Dritan Haxholli

marsida.jpg
ad min15:22 | 17/10/2019

Prokuroria e Kavajës ka kërkuar detyrim paraqitje për Marsida Qatjen kurse shërbimet sociale në Bashki i kanë marrë në kontroll fëmijët. Ndryshe nga vendimi i gjykatës, djali dhe vajza tashmë do të qëndrojnë me babain e tyre dhe jo me nënën. 

Pak pasi zbriti shkallët e prokurorisë ku iu kërkua të paraqitej detyrimisht një herë në dy javë, Marsida Qatja i dha gji fëmijës në ambientet e Bashkisë. Punonjësit socialë ishin aty për të kontrolluar veprimet e saj.

Dy-vjeçari i cili ndodhej me nënën në banesë natën kur ndodhi përplasja me armë do të ketë kujdestari të përbashkët. Marsidën dhe prindërit e saj. Vendimi u mor nga drejtoria e shërbimit social e cila po monitoron situatën pas ngjarjes.

Lëvizja e zyrtarëve vendorë u bë menjëherë pasi ndodhi krimi. Ata shkuan në shtëpinë e Marsidës për të parë gjendjen e fëmijëve, duke menduar se aty ndodheshin të tre.

Në fakt djali 14 vjeç dhe vajza 10 vjeçe ishin tek babai i tyre, burri i pare i 30-vjeçares. Këtej e derisa çështja të marrë vendim përfundimtar, ata nuk do të qëndrojnë me nënën e tyre ashtu sikurse ka përcaktuar gjykata kur çifti u divorcua.

Nënës se tre fëmijëve, në shtëpinë e së cilës një burrë u vra dhe një polic u plagos tashmë i duhet të përballet më shumë telashe. Gjykata disa orë pas kërkesës së prokurorisë vendosi detyrim paraqitje për përshtatje të ambienteve për përdorim droge./ABC News Albania

marsidaa.jpg
ad min14:31 | 17/10/2019

Gjykata e Kavajës ka vendosur masën e sigurisë detyrim paraqitje për Marsida Qatjen. Në shtëpinë e saj u vra Dritan Haxholli ndërsa mbeti i plagosur polici i burgjeve, Bledar Toçi. Ajo akuzohet për përshtatje të ambienteve për përdorim droge.

Marsida Qatja është marrë disa herë në pyetje në prokurori, për shkak të dëshmive kontradiktore që ka dhënë për ngjarjen e rëndë kriminale që ndodhi në banesën e saj.

30-vjeçarja, ka pohuar para oficerit të Policisë Gjyqësore se është përdoruese e drogës dhe në raste të caktuara ka përdorur edhe kokainë. Ajo ka theksuar se edhe natën kur ndodhi ngjarja, ka marrë kokainë, të cilën e kishte sjellë miku i saj.

/abcnews.al

dritan-haxholli-1-1280x722.jpg
nev ila18:00 | 16/10/2019

Banorët në Kavajë e njihnin si person agresiv dhe inatçor Dritan Haxhollin, por frikë e kishin edhe  punonjësit e policisë. 41 vjeccari jetonte me nënën e tij dhe e bija e takonte herë pas here. 

Banorët në periferi të Kavajës, ajo që quhet lagja numër 4, e njohin mirë Dritan Haxhollin. Por askush nuk do të flasë publikisht për 41 vjeçarin.

Në një shtëpi private, jetonte vetëm me nënën e tij.  I divorcuar, herë pas here vizitohej nga e bija 15 vjeçare. Një fqinj kujton se pas kthimit nga emigracioni disa vite më parë, burri që u vra në shtëpinë e ish të dashurës, u shfaq me profilin e një njeriu të zemëruar.

Burime të ABC News në prokurorinë e Kavajës treguan për një person që përdorte lëndë narkotike dhe që ishte në mbikëqyrje për trafikim të tyre. Ishte karakter i vështirë, i inatosur dhe i egër, me një rreth të kufizuar miqsh që më shumë vinin nga jashtë Kavajës. Kështu njihej në opinion.

Me ardhjen nga Greqia, u shtuan dhe lajmet për krime të mundshme jashtë kufirit.

“Ka bërë burg shumë atje dhe ketu”, thotë një banor i lagjes. Njerëzit e kishin frikë.

Të njëjta referenca gjen edhe në policinë e Kavajës.   Një  punonjës i komisariatit kujton se në një rast shkuan për ta arrestuar.

Dikush që e njihte mirë Haxhollin u doli para dhe u preu rrugën.

“Ku shkoni pa përforcime, do t’u vrasë.  Në shtëpinë e tij ka dhe antitank. Ka gjuajtur me të…..”

Policët u zmbrapsën kurse dëshmitë për kanosje e kërcënime sa vinin dhe shtoheshin në popullatë. Lajmi se Dritan Haxhollin nuk mund ta arrestonte kush, shkoi deri në Policinë e Shtetit.

Një zyrtar i tha ABC News se ishte përgatitur plani dhe operacionet do të niseshin në Kavajë për ta kapur jo më larg se një ditë pasi ndodhi ngjarja. Dhe kur ai u vra në shtëpinë e Marsida Qatjes për policinë rasti u pa si lehtësim. Më pak shpenzime, më pak rrezik./abcnews.al

dritan-haxholli.jpg
ad min15:14 | 16/10/2019

Banorët në Kavajë e njihnin si person agresiv dhe inatçor Dritan Haxhollin, por frikë e kishin edhe punonjësit e policisë. 41-vjeçari jetonte me nënën e tij dhe e bija e takonte herë pas here.

Banorët në periferi të Kavajës, ajo që quhet lagja numër 4, e njohin mirë Dritan Haxhollin. Por askush nuk do të flasë publikisht për 41-vjeçarin.  Në një shtëpi private, jetonte vetëm me nënën e tij. I divorcuar herë pas here vizitohej nga e bija 15 vjeçare.

Një fqinj kujton se pas kthimit nga emigracioni disa vite më parë, burri që u vra në shtëpinë e ish të dashurës, u shfaq me profilin e një njeriu të zemëruar.  Burime të ABC News në prokurorinë e Kavajës treguan për një person që përdorte lëndë narkotike dhe që ishte në mbikëqyrje për trafikim të tyre.

Ishte karakter i vështirë, i inatosur dhe i egër, me një rreth të kufizuar miqsh që më shumë vinin nga jashtë Kavajës. Kështu njihej në opinion. Me ardhjen nga Greqia, u shtuan dhe lajmet për krimet të mundshmë jashtë kufirit.

EKSKLUZIVE/ Dritan Hoxholli duhej të ishte në burg natën që shkoi për të vrarë

“Ka bërë burg shumë atje dhe këtu”, thotë një banor i lagjes. Njerëzit e kishin frikë. Të njëjta referenca gjen edhe në Policinë e Kavajës. Një punonjes i komisariatit kujton se në një rast shkuan për ta arrestuar.

Dikush që e njihte mirë Haxhollin u doli para dhe u preu rrugën. Ku shkoni pa përforcime, do t’u vrasë. Në shtëpinë e tij ka dhe antitank. Ka gjuajtur me të. Policet u zbrapsën kurse dëshmitë për kanosje e kërcënime sa vinin dhe shtoheshin në popullatë.

Lajmi se Dritan Haxhollin nuk mund ta arrestonte kush shkoi deri në Policinë e Shtetit. Një zyrtar i tha ABC News se ishte përgatitur plani dhe operacionet do të niseshin ne Kavaje për ta kapur jo më larg se një dite pasi ndodhi ngjarja.

Dhe kur ai u vra në shtëpinë e Marsida Qatjes për policinë rasti u pa si lehtësim. Më pak shpenzime, më pak rrezik./Redaksia e korrepondentëve-ABC News Albania

hoxholli-1280x720.jpg
ent ela14:24 | 10/10/2019

Një 41 vjeçar me precedentë penale u vra me armë zjarri dhe shefi i sigurisë së burgut të Durrësit mbeti i plagosur në një krim pasioni në Kavajë. Sherri nisi për Marsida Qatjan, nënë e tre fëmijëve. Viktima kërkonte të rikthehej me gruan, kurse polici i plagosur ishte në një lidhje dashurie me të renë.

Marsida Qatja ishte nën shoqërinë e të dashurit dhe dy burrave të tjerë në banesën e saj në lagjen numër dy të Kavajës kur në derë trokiti ish-i dashuri.

Dritan Haxholli kërkonte në mesnate gruan me të cilin kishte pasur një lidhje për t’u rikthyer sërish. Por kur ka kuptuar që në banesë ndodheshin meshkuj dhe dera s’po hapej ka hyrë nga dritarja.

Siç shikohet edhe nga pamjet grila është dëmtuar. Më pas gruaja ka komunikuar me të dhe i ka hapur derën.  41 vjeçari është futur në banese i armatosur dhe efektivi Bledar Toçi i ka kërkuar llogari Marsidës, nënës së tre fëmijëve sepse kishte ardhur Haxholli.

Në këtë moment Haxholli e ka qëlluar me një plumb në qafë efektivin. Ky i fundit për t’u vetëmbrojtur i është përgjigjur me katër plumba duke e lënë të vdekur Haxhollin.

ABC News ka siguruar edhe foton e viktimës i shtrirë në sallonin e banesës.

Kudo ka njolla gjaku, shenja dhune, orendi të shkatërruara dhe rroba të fëmijëve.

Gjatë përplasjes mes tyre mësohet se është goditur fizikisht edhe gruaja nga e cila lindi sherri.

E gjithë skena është parë dhe përjetuar nga tre fëmijët e Marsidës, pasi ajo e ishte e martuar dhe i shoqi vuante dënimin në një burg në Gjermani. Kurse fqinjët nuk dinë shumë asaj që kishte ndodhur fare pranë tyre.

Trupi i Haxhollit u transportua në morgun e spitalit të Kavajës, ndërsa polici i plagosur është në gjendje kritike për jetën. Bledar Toçi punon si shef i sigurisë së brendshme pranë burgut të Durrësit dhe është vënë arrest për vrasje. Bashkë me të është arrestuar edhe i vëllai 27 vjeçar pasi gjatë kontrollit në banesën e tij u gjet një sasi e dyshuar si kokainë. Viktima rezulton të ketë qenë i dënuar më parë për krime kundër personit dhe për droge.

Gazetare ABC News: Enkeleda Arapi


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono