dubai

bertina-mehmeti.jpg
G. P.19:11 | 04/05/2019

Bertina Mehmeti është një nga personazhet më të dashura të showbizit shqiptar. Edhe pse punoi për një periudhë trevjeçare në Dubai, gazetat në atdhe shkruanin gjatë gjithë kohës për të.

Bertina ishte e ftuar këtë të shtunë në emisionin “Thumb”. Ajo ka rrëfyer para Aulona Mustës dhe Fatma Haxhialiut se kur iku në Dubai nuk donte të kthehej në Shqipëri. Megjithatë erdhi sërish për shkak të disa problemeve familjare.

Ish-banorja e Big Brother tregoi se nuk i pëlqen Shqipëria për shkak të energjisë negative mes njerëzve.

“Kur kam ikur nga Shqipëria për në Dubai gjithmonë kam menduar se nuk do kthehesha në Shqipëri. Megjithatë Zoti vendos shumë më ndryshe. Për shkak të disa gjërave familjare jam rikthyer sërish në Shqipëri. Megjithatë “never say never”.

Shqipëria nuk më pëlqen. E di që do thonë je antishqiptare, por nuk më pëlqen. E di pse nuk më pëlqen? Prej asaj energjisë negative mes njerëzve. Nëse njerëzit shohin që dikush arrin diçka njerëzit e kanë si tendencë pse ai duhet të jetë dhe unë do tentoj që atë ta sjell në nivelin tim”.

Këtu që në mëngjes të fillon ai stresi, ajo energjia nisesh në punë, ka trafik. Ndërkohë në Abu Dabi ka 6 korsi apo 8 korsi, ti ke vetëm një korsi. Do presësh radhën si fakir dhe shkon në punë pas një ore”, tha Bertina./abcnews.al

bertina.jpg
G. P.18:47 | 04/05/2019

Bertina Mehmeti, ish-banorja e “Big Brother” ishte e ftuara e radhës në emisionin “Thumb”. Ajo jetoi për pak vite në Dubai, por u kthye në Shqipëri për arsye familjare.

Në përgjithësi njerëzit kanë idenë që vajzat që shkojnë e punojnë në një vend të zhvilluar, pretendojnë se punojnë aty si eskorta. Bertina tregoi përpara Aulona Mustës dhe Fatma Haxhialiut se është ndjerë e paragjykuar kur thoshte se punonte atje. Madje ajo tregoi se ishte ndjerë e tillë edhe nga miqtë e saj.

“Ajo ka qenë pjesa më e vështirë. Pasi u ktheva në Shqipëri, një personazh, një miku im shumë i afërt më bënte disa pyetje absurde. Nuk e di ishte shumë e rëndë ajo pjesë që të dëgjoje që ndërkohë që ti lodhesh, strapacohesh sepse kur kujtoj atë fillimin me të vërtetë, ka qenë shumë i lodhshëm me 12 orë punë. Një lodhje ekstreme”, është shprehur Bertina./abcnews.al

gjoba.jpg
G. P.13:19 | 15/01/2019

Një restorant në Dubai ka vendosur që të gjobisë klientët të cilët nuk përfundojnë ushqimet e tyre. Sipas drejtuesve të restorantit, kjo nismë është kundër shpërdorimit të ushqimit.

Restoranti Gulou HotPot në Dubai gjobit klientët që lënë ushqim në pjatat e tyre. Nëse klientët do të pororsisin për shembull “hogo” që është dhe specialiteti i restorantit, një supë së cilës mund t’i shtosh përbërës të ndryshëm teksa vijon të ziejë dhe kur vendoset në tryezë, duhet ta konsumojnë të gjithën.

Pasi të kalojnë dy orë nga porosia, klientët mund të konsumojnë falaj pije pa asnjë limit. Pjata kushton 11 euro dhe 62 cent. Por nëse pjata nuk konsumohet e gjitha, klienti duhet të paguajë dyfishin e vlerës së porosisë. Menaxhuesit e restorantit pohojnë se synojnë të ndërgjegjësojnë klientët rreth sasisë së duhur të ushqimit që duhet të porosisin./abcnews.al

THACI-DHE-HARADINAJ-DIALOGU-1280x720.jpg
G. P.12:19 | 20/11/2018

Presidenti i Kosovës, Hashim Thaçi, reagoi për mos anëtarësimin e vendit në Interpol, duke thënë se në këtë çështje nuk ka asnjë fitues. Ndërkohë analistë të ndryshëm në Kosovë kërkojnë ndërprerjen e dialogut me Serbinë, si dhe një rritje të taksës ndaj mallrave serbe.

Në një deklaratë për shtyp nga Dubai, presidenti i Kosovës, Hashim Thaçi, deklaroi se nuk ka asnjë fitues, duke pranuar dështimin e vendit për t’u anëtarësuar në Interpol. Ai shtoi se aktualisht vendi është në një situatë që kërkon reflektim, në një rrethanë të një presioni nga ana e Serbisë për shtetet anëtare të Interpolit.

Sipas tij dështimi i së hënës tregon se duhet një përkushtimi më të madh politik e institucional. Thaçi theksoi se i vetmi fitimtar është vetëm krimi i organizuar. Kosova mori vetëm 68 vota pro, 51 vota kundër dhe 16 abstenime. Ndërkohë që gazetarë dhe analistë në Kosovë kërkojnë që Republika e Kosovës të ndërpresë bisedimet me Serbinë, pasi vendi dështoi të bëhet anëtare në Interpol. Përveç kësaj kërkohet dhe një rritje e mëtejshme e taksës ndaj mallrave serbe./abcnews.al

KEPUCET-DUBAI.mpg_snapshot_00.01-1280x720.jpg
G. P.19:59 | 28/09/2018

Kushtojnë plot 17 milionë dollarë dhe janë këpucët më të shtrenjta në botë që kanë dalë në shitje në Dubai. Në ankand mund të merrnin pjesë vetëm ata që kishin mjaftueshëm para në llogarinë bankare.

Harrojeni këpucën e kristalit të Hirushes, këpuca më e shtrenjtë në botë prej ari dhe diamantësh kushton 17 milionë dollarë. Këpucët kanë dalë në shitje në Dubai dhe për ankandin është zgjedhur një hotel me shtatë yje. Aty morën pjesë 50 të ftuar të veçantë të cilët ishin përzgjedhur në bazë të llogarive të tyre bankare.

Bashkë krijuesja e këtij modeli u shpreh se objektivi ishte një palë këpucë vërtet unike. Britanikaj The Sun shkruan se deri tani rekordin për këpucët më të shtrenjta e mbante krijeusja Debi Uingam me këpucët e ralizuara për vajzën e një miliarderi të Lindjes së Mesme. Ato kushtonin vetëm 14 milionë dollarë./abcnews.al

LULJA-BULIZMI-1280x720.jpg
ent ela13:30 | 09/05/2018

 “Ngacmo një lule” është eksperimenti më i ri i zhvilluar me disa nxënës shkolle në Dubai. Qëllimi i eksperimentit një mujor ështe përçimi i mesazhit kundër dhunës verbale dhe fizike në shkolla, i njohur si fenomeni i bulizmit.

Dy lule identike në një shkollë. Fëmijët duhet të kujdeseshin për njërën nga lulet dhe të trajtonin keq tjetrën. Pas 30 ditësh rezultatet ishin të dukshme. Lulja e parë kishte çelur, ndërsa tjetra i kishte gjethet e thara. Eksperimenti “ngacmo një lule” u ideua nga Ikea në Dubai për t’i dhënë mesazh fëmijëve për dhunën verbale dhe fizike.

Ndryshimi qëndron tek fjalët. Të dyja lulet morën të njëjtën sasi uji dhe drite. I vetmi ndryshim ishte sjellja e nxënësve të shkollës ndaj tyre. Nëse nga njëra anë kishte përkëdhelje, komplimente dhe fjalë inkurajuese, nga ana tjetër kishte vetëm ofendime dhe fyerje. Nxënësit u filmuan për të regjistruar ato fjalë që I thoshin bimëve, në mënyrë që zërat e tyre të dëgjoheshin 24 orë në ditë.

Pas 30 ditësh ata u thirrën për të parë me sytë e tyre pasojën e sjelljeve që kishin pasur me lulet. Ajo që kishte marrë vetëm komplimente ishte rritur, ndërsa tjetra i kishte gjethet e thara. Mesazhi ishte i qartë, në thelb kjo është ajo që i ndodh atyre që janë viktima të bulizmit, qoftë ai verbal apo fizik. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono