

Kaosi ndihet në çdo rrugë. Përballë kësaj situate edhe policia e qarkullimit rrugor mbetet e pafuqishme për t’i dhënë një zgjidhje.

Të pakët në numër, patrullat monitorojnë vetëm disa prej zonave problematike kryesisht ato turistike, duke lënë jashtë vëmendjes shumë rrugë të tjera. Veç qytetit, të tjera rrugë të ngarkuara mbeten, rruga e Plazhit, unaza e Shkozetit, aksi Plepa-Golem si dhe Maminas-Gjiri i Lalësit.

ENKELEDA ARAPI

GAZETARE E ABCNEWS, DURRES

DURES-1280x729.jpg
Sej rie14:15 | 09/08/2019

Një ditë nëpër rrugët e Durrësit do të thotë mes pluhurit. Punimet paralelel në dy destiancionet kryesore siç është bulevardi “Dyrrah” dhe shëtitorja “Taulantia” e kanë kthyer qytetin me të lodhshëm për banorët.

Bulevardi po rikonstruktohet, kurse  në shëtitore po zbatohet projekti për ndryshimin rrënjësor të saj. Rikosntruksioni  kryhet për të katërtën herë brenda harkut kohor të shtatë viteve.

Në kohë sezoni banorët presin tjetër gjë nga qyteti i tyre. Kurse vizitorët dhe turistët mbesin habiten si një qytet me rendësi si Durrësi, të kthehet në kaos pikërisht kur duhet të ishte më ftues.

Por fluksi i turistëve dhe banorët nuk e kanë ulur ritmin e punimeve në shëtitoren “taulantja”. Vendorët kanë vendosur të mos ndalojnë asnjë ditë deri në përfundim të projektit.

Nata në qytetin bregdetar është disi më ndryshe. Pavarësisht se lëvizjet bëhen mes inerteve, rrugët janë të mbushura me të rinj e të moshuar që shëtisin. Fundja s’kanë mënyre tjetër për të kaluar temperaturat e larta./ABC News Albania 24/7

CLIRIM-GJATA-PER-REFORMEN-NE-DREJTESI.mpg_snapshot_00.21-1280x720.jpg
ent ela15:00 | 22/07/2019

Tre vjet pas miratimit të reformës në drejtësi nuk është ndëshkuar asnjë zyrtar i lartë. Konstatimin e bëri sekretari për çështjet ligjore në Partinë Demokratike Çlirim Gjata. Duke iu referuar vendimit të fundit të Gjykatës së Durrësit, demokratët akuzojnë kryeministrin se e ka shndërruar këtë sistem në drejtësi private.

Vendimi i Gjykatës së Durrësit për të ndryshuar një vendim pa e apeluar atë ka një simbolikë për Partinë Demokratike.

“Është simboli i drejtësisë private që ka ngritur Edi Rama. Vendimi skandaloz, i paprecedentë në historinë e qytetërimit perëndimor, ku vendimi i gjykatës ndryshohet të nesërmen nga e njëjta gjykatë, sipas interesit të kryeministrit, është dëshmia më tronditëse për kapjen totale të drejtësisë nga Edi Rama dhe grupi i strukturuar kriminal i Rilindjes”.

Tre vjet pas miratimit konsensual të ndryshimeve kushtetuese nuk është ndëshkuar asnjë zyrtar i lartë- u thotë sekretari për çështjet ligjore në Partinë Demokratike shqiptarëve.

“Asnjë ministër, asnjë zyrtar i lartë publik, asnjë politikan nuk ka dalë para drejtësisë për vjedhjen e përditshme të shqiptarëve”.

Zgjidhja që përsërisin demokratët është një drejtësi e cliruar që do të garantojë zgjedhje të lira e të ndershme, që mundësojnë qeverisje në interes të qytetarëve dhe çojnë përpara axhendën europiane të Shqipërisë. /ABC News Albania 24/7

 

gjykata.jpg
G. P.16:19 | 09/07/2019

Gjykata e Krimeve të Rënda ka pranuar kërkesën për gjykim të shkurtuar për 3 gjyqtarët e Apelit të Durrësit, të akuzuar për korrupsion. Petrit Çeno, Klinton Saphiu dhe Petraq Dhimitri, e kishin bërë këtë kërkesë në seancën paraprake, por pa e pranuar fajësinë.

Të tre akuzohen për veprën penale “Korrupsion pasiv i gjyqtarëve, prokurorëve apo punonjësve të tjerë të drejtësisë”. Organi i akuzës ka dyshime së 3 gjyqtarët, për të dhënë një vendim në favor të biznesmenit Namik Sadik, kanë përfituar një udhëtim të paguar prej tij, për të parë një ndeshje futbolli në Spanjë. Seanca e radhës do të zhvillohet më 24 Korrik, kur prokuroria do të japë konkluzionet përfundimtare./ABC News Albania 24/7

makina-2.jpg
G. P.11:08 | 28/04/2019

Policia e Fierit ka parandaluar një ngjarje të mundshme kriminale. Mësohet se dy të rinj janë vënë në pranga, ndërsa një tjetër është shpallur në kërkim.

“Patrulla e Përgjithshme e Komisariatit të Policisë Fier gjatë patrullimit  në orët e para të mëngjesit, në dalje të qytetit  Fier, ka konstatuar një automjet “Renault” që kryente lëvizje të dyshimta dhe porsa ka parë makinën e policisë është larguar me shpejtësi”, thuhej në njoftimin e uniformave blu.

Menjëherë pas kësaj, patrulla është vënë në ndjekje të makinës. Gjatë ndjekjes, duke përfituar nga errësira njëri prej pasagjerëve, 29 vjeç, ka mundur të largohet. Ndërkohë shoferi dhe një pasagjer, të dy 22 vjeç, janë arrestuar në flagrancë. Gjithashtu, sipas policisë të tre të rinjtë janë nga qyteti i Durrësit.

Gjatë kontrollit në automjet, policia gjeti dhe sekuestroi një armë zjarri pistoletë me silenciator së bashku me karikator me fishekë, si dhe një dozë me lëndë narkotike kanabis.

Ndërkohë, gjatë kontrollit të ushtruar në banesën e 29-vjeçarit, Policia e Fierit në bashkëpunim me Policinë e Durrësit kanë gjetur 40 doza me lëndë narkotike kanabis sativa. Specialistët po vijojnë punën për zbardhjen e plotë të rrethanave dhe qëllimit të lëvizjen së këtyre personave të armatosur nga Durrësi në Fier.

Gjithashtu vijon puna për kapjen e personit të shpallur në kërkim, si dhe për identifikimin dhe kapjen edhe të personave të tjetër që mund të jenë të përfshirë në veprimtari të mundshme kriminale./abcnews.al

tragetet-durres-1280x711.jpg
Sej rie08:45 | 24/04/2019

Moti i keq ka ndikuar në lundrimin e mjeteve të pasagjerëve. Sipas informacionit te Autoriteteve Portale, mësohet se dy tragetët e linjës Durrës-Bari janë nisur shtate orë me vonës. Tragetët të cilët duhet të niseshin mbrëmë u nisen mëngjesin e sotëm dhe piritet që ata të mbërrijnë në Bari rreth orës 14.00. Në det të hapur gjatë natës dallgët arrinin deri në 9 ballë, dhe kjo e bëri të pamundur lundrimin. Edhe ne Vlorës Trageti i linjës Vlorë- Brindisi pritet të mbërrijë tre orë me vonesë./abcnews.al

kokaina-malte.jpg
nev ila11:36 | 15/04/2019

Autoritetet në Maltë kanë sekuestruar në portin më të madh të ishullit një sasi prej 91 kilogramë kokainë, që sipas mediave lokale kishte si destinacion Shqipërinë. Droga po transportohej në tre kontejnerë të nisur nga Amerika e Jugut.

Agjentët e doganave në portin Friport të Maltës kanë sekuestruar një sasi lënde narkotike të llojit kokainë, një pjesë e të cilës kishte si destinacion Shqipërinë. Sipas mediave lokale, bëhet fjalë për 76 pako drogë me peshë mbi 91 kilogramë dhe me vlerë 10 milionë euro, sasi kjo që u bllokua ditën e diel.

Departamenti i Doganave në Friport bëri me dije se droga ishte e fshehur në tre konteinerë të nisur nga Amerika e Jugut, dy prej të cilëve kishin si destinacion portin e Durrësit në Shqipëri dhe një tjetër atë të Selanikut në Greqi.

Policia vendase raportoi se në kontenierin e parë kishte 20 pako kokaine, me peshe 24 kg në vlerë prej 2.7 milionë euro, ndërsa në kontenierin e dytë ishin të paketuara 40 pako, me peshë 48 kg me vlerë 5.4 milion euro. Kontenieri i tretë përmbante 16 paketa, me peshë 19.25 kg, me një vlerë prej 2.2 milion euro. Ata bënë me dije se, kontenieri i parë dhe i  tretë ishin me destinacion portin e Durrësit, në Shqipëri.

Autoritetet malteze sqaruan se agjentët e doganave zgjodhën një seri konteinerësh për të skanuar dhe pas konstatimit të disa parregullësive në dokumentacion ushtruan një kontroll fizik, përmes të cilit zbuluan kokainën që ishte fshehur në një pjesë frigoriferike.

Lidhur me ngjarjen ka nisur një hetim, që i ka kaluar nën kontroll një prokurori lokal. Pak ditë para zbulimit të së dielës, autoritetet doganore në Friport kishin sekuestruar një sasi tjetër prej 24 kilogramë kokainë. Dy rastet e fundit e çojnë drogën e sekuestruar nga autoritetet malteze në Friport, një ndër portet më të ngarkuara të Europës, në 606 kilogramë, me vlerë tregu 68 milionë euro./abcnews.al

lleshaj-1280x728.jpg
ent ela10:25 | 19/03/2019

Për Ministrin e Brendshëm, Porti i Durrësit duhet të funksionojë si një strukturë e vetme. Sandër Lleshaj e bëri këtë deklaratë gjatë një takimi me autoritetet që operojnë në këtë port, ku mblidhen gati 40% e të ardhurave doganore.

“Problemi kryesor këtu në Portin e Durrësit ka të bëjë me faktin që duke qenë port i madh ka edhe shumë autoritete. Siç e shihni vetëm në këtë panel, janë një numër i konsiderueshëm drejtuesish të lartë, drejtorësh të përgjithshëm dhe paneli nuk i ka zënë të gjithë, sepse janë edhe disa drejtues të tjerë që nuk janë ulur në radhën e parë.

Do të thotë që kemi një numër shumë të madh autoritetesh…. duke filluar nga Autoriteti Portual, nga Policia e Shtetit, nga AKU, Doganat dhe struktura të tjera, të cilat e bëjnë shumë kompleks menaxhimin e këtij porti si një entitet të tërë”. 

Kohën kur Lleshaj po drejtohet për në Universitetin “Aleksandër Moisiu”, në një takim tjetër pas atij në Port, disa të rinj i dolën para. Një prej tyre i tha se e ka helmuar me gaz lotsjellës. Ai tha se quhej Ndrec Pjetri që la të kuptohej se ishte pjesëmarrës në protestën e opozitës. Ministri i Brendshëm vazhdoi takimin me prefektin, kryetarin e bashkisë, pedagogë dhe studentë. Aty u fol  për studentët e ekselencës dhe punësimin e tyre.

Gazetare: Enkeleda Arapi

Operator: Adi Domi

durres-2.jpg
ent ela16:12 | 12/02/2019

Durrësi duhet të ishte nga qytetet më me shumë hapsira të gjelbërta. Por në fakt është një qytet që nuk ka një lulisht. Ndëqrtimet ka kriter e kanë kthyer Durrësin, në një vend ku banorët thonq se mezi jetohet.  

Ndërtimet pa kriter dhe pa plan ndër vite zhdukën çdo sipërfaqe të gjelbër në Durrës. Dy lulishtet që ndodheshin pranë Mauzoleumit të Dëshmorëve u zaptuan nga privati. Bari u zëvendësua me beton, ndërsa pemët me tendat e lokaleve. Të njëjtin fat pësoi edhe lulishtja e lagjes numër 17. Dikur nga më të mëdhat në qytet, sot nuk ka mbetur asgjë. Edhe lulishtja “1 Maj” në qytetin bregdetar u shkatërrua për t’i hapur rrugën një serë ndërtimesh mbi të.

“Në shkatërrimin e lulishteve dhe sipërfaqeve të gjelbëra ndër vite nuk ka kontribuar vetëm privati me investimet e tyre, por edhe vetë bashkia e qytetit, me zbatimin e projekteve publike”.

Të tillë fat pësoi edhe lulishtja ne qëndër të qytetit. Pishat shumë vjecare të sheshit “Liria” u zëvendësuan me palma, ndërsa gjelbërimi dhe lulet me pllaka mermeri. Babëzisë së ndërtimit nuk i shpëtoi as lulishtja pranë Torres Veneciane si dhe ajo në hyrje të portit detar. Vënia në zbatim e projektit “Veliera” rrafshoi gjithçka.
Qytetarët flasin për mungesë të hapësirave shplodhëse dhe argëtuese për të rritur dhe fëmijë. Pa gjelbërim Durrësi po shëndërrohet në një qytet që vështirë të jetohet. Enkeleda Arapi/ abcnews.al

MBULIM-PROTESTAT-MBASDITE-ABC-M-5-T-2-HD.mpg_snapshot_00.13-1280x724.jpg
G. P.18:36 | 13/12/2018

Qytetarët e Durrësit bllokuan për pak minuta njërin krah të autostradës Tiranë-Durrës. Ata protestuan kundër taksave të larta, çmimit të karburantit dhe kushteve të rënda ekonomike. Në Berat ashtu si dhe ishte njoftuar, qytetarët të mbështetur nga dega e PD në këtë qytet protestuan për rritjen e çmimit të naftës.

Me pankartat “Mjaft premtime boshe”, “Jo taksa të larta” ate bllokuan për rreth 30 minuta zonën mes dy lagjeve muzeale Mangalem dhe Goricë. Protesta pati edhe në Shkodër dhe Rrogozhinë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono