dorëheqje

Kuvend-933x445.jpg
G. P.10:46 | 06/11/2018

Kuvendi ka miratuar me 75 vota pro dekretin e presidentit për shkarkimin e ministrit të Brendshëm Fatmir Xhafaj. Në një seancë të jashtëzakonshme të thirrur nga grupi parlamentar socialist, mazhoranca vendosi ti hapë rrugë emërimit të Gjeneral Sandër Lleshit në postin e zëvendës ministrit të Brendshëm i cili do të ketë detyrat e numrit një të ministrisë. Këtë e konfirmoi kryeministri Edi Rama gjatë fjalës së tij në seancën e sotme parlamentare.

Kreu i qeverisë tha se po sot do të mblidhet qeveria për të emëruar Sandër Lleshin në këtë detyrë. Kryeministri Edi Rama ka deklaruar se presidenti i republikës ka shkelur kushtetutën me mos dekretimin e emrit të propozuar prej tij si ministër i Brendshëm. Mëgjithatë kreu i qeverisë shprehet se nuk i ka humbur shpresat se në ditët në vijim kryetari i shtetit do të reflektojë pavarësisht se afatet ligjore kanë përfunduar./abcnews.al

angela-merkel.png
G. P.21:02 | 03/11/2018

Deklarata e kancelares gjermane Merkel që konfirmoi se nuk do të rikandidojë më as për postin e kryetares së kristiandemokratëve dhe as për kancelarinë dhe pse pritej, ka lënë pas shumë pikëpyetje. Por ajo që shqetëson më shumë është se çfarë do të ndodhë me Europën pas largimit të një nga zërave më të fuqishëm.

Të gjithëve do u mungojë Angela Merkel. Gjermanëve që e kanë pasur kancelare që nga viti 2005, të cilët kaluan të paprekur krizën më të madhe ekonomike të një shekulli; por dhe europianëve që e kanë parë të bënte gjënë e duhur kur në kohën e duhur, pa lënë mundësi për alternative. Qoftë më krizën financiare greke, ashtu dhe në atë të refugjatëve të vitit 2015. Tashmë që ajo paralajmëroi largimin gradual nga pushteti edhe pse ritmi nuk mund të parashikohet, Merkel sërish qëndron si një figurë e rëndësishme në historinë politike të këtij mijëvjeçari.

Moderne dhe anti-ideologjike në pragmatizmin e saj ndoshta pa vizion, shprehen analistët, por pikërisht për këtë arsye ajo ka qenë në gjendje të përballet me një sfidë të re gjithmonë. Si dhe të bëjë zgjedhje të befasishme dhe vendimtare. Ashtu si ndodhi brenda një nate, kur pas incidentit në Fukushimë, ajo përmbysi 30 vjet politikë energjitike të kristiandemokratëve, duke mbështetur mbylljen graduale të centraleve bërthamore gjermane. Gjithashtu ajo përdori gjithë forcën e saj për arritjen e marrëveshjes botërore për reduktimin e emetimit të gazrave.

Angela Merkel do i mungojë skenës politike në Europë. Jo sepse emri i saj lidhet me një projekt mbështetës për integrimin ambicioz dhe vizionar, ashtu si ai i mentorit të saj Helmut Kohl. Por sepse në kohët e populizmit dhe nacionalistëve në ngritje, Merkel mbajti të bllokuar busullën e vlerave që janë në origjinë të projektit.

“Duhet të më premtosh diçka, menjëherë: nuk do të vendosim asnjë barrierë”, i tha ajo liderit socialdemokrat Sigmar Gabriel, i cili ndodhej në kancelari atë natë Shtatori për një takim urgjent, në një moment që qindra mijëra emigrant ndodheshin në kufijtë e Gjermanisë. Sot është e lehtë të thuash që të gjitha problemet nisën pikërisht nga ky vendim. Por pa këtë të fundit, dhe pse jo i mirë shpjeguar dhe pa një plan të vërtetë ekzekutimi, Europa do të kishte humnbur shpirtin e saj.

Mungesa e Merkel, do të vihet re edhe në shkretëtirën e lidershipit apo qëndrimit politik që ekziston sot në skenën politike botërore. Kur të largohet nga posti i kancelares në vitin 2021, ashtu si do të dëshironte ajo, do të mungojë modestia e saj, aftësia për të qetësuar debatet, por dhe këmbëngulja dhe kokëfortësia përballë burrave të pushtetit.

Janë të shumtë ata që lidhin karrierën e Merkel me atë të Helmut Kohl, pasi dhe ky i fundit nisi të largohej duke humbur fillimisht kontrollin e partisë së tij. Tashmë e ardhmja e saj do të varet nga ai që do e zëvendësojë. Aleksandru Filip, politolog në Shkollën e Qeverisjes në Berlin mendon se Merkel është vetësakrifikuar dhe mund të  largohet nga skena shumë më përpara se viti 2021, kur dhe i përfundon mandati i kancelares. Rezultatet zhgënjyese të zgjedhjeve federale në Hesen, dy javë pas atyre negative në Bavari, tronditën thellësisht kristiandemokratët, duke bërë që Merkel të deklarojë prerë se nuk do të rikandidojë si kryetare partie dhe as si kancelare: “Nuk kam lindur kancelare dhe këtë nuk do ta harroj asnjëherë!”

Sipas politologëve skenarët e mundshëm janë dy. I pari është ai ku CDU të zgjedhë një kryetar që historikisht mund të jetë e kundërta e Merkel si Jans Spahn apo Fredrik Merc, të dy të krahut të djathtë. Është variant më i besueshëm, por njëkohësisht do të ishte prova që partia nuk e ndjek më. Kryetari i ri mund të shkundë partinë nga brenda dhe në të njëjtën kohë të bëjë që socialdemokratët të braktisin koalicionin qeverisës duke dërguar vendin në zgjedhje të parakohshme. Por do të ishte përballë një rreziku të madh pasi pavarësisht çdo gjëje, Merkel është ende lideri politik më popullor për gjermanët. Duke iu kundërvënë mund të rezultojë një bumerang.

Skenari i dytë parashikon zgjedhjen e një personi në gjendje për të mbledhur e për të vazhduar rrugën e bërë nga kancelarja emri në këtë rast do të ishte sërish ai i një gruaje: Annegret Kramp-Karrenbauer, që nga janAri i kaluar në postin e Sekretares së Përgjithshme të partisë, e zgjedhur nga Merkel. Në këtë rast Merkel mund të vendoste të tërhiqej nga pritja për përfundimin e mandatit duke i lënë asaj dhe postin e kancelares. Do të ishte një kalim i butë pushteti dhe në gjendje për të shpëtuar aleancën me socialdemokratët. Nga ana tjetër këta të fundit e dinë mirë se po të shkonin në zgjedhje në këto moment do të merrnin akoma më pak vota se në vitin 2017.

Merkel i kishte premtuar partisë së saj se në rast rezultatesh negative do të jepte dorëheqjen; por nëse vërtet njëri nga të dy emrat Spahn e Merc do të zgjidhej në krye të kristiandemokratëve, Merkel nuk do të mund të qëndronte më në krye të qeverisë. Në këtë rast do të kishte zgjedhje të parakohshme, ose njëqeveri minorance me socialdemokratët pa ministra, por sidoqoftë në mbështetje të temave kryesore të marrëveshjes fillestare të koalicionit qeverisës. Por situata aktuale në radhët e CDU-së sjell në vëmendje një ngajrje të ngjashme: në fund të viteve ’90 Helmut Kohl u reduktua në minorancë brenda partisë së tij ndërkohë që mbante ende postin e kancelarit. Ironi e fatit ndoshta, por ai rebelim në atë kohë drejtohej pikërisht nga Angela Merkel.

Në kongresin e kristiandemokratëve në Dhjetor të këtij viti, pas 18 vitesh do të zgjidhet një emër i ri për kryesimin e partisë dhe Merkel kështu i jep lamtumirën një karriere të shkëlqyer politike. Njëkohësisht ajo përgënjeshtroi zërat sipas të cilëve synonte presidencën e Komisionit Europian apo të ndonjë posti tjetër brenda Bashkimit Europian. Pra, kur koalicioni qeverisës në Gjermani të përfundojë, do të ketë përfunduar dhe epoka e Merkel… në të gjitha kuptimet e saj.

Ishte viti 2005 kur pas dorëheqjes së kancelarit socialdemokrat Gerard Shrëder, kur gruaja e parë në krye të qendrës së djathtë gjermane që deri atëherë njihej si “Vajza e Kohl”, garonte për kancelarinë. Nga katër qeveritë që ka drejtuar, tre ishin koalicione me kundërshtarët politikë: socialdemokratët dhe vetëm një me liberalët e FDP, aleatët natyrorë për konservatorët në Gjermani. Pikërisht kjo bashkëjetesë e vazhdueshme dhe e domosdoshme politike në qeveri mes dy partive kryesore, çoi gradualisht të majtën gjermane drejt kolapsit elektoral. Por shkaktoi dhe një humbje të vazhdueshme identiteti të botës konservatore, një pjesë e së cilës doli nga CDU që në vitin 2013. Duke i dhënë jetë në këtë mënyrë partisë: Alternativa për Gjermaninë, një parti që me kalimin e viteve ka marrë një qëndrim gjithnjë e më radikal dhe euroskeptik.

Në planin europian, aftësitë e Merkel në lidership, dolën në pah pas shpërthimit të krizës financiare botërore, kur në Shtëpinë e Bardhë, Barak Obama ishte i hutuar pasi nuk arrinte të kuptonte se kë të telefononte në Europë për t’u lidhur me një përfaqësues të vetëm të gjithë Bashkimit Europian. Në këtë mënyrë ish-presidenti amerikan vendosi t’i besonte Berlinit, duke gjetur tek Merkel një partner të besueshëm dhe të vendosur.

Në këtë moment nis dhe faza e krizës së borxheve sovrane. E para shpërthen në Greqi në fillim të 2010-s, kur qeveria e re e socialistit Papandreu pranon se deficiti efektiv i Athinës tejkalon 15 për qindëshin e Prodhimit të Brendshëm Bruto. Një lajm shokues për tregjet, në një kohë që vendi humbet besimin e investitorëve, dhe duhet një plan i shpejtë për t’i lejuar që të vazhdojë rifinancimin. Kancelarja gjermane nuk vendosi deri në momentin që atëherë presidenti francez Nikolas Sarkozi, gjatë një mbledhje europiane dramatike në muajin Maj, i bën të qartë se Gjermania duhej të pranonte të shpëtonte Greqinë, në rast të kundërt Franca do të dilte nga zona euro.

Merkel pranon të ndihmojë grekët, por me kushtet e saj: asistencë financiare të drejtuar nga Trojka, komiteti i tre kreditorëve të përbërë nga Bashkimi Europian, Banka Qendrore Europiane dhe Fondi Monetar Ndërkombëtar. Skela përdoret dhe për Irlandën dhe Portugalinë, ndërsa Spanjës do i mjaftonte heqja e sistemit bankar të 2102-s. Pra rasti i Greqisë do të rezultonte një tragjedi në planin ekonomik, financiar dhe social. Ende sot vendi ka një Prodhim të Brendshëm Bruto më të ulët se ai i 2007-s. Ndërkohë kriza e besimit në monedhën euro godet dhe Italinë në vitin 2011, duke detyruar qeverinë e ish-kryeministrit Berluskoni të japë dorëheqjen, e fundit e qendrës së djathtë në vend, duke shkaktuar tensione politike që rezultuan në bumerang për pjesën tjetër të Europës.

Pikërisht në këtë fazë Merkel nga njëra anë del në pah për këmbënguljen e saj në respektimin e rregullave për monedhën e përbashkët sidomos në planin fiscal. Dhe nga ana tjetër për paaftësinë në hedhjen e hapave përfundimtarë për të bërë euron një union monetar të kompletuar. E vetëdijshme se nuk e ka nga partia e saj mandatin për të reformuar zonën euro dhe për t’i dhënë fund krizës së besimit tek tregjet, kancelarja i imponon pjesës tjetër të zonës euro planin “Fiskal Kompakt”, një plan për reduktimin e borxheve sovrane deri në 60 për qind të Prodhimit të Brendshëm brenda 20 viteve.

Popullariteti i Merkel është i lartë në Gjermani deri në vitin 2015, ndërsa në pjesën tjetër të Europës ajo cilësohet si e hidhur dhe e paaftë për të shkuar përtej llogaritjeve ekonimike dhe për të kuptuar plotësisht dinamikën e krizës financiare në vendet e Bashkimit Europian. Ndërkohë ekonomia gjermane lulëzon, me papunësinë që është në minimum që nga ribashkimi i dy Gjermanive, eksporti është në kulmin e tij dhe llogaritë publike janë aktive.

Por popullariteti i Merkel fillon rënien e lirë kur ajo vendos të hapë kufijtë për një milion refugjatë pa kushte. Një vendim i marrë për të lehtësuar presionin tek shtetet e tjera si Austria dhe Hungaria, të cilat kërcënonin me mbylljen e kufijve dhe rivendosjen e kontrolleve për t’i dhënë fund në këtë mënyrë zonës Shengen. Merkel kupton se nëse një gjë e tillë ndodh atëherë do të rrezikohej mbijetesa e Bashkimit Europian, e cila mbështetet ndër të tjera pikërisht tek lëvizja e lirë e personave. Por ky është dhe fillimi i fundit të saj politik. Gjermanët, veçanërisht ata që e kishin votuar më parë, nuk e mbështesin këtë vemdim dhe votat për të dhe partinë e saj shënojnë një rekord negative historik.

Por mes gabimeve strategjike të kancelares nuk mund të mos përmendet ai i Brexit. Qeveria e Dejvid Kamerun i kërkoi Brukselit negociata për përmbushjen e disa kushteve që do i lejonin Mbretërisë së Bashkuar të qëndronte në Bashkimin Europian. Duke i dhënë fund një debati të brendshëm që vazhdonte prej një kohe të gjatë. Por komisionerët europianë, pikërisht për shkak të presionit të Berlinit nuk janë aspak të butë. Duke bërë që Londra në 23 Qershor të 2016-s, me dëshirën e 52 për qind të britanikëve, të vendosë për largimin nga Bashkimi Europian. Ndërkohë euroskepticizmi bëhet realitet në të gjithë shtetet e tjera, me Francën ku Marin Le Pen që vetëshpallet si anti–Merkel e Europës, të rrezikojë fitore. Macron në fakt arriti vetëm në balotazh të fitonte, por në këtë rast ishte e qartë se një pjesë e mirë e francezëve nuk kanë më besim në Bashkimin Europian. Në 2018-n zgjedhjet parlamentare në Itali konfirmojnë fitoren e forcave euroskeptike. Lind qeveria e parë anti–BE, e krijuar nga Lega dhe Lëvizja Pesë Yjet.

Çfarë Europe po lë pas krahëve Merkel? Në krahasim me kohën kur ajo hidhte hapat e parë si drejtuese e qeverisë gjermane, kontinenti i vjetër aktualisht nuk është shumë i bashkuar dhe i mbushur me keqkuptime në planin politik.  Kur presidenti francez Macron propozoi një vit më parë një reformë të zonës euro që të shkonte në drejtimin e një integrimi më të madh fiskal dhe politik në zonën euro, reagimi i qeverisë gjermane ishte i ftohtë dhe negativ. Por duhet pranuar se Merkel e gjeti veten në pozicionin e vështirë për të shpëtuar dekada projektesh politike dhe ekonomike që ende rrezikojnë të zhduken. Pasi ndodhen përballë mendimit sovranist nga një anë dhe nga përplasjet ekonomiko-financiare mes shteteve anëtare nga ana tjetër.

Merkel duhet të kuptojë se si të gjithë ata partnerë europianë që i qëndruan pranë, u ndëshkuan nga votuesit. Kështu ndodhi për presidentin francez, Sarkozi, në vitin 2012, dhe akoma më keq shkoi për pasardhësin e tij Hollande. Por dhe Mario Monti dhe qeveritë e Partisë Demokratike në Itali patën të njëjtin epilog. Analistët mendojnë se karriera e saj ishte patjetër ajo e një lidershipi, por dhe një rast i humbur për ta bërë Europën një projekt politik domethënës dhe jo vetëm një përzierje kufizimesh e legjislacionesh që depërtojnë në çdo aspect të jetës së gjysëm miliardi qytetarësh./abcnews.al

frei.png
G. P.10:16 | 01/11/2018

Raportuesi për Shqipërinë në grupin parlamentar gjerman CDU/CSU ka komentuar për Deutche Ëelle dorëheqjen e ministrit të Brendshëm Fatmir Xhafaj, si një hap pozitiv në drejtim të Europës.

Throsten Frei, raportues i grupit parlamentar CDU/CSU për Shqipërinë, largimin e ministrit të Brendshëm, Fatmir Xhafaj, e sheh si një hap përpara, edhe pse të vogël, në drejtim të Europës duke shprehur pritshmëri për rezultate të shpejta nga pasardhësi i tij.

“Është e vështirë të gjykosh së largu se cilat aknë qënë shkaqet e dorëheqjes së tij. Unë mendoj se dorëheqja është një tregues tjetër në drejtim të luftës kundër korrupsionit dhe krimit të organizuar, përkatësisht shkëputjes nga politika”.

Në mënyrë që Shqipëria të bëhet anëtare e Unionit Europian ajo duhet të bëjë edhe shumë më tepër në luftën kundër krimit të organizuar sipas Frei-t, pasi sipas tij gjendja është shqetësuese.

“Qeveria duhet t’i zgjerojë shumë më tepër dhe më me vendosmëri përpjekjet e saj në këtë sektor. Është e vërtetë që ndërkohë janë bërë përparime të mëdha me vettingun. Por unë jam ende shumë i shqetësuar për gjendjen e krimit të organizuar. Kjo pikë do të luajë në fillim të verës së ardhshme një rol shumë vendimtar, kur në tryezë të kthehet sërish çështja e negociatave të anëtarësimit”.

Të shtunën e kaluar, kryeministri Rama njoftoi pranimin e dorëheqjes së Fatmir Xhafajt nga posti i ministrit të Punëve të Brendshme dhe se në vend të tij do të emëronte këshilltarin e vet për çështje sigurie, Sandër Lleshaj./abcnews.al

XHAFAJ-NE-TWITTER-MBULIM.mpg_snapshot_00.01-1280x720.jpg
G. P.18:41 | 27/10/2018

Ish-minsitri i Brendshëm fatmir Xhafaj ka reaguar përmes rrejtit social Twitter mbi komentet e opozitës lidhur me dorëheqjen e tij.

Përbuz shpifjet dhe komentet neveritëse të kujtdo që s’mund të kuptojë dot se ka edhe njerëz në politikë që mund të jenë të lirë në çfarë bëjne dhe mendojnë – shkruan Xhafaj duke deklaruar se opozita me komentet për dorëheqjen e tij konfirmon edhe njëherë degradimin politik të saj. Ish-ministri deklaratën e vijon me një sfidë drejtuar opozitës: I sfidoj ata e cilindo, tanimë që nuk do të jem më ministër të provojnë akuzat e bëra ndaj meje.

Ish-kreu i ministrisë së rendit ka ri-theksuar se dorëheqjen e ka dhënë me vullnet të lirë dhe se vendimin e ka bazuar në principe dhe vlera njerëzore e institucionale. Dorëheqja erdhi tërësisht si respect për veten, e për kto standarte të shenjta për mua – përfundon në mesazhin e tij Fatmir Xhafaj./abcnews.al

SLLOVENIA-KOSOVA-ABCM3T1.mpg_snapshot_00.01.jpg
G. P.17:22 | 27/10/2018

Sipas mediave serbe pritet që shumë shpejt Sllovenia të tërheqë njohjen e pavarësisë së Kosovës. Kjo pas kërkesës që partia socialiste në vend i ka bërë presidentit dhe qeverisë për t’u tërhequr nga vendimi i marrë.

Partia Socialiste e Sllovenisë i ka dërguar një kërkesë me shkrim prësidentit të vendit dhe qeverisë, që të tërhiqen dhe të anulojnë njohjen e pavarësisë së Kosovës. Në letër thuhet gjithashtu se Sllovenia duhet të mbështesë integritetin territorial të Serbisë.

Gjithashtu theksohet se në vitin 2008 Sllovenia ka bërë një gabim shumë të madh duke njohur pavarësinë e Kosovës, duke iu kundërvënë një vendi mik si Serbia. Partia Socialiste e cila aktualisht nuk ka asnjë deputet në parlamentin slloven, këmbëngul se Kosova është një pjesë integrale dhe e pandashme e Serbisë ashtu si thuhet dhe në rezolutën 1244 të Këshillit të Sigurisë së Kombeve të Bashkuara.

Sipas kësaj partie që nga fillimi i krizës në ish-Jugosllavi në fillim të viteve ’80 Kosova është përdorur si instrument nga perëndimi. Në përfundim të letrës shkruhet se me tërheqjen e këtij vendimi duhet ti jept një mesazh i qartë perëndimit, se Sllovenia nuk do i nënshtrohet politikave të tij./abcnews.al

xhafaj-2-1280x720.jpg
G. P.11:29 | 27/10/2018

Fatmir Xhafaj, ministër i Brendshëm i tërhequr tashmë, ka dërguar një mesazh pas dorëheqjes nga detyra. Ai falenderon kryeministrin Edi Rama për besimin që i dha në këtë detyrë që zgjati prej më shumë se 1 viti.

“Pas më shumë se 1 viti në krye të Ministrisë së Brendshme, me vullnetin tim, i kam paraqitur Kryeministrit Edi Rama dorëheqjen time si Ministër i Brendshëm, duke e falënderuar për besimin e dhënë me emërimin në këtë detyrë të rëndësishme. Erdha në këtë detyrë për një mision të vështirë, shërbeva me pasion, me modesti dhe me devotshmëri në shërbim të shtetit, të ligjit dhe të qytetarëve”, thotë Xhafaj.

Ai shprehet gjithashtu se falë punës në krye të një ekipi me integritet e përkushtim arriti Ministra e Brendshme dhe Policia e Shtetit arriti suksese shumë të rëndësishme në forcimin e rendit dhe sigurisë në vend. Përveçse kolegëve vendas ai falenderon edhe partnerët e huaj për mbështetjen.

“Sfidat kanë qenë tepër të mëdha, por jam krenar se në krye të një ekipi me integritet e përkushtim në Ministrinë e Brendshme dhe Policinë e Shtetit, kemi mundur të arrijmë suksese shumë të rëndësishme në forcimin e rendit dhe sigurisë në vend, disa prej tyre të konsideruara të pamundura për vite të tëra. Falënderoj të gjithë ekipin, kolegët, miqtë e mi dhe veçanërisht familjen time, si dhe të gjithë ata që më vlerësuan, besuan dhe më mbështetën gjatë gjithë kësaj periudhe. Vlerësim dhe mirënjohje nga zemra për të gjithë ata gra dhe burra në uniformë, për gjithçka bënë gjatë kësaj periudhe në luftë me krimin dhe paligjshmërinë. Një falënderim i veçantë edhe për partnerët vendas dhe ata të huaj, agjencitë ligj zbatuese vendase e ndërkombëtare, mbështetja e të cilëve ka qenë një inkurajim shumë i rëndësishëm”, shprehet Xhafaj.

Këtë të shtunë, kryeministri Edi Rama në një postim në Twitter konfirmoi se ka pranuar dorëheqjen e ministrit të Brendshëm, Fatmir Xhafaj. Ai e falenderoi Xhafajn për kontributin e tij dhe njoftoi gjithashtu pasuesin e tij në krye të këtij dikasteri. Ministër i ri i Brendshëm do të jetë Sandër Lleshi, i cili më parë mbante postin e këshilltarit për sigurisë kombëtare./abcnews.al

sali-berisha1.jpg
G. P.10:03 | 27/10/2018

Gjithashtu, ish-kryeministri i vendit, Sali Berisha ka reaguar pas dorëheqjes së ministrit të Brendshëm, Fatmir Xhafaj. Sipas Berishës, Edi Rama shiti Xhafajn për të shpëtuar Vangjush Dakon. Kryetari i Bashkisë së Durrësit është vënë në qendër të akuzave të opozitës si të lidhur me bandën e trafikut të drogës në Shijak. Ndërkohë më teja në postimin e tij në Facebook, Berisha ka shkruar se në krye të ministrisë është vendosur sërish një vasal i tij.

“Edvini, kreu i meduzës, mafies shtetërore më të rrezikshme të Europës, shiti Xhafën për të shpëtuar Gjushin dhe lëkurën e tij! Të dashur miq, pas një beteje të furishme, opozita shqiptare ia doli t’i japë një goditje të merituar familjes mafioze Xhafaj, Agron/Geroni në burg dhe aty e ka vendin Fatzi Xhafa, njeru që futi në polici të gjitha metodat e punës të mafies së policisë sekrete hoxhiste për të mbrojtur lëkurën dhe karrigen e tij. Në një aspekt opozita ia doli. Por shtylla kryesore e botës së mafies, krimit të organizuar, korrupsionit, kreu i meduzës në Shqipëri është Edvin Kristaq Rama, i cili në një moment kritik për veten e tij sakrifikoi Xhafën për Gjushin dhe vendosi në krye të ministrisë një vasal të tij. Kakistokracia e Shqipërisë është në agoni. Asgjë, asnjë vasal as dhe patericë nuk shpëton Noriegën nga verdikti i afërt i revoltës popullore”, shkruan Berisha.

Këtë të enjte, Rama konfirmoi në Twitter se ka pranuar dorëheqjen e Fatmir Xhafajt si ministër i Brendshëm. Këtë post do ta mbajë gjenerali Sandër Lleshi.

/abcnews.al

arben-isaraj.png
G. P.16:18 | 22/10/2018

Ka dhënë dorëheqjen Drejtori i Përgjithshëm i Transportit Rrugor, Arben Isaraj.

Në shkresën drejtuar Ministrit të Energjitikës dhe Infrastrukturës, Damian Gjiknuri, Isaraj shprehet se ka marrë këtë vendim për të mos ndikuar direkt apo indirekt me pozicionin e tij të lartë administrative në pavarësinë dhe dhënien e drejtësisë në Shqipëri për të vëllain.

Mbrëmjen e 21 Tetorit, Altin Isaraj është ndaluar, shoqëruar dhe referuar nga Policia e Shtetit në organin e Prokurorisë për dy vepra penale./abcnews.al

AMBASADORJA-MBULIM.mpg_snapshot_00.07-1280x896.jpg
G. P.18:29 | 09/10/2018

Ambasadorja e Shteteve të Bashkuara në OKB, Niki Hejlli ka dhënë të martën dorëheqjen. Lajmin e bëjnë të ditur mediat amerikane, të cilat saktësojnë se presidenti Donald Trump ka pranuar dorëheqjen e saj. Largimi nga detyra e ish-guvernatores së Karolinës së Jugut ka ardhur si surprizë për administratën amerikane. Shtëpia e Bardhë nuk ka bërë asnjë koment zyrtar, por mësohet se Trump e priti zonjën Hejlli në Dhomën Ovale mëngjesin e së martës. Hejlli mori postin e ambasadores amerikane në Kombet e Bashkuara në janar të vitit 2017./abcnews.al

interpol.png
G. P.13:07 | 08/10/2018

Interpol konfirmoi me anë të një deklarate për media në profilin e tij në Twitter se ka pranuar dorëheqjen e Meng Honguei nga posti I drejtorit.

Vendi i tij do të zihet nga zëvendëspresidenti aktual, koreanjugori Kim Jing Jang.

Lajmi u bë publik menjëherë pas deklaratës së Kinës se Meng është vënë nën hetim nga prokuroria kineze për akuzën e korrupsionit.

Politikani kinez dyshohet se ka shkelur ligjin, ai rezultonte i zhdukur që nga data 29 Shtator./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono