drejtesia

lulzim-basha-1.jpg
ent ela16:10 | 23/07/2019

Burime nga Partia Demokratike bëjnë të ditur se kryedemokrati Lulzim Basha ka shprehur gatishmërinë e plotë të kontribuojë në hetimin e autoriteteve të drejtësisë belge për dosjen e njohur si “Toyota Yaris” ku u kapën 3.4 milionë euro.

Kryetari i opozitës është shprehur i gatshëm për të ndihmuar me informacionet që disponon në zbardhjen e kësaj çështjeje ku ai pretendon se krimi është i lidhur me politikën në aferën e pastrimit të miliona eurove me garanci politike të përfaqësuesve më të lartë të kupolës së Rilindjes.

Kreu demokrat është në kontakt me autoritetet belge dhe mbetet në pritje të rakordimit me ta për mënyrën e bashkëpunimit. /ABC News Albania 24/7

CLIRIM-GJATA-PER-REFORMEN-NE-DREJTESI.mpg_snapshot_00.21-1280x720.jpg
ent ela15:00 | 22/07/2019

Tre vjet pas miratimit të reformës në drejtësi nuk është ndëshkuar asnjë zyrtar i lartë. Konstatimin e bëri sekretari për çështjet ligjore në Partinë Demokratike Çlirim Gjata. Duke iu referuar vendimit të fundit të Gjykatës së Durrësit, demokratët akuzojnë kryeministrin se e ka shndërruar këtë sistem në drejtësi private.

Vendimi i Gjykatës së Durrësit për të ndryshuar një vendim pa e apeluar atë ka një simbolikë për Partinë Demokratike.

“Është simboli i drejtësisë private që ka ngritur Edi Rama. Vendimi skandaloz, i paprecedentë në historinë e qytetërimit perëndimor, ku vendimi i gjykatës ndryshohet të nesërmen nga e njëjta gjykatë, sipas interesit të kryeministrit, është dëshmia më tronditëse për kapjen totale të drejtësisë nga Edi Rama dhe grupi i strukturuar kriminal i Rilindjes”.

Tre vjet pas miratimit konsensual të ndryshimeve kushtetuese nuk është ndëshkuar asnjë zyrtar i lartë- u thotë sekretari për çështjet ligjore në Partinë Demokratike shqiptarëve.

“Asnjë ministër, asnjë zyrtar i lartë publik, asnjë politikan nuk ka dalë para drejtësisë për vjedhjen e përditshme të shqiptarëve”.

Zgjidhja që përsërisin demokratët është një drejtësi e cliruar që do të garantojë zgjedhje të lira e të ndershme, që mundësojnë qeverisje në interes të qytetarëve dhe çojnë përpara axhendën europiane të Shqipërisë. /ABC News Albania 24/7

 

SELA-PER-PSP.mpg_snapshot_00.01-1280x720.jpg
ent ela16:30 | 18/07/2019

Ziadin Sela, lideri i partisë opozitare shqiptare në Maqedoninë e Veriut, ka kërkuar që në krye të prokurorisë special të vendoset një prokuror nga një nga vendet e Bashkimit Europian. Kjo pasi sipas tij shqiptarët e kanë humbur besimin tek sistemi i drejtësisë.

Lideri i partisë opozitare shqiptare Aleanca për Shqiptarët Ziadin Sela pas një takimi partiak ka kërkuar që në krye të Prokurorisë Speciale Publike në Maqedoninë e Veriut, të vijë një prokuror nga vendet e BE-së, pas sipas tij, shqiptarët kanë humbur besimin tek sisitemi i drejtësisë.

“Është urgjente që në kuadër të sistemit gjyqësor të bëhen ndryshimet e nevojshme që në krye të PSP-së të vijë kuadër nga vendet e BE, përmes ndryshimeve të ligjit. Kjo të bëhet edhe në instanca të tjera duke u kyçur ekspertë të jashtëm që do të merren me zbulimin e rasteve kriminale dhe korruptive, sidomos kur shqiptarët kanë humbur besimin tek sistemi i drejtësisë”.

Skandali i fundit i zhvatjeve ku përmendet edhe emri i Kryeprokurores së posacme Katica Janeva, ka rezultuar që opozita maqedonase ende të mbetet në qëndrimin për mospjesëmarrje në takimin e nesërm të liderëve. VMRO-ja insiston në zgjedhje të jashtëzakonshme parlamentare.

“Ashtu siç paralajmëroi para disa ditëve, Kryetari Mickoski nuk do të paraqitet në takimin e liderëve. Nëse duhet të ketë kësi takimesh, do të duhet të bisedohet vetëm për zgjedhje të parakohshme parlamentare”.

Për nesër Kryeministri Zaev ka thirrur një takim liderësh ku mes tjerash do të diskutohej edhe Ligji për Prokurorinë Publike me të cilin do të zgjidhej statusi i ardhshëm i Prokurorisë Speciale Publike. /ABC News Albania 24/7

meta.jpg
nev ila09:46 | 05/07/2019

Ditën e sotme në orët e para të mëngjesit presidenti Meta ka vazhduar me akuzat e tij ndaj kryeministrit Rama. Në statusin e sotëm presidenti thotë se reforma në drejtësi 3 vjet më parë u kthye në Ramaformë, sic e quan ai, dhe se një kor i strukturuar ndërkombëtarësh nuk duan të pranojnë bashkëfajësinë në dështimin e saj.

“Mirëdita të dashur miq!

Duke udhëtuar drejt Tropojës sapo përfundova leximin e shtypit për sot. Ndaj ju ftoj edhe ju që të lexoni me vëmendje një shkrim i cili ndihmon për të kuptuar si funksionon shndërrimi i Reformës Historike të Drejtësisë të 21-22 korrikut në Ramaformë. Më vonë, kur të jem më i lirë që të shkruaj me terezi do kënaqeni kur t’ju tregoj se pse sot pas tre vitesh nuk keni asnjë anëtar të Gjykatës Kushtetuese. Askush më mirë se unë nuk ua tregon dot, jo se jam ndonjë tregimtar i madh, por për shkak të detyrave të larta edhe si ish-Kryetar i Kuvendit e si President i Republikës. Të jeni të sigurt se fajin nuk e ka Reforma e bërë me 140 vota në Kuvend tre vjet më parë, por transformimi i saj në Ramaformë bashkë me një kor të strukturuar ndërkombëtar që nuk do të pranojë bashkëfajësinë për këtë dështim që po e vuajnë qytetarët, ekonomia dhe biznesi. Shpresoj që këto “arritje” të Ramaformës të mos i mësojnë Profesorët e nderuar të Komisionit të Venecias, të paktën gjatë verës, se më e pakta do kalojnë në gjendje të fikti, përveçse s’do e kuptojnë kurrë pse duhet të punonin e studionin për mëse një vit me intensitet aq të lartë e të vinin e të iknin shumë herë kur këtë Ramaformë mund ta kishte mbyllur z.Agaci për një javë dhe disa miq të inamoruar pas reformës të brohorisnin “È buono per l’Albania”.

E di që disa do thonë se kam frikë nga Reforma në Drejtësi e sidomos nga Spaku. Pa merak për të gjithë sepse sapo kalova edhe Spaçin. Kalofshi bukur sot të gjithë“,/shkruan presidenti Meta./abcnews.al

sali-berisha-1.jpg
G. P.12:00 | 04/07/2019

Antikushtetuese janë zgjedhjet e 30 Qershorit edhe për misionin e vëzhguesve të OSBE/ODIHR deklaroi ish-kryeministri Sali Berisha në një komunikim me gazetarët jashtë selisë së Partisë Demokratike. Ish-kreu i qeverisë ftoi shqiptarët të vazhdojnë kryengritjet deri në rikthimin e pluralizmit.

Varrosjen nuk ia bëri vetëm bojkoti i shumicës së shqiptarëve, por edhe vetë mendjendriturit e OSBE/ODIHR-it u shpreh ish kryeministri Sali Berisha. Deklarata të zgjuara dhe ironike i cilësoi Sali Berisha ato të të njohurës së tij prej vitesh, megjithatë edhe mund ta kishin refuzuar vëzhgimin e këtyre zgjedhje nënvizoi ai siç bëri Kongresi i Autoriteteve Lokale dhe Rajonale të Këshillit të Evropës.

“Ndonëse ODIHR për mendimin tim duhet të braktiste vëzhgimin zgjedhjeve moniste. ODIHR nuk mund të vëzhgojë zgjedhje që janë në shkelje flagrante të Konventës Europiane të të Drejtave të Njeriut. Këto janë historia komplekse. Nuk e kanë marrë vetë vendimin ata. Vendimi është më kompleks, nuk mund t’i fajësoj për këtë qëllim”, tha Berisha.

Pretendimi i mazhorancës për ta gjykuar më vonë legjitimitetin e e këtyre zgjedhjeve e bën të buzëqeshë ish-kryeministrin demokrat. Këshillon të mos i shohin shqiptarët aq naivë.

“Absolutisht kurrë sapunin për djathë nuk e hanë. Ta harrojnë kur s’e kanë ngrënë atëherë kur s’kanë patur as 10 vetë me shkrim e këndim, por vetëm eksperiencën e natyrës. Ata që iu thonë shqiptarëve të gjykojë Gjykata Kushtetuese pasi është varros i dënuari ata bëjnë një propozim qesharak”.

Sikundër i kërkon mazhorancës të mos bëhen qesharakë me deklaratat se drejtësia do të hetojë krimin elektoral në dosjet e fjetura të prokurorisë për rasten në Durrës e Dibër. Ajo pseudoreformë e Soros do t’i jepte Edi Ramës të gjitha pushtetet që e shndërroi drejtësinë në narkodrejtësi.

Tërheqja e opozitës ditën e zgjedhjeve për të fokusuar vetëm tek thirrjet është vendimi i duhur sipas Sali Berishës.

“ Opozita bëri një tërheqje, kjo është e vërtetë, por bëri shumë mirë sepse opozita bëri përpjekjet më të jashtëzakonshme për të demaskuar farsën elektorale, thirrjes së qytetarëve për të bojkotuar iu përgjigj pasivisht, më tutje aty nuk mund të shtynte. Liria ime përfundon aty ku përfundon liria e tjetrit.”

Të vetmen përgjigje që refuzon ta japë është gara për një president të ri. Era e ndryshimit po afron prandaj dhe koha e protestave nuk ka mbaruar sipas ish kryetarit të qeverisë. Kryengritja është zgjidhja e vetme që artikulon ai.

“Kryengritje popullore me 51 format e mosbindjes civile”./ABC News Albania 24/7

myslim-murrizi.jpg
G. P.10:45 | 04/07/2019

Sipas deputetit të opozitës, Myslim Murrizi, duhet të ndryshojë sistemi zgjedhor që vjen si pasojë e Kushtetutës së vitit 2008. Gjatë fjalës së tij në seancën parlamentare të kësaj të enjteje, ai deklaroi se në 29 vjet demokraci janë bërë marrëveshje vetëm për pazare.

Ndër të tjera, deputeti tha “rruga e mbarë i qoftë” nëse ka ndonjë politikan që meriton të shkojë në burg nga drejtësia e re, pasi sipas tij haramin në këtë botë nuk e ka gëzuar dhe nuk do ta gëzojë askush.

“Për mua dhe të gjithë këta hajde t’i hapim që sot, por ju s’doni, ndaj do ta kushtëzojmë votën tonë edhe për ligjet e reformës në drejtësi, edhe për të shpall shokun Mehmet armik dhe për t’ia vënë prangat atje te komiteti qendror. Vetëm me ndryshimin sistemit zgjedhor. Ta ndryshojmë sistemin zgjedhor, ta ndryshojmë këtë Kushtetutë formale dhe super të pistë të Prillit të 2008-s që pastaj t’i drejtohemi sovranit kurdo që vijnë kushtet. I vetmi vend që bëjmë ligje dhe kërkojmë të ulemi në tavolinë për marrëveshje. Jo, jo, marrëveshjet bëhen para se të vish në këtë sallë.

Kur marrëveshjet kthehen në ligj, s’ke pse bën marrëveshje pastaj. 29 vjet që bëjmë ligje këtu dhe kërkojmë marrëveshje vetëm për pazare për të ndarë me njëri-tjetrin, apo për të mbrojtur me njëri-tjetrin nga pisllëku që kemi bërë me taksat e qytetarëve shqiptarë në këtë vend. Ndaj nga Presidenti, ish-Presidenti, Kryeministri, ish-Kryeministri, ministrat që janë këtu, ata që janë ulur atje, këta që janë ulur këtu, nëse meritojnë nga kjo drejtësi e atyre ustallarëve matanë oqeanit për të shkuar në burg të Reçit, rrugë e mbarë i qoftë, për ndonjë që mund të njohim individualisht mund të shkojmë ta shohim t’i çojmë ndonjë paketë duhani. Haramin në këtë botë nuk e ka gëzuar askush, nuk e besoj se do ta gëzojnë këta. As çunat që ishin, as çunat që keni ju këtu”, tha Murrizi.

Parlamenti diskuton sot projektligjin për përmbarimin privat, i kthyer për rishqyrtim nga Presidenti Meta./abcnews.al

20190619160037.jpg
ent ela22:15 | 19/06/2019

Nikolas Sarkozi ka humbur betejën për t’i shpëtuar organeve të drejtësisë. Një gjykatë në Francë ka vendosur që ish-presidenti të gjykohet për akuzat e korrupsionit dhe abuzimit me anë të detyrës.

Ish-presidenti francez Nikolas Sarkozi ka humbur në përpjekjen finale për t’i shpëtuar procedimit për akuzat e korrupsionit dhe abuzimit me anë të pushtetit. Konkretisht, Sarkozi akuzohet se është përpjekur të korruptojë një prokuror, duke i ofruar një post prestigjoz në këmbim të informacioneve për një hetim penal që po zhvillohej ndaj partisë së tij.

Gjykata e Lartë e Francës hodhi poshtë apelin e ish-presidentit, duke vendosur se ai duhet të përballet me procesin gjyqësor që do të mbahet në muajt në vijim. Në gjyq do të dalin edhe prokurori të cilit ai u përpoq t’i jepte ryshfet, Gilbert Azibert dhe avokati i tij personal Thierri Herzog. Çështja është e fokusuar tek bisedimet e regjistruara mes prokurorit Azibert dhe zotit Herzog, me hetuesit që po shqyrtojnë deklaratat e tyre se Sarkozi pranoi pagesa të paligjshme nga trashëgimtarja e grupit “L’Oreal”, Lilien Betenkurt për fushatën e tij presidenciale të vitit 2007.

Hetimet gjithashtu kanë treguar se ish-kreu i shtetit dhe avokati i tij përdorën telefonë celularë dhe emra të rremë për të komunikuar mes tyre, me Sarkozy që mbante pseudonimin Pol Bismuth. Nga ana e tij Sarkozi i ka mohuar akuzat për krimet financiare. Vitin e kaluar ai mohoi që të kishte marrë financime për fushatën nga diktatori libian Muamar Gaddafi. Megjithatë, ai u ndalua dhe u mor në pyetje nga hetuesit. /ABC News Albania 24/7

lulzim-basha-4.jpg
G. P.11:28 | 19/06/2019

Kryetari i Partisë Demokratike, Lulzim Basha, u paraqit sot në prokurori në lidhje me çështjen e lobimit të PD-së në SHBA. Në dalje, gjatë një prononcimi për mediat, Basha iu përgjigj pyetjes së gazetarëve nëse kishte frikë nëse drejtësia do të vepronte edhe mbi të.

“Këtu ku jemi ka plot njerëz të frikësuar, disa sapo i takova, por unë nuk jam një prej tyre”, tha Basha.

Për sa i përket çështjes së lobimit në SHBA, lideri i opozitës tha se, “Prokuroria nuk ka asnjë fakt, nuk ka asnjë provë ndryshe apo shtesë që nga 25 Maji kur unë isha këtu për herë të fundit. Zyrtarisht komunikuan që nuk kanë asnjë gjë të re që nga 25 Maji. Kjo për një arsye të thjeshtë sepse kjo akuzë është montuar më zyrën e Edi Ramës, për llogari të Edi Ramës. U njoha me akuzën që nuk është akuzë, sepse nuk ka asnjë fakt, asnjë provë, s’ka asnjë dokument të falsifikuar në dosje, asnjë transaksion për pastrim parash, nuk ka asnjë rus të vetëm, nuk ka asgjë, pra është një akuzë e formuluar me një qëndrim, t’ju shpërqendrojnë ju dhe qytetarët nga skandalet që kanë plasur të Bild dhe skandalet që do të plasin nesër nga Bild që demonstrojnë ku e ka katandisur shtetin Edi Rama.

Është një çështje e montuar në zyrën e Edi Ramës, nuk ka asnjë ndryshe nga 25 Marsi kur kam qenë herën e fundit këtu.  Kam qenë pse herë këtu. Herën e parë kur plasi skandali i Saimir Tahirit, herën e dytë kur plasi skandali i Geron Xhafës, herën e tretë më thirrën kur plasi skandali i Rrahman Rrajës dhe Taulant Ballës, herën e katërt më thirrën kur plasi skandali i Vangjush Dakos, kjo është hera e pestë. Sa herë plasin skandalet e kësaj qeverie këta riaktivizonin një dosje ku nuk ka asnjë fakt, asnjë provë për një arsye të thjeshtë është montuar në zyrën e Edi Ramës për llogari të Edi Ramës”.

Nëse Lulzim Basha do ta refuzonte deri në 20 Qershor të paraqitej në prokurori, të premten organi i akuzës kishte urdhëruar shoqërimin e tij./abcnews.al

balla-kuvend1-1280x718.jpg
ent ela13:26 | 17/06/2019

Ka reaguar nga salla e Kuvendit edhe kreu i grupit parlamentar socialist. Taulant Balla tha se Basha po shmang drejtësinë, njëlloj si në rastin e hetimit për abuzimet në Rrugën e Kombit.

“Përmes firmës së Bashës, përmes PD, 1 mln dollarë kanë hyrë në Amerikë a janë përdorur për qëllime të mira a këqija kjo i takon hetimit qoftë në Shqipëri, apo SHBA. Por fakti që Byroja Federale ka hetim për këtë çështje tregon që Basha është më sa paku i përdour dhe më së shumti pjesë e një skeme financimesh transfertash të paligjshme. Dhe ajo që ka ndodhur sot për mosprezantimin para Prokurorisë për të disatën herë, është i vetmi politikan që sa herë thirret në prokurori nuk shkon. Kështu kam denoncuar këtu e 12  vite më parë me një pamje ndryshe të Kuvendit, teksa Basha thërritej përtë dëshmuar për vjedhjen e shekullit, atë të 230 milionëve i gjetur fajtor nga hetimi i Prokurorisë, po i shpallur i pafajshëm, për shak të afateve, nga ana e gjykatës, një çështje që është mbyllur për afate, por jo për fajtor se faji i 230 milionëve ka për zotërues vetëm Lulzim Bashën”. /ABC news Albania 24/7

shpetim-nazarkoo.jpg
G. P.21:51 | 14/06/2019

“Nuk hyj te qorrat që besoj se drejtësia ka çuar botën përpara”. Është kjo deklarata e analistit Shpëtim Nazarko nga studio e emisionit “Provokacija”, kur u pyet nga Mustafa Nano nëse besonte tek reforma në drejtësi. Ai tha më tej se beson se një vend e çon përpara konflikti i interesave dhe jo historia e luftës për drejtësi.

“Më pyesin shumë shpesh a beson te Evropa dhe reforma në drejtësi? Unë nuk hyj te qorrat që besoj se drejtësia ka çuar botën përpara që ta them troç. Unë mendoj që Evropën e kanë çuar mbretëritë përpara, domethënë në rrugë evolucionare. Në tërë historinë e njerëzimit nuk di ndonjë shtet që është ndërtuar në bazë të demokracisë së drejtpërdrejtë. Edhe besoj në mënyrë popullore, se Evropa thotë kështu “unë dua të shfrytëzoj rrugët e atij vendi, dua të shfrytëzoj mineralet e atij vendi, dua të shfrytëzoj gjatësitë e shkurtra të atij vendi.

Mirëpo po të vete unë në doganë do më presë një polic i korruptuar, po të vete në gjykatë do më presë një gjykatës që më zhvat, po të vete në rrugë do më çajnë gomat e makinës. Çfarë t’i bëj unë këtyre njerëzve? Do t’i fshij. Por që ti fshij s’ka më kuptim sepse janë si ata qengjit që sa kanë dalë nga delja. Do t’i rris pak. Do i jap ca para sa të rrisë doganat se kështu nuk i rris dot”. Dhe Evropa ka vendosur të na rregullojë në këtë lloj forme. Na dha ca para për këtë, që ne i humbëm. Tani do na japë ca dru kokës dhe unë besoj që përpara të çon gjithnjë jo historia e luftës për drejtësi, por konflikti i interesave”, tha Nazarko./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono