dritan dajti

METAA-1-1280x720.jpg
ent ela12:03 | 11/02/2019

Presidenti i Republikës, Ilir Meta ka reaguar pas vendimit të Gjykatës së Apelit të Krimeve të Rënda për Dritan Dajtin, i cili vrau 4 policë dhe u dënua me 25 vite burg si rezultat i gjykimit të shkurtuar. Kreu i shtetit  tha se mbështet thirrjen e ambasadorit të Bashkimit Evropian në Tiranë dhe se KLGJ dhe prokuroria duhet te vihen në lëvizje për të verifikuar dhe hetuar çështjen.

I është bashkuar edhe presidenti Ilir Meta zërave kritikë për heqjen e dënimit të përjetshëm për Dritan Dajtin dhe dënimin përfundimisht të tij me 25 vite burg.

“Mbështes fuqimisht thirrjen e ambasadorite BE që KLGJ e Prokuroria e përgjithshme të vihen në lëvizje për të vlerësuar dhe hetuar çështje në fjalë”.

Përgjigje i dha edhe mazhorancës për kandidatin Anastas Angjeli që përflitet se do të vendoset në krye të Kontrollit të Lartë të shtetit.

“Jam i bindur se të gjitha propozimet e Presidentit synojnë insitucionet e pavarura dhe forcimin e sundimit të ligjit në vend dhe jo të shumicave”.

Deklaratat e tij kryetari i shtetit i bëri pas pjesëmarrjes në konferencën me temë “Marrëdhëniet e punës dhe shqyrtimi gjyqësor” ku kërkoi  ulje të numrit të të larguarëve nga puna padrejtësisht.

30% e rasteve në Gjykatën Administrative janë për problemet në marrëdhëniet e punës- ka thënë presidenti Meta duke kërkuar edhe plotësimin me trupën e nevojshme të kësaj gjykate.

Gjithashtu kreu i shtetit ka sugjeruar që të përcaktohet me ligj evidentimi i përgjegjësisë direkt të zyrtarit publik për shkarkime të padrejta nga puna pasi dëmi nuk mund t’i ngarkohet taksapaguesit shqiptar, që janë të dëmtuarit kryesorë në këtë rast ka thënë Presidenti Ilir Meta. /abcnews.al

1549642348_dritandajti.jpg
ent ela10:34 | 11/02/2019

Nuk ka qenë unanim vendimi për të dënuar me 25 vjet heqje lirie Dritan Dajtin. Trupa gjykuese e përbërë nga 5 gjyqtarë të ardhur nga Gjykatat e Apelit në rrethe kanë dhënë vendimin për llogari të Gjykatës së Krimeve të Rënda. Mes 5 anëtarëve, dy kanë qenë pjesërisht kundër dhe tre kanë qenë në favor të dënimit me 25 vjet heqje lirie, duke pranuar gjykimin e shkurtuar. Vendimi i gjykatës së Apelit të Krimeve të Rënda pak ditë më parë për heqjen e dënimit me burgim të përjetshëm për Dritan Dajtin, u dha nga trupa gjykuese që përbëhej nga; Fuat Vjerdha, që është edhe kryetar i Gjykatës së Apelit në Shkodër, anëtarët janë: Lindita Hoxha e Aleks Nikolli, gjyqtarë në Gjykatën e Apelit Shkodër. Ndërsa pesëshja e gjyqtarëve u plotësua me dy gjyqtarët e tjerë Petrit Aliaj dhe Skënder Damini, të cilët janë gjyqtarë të Apelit në Vlorë. Sipas vendimit, pro këtij vendimi kanë votuar Aleks Nikolli, Petrit Aliaj dhe Skënder Damini, ndërsa Fuat Vjerdha dhe Lindita Hoxha kanë votuar pjesërisht kundër.

Më e qartë në vendim ka qenë gjyqtarja Lindita Hoxha, e cila përveç togfjalëshit pjesërisht dakort ka bërë dhe shënimin lënien në fuqi të dënimit, për Dritan Dajtin i cili më herët ka qenë nga Gjykata e Shkallës së Parë të Krimeve të Rënda 4 dënime me burgim të përjetshëm. /abcnews.al

PD-PER-REAGIMET-PER-DAJTIN-1280x720.jpg
ent ela16:06 | 10/02/2019

Të vonuar dhe të shtrënguar e quan Partia Demokratike  reagimin e Minsitrisë së Brendshme dhe asaj të Drejtësisë lidhur me rastin e Dritan Dajtit.

Vrasësi i 4 dëshmorëve të atdheut Dritan Dajti – thuhet në reagimin e Partisë Demokratike –është praktikisht i liruar nga drejtësia e re e Edi Ramës.  PD deklaron se Ministrja e drejtësisë duhet ti kërkojë prokurorisë zbardhjen e përgjimeve nga burgu të Dritan Dajtit dhe ti thotë shqiptarëve se me kë komunikon ai, kë shantazhon vrasësi i katër policëve dhe kush i ka dalë garant për lirimin e tij të shpejtë?

Për selinë blu faktët tregojnë se Rama e kishte nën kontroll Gjykatën e Lartë kur ajo zhvlerësoi dënimin me burgim të përjetshëm për Dajtin. Madje ai heshti ndaj vendimit skandaloz qq i siguron Dajtit liri të shpejtë. Kjo është gjë jo e re, sipas Partisë Demokratike, pasi në qeverisjen e Edi Ramës të gjitha bandat dhe kriminelët më të rrezikshëm janë lënë të lirë. /abcnews.al

SINKRON-ETILDA-GJONAJ-PER-DRITAN-DAJTIN.mpg_snapshot_00.04-1280x720.jpg
ent ela14:11 | 10/02/2019

Ministrja e Drejtësisë Etilda Gjonaj ka reaguar pas vendimit të gjykatës së Apelit të Krimeve të Rënda që pranoi kërkesën e Dritan Dajtit për gjykim të shkurtuar duke e dënuar përfundimisht me 25 vite burg. Gjonaj njoftoi se do i drejtohet Këshillit të Lartë Gjyqësor për procedimin e trupës së gjyqtarëve që dha vendimin.

Vendimi i Gjykatës së Apelit për Krimet e Rënda për pranimin e gjyaktimit të shkrtuar ndaj Dritan Dajtit është skandaloz dhe i papranueshëm. Kështu u shpreh Ministrja e  drejtësisë, Etilda Gjonaj,  duke e ciluar si vendim të paprecedent për Dajtin, i cili 10 vite më parë vrau 4 efektiv të policisë së shtetit.

 “Vendimi i trupës së gjyqtarëve për pranimin e gjykimit të shkurtuar dhe uljen e dënimit me 25 vjet për një të pandehur që akuzohet për vrasjen e 4 policëve tregon qartë se kemi të bëjmë me një aferë korruptive dhe në kundërshtim me Kodin e procedurës penale.

Prej 48 orëve kemi punuar intensivisht për të adresuar një skandal të papranueshëm të përmasave të tilla të patolerueshme të gjyqtarëve që kanë dhënë vendimin tërësisht në kundërshtim me ligjin për personin e akuzuar për vrasjen e 4 policëve”.

Gjonaj nuk u ndal vetëm te deklarata e fortë, por kërkoi edhe procedim displinor për 5 gjyqtarët Apelit për Krimet e Rënda, të cilët ndryshuan vendimin për Dajtin.

“Ministria e Drejtësisë do t’i drejtohet KLGJ-së për të marrë masat e menjëhershme për procedimin disiplinor të gjyqtarëve lidhur me këtë rast të paprecedent të shkeljeve në kundërshtim me çdo standard të gjykimit të shkurtuar dhe procesit penal.

Pasuria është një element i rëndësishëm për t’u vlerësuar nga institucionet e vettingut por mbi të gjitha i kërkoj Komisionit të Pavarur të Kualifikimit dhe ONM-së që në vlerësimin e gjyqtarëve dhe prokurorëve të fokusohen në elementë të tillë që çdo gjyqtar ose prokuror me vendimmarrjen e tyre kanë mundësuar që grupet kriminale t’i shpëtojnë forcës së ligjit”.

Ministrja e Drejtësisë shprehu mbështetje për prokurorinë në ankimimin e bërë në Gjykatën e Lartë për ndyshimin e vendimit të dhënë nga Apeli i Krimeve të Rënda.

“Mbështes prokurorinë në ankimimin në Gjykatën e Lartë me qëllim që parregullsitë e procesit në apel të rivendosin drejtësinë në vend.

Qytetarët shqiptarë meritojnë një sistem drejtësie ku gjyqtarët dhe prokurorët me kurajo, përgjegjshmëri dhe në zbatim të ligjit të marrin vendime të drejta të pandikuara nga asnjë lloj rrethane tjetër dhe të japin drejtësi!”.

Dritan Dajti ka vuajtuar deri më tani 10 vite burg por, të gjithë këtë kohë e ka kryer në paraburgim që llogariten me rreth 15 vite. Në gusht të 2009, Dajti akuzohet nga prokuroria për vrasjen e ish-oficerëve të policisë, Fatos Xhani, Altin Dizdari, Kastriot Feskaj dhe Saimir Duçkollarri gjatë një shkëmbimi pranë pistës Iliria në Palzhin Durrësit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono