doreheqjen

prokurorja-1280x721.jpg
ad min17:30 | 15/07/2019

Prokuroria Speciale Publike në Maqedoninë e Veriut, Katica Janeva, ka dhënë dorëheqjen e parevokueshme. Paralelisht me deklaratën e saj para gazetarëve, kryeministri Zoran Zaev i bëri apel partive politike që të ulen në tryezën e bisedimeve për të vendosur për emrin që do të drejtojë Prokurime Speciale. Zaev theksoi se vendi nuk do të shkojë në zgjedhje të parakohshme pavarësisht kërkesës së opozitës./ABC News Albania 24/7

645x344-1547482708875.jpg
ad min10:00 | 27/05/2019

Edhe në Francë, ku nacionalistët e Marine le Pen u renditen të parët në zgjedhjet evropiane, presidenti Macron është nën presionin për të dhënë dorëheqjen dhe për të shpërndarë parlamentin.

Bashkimi kombëtar i Marin Lë Pen është partia e re e parë në Francë, me rreth 23 për qind të votave. Simbolikisht është një rezultat Iindjeshëm, dhe pse qeveria franceze nxiton të kufizojë dëmet. Sovranistët premtojnë tu rijapin francezëve lirinë e grabitur nga Brukseli – tashmë që kanë lënë prapa Rilindjen e Emmanuel Macron, presidentit më pro evropian të republikës së pestë. Njeriu i cili me fjalimin solemn në Sorbonë shpresonte të riniste Bashkimin Evropian, por që të dielën ndaloi me 22 për qind të votave.

Mbrëmjen e së dielës Marin Lë Pen deklaroi e buzëqeshur se presidenti Makron duhet të mbajë pasojat e këtij votimi, sepse ishte ai që donte të transformonte këto zgjedhje në një lloj referendum për presidencën e tij. Lë Pen theksoi se nëse Macron nuk jep dorëheqjen atëherë minimum që mund të bëjë është shpërndarja e parlamentit në mënyrë që francezët tu rikthehen kutive të votimit.

Për Marin Lë Pen kjo është një fitore e rëndësishme. Edhe në vitin 2014 ajo ishte parti e parë me pot ë njëjtin rezultat. Por këtë herë ajo ka mundur një president i cili gjatë fushatës elektorale u impenjua personalisht për të mbrojtur projektin e tij për Evropën.

Për Emanuel Makron kjo është një humbje e papëlqyeshme të cilën u mundua ta shmangte me të gjitha mënyrat. Presidenti francez prej muajsh është objektivi i protestave të jelekëve të verdhë të cilët kërkojnë dorëheqjen e tij. Por nga këndvështrimi i tij  të humbësh vetëm me një pikë nuk është një dramë.

Në fakt nga presidenca bëjnë të ditur se rezultati është pritur mirë. Nuk do të ketë asnjë dorëheqje dhe as zëvendësime në qeveri, e aq më pak shpërndarje të parlamentit. Një e dhënë tjetër që duhet vlerësuar është pjesëmarrja në zgjedhje e francezëve – 51 për qind. Asnjëherë nuk kanë qenë kaq të shumtë në zgjedhjet evropiane prej 24 vjetësh. Dhe janë më shumë se në zgjedhjet e fundit parlamentare në vend./ABC News Albania 24/7

tereza-mey.jpg
ad min21:00 | 22/05/2019

Në Mbretërinë e Bashkuar është rritur trysnia ndaj Theresa Mej, pas publikimit të detajeve të reja të marrëveshjes së Breksit. Kryeministrja gjendet nën presion politik, përfshirë nga konservatorët e saj, për të dhënë dorëheqjen.

Kryeministrja britanike Theresa Mej po përballet me një presion në rritje për të dhënë dorëheqjen, pas kundërshtimeve të verifikuara në adresë të planit të saj për Breksit. Anëtarë të shumtë të kabinetit të saj kanë deklaruar për BBC se ajo nuk mund të qëndrojë më në detyrë, me njërin prej tyre që ka nënvizuar se kryeministrja ka arritur vijën e finishit. Megjithatë ka edhe nga ata që insistojnë se Mej duhet të vazhdojë të çojë përpara planin e saj të tërheqjes deri në mbajtjen e votimit në fillim të qershorit.

Ligjvënësit konservatorë të udhëhequr nga Mej kanë mbetur të pakënaqur nga konçesionet që ajo ka bërë në draft/marrëveshjen, por ajo ka kërkuar mirëkuptimin e tyre dhe të të gjitha palëve të përfshira në proces. Sipas BBC, ministri i Brendshëm Sajid Xhavid dhe ai i Jashtëm Xheremi Hant kanë kërkuar një takim privat me kryeministren, por kjo e fundit ka refuzuar për shkak se të dy ata shihen si konkurrentë për lidershipin e Partisë Konservatore, që rrjedhimisht garanton edhe postin e kryeministrit.

Draft/marrëveshja, që lejon largimin e Mbretërisë së Bashkuar nga BE-ja në mënyrë të rregullt, duhet të kthehet në ligj që të hyjë në fuqi. Zonja Mej është kritikuar ashpër nga të gjitha palët që kur nisi publikimin e detajeve të reja të akordit me Brukselin, që përfshinin mes të tjerash garantimin e të drejtave të punëtorëve, mbrojtjen e ambjentit, çështjen e kufirit të Irlandës së Veriut dhe një kompromis për doganat./ABC News Albania 24/7

ced138b0-c17c-4cc1-a226-5af93f3cb48d-1280x983.jpg
ad min12:39 | 11/04/2019

Ministri i Brendshëm Sandër Lleshaj, tha sot nga foltorja e Kuvendit se siguria e aeroportit të Rinasit tashmë  është e garantuar. Lleshaj tha se kjo ngjarje ka shumë aktorë të përfshirë brenda saj dhe se Policia e Shtetit ka siguruar prova të rëndësishme, që do të sjellin rezultate për hetimin. Më tej ai i është përgjigjur deklaratës së deputetit të opozitës Ralf Gjoni, i cili i kërkoi dorëheqjen nga salla e Kuvendit. 

“Gjëra të tilla mund të ndodhin kudo. Ajo që ka ndodhur është e rëndë. Ne kemi marrë masa të forta të plota për të zhbërë një histori turpi që është transferuar para 20 viteve në duart e një privati. Transferuam sovranitet në duart e një koncesionari privat. Nëse shikoni do të gjeni edhe emra të njohur që kanë kontribuuar në këtë situatë. Po është një cenim i sigurisë kombëtare dhe jo rrëzim. Aktorë dhe përgjegjës ndër vite për këtë situatë shqetësohen pse ndërhyri ushtrinë në aeroport. FA e ka në mision kushtetues sigurinë kombëtare. Nëse konstatojmë se është cenuar apo kërcënuar, FA ka detyrë që të japë kontributin e tyre. Ajo nuk kanë hyrë si forca të armatosura, por në mbështetje të policisë.
Porta e Rinasit u cenuar në kuadrin e disa sekondave. Nuk është turp kombëtar por incident, mos harroni 11 shtatorin se çfarë ndodhi, apo goditje terroriste, por asnjë komb nuk cenohet të shpallë gjendje të pa shpresë. Nuk ka asgjë për t’u alarmuar. Policia reagoi në kohë rekord dhe në mënyrë të paparë. Policia u sulmua me granata dhe nuk u tërhoq, nuk rrëzohet siguria nga një incident​​​​​​​. Ky grup kriminal është arratisur nga burgu i një vendi anëtar të BE-së, por nuk u shpall turp kombëtar atje. Meqë më përmende dorëheqjen, nuk kam luftuar asnjë ditë për ta pasur këtë post, nuk kam asnjë brengë për ta lenë, faleminderit për rekomandimin por atë e gjykoj unë me dinjitetin personal”, –tha Lleshaj./abcnews.al

rama-ne-puke-1280x746.jpg
ent ela18:30 | 19/02/2019

Kryeministri Edi Rama do të zbatojë kontratën me popullin. Është kjo përgjigja që i jep kërkesës së opozitës  për dorëheqjen e tij. Në takimin në Pukë për bashkinë që duam, kryetari i qeverisë u shpreh se lëvizjet e partive në opozitë,  i sheh si ikje nga ballafaqimi me qytetarët e zgjedhësit.

Thirrja ezanit të Hoxhës bëri kryeministrin Rama të heshtë. Pas kësaj vendosi të mos heshtë më për protestën e opozitës dhe vendimin e saj për të djegur mandatet.

“Në një rrugë që është e njohur për të gjithë është një film i parë sa herë afrohen zgjedhjen nisin avazin se nuk fitojnë dot . Ndërtuan një cadër bllokuan rrugën dhe bënë çmos të shmangin zgjedhjet. Sot e njëjta situatë ndërsa reforma në drejtësi po ecën dhe po hyn në fazën e ngritjes së institucioneve, ata i vihen barrikadë vendit e drejtësisë e përdorin argumenta vetëdiskrititues.  Kjo është arsye sa herë ka zgjedhje e nuk fitojnë dot, dalin nga binarët si mënyra për t’i ikur ballafaqimit me qytetarët e zgjedhësit”.

Kërkesës për dorëheqje i përgjigjet me vullnetin e shprehur nga populli.

“Detyra jonë është të zbatojmë kontratën me popullin dhe të imponojmë atë që ka imponuar populli në zgjedhje. Kjo është e gjitha të tjerat janë të thjeshta për t’u kuptuar. Për sa kohë do mendoni se shqiptarët do i bëni për budallenj, do ju lënë ku keni vendin, por edhe më pak. Në ballafaqimin e ardhshëm zgjedhor, populli do i lë aty ku janë po do jenë më pak seë janë sot”.

Për kërpudhën nuk foli edhe pse një banore e Pukës kërkoi të dinte pse I dhembi aq shumë prishja e saj. Sa për dallimin midis mazhorancës dhe opozitës i beson atyre njërëzve që kanë sy për të parë e vesh për të dëgjuar.

“Dallimi mes nesh dhe atyre që sot edhe në opozitë kanë dalë hapur si pengesë për ecurinë e çeljes së negociatave dhe janë kthyer në bojatisë. Ata janë njësoj si dallimi mes Pukës sot dhe Pukës dje. Ata janë pa ide dhe pa vizion. Më e keqja është se edhe në opozitë ata janë përsëri një pengesë e madhe për rrugën tonë të zhvillimit dhe përparimit. Pa asnjë vizion apo program zhvillimi alternativ. Pa asnjë lidership por thjesht bam e bum”.

Më shumë do të investohet premtoi kryeministri Rama në takim për Bashkinë që duam duke konfirmuar rikandidimin e kryetarit aktual Gjon Gjonaj. Vetëm një premtim nuk mund t’ia bëjë kryeministri Rama banorëve të Pukës.

Zonja: Zahon do ta bëjmë dhëndër Pukë se t’i na do dhe na respekton.

Rama: Po të isha si politikanët e tjerë do thoja patjetër, por unë nuk jam si politikanët e tjerë dhe këtë nuk ta premtoj dot. Shaka, shaka por këtë nuk e premtoj dot./abcnews.al

depuet-1280x789.jpg
ent ela19:31 | 15/02/2019

Një deputet i Parlamentit slloven ka dhënë dorëheqjen për një arsye që pak kush do ta mendonte kur bëhet fjalë për një ligjvënës. Largimi nga dyqani pa paguar një sanduiç e ka prekur në ndërgjegje politikanin, i cili ka zgjedhur të braktisë mandatin.

Ky është Darij Krajçiç, deri dje deputet nga radhët e partisë së kryeministrit Slloven Marjan Sharec. Të mërkurën ai gjatë debatit në komisionin parlamentar lidhur me mekanizmin e kontrollit të produkteve ushqimore, mbase duke dashur të jetë sa më bindës, tha se këto mekanizma janë të mirë nëse respektohen nga të gjithë, por shtoi se mbikëqyrjes edhe i shpëton diçka. Pyetur kush, ai e kishte ilustruar këtë me një veprim të tijin: kishte hyrë në dyqanin afër parlamentit, kishte marrë një sanduiç dhe kishte kaluar arkën pa e paguar atë: “Prita të paguaj, sigurisht disa minuta, prita, por aty ke arka tre-pesë njerëz bisedonin, duke mos ma vënë veshin.

Prita prita dhe dola pa paguar. Dhe askush nuk vrapoi pas meje, megjithëse aty ka shumë kamera të mbikëqyrjes”, tha Krajçiç që është edhe doktor i shkencës dhe pedagog në Universitetin e Lubljanës.

Kolegët e tij, raportojnë agjencitë e lajmeve, fillimisht pandehën se fjala është për ndonjë anekdotë të pakripë, por shakanë e mori djalli: megjithëse më pas u sqaroi gazetarëve se kishte bërë një vjedhje virtuale, një eksperiment shoqëror, sepse më pas ishte kthyer, e kishte paguar sanduiçin duke kërkuar edhe falje, gjesti i tij u pasua me shumë zhurmë dhe pas disa orësh bëri të ditur se hiqte dorë nga mandati i deputetit. Nga grupi parlamentar i partisë së tij ndërkohë kanë bërë të ditur se dorëheqja është pranuar dhe se është caktuar edhe zëvendësuesi i tij.’ Është ekspert, njeri, koleg, mik dhe bashkëpunëtor i mirë, por ka bërë akt të patolerueshëm’- thanë nga partia e kryeministrit slloven./abcnews.al

IZRAEL-POLITIKE_ABC-M2-T1.mpg_snapshot_00.00-1280x665.jpg
ent ela20:19 | 14/11/2018

Avigdor Lieberman, ministri izraelit i Mbrojtjes ka dhënë dorëheqjen duke kërkuar mbajtjen e zgjedhjeve të parakohshme në vend. Arsyeja për këtë dorëheqje është marrëveshja për armëpushim e arritur të hënën mes Izraelit dhe Hamas në Rripin e Gazës.

Pasi ka dhënë dorëheqjen nga posti i ministrit të Mbrojtjes, Avigdor Lieberman ka kërkuar zgjedhje të parakohshme në vend. Gjatë një konferencë për shtyp, tashmë ish-ministri izraelit, tha se edhe anëtarët e partisë së tij do të largohen nga qeveria e kryeministrit Netaniau.

Ndër të tjera Lieberman u shpreh se nuk ka qartësi në vizionin politik dhe në atë të sigurisë nga qeveria aktuale. Prandaj sipas tij, duhet caktuar sa më parë një datë për zgjehdjet e reja. Ish ministri i mbrojtjes e cilësoi si një dorëzim para terrorizmit, armëpushimin e arritur të hënën me Hamas, në Rripin e Gazës, falë ndërmjetësimit të Egjiptit dhe Kombeve të Bashkuara.

Nga ana e tij kryeministri izraelit Benjamin Netaniau mbrojti armëpushimin duke thënë se armiqtë e Izraelit kanë lutur shtetin hebre për të pranuar këtë armëpushim Por Lieberman këmbënguli se marrëveshja për armëpushim është një blerje e paqes për një kohë të shkurtër, por që vendit do i kushtojë një pasiguri që do të zgjasë më shumë. Ish ministri izraelit i mbrojtjes prej kohës kërkonte një operacion ushtarak të shkallës së gjerë kundër Hamas në Rripin e Gazës. Zgjedhjet e ardhshme parlamentare në Izrael janë parashikuar për në nëntor të 2019-s, ndërsa zgjedhjet e parakohshme do të mund të mbaheshin në muajin mars të vitiit të ardhshëm.

Hamas ka festuar lajmin për dorëheqjen e ministrit izraelit duke e konsideruar si një fitore e Rrripit të Gazës. Zëdhënësi i Hamas theksoi se dorëheqja e Lieberman është një pohim për humbjen dhe paaftësinë e Izraelit për tu përballur me rezistencën palestineze. Gjithashtu është një fitore që rezistenca në Rripin e Gazës shkaktoi një tërmet politik në Izrael./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono