Durrës

pushime-ne-durres-vlore-1280x718.jpg
nev ila15:28 | 16/07/2019

Situata politike në vend, një pjesë e turistëve anulojnë prenotimet në Vlorë dhe Durrës.

20 % e prenotimeve janë anuluar nga turistët e huaj në Vlorë. Arsyeja kryesore sipas kreut të Dhomës së Tregtisë në Vlorë Arben Breshani mbetet klima politike në vend.  Edhe në Durrës operatorët turistikë janë përballur me anulime të prenotimeve.

Situata politike ka ndikuar  në sektorin e turizmit në zonat bregdetare. Kreu i Dhomës së Tregtisë në Vlorë, Arben Breshani konfirmon për ABC News se janë anuluar 20% e prenotimeve nga shoqëri dhe kompani turistike të huaja. Shkaku kryesor sipas tij mbetet klima politike.

Breshani thotë se ekziston pasiguria për anulime në masën 50% sezonin e ardhshëm.

E njëjta gjendje paraqitet edhe në Durrës. Kreu i shoqatës së Turizmit në këtë qytet Eduard Xhepa pranon se ndryshe nga vitet e kaluara operatorët turistike janë përballur me anulime të prenotimeve nga turistët.

Periudha që ka numrin më të madh të prenotimeve është muaji gusht. Në kushtet kur numri i vizitorëve nuk është në pritshmëritë e operatorëve turistike, këta të fundit po punojnë për të zgjatur edhe pak në kohë sezonin./ABC News Albania 24/7

gjykata-e-durresit.jpg
G. P.12:03 | 14/07/2019

Gjykata e Durrësit ka dhënë masën e sigurisë arrest me burg për shtetasin rus Rasul Mislaev 34 vjeç, me qëllim ekstradimi. 34 vjeçari ishte shpallur në kërkim nga Interpoli në Moskë, pasi Gjykata e Rrethit Gjyqësor në Nadterechni e akuzoi për veprën penale “Pjesëmarrja në organizatë terroriste”. Ai kishte hyrë në vendin tonë si emigrant i paligjshëm.

Ndërsa arrestimi i tij u bë i mundur tre ditë më parë nga policia  e Shtetit në Shqipëri në bashkëpunim me agjencitë ligjzbatuese partnere. 34-vjeçari thuhet se në Qershor të vitit 2013 është larguar nga Rusia për në Siri, ku i është bashkuar Shtetit Islamik (ISIS), duke qenë pjesëmarrës aktiv në luftime kundër forcave qeveritare në Siri./ABC News Albania 24/7

 

durresiii.jpg
G. P.11:03 | 14/07/2019

Një furgon mallrash ka dalë nga rruga në rrugën dytësore Tiranë-Vorë, duke shkaktuar një viktimë dhe një të plagosur. Sipas dëshmitarëve okular, drejtuesi i mjetit ka humbur kontrollin e tij dhe më pas u përplasur me bordurën anësore të rrugës.

Për pasojë ka humbur jetën pasagjerja që udhëtonte në furgon,  e cila nuk është identifikuar ende, pasi nuk kishte letërnjoftim. Ndërkohë policia njoftoi se gjendje të rëndë shëndetësore është drejtuesi i mjetit, një 28-vjeçar me inicialet A.K.

Grupi hetimit dyshon se shkak për këtë aksident të fatal, mund të ketë qenë shpejtësia tej normave e lëvizjes së automjetit tip furgon mallrash. /ABC News Albania 24/7

DURRES-PARKIMET_aBC-M2-T1.mpg_snapshot_00.43-1280x720.jpg
ent ela14:15 | 13/07/2019

Në këtë sezon turistik lëvizja në qytetin e Durrësit bëhet e pamundur. Për shkak të mungesë së parkimeve mjetet qëndrojnë në trotuar dhe këmbësorët qarkullojnë në kaos.

Makinat kanë zaptuar trotuarët. Kurse këmbësorët shtyhen për të gjetur një hapësirë. Mungesa e vendparkimeve në zonën më të madhe turistike në Plazh të Durrësit, do të thotë lëvizje në kaos. Me hapësira të pamamjaftueshme për rezidentët, në kohë sezoni ku popullsia shumëfishohet, situata të tilla janë të përditshme.

Automjete jo vetëm të parkuara mbi trotuare të destinuara për këmbësorët, apo edhe në vende rreptësishtë të ndaluara.

Sorollatja për të gjetur një vend parkim u kushton minuta të tëra. Drejtuesit e automjeteve thonë se e kanë të vështirë të gjejnë një vend parkimi.

Përgjatë dy viteve të fundit projektet e rrugëve u kanë dhënë përparësi këmbësorit, duke lënë pa zgjidhje hapësirat për parkime.

Kjo vazhdimisht sjell probleme në qarkullim, e nga ana tjetër i bën drejtuesit e mjeteve shënjestër të gjobave.

Në 48 orët e fundit siç njofton edhe policia afro 200 drejtues automjetesh janë penalizuar për parkime të gabuara.

Gazetare e ABC News, Durrës Enkeleda Arapi

arrestim-durres-933x445.jpg
Sej rie13:10 | 10/07/2019

Arrestohet i forti i bandës së Durrësit, Ermir Dervishi. Policia e ka arrestuar për qëllim ekstradimi drejt Italisë, ku gjykata e ka dënuar 49-vjeçarin me burgim të përjetshëm për veprën penale të vrasjes.

I shpallur në kërkim pasi është dënuar Policia ka arrestuar një shumë të kërkuar, i cili para 20 vjetësh kishte vrarë një person ne Itali. Ai është Ermir Dervishi 49 vjeç i njohur edhe si një nga të fortit e Bandës së Durrësit. Ermir Dervishi u arrestua  me qëllim ekstradimin drejt Italisë, i dënuar me burgim të përjetshëm, për kryerjen e veprës penale “Vrasja”.

Operacioni për kapen e tij u organizua nga forcat e posaçme Operacionale të Durrësit në bashkëpunim me Interpol Tirana dhe me Zyrën e Interforcës të policisë italiane. Dervishi, banues në Durrës ishte i shpallur në kërkim ndërkombëtar, pasi Gjykata e Apelit te Alessandrias, në datën 18.02.1999 e ka dënuar me burgim të përjetshëm, për kryerjen e veprës penale “Vrasja”, njofton policia./abcnews.al

ARRESTIMI-ARMET-1280x720.jpg
Sej rie13:00 | 10/07/2019

Policia e Durrësit ka arrestuar një shtetas polak që qarkullonte me armë zjarri. Në pranga ka rënë A.M., 47 vjeç, banues në lagjen Nr.18, Durrës.

Ky shtetas qarkullonte me armë me vete, të cilën e mbante në makinë dhe është kapur në lagjen Nr. 18, Durrës ku gjatë kontrollit të ushtruar në automjetin e tij, Policia ka gjetur një armë zjarri tip  Pistoletë “TT” dhe 7 fishekë, të cilat u sekuestruan në cilësinë e provës materiale.

Materialet hetimore i kaluan Prokurorisë pranë Gjykatës së Shkallës së parë Durrës në ngarkim të shtetasit të mësipërm për veprën penale “Prodhimi dhe mbajtja pa leje e armëve luftarake dhe municionit”.

durres-femijet-1280x721.jpg
nev ila14:30 | 09/07/2019

Në Durrës urgjenca e spitalit është e mbushur me fëmijë me shqetësime shëndetësore për shkak të temperaturave të larta. Mjekët janë porosi për prindërit të cilët në këtë situatë duhet të ndjekin rregulla të rrepta.

Afro 110 fëmijë nga 0 deri në 14 vjeç paraqiten çdo ditë pranë pediatrisë së Durrësit për të marrë ndihmë mjekësorë.
Fluksi në rritje ka ardhur si pasojë e temperaturave të larta.

Në pediatri pacientët e vegjël paraqiten me çrregullime gastrointenstinale dhe inflamacione të fytit dhe bajame:
Shefi i repartit të pediatrisë Fatmir Shahini shprehet se përgjithësisht fëmijët kanë temperaturë të lartë dhe të vjella.

Në këtë periudhë të pikut prindërit këshillohen që të mos i ekspozojnë shumë në diell fëmijët, ti veshin lehtë dhe të bëjnë shpesh banja me ujë.

Mjeku ka theksuar edhe kujdesin që duhet pasur tek ushqimi në mënyrë që të shmangen ushqimet që qëndrojnë për disa ditë në frigorifer, përdorimi i lëngjeve të freskëta dhe jo ato të konservuara./ABC News Albania 24/7

5d2252a6b9187basha5-1280x960.jpg
Sej rie22:15 | 07/07/2019

Kreu i opozitës, Lulzim Basha, pas vizitës në Kamëz dhe në Vorë, është ndalur një ditë para protestës edhe në qytetin e Durrësit.

Basha nga Durrësi ka bërë thirrje të gjithë qytetarëve që të bashkohen në protestën e nesërme për të vazhduar protestën deri në largimin e kryeministrit Rama.

Më pas Basha falënderoi qytetarët e Durrësit që sipas tij refuzuan masivisht regjimin e Edi Ramës më 30 Qershor.

 “Masivisht duhet t’i bashkohemi protestes së ditës së nesërme për të treguar se të gjithë bashkë do ta bëjmë Shqipërinë si gjithë Europa. E nesërmja është bashkim i qytetarëve europiane që luftojnë për vlerat dhe parimet europiane”- tha Basha në takimin informal që zhvilloi në Durrës mbrëmjen e së dielës.

“30 Qershori ishte dita që shënoi fillimin e fundit real të Edi Ramës”- u shpreh më pas kryetari i Partisë Demokratike./abcnews.al

minjte.jpg
G. P.14:32 | 05/07/2019

Ashtu sikur në Shëngjin, Divjakë edhe në Durrës mushkonjat po shqetësojnë pushuesit. Dezinsektimi nuk është bërë dhe nuk dihen arsyet pse kjo bregdeti është lënë në këtë situatë.

Thirrjet për urgjencë këto ditë në Durrës nuk janë të zakonshme. Ambulancat nxitojnë të marrin të infektuarit nga pickimet e mushkonjave. Në qendrat shëndetësore verore rastet janë të shumta.

“Rastet kanë qenë tepër të shpeshta si me pickime nga peshqit ashtu edhe nga insektet”.

Muaji Korrik përkon me mbipopullimin e plazheve nga turistët, por edhe me çeljen e larvave te insekteve. Dezinsektimi nuk është bërë plotësisht. Në Durrës vetëm në një pjese të anës së detit, kurse në pjesë të tjera të plazhit ende jo.

“Ka një grafik nga Bashkia e Durrësit që ndiqet rregullisht për deinsektimin për mushkonja dhe për miza dhe për brejtës. Për dezinfektimin e rërës bëhet në fund të Majit që është me program”, tha Alfred Dhuli drejtori i Komunales Plazh.

Kjo situatë po i shqetëson pushuesit. Ata thonë se janë të padurueshme dhe se si në këtë sezon ka vite që nuk ka patur kaq shumë mushkonja. Por në Durrës, situata nuk është e rëndë vetëm në bregdet. Në qendrat e banuara veç mushkonjave kanë dalë dhe minjtë.

“Mushkonjat tek e fundit kanë dalë gjithandej dhe nuk është ky problemi kryesor. Problemi kryesor janë ato minjtë që aty është një skandal i madh”, tha një pushues.

“Nuk kanë marrë masa fare. Për ato jemi të shqetësuar për arsye të fëmijëve”, tha një tjetër.

Instituti i Shëndetit Publik, ende nuk ka vepruar sipas planit të ndërhyrjes që bëhet çdo vit jo vetëm në zonat e plazhit. Informacioni për kohën se kur do të ndodhë, i mungon edhe vendorëve.

“Për sa i përket Ministrisë së Shëndetësisë nuk kam informacion për çfarë kanë bërë ata”, tha Alfred Dhuli.

ABC News përmes kronikave të ditëve të fundit ka paraqitur dëmet nga insektet në Shëngjin, Divjakë, tashmë dhe në Durrës. I pyetur nga ABC News gjatë bashkëbisedimit që pati këtë të premte me gazetarë,  Ministrja e Shëndetësisë Ogerta Manastirliu nuk pranoj të komentojë situatën e krijuar si mungesë e dezinsektimit në zonat bregdetare. Ajo tha se për këtë problem duhet t’i drejtohemi ISHP-së./ABC News Albania 24/7

berisha-per-dhermiun.jpg
nev ila13:01 | 03/07/2019

Ish kryeministri Berisha, përmes një postimi në rrjetet sociale, bën me dije se, një mesazh i qytetarit dixhital, ka njoftuar për dhunimin deri në gjendje kome, të një adoleshenti në Ishëm të Durrësit. Sipas Berishës, ky është një krim tjetër i fshehur dhe i shëmtuar.

Nje krim tjeter i shemtuar dhe i fshehur!

Lexoni denoncimin e qytetarit dixhital. sb

Doktor, uroj shendet per ju!! Turp i madh per ne! Ne Ishem te Durresit ne mengjes gjendet adoleshenti i dhunuar per vdekje dhe i hedhur ne germadhe prane shkolles se mesme. Pika gjaku kudo dhe me andej gjaku pellg nga plaget e djaloshit. Ka qe te premten ne gjendje kome ne Tirane dhe askush nuk ka reaguar. Ju lutem publikojeni pasi ky fenomen ngjall panik ne komunitet dhe tregon qe ne jemi te pambrojtur. ABlerim Likmeta, nga lagja Likmetaj e Ishmit cdo gje eshte misterioze. Ka ardhur e ka marre por policia ska bere asnje hetim djali eshte tek ushtaraku me pak shpresa per jeten. Ka qe te Premten ne mengjes qe eshte gjetur dhe kjo pjese eshte e dyshimte pasi djali ka qene ne mes te nje ferre qe veshtire te gjendet rastrsisht. Jemi te shokuar.Kjo nuk eshte policia qe duam doktor, asnje ekspertize ne vendngjarje nderkohe qe djali ka qene mbuluar ne gjak, kafka e tij ka qene e demtuar nga goditjet sipas babait te tij ne baze te asaj qe i kane thene mjeket ne Tirane djali eshte goditur me mjete te forta ne koke duke i demtuar kafken.anonim ju lutem. Faleminderit”, shkruan Berisha./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono