Donald Trump

donald-trump.jpg
in a12:40 | 25/01/2020

Ndërsa në senatin amerikan vijon procesi për shkarkimin, Donald Trump ka bërë një lëvizje strategjike në prag të zgjedhjeve presidenciale të muajit nëntor për të konsoliduar lidhjen e tij me elektoratin, duke marrë pjesë në marshimin për jetën në Washington. Kreu i Shtëpisë së Bardhë u shpreh se ishte një nder për atë, që të ishte presidenti i parë që merr pjesë në marshimin për jetën, kundër abortit.

Trump u shpreh se fëmijët ende të pa lindur nuk kanë pasur asnjëherë një mbrojtës më të fortë se ai në Shtëpinë e Bardhë. Presidentët amerikanë që në të kaluarën kanë kundërshtuar abortin si Ronald Regan dhe Xhorxh Bush nuk kanë marrë pjesë personalisht në marshim, për të shmangur që figura e tyre të lidhej me manifestuesit që kërkojnë të shpallet i paligjshëm aborti. Ata kanë zgjedhur bisedën telefonike për të ftuar organizatorët e marshimit në Shtëpinë e Bardhë.

Trump i cili në vitin 1999 ishte shprehur në një intervistë, në mbështetje të lirisë së zgjedhjes nga ana e grave, që në fushatën e parë elektorale kishte ndryshuar mendim. Ai tashmë kërkon mbështetjen e aktivistëve konservatorë, dhe e bën publikisht. Gjatë fjalës së tij ai u shpreh se demokratët kanë qëndrime radikale dhe ekstreme.

Ndërkohë në senat akuza e demokratëve përmbylli ekspozimin e çështjes për presionet e mundshme ndaj presidentit ukrainas Zelinski për të hetuar ndaj rivalit demokrat Xho Bajden dhe djalit të tij, si dhe për pengimin në hetimet e kongresit./abcnews.al

vokshi-1280x785.jpg
in a14:07 | 24/01/2020

Administrata Trump ka miratuar një sërë masash të reja për dhënien e vizës amerikanë për gratë shtatzëna, për të shmangur turizmin e lindjeve, për ata që dëshirojnë t’i japin nënshtetësinë amerikane fëmijëve të tyre. Rregullat e reja të publikuara nga departamenti amerikan i shtetit dhe që hyjnë në fuqi në 25 janar të këtij viti, vendosin se nëse zyrtarët e konsullatave mendojnë se një kërkuese vize turistike apo pune, mund të lindë gjatë qëndrimit të saj, atëherë autoritetet duhet të vendosin se kërkesa ka qëllim kryesor marrjen e nënshtetësisë amerikane për fëmijën.

Për të mund të marrë vizë, gruaja që aplikon duhet të vërtetojë ekzistencën e një arsyeje kryesore për udhëtimin. Departamenti amerikan i shtetit në deklaratën për media, thekson se industria e turizmit të lindjeve është rrezik për sigurinë kombëtare, pasi në të përfshihen rrjete ndërkombëtare kriminale. Lindja në territorin amerikan jo automatikisht të drejtën për nënshtetësinë./abcnews.al

kurtio.jpg
in a09:24 | 24/01/2020

Përfaqësuesi Special i presidentit të SHBA-së, Donald Trump, për dialogun Kosovë-Serbi, ambasadori Richard Grenell duket se për vizitën e tij në Kosovë ka zgjedhur të mbajë një qëndrim të distancuar nga media.

Në një lidhje me “ABC e mëngjesit”, analisti Albinot Maloku theksoi se Grenell ka mbajtur një qëndrim të distancuar nga media dhe se  diskutimet ishin të përqëndruara më shumë te çështja ekonomike.

“Edhe nga media u distancua, është përqëndruar më shumë të zhvillimi ekonomik. Grenell si punë kyçe ka çështjen e dialogut mes Kosovës dhe Serbisë. Mësohet se ka pasur diskutime për çështjen e formimit të qeverisë së Kosovës gjë e cila tashmë është shumë e rëndësishme. Kjo tejzgjatje nuk është pritur të ndodhte. Ende nuk ka konkretizim të hapave”, u shpreh Maloku.

Ndërsa sa i përket reagimeve për taksën ai u shpreh se taksa ishte si pasojë e rrethanave. Deri tani nuk ka pasur një qasje racionale. Vendimi i qeverisë Haradinaj ka qenë një lloj pengese për të ndaluar Serbinë në raport me çështjen e Kosovës. Nuk ka pasur deri më tani një qasje të ndryshme, përveç zotit Kurti i cili ka thënë se kjo taksë do të konvertohet.

/abcnews.al

mexa.jpg
in a07:32 | 24/01/2020

Autoritetet Meksikane miratuan masa më të ashpra kundër emigrantëve të Amerikës Qendrore.

Mediat e huaja shkruajnë se 800 prej tyre janë ndaluar pasi kishin hyrë në Meksikë në mënyrë të paligjshme. Emigrantët kishin hyrë nga Guatemala me qëllim që të arrinin kufirin në Shtetet e Bashkuara.

Kujtojmë që Meksika është në presion nga Presidenti i SHBA, Donald Trump i cili ka bërë thirrje për të marrë masa për lëvizjet masive të emigrantëve.

Ndërkohë Instituti Kombëtar i Migracionit njoftoi se kishte ndaluar 800 emigrantë, disa prej të cilëve ishin të mitur dhe të pashoqëruar nga familjarë. “Nëse statusi i tyre juridik nuk mund të zgjidhet, ata do të kthehen në vendet e tyre të lindjes, tha Instituti Kombëtar i Migracionit./abcnews.al

blerta-1280x720.jpg
in a10:04 | 23/01/2020

Presidenti i Kosovës, Hashim Thaçi, ka pritur mbrëmjen e djeshme të dërguarin special të presidentit Donald Trump për dialogun mes Kosovës dhe Serbisë, ambasadorin Richard Grenell.

Vizita e tij në Kosovë vjen pas arritjes së një marrëveshje për hapjen e linjës ajrore Prishtinë-Beograd.

Në në lidhje me “ABC e mëngjesit” me Enkel Demin, gazetarja Blerta Dalloshi Berisha raportoi se ambasadori është shprehur se në interes të tij është dialogu mes Kosovës dhe Serbisë.

Gazetarja bën me dije se Vetëvendosje ka deklaruar se është më e rëndësishme cilësia e marrëveshjes se sa afatet kohore. Ka pasur disa thumbime mes SHBA dhe Vetëvendosjes. Kujtojmë që Matthew Palmer, kishte deklaruar se investimet e huaja varen kryesisht nga marrëveshja Prishtinë Beograd, “ndërsa mbetet për tu parë se si do të reagojë sot Albin Kurti dhe ambasadori Richard Grenell”, raportoi gazetarja Blerta Dalloshi Berisha./abcnews.al

senati-1280x633.jpg
in a13:37 | 22/01/2020

Në seancën e parë për shkarkimin e presidentit Donald Trump, Demokratët dhe Republikanët janë përplasur ashpër. Republikanët nga ana e tyre kanë refuzuar kërkesat e para të demokratëve, përfshirë dhe atë për dëshminë e kreut të stafit të Shtëpisë së Bardhë, Mik Mulvanei.

Në tetor të vitit të kaluar ai kishte pranuar se presidenti amerikan kishte vendosur të bllokonte ndihmat ushtarake ndaj Ukrainës në formë presioni ndaj Kievit, në mënyrë që të nisnin hetimet për Xho Bajden, djalin e tij Hanter dhe demokratëve. Mulvanei më pas tërhoqi deklaratat e tij.

Një mocion i prezantuar nga lideri i mazhorancës republikane në senat, Miç Mekonell synon një proces të shpejtë, i kërkuar nga Trump, dhe ndoshta pa dëshmitarë të rinj e dokumente. Fillimisht republikanët refuzuan kërkesën e demokratëve për paraqitjen e provave të reja në proces. Mocioni për të votuar amendamentet e propozuara nga lideri demokrat në senat Çak Shumer, për thërritjen e dëshmitarëve dhe prezantimit të provave të reja, u bllokua nga 53 senatorë reoublikanë. Pro votuan 47 senatorë demokratë të cilët kishin nevojë opër 51 vota.

Më pas mazhoranca republikane në senatin amerikan votoi kundër dy amendamenteve që parashikonin marrjen e disa dokumenteve në departamentin amerikan të shtetit si dhe në zyrën e buxhetit në Shtëpinë e Bardhë. Këta të fundit në lidhje me bllokimin e ndihmave ushtarake për Ukrainën./abcnews.al

donald-trump-1280x785.jpg
ger ta15:31 | 21/01/2020

Deputeti iranian Ahmad Hamzeh, ka premtuar një shumë prej 3 milion dollarësh për këdo që arrin të vrasë presidentin Donald Trump.

Hamzeh është deputet për qytetin Kahnuj në provincën Kerman. Kerman ishte qyteti i lindjes së Qassem Soleimani, gjenerali i “Quds Force” i cili u vra nga një avion amerikan në 3 janar në Irak.

“Unë deklaroj në emër të popullit të Kerman se të gjithë Kermanis janë ushtarë të Haj Qassem (Soleimani) dhe të gjithë nuk kemi frikë të dëshmohemi. Ne i japim 3 milion dollarë kujtdo që vret Trump ”tha Hamzeh, në fjalimin e tij të martën në parlament sipas Icana, agjensia e lajmeve parlamentare e Iranit.

Ai kërcënoi Shtetet e Bashkuara, bazat e saj ushtarake  dhe ambasadat në rajon: “Do ta shijoni këtë realitet që Dëshmori Qassem Soleimani është më i rrezikshëm se Haj Qassim Soleimani”. Implikimi i tij është që udhëheqësi ushtarak është më i fuqishëm në vdekje sesa ai para se të vritej./abcnews.al

 

kosove-1.jpg
in a07:22 | 21/01/2020

Serbia dhe Kosova pritet të jenë të lidhura me linjë avioni pas më shumë se dy dekadash. Ky lajm u njoftua nga Berlini, pas ndërmjetësimit të ambasadorit amerikan në Gjermani, Richard Grenel, është pritur mirë edhe në Serbi.

Kompania operuese do të jetë Lufthansa gjermane dhe jo AirSerbia. Një marrëveshje mbi qëllimet është konfirmuar edhe nga ministria e ekonomisë, e cila ka firmosur marrëveshjen. Këtë hap e kanë përshëndetuyr zyrtarët amerikan, shumë ambassador dhe sekretari i përgjithshëm i NATO-së.

Ministrja e transportit në qeverinë serbe, Zorana Mihajllovic, ka thënë se rivendosja e linjës është një gjë pozitive.
Ndërkohë presidenti amerikan, Donald Trump ka reaguar në “Twitter” pas arritjes së marrëveshjes për kthimin e linjës së fluturimeve mes Kosovës dhe Serbisë.

“Të gjithë thanë se nuk mund të bëhet. Por, për herë të parë në një gjeneratë, do të ketë fluturime direkte mes Serbisë dhe Kosovës. Një tjetër fitore. Duke iu falënderuar Ambasadorit Robert O’Brien dhe Ambasadorit Richard Grenell”, ka shkruar Trump në Twitter.

/abcnews.al

trump-4.jpg
ger ta07:50 | 18/01/2020

Presidenti Donald Trump ka reagauar pas deklaratave të liderit suprem të iranit, Ayatollah Ali Khamenei, i cili e quajti kreun e SHBA kloun dhe terrorist.

Shefi i Shtëpisë së Bardë i ka kërkuar liderit iranian që të jetë i kujdesshëm me fjalët e tij.

“I ashtuquajturi ‘Lider Suprem’ i Iranit, i cili nuk ka qenë aq suprem kohët e fundit, ka thënë disa gjëra të pista për ShBA-të dhe Evropën. Ekonomia e tyre po shkatërrohet dhe njerëzit po vuajnë. Ai duhet të jetë i kujdesshëm me fjalët.”, tha Trump në postimin e tij./abcnews.al

b2_spirit_closeup_0.jpeg
Autor E09:39 | 17/01/2020

Katër zyrtarë të lartë ushtarakë amerikanë kanë paralajmëruar se një konflikt gjashtëmujor midis Shteteve të Bashkuara dhe Iranit mund të përshkallëzohet në një luftë bërthamore, veçanërisht nën Presidentin Trump dhe faktit Amerika ka armë të reja bërthamore.

Në një artikull të gjerë analitik të botuar në revistën amerikane Newsweek, William Arkin shkruan se Shtetet e Bashkuara kryejnë ushtrime bërthamore ushtarake çdo vit në fund të tetorit, ku së fundi është simuluar një stërvitje ushtarake me një skenar të një sulmi bërthamor në Iran.

Arkin, i cili ka shkruar disa libra mbi armët bërthamore, shpjegon se stërvitja bazohet në një skenar në të cilin Teherani fundos një luftëanijë amerikane dhe përdor armë kimike kundër marinsave amerikane, gjë që ccon në kërkesën e forcave në Lindjes së Mesme që të kërkojnë një sulm bërthamor në Iran.

Pas kësaj kërkese, dy avionë amerikanë B-2 Spirit, të armatosur me një bombë bërthamore, ngrihen në një kohë kur presidenti amerikan po shqyrton vendimin për të sulmuar.

Admirali Cecil D. Haney, ish-komandant i Komandës Strategjike të SHBA (STRATCOM), thotë se ushtrimet ushtarake që simulojnë një sulm bërthamor ndaj Iranit janë “një provë e pikave të forta përmes një seri skenarësh të kërkuar, duke konfirmuar sigurinë, sigurinë, efikasitetin dhe gatishmërinë e parandalimit strategjik” .

Newsweek shkruan se Amerika ka një armë të re bërthamore, të quajtur W76-2, duke shtuar se ajo përbën rrezikun që Trump të jetë në gjendje ta përdorë kundër Iranit, edhe pse nuk ka njoftime të qarta për ta bërë këtë.

Burimet ushtarake amerikane të përfshira drejtpërdrejt në planifikimin e luftës bërthamore thonë se nuk ka pasur ndryshime zyrtare në planet e luftës të lidhura me Iranin gjatë administratës Trump, por që vendosja e atyre që ata thonë se është armë “më e përdorshme” po ndryshon skenarët e luftës bërthamore.

Ata argumentojnë se aftësia e re bërthamore e Amerikës duhet ta inkurajojë Teheranin të ndalojë dhe të mendojë me kujdes përpara çdo sulmi të madh ndaj Amerikës ose forcave të saj.

“Ndërsa shkruhen planet aktuale për luftë bërthamore, përdorimi i armëve të tilla mund të justifikohej, siç është ajo që ndodhi në rastin e Luftës së Dytë Botërore të Hiroshima, si një shpërthim i papritur i rrufesë që do të parandalonte një luftë më të gjerë dhe teorikisht më shkatërruese”, arsyeton Arkin

Sipas tij, SHBA nuk e kishin këtë aftësi bërthamore një vit më parë.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono