Drogë

coco.jpg
R D19:27 | 17/01/2020

Policia sekuestroi një sasi të konsiderueshme lëndë narkotike të llojit çokollatë në Tiranë.

Operacioni u zhvillua nga agjentët e antidrogës, të cilët gjetën në një banesë 60 kg drogë, e cila dyshohet se do të transportohej jashtë vendit.

Gazetari i Abc News, Andi Qosja raporton se “operacioni është në vijim edhe në qytete të tjera të vendit, si Durrës, Fier dhe Dibër”.

Deri më tani janë arrestuar 6 persona, ndër ta kreu i grupit, Pajtim Aga, i cili u prangos në Tiranë.  Ai ka qenë i dënuar më heret po për të njëjtën vepër penale.

Arrestimet u kryhen nga Forcat Operacionele Speciale, ndërsa grupi kriminal po mbahej nen vezhgim prej më shumë se 3 muajsh. /abcnews.al

dda-itali.jpg
nev ila12:49 | 17/01/2020

Mëngjesin e sotëm 22 persona u arrestuan nga policia në një operacion mes Puglia, Molise, Abruzzo, Campania dhe gjithashtu në Hollandë, Angli, Gjermani dhe Shqipëri.

Ky operacion është kryer nga agjentët kundër trafikut dhe krimit të organizuar në Itali DDA, i cili ka bërë të mundur shkatërrimin e një organizate të dedikuar për trafikun ndërkombëtar të drogës.

Urdhri i lëshuar nga gjykatësi  i Gjykatës së Barit, me kërkesë të DDA-së, për eksponentë të dyshuar të një organizate kriminale ndërkombëtare  italo-shqiptare, të akuzuar për trafik ndërkombëtar droge, armë dhe krim të organizuar, në tregtimin e drogës, midis Andria dhe Cerignola.

Për ekzekutimin e disa masave paraprake në Shqipëri, policia ka punuar në bashkëpunim me departamentin e policisë kriminale dhe zyrën shqiptare të Interpolit.

Hetimet u ngritën pas vrasjes së Francesco Ferrante, i vrarë në Trani në janar 2015.

Sipas hetuesve, vrasja ndodhi për prishje të pazareve të drogës.

Gjatë këtyre hetimeve, hetuesit zbuluan dy organizata të veçanta kriminale të lidhura së bashku, njëra që vepronte midis Cerignola dhe Foggia dhe tjetra midis Andria dhe Barletta.

Droga u importua nga Hollanda, Shqipëria dhe Gjermania nga një shqiptar, përmes bashkatdhetarëve të tij, me vendbanim në Evropën veriore.

Organizata furnizonte grupet  italiane me kokainë, heroinë, hashash dhe marijuanë.

Policët zbuluan se korrierët e drogës transportonin drogen përmes fundeve të dyfishta në makinat që transportonin drogën.

Nga Puglia droga transportohej më tej në Cerignola, San Salvo, Pescara dhe Barletta. Më pas, u shpërndahej gjithë rrjetit të trafikantëve e tjerë deri sa e nxirrnin në treg përmes shpërndarësve të drogës.

Emrat e shqiptarëve të arrestuar nga operacioni i sotëm:

-Denis Bimi,

-Besmir Sylja,

-Luan Delaj.

Nga hetimet ka rezultuar se:

-Janë sekuestruar ne Pescara, me 8 gusht 2016, 5.5 kilogramë kokainë, e kryer gjatë arrestimit të Ramiz Smajlaj.

-Janë sekuestruar ne Foggia, me 12 shtator 2016, 100 kilogramëve marijuanë dhe një pushkë gjysmë automatike belge, kalibër 30, e pajisur me fishekë gjate arrestimit në flagrancë të Paul Mandrescu, Roberto Alexa, Armand Rameta dhe Merlin Myftaraj.

-Është sekuestruar ne Foggia, me 7 Tetor 2016, një sasi prej 9.5 kg marijuanë, e kryer gjatë arrestimit të Denis Uku dhe D.P.L.

Po ashtu janë sekuestruar armë dhe drogë që kanë patur lidhje me këto grupe ku kanë qenë të përfshirë edhe shqiptarë të tjerë.

Janë kryer 20 arrestime, dhe janë sekuestruar mbi 440 kg lëndë narkotike, përfshirë kokainë, heroinë, hashash dhe marihuanë.

Gjithashtu janë sekuestruar edhe disa armë, dhe para cash.

Ndërkohë policia italiane ka njoftuar se hetimet për zbulimin dhe shkatërrimin e gjithë rrjetit ende vazhdojnë./abcnews.al

qafe-bote-kontrolli.jpeg
nev ila11:09 | 17/01/2020

Ndalohet një automjet me lëndë narkotike në Qafë-Botë. Mjeti drejtohet nga shtetasi Arsen Hoxha, nga Cakrani i Fierit, i cili po udhëtonte me bashkëshorten drejt Greqisë.

Pasi mjeti iu ushtrua kontrollit nga policia kufitare e Sarandës, brenda mjetit u gjetën një sasi e konsiderueshme marijuane prej 70 kg.

40 vjeçari është arrestuar edhe më parë për trafik lëndësh narkotike por jo vetëm. Ai është arrestuar edhe në vitin 2014, për trafik klandestinësh në Sarandë./abcnews.al

municione.jpg
in a16:44 | 15/01/2020

Një denoncim i mbërritur në rrugë operative në polici, se një 40 vjeçar në fshatin Buz të Memaliajt fshihte në banesën e tij armë, municione dhe lëndë narkotike ka vënë në lëvizje Policinë e Tepelenës. Në denoncimin e tij qytetari tregonte se ai posedonte edhe lëndë narkotike.

40 –vjeçari Dine Kika nga fshati Buz, i Memaliaj është vënë në pranga nga Policia e Tepelenës në fshatin e tij pas denoncimit.

Gjatë kontrollit të ushtruar në banesën e tij unformat blu gjetën të fshehura një armë zjarri tip pushkë, dy armë gjahu pa leje dhe municion luftarak.

Ndërsa sasia prej 1.5 kg kanabisi u gjet në makinën e tij.

40 vjeçari akuzohet per “Mbajtje pa leje e armëve luftarake dhe municionit” dhe “Prodhimi dhe shitja e lëndëve narkotike”./abcnews.al

momo.jpg
in a18:17 | 13/01/2020

Një tjetër rast i trafikimit të lëndëve narkotike është goditur nga Policia Kufitare në Qafë Botë, në Sarandë. Pas kontrollit të ushtruar nga shërbimet e Policisë Kufitare, në bashkëpunim me ato doganore, në automjetin tip “Peugeot” është konstatuar se në pjesën e bagazhit ishte fshehur një sasi me lëndë narkotike, në një vend të hapur posaçërisht për fshehjen e saj.

Informacion/

Policia Kufitare në Qafë Botë, Sarandë, ka goditur një rast të tentativës për trafikim të lëndëve narkotike në drejtim të shtetit grek.

Sekuestrohen 36.3 kg kanabis në një automjet, vihet në pranga poseduesi.

Shërbimet e Policisë Kufitare, në zbatim të planit të masave për shtimin e kontrolleve në Pikat e Kalimit Kufitar dhe në kufirin e gjelbër, me qëllim parandalimin dhe goditjen e krimeve ndërkufitare, bazuar dhe në analizën e riskut, kanë kaluar në vijën e dytë për një kontroll më të detajuar një automjet, ku dyshohej se mund të transportohej lëndë narkotike.

Pas kontrollit të imtësishëm të ushtruar nga shërbimet e Policisë Kufitare, në bashkëpunim me ato doganore, duke përdorur edhe qenin antidrogë, në automjetin tip “Peugeot” është konstatuar se në pjesën e bagazhit ishte fshehur një sasi me lëndë narkotike, në një vend të hapur posaçërisht për fshehjen e saj.

Pas konstatimit, Policia Kufitare ka njoftuar grupin hetimor dhe specialistët për hetimin e narkotikëve në Komisariatin e Policisë Sarandë dhe pas kontrollit më të imtësishëm rezultoi se në mjet ishin fshehur gjithsej 36.3 kg lëndë narkotike, e dyshuar e llojit cannabis sativa.

Në përfundim të veprimeve procedurale, specialistët për hetimin e  narkotikëve kanë  arrestuar në flagrancë drejtuesin e mjetit shtetasin E. K., 36 vjeç, lindur në Librazhd dhe banues në Sarandë.

Materialet do t’i referohen prokurorisë, në ngarkim të tij, për veprën penale “Trafikimi i lëndëve narkotike, e mbetur në tentativë”./abcnews.al

policia-kamez.jpg
in a10:17 | 06/01/2020

Katër djem të rinj kanë rënë në prangat e policisë pas një aksioni policor në Kamzë. Policia bën me dije se kishin marrë informacion se do të realizohej shpërndarja e drogave të forta.

Ndërkohë materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale “Prodhimi dhe shitja e narkotikëve” e kryer në bashkëpunim.

Tiranë/Informacion

Finalizohet operacioni policor “RESTART”, për goditjen e shpërndarjes së drogave të forta në doza të vogla.

Operacioni nga Komisariati i Policisë Nr. 5, në bashkëpunim me Seksionin për Hetimin e Narkotikëve në DVP Tiranë.

Sekuestrohet një sasi lënde narkotike kokainë, e ndarë në doza.

Vihen në pranga 4 shtetas.

Në vijim të goditjeve të njëpasnjëshme të bëra gjatë vitit 2019, për parandalimin dhe goditjen e shpërndarjes së drogave në doza të vogla, si dhe në zbatim të planit të masave të hartuar për këtë qëllim, shërbimet e Komisariat të Policisë Nr. 5, në bashkëpunim me Seksionin për Hetimin e Narkotikëve në Drejtorinë Vendore të Policisë Tiranë, në bazë të informacioneve të siguruara në rrugë operative nga burime të ndryshme, finalizuan me sukses operacionin policor të koduar “RESTART”, në kuadër të të cilit u arrestuan në flagrancë shtetasit:

  1. N., 19 vjeç, A. T., 19 vjeç, M. Gj., 22 vjeç dhe J. P., 18 vjeç, të katërt lindur dhe banues ne Rrëshen.

Në bazë të informacioneve të marra në rrugë operative se disa të rinj po shpërndanin lëndë narkotike kokainë në zonën e Kamzës, Patrullat e Përgjithshme të Komisariat të Policisë Nr. 5, në bashkëpunim me Seksionin për Hetimin e Narkotikëve, kanë ushtruar kontrolle në disa ambiente dhe automjete.

Gjatë kontrollit të ushtruar në  automjetin që drejtohej nga shtetasi G. N., me pasagjerë shtetasit A. T., M. Gj. dhe J. P., Policia gjeti dhe sekuestroi një sasi dozash me lëndë narkotike, të dyshuar kokainë, të futura në qese farmaceutike gati për shitje, gjithsej 11.2 gr., të cilat u sekuestrua në cilësinë e provës materiale.

Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprën penale “Prodhimi dhe shitja e narkotikëve” e kryer në bashkëpunim./abcnews.al

droga-1280x589.jpg
ger ta09:22 | 03/01/2020

Policia Kufitare ka arrestuar një 59 vjeçar pasi i është gjetur në makinë një sasi heroine. Burime bëjnë me dije se kanë sekuestruar 555 gramë, lëndë narkotike, heroinë.

Droga është gjetur pas kontrollit në automjetin e B.R., 59 vjeç, banues në Berat. Sipas policisë heroina ishte e feshehur në çantën personale të 59 vjeçarit.

Njoftimi i plotë i policisë:

Policia Kufitare parandalon dhe godet një tentativë për trafikim të drogave të forta

Tentoi të trafikonte heroinë drejt Greqisë duke përfituar nga fluksi në PKK Kakavije, arrestohet në flagrancë nga policia.

Sekuestrohet  dy pako me  Heroinë, gjithsej 555 gramë.

Shërbimet e Policisë Kufitare në zbatim të planit të posaçëm  të masave për rritjen e kontrollit me qëllim parandalimin, evidentimin dhe goditjen e tentativës për trafikim të lëndëve narkotike duke përfituar edhe nga fluksi, si dhe në bazë të analizës së riskut, në dalje të Republikës së Shqipërisë  kanë përzgjedhur për kontroll të imtësishëm në vijën e dytë automjetin në pronësi të  shtetasit B.R., 59 vjeç, banues në Berat.

Pas verifikimeve dhe kontrollit të ushtruar në automjet, nga punonjësit e Policisë Kufitare, në çantën e tij personale u gjetën dy pako me lëndë të dyshuar narkotike heroinë, me peshë totale 555 gramë

Veprimet hetimore dhe procedurale të mëtejshme u kryen nga specialistët e Seksionit të Hetimit të Narkotikëve në D.V.P. Gjirokastër, të cilët bënë arrestimin në flagrancë të shtetasit B.R.,  për veprën penale “Trafikim i lëndëve narkotike”./abcnews.al

droga-2.jpg
R D22:04 | 30/12/2019

SPAK-u mbylli hetimet dhe dorëzoi dosjen e parë hetimore në Gjykatën Kundër Korrupsionit dhe Krimit të Organizuar (GJKKO). Bëhet fjalë për një dosje ku akuzohen 8 persona për trafik ndërkombëtar droge. Të akuzuarit janë Aranit Bida, Arben Cristea, Erando Mehmeti, Eduart Haxhi, Leonard Demiras, Gentian Rrapollari, Elvis Gjona dhe Andi Qiraxhi. Brenda 10 ditësh do të mbahet seanca paraprake në gjykatë, thanë burimet për Abc Neës.

Prokurori i çështjes, Eneid Nakuçi, shprehet në dosjen hetimore të dërguar në gjykatë, se 8 të akuzuarit kishin role të ndara në trafikimin e hashashit dhe konkretisht shtetasi Aranit Bita, siguronte lëndën narkotike në Tepelenë dhë më pas organizonte transportin në aksin Tepelenë-Fier, Rrogozhinë-Elbasan, me destinacion Pogradecin.

Në dosjen hetimore thuhet se lënda narkotike merrej në dorëzim nga shtetasi Elvis Gjonaj, i quajtur Gjoni. Pikërisht ky shtetas bënte të mundur dërgimin e hashashit drejt Greqisë në rrugë tokësore, dhe në Maqedoni me mjete lundruese nëpërmjet liqenit të Ohrit.
Më tej prokuroria thotë se, sipas të dhënave, shtetasi Aranit Bita dhe bashkëpuntorët e tij po grumbullonin sasi kanabis sativa, e cila po planifikohej të trafikohej në Turqi në shkëmbim të heroinës që do të sillej më tej në vendin tonë për t’u trafikuar e shpërndarë tek përdoruesit.

Në dosjen hetimore referohen edhe përgjime, mes tyre tyre edhe biseda për një shtetas turk që thirrej “Abi” dhe për të ciln thuhet se po e prisnin në Rinas.

Prokuroria thotë se nga përgjimet dhe vëzhgimet rezulton se Araniti ka biseduar me Lonard Demirasin ku shtojnë se do takoheshin në një pikë karburanti, ku ishte lënë peng një mjet Audi, që do shkëmbehej me një sasi droge të gjetur në Tepelenë.

Në total këtij grupi i janë kapur 39 copë me 547 paketime që pas peshimit rezultojnë 578 kg kanabis sativa. /abcnews.al

droga.jpg
ger ta15:28 | 27/12/2019

Arrestimi i një shqiptari në korrik të 2019 ka çuar në zbulimin e një grupi trafikantësh droge, në bregdetin e Pesaros në Itali.

20-vjeçari u kap me rreth 100 gram kokainë dhe me një shumë parash prej 7,000 euro, që besohet se ishin të ardhurat e trafikut të paligjshëm.

Në periudhën në vijim, hetimet vijuan dhe u arrit në gjurmimin e dy të rinjve, përkatësisht një azilkërkues gambian 21 vjeç dhe një italian 18 vjeç, që dyshohet se ishin të përfshirë në veprimtarinë e trafikimit të drogës.

Të dy të rinjtë ishin subjekt i një monitorimi të kujdesshëm, në mënyrë që të identifikojnë zinxhirin e furnizimit të drogës në zonën ujore të Pesaro-s.

Ata u monitoruan për disa kohë që të bëhej zbulimi i plotë i organizatës së drogës, që operonte në zonën e bregdetit Pesaros. Kështu u arrit të zbulohej se dy të rinjtë në fjalë furnizuan me hashash dhe kokainë  shumë bashkëmoshatarë, që rrinin në ambiente të ndryshme të Viale Trieste.

Hetimet bënë të mundur rindërtimin e skemës së si operonte rrjeti  drogës. Në këtë skemë trafiku ishte e përfshirë edhe e dashura 30-vjeçare e italianit, një maroken nga 22 vjeç, një 37 vjeçar, punëtor.

Gjithashtu një 41-vjeçar  nga zona e Vallefoglia, punëtor, që besohej të ishte bashkëpunëtori më i besuar i 37-vjeçarit të lartpërmendur, një 36-vjeçar gjithashtu me origjinë Campania me banim në Montelabbate, që besohet se ishte subjekti me kalibër më të madh për furnizimin e kokainës, partnerja e tij 32 vjeçare dhe dy “shpërndarës” 39 dhe 43 vjeç.

Kontrollet e shumta të kryera nga ekipi Pesaro çuan në sekuestrimin, në total, mbi 250 gram kokainë dhe rreth 200 gram hashash. Gjithashtu u arrestuan në flagrancë, nën akuzën e kryerjes së veprës penale mbajtja e lëndës narkotike dhe trafikimi i saj 41-vjeçari nga Vallefoglia, 36-vjeçari nga Campania, me banim në Montelabbate dhe 43-vjeçari nga Pesaro.

Të gjithë personat e tjerë të përfshirë iu dha masa e sigurisë ‘detyrim paraqitje’. Gjatë këtij hetimi u  identifikuan rreth 50 përdorues të rinj të drogës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono