dublin

erion-veliaj-dublin.jpg
G. P.14:57 | 27/04/2018

Për transformimin e Piramidës dhe ndërtimin e Teatrit Kombëtar në Tiranë, kryetari i bashkisë Erion Veliaj foli edhe në Dublin. Ai u takua me arkitektë irlandezë në takimin e Fondacionit të Arkitekturës.

Ndryshimin që ka pësuar Tirana në tre vitet e fundit kryebashkiaku Erion Veliaj e prezantoi ne takimin e Fondacionit Irlandez të Arkitekturës në Dublin. Sheshi “Skenderbej”, pazari apo bulevardi i ri ishin disa nga projektet për të cilat arkitektët irlandezë shfaqën interes. Ndërsa kryetari i bashkisë deklaroi se të tjera investime do të vijojnë.

 “Ishte një kënaqësi e veçantë që prezantova disa projekte shumë cilësore të Tiranës, si transformimi i Piramidës apo Teatri i ri Kombëtar. Më në fund po e shohim Shqipërinë përtej atyre cic-miceve të vogla, në një arenë ndërkombëtare, ku shumë prej këtyre artistëve dhe arkitektëve, me krijesat arkitekturore në Tiranë, po e vënë qytetin tonë në hartë. Sa më shumë dalim përtej bahçes tonë, të zënkave të vogla, kuptojmë reputacionin që po fiton Tirana dhe Shqipëria, puna e bashkisë dhe puna e qeverisë, çka na ndihmon të fokusohemi, të ecim përpara me gjërat që na bëjnë bashkë dhe jo të përçahemi për cic-mice të vogla” 

Gjatë qëndrimit në Dublin, kryebashkiaku Veliaj u prit në një takim të veçantë edhe nga zëvendëskryeministri dhe ministri i Jashtëm i Irlandës, Simon Coveney.

Në bisedë me to theksoi bindjen se Shqipëria e meriton hapjen e negociatave të anëtarësimit ne Bashkimin Europian.

“Shqipërisë i duhet çdo mik, Tiranës i duhet çdo mik, dhe më vjen mirë që Irlanda, një histori suksesi se si një ekonomi totalisht rurale, me një emigracion shumë të madh, kryesisht në SHBA dhe në Angli, shumë e ngjashme me Shqipërinë, u bë një histori suksesi falë përkushtimit në integrimin në Bashkimin Europian. Shembulli i Irlandës apo i Dublinit, që ashtu si Tirana është shtëpia e 1/3 së popullsisë dhe 50% e ekonomisë së vendit, mund të jetë motor i zhvillimit dhe integrimit të vendit. Kemi nevojë dhe i meritojmë këto negociata, si mënyrë për të dëshmuar vokacionin tonë europian dhe për të vazhduar me ritme akoma më të shpejta zhvillimi”.

“New Now Next” është një program i hartuar nga Fondacioni Irlandez i Arkitekturës i lidhur me dizajnin inovativ, zhvillimin e ndërtesave e qyteteve. “New Now Next” kërkon të shpërndajë ide të reja në lidhje me çështjet bashkëkohore që mund të ndikojnë në gjeneratën tjetër./abcnews.al

missing-Olta-Dodaj-kildare-120418.png
G. P.09:08 | 16/04/2018

Autoritetet irlandeze janë duke kërkuar për një 17-vjeçare shqiptare, e cila është shpallur e humbur. Olta Dodaj ka humbur kontaktin me familjen që prej orës 14:45 të së mërkurës së 11 Prillit në Newbridge.

Ndërkohë, policia irlandeze i ka bërë thirrje komunitetit shqiptar në Irlandë që të ndihmojnë në hetimet për 17-vjeçaren.

Autoritetet e përshkruajnë Olta Dodajn me një gjatësi prej rreth 160 centimetrash, të dobët, me flokë të gjatë kafe dhe sy kafe. Në momentin e fundit që është parë, ajo kishte veshur një xhaketë rozë, xhinse të zeza dhe atlete gri.

Zhdukja e shqiptares në rrethana misterioze ka ngjallur reagime në komunitet, duke shtuar frikën mbi sigurinë e të rinjve në vend.

Kjo sepse më 6 Mars, një brazilian, që më parë ishte shpallur i humbur, u gjet i vdekur në një park të Dublinit. Gjithashtu, pak muaj më parë, një meksikan tjetër është gjetur i vdekur në kryeqytetit irlandez./abcnews.al

vlcsnap-error438-1280x720.jpg
G. P.21:36 | 21/02/2018

Një luftë e ashpër mes dy grupeve kriminale ka futur në kaos kryeqytetin e Irlandës, Dublin. E ndërsa ka shkaktuar dhjetëra viktima, autoritetet kanë dhënë alarmin për 29 persona të tjerë që ndodhen në listën e vdekjes.

Prej dy vjetësh, një luftë mes dy klaneve kriminale për kontrollin e drogës përgjak rrugët e kryeqytetit të Irlandës, Dublin. Bëhet fjalë për dy banda të drejtuara nga dy liderë të pamëshirshëm, përplasja mes të cilëve u ka marrë jetën të paktën 15 personave në një kohë të shkurtër. Por së fundmi policia irlandeze ka dhënë alarmin, pasi në listën e vdekjes ndodhen edhe 29 persona të tjerë, të cilët konsiderohen “kufoma që ecin”.

Gjithçka nisi Shtatorin e vitit 2015, kur banda e Kristi Kajnahen eleminoi nipin e bosit rival Xherri Haç në Spanjë. Ky i fundit reagoi duke dërguar njerëzit e tij, që sulmuan me breshëri kallashnikovi një hotel ku ishin mbledhur njerëzit e Kajnahen. Por lëvizja rezultoi një bumerang, pasi Kajnahen, i njohur me pseudonimin “Murgu”, nisi një fushatë shfarrosjeje që çoi në vrasjen e 13 njerëzve të Haç. Përplasja e ashpër ka bërë që në Dublin të shtohen patrullat policore, të cilat janë vendosur edhe para shtëpive të anëtarëve të klaneve, për të shmangur ndonjë përplasje.

Ndërkohë, për shkak të dhunës, familjarë të afërm e të largët të dy bosëve kanë braktisur shtëpitë nga frika e hakmarrjeve. Sipas hetuesve, lufta mund të marrë fund vetëm me vrasjen e njërit prej bosëve. Në lojë mes dy klaneve është kontrolli i rrugëve të drogës që mbërrin në portin e Dublinit. Grupi i Kajnahen synon prej kohësh të vërë duart mbi këtë fetë të trafikut të drogës dhe e di mirë që vetëm duke eliminuar rivalët do të mund të ketë rrugë të lirë./abcnews/a;


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono