droga

koka01-mesa.jpg
nev ila16:20 | 27/01/2020

Shkatërrimi i kartelit të kokainës në Greqi ka nxjerrë në skenë edhe njëherë forcën e grupeve kriminale shqiptare.

Siç shkruajnë mediat greke, dy agjentë të infiltruar kishin arritur të fitonin besimi e grupit kriminal dhe të futeshin në të në shtator 2018. Madje, njëri prej tyre, siç shkruan “Proto Thema”, ishte në velierën që transportoi drogën nga Karaibet në Astako.

Për dy vjet ata regjistruan lëvizjet e kartelit të drogës, duke njoftuar autoritetet, edhe me rrezik personal.

Kreu i grupit rezulton një kriminal nga Shqipëria me pseudonimin “Doktori”, ndërsa bashkëpunëtorët e tij jetonin prej vitesh në Greqi. Ai kishte lidhje në Afrike dhe në Spanjë.

Agjentët me emrat e rremë “Stavros Triantis” dhe “Kyriakos Stratias” regjistruan lëvizjet e kartelit dhe të velierës “Baracuda 7” me flamur grek.

Në 9 nëntor 2018, “Baracuda 7” niset nga Alimo për udhëtimin e largët dhe të jashtëligjshëm të transportit të drogës. Në velierë ndodhet agjenti i infiltruar “Stavros Triantis” dhe një trafikant nga Shqipëria, i quajtur Arben, banues në Spanjë.

Arbeni kishte komunikim të vazhdueshëm me organizatën, përmes një pajisjeje të veçantë komunikimi, nga e cila merrte urdhra.

Karteli i kokainës e nisi velierën 15 muaj më herët, duke pasur qëllim që të transportonte drogën në Astako, Aitiloakarnanias, në fillim të 2020.

Në 4 Dhjetor 2018, veliera arriti në portin e Tenerifes, bashkë me të sipërpërmendurit.

Në orët e mëngjesit të 13 dhjetorit 2018, në veliere shkuan dy shtetas shqiptarë, që të takonin ekuipazhin, ndërkohë që në takim kishte dhe persona të tjerë.

Në vazhdim, teksa panë prezencën e policëve spanjollë, që i ndiqnin, u vendos që të mos merrej asnjë vendim, deri në realizimin ose jo të udhëtimit.

Të nesermën një nga dy drejtuesit iku në rrugë ajrore nga Tenerife drejt Barcelonës.

Organizata kishte frikë se mos kishte ndonjë pajisje përgjuese në velierë dhe për këtë u kontrollua, dhe gjatë qëndrimit në Karaibe ndërroi disa herë vendqëndrim.

Organizata kishte tentuar dhe dy herë të tjera të transportonte drogë, por pa ja arritur qëllimit. Sipas agjentit të infiltruar, hera e parë ishte në tetor 2018 me mjet lundrues të pikasur në Marina Alimou.

Sipas agjentit, në mes të Janarit 2019, veliera arriti në Martinika të Karaibeve. Muajt kalonin dhe me urdhër të organizatës, “Stratia” hipi në velierë për të transportuar ngarkesën në Prevezë.

Lexo edhe: http://abcnews.al/emra-foto-1-18-ton-kokaine-kush-jane-shqiptaret-e-arrestuar-ne-greqi/

Takimi në Agrinjo

Në një rast, në një bar kafe në Agrinjo u realizua një takim mes agjentit të infiltruar dhe pjesëtarëve të organizatës në lidhje me pagesën e garancisë për tërheqjen e ngarkesës.

Pjesëtari i organizatës që u la takim ishte R. S., ndërsa ditën e takimit në distancë po ndiqnin edhe pjesëtarë të tjerë të organizatës, të cilët ishin në një automjet dhe në një furgon Renault, që shërbente për transport dhe ku u arrit të kapej vetëm pasagjeri.

Në kafene, agjenti i infiltruar takoi H. S dhe P. A. Këta të dy treguan garancinë 120.000 euro dhe kur agjenti pa shumën, i tha të iknin te shtëpia në Astako, ku ishte ngarkesa.

Pak më herët, në Athinë ishte lënë tjetër takim mes një agjenti të infiltruar dhe pjesëtarëve të tjerë të organizatës, po me të njëjtin qëllim, pra të jepeshin si garanci 109.550 euro.

Kështu dhe ndodhi, me garancinë për drogën që shkoi në 229.550 euro.

byro-politike-1-1280x605.jpg
nev ila22:18 | 22/01/2020

I gjashti i PS, Video Droga”! Kjo ka qenë tema në të cilën është zhvilluar emisioni “Byro Politike” me gazetaren Juli Xhokaxhi gjatë mbrëmjes së sotme në ABC News.

Me një panel të ftuarish të cilët kanë qenë: Flamur Noka, Spartak Koka, Mentor Kikia, Rovena Voda dhe Fatos Klosi nën moderimin e gazetares Juli Xhokaxhi, kanë dhënë opinionet e tyre në lidhje me videon e publikuar ditën e sotme, ekskluzivisht për ABC News, nga gazetari investigativ Artan Hoxha.

Në videon e publikuar ditën e sotme, shihej kryebashkiaku i Bulqizës ndërsa thithte lëndë narkotike (kokainë), në ambiente publike.

Gazetari dhe analisti Mentor Kikia tha se diskutimi mbi atë çfarë shihet në video, duhet të fillojë duke u distancuar nga rasti, dhe personazhi që shihet në video, pasi për të kjo gjë është një turp.

“Unë e kam përballë këtë video dhe më vjen turp, ju duhet të kishit mbajtur një qëndrim, dhe duhet të ishit distancuar menjëherë nga ky personazh. Nëse kjo do të kishte ndodhur në çdo qytet të Europës, do ishte bërë lajm edhe tek ne. Gjithçka duhet diskutuar duke u distancuar nga ky rast, nuk ka nevojë për ekspertizë apo gjë tjetër”, tha Kikia.

Pas opinionit që dha gazetari Kikia, zv/ministrja e brendshme Rovena Voda deklaroi se kishte një qëndrim korrekt të cilin e tha që në nisje të emisionit.

Sipas Vodës nëse kjo video është reale, atëherë organet ligjzbatuese të bëjnë detyrën e tyre.

“Unë e dhashë qëndrimin tim, dhe mendoj se ishte shumë korrekt. Nëse kjo video është reale agjencitë ligjzbatuese të bëjnë detyrën”, deklaroi Voda.

Për ish-kreun e SHISH Fatos Klosi, ajo që shihet në këtë video ndodh edhe në vendet e tjera të Europës me zyrtarë të lartë.

“Në vendet e Europës pinë drogë kryeministrat, mos na tregoni përralla”, tha Klosi.

Gjatë diskutimit në studio zv. Ministrja e Brendshme tha se ligji i dekriminalizimit po jep efektet e tij, duke marrë shkas nga rastet e publikuara për zyrtarët e inkriminuar.

Por këtij qëndrimi të zv.ministres, i ka ardhur përkundër përgjigja e ish-deputetit të PD, Flamur Noka.

Ligji i dekriminalizimit erdhi si pasojë e presionit të opozitës, sepse ne konstatuam se në parlament kishte njerëz me të shkuar kriminale, brenda parlamentit u zhvilluan akte banditeske, dhe ndaj ne e propozuam. E keni mbështetur dhe miratuar ju nga halli, sepse keni patur presion nga ndërkombëtarët por ligjin e bëri opozita. E pamë se ku ishte katandisur pushteti”, tha Noka në replikë me Vodën.

Për gazetarin Spartak Koka, nga ajo që shihet në video, ndodhemi përpara konsumimit të 2 veprave penale, atë të “prodhimit dhe shitjes së lëndëve narkotike” dhe “përshtatja e ambienteve publike për përdorimin e drogës”.

Koka tha se kjo video do të duhet ti nënshtrohet ekspertizës, pasi kryebashkiaku Alla, ka deklaruar në mënyrë kategorike se është e montuar. Më tej Koka tha se kryebashkiaku i Bulqizës, për të vërtetuar se nuk është përdorues i drogës, do të duhet ti nënshtrohet analizave mjekësore.

“Jemi përpara dy veprave penale, ku akuzën duhet ta ngrejë policia bashkë me prokurorinë, atë të “prodhim shitje e lëndëve narkotike” dhe “përshtatja e ambienteve publike për përdorimin e drogës”.  Ajo që duhet të provohet është video, pasi kryebashkiaku pretendon se video është e montuar, video të dorëzohet, dhe të provohet nëse është autentike në gjithë gjatësinë e saj, dhe nga ana tjetër, normalisht Kryebashkiaku ka një detyrim moral përballë qytetarëve të Bulqizës. Z. Alla të provojë dhe të paraqitet për të bërë testin e drogës, nëse është përdorues i lëndëve narkotike apo jo. Ashtu siç tha edhe zoti Klosi, për arsye personale mund ta përdorë lëndën narkotike, por zoti Alla ka mbajtur qëndrim kategorik mohues. Madje ditën e djeshme i vinte turp të përmendte emrin e kokainës gjatë një prononcimi që kishte dhënë në një portal, ndërkohë ditën e sotme shfaqet kjo video. Kjo video nuk tregon asgjë në thelb procedurialisht, dhe ligjërisht, por sigurisht moralisht tregon shumëçka për zotin Alla, si i zgjedhur nga qytetarët e Bulqizës. Për të dy veprat penale për të cilat fola, duhet që prokurori dhe policia të bëj hetimet e nevojshme, deri tani nuk ka ndonjë reagim për këtë”, tha Koka./abcnews.al

robert42-1.jpg
R D13:39 | 20/01/2020

Prokuroria kërkon arrest me burg për 7 të arrestuarit e operacionit “Tranzit” mes tyre edhe vëllai i ish-shefit të Qarkullimit Dibër, Robert Aga. Ky i fundit ka dalë në përgjimet e Bild për blerjen e votave në Diber. (“Jam ushtari yt”, shkarkohet nga detyra kreu i Policisë Rrugore Dibër)

Prokurori i çështjes Robert Kote thotë se provat më të forta për grupin kriminal janë përgjimet dhe procesverbali i lendes narkotike prej 32.5 kg kanabis në formë çokollate. Seancat për masat e sigurisë do të zhvillohet nesër në gjykatë.

Të arrestuarit për drogë:

Pajtim Aga (vëllai i shefit të policisë)
Edmond Rajta
Pajtim Aga
Shkëlzen Mazari
Devis Mija
Fatjon (Paulin) Dodaj
Marsida Piperi
Arjet Halilaj

Njoftimi i policisë për operacionin ku u arrestua Pajtim Aga

Seksioni për Hetimin e Narkotikëve në Drejtorinë Vendore të Policisë Tiranë, në bashkëpunim me Sektorin e Forcës së Posaçme në Drejtorinë e Policisë së Shtetit dhe DVP Dibër, në bazë të informacioneve të siguruara në rrugë operative nga burime të ndryshme, finalizoi me sukses operacionin e koduar “TRANZIT”, si rezultat i të cilit bë i mundur arrestimi në flagrancë i shtetasve:

-E. R., 52 vjeç, banues në Tiranë, i dënuar më parë për veprën penale ”Moskallëzim krimi”.

-P. A., 51 vjeç, banues tek ish-stacioni i Trenit, Tiranë, i dënuar më parë për veprën penale “Prodhimi dhe shitja e narkotikeve” kryer në bashkëpunim.

-Sh. M. 51 vjeç, banues në Kombinat, Tiranë, i dënuar për veprën penale “Falsifikim dokumentesh”.

-D. M., 20 vjeç, banues në Kombinat, Tiranë.

-F. D., 37 vjeç, banues në Shëngjin.

-M. P., 32 vjeçe, banuese në Gjirokastër.

-A. H., 38 vjeç, banues në Lezhë.

Nga ana e Seksionit për Hetimin e Narkotikëve të Drejtorisë Vendore të Policisë Tiranë, në bashkëpunim me Sektorin e Forcës së Posaçme në Drejtorinë e Policisë se Shtetit dhe DVP Dibër ishin grumbulluar informacione në rrugë operative se shtetasit e lartpërmendur kishin siguruar lëndë narkotike të llojit “Cannabis sativa në formë çokollate” në shtetit grek, lëndë të cilën e kishin kaluar nëpërmjet kufirit nga Konispoli, nëpërmjet dy shtetasve me banim në Gjirokastër.

Me pas lënda narkotike do transportohej në qytetin e Tiranës, me qëllim për ta nisur më vonë në një qytet në veri të vendit, për ta trafikuar jashtë Shqipërisë.

Gjatë operacionit në cilësinë e provës materiale u sekuestruan 32.5 kg lëndë narkotike canabisa sativa në formë çokollate, 6 aparate celulare dhe 2 automjete.

Materialet procedurale i kaluan  Prokurorisë pranë Gjykatës së Shkallës së Parë Tiranë, për veprime te mëtejshme hetimore, për veprën penale ”Prodhimi dhe shitja e narkotikëve”, kryer në bashkëpunim.

Përgjimi i Bild, Robert Aga flet me Qefalinë dhe Tahirin:

Bert Aga: O shoku im si je?

Xhemal Qefalia: Mirë! Jam në një tavolinë, ku ke qef me shku ti në Bulqizë e?

Bert Aga: Po

Qefalia: Ok, hajt ciao!

Bert Aga: Kush të tha ty?

Qefalia: jemi këtu me kryeminsitrin dhe me ministrin

Bert Aga: Unë u garantoj tu jap çfarë tu dojë qejfi. Më çoni për zgjehdje

Qefalia: Se mos binë atë Bert kehsin aty, si thua ti?

Bert Aga: Mirë mo

Qefalia: Të betohem.  Do noj foto nga tavolina të ta tregoj?

Bert Aga: Se mos ke noj fdashnore…

Qefalia: Pse e mbylle, ja ta qes i çikë ministrin ti folësh se na çave b*thën, na foli. Saimir na foli icikë këtij shefit të komisariatit Bert Agës, na foli i cikë.

Saimir Tahiri: Alo, o Berto

Bert Aga: Mirmbrëma, si je?

Saimir Tahiri: Nuk shkon kjo punë, që ma jep Qemali telefonin që të të falënderoj unë ty…

Bert Aga: Jo mo, të lutem

Tahiri: As nga ana institucionale nuk shkon…

Bert Aga: Sinqerisht më ka gënjyer

Tahiri: megjithatë faleminderit shumë për angazhimin, je i madh

Aga: E kam detyrim …

Tahiri: Edhe mos e rruaj k..in për ata që thonë ata, se se rruajmë trapin për ata legena

Aga: Unë jam ushtari jot …

Qefalia: Ke të fala dhe nga Ulsiu, do ti flasësh … Foli icikë Ulsiurt

Manja: ku je mo vlla

Aga: Ca bëre si je?

Manja: Hic mo, ja me kryeministrin

Aga: mu më duhet me shku pak atje

Manja: Ku mo?

Aga: Ke Bulqiza, po u ndërrumë ..

Manja: Ne themi të shkosh për më lart o burrë.

Aga: Mirë mo mirë, ju e dini …

Manja: Dëjo mua, fol me Xhemalin se ai ëhstë te Komisioni i sigurisë. Ne po kërkojmë të vish për më lart, se të bësh nopj gjë më të madhe, se mua më duken gjëra të vogla ato o miku im.

Aga: Mirë mo mirë … Xhemalin e kam pas vartës atëherë

Manja: ore ëhstë kryetar i komisionit të sigurisë

Aga: Ai thotë jam ushtari i Berttit, se Bertin kam pas komandant..

Manja: në rregull në rregull…

Qefalia: Hë mor ti, që më çan trapin mua …

Aga: Po si ma nxjerr ministrin ti mua aty në telefon o k*qe …

Qefalia: Po je shoku im ti re mos më çaj k*rin mu.. A do ti flasësh Edit …?

Aga: Ej o vlla, atë dokumentin …

Qefalia: A je shoku im ti. Mos më çaj b*thën…

Aga: unë kam qenë dhe do jemë…

Qefalia: Hajde vlla ciao…

/abcnews.al

samba-333-kg-kokaine.jpg
nev ila23:25 | 13/01/2020

Policia italiane në Xhenova dhe personeli i Agjencisë së doganave sekuestruan 333 kilogramë kokainë të pastër e cila vinte nga Brazili. Droga mbërriti në Specia të Italisë e fshehur në disa shufra graniti të transportuara në një kontenier deri në port.

 

Operacioni me emrin “Samba 2020”, erdhi pas kontrolleve të shumta që Guardia di Finanza në Specia ushtronte ndaj kontenierëve që vinin nga brazili, duke konstatuar një numër të madh shufrash graniti.

Mes shufrave ishte krijuar një hapësirë ku u gjetën 300 pako me drogë për nëj total prej 333 kilogram kokaine të pastër me një vlerë prej 100 milion eurosh. Policia italiane arrestoi katër persona të cilët kishin rolin e menaxherëve:

(JMJ, me kombësi kroate, B. A , Shqiptar, PBL, Brazilian dhe CG, Italian) ndërsa përpiqeshin të transportonin drogën. /abcnews.al

lord-of-the-port.jpg
ger ta14:03 | 15/12/2019

Garda Civile në Spanjë njoftoi arrestimin e të ashtuquajturit “Zoti i portit”, i cili njihej për trafikimin e kokainës nga porti i Algesiras në Spanjë drejt Kolumbisë, Marokut dhe Francës.

Policia tha se bëhet fjalë për një 54-vjecar spanjoll, i përfshirë në trafikun e drogës që prej rinisë së tij dhe i njohur si “Zoti i Portit”. Ai ishte personi me rrjetin më të mirë të kontakteve për të rikuperuar dërgesat e kokainës pas mbërritjes së tyre në portin e Algesiras, që ndodhet në jug të Gadishullit Iberik, pika më nevralgjike e hyrjes për drogën në vend.

Arrestimi i këtij personi përbën fazën e dytë të një operacioni të nisur gjatë verës së vitit 2018 dhe gjatë të cilit u arrestuan 21 persona, përfshirë dhjetë persona që punonin për port dhe u sekuestruan 480 kilogramë kokainë./abcnews.al

 

 

fotojet-17.r_d.661-600-7489.jpeg
nev ila19:49 | 17/11/2019

Agjentët e Policisë Kombëtare Spanjolle kanë bërë të mundur shkatërrimin e një grupi shqiptarësh, nën akuzën e kultivimit të marijuanës dhe kryerjes së grabitjeve me forcë në disa institucione. Ky operacion policor bëri të mundur zbulimin e plantacionit më të madh të marijuanës që është kapur deri më sot në Aragon të Spanjës.

Plantacioni ndodhej në një zonë të pyllëzuar me terren të vështirë. Gjashtë persona janë arrestuar ndërsa janë sekuestruar 16,000 bimë, me një peshë prej 3.500 kg.

Hetimi ndaj këtij grupi kishte filluar në prill të këtij viti, kur një seri grabitjesh u zbuluan në bare të ndryshme dhe stacione karburanti, në provincën e Huesca.

Në kuadër të këtij operacioni, të quajtur ‘Kopitos’, u zbulua se veprat kriminale ishin kryer nga një grup i organizuar shqiptarësh, dhe se ky grup ishte përgjegjës për dhjetë grabitje të kryera në Huesca, Sariñena dhe Nueno.

Vetë autoritetet spanjolle njoftojnë se plantacionet ishin fshehur në zona me pyje në terren tepër të vështirë, të cilat u arritën nga agjentët pas pothuaj gjysmë ore me fuoristrada, dhe një pjesë e rrugës në këmbë, përmes shtigjeve të hapura në pyll.

Anëtarët e këtij grupit kriminal kishin prerë sipërfaqe të mëdha të pyjeve me pisha, duke shfrytëzuar sa më shumë tokën për të rritur marihuanën, dhe kishin krijuar pellgje me ujë për ujitjen e plantacionit. Ujitjen e plantacionit, e bënin të mundur me pompa uji, të cilat i vinin në punë me gjeneratorë elektrikë.

Disa prej anëtarëve të organizatës merreshin me plantacionet, për periudha të gjata kohore duke i monitoruar vazhdimisht. Këta anëtarë kishin marrë përsipër kultivimin, mirëmbajtjen dhe korrjen e plantacioneve.

Për ta bërë këtë, ata kishin ndërtuar “minikampe” ku kishin gjithçka të nevojshme, për të qëndruar në këtë terren me periudha të gjata kohore, duke i siguruar vetes një numër të madh ushqimesh që nuk mund të prisheshin, dhe madje kishin sajuar gjithashtu edhe furrë prej guri.

Duke patur të instaluar “strehëzat” e tyre  pranë plantacioneve për të cilat kujdeseshin, siguronin një monitorim të vazhdueshëm të plantacioneve.

U desh një numër i madh, prej 70 agjentësh, që të bënte të mundur sekuestrimin e bimëve. Policia spanjolle nuk ka bërë me dije identitetin e 6 shqiptarëve, ndërsa ka njoftuar se kjo është ngarkesa më e madhe e kapur ndonjëherë në zonën e Aragonit në Spanjë./abcnews.al

c5c948e3db139f5b42733ee177cb93f8_L.jpg
ent ela13:00 | 12/11/2019

Një person i shumëkërkuar është ekstraduar nga Belgjika në Shqipëri. Bëhet fjalë për 43-vjeçarin Kristjan Demçe, i dënuar me 7 vjet e 4 muaj heqje lirie për veprën penale të trafikimit të lëndëve narkotike të kryer në bashkëpunim.

Sipas policisë, Kristjan Demçe, 43 vjeç, banues në Lushnje është shpallur fajtor pasi në vitin 2014 tentoi të trafikontë lëndë narkotike kanabis sativa, me avionin e italianit Xhorxho Riformato, avion i cili bëri ulje të detyruar në Ishëm.

Pak ditë më parë “ABC News” mësoi janë rihapur hetimet për këtë çështje, pas një letërporosie të mbërritur nga Italia. /abcnews.al

 

 

e4d6e86f-9c4d-4124-b07b-42b63421682d.jpg
ent ela09:31 | 29/10/2019

Një 24 vjeçar ka rënë në prangat e policisë së Vlorës për trafik të lëndëvë narkotike, ndërsa ka sekuestruar  12.4 kg cannabis sativa.

Operacioni i koduar “Ferma” u zhvillua në zonën e Fermës, në afërsi të fshatit Llakatund të Vlorës.

Në kuadër të këtij operacioni, Seksioni për Hetimin e Narkotikëve në bazë të informacioneve të marra në rrugë operative falë edhe bashkëpunimit të ngushtë me qytetarët, ka bërë kapjen dhe arrestimin e 24-vjeçarit R. R.

Nga kontrolli i ushtruar në banesë, Policia ka gjetur dhe sekuestruar 12.4 kg lëndë narkotike, e dyshuar si cannabis sativa.

Materialet iu referuan Prokurorisë, në ngarkim të tij, për veprën penale “Prodhimi dhe shitja e narkotikëve”.

Gjithashtu, Policia ka ndaluar edhe një 45 vjeçar të shpallur në kërkim për trafik droge. Ndalimi i tij u bë pasi është dënuar me 1 vit e 1 muaj burgim për veprën penale “Trafikimi i narkotikëve” kryer në bashkëpunim. /abcnews.al

kokaine-933x445.jpg
ent ela08:44 | 27/10/2019

Policia e Fierit ka goditur një tjetër rast të shpërndarjes së drogave të forta. Në pranga ka rënë  55 vjeçari me iniciale G.M  banues në Levan të Fierit, ndërsa janë sekuestruar 5 doza Kokainë.

Në bazë të informacioneve të siguruara në rrugë operative, në vendin e quajtur “QTU”, Fier, nga kontrolli i ushtruar  në automjetin tip “Ford” që drejtohej nga shtetasi G.M, u gjet një pako si ajo e ilaçeve ku brënda së cilës kishte pesë paketime në formë dozash me lëndë narkotike të dyshuar Kokainë, e cila u sekuestrua në cilësinë e provës materiale.

Materialet i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe shitja e narkotikëve”. /abcnews.al

turguti-1280x851.jpg
ad min17:08 | 23/10/2019

Bosi i heroinës Turgut konsiderohet si një nga krerët që do të përgatiste sulme terroriste në Shqipëri. Hetimet e Shërbimit Informativ Shtetëror kanë zbuluar se Alireza, një ish-antëri i MEK ka qenë disa herë në Shqipëri me identitete të ndryshme.

Një nga anëtarët e rëndësishëm të grupit terrorist që do të vepronin në Shqipëri në mars të 2018 është shtetasi turk, Turgut.  Emri i tij është i njohur për drejtësinë, pasi ishte arrestuar në 2011 me 1 ton heroin në vendin Shqipëri, por u arratis duke përdorur një pasaportë false nga vendi ynë, pasi gjykata ndryshoi masën e sigurisë nga “Arrest në burg” në “Arrest shtëpie”.

Nga hetimet ka rezultuar se Turgut ka gjithashtu lidhje të vjetra me krimin e organizuar në Shqipëri. Bosi i heroinës ka dërguar në vitin 2018 në Shqipëri individ për të avancuar planifikimin e sulmeve kundër MEK-ut.

Agjencitë ligjzbatuese theksuan se, grupi përbëhej nga katër persona, të cilët koordinoheshin nga Peyman një anëtar i forcave “QUDS” . Alireza Nagashazadeh jeton në Austri dhe ka qenë një ish-anëtar i MEK, ndërsa Melek Zadeh vepron në shtetin turk.

Rolin kyç për dhënien e informative e ka pasur Alireza Nagashazadeh, i cili dyshohet se, ka ndihmuar me të dhëna dy gazetarët e rremë që u ndaluan në Tiranë, marsin e 2018. Ai gjithashtu dyshohet nga Shërbimi Informativ Shtetëror se ka qenë disa herë në vendin tonë me identitet të ndryshme në emër të regjimenti special i Gardës Revolucionare të Iranit ose të njohur ndryshe si Forcat “QUDS”.

Trupat elitare “QUDS” u krijuan në vitin 1979 për të mbrojtur revolucionin islamik dhe është nën drejtimit ekzekutiv të Ajatollah Khameneit dhe jo Presidentit të Republikës apo ministrit të Mbrojtjes.

Këto forca përdoren kryesisht për operacione specialë, ushtarake apo inteligjence jashtë territorit të Iranit në shërbim të interesave të këtij shteti. Ato përfaqësojnë shtetin e Iranit në raport me njësitë e tjera të armatosura, dhe kryejnë zakonisht operacione ekstra ligjore sa herë që është e domosdoshme./ABC News Albania


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono