dosja

KRONIKE-PD-DENONCON-ZGJEDHJET.mpg_snapshot_00.37-1280x720.jpg
ent ela16:50 | 11/09/2019

Partia Demokratike denoncoi me dokumente dhe pamje filmike parregullsitë e konstatuara sipas saj në zgjedhjet e 30 qershorit. Nga selia blu, ish-deputeti Bylykbashi dhe sekretari zgjedhor, Kaso treguan se si fletët e pavlefshme kaluan në favor të kandidatëve të PS dhe numri i zgjedhësve u rrit në mënyrë fiktive.

Partia Demokratike iu përmbajt paktit me ODIHR për të mos nxjerrë dokumentat dhe provat e saj për zgjedhjet e 30 qershorit. Kur raporti i vëzhguesve ndërkombëtarë është publik, eksperti për zgjedhjet në PD, Oerd Bylykbashi dhe Sekretari Zgjedhor, Ivi Kaso nxorrën fakte dhe prova nga dosja që partitë opozitare i dorëzuan ODIHR. Ish-drejtyuesi i Reformës Zgjedhore, Bylykbashi deklaroi se shkeljet e konstatuara në zgjedhje ishin disa.

Ditët që pasuan 30 qershorin i shndërruan zyrat e PD në një institucion monitorimi, ku pasi morën pamjet filmike të procesit të numërimit të votave, analizuan çdo fletë. Nga analiza rezultoi se edhe vullneti i qytetarëve që kërkuan të nxjerrin votën e tyre të pavlefshme u deformua.

Për Sekretarin Zgjedhor në PD, shkeljet e konsumuara nga komisionerët e PS nuk janë thjesht çështje teknike por rrëzojnë gjithë procesin.

Demokratët nuk i kanë kursyer akuzat në drejtim të Prokurorisë së Përgjithshme e cila sipas tyre edhe përse me dokumenta dhe pamje filmike që vërtetojnë manipulimin e procesit hesht dhe nuk vepron pëërballë një krimi zgjedhor. /ABC News Albania 24/7

dosja.jpg
G. P.13:26 | 27/08/2019

Prokuroria e Dibrës ka regjistruar dosjen 184 e cila heton shitblerjen e votave në qarkun e Dibrës gjatë fushatës për zgjedhjet e pjesshme vendore të vitit 2016. ABC News ka mësuar se do të hidhet shorti midis prokurorëve Rifat Kojku dhe Benila Zeneli, para përfundimit të afateve që është data 10 Shtator.

“Me 10 shtator përfundojnë afatet për dosjen 184 , prej disa ditësh Prokuroria e Dibrës e ka regjistruar si procedim penal dhe pritet hedhja e shortit mes dy prokurorëve se kush do ta hetoje këtë çështje”. 

Dosja 184, heton shitblerjen e votave në qarkun e Dibrës gjatë fushatës për zgjedhjet e pjesshme vendore të vitit 2016. Abc Neës mëson se në fillim të Shtatorit pritet të hidhet shorti mes dy prokuroreve Rifat Kojku dhe Benila Zeneli.

Drejtuesja e prokurorisë së Rrethit te Dibrës Esmeralda Cami (Keshi) mësohet se nuk do të jetë pjesë e shortit. Kjo, për shkak të lidhjeve familjare me Arben Keshin, njëri prej personave nën hetim për shitblerjen e votës.

Pak kohë më parë, Prokuroria e Krimeve të Rënda shpalli moskompetencën për dosjen 184, duke e dërguar atë në institucionin e akuzës së Dibrës. Arsyeja e moskompetencës, sipas kësaj prokurorie, ishte fakti se dosja nuk ka të bëjë me një grup të strukturuar kriminal, por bashkëpunim të thjeshtë.

Ndërkohë, prokuroria e Dibrës i kërkoi Prokurorisë së përgjithshme, që kjo dosje të hetohet nga krimet e Rënda, pasi objekt i hetimit është një grup i strukturuar kriminal.

Gjithashtu, organi i akuzës së Dibrës e ka argumentuar kërkesën e saj me faktin se kjo prokurori nuk ka staf të mjaftueshme për të kryer hetimet. Por Prokurorja e Përgjithshme e Përkohshme Arta Marku vendosi që përfundimisht kjo dosje të hetohet nga Prokuroria e Dibrës.

Në përgjimet telefonike te publikuara nga gazeta Gjermane “Bild”, pjesë e dosjes 184,  dëgjohen në biseda deputetë dhe zyrtarë të lartë të Partisë Socialiste si Damian Gjiknuri, Pjerin Nderu, Fatmir Xhafa, Sajmri Tahiri, teksa bisedojnë me zyrtarë vendorë të Qarkut të Dibrës për blerjen e votave.

/ABC News Albania 24/7

enkeled-alibeaj-1280x727.jpg
nev ila17:03 | 24/07/2019

Procesi gjyqësor në ngarkim të të pandehurve Albert Veliu dhe Fredi Alizoti, ka vazhduar me pyetjen e dëshmitareve, të konsideruar të rëndësishëm nga prokuroria e Tiranës.

Para trupës gjyqësore dëshmoi ish-deputeti Enkelejd Alibeaj, duke treguar se si u përfshi në atë që mori emrin ‘Babalja’ dhe që lidhet me  audio-përgjimin.

Dëshmitari shtoi se në cilësinë e drejtorit të departamentit për rendin dhe sigurinë publike, ai e publikoi audio përgjimin bashkë me kolegët e tij demokratë, Ervin Salianji dhe Gazmend Bardhi.

I pyetur nga prokurori a kishte prova për autencititetin e audio-përgjimit, i cili më pas rezultoi i pavërtetë,  Alibeaj këmbënguli se, detyra e tij nuk ishte të bënte ekspertizën videos, por ai theksoi se bazuar në moralin politik dhe perceptimin që krijoi, meritonte të bëhej publike.

Në cilësinë ë dëshmitarit u pyet edhe një operator investigative, ndërsa Sekretari i Përgjithshëm i PD Gezment Bardhi do të japë dëshminë e tij në seancat e 30 korrikut./ABC News Albania 24/7

lulzim-basha-1.jpg
ent ela16:10 | 23/07/2019

Burime nga Partia Demokratike bëjnë të ditur se kryedemokrati Lulzim Basha ka shprehur gatishmërinë e plotë të kontribuojë në hetimin e autoriteteve të drejtësisë belge për dosjen e njohur si “Toyota Yaris” ku u kapën 3.4 milionë euro.

Kryetari i opozitës është shprehur i gatshëm për të ndihmuar me informacionet që disponon në zbardhjen e kësaj çështjeje ku ai pretendon se krimi është i lidhur me politikën në aferën e pastrimit të miliona eurove me garanci politike të përfaqësuesve më të lartë të kupolës së Rilindjes.

Kreu demokrat është në kontakt me autoritetet belge dhe mbetet në pritje të rakordimit me ta për mënyrën e bashkëpunimit. /ABC News Albania 24/7

arber-cekaj-1280x725.jpg
nev ila18:40 | 24/06/2019

Dosja për 613 kilogram kokainë ka kaluar për gjykim. Të akuzuar në këtë çështje janë Arbër Cekaj pronari i kompanisë Arbi Garden,  Donaldo Lushaj menaxheri i firmës  dhe Armando Pezakun shoferi që mori në Durrës kontenierin me banane ku ishte e fshehur kokaina.

Gjykata e Krimeve të Rënda ka vendosur që të kalojë për gjykim dosjen për trafikimin e 613 kilogram kokainë të kapur në Maminas shkurtin e vitit të shkuar. Të pandehur  për këtë dosje janë Arbër Çekaj në mungesë pronari i kompanisë Arbi Garden,  Donaldo Lushaj menaxheri i firmës  dhe Armando Pezakun shoferi që mori në Durrës kontenierin me banane ku ishte e fshehur kokaina.

Burime pranë organit të akuzës bëjnë me dije se edhe pse dosja ka kaluar për gjykim ku pritet që të hidhet edhe shorti për të caktuar treshen gjykuese që do të zhvillojë procesin gjyqësorë,  organi i akuzës  është në pritje të përgjigjes së  letërporosisë, nga Ekuadori. Autoriteteve të huaja u është kërkuar informacion lidhur me dy sasi të ndryshme kokaine të kapura në Ekuador në periudha të ndryshme kohore. Sasia e parë prej 90 kilogramë kokainë, është kapur po me kontenier me banane në pronësi të Arbër Çekajt, pronar i Arbi Garden .

Ndërsa  sasia e dytë prej 38 kg Kokaine është kapur po në Ekuador.

Burimet saktësojnë se autoritetet ekuadoriane kishin  informacion se sasia e fundit po tentohej të futej në kontenier e ndarë në 4 arka bananesh. Po i njëjti burim ka konfirmuar se autoritetet e Ekuadorit i kanë caktuar edhe një masë sigurie Arbër Çekajt.  Pronari i Arbi Garden vazhdon i proceduar  në Gjermani pasi ka kërkuar azil politik në këtë shtet.

Në përfundim të hetimeve, sipas dosjes së kësaj çështjeje,   rezultoi se Arber Çekaj kishte marrë përsipër që të kryente vetëm transportin e 613 kg kokaine, që është edhe sasia më e madhe e drogës e  kapur ndonjëherë në vendin tone. Prokurori i çështjes, Edvin Kondili vijon hetimet për të zbuluar personat e tjerë të përfshirë në trafikun e kokainës dhe pronarët e saj./ABC News Albania 24/7

SOTIR-KLLAPI-NE-KPK-_ABC-1280x720.jpg
nev ila13:59 | 21/06/2019

Komisioni i Pavarur i Kualifikimit konfirmoi në detyrë Saida Dollanin, ish-gjyqtaren e dosjes “Shullazi”  pranë Gjykatës së Apelit për Krimet e Rënda. Trupa gjykuese e KPK-së e përbërë nga Genta Tafa Bungo, Valbona Sanxhaktari dhe Lulzim Hamitaj ne vendimin për të konfirmuar në detyrë drejtuesen e gjykatës së Apelit të Krimeve të Rënda, Dollani, vlerësuan se  deklarimet e saj kanë qenë në përputhje me rezultatet e hetimit dhe po ashtu ndaj saj nuk u gjetën probleme në asnjë prej kritereve të rivlerësimit.

Nga hetimi administrativ nuk ishin evidentuar probleme në dhurimin e një apartamenti me sipërfaqe 79 m2 në Tiranë, i falur Dollanit prej motrës së saj dhe bashkëshortit të kësaj të fundit, të cilët jetojnë dhe punojnë në Shtetet e Bashkuara të Amerikës. Po ashtu pa probleme rezultuan edhe shpenzimet për studimet e dy djemve të gjyqtares në Francë. Disa denoncime, përfshi një denoncim nga Emiljano Shullazi, nuk u morën parasysh nga KPK pasi në to nuk kishte indicie për veprime të paligjshme.

Ndërkohë, nuk është konfirmuar në detyrë gjyqtari i Apelit të Krimeve të Rënda, Gurali Brahimllari, për shkak të problemeve me pasurinë. Brahimllari ishte kandidat për Gjykatën Speciale antikorrupsion, SPAK./ABC News Albania 24/7

ulsi-manjaa.jpg
G. P.20:44 | 31/05/2019

Kryetari i komisionit të ligjeve, Ulsi Manja, e konsideron damkë për Dibrën dosjen 184. Sipas tij, ajo është vendosur padrejtësisht nga politika ndaj një bashkie që nuk ka pasur incidente gjatë proceseve zgjedhore të mëparshme.

“I kërkoj në mënyrë persistente prokurorisë që të zbardhë dosjen 184. Dibra nuk e meriton atë damkë. Për një mijë e një arsye Dibra si bashki dhe si rajon nuk e meriton këtë damkë që i ka vendosur padrejtësisht politika dhe një orë e më përpara është në nderin e drejtësisë që ta zbardhë atë dosje. Dibra është i vetmi rajon që nga momenti që janë zhvilluar zgjedhjet e para demokratike, bën pjesë në bashkitë që nuk ka pasur incidentin më të vogël. As në zgjedhjet kur palët politike kanë qenë super të acaruara dhe në bashkitë e tjera ka pasur përplasje. Me aq sa është bërë publike nga prokuroria, thuhet që dosja 184 është drejt zbardhjes, drejt përfundimit të hetimit dhe do të ketë një vendimmarrje. Ata japin arsye për zvarritje në hetim “jo nuk janë zbardhur CD e përgjimeve, jo ka patur ngarkesë”. Dosja e Dibrës do duhet të ishte zbardhur me kohë dhe duhet zbardhur. Uroj që të jetë në proces e sipër që të kemi një vendimmarrje sepse është tipike e filluar nga prokuroria për krim zgjedhor. Krimi zgjedhor në vlerësimin tim ndodh para, gjatë dhe në numërim. Nuk ndodh mbrapa. Në momentin që del rezultati nuk ka ç’heton prokuroria mbrapa. Pra krimi elektoral ndodh para, gjatë dhe ditën e zgjedhjeve. Mbrapa bëhet sinteza e hetimit, se ça ka ndodh”, tha Manja gjatë emisionit “Provokacija”.

Përballë gazetarit Mustafa Nano, deputeti i PS-së u shpreh i çuditur nga reagimi i Lulzim Bashës në lidhje me këtë dosje. Sipas tij, nëzgjedhjete e vitit 2016 në Dibër, kreu i PD-së ka dhënë porosi që të mos ngrihet çështja e kanabisit në atë bashki pasi do humbnin vota.

“Dosja do të dalë në dritë dhe pastaj nëse realisht ka pasur krim zgjedhor absolutisht do duhet secili t’i nënshtrohet ligjit, përgjegjësisë penale nga i pari te i fundit. Ajo që më bën çudi te dosja e Dibrës është mënyra e të reaguarit të PD-së dhe personalisht Lulzim Bashës. E dini që zgjedhjet e parakohshme për Dibrën, fushatën  e ka udhëhequr 35-40 ditë pa lëvizur nga Dibra Lulzim Basha. Ka qenë e gjithë elita e PD-së në Dibër. Duke përfshirë edhe struktura të menaxhimit të zgjedhjeve, ish=-zyrtarë të lartë të policisë, të PD-së në kohën kur ishte PD në qeverisje. Si ka mundësi që Basha lëvizi në çdo cep të Dibrës, shëtiti çdo livadh të Dibrës dhe nuk e dha një provë të vetme se në Dibër po realizohej krim zgjedhor nga ana e mazhorancës? E dyta, nëse pretendohej se viti 2015 dhe 2016 sipas opozitës ishte viti i kanabizimit, ku nuk ngeli pa shpëtuar edhe Dibra ime, Lulzim Basha me ata që i kishte mbrapa, të gjithë ishin ish-zyrtarë të policisë nuk e vërtetuan që në Dibër kishte kanabis dhe po na blen zgjedhjet në Dibër. Lulzim Basha e di shumë mirë që në atë histori aspak nderuese se çfarë porosish iu jepte shtabeve zgjedhore në vitin 2016. Histori që ne nuk duhet të ngremë çështjen e kanabisit të Dibrës se humbasim vota. Them që është edhe në nderin e Lulzim Bashës që thotë “jam nga Dibra” ndërsa unë deri kur të dalë e vërteta e fundit në atë dosje, jo se kam qenë i përfshirë në të, por dibran ë vetvete nuk e meriton atë damkë. I takon Lulzim Bashës që t’ia heqë Dibrës këtë damkë”, tha Manja./abcnews.al

KRONIKE-ARBER-CEKAJ_ABC-M2-T1.mpg_snapshot_00.14-1280x720.jpg
Sej rie15:53 | 28/05/2019

Dy ditë pasi dosja për 613 kilogramë kokainë kaloi për gjykim ABC News ka zbardhur dosjen e plotë. Organi i akuzës është në pritje të letërporosisë nga Ekuadori, pasi Arbër Çekaj rezulton me masë sigurie për trafikim të lëndëve narkotike. Ndërkohë vijojë hetimet për të zbuluar se kush janë porositësit e sasisë më të madhe të kokainës, të kapur ndonjëherë në vendin tonë, pasi sipas akuzës Çekaj kishte marrë përsipër vetëm transportin.

ABC News zbardh dosjen e plotë, për 613 kg kokainë të kapur në Maminas, me të pandehur Arbër Çekaj në mungesë, Donaldo Lushaj dhe Armando Pezakun, dy ditë pasi Prokuroria për Krimeve të Rënda e dërgoi dosjen në gjykatë. Burime pranë organit të akuzë bëjnë me dije se edhe pse janë mbyllur hetimet, prokuroria është në pritje të letërporosis, nga Ekuadori.

Autoriteteve të huaja u është kërkuar informacion lidhur me dy sasi të ndryshme kokaine të kapura në Ekuador në periudha kohore të ndryshme. Sasia e parë e kapur është 90 kilogramë kokainë, e gjendur po me kontejner me banane në pronësi të Arbër Çekajt, ndërsa sasia e dytë ishte 38 kg e kapur po në Ekuador.

Burimet saktësojnë se autoritete e Ekuadorit kishin  informacion se sasia e fundit po tentohej të futej në kontejner e ndarë në 4 arka bananesh, që ishte shtesë nga ajo që ishte porositur nga kompania “Arbi Garden”. Po i njëjti burim ka konfirmuar se autoritetet e Ekuadorit i kanë caktuar edhe një masë sigurie Arbër Çekajt.

Gjithashtu ABC News ka mësuar se Çekaj dy ditë pasi është kapur sasia prej613 kg kokainë është nisur nga Gjermania dhe ka ndaluar në Kosove aty ku ka kryer edhe një telefonatë në një media në Tiranë për të sqaruar pozicionin e tij, por më pas është larguar në mënyrë jo të rregullt ligjore drejt Gjermanisë aty ku ka kërkuar edhe azil politik.

Nga ana tjetër, prokurori Edvin Kondili vijon hetimet për të zbuluar personat e tjerë të përfshirë në trafikun e drogës dhe pronarët e saj. Në përfundim të hetimeve rezultoi se Arber Çekaj kishte marrë përsipër që të kryente vetëm transportin e lëndës narkotike që është edhe sasia më e madhe e kapur ndonjëherë në vendin tonë./ABC News Albania 24/7

dosja-1280x739.jpg
Sej rie13:49 | 09/05/2019

Gjykata për Krimet e Rënda caktoi sot masat e sigurisë për 5 personat e arrestuar në lidhje me abuzimin e dyshuar me trojet në ish-komunën e Kasharit. Gjyqtarja Rexhina Merlika ka lënë në masën e sigurisë “detyrim paraqitje” për 3 ish-zyrtarët e komunës, përfshirë dhe ish-kreun e kësaj njësie vendore Besnik Fuçia, ndërsa në “arrest me burg” është lënë vetëm investitori i kompanisë “Ina 2004”, Stefan Çaushi. Me masën e sigurisë detyrim paraqitje u lanë: Teuta Shehaj, mbesa e ndërtuesit Çaushi, Jurgen Memishaj, ish shef  i zyrës  së Urbanistikës në ish komunën Kashar, Miranda Dyrmishaj, kolaudatore. Kallëzimi u bë nga investitori Arben Petriti. Hetimet zbuluan se Petritit i është shkaktuar dëm financiar prej 1.5 milion euro për një truall që i ishte dhënë në pronësi nga komuna ndërtuesit Stefan Çaushi./ABC News Albania 24/7

Basha-per-babalen.jpg
nev ila18:37 | 12/04/2019

Kërcënimi, i ardhur fill pas akuzës drejtuar edhe nominalisht ndaj prokurorëve dhe gjyqtarit të çështjes, erdhi nga vetë kreu i opozitës së bashkuar, Lulzim Basha.

“Kriminelët nuk hetohen, denoncuesit çohen në gjykatë, dua ta dënoj këtë akt kriminal, dua t’ja bëj të qartë Kastriot Gramshit dhe prokurorëve të çështjes se nuk do ja hedhin kollaj me këtë akt që ka ndërmarrë. Nuk do kalojnë dot vettingun, vetting publik për këtë zotohem sot”, deklaroi Basha.

Përgjigjen e merituar sipas Kodit Penal të Shqipërisë,  i premton kujtdo që bazuar në përgjimin që çoi pas hekurave në shtetin fqinj Itali Agron Xhafajn, vëllain e Ministrit të Brendshëm të kohës, pushoi hetimin për narko-trafik ndaj tij dhe ngriti akuza për “kallëzim të rremë” ndaj denoncuesve.

“Kurrë më parë në asnjë skandal shtetëror nuk është treguar më qartë se si funksionojnë të bashkërenduara me komandë politike organet e ngarkuara me ligj për të mbrojtur  liritë dhe të drejtat e njeriut dhe për të çuar përpara përgjegjësisë penale, shkelësit e ligjit” tha ai.

Një skemë, që sipas Bashës është e qartë për këdo që ka ndjekur përgjimet e bëra publike nga forca politike që drejton.

“Ja pra shkelësit e ligjit, Agron xhafaj, Alfred Alizoti, Balla, Nushi, Marko , Prokurori Osmani, kupola e ShISh e përfshirë në këtë skandal, vetë Drejtori i Përgjithshëm i Policisë Veliu, të gjithë sëbashku të kapur në përgjime zyrtare të prokurorisë duke fabrikuar një dëshmitar të rremë. Një ish të dënuar për trafik droge, Alfred Alizoti i cili ka pranuar të dënohet me një vit burg dhe të pranojë se është ai dhe jo Geron Agron Xhafaj zëri i interceptuar nga gazetari Jetmir Olldashi.  Prokuroria  nuk ka guxuar as të thërrasë dhe të nisë hetimet për personat e interceptuar nga vetë prokuroria”.

Jo vetëm kaq, por vetë kryeminsitri, deklaron Basha, promovon autorët kryesorë të këtij krimi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono