Duka

mbledhja-e-Koksh.jpg
Veronik Istrefaj20:56 | 09/02/2020

NUK KA NDRYSHIME NE KOKSH DERI NE LOJRAT OLIMPIKE. ZGJEDHJE TE REJA E NDRYSHIME NE STATUT DERI NE FUND TE VITIT

Kompromis në Asamblenë e Jashtëzakonshme të Komitetit Olimpik Kombëtar Shqiptar. Me ndërmjetësimin ndërkombëtar, u ra dakord që organet drejtuese të vazhdojnë punën deri në Lojërat Olimpike në Tokio, dhe më pas të ketë ndryshime në statut, dhe zgjedhje të reja.

ARMAND DUKA, PRESIDENT I FSHF-së
GENC BOGA, MBAJTES I THESARIT NE KOKSH
VIRON BEZHANI, PRESIDENT I KOKSH-it
ERALD DERVISHI, FEDERATA SHQIPTARE E SHAHUT
ZHEROM POJE, KOMITETI OLIMPIK NDERKOMBETAR

Një ushtarak i famshëm francez e quajti Traktarin e Versajës pas Luftës së Parë Botërore si një armëpushim 20-vjeçar, dhe doli i saktë. Besohet, një armëpushim disa mujor ishte akordi i arritur në fund të Asamblesë së Jashtëzakonshme të Komitetit Olimpik Kombëtar Shqiptar.

U miratua propozimi i bërë nga presidenti i Federatës Shqiptare të Futbollit, Armand Duka, për të lënë në fuqi organet drejtuese deri në Lojërat Olimpike në Tokio, e për të organizuar më pas zgjedhje të reja.

Asambleja u thirr nga 2/3 e anëtarëve, pas akuzave të presidentit Viron Bezhani ndaj Sekretarit Stavri Bello dhe bordit drejtues, për shpërdorim të fondeve, dhe skenari fillestar ishte ky.

Presidenti I futbollit, Duka, foli në emër të 15 federatave. Debatet ishin të ashpra dhe kundër Dukës foli mbajtësi I Thesarit të KOKSH-it, Boga, me gjasë një nga njerëzit më të fuqishëm në bord.

Në Asamble u kuptua pozicionimi i grupeve, njëri kundër presidentit, që kërkoi ta niste me votëbesimin për Bezhanin, i një grupi pro presidentit, dhe një tjetër më i pavarur.

Vetë Bezhani i mbrojti akuzat e tij. Me gjasë, palët e kuptuan se duhej një kompromis i ri, pasi Asambleja mund të përfundonte keq. Pra, duhej pushim. Përfaqësuesi i Komitetit Olimpik Ndërkombëtar, Zherom Poje, u ul në kafen e Hotel Tiranës me Bezhanin, Dukën, Bibën e të tjerë. Më pas, vetë Duka bëri propozimin e ndryshuar.

Vërejtja më e fortë ndaj këtij propozimi u bë nga Mjeshtri i Madh Ndërkombëtar i Shahut, Erald Dervishi. Për t’i vënë vulën, ashtu si në 1997 e në çdo rast të politikës, u detyrua të fliste ndërkombëtari.

“Të biem dakord në parim me rezolutën që propozon presidenti, me një amendament që ka të bëjë me ndryshimin e procedurave të statutit. Statuti është i mirë, por mund të ndryshohet. Kombinojmë propozimin e presidentit me propozimin e Federatës së Futbollit. Të ruhet statuskuoja e organeve drejtuese deri në zgjedhjet e radhës, që do të mbahen pas Lojërave Olimpike dhe ka konsensus që të organizohen deri në fund të këtij viti”.

Presidentit Bezhani nuk i mbeti tjetër përveçse të shtronte formalisht propozimin në votë. Miratimi u krye me 44 vota pro dhe vetëm 3 kundër, ndërsa presidenti Bezhani premtoi diçka në dalje nga Asambleja./abcnews.al

Duka-Panucci-1280x729.jpg
Veronik Istrefaj13:49 | 07/02/2020

Ish-trajneri i Shqipërisë, Christian Panucci, ka dhënë një intervistë të gjatë për “Gazzetta Dello Sport”, aty ku foli dhe për aventurën e tij në Shqipëri. Trajneri italian tha se Duka kishte dhënë disa deklarata të shëmtuara pas largimit të tij, si dhe pranoi se stoli i Shqipërisë, ishte puna më e vështirë për t’u marrë përsipër.

“Kur mbërrita në Shqipëri, skuadra ishte në vend të katërt në grupin kualifikues për Botërorin e 2018. Në fund, e mbyllën të tretë. Shqipëria është një shtet shumë i komplikuar.

Pas Euro 2016, stoli më i vështirë për t’u marrë përsipër, ishte i Shqipërisë. Ishte stoli më i vështirë, pasi skuadra vite nga një Europian i arritur për herë të parë, të kryeje stërvitje ishte “gjysmë-vetëvrasje”.

Në kualifikueset e Euro2020, ishim në vend të katërt. Të renditeshim të tretët, do ishte arritje e suksesshme, të dytët një mrekulli. Megjithatë, unë jam i lumtur, një eksperiencë e jashtëzakonshme për mua.

Presidenti i Federatës Shqiptare ka thënë disa deklarata të shëmtuara për mua, por kur isha unë atje, sillej si president dhe nuk ndërhynte në asgjë. Më la të punoj i qetë”, përfundoi Panucci./abcnews.al

Duka-Panucci-1280x729.jpg
Veronik Istrefaj11:02 | 10/01/2020

Armando Duka ka folur hapur! Presidenti i Federatës Shqiptarë të Futbollit ka dhënë një intervistë për “RadioSei”, aty ku i thuri elozhe Eduardo Rejës, si dhe shpërtheu kundrejt ish-trajnerit, Christian Panucci.

“Teknikët italianë janë më të mirët”, tha fillimisht Duka për Radiosei. “Reja ishte pak i hutuar në fillim, kështu që Igli (Tare) e thirri dhe e bindi që të bëhej trajneri i Shqipërisë. Edy ka një përvojë shumë të mirë si trajner dhe një njeri i mençur. Ai solli një buzëqeshje përsëri në ekip dhe ka një atmosferë përfundimisht konstruktive”.

PANUCCI – “Një zgjedhje e gabuar, shkatërroi ekipin. Ai është një njeri me konflikt: ai kurrë nuk do të jetë trajner. Pas çdo ndeshje pati tensione me shtypin, ajo krijoi çarje në ekip. Ai nuk mendon për futbollin, por vetëm për paratë. Kur e njoftova për shkarkimi, menjëherë më tha që do të pretendonte edhe qindarkën e fundit.. Nuk është çështje ekonomike, por korrektësi etike”, përfundoi Duka./abcnews.al

Duka-Panucci-1280x729.jpg
Veronik Istrefaj20:13 | 08/01/2020

Presidenti i Federatës Shqiptare të Futbollit, Armando Duka, ka dhënë një intervistë të gjatë për “Gazzetta Dello Sport”, aty ku ka prekur shumë tema. Më shumë, Duka u ndalua te trajnerët italianë, si dhe te futbollistët shqiptarë që luajnë në Serie A.

TRAJNERËT – “Pas kualifikimit historik në Euro 2016, synojmë të shkojmë në Euro 2024 me Edi Rejën, trajner i kombëtares sonë dhe të moshave U-17, U-19, U-21. U besojmë shpesh trajnerëve italianë sepse janë mjeshtra të taktikës dhe të disiplinës. Talentet tona më të mëdha luajnë në Serinë A dhe kjo i ndihmon që të rriten”.

KUMBULLA – “Kumbulla është profili i lojtarit shqiptar me më shumë të ardhme. Është 20 vjeç, po bën gjëra të mira te Verona, është rritur tek moshat e këtij klubi dhe është thirrur nga trajneri Reja, madje ka debutuar duke luajtur disa minuta. Është i destinuar për të qenë një lojtar i madh. Është i fortë taktikisht, fizikisht dhe ka karakter të mirë. Te Verona është edhe Rrahmani, ka luajtur me Shqipërinë, por më pas vendosi të zgjedhë Kosovën”.

KAPITENI – “Hysaj është kapiteni ynë, është lojtari me më shumë eksperiencë dhe shpresojmë që të sërish hapësira tek Napoli. Me Ançelotin luajti shumë pak. Gjimshiti është një lojtar i mirë, luan në Champions dhe kjo nuk është pak për ne. Strakosha dhe Berisha janë të fortë dhe vënë në vështirësi zgjedhjeje trajnerin Reja. Por në Serinë B është edhe Veseli me Empolin”.

ITALIANËT – “Trajnerët italianë kanë sukses kudo, këtë e thotë historia. E nisa duke i dhënë besim Dossenës, por qëndroi pak. I dyti ishte De Biassi, na çoi në Europian për herë të parë dhe iu dha edhe nënshtetësia shqiptare. Tek ne konsiderohet hero. Pas tij erdhi Panuçi, i vetmi që më zhgënjeu pak. Nuk arriti të krijonte një klimë të mirë. Vendosa ta marr trajner për shkak të karakterit të fortë që tregonte në fushë, pasi e admiroja kur e shihja në televizor. Ishte pa eksperiencë si trajner, por kjo nuk më kushtëzoi që t’i ofroja postin në kombëtare. Kur erdhi më tha: ‘president, nëse një ditë do të më shkarkoni, atëherë nuk do t’ju kërkoj asgjë’. Nuk ndodhi kështu. Madje, tani na ka sjellë edhe një kërkesë që duhet t’i paguajmë shpërblimet e pas-shkarkimit. Këtë kërkesë po e studiojnë avokatët, por nuk është çështje lekësh, mua kjo më ka hidhëruar”.

REJA – “Është një trajner ekspert dhe së bashku me të dhe stafin e tij do të përpiqemi të çojmë përpara një projekt afatgjatë. Kualifikimi në Botëror është i vështirë, por synojmë me të gjitha forcat që të kualifikohemi në Euro 2024. Është ëndrra ime”.

AIR ALBANIA – “Stadiumi i ri është gjëja më e bukur në Shqipëri sot dhe është tejet i rëndësishëm për ne. Në stadiumet e qyteteve që u goditën nga tërmeti tani janë vendosur çadra për të dëmtuarit. Të gjithë lojtarët e Kombëtares dhuruan para të konsiderueshme për të dëmtuarit, ndërkohë që ka kontribuuar edhe vetë federata italiane me në krye presidentin Gravina. Reja gjithashtu dha një kontribut, por edhe klubi i Lacios. Me paratë e mbledhura do të mund të ndërtojmë shtëpi të reja. Më 10 janar do të luhet edhe një ndeshje mes legjendave të futbollit italian, grek, turk dhe shqiptar. Të ardhurat do të shkojnë për bamirësi”, përfundoi Armando Duka./abcnews.al

Armando-Duka-FSHF.jpg
Veronik Istrefaj11:35 | 27/12/2019

Presidenti i Federatës Shqiptare të Futbollit, Armando Duka, ka qenë i ftuar në emisionin “Opinion” në TV Klan mbrëmjen e djeshme, ku foli për stadiumin e ri. Gjithashtu, numri një i FSHF-së foli edhe për pasurinë e tij personale, ku tha se leke nuk ka, por vetëm prona.

“Jam shumë i gëzuar që kemi një stadium që i plotëson kushtet. Besoj që ndikon edhe në sjelljet e njerëzve. Ka vërejtje që qëndrojnë, por mendoj se balanca është pozitive. Pasuria ime? Të them të drejtën skam asnjë lekë, por kam prona (qesh).  

Kam aq lekë sa kam pasur në vitin ’91. Aq kam edhe tani. Ka të pasur që punojnë me ‘Cash’, ndërsa unë kam biznes e me prona. Ka nga ata që kanë tendencën të prodhojnë lekë e të investojnë. Unë se kam këtë“, përfundoi Duka./abcnews.al

Armando Duka, presidenti i FSHF-së, në emisionin “Opinion”
ceferin-duka.jpg
Veronik Istrefaj19:07 | 30/11/2019

Presidenti i FSHF-së, Armando Duka, ka qenë i pranishëm në Bukuresht, aty ku është hedhur shorti i Euro2020. Numri një i Federatës Shqiptare të Futbollit është takuar me presidentin e UEFA-s, Ceferin, si dhe disa homologë të tij, të cilëve iu ka kërkuar ndihmë për të prekurit nga tërmeti në Shqipëri. Me shumë gjasa, kombëtarja jonë kuqezi do të luajë ndonjë miqësore luksi me një nga skaudrat e mëdha europiane dhe të ardhurat, do të shkojnë për familjet e viktimave dhe të prekurve nga tërmeti.

Postimi i FSHF-së:

Presidenti i Federatës Shqiptare të Futbollit Armand Duka e ka përdorur pjesëmarrjen në ceremoninë e hedhjes së shorteut të Euro2020, për të siguruar ndihma për zonat e prekura nga tërmeti.

Presidenti Duka, ka biseduar nga afër me Presidentin e UEFA-s Ceferin lidhur me situatën e emergjente në Shqipëri dhe i ka kërkuar mbështetjen e institucionit më të lartë të futbollit evropian. Kjo temë është diskutuar edhe me këshillëtarin e lartë të UEFA-s, ish-futbollistin legjendar portugez, Luis Figo.

Presidenti Duka ka takuar disa nga homologët e tij, Presidentë të Federatave të vendeve evropiane dhe u ka kërkuar mbështetjen e tyre. Ata kanë marrë përsipër si hap të parë të shpërndajnë thirrjen për ndihmë të Shqipërisë në vendet e tyre. /abcnews.al

Brace-1280x853.jpg
Veronik Istrefaj16:27 | 23/11/2019

Zv. Kryeministri i Shqipërisë, Erion Braçe, vazhdon të bëjë polemika dhe të ketë përplasje në distancë me Federatën Shqiptare të Futbollit, si dhe me presidentin e saj, Armando Duka. Në faqen e tij zyrtare në Instagram, politikani i njohur shkroi:

MBRETI ARMANDO!

Muaji nëntor, ekipet kombëtare qe administrohen nga Presidenti i FSHF, patën ketë bilanc sportiv:

Luajtur 11 NDESHJE

Rezultatet – 9 HUMBJE, 2 BARAZIME, 0 FITORE,
6 GOLA TE SHENUAR DHE 30 GOLA TE PESUAR!

Mbreti Armando është spektakolar, për te s’ka rendësi humbja por, golat lart, pra spektakli! Ky është katalogu i frikshëm me numra i spektaklit me gola lart!

Sinqerisht, pas 7 ditësh shfaqje televizive-nisi ne 15, e fundit ka qene dje, ku mburret për vete e me sulmon mua, pret qe “ta shaj nga robt”, jo siç tifozët shajnë atë por siç ai shan tifozët!

Nuk e bej! Kam pafund respekt per njerëzit e tij, nderkohe qe ky thjesht me ben te qesh!

Shihini rezultatet e ekipeve kombetare ne vetem 17 dite!

A MUND TE MBURRET NEPER TV NJE PRESIDENT I TILLE?! Po!

Sa here qe ka bythelepires perpara, te cilet, kurre nuk flasin me te per futbollin, cilesine e rezultatet e tij, por flasin per parate!

Dhe ai tregetar eshte, per para e me para ju pergjigjet, madje i poshterron!

Po futbolli ku eshte? Mbreti Armando s’flet dot per futbollin e tij, s’ka rezultate.

Kjo eshte arsyeja qe del te thote se stadiumin Qemal Stafa e beri ai, te mbledhe merita prej tij, madje e ben aq shemtuar sa nuk i njeh asnje te tille kompanise investitore e ndertuese, punetoreve ne veper, arkitektit e grupit te inxhiniereve rreth tij, qeverise qe ishte ne thelb te projektit, FSHZH per projektin para e rreth stadiumit, bashkise Tirane per parkingun nen te etj.

Imagjinoni, eshte tamam ky qe kur nisi projekti, u sulmua e u baltos per tja treguar te paditurve qe nuk ishte nje projekt zhvillimi por grabitjeje, u fsheh, u zhduk, su pa kund, nuk foli asnjehere.

Ta shpif deri ne neveri, genjeshtra e tij se qeveria-jo une, qeveria, nuk ka dhene nje qindarke per futbollin! 2.2 miliard leke te rinj per Elbasanin, Shkodren e tani Kukesin ka dhene qeveria (jane dhe disa qindra milione paguar nga ne per palo stadiumin e Korces, lene pa paguar). I kemi dhene ekonomi, jo stadiume. Tani dua te qesh!

Dy te fundit prej tij:

1 – S’ka rendesi cilesia e futbollit, por e njerezve qe vijne ne stadium!

2 – Une ndikoj, por nje ekip i mire te mund me gjithe arbiter!

duka-reja.jpg
Veronik Istrefaj23:21 | 19/11/2019

Presidenti i FSHF-së, Armando Duka dhe trajneri italian, Edoardo Reja, kanë pasur sot një takim të gjatë, ku kanë diskutuar për rinovimin e kontratës së teknikut 74-vjeçar. Takimi ka zgjatur rreth pesë orë dhe palët kanë diskutuar gjerësisht për çdo detaj. Deri më tani, nuk ka ende nuk ka njoftim zyrtar, por me shumë gjasa, do të ketë një rinovim të teknikut italian.

ÇFARË THA DUKA PËR REJËN NË PRESSING – “Nuk i kam lexuar deklaratat e trajnerit, nuk kam biseduar as sot me trajnerin. Gjithsesi, unë e kam thënë para ndeshjes, që mënyra si ka drejtuar, asgjë nuk është perfekte. Perfeksionin e ka Zoti, jo Reja.

Por, nëse bëjmë bilancin, peshorja shkon pozitivisht. Gjithsesi, nuk mund t’i harroj dy ndeshjet e fundit, që ka përgjegjësi dhe trajnerin. Eksperienca e tij nuk duhet të na lejonte të shkonim e të nënvlerësonim Andorrën. Peshorja është nga ana pozitive dhe do të ulemi të bisedojmë.

Këto dy ndeshje, kanë lëkundur disi, pasi ishim emocionalë pas vërshëllimës së fundit. Ndeshja me Andorrën ishte rezultat negativ, por nuk duhet të merrja vendime emocionale. Nëse një trajner merr nota pozitive në 7 muaj, siç ka marrë Reja, nuk është profesionale që të ndërpresim bashkëpunimin”./abcnews.al

duka-9.jpg
Veronik Istrefaj23:36 | 18/11/2019

Presidenti i FSHF, Armando Duka, ka folur për paketën sportive dhe për mundësinë që klubet shqiptare kanë për bojkot të kampionatit. Në emisionin Pressing, Duka i preku të gjitha dhe në fjalën e tij, u shpreh: “Shiko, e mira është që premtimet kanë qenë që do të bëheshin disa ndryshime. Pavarësisht mënyrave negociuese, deri më tani nuk kemi një rezultat pozitiv.

E kam thënë dhe në një studio tjetër, nuk është e rëndësishme jam unë president apo jo, qoftë dhe nga jashtë do të jem një dashamirës i futbollit. Nëse nuk ka politika të qarta, sporti në përgjithësi, por unë po flas për futbollin, do ta ketë të vështirë për të bërë hapa cilësorë në ato nivele që ne kërkojmë. Do ta kemi të vështirë nëse nuk ndryshojmë infrastrukturën.

Ne nuk mund të mohojmë kontributet apo ndihmën e kryeministrit në stadiumin e Elbasanit, që ishte një bashkëpunim i shkëlqyer. Një bashkëpunim shumë i mirë për stadiumin e Shkodrës dhe të Kukësit, si dhe stadiumin që inauguruam dje. Nuk mjafton që të ndërtojmë 2-3 stadiume dhe kjo bëhet nëpërmjet paketës sportive dhe ndryshimeve në ligj. Para 1 jave isha në Çeki dhe Federata Çeke që ka të ardhura më shumë se ne, merrte 20 milionë euro në vit nga Qeveria, vetëm për futbollin e fëmijëve dhe arbritrat. Dikush tjetër thotë që biletat janë shumë shtrenjtë, nuk duhet ta shesim emrin e stadiumit. Por ne me ato para mbulojmë të gjitha kostot. Pa llogaritur çfarë kosto ka ekipi A.

Shteti duhet të mendojë seriozisht për sportin në Shqipëri. Qeveria ka 7-800 mijë euro buxhet për sportin, jo më e keqja në Europë. Nëse do të kemi një paketë ligjore, që do të bënim të mundur afrimin e investitorëve në sport, nëse nuk krijon një paketë ligjore, do ta kemi të vështirë. Kemi 20 mijë njerëz që luajnë futboll në Shqipëri dhe për mua, është shumë i pakët. Tirana ka pasur rreth 20 fusha, sot ka vetëm disa komplekse private të ndërtuar në periferi dhe nuk ka asnjë fushë tjetër. Më sa shoh unë, nuk ka dritë jeshile dhe paketa ligjore nuk do të bëhet, për mendimin tim.

Vullneti i kryeministrit ka qenë pozitiv, por mbase niveli i ekspertëve më poshtë nuk ka pasur argument apo mundësi financiare. Unë mendoj se sporti meriton më shumë nga buxheti i shtetit. Përderisa nuk kemi një produkt, deri më tani nuk ka ndodhur asgjë dhe ka kaluar shumë kohë. Unë kam bërë takim me Ministren e Financës, e cila nuk ka dhënë një dritë jeshile. Kam bërë takim me ekspert, grup parlamentar, me të gjithë.

Të gjithë kanë qenë negativë dhe kjo gjë më bën të besoj se kjo gjë nuk do të ndodhë. Mendoj se është një luftë mes premtimit dhe mundësive reale nga ekspertiza që ka më poshtë. Qoftë Idrizi, apo kushdo tjetër, do të ketë vështirësi. Nuk po flasim vetëm për klubet profesioniste, edhe të tjerat do të kenë të vështirë të mbijetojnë. Është i diskriminuar me shumë degë të tjera që i bëhen ndryshime.

Nëse këto nuk do të ndodhin, do e vuajë futbolli. Idrizi do mërzitet e do largohet. Pa pasur një bazë të shëndoshë, pa pasur një rrugë me perspektivë, do të largohet. Edhe mund të ndodhë që të bojkotohet kampionati. E premtuar dhe kjo, por nuk ka ndodhur deri tani. Drejtoria e Tatimeve bëri një marrëveshje me klubet që të shlyhen borxhet, por nëse kjo marrëveshje nuk mbahet, klubet rrezikojnë në fundin e vitit të tjetër”.

Do të luftojmë për ta arritur paketën ligjore. Nëse nuk është bërë, nuk do të thotë se nuk do të bëhet. Asnjëherë nuk ka pasur buxhet më të mirë. Qeveria ka investuar më shumë se çdo qeveri, me këto stadiume që janë bërë. Janë të pamjaftueshme për futbollin. Duhen bërë ligje që të mos varen nga dëshira e Ramës për të bërë një stadium në Kukës. Duhen ulur taksat”.
“Ceferin kishte ardhur për inaugurimin e stadiumit. Nuk ka diskutuar me kryeministrin për paketën ligjore. I përket politikave të brendshme ët një shteti. UEFA apo FIFA ndikon që të jesh në linje me statutet e tyre. Duhen zbatuar rregullat e tyre, nuk të imponon në ligjet e brendshme për financimin e futbollit. Nuk ka të drejtë dhe mundësi të ndikojë në këtë lloj ndryshimi. Ne mund t’i japim të drejtë qeverive për hallet që ka pasur. Ka ardhur koha që të bëhen ndryshimet”./abcnews.al

duka-12-1280x594.jpg
Veronik Istrefaj22:56 | 18/11/2019

Armando Duka, presidenti i FSHF-së, është i ftuar në emisionin Pressing, aty ku ka folur për të ardhmen e tij si president i FSHF, mundësinë e një trajneri shqiptar në krye të Shqipërisë dhe administratën e FSHF-së.

PENSION – “Në fakt, nëse në këto momente do e merrja vendimin për të dalë në pension, pasuese më e mirë se ty nuk do të kishte (drejtuar Einxhel Shkira). Nuk diskutohet që një ditë dikush tjetër do e drejtojë FSHF-në. Nëse ti e realizon pritshmëritë e komunitetit të futbollit, ata që janë objektive, pasi ata që janë jashtë, duhet të mendojnë se Shqipëria duhet të jetë kampione bote, me ekipe në Champions League. Por ato që janë brenda, e dinë mirë futbollin shqiptar dhe arritjet tona në këtë periudhë, nuk janë të pakta. Qoftë pjesëmarrja në Europian, qoftë dhe ky stadium që ndërtuam”.

TRAJNER SHQIPTAR – “Është koha që të kemi një trajner shqiptar në krye të pankinës, por nuk i heq të drejtën askujt. Ne kemi trajnerë shqiptarë që po drejtojnë klube dhe që mund të jenë në krye të kombëtares në të ardhmen. Nëse një trajner merr nota pozitive në 7 muaj, siç ka marrë Reja, nuk është profesionale që të ndërpresim bashkëpunimin. Sepse në afatshkurtër është shumë e vështirë të marrësh rezultat. De Biasit iu desh koha që të marrë rezultate pozitive dhe të shkojë në Europian. Trajnerëve iu duhet kohë që të njohin ekipin, kulturën e futbollit shqiptar”.

FSHF – “Administrata e Federatës së Futbollit është administrata më e mirë në Shqipëri dhe e them me plot bindje. Unë drejtoj dhe biznese dhe kam zili për administrimin e Federatës. Nëse shkoni në stadium, keni të përfaqësues të Federatës, me Ilir Shulkun në krye. Të gjithë janë profesionistë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono