donika prela

kostandinos-kacifas.png
ad min16:18 | 01/11/2018

Trupi i pajetë i 35-vjeçarit nga Bularati, Kostandinos Kaçifa gjendet në Institutin e Mjekësisë Ligjore, ku iu nënshtrua një ekspertizë të dytë pas kërkesës së familjes së tij. Për këtë ngjarje, konsulli grek i Gjirokastrës është takuar me shefen e Prokurorisë së Krimeve të Rënda, Donika Prela.

Për tërheqjen e trupit të Kaçifas konsulli grek i Gjirokstarës, Vasilis Tolios zhvilloi një takim tek Prokuroria e Krimeve të Rënda. Ai u prit nga kreu i organit të akuzës së Krime të Rënda, Donika Prela, ku temë e diskutimit ndër të tjerat ishte edhe përshpejtimi i hetimeve, ndërsa duhet të saktësohet mënyra e ekzekutimit të 35-vjeçarit, Kacifa, i cili kishte edhe nënshtetësi greke.

Të njëjtën ngjarje po e heton edhe prokuroia  në shtetin fqinj, që është bërë pjesë në këtë çështje me kërkesë të familjarëve të 35-vjeçarit. Ata pretendojnë për njëanshmëri në veprimet e kryera nga policia shqiptare gjatë operacionit në Bularat në Gjirokastrës.

Por Shërbimi për Çështjet e Brendshme dhe Ankesave në Ministrinë e Brendshme ka dalë në konkluzionin se, forcat Speciale RENEA kanë vepruar konformë rregullores dhe ligjit, përsa i përkët rastit të eleminimit fizik të Kostandinos Kaçifa.

Në këtë përfundim ka dalë edhe Drejtoria e Standardeve Profesionale, pasi më herët ishin vërejtur pamjet filmike të regjistruar nga kamerat e RENEA-s gjatë operacionit në Bularat të Gjirokastrës.

Sipas dinamikës së zbardhur për ngjarjen, mësohet se viktima ka hapur zjarr me breshëri automatiku ndaj mjeteve të Policisë së Shtetit, por edhe ndaj forcave “Shqiponja” të policisë së Gjirokastrës, të cilat erdhën në ndihmë, përpara se të mbërrinte RENEA nga kryeqyteti. Si provë materiale u sekuestruan, 31 gëzhoja pranë depos së ujit në Bularat si edhe 2 karikatore të zbrazur bashkë me armën automatike./abcnews.al

emiljano-shullazi-1280x683.jpg
ad min13:37 | 24/09/2018

“Çështja në ngarkim të Emiljano Shullazit, etj., ka qenë një ndër çështjet që në dy vitet e fundit ka tërhequr vëmendjen e opinionit publik. Emiljano Shullazi, Gilmando Dani, etj., janë akuzuar për vepra penale të rënda dhe opinionit i janë servirur si përfaqësuesit më të spikatur të botës së krimit. Jo gjithmonë e vërteta lidhur me këtë çështje është bërë e njohur dhe kjo ka krijuar në opinion idenë se po ndëshkohet një grup i rrezikshëm kriminal, ndërsa prokurorët e çështjes kanë marrë pamjen e kalorësve në këtë betejë kundër krimit.”

Kështu e kanë nisur avokatët mbrojtës të Emiljano Shullazit, Gilmando Danit dhe Endri Qyqjes letrën e tyre që i është nisur kryeprokurores Arta Marku dhe drejtueses së Prokurorisë së Krimeve të Rënda, Donika Prela.

Sipas avokatëve, kjo situatë ka dëmtuar shqyrtimin e paanshëm të çështjes dhe tashmë që dosja është duke u përfunduar rrezikon që të mos jepet vendim i bazuar mbi prova.

“Kjo situatë ka dëmtuar shqyrtimin e “ftohtë” dhe “të paanshëm” të kësaj çështjeje, ka dhunuar parimin madhor të prezumimit të pafajsisë dhe tashmë që çështja ka mbërritur në finish, rrezikon që paragjykimi dhe zhurma e krijuar rreth saj, të mos lejoje si përfaqësuesit e akuzës, ashtu dhe vetë gjykatën që të vendosin sipas “liberum arbitrium”, pra, sipas zgjedhjes së tyrë të lirë, sipas bindjes së bazuar mbi prova dhe vetëm mbi to”.

Në procesin kundër klientëve të tyre, avokatët rendisin disa shkelje ligjore dhe sipas tyre gjithashtu përmendet dhe fakti se çështja ka ndjeshmëri politike.

Letra e plotë dërguar Arta Markut dhe Donika Prelës:

letra1
letra2
letra3
letra4 (1)
letra4
letra5

/abcnews.al

SINKRON-ARDI-VELIU-PER-ARRESTIMET-BAJRI-ABC-M5-T1.mpg_snapshot_00.46-1280x720.jpg
ad min10:18 | 22/09/2018

Në një koferencë për mediat të drejtorit të përgjithshëm të policisë së shtetit Ardi Veliu dhe proceduesja e prokurorisë për krimet e rënda Donika Prela bënë të ditur të dhënat e reja në kuadër të operacionit “Forca e Ligjit”.

Të konsideruar deri pak kohë më parë si të paprekshëm, disa nga anëtarët e fisit Bajri të ashtuquajtur si të fortët e “Shkodrës”, kanë rënë një e nga një në prangat e policisë. 11 persona arrestuan dhe dy të tjerë u shpallën në kërkim në një aksion policor të shtrirë në Tiranë, Shkodër, dhe në Roterdam të Holandë. Këto janë pamjet e arrestimit të pjesëtarëve të gupit “Bajri” në kuadër të operaciont Forca e Ligjit të koduar ‘Oaz’.

Sipas kreut të prokurorisë së krimeve të Rënda, Donika Prela dhe Drejtorit të policisë së Shtetit, Ardi Veliu, hetimi kishte nisur të pakatën gjashtë muaj më parë, ku ndihmë ka dhënë edhe shteti Hollandës. Ndërhyrja operacionale është koordinuar mes grupeve të posaçme hetimore, në të dy shtetet duke shkëmbyer informacion intensiv. Ky grup është i dyshuar dhe po hetohet intensivisht për disa nga ngjarjet e fundit të ndodhura në Shkodër. Kreu i Grupit Safet Bajri i prangosur të premten në Tiranë “, dyshohet se në bashkëpunim edhe me persona të tjerë, brenda dhe jashtë Shqipërisë, se trafikonin lëndë të forta narkotike në shtete europiane dhe më pas paratë e përfituara nga ky aktivitet investoheshin brenda vendit./abcnews.al

ardi-veliu.jpg
ent ela10:20 | 21/05/2018

Drejtori i Përgjithshëm i Policisë së Shtetit Ardi Veliu është takuar me drejtuesen e Prokurorisë së Krimeve të Rënda, Donika Prela.

Takimi zhvillohet në ambientet e Prokurorisë së Krimeve të Rënda. Sipas burimeve të ABC News  mësohet se në takimin mes drejtorit të Policisë dhe drejtueses së Prokurorisë së Krimeve të Rënda diskutohet për bashkëpunimin mes institucioneve të tyre në kuadër të hetimeve të përbashkëta.

Ky takim është kërkuar nga Drejtori i Përgjithshëm i Policisë së Shtetit.  /abcnews.al

saimir-tahiri2.jpg
ad min21:05 | 12/05/2018

Gjykata e Krimeve të Rënda ka vendosur masën e sigurisë “arrest shtëpie” pëer ish-ministrin e Brendshëm, Saimir Tahiri. Vendimi që izolon në banesën e tij tek Kodra e Diellit Tahirin u firmos nga gjyqtarja e Krimeve, Liljana Baku pasditen e së shtunës. 

Në kërkesën e depozituar në gjykatë në orët e paradites, prokuroria kërkonte caktimin e masës “arrest në burg” për Tahirin, të dyshuar për akuzën e “trafikut të narkotikëve”, në kuadër të grupit të strukturuar kriminal dhe të “korrupsionit pasiv të zyrtarëve të lartë dhe të zgjedhurve vendorë”.

Por pas më shumë se 7 orë shqyrtimi të kërkesës dhe provave të paraqitura nga prokurorja, gjyqtarja Liliana Baku vendosi pranimin e pjesshëm të kërkesës, duke caktuar masën e sigurisë “arrest në shtëpi” për ish-ministrin e Brendshëm.

Së fundi, Prokuroria e Krimeve të Rënda ka marrë përgjigjet e dy letërporosive nga Greqia dhe Italia, ku janë kërkuar të dhëna nga autoritetet e këtyre vendeve në lidhje me Tahirin. Burime të ABC News konfirmuan se kërkesa është bazuar në të dhëna të përcjella nga këto letërporosi.

Në vjeshtën e shkuar, Prokuroria e Krimeve të Rënda i kërkoi Kuvendit të Shqipërise dhënien e autorizimit për caktimin e një mase shtrënguese ndaj deputetit në atë kohë Saimir Tahiri. Por duke mos u bindur nga provat e paraqitura nga prokuroria, mazhoranca në Këshillin e Mandateve dhe Imuniteteve votoi kundër kësaj kërkese. Më pas, Gjykata e Shkallës së Parë të Krimeve të Rënda me kërkesë të prokurorisë vendosi ndalimin e daljes jashtë vendit për ish-ministrin Tahiri, por ky vendim u rrëzua nga Apeli në muajin Dhjetor, duke i kthyer Saimir Tahirit pasaportën personale.

Kërkesa më e fundit e prokurorisë për arrestin e ish-ministrit të Brendshëm, për të cilin ka nisur një hetim që në nentor të vitit të shkuar, vjen vetëm një ditë pasi KQZ pranoi dorëzimin e mandatit të deputetit nga Tahiri dhe ia kaloi këtë mandat kandidatit të radhës Spartak Braho. Po ashtu kërkesa për arrestin e ish-ministrit të Brendshem u bë vetëm dy ditë pas emërimit në krye të Prokurorisë së Krimeve të Rënda të prokurores Donika Prela, që zëvendësoi prokurorin Besim Hajdarmataj, i cili gjithsesi vazhdon të mbetet një nga prokurorët e dosjes.

Pas vendimit të Gjykatës së Krimeve të Rënda, që i caktoi atij masën e sigurisë arrest shtëpie, Saimir Tahiri është i detyruar të zbatojë urdhërin për të mos u larguar nga banesa e tij.

Vendimi i Gjykatës iu komunikua Tahirit pasditen e së shtunës nga dy oficerë të Policisë Gjyqësore, në praninë e avokatit të tij, Maks Haxhia. Avokati pohoi se do ta kundërshtojë masën e sigurisë në Apelin e Krimeve të Rënda.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono